tvb.com

 
 
   
tvb.com
 

日劇討論區(包括各免費電視台播放)

回應:wilfred008

J2播完《半邊藍天》同《大滿腹》後,應該再無NHK晨間劇播,自從今年3月取消NHK晨間劇時段,《半邊藍天》播放時間已經多次變動,加上myTV Super日劇點播專區已經將NHK晨間劇下架(除了《雛鳥》),香港開電視日劇預告有NHK晨間劇《夏空》,好明顯TVB已經放棄NHK晨間劇。《大滿腹》都唔知係唔係J2最後一套播放的NHK晨間劇。

其實日劇係6月尾已開始追翻拍攝進度,不過下年東京舉行奧運,日劇集數少不了被縮減,仲有今次疫情都打亂唔少日本電視台部署,好似富士今季日劇就係原定安排的夏季劇。

發表於 Posted on: 2020-11-02 15:47

always123
帖數 Posts: 229
回頂端 / Top
J2日劇預告

《機動搜查隊404》綾野剛、星野源 11集 TBS金曜劇

《K2 池袋署刑事課》山田涼介、田中圭 6集 TBS金曜劇

發表於 Posted on: 2020-11-02 16:02

always123
帖數 Posts: 229
回頂端 / Top
J2日劇預告竟然無兩套大熱劇《忒修斯之船》同《萬能家政夫》,反而係宣傳兩套查案劇,難道查案劇係廣告商寵兒。

發表於 Posted on: 2020-11-02 16:02

always123
帖數 Posts: 229
回頂端 / Top
香港開電視日劇預告

《夏空》廣瀨鈴 156集 NHK晨間劇

《搏命保鑣2》木村拓哉 7集 朝日木曜劇

《監察醫 朝顏》上野樹里 11集 富士月九劇

《X光室的奇蹟》窪田正孝 11集 富士月九劇

發表於 Posted on: 2020-11-02 16:07

always123
帖數 Posts: 229
回頂端 / Top
香港開電視居然會買NHK晨間劇《夏空》播,真係好好奇開電視會點播《夏空》同放咩時段播,如果放黃金時段播,就一定要重新刪剪,剪歌同片尾在所難免,之前J2係2018年播NHK晨間劇時都大量刪剪劇情,令劇情去到好怪,後來《笑天家》先播返足本版,希望開電視剪歌同片尾唔好刪剪劇情。

另外開電視終於清埋兩套富士月九《監察醫 朝顏》同《X光室的奇蹟》,有線劇集台之後都斷了無買富士月九,《監察醫 朝顏2》都唔知買唔買。

發表於 Posted on: 2020-11-02 16:25

always123
帖數 Posts: 229
回頂端 / Top
《半邊藍天》《夏空》都喜愛,畢竟這兩套由年輕演員主演,前者有佐藤健壓場當然期待。
《夏空》係第100套晨間劇,演員陣容強大,廣瀨鈴、岡田將生、藤木直人、松嶋菜菜子、山口智子、比嘉愛未,小鮮肉吉澤亮、中川大志、工藤阿須加,實力派井浦新、染谷將太,還有唔少後生女如渡邊麻友、福地桃子、清原果耶等等。

發表於 Posted on: 2020-11-02 19:09

wilfred008
帖數 Posts: 18
回頂端 / Top
香港開電視日劇12月預告

《夏空》 廣瀨鈴 NHK晨間劇
12月7日起逢星期一至五晚8:00-8:30播放

發表於 Posted on: 2020-11-06 18:55

always123
帖數 Posts: 229
回頂端 / Top
香港開電視新設劇集時段播放NHK晨間劇《夏空》,居然比J2播放晨間劇《半邊藍天》早兩星期,罷明同J2打對台,不過播放時間就同Viu TV一至五晚8:00打到正,Viu TV係12月7日播完韓劇《心動警報》後,唔知會唔會播返日劇,係就同時段對打。

