tvb.com

 
 
tvb.com
 

希望J2可以播多d日劇

回應:kolley

《Good Doctor》係日本收視唔錯,又有口碑,劇情應該唔錯。山崎賢人係新一代男演員來講演技唔錯,以前主演愛情劇同電影,去年開始大改戲路走演技派,係《陸王》演出唔錯。好耐都無睇上野樹里演出日劇,所以Viu TV係12月9日播出記住要盡時收睇。根據維基百科最新資料顯示,《大叔的愛》特別篇已經被抽起,播放無期。Viu TV節目安排好混亂,成個月停播日劇,星期六晚8:30-10:30連續兩小時播放日本綜藝節目,咁的安排完全唔知想點,好心減一個鐘日綜播放日劇。韓國電影只係安排係星期日晚9:30播放,

<繼母與女兒的藍調>成日停播罷明拖期,拖到11月先上緊貼日劇,太早播完個兩星期又要播特別篇頂期,TVB節目組安排唔想怕麻煩先成日停播。myTV Super重溫劇集同節目要收錢,免費版得一星期同播出期間勁多廣告,罷明想迫人俾錢裝收費版。

<下町火箭2>係J2未播出,《當家姐姐》係J2仲播緊,想要時間啱睇日劇就收費台,免費台得六日晚可以播得幾多套日劇,所以錄影幾重要。

發表於 Posted on: 2018-10-19 21:06

吉成千奈美
帖數 Posts: 1878
回頂端 / Top
回應:吉成千奈美

係Viu TV係12月9日先再播出《Good Doctor》其實都幾耐囉,而《大叔的愛》特別篇係Viu TV網頁好似有得睇我會係佢網頁睇....而Viu TV播日本綜藝節目《你去日本搞咩鬼》都幾好睇又搞笑!

而J2台上星期六又到<遺留搜查5>停播,上星期日播<繼母與女兒的藍調>今集又幾好睇(佢哋兩個會唔會有得發展落去),跟任星期日播大結局!<繼母與女兒的藍調>有特別篇咩....要俾錢睇我一定唔會囉,唔知係未播完<繼母與女兒的藍調>後播<下町火箭2>,如果時間啱都會睇!

發表於 Posted on: 2018-10-25 18:05

kolley
帖數 Posts: 7623
回頂端 / Top
回應:kolley

Viu TV宜家係星期六節目安排都幾怪下,兩小時播放日本綜藝節目,《你去日本搞咩鬼》本身係星期三晚8:00播放,播完《大叔的愛》後停播日劇,連播兩集《你去日本搞咩鬼》,而星期三晚8:00就改播另一日本綜藝節目《全能科學家》,都唔知係唔係《你去日本搞咩鬼》收視太差先改星期六播。

事實上Viu TV星期六晚8:30就快播完日本綜藝節目《翻叮通識科》,11月17日晚仲未有節目安排,唔知會唔會改播日劇,《Good Doctor》係12月9日晚先播,Viu TV基本上成個月無日劇播,可以唔細睇。

下星期六晚<遺留搜查5>大結局,TVB分開兩集播,今個星期日晚<繼母與女兒的藍調>大結局,下星期開始連續兩星期播放SP劇<殺人一瞬間>,昨晚睇預告係推理劇,由天海佑希同前田敦子主演,即係話J2要去到11月中先有日劇緊貼上。

照計<繼母與女兒的藍調>後播<下町火箭2>機會唔大,<下町火箭2>係日本收視麻麻,多數放星期六晚播,星期日晚播戶田惠莉香主演的<大戀愛>多,第二集收視比第一集仲升,仲要比原定時間延遲播出,有川架純主演的師生戀劇<中學聖日記>機會唔大,收視好差,TVB唔播多。

另外<繼母與女兒的藍調>無特別篇。

發表於 Posted on: 2018-10-27 14:40

吉成千奈美
帖數 Posts: 1878
回頂端 / Top
回應:吉成千奈美

Viu TV,而家播放日劇同綜藝節目安排時間賀係麻麻,如果真係12月9日播《Good Doctor》要追睇!而《翻叮通識科》搵D藝人演繹講解都幾搞笑,《全能科學家》就未睇過,又好想睇有狗狗動物綜藝節目都幾啱我睇!而Viu TV有兩個月唔播日劇真係可以唔洸睇....

