tvb.com

 
 
   
tvb.com
 

真誠希望編劇可以寫好可能系最後十集嘅龔水線,附建議

做野之後因爲成日加班同埋懶嘅問題,已經好少追劇。《開心速遞》可以話系本人19年唯壹仲睇緊嘅TVB劇。原先睇落唔錯,因爲夠大膽啓用壹班綠葉擔正居然得出唔錯嘅戲劇效果,再加上貼時事唔會成日搞埋D夾硬說教嘅橋段。今年開始七日連播,編劇疲憊,導致劇情泡沫變多完全可以理解。難得裏面我最關注嘅龔水線依然保得住言之有物感情細膩,偶有亮眼场口,比起其他線真系算系咁。當然我唔知系咪因爲平均15集先有1集龔水線嘅緣故,冇咁密集就唔駛注水咁多。
離900集仲有差唔多150集,估算下当中以龔水爲主應該得翻10集左右。前面有10集探讨男女朋友之间会遇到嘅问题,希望编剧净翻果D集数控制下,中间穿插长线发展嘅剧情。龚水都系立体人物有好多嘢可以写。往前追溯阿水何解立志嫁有钱人,龚烨由古惑仔到正经发奋,再有龔燁嘅初恋阿May同埋佢阿媽,呢D情节等到頸硬曬結果連影都冇。如果搵唔到人演May,参考《人类衰退之后》阿水穿越翻去用假名遇到当年嘅龚烨,幾好玩。再加上兩個人過去嘅人際網絡著墨寥寥,點都可以講兩三集。
睇翻依家尋寶圖基本冇咩新鮮劇情,大小姐明明走咗,尋寶圖已經可以唔駛齋賣零食。由龔燁CMO提出拓展尋寶圖網銷業務,搞網上商城,講營銷宣傳、搶占市場、潛規則,龔水拍埋就有新職場題材可以寫。龔燁咁醒目,係接龍呢種家族企業已經好難往上升,如果有獵頭用股權挖角,令佢有機會提前實現目標會點樣?有冇比龔燁學歷背景更好嘅人可以挑戰佢CMO個位,講下學歷歧視都好有意義。自從龔水係一齊之後,佢地基本冇再捲入過二三房鬥爭,正確講係龔燁再都冇捲入過。所以之前佢諍三太嘅人情麻煩連戲安排下,權斗始終要拉D聰明人落場先有睇頭。為咗阿水,龔燁對大小姐一忍再忍,呢兩個人差條導火線引爆,遲早要交手。
我相信編劇團隊諗到嘅嘢會比我多好多。我真誠希望編劇可以寫好可能系最後十集嘅龔水線。最近745集阿水幻想裡面嘅一分鐘長鏡頭睇咗好幾次,演員係可以為劇本加分嘅好演員,製作團隊趕工都肯落心機拍。希望編劇可以打好個底,畢竟劇本係一劇基礎。前面有集數存在人設動搖嘅問題,基本都係細節執執就得,問題雖然細但觀眾其實睇得一清二楚。希望編劇檢查劇本時留意下,製造矛盾固然重要,不過人物塑造都係戲劇大重心。另外劇裡面講到高風投基本都係炒股,但仲可以選擇私募基金、對沖基金、分級基金好多種,炒外匯黃金都得,可以考慮下。

發表於 Posted on: 2020-01-12 23:58

562883361
帖數 Posts: 1
回頂端 / Top