tvb.com

 
 
   
tvb.com
 

看後感

我對 c9 是失望的。本來好難得有部戲,所有演員都是我喜歡的。

但真係無内容,劇本好好好馬虎,高寧同馬明之間無火花,拍不出 sweet sweet 的感覺。

我覺得整部戯,在不斷歌頌家庭主婦做工人的貢獻,其實應該歌頌香港的菲傭同印傭才對,因爲高寧做的,在現實大部分其實是香港的菲傭同印傭做的,不過工人偉大點,因爲回報比作 c9 小得多,好多時根本是住在不人道的所謂空間,還要比人罵,又沒有親人在身邊。

真係幾悶。

發表於 Posted on: 2020-09-28 1:40

LittleApril
帖數 Posts: 912
回頂端 / Top
我睇咗十集喇﹐如果話依部C9 劇本好馬虎?其實近幾年TVB 劇本都差不
多㗎喇!!!

《飛虎系列》《使徒行者系列》《白色強人》《鐵探》《多功能老婆》就
好啲囉!

發表於 Posted on: 2020-10-09 11:26

習彭
帖數 Posts: 245
回頂端 / Top
其實一直講明係——師奶特工喔。C9英文讀音諧音粵語師奶。而「師奶」粵語就是家庭主婦,所以一直都開宗明義講明主要係講師奶 or 家庭主婦。

再來就係呢套擺明喜劇,TVB喜劇最鐘意用呢啲諧音食字嘢,尤其係本劇監製,如無意外應該係鐘意拍喜劇或者喜劇嘅人,因為佢接落來嘅劇《木棘證人》、《異搜店》都係諧音食字,所以呢兩套劇如無意外應該都係喜劇。

學林志華監製話齋,喜劇就係「合理嘅荒謬」,所以套劇你睇落馬馬虎虎唔合理嘅嘢其實響喜劇角度而言係合理嘅。冇人叫你當佢係正劇去睇。你當佢《開心速遞》咁嘅劇去睇就啱啦。該監製嘅劇你都可以咁去睇。

By the way, 二手店嘅廣東話叫法唔係應該係「夜冷舖」咩?

發表於 Posted on: 2020-10-09 18:08

湖海洗我胸襟
帖數 Posts: 1446
回頂端 / Top
如果話依部C9 劇本好馬虎?其實近幾年TVB 劇本都差不多㗎喇!!!

----

哈哈,近幾年,我的確係好少看完一部TVB 的電視劇 (一年不會過過五部),大部分都係沒又看或只係看了幾集。

反而睇 TVB 的舊戲或日劇多些,有時甚至係大陸劇,而且這些會有追劇的意欲,有時會一連看幾集!

其實 C9 我集集都有看,雖然真係無意欲去追或天天睇,也不會坐定定睇或想重睇,但都會 catch up,一邊煮飯一邊睇。主要係喜歡 d 演員啦,同又無咩悲情。

半澤嗎,我就係個個禮拜定時坐定定看,好捨不得它完了。

發表於 Posted on: 2020-10-10 15:25

LittleApril
帖數 Posts: 912
回頂端 / Top
其實近幾年TVB 劇本都差不
多㗎喇!!!
=========================================
豈止近幾年,其實一直都比較馬虎。不過我反而覺得TVB啲劇一直進步緊。最近重溫《人在邊緣》同《天子尋龍》,《人在邊緣》套劇其實除咗注水,黎明嘅演技(當年來講)當時其實都好有問題,總係用力過猛。

《天子尋龍》相對嘅問題少咗好多。不過都有「腳踏七筒」呢啲嘢出現,但兩相對比,其實反而係進步咗。

發表於 Posted on: 2020-10-10 19:27

湖海洗我胸襟
帖數 Posts: 1446
回頂端 / Top
《飛虎系列》《使徒行者系列》《白色強人》《鐵探》《多功能老婆》就
好啲囉!
---

【飛虎一】的劇本係好的,2 就認真麻麻,有點走火入魔。 1 唯一的問題就是五小姐,我要 FF 因為她真係像人妖,好恐怖,不過同劇本無關。劇本問題就只是草草完場。

【使徒01】的劇本是好的,但二就認真麻麻。劇本最大問題是群星拱照快將四十歲又零演技的黃小姐扮小可愛。與劇本無關的,就係陳豪老了好有麻x佬 feel, 但就扮一個應該好形的角色。