至於上星期日播<繼母與女兒的藍調>大結局,大家都知道結局係點,結局ok!而<下町火箭2>擺係收費TV Super播唔知幾時係免費台播,而呢個星期日播<殺人一瞬間>由天海祐希主演懸疑推理劇應該好睇...而你講<大戀愛>戶田惠莉香主演同<中學聖日記>睇嚟唔知會選擇邊套日劇係J2台播...                                                      

發表於 Posted on: 2018-11-02 20:04

kolley
帖數 Posts: 7623
回頂端 / Top
回應:吉成千奈美

上星期六<遺留搜查5>己播到第九集都覺得OK!而上星期日剛剛播完<殺人一瞬間>第一集係由天海祐希主演仲有前田敦子演出暫時OK而且係連續劇唔知有幾多集啦!

Viu TV而家無日劇睇,多數播日本綜藝節目為多,真係要等到十二月先有得睇!而家先知道奇妙電視改咗名,改咗<香港開電視>你話好唔好聽,我就唔鍾意呢個名好似怪怪地....最近又係間唔中停播日劇,連日本綜藝節目都好似停播又好少...

發表於 Posted on: 2018-11-08 17:18

kolley
帖數 Posts: 7623
回頂端 / Top
回應:kolley

Viu TV宜家集中播晒日本綜藝節目,日劇成個星期都無播,原先安排12月9日播《Good Doctor》已經取消,改播自製劇《東方華爾街》。播完《翻叮通識科》繼續播綜藝節目,星期六晚9:30連播兩集《你去日本搞咩鬼》安排最離譜,播返日劇未算,一星期細唔細成7日都播日本綜藝節目咁多。

《全能科學家》係介紹科學節目,由偶像團體彩虹章魚燒演出,星期三晚8:00播出,J2係星期六晚7:30-8:30播緊《寵物大本營》,未係有狗狗動物綜藝節目,你無睇咩,Viu TV播堆日本綜藝節目都係資訊類為主。Viu TV已經可以唔細點睇,集中睇J2為主。

<繼母與女兒的藍調>大結局係一般日劇開放式結局,無驚喜但唔失望,整體算ok,myTV Super近這兩星期成日宣傳日劇<中學聖日記>同<下町火箭2>。要趁免費台播前谷定客上myTV Super,而下星期六晚10:35播放戶田惠莉香主演的<大戀愛~致忘了我的妳>,星期日晚11:05播放<下町火箭2>,兩套緊貼日本播放。

發表於 Posted on: 2018-11-10 15:37

吉成千奈美
帖數 Posts: 1878
回頂端 / Top
J2日劇預告:

《大戀愛~致忘了我的妳》 戶田惠莉香 TBS金曜劇 緊貼日本放送
11月17日起星期六晚10:35播放,緊接《遺留搜查5》後播放

《下町火箭》 阿部寬 TBS日九劇 緊貼日本放送
11月18日起星期日晚11:05播放,緊接《殺人一瞬間》後播放

發表於 Posted on: 2018-11-10 15:59

吉成千奈美
帖數 Posts: 1878
回頂端 / Top
回應:kolley

播完<遺留搜查5>後播戶田惠莉香主演的<大戀愛~致忘了我的妳>,J2周六晚已經好耐無播過非查案類醫療劇,<殺人一瞬間>播埋明晚就大結局,睇了一集<殺人一瞬間>,劇情ok,而主角天海佑希戲份唔多,反而前田敦子仲多戲份,咁可以留意多d阿醬的演技。

Viu TV 2019巡禮有介紹兩套日劇,包括山崎賢人主演<Good doctor>,米倉涼子主演今季日劇<Legal V>,宜家係Now劇集台播緊,應該下年先播。奇妙電視本身無睇,改名<香港開電視>迎合大灣區人士口味,你唔鍾意個名係香港發音問題,而<香港開電視>播日劇都好少,日本綜藝節目提早8:30播放。

