tvb.com

 
 
   
tvb.com
 

開除「廢師」,救下小朋友!

可立小學一名小二常識科「廢師」,喺網上教學鴉片戰爭時稱戰爭起因「乃因英國發現中國當時好多人吸煙,所以佢哋為咗消滅嗰啲叫做鴉片嘅物品,就發動咗呢場戰爭。」明明係一班無恥嘅侵略者為扭轉貿易逆差而將毒品輸入中國,又因見中國為禁人繼續吸食毒品而銷煙,最後利益受損便攻打中國。如此家喻戶曉嘅歷史,呢名「廢師」居然可以將一而再,再而三咁將無恥侵略中國,甚至喺同時期奉行惡名昭彰嘅帝國主義侵略更多國家嘅英國,講得唔可以再大仁大義,將侵略你講成「打救你」。只要知道呢段歷史嘅,無人不會義憤!

有讀過近代史嘅人也會知道,不論英國定係歐美列強,喺所謂「白種人負擔」嘅思維同利益驅使下對我哋炎黃子孫大多不安好心,百幾年來為我哋帶來接踵不斷嘅戰爭同掠奪,直至中國真係企起身,富起身嘅今天才有所改善,但明眼人亦都睇到仍有唔少歐美領導人嘅思維帶有帝國主義或冷戰思維,不斷對我哋針鋒相對。

或許我哋應該覺得奇怪?定係喺「黃師」當道下嘅今天心知肚明?點解有咁多年青人喺今日會舉起英、美國旗搞亂香港?點解會有人仍在社交網站上,要求現時防疫做得強差人意嘅英美來介入防疫工作比佢哋做得好上萬倍嘅香港?又點解仍有人到今天依然喺太子站拜祭一啲根本無死去嘅人,甚至比拜祭自己嘅親人更加「用心」

今次一個可立小學嘅「廢師」值得我哋反思嘅係,平時我哋將子女送到學校每日學習8個鐘,到底學習咗幾多錯誤、抹黑同仇恨嘅內容,先至卑啲年青人以認賊作父為榮?到底今時今日被推上街被控被捕嘅年青人中,又有幾多係由學校鍛煉而成?我並不相信學校係不分是非之地,但如今情況又豈容我哋放心?

如今,平時對教育指手劃腳,近乎有任何讓年青人認識國家嘅內容便大動幹戈指責洗腦嘅最大「黃師」組織教協,一如所料唔敢正面響應今次事件。究竟佢哋真心認為如此專業失德扭曲歷史絕無問題?定係佢哋根本就係默許「黃師」誤人子弟?點解為人師表為咗一己政治立場便可埋沒良心歪曲歷史?相信大家都心知肚明。

面對「黃師」當道,究竟香港仲要出幾多個賴得鐘同戴健暉之流誤人子弟?究竟作為家長子女又要自求多福到何時?究竟香港嘅教育制度下仲要出產幾多漢奸?或許我哋唔想也無法知道,只望特區政府唔好再縱容同輕饒這些失德「廢師」,求你盡快做啲乜嘢,救下小朋友!救下社會!

發表於 Posted on: 2020-07-24 16:16

Chenwenpei
帖數 Posts: 138
回頂端 / Top