【多功能】一集都無看,所以無意見。In gwneral, 我個人認為,沒有一邊好到爆另一邊就差到死的夫妻。物以類x ,一方如果真係好,根本不會選不好的一方走在一起。一方如果不好,另一方一早會知,只不過那時他對前度或其它人不好,對女方好,女方就好自私的覺得無問題,所以其實女方自己都是同類人,到自己成受害者時,也就不用扮可憐。所有婚姻有問題,都一定兩方都有錯。雖然男方有外遇是絕對錯,但女方也都應該好好反省自己的錯。所以所有歌頌離婚女人,並把所有錯都埋怨男方的戲,我真係無心機看,這套是一秒都無看過。

【鐵探】劇本好,好大膽。

【白色】劇本都不錯,如果 cut 了所有唐詠詩同馬明談情的戲份,會更好。但 medical 個案是有趣的,人事關係都寫得好。

發表於 Posted on: 2020-10-12 3:06

LittleApril
帖數 Posts: 912
回頂端 / Top
胡海,喜劇不代表垃圾劇本,喜劇是會令人開懷大笑的戯,不能用喜劇做藉口,就無料扮有料,胡亂寫一通。

你去看看【半澤植樹】吧。其實好多地方好好笑的,是喜劇。而日本社會,相信沒有人會像半澤同大和田這樣説話, 或要同事下跪的人 (除非神經病啦?!)也沒有像那個檢察官般,下屬說錯話就要攻擊下屬下躰的人,(這樣做要坐監吧?!)。這是【不合理的荒謬】,而不是【合理的荒謬】。但這些情節就好有喜劇同戲劇效果,并且,令觀衆看到咬牙切齒時突然有【出了氣】的感覺,現實中要受這類小人氣,卻什麽都不能做,但現在戯内就可以出氣了,大樂。

所以好的喜劇劇本,也一定要引起觀衆共鳴,令觀衆的情緒受到帶動,跟著劇情發展而走,由令觀衆覺得滿肚子是氣開始,直到得到發泄,(注意,是觀衆得到發泄,不是編劇的自我發泄)。

電視劇是要同觀衆交流,不是要觀衆看編劇的自慰,更不是要觀衆瞭解編劇的個人内心世界,而是編劇要理解觀衆的内心世界,才可以帶動他們的情緒。因此,雖然那些大叫同攻擊下體的戯,完全荒謬,但人物性格,就不能亂寫一通,反而一定要反映到現實中小人的那一套,觀衆才會看得投入,有共鳴,那見到他們落難,才笑的開心。

除了人物性格,那些商業同政治欺詐,也要合理但又要曲折離奇,這跟喜劇效果無關,而是要引人入勝,令觀衆拍案叫絕,所以不能以一句喜劇做藉口,就像白癡地亂寫,寫到以爲做抵押就等於對方有話事權,(你在供樓,就是把你的樓在銀行做抵押,但不代表銀行可以入住你的樓,天啊!)觀衆並不想要因爲編輯的無知而笑。

就算你不看日劇,都可以看看黃子華的【絕代商驕】,認證一下以上所我說的。不能以三歲白癡都懂的食字改個劇名,就交差當是好的喜劇,亂寫一通啊。

發表於 Posted on: 2020-10-12 20:34

LittleApril
帖數 Posts: 912
回頂端 / Top
都係一句,這個戲不是好差,我集集都有看,雖然不會追同坐定看,但會 catch up 同做家務時看,所以算係 OK 啦。