發表於 Posted on: 2020-11-06 19:08

always123
帖數 Posts: 229
回頂端 / Top
藝人楊思琦為將於香港開電視播出的日劇《夏空》唱主題曲,今日進行MV拍攝,思琦大表興奮,還專程搵唱歌老師學。佢話近日喺屋企練習,不停哼住首歌,囡囡一聽到音樂就好投入,話係媽咪首歌。思琦透露呢套劇係新版「阿信的故事」,好陽光,充滿正能量:「套劇同首歌都好正能量,疫情期間係好大鼓舞,睇咗個人都開心啲,係一套好勵志嘅劇集,講女主角奮鬥,努力向夢想出發。(似唔似你?)我都向自己夢想出發緊,目標同佢好想似,我鍾意演戲、又鍾意唱歌,依家又有得唱主題曲,另外我又鍾意小朋友,所以會畀心機教育佢哋,向唔同方面進發。」


講到8個月嘅囝囝,思琦即時雀躍話佢好得意,好好動,有20幾磅,自己都唔夠力抱佢,佢話:「之前仲好多米芝蓮,最近瘦咗少少,可能拉長咗,高咗,佢好貪玩,鍾意爬梳化,又開始識講嘢,叫媽媽、爸爸同埋家姐。」

發表於 Posted on: 2020-11-10 1:51

always123
帖數 Posts: 229
回頂端 / Top
香港開電視今次落足本宣傳《夏空》,請藝人楊思琦唱港版主題曲,照咁睇開電視都唔會播足本版《夏空》,會重新剪輯集數,想睇原汁原味版本《夏空》就唔好有多少期望,而好好奇《夏空》首港版主題曲係重新作定沿用日劇版主題曲重新作唱,係後者都唔錯。

同TVB播NHK晨間劇比,香港開電視重視好多,以前J2播NHK晨間劇都係星期六日下午,係《雛鳥》一至日晚6:30-7:30播時間好d。

發表於 Posted on: 2020-11-10 2:02

always123
帖數 Posts: 229
回頂端 / Top
香港開電視日劇預告

《專業黑寡婦》木村佳乃 關西電視台火九
11月15日起逢星期六凌晨1:00-2:00播放

發表於 Posted on: 2020-11-10 2:05

always123
帖數 Posts: 229
回頂端 / Top
自從Viu TV係10月6日播完日劇《偽證破解家》,香港免費電視台有成個月無日劇播咁濟,而J2係今個星期六晚開始有日劇《逆轉大叔》播,宜家香港開電視係凌晨播日劇《專業黑寡婦》,12月開始仲多日劇,《半邊藍天》,《夏空》同《半澤直樹(II)》,唔知Viu TV係12月一至五晚8:00上唔上翻日劇。

另外香港開電視係凌晨重播關西台日劇《專業黑寡婦》,唔知會唔會買火九《姐姐的戀人》,Viu TV愈來愈縮皮,今季買得三套日劇,之前個兩季買埋d《家政夫三田園4》,《未解決之女2》返來播仲咩,頭幾輯都無播,完全唔明Viu買手點買劇,下季仲難買劇,得返富士木曜同朝日木九可買。

發表於 Posted on: 2020-11-10 2:23

always123
帖數 Posts: 229
回頂端 / Top
又回顧下一周收視,TBS日九《危險維納斯》由開播一直下跌,最新個集跌至10.9,難道東野圭吾小說改篇作品再無吸引力,NTV日十《極道主夫》收視相對平穩,最新個集有9.6,而富士月九《監察醫 朝顏2》第二集跌至10.3,證明富士續篇劇效應打唔響,有傳言話《金裝律師》會開拍第三輯,第二輯收視差到咁都仲可以開新一輯,富士已經技窮。

反而關西電視台火九《姐姐的戀人》係第三集回升至7.3,總算有個好開始,而TBS火十《這份愛要加熱嗎?》收視仍然維持有8.3,以新人原創劇本+新人森七菜主演,收視已經唔錯,成套劇得中村倫也有人氣。

