tvb.com

 
 
   
tvb.com
 

日劇討論區(包括各免費電視台播放)

J2 7-8月日劇預告:

《摘星廚神》 木村拓哉 TBS日九
7月9日起逢星期一至五晚9:35-10:35播放

《天堂的天使》 上白石萌音 佐藤健 TBS火十
7月27日起逢星期一至五晚9:35-10:35播放,緊接《摘星廚神》

《雛鳥》 有村架純 NHK晨間劇
7月22日起每日06:30-07:30及18:30-19:30播出,每次播放三集

《戀愛記憶》 中村杏 日本讀賣電視台
7月25日起逢星期六日朝早9:30-10:30播放

發表於 Posted on: 2020-06-07 15:36

always123
帖數 Posts: 225
回頂端 / Top
Viu TV日劇預告:

《還是不能結婚的男人》 阿部寬 關西電視台火九
6月17日起逢星期一至五晚8:00-8:30播放,緊接《時效警察》

發表於 Posted on: 2020-06-07 15:41

always123
帖數 Posts: 225
回頂端 / Top
Viu TV日劇時段自從播完《東京獨身男子》後,之後連續兩套日劇都係重播今年Now劇集台星期日晚時段,反而去年Now劇集台播過的《魯邦的女兒》同《Sign~法醫學者 柚木貴志的事件~》仲未重播,Viu TV咁快播晒d新日劇,宜家日本個邊仲未開工,到時又係要重播舊日劇。

發表於 Posted on: 2020-06-07 15:48

always123
帖數 Posts: 225
回頂端 / Top
有村架純為了拍《雛鳥》 增肥5kg,但係出離效果面胖好唔討好,網上改圖好多,收視又好差,偏愛有村o既NHK社長賴收視差係前面o既《童心四姊妹》 連累,好唔要面。

不過好彩題材同《半分 青》一樣係戰後好多年後,唔會有"1900年至1945年日本"什麼什麼o既問題,但係《萬福》就有d尷尬...

發表於 Posted on: 2020-06-11 14:50

wilfred008
帖數 Posts: 18
回頂端 / Top
回應:wilfred008

其實有村架純本身面大,增肥出離效果一定唔好,面形問題更加明顯,真係唔明佢間事務所會肯接這套會破壞藝人形象的劇,始終有村架純俾人印象係清純可愛氣質,拍《雛鳥》係一場賭博。

老實講《雛鳥》收視差都唔可以全部怪晒個演員度,始終劇本吸唔吸引到主流觀眾口味先係重要,《雛鳥》編劇岡田惠和近年寫d劇本收視都麻麻,明顯唔係主流觀眾杯茶啦,而有村架純連續兩年擔任NHK紅白主持,NHK社長偏愛有村架純都講得過,不過客觀來講有村架純係新生代女藝人中具有壓倒性號召力,見有村架純係日本接咁多廣告都唔多唔少證明佢的人氣。

發表於 Posted on: 2020-06-12 23:12

always123
帖數 Posts: 225
回頂端 / Top
最奇怪係《雛鳥》收視差竟然係2019年出《雛鳥2》,而《童心四姊妹》之前睇過,故事真係平淡無味,加上主演演員卡士唔多吸引,收視低吸引唔到主流觀眾,始終睇開晨間劇個班觀眾係師奶長者,點會識芳根京子,而《笑天家》之後的晨間劇都有強大的配角,松坂桃李,高橋一生,鈴木保奈美,至於《半邊藍天》有佐藤健演出,唔多唔少都幫到收視。

J2播《雛鳥》幾合時,適逢今年係奧運年,套劇故事背景係1964年東京奧運,其實晨間劇講戰後,少了戰爭地震個種沉重壓抑,《萬福》有傳奇人物安藤百福,就算有"1900年至1945年日本"時期,問題唔大,至少比《笑天家》的落語相聲更易入口。

發表於 Posted on: 2020-06-12 23:28

always123
帖數 Posts: 225
回頂端 / Top
always123
ViuTV宜家得翻一檔首播日劇檔,仲要係斬件播,唔使怕沒存貨,即使真係冇存貨最多咪播套陸劇攝下時間,可以塞住班藍絲把口,唔使佢哋成日話ViuTV係黃絲台

發表於 Posted on: 2020-06-28 19:17

ggyxx53045
帖數 Posts: 17
回頂端 / Top
反而開電視播完日劇之後就走去播韓劇《奪命殺聲2》,唔播綜合娛樂台堆日劇就有D奇怪

發表於 Posted on: 2020-06-28 20:17

ggyxx53045
帖數 Posts: 17
回頂端 / Top
有線娛樂台綜合台自從播完日劇《刑偵相棒(第十八季)》,之後就再無日劇播,連收費台都無日劇上,開電視仲點會有錢買日劇。

發表於 Posted on: 2020-07-02 19:39

always123
帖數 Posts: 225
回頂端 / Top
回應:ggyxx53045

自從Viu TV新增一至五晚日劇檔,事隔半年後,J2終於係7-8月將日劇放上一至五晚黃金時段,證明Viu TV俾到壓力TVB。雖然Viu TV斬件播日劇,但一至五晚播比起六日播受眾更廣,令日劇更易入屋同普及。

