tvb.com

 
 
   
tvb.com
 

日劇討論區(包括各免費電視台播放)

《逆轉大叔》係上星期J2出了預告的情況下被抽起,今個星期六日晚10:30重播《遺留搜查 弦外之兇》,下星期六日晚播放《遺留搜查 家族危機》,9月27日晚播放《遺留搜查 最後同學會》,係為了係10月播放大陸劇《在一起》而作出今次調動,《逆轉大叔》同《凪之生活》都唔知可唔可以係今年J2播到,宜家J2行緊以前高清翡翠台尾,J5條路,播晒d大陸劇,其他劇好似唔細播。

J2已經取消六日晚晨間劇時段,《半邊藍天》,《大滿腹》無時段播,原本以為一至五晚10:35劇集時段做,不過宜家TVB走去重播大陸劇,換言之得返一至五晚9:35亞洲劇集時段做,咁拖拖下又2021年見,台灣緯來日本台都播緊《夏空》啦。

發表於 Posted on: 2020-09-10 2:32

always123
帖數 Posts: 225
回頂端 / Top
Viu TV日劇預告:

《偽證破解家》 濱邊美波 朝日電視台土曜劇
9月17日起逢星期一至五晚8:00-8:30播放,緊接《生存醫道》

發表於 Posted on: 2020-09-10 2:37

always123
帖數 Posts: 225
回頂端 / Top
Viu TV播d日劇愈來愈新,繼《生存醫道》後,又播《偽證破解家》,已經播緊今年日劇。其實兩套都係2020年冬季日劇,事實上J2已經係8月播了人氣日劇《天堂的天使》,不過今年J2再播2020年日劇機會好微,反而Viu TV播完《偽證破解家》,多數播《M 我珍愛的人》,數量上一定超過J2。

發表於 Posted on: 2020-09-10 2:46

always123
帖數 Posts: 225
回頂端 / Top
J2終於出了《遺留搜查》系列預告,係維基百科仲有套《遺留搜查 關鍵之匙》未播,照計J2今個星期六日就算唔重播《遺留搜查 弦外之兇》,都夠時間頂到10月,好明顯今次TVB調動係臨時臨急決定,《遺留搜查 家族危機》本來放係6月播,不過後來J2改時段最後就無播,換言之其實TVB一早配好晒音,所以TVB應該宜家仲配緊《遺留搜查 最後同學會》。

發表於 Posted on: 2020-09-11 2:01

always123
帖數 Posts: 225
回頂端 / Top
下星期TBS已經開始播夏季日劇,《錢的盡頭是戀愛的開始》同《危險2人-K2- 池袋署刑事課神崎•黑木》,唔知myTV super會唔會緊貼播放。

《錢的盡頭是戀愛的開始》係松岡茉優首次主演火十劇,同時係男主角三浦春馬的遺作,記得以前睇第一套三浦春馬作品係明珠台播放的《14歲的媽媽》,之後J2都播過唔少三浦春馬主演的日劇,《血色星期一》,《武士高校》,J2最近播三浦春馬演出的日劇原來已經係2015年係篠原涼子主演的《最後的灰姑娘》,三浦春馬當時做吊兒郎當的單車手,同篠原涼子編織一段姊弟戀,印象令人深刻。來香港宣傳電影又接過TVB娛樂新聞報導訪問,希望J2緊貼日本播放《錢的盡頭是戀愛的開始》,當係懷念這位同我們一齊成長的演員。

發表於 Posted on: 2020-09-11 2:19

always123
帖數 Posts: 225
回頂端 / Top
有美波睇已經足夠

發表於 Posted on: 2020-09-18 13:45

wilfred008
帖數 Posts: 18
回頂端 / Top
回應: wilfred008

睇晒《偽證破解家》,套劇幾好睇,除了人物角色擦出火花,仲有推理部分都好有條理,好過《非常審查官3》個d不知所謂的假設,完全無常理,當然美波係套劇可愛表現真係為套劇加唔少分。

