tvb.com

 
 
   
tvb.com
 

攬炒巴 又想「攬鈔」吧?

廣男上次同大家提到涉違《國安法》後潛逃英倫、人稱「攬炒巴」嘅劉祖迪,講到佢宣布正式告別測量師生涯、全力投入抗爭,兼開專頁接受大家訂閱同捐款;即係講到尾、又係錢。咁講完錢,當然假假地都要「做番啲嘢」,所以嚟到今日呢篇續集,廣男就同大家講下,攬炒巴近日就聲稱,將聯同15國「手足」,喺嚟緊下個月搞一場「6.12全球聲援香港」集會。吹到咁大,大家不妨同廣男一齊睇落去,睇下到最後,佢會唔會又係搞活動為名、吸捐款為實?
呢個係威係勢嘅「聲援集會」,究竟點「全球」法?攬炒巴就宣稱,「有來自15個國家的手足聯合發起『6.12 黑夜維城 星光照夜・全球聲援香港』計劃」,仲話會邀請「維吾爾、西藏人等受壓迫民族」出席活動;至於以咩形式舉辦,佢就講得好有「技巧」,話疫情之下,「可能不限於實體集會,也可能是展覽、網上研討會等」。大家點睇?係咪講到好有「彈性」咧…
廣男就喺度諗,如果有人到時求其搞搞「線上活動」、又或者連線宣洩下「政治意見」、嗌幾句抗爭口號就當「全球集會」甚至為自己籌到錢,咁又真係「本小利大風險低」,之但係,咁嘅「聲援、抗爭」、意義係邊?難怪有啲網友、「手足」好直接話,喺香港本地搞,都話叫做「有些少意義」;但喺海外,除咗有人「博上鏡」之外,都唔知有咩用?!廣男又覺得,大家唔好睇小呢樣嘢,對於有啲人,可能搞唔搞得成攬炒唔重要、而係想「攬鈔(票)」,咁呢啲「活動」就分分鐘好「有用」,至於「抗爭」,一個好聽啲嘅「講法」啫!

發表於 Posted on: 2021-05-07 10:01

ishtarchen
帖數 Posts: 117
回頂端 / Top