但我是失望的,因爲真係所有演員都係我喜歡的,好難得,連半個不喜歡的演員都無,所以我覺的劇本真係浪費了一班好好的演員。

劇本水準係真係不達標,而且馬明同高寧真係無火花,完全感受不到高寧對馬明有好深的愛意,高寧還是做那些好厲害同勢利的角色比較好。

發表於 Posted on: 2020-10-13 5:01

LittleApril
帖數 Posts: 912
回頂端 / Top
其實套劇我覺得最襯嘅係楊卓娜同馬明,佢兩個人組CP或者會啱feel啲,畢竟兩條友年紀差唔多。

發表於 Posted on: 2020-10-13 10:06

湖海洗我胸襟
帖數 Posts: 1446
回頂端 / Top
記得﹐陳慧珊在TVB拍的最後一部劇《波士早晨》﹐同黃智賢拍擋個部﹐
個劇情咪好馬虎囉!

發表於 Posted on: 2020-10-13 12:47

習彭
帖數 Posts: 245
回頂端 / Top
其實套劇我覺得最襯嘅係楊卓娜同馬明,佢兩個人組CP或者會啱feel啲
---

我有同感,其實看他們兩個舒服得多,有老夫老妻 feel,有溫馨的感覺。楊卓娜的語氣表情同動作,扮得似 c9 多 D。

發表於 Posted on: 2020-10-13 21:44

LittleApril
帖數 Posts: 912
回頂端 / Top
陳慧珊在TVB拍的最後一部劇《波士早晨》﹐同黃智賢拍擋個部﹐個劇情咪好馬虎囉!

-----

我只看了半集,就沒有看了,雖然我喜歡陳慧珊同黃智賢。

發表於 Posted on: 2020-10-13 21:47

LittleApril
帖數 Posts: 912
回頂端 / Top
現在有 【使徒 3】 同 【阿爺厨房】看,所有好野一起來!

但我下個禮拜開始多了份 contract job,反而無時間看了,所以要忍住不看 【使徒 3】,不然就沒精神工作了,哎!

發表於 Posted on: 2020-10-13 21:53

LittleApril
帖數 Posts: 912
回頂端 / Top
開玩笑一下:下部師奶劇:師奶驅魔人,領銜主演:馬國明、楊卓娜。

發表於 Posted on: 2020-10-14 10:54

湖海洗我胸襟
帖數 Posts: 1446
回頂端 / Top
師奶驅魔人,領銜主演:馬國明、楊卓娜。
-----

其實應該會好睇!不過可惜,無綫唔會拍,因爲楊卓娜年紀大了都未紅,真係有 D 像真人 C9,無女一甚至女2的號召力。。。處境劇簡中一兩集還可以,但要 carry 一套二十集的戯,唔會了。

