tvb.com

 
 
   
tvb.com
 

支持《殺手》係今年最佳劇集!

>>>>>>漫漫殺手慢慢談<<<<<<

喺喱套劇集最精采最有特色的地方就係表現手法!
每個人物的關係都是綰結牽連在一起,人物的組合都是相互映襯,
所以每個畫面出現的人物都是雙數,而且人物的對白都是先確立一個主題,然後互相發表相互的映襯得出結論來衍生劇情,而且每集都會有一段至數段的黑色幽默冷笑話,是個非常有心思的設計。在香港的電視劇是不常見的!
創造電視界的殺手的童話雖然只差這一小步,但奪取最佳的劇集已手執牛耳唾手可得。

發表於 Posted on: 2020-07-14 20:11

永亮
帖數 Posts: 87
回頂端 / Top
個人最記得嘅殺手題材電影就係《赤裸羔羊》同埋《赤裸特工》。

赤裸羔羊,任達華、邱淑貞、吳家麗、許紹雄主演,

赤裸特工,Maggie Q,吳彥祖、安以軒、鄭佩佩主演。

尤其係後者,其實比較鐘意程小東嘅武指風格。記得第一次睇係響電影院睇,廣東話版。後尾自己又download咗個無刪減版。不過就只有國語同英語兩個版本,習慣睇英文版。

發表於 Posted on: 2020-07-14 20:26

湖海洗我胸襟
帖數 Posts: 1107
回頂端 / Top
講到喺電影中的殺手最殘忍的殺手就係 (絕橋智多星 )
嗰兩個雌雄殺手先將黃秋生的老婆先姦後殺,再將黃秋生雙眼戳盲再用炭燒破喉嚨再挑斷手根腳根、黃秋生嗰女雖然喱埋咗但嚇到傻咗講唔到嘢,都可以係最成功又最殘忍嘅雌雄殺手,你話係唔係!

發表於 Posted on: 2020-07-14 20:47

永亮
帖數 Posts: 87
回頂端 / Top
在電影最豬髧兜嘅殺手就要數喺 (猛龍過江 )嗰個豬髧兜嘞
手拿AK47仲有埋紅外線瞄準器,咁都打唔中李小龍,仲要俾李小龍用竹飛鏢射穿嗰籮柚騎呢拐咁走咗,真係笑爆咀。

發表於 Posted on: 2020-07-14 21:05

永亮
帖數 Posts: 87
回頂端 / Top
電影殺手逐個捉、、、本討論話題是和殺手劇集絕冇關係、純粹係發牙痕和提供啲有趣殺手俾大家參考和懷緬以前電影嘅殺手啫!大家都嚟玩玩呵
先講啲女殺手吖,一講女殺手大家都會想起陳寶珠嘅女殺手所以唔洗我多講嘞!
喱套又係女殺手
[ 女殺手 ] 1971年邵氏出品、何莉莉主演,何莉莉緊喺嗰個女殺手啦。
如果而家再番睇有好多懷緬的地方,本片一開始嘅外景就係當年嘅啟德遊樂場,而家緊係拆咗啦!而且何莉莉由遊樂場逃跑橫越當年新蒲崗工業區嘅兩旁街邊小食檔都唔見啦。
[ 紅場飛龍 ] 1990年港產片、許冠傑、張曼玉、利智、吳家麗、李麗珍、李麗蕊主演
喺當年係最強勁嘅卡士,殺手又多剩係女殺手都有三個 (利智,吳家麗,李麗珍 )
李麗珍未出過去殺人就死鬼咗,最正嗰場戲緊係利智香汗淋漓紋條龍喺許冠傑背脊嗰度嗰場戲啦!本片是改編自日本漫畫和動漫嘅淚眼煞星、
講開又講吖,本殺手劇集龔嘉欣的一滴淚大頭片頭相就係同許冠傑喱套戲嘅海報相同出一轍,
不過我見一個係男殺手一個係女殺手吻合度不足所以我冇給大家介紹啫,遲啲我會講番龔嘉欣喱個女殺手!
[ 西藏小子 ] 1992年港產片,元彪、李嘉欣、利智主演。係呀又係利智呀喱個女殺手今次仲勁又有特異功能打到元彪索哂氣!