發表於 Posted on: 2020-11-11 23:34

always123
帖數 Posts: 229
回頂端 / Top
Viu TV日劇預告:

《大叔的愛 心動啟航》 田中圭、吉田鋼太郎 朝日電視台土曜劇
12月9日起逢星期一至五晚8:00-8:30播放

《東京愛的故事》 伊藤健太郎、石橋靜河 富士電視台FOD
12月29日逢星期一至五晚8:00-8:30播放,緊接《大叔的愛 心動啟航》後播放

發表於 Posted on: 2020-11-28 14:13

always123
帖數 Posts: 229
回頂端 / Top
Viu TV係下星期二晚8:00-8:30劇集時段播返日劇同開電視對打,唔知Viu TV係唔係知開電視播《夏空》先播返日劇,定純粹係Viu TV唔想三線劇集播韓劇而咁安排,無論如何今次係香港電視史上黃金時段的日劇同時段對打,唔知J2幾時開返一至五晚8:00-8:30劇集時段同Viu TV,開電視對打。

下星期二晚8:00-8:30都唔知睇《夏空》定《大叔的愛 心動啟航》,宜家個心十五十六。

發表於 Posted on: 2020-11-28 14:55

always123
帖數 Posts: 229
回頂端 / Top
係香港開電視睇了三集《夏空》,感情細膩有感動位,幾好睇。《夏空》用動畫做OP,睇得出NHK設計OP好用心,另外今次要讚下香港開電視做宣傳做得唔錯,首先《夏空》係未開播時,每節廣告都有《夏空》宣傳片,宣傳片除了有劇情介紹,仲有請到女主角廣瀨鈴做宣傳,之後開電視係娛樂頭條請廣瀨鈴接受訪問,講下拍《夏空》時的經歷,這d都係有助香港觀眾了解套劇,至於《夏空》有港版主題曲同片尾曲,這d對宣傳《夏空》其實都有一定幫助,不過對要原汁原尾的日劇迷就未必鍾意。

而今次開電視播放《夏空》係重新刪剪,唔係好似J2播NHK晨間劇《雛鳥》做足本版,NHK晨間劇每集都有回顧同預告,照計開電視都會重新執下集數先播出街,而開電視有網上重溫同重播好過Viu TV播日劇播得一次仲要無網上重溫咁縮皮。

發表於 Posted on: 2020-12-10 0:48

always123
帖數 Posts: 229
回頂端 / Top
《夏空》現在是童年劇情都OK,期待長大後廣瀨鈴出演o既劇情。

發表於 Posted on: 2020-12-11 20:29

wilfred008
帖數 Posts: 18
回頂端 / Top
《大叔的愛 心動啟航》都好似之前攪笑,不過冇第一輯咁驚喜

發表於 Posted on: 2020-12-11 20:31

wilfred008
帖數 Posts: 18
回頂端 / Top
回應:wilfred008

《夏空》劇情真係好感人,每次睇到小夏強顏歡心都好令人痛心,係戰爭令她失去家人和小孩應有的情緒,唔知經開電視重新剪接後會播到幾多集,究竟廣瀨鈴幾時先出場,睇過咁多晨間劇女主角童年都係一個星期完,之後就長大。

發表於 Posted on: 2020-12-17 0:37

always123
帖數 Posts: 229
回頂端 / Top
回應:wilfred008

《大叔的愛 心動啟航》同第一輯應該無關連,今輯主要舞台改以航空公司,劇情以五角戀為主,反而航空公司發生的事變成次要,係第一集劇情麻麻,不過之後著重感情線好搞笑,我覺得好睇過第一輯。