發表於 Posted on: 2018-11-10 16:54

吉成千奈美
帖數 Posts: 1878
回頂端 / Top
回應:吉成千奈美

上星期六已播哂<遺留搜查5>同大結局,劇情都好正面係OK!而上星期日播完兩集<殺人一瞬間>又幾好睇,點解又唔會繼續拍呢套<殺人一瞬間>唔明唔拍落去....今個星期六會播《大戀愛~致忘了我的妳》同星期日播《下町火箭》呢兩套劇集都會睇吓!

至於只係播日本綜藝節目係唔够囉....而<Good doctor>同<Legal V>會播係Now播先係好正常,只好等幾時會擺係Viu TV 播,而改名<香港開電視>迎合大灣區人士真難頂....有線播日劇真係太少近乎無只得星期六一套!

發表於 Posted on: 2018-11-16 18:43

kolley
帖數 Posts: 7623
回頂端 / Top
每日下午6:00的童心四姊妹19/11開始停播?被腰斬

發表於 Posted on: 2018-11-18 22:55

林KENNY傑
帖數 Posts: 4
回頂端 / Top
回應:吉成千奈美

上星期六播咗一集《大戀愛~致忘了我的妳》由戶田惠梨香主演,佢已經唔係偶像派己係實力派演員仲係演得唔錯女演員,而呢另一位男角係由室剛演出好有多日劇都有份演出過又係演技派,而《大戀愛~致忘了我的妳》第一集劇情節奏明快,仲知道北澤尚患有(認知障礙症),好似係緊貼日本TBS電視台同時播出,睇咗一集已覺得幾好睇,你有無睇....

而<下町火箭2>睇咗一集,我睇過<下町火箭>係講科技發展係升空火箭,我對呢類劇種就一般,唔知有幾多集呢!

發表於 Posted on: 2018-11-22 18:55

kolley
帖數 Posts: 7623
回頂端 / Top
回應:kolley

<遺留搜查5>大結局ok,合情合理,印象最深刻係結尾有第二套日劇女法醫客串,村木先生本來打算放假都推埋。<殺人一瞬間>麻麻,最後推理破案靠重演案情迫兇手招供,中間犯案過程完全散略無提,其實送藥毒死都大概估到係醫生所為,而係火車運送屍體又無提。<殺人一瞬間>係SP,一集過,唔係連續劇,唔會拍落去。

宜家香港免費電視台播放好多日本綜藝節目,一星期日日都有播,唔知係唔係太受歡迎而不斷增加時段,<Good doctor>同<Legal V>係Now劇集台播先無錯,但Viu TV可以播其他日劇,Now劇集台大把日劇未係Viu TV重播,細唔細停播日劇播多個鐘日本綜藝節目。

<香港開電視>播日劇都係平價朝日刑事劇,只係播<刑警相棒>系列,其他劇唔會重播,罷明保障有線收費客戶利益。而<香港開電視>一至五晚10:30劇集線播完堆垃圾港視劇之後會唔會播日劇,始終有線堆韓劇唔夠播,睇下有無機會,以前有線娛樂台係一至五晚10:30有日劇播。

發表於 Posted on: 2018-11-23 19:33

吉成千奈美
帖數 Posts: 1878
回頂端 / Top
回應:吉成千奈美

剛剛播咗《大戀愛~致忘了我的妳》第二集話北澤尚同間宮真司講清楚比佢知自己有(認知障礙症),而間宮真司講好多唔同病症都會接受北澤尚係埋一齊,呢種劇情好小,而我又覺得幾好睇!....係未緊貼日本同播放!