其實都係睇無綫肯唔肯捧,楊嗎,無綫明顯無心,而她的老公又好又錢,不志在。

發表於 Posted on: 2020-10-15 13:20

LittleApril
帖數 Posts: 912
回頂端 / Top
「電視劇是要同觀眾交流,不是要觀眾看編劇的自慰,更不是要觀眾瞭解
編劇的個人內心世界,而是編劇要理解觀眾的內心世界,才可以帶動他們
的情緒。」
~~~~~~~~~~~~~~~
非常同意以上意見。但今時今日對TVB 出產的劇唔可能要求咁高㗎喇!
既然大家已經知道﹐從幕前到幕後﹐都缺乏專業和有質數人材。

不久前香港 HK01網站有文章寫到以及承認﹐內地的電視﹑電影演員專業
水平比香港藝人高﹐係因為內地演藝人員大部份畢業於北京﹑上海電影制
片廠﹑中央演藝學院﹐而TVB 的藝員訓練班﹐又如何同內地個三間學府
比美呢???

每年咁多落﹑選港姐﹐係又簽唔係咁有表演天份的又簽放入訓練班。睇見就
唔開胃喇!就如陳曉華個啲演出﹐唔該TVB 唔好咁快放佢喺咁重要位置喇!

最可悲的是九十年代﹑二千年TVB個啲有質數幕後人材都北上﹐等於支援
內地電視事業。所以有時睇到啲內地電視劇模式﹐係有啲 TVB以前個啲電
視劇味!

現時TVB出產的電視劇﹐反而﹑唔知係唔係因為想吸引更多年青觀眾﹐又
可能故事內容不足? 而將啲劇集制作或剪成 20集﹑速戰速決﹐結果劇集過
短有些故事情節來不及交代﹐就通過臺詞向觀眾交代﹑反正有些演員或導
演並不懂得通過面部表演變化來交代劇情﹐或者馬虎連接落去﹑又算拍成
一部劇交貨囉!。

我仍有睇TVB的劇﹐係因為我的母語係粵語﹐但越黎越少喇!。其實二千
年後好多內地啲醫療劇集拍得好過TVB㗎喇!故事內容更加丰富。

發表於 Posted on: 2020-10-16 11:48

習彭
帖數 Posts: 245
回頂端 / Top
其實應該會好睇!不過可惜,無綫唔會拍,因爲楊卓娜年紀大了都未紅,真係有 D 像真人 C9,無女一甚至女2的號召力。。。處境劇簡中一兩集還可以,但要 carry 一套二十集的戯,唔會了。

其實都係睇無綫肯唔肯捧,楊嗎,無綫明顯無心,而她的老公又好又錢,不志在。
==================================================================
預咗,我都係講下笑,9up一下。

發表於 Posted on: 2020-10-16 12:56

湖海洗我胸襟
帖數 Posts: 1446
回頂端 / Top
完全冇內容,劇情又假,太悶了!

發表於 Posted on: 2020-10-16 22:33

denischang
帖數 Posts: 1
回頂端 / Top
而TVB 的藝員訓練班﹐又如何同內地個三間學府比美呢???

-----

但以前那些,也是 TVB 藝人訓練班出身,但得 wor。例如梁朝偉,我真心覺得他一出道就好好演技。劉德華在【獵鷹】都好得,雖然演技有待改進,但樣子加氣質絕對不差於現在的中國大陸的新人。三哥就我小時候已經最喜歡他,所以我當然覺得他得,現在看他的舊戯,我還是覺得他好得,這個可能是偏見,不算,哈哈哈。還有好多好多。。。

點解以前得,現在不得呢?是不是現在的訓練班真係垃圾,因爲有個垃圾導師啊蛋,他自己都不會做戯,又不是導演或監製,而是找不到工作那類人,所以唯有去做導師,這樣真係好有問題。

把港姐送去做女主角這個做法,也真是好大問題,簡直是虐待觀衆!!不過以前這樣做,係得,因爲翁美玲都係這樣,而且謝寧在【狄青】中都好出色,絕對不感到她是新人或好難定,所以歸根到底,是不是又是因爲現在的訓練班真係垃圾呢,以前的訓練班就有料?

發表於 Posted on: 2020-10-17 5:01

LittleApril
帖數 Posts: 912
回頂端 / Top
其實二千年後好多內地啲醫療劇集拍得好過TVB㗎喇!故事內容更加丰富。

----

有什麽好介紹啊?我最愛看醫療或警察同律師劇集。我看過一部由勒東同白百何做的醫療戲,可是就是受不了,要棄劇。首先,勒東實在太難看,又肥又鬆弛,成個大叔扮小生,不大好吧。我也不知為什麽,其實做大和田那個日劇的男角,都好難看,不過我還是好喜歡看大和田做戲;但勒東我就受不了,一看到他,我滿腦子就想請他減肥,雖然我自己都肥到似豬,不應該這樣看他。其次是白百何,搞婚外情,我也是受不了(男女演員搞婚外情,我都不喜歡看他們)。

發表於 Posted on: 2020-10-17 5:13

LittleApril
帖數 Posts: 912
回頂端 / Top
啊,習彭,請看看啊爺爺厨房第五集,啊爺切龍蝦時,導演又來個不斷轉 wide shot 同 close up,鏡頭遠近不斷轉,看到我頭都暈,以爲我在看 music video,所以劉江真係罵得對。

也許是抄 Gordan Ramsy 的 show,所以來個不斷轉 wide shot 同 close up,但又因爲沒有腦,所以亂抄表面那一層,卻不明白如何應用不同 shot 的道理,結果東施效顰。Gordan 煮水煮蛋時,Gordan 把水打轉起來同隻蛋在水中轉,close up 是可以看到好清楚的,讓觀衆知道水的速度應該如何, and what to expect when the egg is in,不會突然這個時候來個大 wide shot,把 Gordan 都變到成個公仔般小,更別説要看到水同蛋了。

發表於 Posted on: 2020-10-17 5:27

LittleApril
帖數 Posts: 912
回頂端 / Top
但以前那些,也是 TVB 藝人訓練班出身,但得 wor。現在不得呢?是不是
現在的訓練班真係垃圾,因為有個垃圾導師阿蛋。
所以劉江真係罵得對。
~~~~~~~~~~~~~~~
一個作品的好壞﹐一間公司的表現﹐肯定唔會係單一個部門有問題?從某
些訪問得悉﹐六嬸方小姐要求好高駕!梁朝偉﹑三哥個時八九十年代﹐我
相信﹐從上置下TVB所有部門對制作的要求好高!從港臺節目《講東講西》
的劉天賜那裡聽過﹐當年TVB 藝員訓練班每年招生過程非常嚴謹﹐而招生
人員水平比宜家高﹐同宜家好唔同﹐言下之意宜家的好差。
再者﹐通過好多九十年代TVB 離巢藝人的電臺或電視專訪得知﹐梁朝偉﹑
三哥嗰個年代的藝員比宜家個啲勤力好多﹑更能吃得苦!宜家啲九十後訓
練班學員﹐基於佢地父母比咗個條件好的成長環境佢地﹐開晒名牌車咁去
TVB 讀藝員訓練班㗎!