而Viu TV日劇檔都係重播Now劇集台日劇,加上日劇近日先開始復工,以Viu TV宜家進度,真係好快播晒堆存貨,睇怕都要重播2017-2018年個堆日劇。照計這個時段點都唔會播大陸劇,半粒鐘仲要連廣告,大陸劇集數又長,播一年都未播完,就算真係無日劇存貨,係都清韓劇。

發表於 Posted on: 2020-07-02 19:54

always123
帖數 Posts: 225
回頂端 / Top
Viu TV一至五晚8:00播套日劇《還是不能結婚的男人》勁好睇,依然保持第一輯水準,既幽默好笑又有深度。而每次桑野出場都咁好笑,昨晚去焗桑那接近藥丸個段笑到爆肚,好欣賞阿部寬就算無對白都可以將個角色演繹得咁好笑。

劇集雖然係喜劇,但每集依然有探討唔少問題,對白寫得有深度,《不能結婚的男人》可以係我開始追日劇的契機。第一輯係明珠台睇,所以第二輯配音唔同,而Viu TV配音唔錯,仍然可以將劇中角色好好演繹出來,令觀眾睇得更投入。

J2明晚9:35播木村拓哉主演的《摘星廚神》,到時又可以欣賞另一套好劇。

發表於 Posted on: 2020-07-09 0:47

always123
帖數 Posts: 225
回頂端 / Top
昨晚睇J2日劇《摘星廚神》,係播足本版,尤其第一集加長版,J2播完整一集,一氣苛成咁睇好爽,《摘星廚神》製作認真,巴黎風景好靚,加上今次導演拍攝烹飪過程好特別,真係唔錯。

發表於 Posted on: 2020-07-10 19:31

always123
帖數 Posts: 225
回頂端 / Top
Viu TV日劇預告:

《前男友狂》新木優子 高良健吾 富士電視台木曜劇
7月21日起逢星期一至五晚8:00-8:30播放,緊接《還是不能結婚的男人》

發表於 Posted on: 2020-07-10 19:36

always123
帖數 Posts: 225
回頂端 / Top
always123
事實上俾TVB壓力唔止ViuTV,還有有線,TVB會報道南方水災都係見有線報道先跟進,如果唔系TVB咪繼續做維穩台來激走廣告商,宜家連J2都宣傳埋《國安法》,就知宜家TVB有幾核突。
ViuTV用日劇檔來攝陸劇的確冇乜可能,畢竟之前ViuTV冇日劇檔有一段時間,陸劇至多咪同韓劇共用時段,其實ViuTV會播陸劇陸綜都係費事俾班藍絲話ViuTV係黃絲台

發表於 Posted on: 2020-07-15 20:57

ggyxx53045
帖數 Posts: 17
回頂端 / Top
《雛鳥》出咗廣告,查了演員表見到竹內涼真當女主初戀對象島谷純一郎,興趣大減。

竹內涼真最近被爆因為背住同居女友搭上女星三吉彩花,竟然喺新冠疫情期間趕同居女友吉谷彩子出門口,女友d物品唔比女友自己入屋攞番(包括吉谷的居民證、過世爺爺寫的親筆信等等),累吉谷要住廉價旅館。周刊更爆料竹內曾向吉谷借咗近100萬円生活費,日本網民鬧爆竹內渣男程度可媲美東出昌大。

劇中賤男演好人角色同主角談情,見到想反胃。

發表於 Posted on: 2020-07-16 10:09

wilfred008
帖數 Posts: 18
回頂端 / Top
回應:ggyxx53045

如果唔係TVB係一至五晚9:30劇集時段受到Viu TV同開電視對撼,J2係一至五晚9:30都唔會有劇集時段出現,繼續做埋d後生仔傾吓偈同姊妹淘d垃圾節目。其實宜家係人都知TVB係維穩台,新聞立場有自我審查基制,所以南方水災唔敢咁早報怕得罪老闆。至於J2宣傳《國安法》已經表明其政治立場,事實上宜家J2播埋古裝大陸劇,已經同J2開台時做年輕人頻道變質,反而Viu TV愈來愈似年輕人頻道。

Viu TV係下星期六晚有台劇播,係香港已經好少人睇的台劇都唔播大陸劇,就唔多唔少估到Viu TV政治取向。其實Viu TV已經固定晒劇集時段,日劇,韓劇同自製劇檔,除非加劇集時段,唔係都無咩可能播大陸劇。Viu TV韓劇時段有長年廣告贊助,更加唔會同大陸劇共用時段,趕走廣告商。而自製劇時段間唔中都有韓劇播,證明Viu TV買了好多韓劇,要盡快清晒。