原來係重播<下町火箭>我睇過啦!而《下町火箭》係收費日劇台我已睇咗係2016年1月播,而家先播《下町火箭》後接住播<下町火箭2>。

唔知Viu TV<Good doctor>同<Legal V>好想睇,可能日本綜藝節目買返嚟比較平D,暫時<香港開電視>睇星期六日劇<刑警相棒>都算OK!不過配音就麻麻似乎老聲D,

發表於 Posted on: 2018-11-26 20:30

kolley
帖數 Posts: 7623
回頂端 / Top
回應:kolley

《大戀愛~致忘了我的妳》幾好睇,劇情明快,戶田惠莉香同室剛演技真係好好戲,完全將北澤尚同間宮真司性格演繹出來,真係好想追落去睇下佢地發展。這套劇重拾日劇久違的純愛劇味道,好正。

未開播前以為這套劇劇情係婚戀劇,點知唔係,出乎意料好睇。套劇係日本播出第一集後網上點撃率破晒TBS劇集紀錄,得到大量好評,人氣比高收視<下町火箭2>,<Legal V>仲好。

以認知障礙症作為日劇題材係近年真係少,而《大戀愛~致忘了我的妳》係日本播到第六集,香港今個星期先播第三集,點會唔係緊貼日本播放。連myTV Super都有重溫套劇就令人意外,其實這套劇係全球首播(日本除外),台灣都未有得睇,J2今次有得播算快手。

另外J2係星期日晚播放《下町火箭》係2018年版本,絕對係新一輯。係收費日劇台播放的《下町火箭》已經係9-10月J2朝早重播晒。睇了兩集《下町火箭》2018,劇情大致上同第一輯差唔多,只係將火箭改做拖拉機,而專利侵權係上一輯已經用過,無咩特別,宜家係日本收視都麻麻。套劇好一般,好睇過《女醫神Doctor X》咁解。

<Good doctor>同<Legal V>等下年Viu TV重播先有得睇,全靠Viu TV買了<Legal V>,J2先有得播《大戀愛~致忘了我的妳》,唔係就睇少了套好劇。日本綜藝節目平,TVB就唔會播咁少,日日播韓國同大陸綜藝節目為主,只可以話日本綜藝節目比日劇採購成本平。

<香港開電視>播<刑警相棒>又係重播有線劇集台配音版本,有線同Viu TV堆配音都係外判,點及TVB有固定配音組咁靚聲。

發表於 Posted on: 2018-11-26 23:51

吉成千奈美
帖數 Posts: 1878
回頂端 / Top
回應:kolley

睇了兩集《大戀愛~致忘了我的妳》,其實劇本寫得唔錯,上星期六睇第二集未講到北澤尚患有(認知障礙症),第一集未提到北澤尚唔記得病人姓名,蜜茶買多一盒,而間宮真司係北澤尚鍾意的作家,因誤會偷蜜茶同樓上漏雨相識,好似命中注定係埋一齊。

第二集講間宮真司當北澤尚係性伴侶關係,收埋北澤尚阿媽錢,北澤尚先知有(認知障礙症),拒絕間宮真司追求,後來北澤尚有意外,打電話向間宮真司求救,而北澤尚好老實將真相講俾間宮真司聽,間宮真司話自己無錢,無前途個段幾感動下,而北澤尚角色幾討好,一直做主動,為免令間宮真司受傷,話自己結婚拒絕間宮。

戶田惠梨香一前道都係實力派演員,演技唔錯,戲路廣。室剛演配角為主,所以對佢印象唔太深刻,不過今次佢演間宮真司好入型入格,配戶田惠梨香都唔會顯得格格不入,表現眼前一亮。

<下町火箭2>至少10集,係一套科技的商戰劇,興趣唔係好大鍾意劇種,不過係日本人鍾意題材。下季日劇全部都係律師劇,J2播完<下町火箭2>好可能會播套翻拍美劇<Good Wife>,劇情幾垃圾下,可能仲唔好睇過<下町火箭2>,係時候做定心理準備,最慘套劇仲要搵常盤貴子堆老餅做。