發表於 Posted on: 2020-07-15 1:57

永亮
帖數 Posts: 87
回頂端 / Top
電影殺手逐個捉、、、、女殺手篇

[ 十八般武藝 ] 1982年邵氏出品,劉家良、劉家輝、傅聲、恵英紅主演
本片非常有觀賞價值、意念新穎形形色色的殺手武打場面鋪排賞心悅目
有神打派的殺手,茅山派的殺手、術士派的殺手
惠英紅就係神打壇的女殺手,係李蓮英授意嘅特務殺手去追殺義和團二舵主雷公。
剩係睇片頭介紹茅山壇嘅功夫惠英紅嗰段以值回票價。在中段三派互鬥嗰場戲仲出彩。

發表於 Posted on: 2020-07-15 2:56

永亮
帖數 Posts: 87
回頂端 / Top
《西藏小子》都好耐咯。

發表於 Posted on: 2020-07-15 6:34

湖海洗我胸襟
帖數 Posts: 1107
回頂端 / Top
喱套戲你有冇睇呀,有場戲好鬼好笑,喬宏叫元彪露一手特異功能俾大家睇,元彪就拎起張檯布叫人行過去,啲人唔係幾信、喬宏就話大師真係得㗎等我行先,( 隱咗身嘅利智、、、好,等我整蠱下你哋先 ) 喬宏穿過張檯布就一絲不掛跟住張檯布自動飛起見人就追,啲人嚇到嘩聲四起雞飛狗走,然後就專追住李嘉欣,李嘉欣就一巴冚落元彪度你好卑鄙呀,元彪就話唔係我呀我都唔知點解㗎。真係好鬼好笑笑到咀都歪埋!

發表於 Posted on: 2020-07-15 9:57

永亮
帖數 Posts: 87
回頂端 / Top
呢部細個嗰陣經常睇。嗰時嘅利智好鬼索。

利智嗰班係黑教嘅人,即係西藏本土宗教苯教嘅。

發表於 Posted on: 2020-07-15 10:58

湖海洗我胸襟
帖數 Posts: 1107
回頂端 / Top
電影殺手逐個捉 、、、、女殺手篇

[ 平安夜 ] 1985年港產片,黃錦燊,陳欣健、夏文汐、王小鳳、胡茵夢、沈德寶莉主演
女殺手係XX戀又係XX戀,喱套戲非常之好睇㗎,在當年嘅香港喱個題材係非常之大膽,而家就普通啦,喱套戲嘅氣紛營造得好好,前大半段戲你都唔知邊個係殺手,直到黃錦燊被捉咗差啲連(XX)就嚟要剪嘅時候,喱個傻裡傻氣嘅夏文汐先至趕到,係拍得非常緊張好好睇嘅電影,差啲唔記得講邊個係女殺手、就係王小鳳囉。

發表於 Posted on: 2020-07-15 12:11

永亮
帖數 Posts: 87
回頂端 / Top
原來喱度係有敏感字㗎,XX嘅字就係攪咗我成半個鐘都(登陸)唔到

發表於 Posted on: 2020-07-15 12:15

永亮
帖數 Posts: 87
回頂端 / Top
[ 奇緣 ] 可以話係程小東嘅另類殺手電影、喱套戲冇睇過就走寶嘞
藍潔瑛好靚朱寶意都好靚。朱寶意有特異功能過咗啲氣功俾周潤發去對付巫師殺手。
剩係睇開場冇幾耐有成二三十隻大笨象群和片尾那場氣功大戰都值回票價。

[ 奇緣 ] 1986年港產片

發表於 Posted on: 2020-07-15 13:00

永亮
帖數 Posts: 87
回頂端 / Top
我年紀細,所以冇睇過好正常。

細個嗰時睇電影都係睇老翻多,「奇緣」就睇過多少,但自己就唔係咁喜歡。所以冇睇落去。不過以前鐘意睇都係睇返啲武打片多。

以我當時嘅年紀來講,最鐘意睇嘅就係周星馳嘅電影。劇集就鐘意睇廖偉雄嘅。不過都係睇翻版VCD同錄像帶VCR多,細個嗰時就係貪呢啲片夠好笑。

係後尾開始大個睇武俠小說就先開始鐘意睇啲武打片。到嗰時先睇返多少成龍、李連杰嘅電影。不過成龍嗰部《奇緣》我就唔鐘意睇咁咯。反而鐘意睇李連杰嘅《黃飛鴻》系列多啲,同埋《中南海保鏢》呢啲電影。

到去咗大馬就開始睇啲西片,荷里活片同埋開始睇美劇。講起李連杰,好似都有部講殺手嘅《龍之吻》(Dragon Kiss)