發表於 Posted on: 2020-07-16 13:55

always123
帖數 Posts: 225
回頂端 / Top
回應:wilfred008

《雛鳥》出了預告,但預告片只係有有村架純,木村佳乃同澤村一樹,而宣傳片只係介紹有村架純。澤村一樹繼濱田岳後一晚演出兩套劇,另一套係《摘星廚神》。

其實晨間劇男主角係全劇佔好少戲份,雖然無睇過套劇,但按晨間劇走向,竹內涼真係中段先出場。你唔講我都唔知竹內涼真係男主角,以前竹內涼真做d角色都好積極,正面,原來他偷食同趕走前女友,他d戲幾好,咁都欺騙到觀眾。而東出昌大去到宜家都無事,復出拍《信用欺詐師》電影版,睇怕竹內涼真過一排都無事。

咁套劇又唔係主要講同主角談情,仲有其他嘢講。

發表於 Posted on: 2020-07-16 14:50

always123
帖數 Posts: 225
回頂端 / Top
Viu TV播完《還是不能結婚的男人》後上《前男友狂》,之後應該播《Alive ~癌症專門醫的病歷表~》多。至於《大叔的愛-in the sky-》應該唔可以放黃金時段播,始終同性戀劇有d情節要PG出唔到街,都係要放星期六晚11:00播。

發表於 Posted on: 2020-07-16 15:02

always123
帖數 Posts: 225
回頂端 / Top
真係奇怪,J2下星期一晚9:35首播日劇《天堂的天使》竟然無廣告商冠名贊助,話晒套劇係香港好hit,而愛情喜劇一向深受女性觀眾受落,就算之前上網睇過,照計J2播配音版都會有興趣重睇,莫非係打頭陣的台劇《想見你》嚇走晒d觀眾,以致該時段難以吸引觀眾,廣告商連冠名贊助都唔肯。

發表於 Posted on: 2020-07-21 18:07

always123
帖數 Posts: 225
回頂端 / Top
近排播d日劇幾好睇,J2播的日劇《摘星廚神》熱血勵志唔煽情,正如煮嘢食恰到好處,導演拍攝令套劇層次更進一步,而每集出場菜式已經令人目不暇給,木村今次戲份唔太重,反而更重視團隊合作,每集有反思,絕對值得推薦。

宜家緊接《摘星廚神》的《天堂的天使》一樣咁好睇,暫時睇了三集,係近年醫療劇算最好睇的一套,唔走《女醫神Doctor X》個d頂級神醫,最後一定救返病人。每集有溫情,佐倉慢慢成長,仲有套劇有時輕鬆,有時沉重,仲有欣賞這套劇故事線慢慢展開,唔似日本醫療劇單元式,難怪《天堂的天使》係日本咁hit。

Viu TV播的日劇《前男友狂》都咁有追看性,每集都唔知劇情發展,加上套劇的幻想劇場好好笑,男女主角互動有戲,絕對比《初戀那一天所讀的故事》好睇,我覺得這套劇拍攝,燈光調色配樂有翻以前富士月九純愛劇水準,收視差係富士台少人睇。

發表於 Posted on: 2020-07-31 0:43

always123
帖數 Posts: 225
回頂端 / Top
雛鳥好睇喎, 我啲朋友都鐘意

發表於 Posted on: 2020-08-03 20:57

jyuksiu
帖數 Posts: 69
回頂端 / Top
Viu TV日劇預告:

《生存醫道》 松下奈緒 富士電視台木曜劇
8月17日起逢星期一至五晚8:00-8:30播放,緊接《前男友狂》

發表於 Posted on: 2020-08-18 15:22

always123
帖數 Posts: 225
回頂端 / Top
J2 9-10月日劇預告:

《逆轉大叔》 大泉洋、松隆子、上村隆也 TBS日九
9月12日起逢星期六日晚10:30-11:30播放

《凪之生活》 黑木華、中村倫也、高橋一生 TBS金曜劇
10月17日起逢星期六日晚10:30-11:30播放,緊接《逆轉大叔》

發表於 Posted on: 2020-08-18 15:31

always123
帖數 Posts: 225
回頂端 / Top
回應:jyuksiu

雛鳥係NHK晨間劇,一家大細都適合睇,套劇d人好有人情味,睇完都好有感觸,我屋企人都好鍾意。其實之前J2星期六日下午6:00都有固定時段播這類劇。

發表於 Posted on: 2020-08-18 15:38

always123
帖數 Posts: 225
回頂端 / Top
Viu TV近排播d日劇幾有驚喜,差差播時都唔太有期望,但愈睇愈有戲味,《生存醫道》繼《前男友狂》後又一套精彩作品,本身對醫療劇興趣唔大,一來日本醫療劇太多,二來《女醫神Doctor X》太公式,但今次這套《生存醫道》一改《女醫神Doctor X》神醫作風,唔再好似治療小品《善良醫生》,《雙面醫生》只係咁單一只係描寫醫生同病人的動人故事,而係有故事線配以醫生同病人的感情開展,雖然一開始節奏緩慢,但慢慢一層層揭開秘密,恩心醫生同阿薰醫生的關係,面對親人離世的悲痛,如何振作同面對,係日本醫療劇算係新突破。

發表於 Posted on: 2020-09-03 1:02

always123
帖數 Posts: 225
回頂端 / Top