發表於 Posted on: 2018-11-27 0:24

吉成千奈美
帖數 Posts: 1878
回頂端 / Top
回應:吉成千奈美

《大戀愛~致忘了我的妳》真係幾好睇!而劇集用認知障礙症做題材好似未有...可都以為《大戀愛~致忘了我的妳》婚戀劇!呢套《大戀愛~致忘了我的妳》仲係緊貼日本播出,而今次TVB咁捨得買....至於你話<Good doctor>同<Legal V>好想睇,真係唔錯,但係又唔知幾時有得睇希望快D有得睇。

《下町火箭》真係全新,要睇吓係未全新,《下町火箭》唔係幾啱我睇,無乜耐性睇囉...而最近日劇比較吸引係《大戀愛~致忘了我的妳》好有追看性!TVB配音係幾好又自然又聽慣!

J2台會播呢套<Good Wife>個劇名好怪有無人睇...咁樣比較更係睇<下町火箭2> 有常盤貴子同老餅演員,而套劇中演得好又啱佢角色都無乜問題,最怕九唔搭八角色!

發表於 Posted on: 2018-12-07 21:38

kolley
帖數 Posts: 7623
回頂端 / Top
回應:吉成千奈美

《大戀愛~致忘了我的妳》第五集我仲未睇,,要係My tv重溫!《大戀愛~致忘了我的妳》幾值得追睇....而《下町火箭》無睇!

至於Viu TV淨係睇日本綜藝節目,而<香港開電視>(有睇明治憑什麼)旅遊節目幾好睇!

Viu TV可能重播<Good doctor>同<Legal V>,而明珠台播<Good doctor>同名又係幾好睇美劇,劇情係講一名好年輕有自閉外科醫生我覺得幾好睇!

發表於 Posted on: 2018-12-20 18:46

kolley
帖數 Posts: 7623
回頂端 / Top
回應:吉成千奈美

睇咗《大戀愛~致忘了我的妳》第六,七八集,有小池演出同戶田角色病情一樣,劇情佢好似對呀尚來者不善更令尚病情嚴重,尚短暫忘記真司係邊個,好令真司擔心。而井原醫生都唔知點樣應對...之後井原醫生睇回上課錄影帶見到松尾公平係佢搞個咪而令到尚暈倒點解要咁做!

而<香港開電視>有繼續睇(有睇明治憑什麼)旅遊節目。

發表於 Posted on: 2019-01-05 1:20

kolley
帖數 Posts: 7623
回頂端 / Top
J2日劇預告:

《遺留搜查5特別篇》 上川隆也
2月2日起星期六晚10:35播放

《孤獨的美食家 京都.名古屋出差篇》 松重豐
2月10日起星期日晚11:05播放

發表於 Posted on: 2019-01-21 19:10

吉成千奈美
帖數 Posts: 1878
回頂端 / Top
回應:kolley

《大戀愛~致忘了我的妳》係myTV Super不論免費收費版只有一星期重溫,而之前myTV Super收費版客戶可以整套日劇重溫,好大機會版權問題(傑尼斯藝人演出無網上版權,而今次可以係myTV Super重溫係破例),你係唔係已經放棄唔睇《下町火箭》,我仲有睇係免費台無咩日劇睇,下星期大結局播下套日劇,記住盡時返睇J2。

Viu TV星期六晚堆日本綜藝節目做到2月12日就完,之後改播大陸綜藝,到時真係唔細點這個台,這個台已經大陸化緊。<香港開電視>唔係仲有日劇《刑偵相棒》做,而我無這個台,所以無睇。

Viu TV連韓劇都cut剩一線,另外個線變埋做又長又悶大陸劇,<Good doctor>同<Legal V>係收費台播完無耐,至少半年後Viu TV先有得睇。明珠台播<Good doctor>係翻拍韓劇,而日劇版都係翻拍韓劇,睇過韓劇版幾好睇,係一套感人治癒劇,中間穿插醫療鬥爭同感情戲,美劇版應該得醫療部分,而日劇版保留醫療鬥爭同加翻日本社會現象再改篇,所以係同名但劇情唔同。

發表於 Posted on: 2019-01-21 19:29

吉成千奈美
帖數 Posts: 1878
回頂端 / Top
J2日劇預告:

