tvb.com

 
 
tvb.com
 

希望J2可以播多d日劇

近排J2星期六晚成日停播日劇,《不自然死因研究所》播完兩集,停播一集,上星期播到第三集,今個星期六晚又停播,而TVB上星期無係播出《不自然死因研究所》期間提示下星期停播,如果觀眾無留意節目表,今個星期開電視點知無得睇,實鬧爆TVB。

J2星期六晚再係咁播日劇法,幾難留住觀眾,一係將星期六晚日劇時段改為連續播放兩集,2030外購旅遊節目時段同2335動漫時段取消已經夠一個鐘,或者將賽馬改去明珠台播放,反正其餘兩間免費電視台都無心做英文台,TVB未照樣hea做明珠台算數。

星期日晚日劇時段太夜播,改返以前2235播先可以吸引觀眾,韓國綜藝Running man佔據J2星期日晚黃金時段太長,不如改返星期日下午播,至於六日直播賽馬未改返明珠台播放。事實上明珠台長年累月都低收視,最好用來播馬同六合彩。

發表於 Posted on: 2018-07-04 16:13

吉成千奈美
帖數 Posts: 1829
回頂端 / Top
Viu TV日劇預告:

《信用欺詐師》長澤雅美、東出昌大、小日向文世 富士月九劇 全10集

8月25日起星期六晚8:30-9:30播出,緊接《人100%靠外表》

發表於 Posted on: 2018-07-04 16:18

吉成千奈美
帖數 Posts: 1829
回頂端 / Top
回應:吉成千奈美

J2已播咗四集《不自然死因研究所》,前排只睇世界盃都好小睇,上星期六開始有睇都翻,而<花樣男子NEXT SEASON>好似漫畫演繹出來,男女主角好似未够班囉....

而Viu TV播世界盃時間已停頓播劇幾個星期,而家正常播節目,《人100%靠外表》有搞笑情節,但有D傻傻地似漫畫,而家日本鍾意咁樣拍咩....《信用欺詐師》唔知好唔好睇啦!

以前我哋講個D劇集唔見哂....

發表於 Posted on: 2018-07-20 18:12

kolley
帖數 Posts: 7609
回頂端 / Top
回應:kolley

《不自然死因研究所》係世界盃期間停了兩次,<花樣男子NEXT SEASON>本身係漫畫改篇,男主角本身係傑尼斯新團出道,無咩演戲經驗,唔怪得佢,女主角杉咲花演戲無數,但個角色唔太適合她做,老實講女二女三仲搶戲過女主角,劇情輕鬆都仲吸引,一班年輕偶像唔好要求演技。

《人100%靠外表》都係漫畫改篇,情節誇張先符合本身風格,睇這套劇都係睇桐谷美玲,事實上劇題材近年都係取自漫畫小說,原創都係推理查案法庭劇,無辦法宜家都係睇人氣先敢開拍。《信用欺詐師》類似《律政狂人》搞笑劇,有長澤正美,東出昌大主演,卡士唔弱。

雖然世界盃完了,不過宜家仲有一堆日綜要追,Viu TV一至五晚8:00-8:30播放日綜,J2又係下星期六晚7:30播放動物節目。宜家雖然世界盃完,我都仲一堆節目未睇,最近睇了韓綜produce48,關心日本成員出道狀況,矢吹奈子唱高音真係好正,又夠可愛,係最鍾意成員之一。

以前個D留言俾TVB刪除晒,個主題一過一年就無晒。

發表於 Posted on: 2018-07-20 20:19

吉成千奈美
帖數 Posts: 1829
回頂端 / Top
Viu TV日劇預告:

《大叔的愛》田中圭 朝日土十一 全7集

8月18日起星期六晚9:30-10:30播出,緊接《人100%靠外表》

發表於 Posted on: 2018-08-02 18:35

吉成千奈美
帖數 Posts: 1829
回頂端 / Top
J2日劇預告:

《當家姐姐》 高畑充希 NHK晨間劇 全156集

8月9日起每日黃昏6:00-6:30播出,每次播放兩集,緊接《幸福洋菓子》後播出

發表於 Posted on: 2018-08-02 18:38

吉成千奈美
帖數 Posts: 1829
回頂端 / Top
回應:吉成千奈美

《不自然死因研究所》睇到第六集都OK!而<花樣男子NEXT SEASON>都有睇,呢位女主角好似唔够份量背起,佢似乎條件差好遠喎.....角色真係唔太適合佢,應該演D有個性角色!

