tvb.com

 
 
   
tvb.com
 

有村架純討論區

自從睇完《中學聖日記》後,深深被有村架純吸引,以前睇過她演出的日劇《海女》,《失戀朱古力》,對她都無咩特別感覺,但今次演出令人眼前一亮,好多內心戲獨白,將本身主角性格壓抑完全表現出來,仲有導演拍到末永聖好靚,唔知明晚播的《雛鳥》表現又如何,值得期待。

發表於 Posted on: 2020-07-21 18:57

always123
帖數 Posts: 229
回頂端 / Top
有村架純係《雛鳥》個造型麻麻,同係《中學聖日記》有好大對比,暫時睇了一個禮拜《雛鳥》,劇情節奏相對慢,要等到出東京先好睇。

發表於 Posted on: 2020-07-31 0:21

always123
帖數 Posts: 229
回頂端 / Top
雛鳥好睇, 有村架純做個鄉村少女, 十分清純, 好睇

發表於 Posted on: 2020-08-03 21:00

jyuksiu
帖數 Posts: 77
回頂端 / Top
+1

發表於 Posted on: 2020-08-09 17:02

wingchangt
帖數 Posts: 4
回頂端 / Top
有村架純主演富士台十月期火九劇《姐姐的戀人》由岡田惠和擔任編劇。有村架純飾演的是一個女人養育三個弟弟的安達桃子,在他們各自成家後,某天在工作時遇到比她年長的有為青年吉岡後,所展開的愛情與家庭喜劇。

發表於 Posted on: 2020-09-03 1:18

always123
帖數 Posts: 229
回頂端 / Top
J2係7月重播2017年有村架純主演NHK晨間劇《雛鳥》,又會咁巧合,J2重播完轉過頭日本有新劇上。

今次新劇《姐姐的戀人》又係岡田惠和擔任編劇,《雛鳥》就係由岡田惠和執筆寫劇本,今次再度合作,唔知TVB會唔會買這套放myTV Super緊貼日本播放。

發表於 Posted on: 2020-09-03 1:24

always123
帖數 Posts: 229
回頂端 / Top
其實有村架純係《雛鳥》係主角,但實際上戲份比其他配角唔算多,自從峰子搵翻失蹤多年失散已久的阿爸,戲情中心已經唔再係峰子,反而係其他角色身上,但問題係其他角色能否支撐住劇情就係中點,好似時子演藝事業個段無吸引力可言,反而由香個性格仲吸引,有少少反叛但係外人眼中係好乖巧,但出場太少,仲有純一郎之後無再同峰子相遇,又好可惜。

到後段峰子後段性格反轉,變成一個多管閒事的人,走去幫由香同世津子個段完全格硬堆砌,編劇走去格硬營造阿秀同峰子係埋一齊,睇到莫名其妙,人物過多令劇情無開初般細膩。

發表於 Posted on: 2020-09-10 3:08

always123
帖數 Posts: 229
回頂端 / Top
下星期二開播的《姐姐的戀人》卡士豪華,男主角林遣都,配角有好多實力派演員助陣,有藤木直人,小池榮子,奈緒,和久井映見。而編劇係《雛鳥》岡田惠和就有d擔心,節奏緩慢,不過今次係喜劇,今次係有村架純最強陣容出戰,可唔可以收復失地。

發表於 Posted on: 2020-10-20 1:54

always123
帖數 Posts: 229
回頂端 / Top
J2今年接連播出有村架純的作品,加上《姐姐的戀人》同係《雛鳥》班底製作,唔知TVB會唔會破例買來放myTV Super緊貼播放,始終今年TBS日劇因疫情關係停播原有夏季劇,照計TVB唔夠日劇存貨。

發表於 Posted on: 2020-10-20 2:00

always123
帖數 Posts: 229
回頂端 / Top
《姐姐的戀人》主題曲由Mr children主唱,Mr children剛剛唱完《錢的盡頭是愛情的開始》劇集主題曲,咁快又作新歌。

發表於 Posted on: 2020-10-24 0:38

always123
帖數 Posts: 229
回頂端 / Top
《姐姐的戀人》下星期二係關西電視台開播,富士木曜劇集《魯邦的女兒2》第二集跌至6%水平,真係唔敢期望這套劇開播有高收視,有8-9%已經好好。宜家只係希望劇本有合理水平,唔好好似《雛鳥》係後段劇情大暴走。

發表於 Posted on: 2020-10-24 0:45

always123
帖數 Posts: 229
回頂端 / Top
《姐姐的戀人》首集開播有9.2,睇日本網評話似睇緊《雛鳥》,而近年關西火九劇都係第一集收視高,第二集急跌,希望第二集《姐姐的戀人》收視可以繼續維持。

發表於 Posted on: 2020-11-02 15:24

always123
帖數 Posts: 229
回頂端 / Top
第二集急跌6.2,比木曜《魯邦的女兒2》好,睇來富士收視差到做咩都無人睇,仲有《魯邦的女兒2》最新一集4.9,跌破3點好快打破《前男友狂》最低收視記錄。

發表於 Posted on: 2020-11-06 18:37

always123
帖數 Posts: 229
回頂端 / Top
《姐姐的戀人》第三集不跌反升至7.3,而編劇岡田惠和以細膩感情戲為主,之後開始步入高潮,應該可以吸引觀眾,後段收視有望回升,Viu買這套走去買《魯邦的女兒2》認真傻,無論卡士內容都無得同走晨間劇風的《姐姐的戀人》比。

發表於 Posted on: 2020-11-11 23:07

always123
帖數 Posts: 229
回頂端 / Top
有村架純新劇「離地」拖累收視

【明報專訊】《中學聖日記》女星有村架純伙拍《大叔的愛》男星林遣都合演日本富士電視台新劇《姐姐的戀人》,自10月底首播以來,至今播出5集,平均收視僅7.5%,成績未如理想。據雜誌《Friday》報道,該劇收視低迷,因劇情使觀眾無法接受。

《姐姐的戀人》講述有村架純中三時父母意外身亡,於是肩負養家責任,一直悉心照顧3名弟弟,卻愛上有犯罪前科的雜貨店同事林遣都。劇情雖然溫暖人心,但欠缺真實感,劇中所有人物均不會有負面情緒,無論遇到什麼困難,都會笑着面對,扮演好人角色。其中最令觀眾感到不合理的,是有村架純顧住拍拖,工作犯錯,同事依然笑着原諒她,觀眾認為現實中不可能有這樣的情况。此外,亦有不少觀眾表示,在《姐姐的戀人》飾演有村架純弟弟的新晉男星:高橋海人、日向亘及南出凌嘉,均表現麻麻,相反今季在《戀愛的母親們》扮演兒子的藤原大祐、奧平大兼及宮世琉彌,演技更為出色。

發表於 Posted on: 2020-12-10 0:56

always123
帖數 Posts: 229
回頂端 / Top
未開播前都估到《姐姐的戀人》劇本實出問題,睇過《雛鳥》就知劇情無邏輯可言,劇中所有角色最後成雙成對,好似係同一個平行時空,突如其來發生,之後順利開花結果,難怪觀眾投入唔到,以後見到這個編劇作品真係唔睇算數,點解有村架純成日接埋d爛劇本,幾時再可以接《中學聖日記》咁好的劇本。

發表於 Posted on: 2020-12-10 1:05

always123
帖數 Posts: 229
回頂端 / Top