發表於 Posted on: 2020-07-15 17:52

湖海洗我胸襟
帖數 Posts: 1107
回頂端 / Top
不過講起殺手題材,其實仲有一部電影我自己就好鐘意。就係《Mr. and Mrs. Smith》,中文片名唔知叫乜。

Brad Pitt同Angelina Jolie主演,亦係當年兩人嘅定情作品。超級經典。Brad同Angelina隸屬於唔同嘅殺手公司,都係收單做事。五六年前佢哋響唔知道對方身份嘅情況下因為執行任務而偶遇相戀,跟住結婚,但五六年後,因為生活太過平淡於是去某啲調解公司度傾。

跟住佢哋就獲接派任務去殺同一條友,亦都發現咗對方嘅存在,跟住就被兩間公司落order要佢哋殺咗佢哋嘅另一半,但結果都殺唔成,兼落唔到手,跟住發覺其實係兩家公司一早發覺佢哋兩個殺手結咗婚,於是要殺咗佢哋,跟住佢哋就展開咗亡命天涯嘅旅程。然後亦都唔再離婚。

發表於 Posted on: 2020-07-15 18:05

湖海洗我胸襟
帖數 Posts: 1107
回頂端 / Top
湖海兄,是否《史密夫決戰史密妻》?
他們之後撻着,Jennifer 慘被畢佬飛。

發表於 Posted on: 2020-07-15 18:16

慌張西望
帖數 Posts: 86
回頂端 / Top
應該係。

發表於 Posted on: 2020-07-15 19:14

湖海洗我胸襟
帖數 Posts: 1107
回頂端 / Top
趴街,前晚失眠直頭夢遊……

發表於 Posted on: 2020-07-16 11:19

湖海洗我胸襟
帖數 Posts: 1107
回頂端 / Top
>>>>>>漫漫殺手慢慢談<<<<<<

第十四集 : 摔跤絕招、連環三式、、、火鳥翔舞、延髓斬
原本我係想等埋其餘嘅女殺手登場才一併討論,但係今集樊亦敏打得太精采啦!
萬天紅突然使出>熊抱>肌肉炸彈摔>迷魂鎖、連環三招一氣呵成乾淨俐落。
而閻武解拆喱招迷魂鎖又幾新奇創意。本劇集的動作場面武指應記一大功。
喱三招係出自燕子十八翻(又名燕青拳) 以前電視有個摔角大賽嘅節目摔角者所用嘅招式就係出自這種拳法。、、( 李小龍在電影龍爭虎鬥就係用喱種武術嚟鎖死洪金寶㗎嘞 )
萬天紅手持嘅武器名為九節軟鞭屬於奇門兵器。
龔嘉欣飾演嘅易蘭所施展嘅腿法也是燕子十八翻的下三路招式中之 ( 火鳥翔舞 )( 延髓斬 )
施展者係凌空飛撲雙腳連環踢躂來鉗制敵人、旋轉運用腳踭腳尖攻打人身穴道尤其是下陰、
易蘭手持嘅兵器係蛻變於峨嵋刺,是屬於十八般武器之一種亦是女性多常用的兵器,其招式變化多端近身攻擊凌厲霸道所謂一寸短一寸險就你形容喱種武器。
龔嘉欣演繹得靈活如豹真係似個豹妹酷得有點冷、、一絕!

發表於 Posted on: 2020-07-17 12:19

永亮
帖數 Posts: 87
回頂端 / Top
空中連環飛腿然後鉗制乜唔係叫做「奪命鉸剪腳」咩?不過佢今次頂多都只係「佛山無影腳」。

一個係當年《超級學校霸王》入面將軍嘅絕招,一個係黃飛鴻嘅絕招。

發表於 Posted on: 2020-07-17 17:57

湖海洗我胸襟
帖數 Posts: 1107
回頂端 / Top
支持

發表於 Posted on: 2020-07-19 7:14

JesseMagee
帖數 Posts: 25
回頂端 / Top
其實我覺得有多少係借鑒北條司嘅作品例如《天使心》。陳豪嗰part就借鑒《城市獵人》。

《城市獵人》同《天使心》係share世界觀。《天使心》裡面槙村香已經去世,個心臟捐咗畀一個殺手。好似後來又有同犽羽獠(N年前譯名孟波)有拍檔。

發表於 Posted on: 2020-07-19 15:01

湖海洗我胸襟
帖數 Posts: 1107
回頂端 / Top