發表於 Posted on: 2020-10-11 17:21

always123
帖數 Posts: 225
回頂端 / Top
J2日劇預告

《逆轉大叔》大泉洋、松隆子、上川隆也 TBS日曜劇
11月14日起逢星期六日晚10:30-11:30播放

《有家可歸的戀人》中谷美紀 TBS金曜劇
12月12日起逢星期六朝早9:40播放

《凪之生活》黑木華、中村倫也、高橋一生 TBS金曜劇
12月19日起起逢星期六日晚10:30-11:30播放,緊接《逆轉大叔》

《半邊藍天》永野芽郁、佐藤健 NHK晨間劇
12月26日起每日下午6:30-7:30播放,每次播放三集

發表於 Posted on: 2020-10-11 17:42

always123
帖數 Posts: 225
回頂端 / Top
J2於11月中可以播返原定9-10月播放的日劇《逆轉大叔》同《凪之生活》,的而確係一件好事,至於原定接檔《凪之生活》的韓劇《街坊Law霸》今年應該都唔細有得播,所以9月播放套緊貼大陸劇都唔知好事定壞事,因為《凪之生活》要播到下年1月中先播完,到時一至五晚9:35套韓劇《我和我的爸爸》都播完,《街坊Law霸》應該緊接《我和我的爸爸》後播,播完《凪之生活》就可以繼續播返日劇。

J2係星期六朝早唔重播日劇,走去重播日劇台播過的日劇《有家可歸的戀人》,不過今次係每星期播放一集,唔係好似7月《戀愛記憶》咁六日播,但又唔係好似《高校啦啦隊》放星期六/日下午1:30播放,真係唔明TVB咩玩法。仲有2018年TBS劇差唔多播晒,得返《你已藏在我心底》同《在這世界的角落》未重播,唔知J2幾時重播埋。

另外《半邊藍天》之前三番四次被抽起改時段,到今次終於有得播放,J2今次首播《半邊藍天》方式同《雛鳥》一樣以日日劇形式,每日播放三集,之前J2重播《雛鳥》入選myTV Super Top 10 VOD Catch Up Programmes,所以TVB今次想食翻《雛鳥》條水,不過唔知今次可唔可以奏效。

發表於 Posted on: 2020-10-11 18:12

always123
帖數 Posts: 225
回頂端 / Top
Viu TV係10月播完《偽證破解家》之後,重播韓劇《心動警報》,照計Viu TV唔夠日劇存貨,播韓劇頂期,《心動警報》最快要播到12月中先播完,即管睇下播完《心動警報》之後係唔係播返日劇,其實Viu TV都仲有《魯邦的女兒》同《Sign~法醫學者 柚木貴志的事件~》可以重播,真係唔明Viu TV做咩唔播返日劇。

宜家免費電視台成個月都無首播日劇,開電視係10月18日播完韓劇《奪命殺聲2》會唔會播返日劇,唔係就成個半月都無日劇做,對日劇迷來講好慘。

發表於 Posted on: 2020-10-11 18:28

always123
帖數 Posts: 225
回頂端 / Top
Viu日劇預告:

《極道主夫》 玉木宏 預定10集 NTV日十劇

《魯邦的女兒 2》 深田恭子 預定9集 富士木曜劇

發表於 Posted on: 2020-10-11 18:32

always123
帖數 Posts: 225
回頂端 / Top
Viu竟然可以買到NTV日十劇《極道主夫》,照計NTV劇係Gem TV全包,唔知Viu可唔可以買斷NTV日十劇時段,而Now劇集台近排係咁播東視24劇,最新個套劇都無緊貼,好大機會斷檔唔要。

發表於 Posted on: 2020-10-11 18:41

always123
帖數 Posts: 225
回頂端 / Top
秋季日劇已經播了第一集,收視出了,成績最好係TBS日九《危險維納斯》有14.1,NTV日十《極道主夫》開局唔錯有11.8,係近年日十最好收視,《35歲的少女》收視平平有11.1,至於重金買版權翻拍美劇的日版《24》,首集7.7,睇怕下集跌穿5點,朝日仲要拍足兩季,照計日版《24》都應該腰斬。

其實富士月九劇《Suits》最新一集收視得7.1,根本翻拍美劇唔會成功,日劇唔似韓劇翻拍會大改劇情,跟足原著重拍點會適合日本觀眾口味,真係唔明日本電視台點解要翻拍美劇,美劇個d故事又唔係好睇,好彩Viu今次醒唔買日版《24》。

唔知Viu會唔會買《七人的秘書》同《姐姐的戀人》,兩套卡士唔錯,仲有強大幕後班底製作,話時話《危險維納斯》咁耐都未係myTV Super上架。

發表於 Posted on: 2020-10-13 2:00

always123
帖數 Posts: 225
回頂端 / Top
今日上維基百科,《凪之生活》再次被抽起,改至2021年1月23日首播,至於緊接《逆轉大叔》後的劇集不明,究竟TVB為咩要抽起《凪之生活》而改播其他劇集,唔通係要播緊貼劇集。

發表於 Posted on: 2020-10-13 23:31

always123
帖數 Posts: 225
回頂端 / Top
《極道主夫》因為係讀賣電視台製作,就好似木24啲劇咁,所以唔計落NTV數。《魯邦的女兒》第1輯好好睇,勁搞笑,又唔使用腦,但竟然係呢套出第2輯,而唔係《好醫生》,都真係奇怪,不過可能就翻上野樹里個期,始終上野樹里要拍《監察醫 朝顏》。富士依家越黎越差,唔計火9由關西製作,秋季兩檔劇都係靠續集維生,《魯邦的女兒》仲要係收視差出第二輯,唔通真係無曬出路?

