共 1 帖 • 第 1 / 1 頁
《浪漫G弦》平淡中的愛情劇 |
|
|---|---|
|
之前新春蜜蜜睇農曆年一連三日播放的《浪漫G弦》，由於時間所限，一直未有寫劇評，《浪漫G弦》預期話係一套愛情劇，不如話係一套透過小提琴互相連繫再成長的治瘉劇，也映子經歷男朋友悔婚，失業，理人鍾意眞於去學拉小提琴，而家庭主婦北河女士因老公出軌寄情於小提琴，總而言之三個人透過小提琴班，由相識變成朋友的故事。
至於感情戲方面其實真係好平淡，也映子同理人透過互相傾訴心事，最後走埋一齊的情節，無令人心動的男女主角互動，情敵方面每次出場都係對劇情零幫助，所以其實想睇感情戲就唔好睇這套劇，唔係會令你失望。 至於三個成長部分，其實劇情無高潮起伏，也映子無因為透過小提琴班而可以轉職去音樂行業發展，理人對眞於個段感情戲最後無疾於終，北河女士最後都無同老公離婚，其實過程都係平淡，轉拆位又唔夠，又唔係好似《不結婚的女人》係對白上諷刺現今職業女性所面對困難。 總而言之這套劇定位上有問題，純愛劇無純愛劇感覺，生活情景喜劇略為平淡，難怪這套劇係日本收視咁差，係火十檔口碑都麻麻，無咩迴響。 |
|
共 1 帖 • 第 1 / 1 頁