而Viu TV《人100%靠外表》睇睇吓有幾好睇又幾搞笑,仲有就快播《大叔的愛》好多人話好睇八月播,又會星期六晚推後9:30-10:30播到時又要轉J2 10:30睇《不自然死因研究所》累死....

J2八月播《當家姐姐》星期一至五下午6:00-6:30好唔方便,應該有得重溫!

發表於 Posted on: 2018-08-03 23:12

kolley
帖數 Posts: 7609
回頂端 / Top
J2日劇預告:

《繼母與女兒的藍調》 綾瀨遙,竹野內豐 TBS火十 緊貼日本放送

8月12日起星期日晚11:05-12:20,緊接電影《神探伽俐略2:真夏方程式》後播出

發表於 Posted on: 2018-08-06 20:54

吉成千奈美
帖數 Posts: 1829
回頂端 / Top
回應:kolley

《不自然死因研究所》好睇,將法醫咁嚴肅題材加入社會作保裝,集與集之間有故事連續性,有時輕鬆有時嚴肅,每個角色鮮明,算係近年出色日劇,難怪係上季日劇學院獎得主。

而<花樣男子NEXT SEASON>整體來講算好睇(唔計最後兩集),女主角杉咲花唔係演技問題,係外型唔唔太符合,其實本身屬意係廣瀨玲,後來係廣瀨玲辭演,杉咲花臨時頂上,仲有杉咲花演日劇都係有個性角色(夜行觀覽車,為了N),只能怪今次改演偶像劇路線唔太適合佢。

《人100%靠外表》睇到上星期個集原來城之內(桐谷美玲男朋友)榊圭一本身有女朋友,一腳踏兩船,大結局來個反高潮,套劇都輕鬆搞笑,夠晒娛樂性。《大叔的愛》係上季話題日劇,係今季日劇學院獎得主,未睇過套劇,不過好多人話套劇好睇,咁應該唔錯,男主角田中圭憑這套劇一炮而紅,到時記得追睇。

Viu TV將日劇時段改後播係想等多d人睇到,始終星期六晚8:30播太早,而J2日劇《不自然死因研究所》係10:35播,即係仲有5分鐘時間休息,仲有《大叔的愛》唔會加長,都仲轉得切台,不過播完《大叔的愛》後的日劇會唔會因加長就之後先知。

J2係8月有兩套新日劇上,《當家姐姐》日日播,下午6:00-6:30播時間唔太好,不過好彩有myTV Super免費重溫,至於J2重播又係第二朝6:00播,唔錄影根本睇唔到。

今個星期日晚11:05會緊貼日本播放由綾瀨遙,竹野內豐主演的日劇《繼母與女兒的藍調》,由《仁醫1,2》編劇森下佳子寫劇本,應該幾好睇。仲有myTV Super取消所有日劇台配音,以後配音版本由J2播放,TVB罷明欺騙myTV Super客戶錢,我宜家睇緊myTV Super好多都將會無配音,咁搞法即係以後唔細裝myTV Super,直接係免費台睇仲實際。

發表於 Posted on: 2018-08-06 22:51

吉成千奈美
帖數 Posts: 1829
回頂端 / Top
回應:吉成千奈美

啱啱上星期六播《不自然死因研究所》第七集又幾好睇,校內有欺凌咁嚴重學生而死報復真係幾悲哀又拍得好到位,香港劇集就做唔到,香港家長一定投訴又一成不變....未拍好多C奶劇...而<花樣男子NEXT SEASON>我未睇大結局,不過又唔係一定要睇,外型杉咲花係有局限好似<夜行觀覽車>未演出幾好,限於演繹比較特別角色,而上星期六播《神探伽俐略2:真夏方程式》我無睇到太長時間...而星期日首播《繼母與女兒的藍調》男女主角我都喜歡一定,唔知有無免費myTV Super睇!我唔會安裝收費myTV Super,都睇唔哂....