發表於 Posted on: 2020-10-17 21:26

UIE1017
帖數 Posts: 11
回頂端 / Top
J2播《半澤直樹2》我就唔睇啦,睇左第2季覺得唔睇都罷,我反而想J2播《MIU404》同埋《我的家政夫大叔》,兩套都超好睇!

發表於 Posted on: 2020-10-17 21:29

UIE1017
帖數 Posts: 11
回頂端 / Top
回應:UIE1017

今年NTV日十檔開始有部分劇集由讀賣電視台製作,咁以後香港Gem TV愈來愈少劇播,吸引力大減,單靠綜藝好難吸引本地觀眾上台,睇怕香港Gem TV好快都收檔唔做。《極道主夫》暫時係NTV三檔日劇中成績最好,有千秋王子玉木宏主演,加埋原著漫畫人氣,加上疫情期間這類以家務男為題的日劇,應該俾到共鳴感,唔知可唔可好似《我的家政夫大叔》咁收得。

《在不白不黑的世界裏,熊貓笑了》都係讀賣電視台製作,Viu又唔買這套緊貼播放咁奇怪,不過Viu以後可以買到讀賣電視台製作的日十劇,點都好過東視劇先。

《魯邦的女兒》無睇過,Viu TV到宜家都唔重播仲奇怪。講真《魯邦的女兒》收視口碑唔係特別好都可以拍第二輯,證明去年富士木十無咩邊套劇係見得人。

《好醫生》問題唔係上野樹里度,照計係應該山崎賢人唔肯拍,始終宜家仲年輕,唔想拍續編俾觀眾定形,況且《好醫生》今年係富士重播,成績都唔算突出,就算拍續編都唔會見得好,何況《好醫生》本身翻拍韓劇,第二輯要自己原創劇情,以富士編劇能力可以寫到新故事,好老實講《好醫生》翻拍改單元式,無了原版男主角成長線,翻拍質素計一般。

反而我覺得今年木十《生存醫道》好睇過《好醫生》,至少係形式上已經突破日本醫療劇的框架,有故事線同各個角色成長。

發表於 Posted on: 2020-10-20 1:09

always123
帖數 Posts: 225
回頂端 / Top
回應:UIE1017

老實講宜家富士仲差過以前龜山千廣做台長個陣,月九拍刑事醫療朝日系列化,木十劇完全無定位,一時做醫療劇,一時做愛情劇,咁搞法無晒目標觀眾,收視只會長期低落。其實木十劇本身收視差,學TBS火十檔專做純愛,職場喜劇定位女性觀眾應該慢慢做,唔係好似宜家咁愛情劇收視就轉題材唔做,所以話宜家富士個台唔識做電視。

至於秋季兩檔劇應該本身係夏季檔順延,《魯邦的女兒2》得9集,應該係本身預奧運期出的集數,其實宜家《金裝律師2》收視已經證明新劇拍續集唔會有出路,始終拍續集係要經典舊劇先做到。

發表於 Posted on: 2020-10-20 1:25

always123
帖數 Posts: 225
回頂端 / Top
回應:UIE1017

J2播《半澤直樹2》抽起原定12月播出的《凪之生活》,未出之前都估到TVB咁排,咁廣告商就肯冠名贊助《逆轉大叔》,TVB可以推出池井戶潤精選作品套餐宣傳,緊貼日本播放《半澤直樹2》點都好過留下年放暑假播,我未睇《半澤直樹2》,不過平時唔睇日劇的阿媽都話要等配音版先睇,證明《半澤直樹2》真係吸到客。

今年J2黃金時段播的日劇都幾有人氣 (除了《孤獨的美食家8》同《黑色醜聞》),其他個d日劇都好高質素,等J2播《MIU404》同埋《我的家政夫大叔》有排都未做,2月中先播完《凪之生活》,之後應該做《四分鐘的金盞菊》,先可以上2020年日劇。