《法妻當自強》常盤貴子 TBS日九劇 緊貼日本放送
2月16日起星期六晚10:35播放

《MADAM的神探大叔》高畑充希 TBS金曜劇 緊貼日本放送
2月17日起星期日晚11:05播放

發表於 Posted on: 2019-01-24 0:44

吉成千奈美
帖數 Posts: 1878
回頂端 / Top
回應:吉成千奈美

《大戀愛~致忘了我的妳》播晒,而大結局都好感動。而家日本對(認知障礙症)醫學研究預防!而《下町火箭》係(2018年版)都有睇,但有時唔記得睇!下星期大結局一定會睇!

而明珠台播<Good doctor>係未韓版我都唔會理反正我都唔睇韓劇。我幾鍾意美劇<Good doctor>劇情醫療好認真又可以認識多D醫學,更多醫生同病人感受妻係令人更會追睇!而日劇版我都想睇,醫療上最唔鍾訛加插太多男女感情事,而美劇<Good doctor>主要講有自閉症醫生為中心去演繹醫術好,美國係想多D人關注多D有自閉症人事,我比較喜歡睇美國個套<Good doctor>有意思得多。

而J2過完年先追睇2月新日劇,咁農曆年2月頭播乜...

發表於 Posted on: 2019-01-24 21:34

kolley
帖數 Posts: 7623
回頂端 / Top
回應:kolley

《大戀愛~致忘了我的妳》幾好睇,大結局好感動,阿尚為了為他人製造負擔,離家出走,每日錄拍片等有一日真司找佢睇返,而真司找到阿尚已經唔認得佢,真司每日讀腦袋與蘋果批令阿尚勾起回憶,終於係臨死前有一次講得出間宮真司個名,成套劇除了中段小池徹平出現有d奇怪,後來修正令劇情更集中阿尚同真司的愛情更貼題。

上星期日《下町火箭》大結局都係無交代無人農業機械對決結果,只係提到島津成功將佃製作所部拖拉機性能大大提升,通過帝國重工測驗,另一方面gear ghost推出無人農業機械大受歡迎,《下町火箭》係日本仲有兩集特別篇,係myTV Super已經上架,但J2無播。

其實美劇<Good doctor>故事架構又係源自韓劇,自閉症醫生做兒科醫生拯救生命的故事,美劇版無睇過唔知,不過近年好多美劇翻拍韓劇,雖然你唔鍾意韓劇都要咁講。日劇版較忠於原著,刪走男女感情線,除了醫療部分,仲加入社會性問題反思,雖然大家都係翻拍,但係兩套其實係唔同劇。都係等Viu TV播先再討論。

J2今個星期六晚播《遺留搜查5特別篇》,星期日晚播《律政英雄 2015》電影版,下兩個星期六先上新日劇,而今年J2播放農曆新年安排節目麻麻,無上日本電影,得幾個日本綜藝節目播,連《VS嵐》新春版都無得播,TVB縮皮成咁。尤其係嵐早排宣佈2020年解散,《VS嵐》將會停播。

發表於 Posted on: 2019-01-31 20:08

吉成千奈美
帖數 Posts: 1878
回頂端 / Top
回應:kolley

J2係農曆新年後上兩套新日劇,其中一套上常盤貴子主演的翻拍美劇《法妻當自強》,卡士麻麻,睇過韓劇版幾悶,故事麻麻,仲難涯過《下町火箭》,都唔知這套劇播幾耐,宜家TVB仲未係J2出預告,得閒過去另一個討論區投票,要求J2係同時段改播《初戀那一天所讀的故事》。

發表於 Posted on: 2019-01-31 20:27

吉成千奈美
帖數 Posts: 1878
回頂端 / Top
香港開電視日劇預告:

《致命影像》 龜梨和也 全10集 關西電視台
2月15日起一至五晚10:30-11:30播出

發表於 Posted on: 2019-02-12 14:57

吉成千奈美
帖數 Posts: 1878
回頂端 / Top