tvb.com

 
 
tvb.com
 

強烈要求J2周六晚日劇時段抽起《法妻當自強》,改播《初戀那一天所讀的故事》

同意
5
反對
4

總票數 Total Votes: 9

強烈要求J2周六晚日劇時段抽起《法妻當自強》,改播《初戀那一天所讀的故事》

《法妻當自強》改翻美劇,常盤貴子主演,睇過韓劇版,劇情極垃圾,講一個檢察官因受賄被捕,老婆重返初戀情人做律師,中間有不倫戀同律師戲,咁的故事完全唔吸引,係日本播出兩集,係皇牌日九檔播出,收視10-11%,連日本觀眾都無興趣,香港觀眾有興趣睇。

常盤貴子成十年無拍日劇,新一代觀眾仲會知佢係邊個,J2從來無播過佢演出日劇,兩集收視都唔見突出,第三集跌至個位數只係時間問題,既然收視口碑差唔多,點解唔播《初戀那一天所讀的故事》。2月撞正情人節,上翻套愛情劇應節都好正常,第一集收視差,唔代表第二集唔回升,望《初戀那一天所讀的故事》升至雙位,等TVB跌眼鏡。

發表於 Posted on: 2019-01-21 20:14

吉成千奈美
帖數 Posts: 1880
回頂端 / Top
吉成千奈美
我今季追曬tbs三套劇,三套當中最悶其實係《初戀那一天所讀的故事》,套劇拖得好緊要,睇到我無曬耐性,《法妻當自強》反而比較好睇,案件合情合理簡單易明,人物之間嘅火花好好睇,難怪第2集會升,相信第1集收視低原因主要係因為日本觀眾唔多好主婦重返職場。常盤貴子一路都有演日劇,只係唔多連續劇,j2對上播個套《幸福洋果子》咪有常盤貴子囉,而且卡士方面都係《法妻當自強》比較勁,老中青三代有實力有顏值嘅演員都出曬黎,反觀《初戀那一天所讀的故事》只係得深田恭子同中村倫也比較ok。至於不倫戀,我就唔認為日劇版會有,可能只係處於曖昧關係,畢竟太短,得10集,正如日劇版《好醫生》一樣,愛情線唔明顯。再者我見到你邏輯好有問題。今季咁多套入面,我覺得《3年A班》最好睇,最多爆點,完全估唔到走向,同當年《家族遊戲》一樣,可惜tvb買唔到。

發表於 Posted on: 2019-01-22 3:05

UIE1017
帖數 Posts: 1585
回頂端 / Top
回應:UIE1017

雖然我無睇過今季TBS三套劇,但單憑第一集觀感去判斷劇集質素會唔會太武斷。《初戀那一天所讀的故事》同時段上一套日劇《中學聖日記》夠開局慢,咁你又話好睇,況且《初戀那一天所讀的故事》係連續劇,邊似另外兩套單元劇咁易寫先得過,而《初戀那一天所讀的故事》第二集回升,套劇咁差會不跌反升,仲要係日本收視差的純愛劇題材,咁講等通咩。

《法妻當自強》翻拍美劇,按照日劇改篇,劇情唔會大改,最多濃縮劇情,《Signal》基本上同韓版劇情一樣,咁今次日版《法妻當自強》都係美劇走向單元式套路,我無睇過美劇但已經睇過韓劇版,官司劇情好一般,以法庭戲為主,但欠缺推理原素,又唔係《律政狂人》走搞笑風格,係一套正經的法庭戲,所以未得個悶字,套劇只係加入老公貪污同不倫的垃圾法庭劇,案件又唔係特別,上季已經有一套翻拍美劇《金裝律師》收視麻麻,已經預言這套《法妻當自強》都唔妨會高。

《法妻當自強》係近年係日九開播收視成績最差,成績拍得住夏季日九,第一集收視差好明顯係卡士吸引唔到觀眾,常盤貴子根本擔唔起收視,小泉孝太郎同水原希子係配角料,仲要翻拍美劇,唔似改篇日本漫畫,小說咁有話題性,加上法律劇係日九收視一向低。事實上TBS日九定位係男性觀眾,推理,醫療同商戰劇先係正路,播這套主婦重返職場趕走晒慣性觀眾。

常盤貴子主演日劇都已經好耐,係2000年代的事,連我睇日劇咁多年都無睇過佢主演日劇,就知佢係現今演藝圈屬過氣,仲有常盤貴子係《幸福洋果子》屬主演級別咩,根本戲份唔多,卡士方面其實兩套劇半斤百兩,常盤貴子屬過氣,近年演出日劇無成績,小泉孝太郎同水原希子都係配角料,無號召力可言,套劇唯一救收視方法係請人氣嘉賓客串演出。《初戀那一天所讀的故事》話晒有演出過2016年大熱劇《拜託請愛我》的深田恭子主演,係男配角卡士較弱,第二集收視回升,按照《拜託請愛我》走勢會繼續向上,形勢樂觀。

再者如果TVB真係咁睇好《法妻當自強》,絕對唔會放J2周六晚炮灰檔播出,3-4月期間J2經常性因直播外國馬而停播,TVB寧願將唔細超時的《MADAM的神探大叔》放周日晚播,都唔願上兩集需要延長令周六節目表再更改的《法妻當自強》,罷明對套劇無信心。事實上周日晚播放緊貼日劇係高收視,證明該時段較TVB重視。