另外《凪之生活》咁耐都搵唔到廣告贊助,我估TVB應該唔要《G弦上的你》,本身波瑠日劇係免費台就無播過,係香港無咩人氣,仲要這套劇本身係日本收視差,唔細旨意搵到廣告贊助。

發表於 Posted on: 2020-10-20 1:45

always123
帖數 Posts: 225
回頂端 / Top
有傳富士下年會邀請堺雅人拍《律政狂人3》,睇來近排富士收視已經差到見底,至於《律政狂人3》會唔會請新垣結衣演出就未有定案,而係疫情期間重播《上鎖的房間》都有雙位數,收視仲好過《金裝律師2》,本身係單元劇開續篇應該唔難,真係完全唔明富士幫《金裝律師》,《魯邦的女兒》開續篇為咩。

NTV水十《遠距戀愛》收視偏弱,第一集8.7,第二集8.0,波瑠吸引力有限,近年主演收視都麻麻,仲差過上季由兩位新人橫濱流星同濱邊美波雙主演的《我們的愛情不正常》,反觀TBS火十《這份愛要加熱嗎?》首集有9.4,原創劇本同森七菜首次擔正,加上套劇得男主角中村倫也有人氣,以火十低開高走的收視,仲有潛力,唔知《這份愛要加熱嗎?》可唔可以復制《天堂的天使》成功方程式,其實這類劇可以吸納新日劇迷,對推廣日劇都有一定幫助。

仲有《我的家政夫叔》最高同平均收視都比《天堂的天使》高,但係亞洲同香港人氣不及後者,唔似2016年《僱傭妻子》咁hit,難道香港人將焦點放晒落《半澤直樹2》度。

發表於 Posted on: 2020-10-24 1:19

always123
帖數 Posts: 225
回頂端 / Top
Viu日劇預告:

《七人的秘書》木村文乃 預定8集 朝日木九劇

發表於 Posted on: 2020-10-24 1:21

always123
帖數 Posts: 225
回頂端 / Top
Viu真係好鍾情《女醫神Doctor X》類近劇,繼2018年買了米倉涼子的《LEGAL V~前律師.小鳥遊翔子~》,今次又買木村文乃主演的《七人的秘書》,劇情都係單元式故事,唔會有期望都唔會失望個種,不過勝在卡士夠,除了木村文乃,仲有廣瀨愛麗絲,菜菜緒,沈恩敬,大島優子等女演員助陣。

另外Viu會唔會買埋野田妹上野樹里主演的富士月九《監察醫 朝顏2》,同玉木宏組成一個《交響情人夢》組合,除了《監察醫 朝顏2》值得留意,仲有下星期二開播的《姐姐的戀人》卡士都好豪華,唔知Viu買唔買埋。

發表於 Posted on: 2020-10-24 1:35

always123
帖數 Posts: 225
回頂端 / Top
J2日劇11-12月預告

《逆轉大叔》大泉洋、松隆子、上川隆也 TBS日曜劇
11月14日起逢星期六日晚10:30-11:30播放

《有家可歸的戀人》中谷美紀 TBS金曜劇
12月12日起逢星期六日朝早9:30播放

《半澤直樹2》堺雅人、上戶彩、及川光博、片岡愛之助、北大路欣也、香川照之 TBS日曜劇
12月19日起逢星期六日晚10:30-11:30播放,緊接《逆轉大叔》

《半邊藍天》永野芽郁、佐藤健 NHK晨間劇
12月21日起每日下午6:30-7:30播放,每次播放三集

發表於 Posted on: 2020-10-24 1:42

always123
帖數 Posts: 225
回頂端 / Top
J2係12月推出雙半組合,唔知《半澤直樹2》同《半邊藍天》可唔可以救到J2收視,宜家J2大陸化已經好少睇,係得星期二晚有睇《食彩王國》,而J2係12月抽起重播大陸劇改為重播韓劇,令《半邊藍天》可以提前係學生聖誕假期播放,仲有《有家可歸的戀人》改為一星期播兩集,之後應該可以重播《你已藏在我心底》。

發表於 Posted on: 2020-10-24 1:51

always123
帖數 Posts: 225
回頂端 / Top
《半澤直樹2》口牌唔錯可以期待,《半邊藍天》兩位主角都好鍾意好想睇。
日本疫情影響咗唔少日劇拍攝進度,希望之後可以恢復

發表於 Posted on: 2020-10-27 1:03

wilfred008
帖數 Posts: 18
回頂端 / Top