tvb.com

 
 
   
tvb.com
 

一支水同一條命

之前,銅鑼灣一帶發生暴亂,警察防暴隊又開始一個班次達十幾二十個小時嘅抗暴歲月。
暴亂中有一個鏡頭,拍攝者喺銅鑼灣一便利店內,拍到一隊筋疲力竭嘅防暴警員,喺一片催淚煙中來到波斯富街稍做休息。其中一隊員行入士多攞咗支水來洗眼,明顯聽到佢攞著水離開時同店員講咗句:「轉頭卑返錢你」。

鏡頭所見,30秒後,一名便衣警員行入便利店問店員「啱先攞咗幾支水」?跟住就卑錢,店員啊姐仲送咗杯水卑警員。

專門制造謠言針對警隊嘅黑暴黃絲,立即如獲至寶咁將視頻前半段剪輯廣傳,將成件事造謠成「警員偷水」,黃媒亦立即附和大造新聞,故意隱去後半段付錢視頻,斷章取義講「有警員涉嫌闖入OK便利店偷水」、「現在國家要征用妳支水」,連官媒香港電臺新聞都加入做假行列,每半小時「播報」一次「警察偷水」。
挑撥咗仇恨,當然引來大量網民攻擊警方同恐嚇店員:
「攞槍入便利店搶東西,仲唔是持槍搶劫?」
「起個職員底!」
「得閒去認識兩個阿姐叫乜嘢?」


警察為市民而戰,市民送上一支水,根本就係我哋嘅公民責任。警隊紀律嚴明,唔攞人民一針一線,攞咗水,卑夠錢,我哋更應該感恩贊賞,而唔係造文章嫁禍。

況且,警察著住幾十磅防暴裝備,仲要持槍配彈揸盾牌,你認為警察會帶錢包?嗰個係一個戰場,係作戰時刻,佢哋正在除暴安良、維持治安、保護市民,你卻去同佢斤斤計較講支水?況且,帶錢嘅便衣警已迅速代付咗,你哋仲要挑剔,仲要將事情無限放大?

咁我想問:如果你哋覺得警察攞支水係罪大惡極,咁暴徒對過路嘅律師、對搬開路障嘅女子圍毆,打到半死,呢種罪行大概應該判十次死刑掛?點解你哋唔為市民嘅生命發聲?點解你哋唔譴責殘暴行為?

一支水同一條命,你哋竟然揀死物?

黃媒黑暴不斷發酵嗰唔存在嘅「偷水事件」,卻對十二個月來無數宗打砸商鋪、群毆途人、爆破銀行、襲擊警署、謀殺警員、刑毀地鐵、拆毀欄桿、撬爛地磚、仆交通燈、侵害私隱……視若無睹,反對派嘅雙重標準,實屬世界之冠。

發表於 Posted on: 2020-07-24 12:08

Chenwenpei
帖數 Posts: 138
回頂端 / Top