發表於 Posted on: 2019-01-24 0:38

吉成千奈美
帖數 Posts: 1880
回頂端 / Top
另外TVB愈來愈慳皮,只買TBS日劇,其他台日劇根本唔會買來播,《3年A班》係今季話題日劇,但TVB根本唔會買,就算有得賣都咁話,今季富士月九同朝日木九收視成績都好過《法妻當自強》,J2又係唔播。

況且《初戀那一天所讀的故事》改篇日本漫畫,論故事吸引度理應比翻拍美劇,鍾意睇日劇都唔會睇美劇,係兩種唔同風格,翻拍都唔會好。希望《法妻當自強》第三集收視跌至7-8%,令TVB回心轉意改播《初戀那一天所讀的故事》,始終TVB睇收視行先,《法妻當自強》只係暫定安排。

發表於 Posted on: 2019-01-24 0:40

吉成千奈美
帖數 Posts: 1880
回頂端 / Top
《法妻當自強》第三集跌至9.6

發表於 Posted on: 2019-01-31 19:20

吉成千奈美
帖數 Posts: 1880
回頂端 / Top
回應:UIE1017

下季TBS三套日劇卡士仲正過《初戀那一天所讀的故事》同《法妻當自強》,火十有吉高由里子主演的職場愛情劇,向井理演出。金十有山下智久改篇日本漫畫的醫療查案劇,日九有福山雅治主演的商戰劇,實力派演員香川照之助演。三套劇卡士比今季劇強不知幾多倍,證明TBS今季hea做,同去年比有松本潤,石原里美主演唔同級數。

發表於 Posted on: 2019-01-31 20:43

吉成千奈美
帖數 Posts: 1880
回頂端 / Top
吉成千奈美
我已經睇曬TBS三套劇頭3集,《初戀那一天所讀的故事》第2集開始的確好睇左少少,無第1集咁悶。《中學聖日記》雖然開局慢,但佢慢得黎好有feel,係營造緊氣氛,同《初戀那一天所讀的故事》無得比。《法妻當自強》劇情真係好緊湊,無冷場,內容合情合理,容易明白,如果認真以案件質素而言,算係近年比較好嘅一套法律劇,所以唔單止唔會悶,仲睇得好投入,除非你討厭法律劇。《法妻當自強》第3集係跌,但跌極都仲高過《初戀那一天所讀的故事》喎,而且當時仲有嵐記者會影響呢!常盤貴子係《幸福洋果子》戲份唔多嘅話,咁好多劇嘅配角戲份咪仲少!再者如果常盤貴子係過氣,應該一早有唔少劇評者指出呢件事。我從來唔認為TVB睇好《法妻當自強》,只係比《初戀那一天所讀的故事》好,至於《MADAM的神探大叔》開始變悶,頭兩集幾好睇,但第3集睇到有少少厭。下季TBS三套劇都比較悶,我反而有興趣TBS夏季火十《天國餐館》,石原聰美加福士蒼汰,依家等埋睇下係邊個編劇先。

發表於 Posted on: 2019-02-01 17:39

UIE1017
帖數 Posts: 1585
回頂端 / Top
其實會唔會係韓版拍得差咋…未睇過日版同韓版,但係之前睇過少少美版,都算幾好睇吖。如果唔好睇,美版點會做到7季咁多,仲要日韓都翻拍?

發表於 Posted on: 2019-02-02 17:15

哈哈哈哈呵
帖數 Posts: 115
回頂端 / Top
韓版《法妻當自強》簡直係侮辱原著 !!!!!!!!!!!

韓版竟然有本事將一套經典拍到變左垃圾。痴線 !

原裝正版 The Good Wife, 好睇到無得彈。 最轟動莫過第5季時男主角突然死左。 全世界觀眾鬧爆, 最後要編劇解釋安撫觀眾。

好期待日版既出品。

發表於 Posted on: 2019-02-02 22:37

dona
帖數 Posts: 221
回頂端 / Top
回應:UIE1017

《法妻當自強》最新收視個集跌至8.5,由第三集開始係咁跌,頭兩集靠常盤貴子復出製造話題,係日本觀眾大多討論常盤貴子無咩點老過,保養好好之類,劇情完全無人討論,就知劇本唔吸引。其實我睇過成套韓版《法妻當自強》,得頭幾集case好睇,其餘個D都好垃圾,法律劇係日本一向都唔收得,就係觀眾唔鍾意睇法庭戲,而這套《法妻當自強》仲要改篇美劇,不符合國情,水土不服,成套劇唔係日本人鍾意睇金田一式推理律政劇,其實TBS預期翻拍套著重法庭戲的《法妻當自強》,開拍第三輯《0.1無罪真相》好過。

按照《法妻當自強》之後收視走勢,都係6-8%之間上落,破了今年TBS最低收視日九污名,日九會唔會因為這套劇沉淪。老實講《初戀那一天所讀的故事》周同《法妻當自強》差唔多,不過前者係火十檔,加上愛情劇唔得,正路計J2播《初戀那一天所讀的故事》好d。《MADAM的神探大叔》收視差極都雙位數,今季三套TBS劇卡士,最強係這套,如果唔係TVB唔會放星期日播。

下季TBS三套劇故事題材都係大路,春季以穩陣為先,不過勝在卡士好過今季,我對吉高由里子個套有d興趣。TBS夏季火十《天國餐館》由石原聰美主演,福士蒼汰演出,卡士幾吸引下,故事唔知係點,不過聽個名似愛情劇,火十連續兩季主演級人馬都好強下,石原聰美想住靠火十翻身。

發表於 Posted on: 2019-02-12 14:51

吉成千奈美
帖數 Posts: 1880
回頂端 / Top