其實講宜家新一代不如九十年代以前的﹐又何止係劉江。又何止只係TVB
呢!講講我自己的親身經歷啦!當年我被調到一個重要工作崗位﹐我擔心
扛不住想同主管講唔接受﹐但個時根本唔到你選擇接或不接﹐只能硬頂上
。而當時我接手呢﹐係先做草稿記錄﹐再回家回憶重新整理完整 process
and procedure 。但到咗 2010年當我帶新人時﹐佢的主管同我講﹐宜家啲
新人可以無理由就拒絕接受或唔喜歡公司安排的職位﹐不像我當年!在
training 過程唔多想聽你講﹐就更唔使講咩做好接手筆記喇!

發表於 Posted on: 2020-10-17 10:45

習彭
帖數 Posts: 245
回頂端 / Top
完全冇內容﹐劇情又假﹐太悶了!
~~~~~~~~~~~~~~~
無可否認C9 的劇情係唔掂㗎喇!我諗TVB 都知道依個問題﹐要不然點會拍
好咗咁耐都唔播出?今次突然換上﹐我肯定主因係因為高海寧㗎喇!

發表於 Posted on: 2020-10-17 10:57

習彭
帖數 Posts: 245
回頂端 / Top
原先係為捧高海寧,但人算不如天算,師9真係悶到出汁,平均收視創新低只得19.6, 捧鬼咩!

發表於 Posted on: 2020-10-17 12:43

danng456
帖數 Posts: 186
回頂端 / Top
這個創新低的平均收視,證明觀衆還是懂熄機或轉台,哈哈。
我看了首半集已經決定不看,到第二十集的結局下半場,以爲有一些精髓,所以看看,結果不夠一分鐘就吃不消,關機。唉!

發表於 Posted on: 2020-10-17 16:17

卓姿
帖數 Posts: 163
回頂端 / Top