共 1 帖 • 第 1 / 1 頁
藝員中招 |
|
|---|---|
|
婆婆行到酒樓門口，知客迎上前。
知：「早晨呀，婆婆，搓吓手先啦，呢排確診個案又多咗，你都係小心啲。」 婆(擦搓手液)：「啲病毒冇咁毒架啦，你睇世界盃嘅觀眾席場場爆滿，啲球迷都冇戴口罩嘅。」 知：「你舖話法吖…」 婆：「喂，呢句嘢我講嘅噃。」 知：「咪劖亂歌柄啦！」 婆：「你…」 知：「大台台慶，300個藝員無罩演出，十幾人中招呀，你真係要小心，唔係同你講笑架！」 婆：「係嘅，惡知客！」 知：「喂呀！」 婆：「查實你都唔使咁驚，啲病毒係大台忠粉，先至會盛裝出席大台台慶啫。你有冇留意呀，有個女星紥起馬尾著Deep V，V到落肚臍架，另一個露背裝就幾乎去到PAT PAT位，啲病毒咁鹹濕…」 知：「你有睇台慶？」 婆：「冇，睇相啫。不過話時話，新聞列晒嗰十幾個中招藝人名單，我只係聽過一兩個名咋陰公，以前就只得係一兩個唔識。」 知：「咁以前大台節目嘅收視同而家嘅，點有得比啫。」 婆：「呵呵，或者大灣區觀眾識佢哋多啲啦！」 |
|
共 1 帖 • 第 1 / 1 頁