講回Viu TV《人100%靠外表》好睇過<花樣男子NEXT SEASON>,星期六播大結局,睇吓城之內對感情係未咁大愛,而榊圭一本愛情觀好有問題又自私....一定睇《大叔的愛》而田中圭不嬲都有好多演出佢演技幾好,今次仲攞咗好多獎終於有收成!

發表於 Posted on: 2018-08-10 18:20

kolley
帖數 Posts: 7609
回頂端 / Top
回應:kolley

《不自然死因研究所》係幾好睇,將原本沈悶法醫題材拍成社會寫實劇,故事雖然採取單元式,但中間穿插故事情節(有延續性),講返上星期個集上網直播殺人,主角同兇手角力,找出背後真相,拍得好緊。而學校欺凌問題,校方一直不聞不問,唔處理,最終迫到學生自殺,香港劇集拍這類就算無人投訴,以香港觀眾睇開師奶劇口味,點會識欣賞有深度作品。

<花樣男子NEXT SEASON>大結局未神樂木晴嬴決鬥,之後馳天馬讓愛,叫阿音同返神樂木一齊,然後兩個人讀白完場,期間穿插之前集數回憶片後,這套劇係第十集開始拖到結局,罷到明博出第二輯交代,不過整體計都算唔錯,輕鬆愛情劇。杉咲花係<花樣男子NEXT SEASON>演出江戶川音,同男主角互動擦唔出火花,全靠劇情帶動,好明顯選角問題,只可以講杉咲花唔可以演偶像劇戲路。她係<夜行觀覽車>演出得好係本身角色鮮明,有得發揮。

《神探伽俐略2:真夏方程式》真係幾長下,唔計廣告時間有兩個鐘,睇完成套都幾好睇,最好睇係湯川同細路互動找出真相,而旅館三個家人有唔同秘密(係度唔劇透)。《繼母與女兒的藍調》係J2星期日晚11:05首播,播到12:20,時間上唔算太夜,你應該睇到,至於套劇有myTV Super免費版,係J2播完一星期前要睇晒,唔係就要收費。

其實《人100%靠外表》同<花樣男子NEXT SEASON>係唔同性質日劇,一套主打女性扮靚資訊輕鬆喜劇,另一套少女漫畫式純愛劇,睇下你鍾意咩類型日劇,取向會唔同。《人100%靠外表》有個問題係兩位女主角發展太快,套劇講到榊圭一係個好男人,之後結局多數都係<無法戀愛的理由>咁女性能自力更新。

原來Viu TV星期六晚8:30係播完《人100%靠外表》會改播日本綜藝節目翻叮通識科,《大叔的愛》改星期六晚9:30播,唔知Viu TV星期日晚9:30會唔會播埋日劇,統一六日晚節目表。而田中圭一直接d角色無咩戲份,今次演出破格角色有突破,終於憑《大叔的愛》翻身,係演藝事業發展有所發展。

發表於 Posted on: 2018-08-10 19:40

吉成千奈美
帖數 Posts: 1829
回頂端 / Top
回應:kolley

Viu TV播放日劇《人100%靠外表》大結局已經睇完晒,成集都無交代佐藤同丸尾發展,城之內同榊先生和平分手,又無解釋固中原因,觀眾睇到不明不白,成套劇俾人感覺有點固弄原虛,似行銷式廣告,到最後一集寧願賣香水廣告都唔交代劇情去向,成套劇俾人感覺每集都做扮靚研究,略講職場愛情,集集都差唔多咁的公式,無深度內容,難怪係日本收視咁差,浪費一班演員。

真係估唔到桐谷美玲係結婚前拍最後一套劇會搞成咁樣,這套劇如果唔係有桐谷美玲主演一早放棄,以桐谷美玲主演計,係最爛睇的一套劇,桐谷美玲fans都係睇《有喜歡的人》同《逆齡初戀》,兩套劇好睇好多,而展現桐谷美玲靚樣真係《有喜歡的人》。

J2星期六晚播放日劇《不自然死因研究所》繼續維持高水準,以幾件事去表達出對家人之間感情,描寫深刻唔做作,中間仲插入中堂女朋友被殺案真相,仲有兩集大結局,咁快就做完。