發表於 Posted on: 2020-12-17 0:44

always123
帖數 Posts: 229
回頂端 / Top
係J2睇晒全套《逆轉大叔》,真係好好睇,套劇拍到個種熱血勵志感覺,比《高校啦啦隊》更高層次,估唔到欖球咁有魅力,套劇除了係日劇常有運動勵志,仲有GM角色,經營球隊,欖球戰術,套劇以君嶋係一個討論欖球作故事設入點,令觀眾好有共鳴,又加入銀行鬥爭令劇情更豐富,而導演係拍欖球比賽個種緊張感令觀眾睇得更投入。

發表於 Posted on: 2020-12-17 0:55

always123
帖數 Posts: 229
回頂端 / Top
J2出了《半邊藍天》預告,係下星期二晚6:30開始播放,今次預告宣傳係以新生代女主角永野芽郁為主,反而男主角佐藤健係預告片連提都無提,照計佐藤健係香港有人氣,作重點宣傳應該容易吸引觀眾,究竟今次TVB宣傳部搞咩。

記得去年永野芽郁係綜藝節目著香港旗T-shirt捲入政治爭議,今次TVB竟然咁好,無做政治審查,仲幫手宣傳永野芽郁,TVB可能暗黃。

發表於 Posted on: 2020-12-17 1:16

always123
帖數 Posts: 229
回頂端 / Top
之前myTV Super廣告出了有《僱傭妻子:加油吧人類!新春特別篇》,不過劇中出武漢肺炎等字眼,結果被抽起無播,最後由串流平台hmvod播出,TVB今次自我審查已經俾網民鬧爆,而今日J2係1月節目安排突然抽起《凪之生活》同《浪漫G弦》都唔知係唔係同今次事件有關,會唔會得罪了TBS電視台,搞到最後終止合作,1月緊貼個堆TBS日劇會唔會係最後一次合作,唔係J2都唔細停播日劇,《凪之生活》同《浪漫G弦》係2019年日劇,成兩年前日劇再唔播真係封塵。

1月24日晚8:30播健康節目《幫緊你醫緊你》,又係以前財經資訊台播放的《尋求主診醫生》,今次改名重新係J2出發,播得8集究竟係清財經資訊台d舊貨定新節目安排,真係無人知,罷明係頂Viu TV同時段《恐怖醫學》,講真星期六日時間表應該重新執下,六日晚9:30播日劇,10:30先做個堆韓綜。

發表於 Posted on: 2021-01-11 23:29

always123
帖數 Posts: 229
回頂端 / Top
Gem TV香港係1月16日將會停播,到時NTV日劇同節目再無合法渠道收看,唔知TVB會唔會接手購買NTV日劇同節目香港播放權,而《僱傭妻子:加油吧人類!新春特別篇》事件唔多唔少影響TVB同TBS關係,之前買完版權突然退貨,TBS可能趁今次機會同TVB斷約,改同其他機構合作,TVB都係時段要搵其他電視台買日劇,接手NTV日劇同節目對TVB可以話雙方一拍即合。

宜家TVB連NHK晨間劇都斷埋,《夏空》係香港開電視播放,之後《緋紅》都係香港開電視台播,咁就證明TVB斷了NHK晨間劇播放權,香港開電視一至五晚8:00應該係NHK晨間劇時段,同以前J2六日晚6:00-6:35有固定時段播放NHK晨間劇係一樣,睇怕《大滿腹》係TVB最後一套播放的NHK晨間劇,宜家的TVB只係識買大陸劇,韓劇只係d二線家庭劇,日劇得TBS個堆,myTV Super點吸到客。

發表於 Posted on: 2021-01-11 23:49

always123
帖數 Posts: 229
回頂端 / Top
《我家的女兒,交不到男朋友!!》已經係Now劇集Express上架,果然Gem TV係1月16日停播後,Now就買到NTV日劇版權,繼去年買到玉木宏主演的《極道主夫》後,買到第二套NTV日劇,唔知Now會唔會買埋另外兩套NTV日劇,藉此代替Gem TV。

發表於 Posted on: 2021-01-21 0:08

always123
帖數 Posts: 229
回頂端 / Top