昨晚J2首播日劇《繼母與女兒的藍調》,睇了一集,好睇,綾瀨遙做個木口木面的後母,應付公司工作頭頭是道,但反而俾個細路女玩完一次又一次,而綾瀨遙用職場上應對,衰完一次又一次,到最後成功解決細路女被欺凌問題,係套溫情劇。套劇最搶戲唔係兩位主角綾瀨遙同竹野內豐,反而係細路女美雪,個位童星演員做得好好,難怪這套劇成為今季收視冠軍。

發表於 Posted on: 2018-08-13 17:01

吉成千奈美
帖數 Posts: 1829
回頂端 / Top
回應:吉成千奈美

J2播咗<繼母與女兒的藍調>兩集,講綾瀨遙真係好似機械人做野又公式化令人婉拒勿近....而Viu TV播《大叔的愛》只係睇咗一集已經好深刻,一講就講重點又真係好好笑,將同性戀用搞笑形式嚟演繹好似係第一次,改咗9:30時間播仲好,可以坐定定睇時間好啱我,而且上去重溫又方便,好過TVB又要登記好麻煩!

而星期六《不自然死因研究所》第十集大結局....下星期六到時唔知播乜日劇...

發表於 Posted on: 2018-08-24 22:14

kolley
帖數 Posts: 7609
回頂端 / Top
當年棄將周小姐與傳媒不和,她漂亮刁蠻,暗搞姊弟情,回災與營幕舊愛大大演母子,不到一半捨身求' 仁 ',好感人。

發表於 Posted on: 2018-08-25 8:21

oneonesix
帖數 Posts: 61
回頂端 / Top
回應:吉成千奈美

《不自然死因研究所》播完唔知會唔會拍第二輯....而睇到<繼母與女兒的藍調>第三集劇情係好正面....而Viu TV《大叔的愛》睇到第二集真係幾好睇,用搞笑形式拍攝又更唔會令其他人對止劇敏感....得一定追睇,只得六集!

而今個星期六晚上10.35播<遺留搜查5>應該會幾受歡迎!而家點解將<MUSIC STATION>兩點幾咁夜播點睇呀....而家奇秒電視播緊亞運會所以暫定播日逾,唔知係未做完亞運就會回復播回日劇!

發表於 Posted on: 2018-08-30 13:16

kolley
帖數 Posts: 7609
回頂端 / Top
回應:kolley

《不自然死因研究所》大結局相對平淡,可能之前咁多集太精彩,期望過高以致失望。至於拍第二輯都係兩年後的事,編劇野木亞紀子要寫兩套劇,仲有其他電視台唔似朝日年年出一季,石原里美又傳要結婚,短期內無可能會拍。

<繼母與女兒的藍調>主打溫情劇,劇情點會唔正面,上集講亞希子一個搞運動會,對抗PTA,過程中有笑有淚,好適合一家大細睇。《大叔的愛》幾好笑,將敏感同性戀題材大玩正常三角戀,下集大叔太太出場捉姦仲好笑,《大叔的愛》得7集,Viu TV播了兩集,仲有五集播完。

日劇台取消配音,為免原本有配音的系列劇受影響,TVB先將<遺留搜查5>放J2首播,事實上<遺留搜查4>係J2都無播過,去年係日劇台播放,所以我估<下町火箭2>放係J2首播接<遺留搜查4>機會好大。至於我睇到<遺留搜查3>已經無睇過,其實這套劇質素一輯比一輯差,所以無咩好期待。

另外<MUSIC STATION>係星期六朝早8:30首播,凌晨2:00重播,下星期五下午4:00都設重播,要錄影幾時都睇到。奇秒電視播完亞運會恢復翻日劇,又係星期六凌晨12:30-1:30播埋晒d朝日刑事劇,又係播埋晒d<刑警相棒>系列劇,唔睇都罷。

發表於 Posted on: 2018-08-31 17:29

吉成千奈美
帖數 Posts: 1829
回頂端 / Top
回應:吉成千奈美

J2已播咗<遺留搜查5>兩集我覺得幾好睇,劇情幾正面....點解你話<遺留搜查4>你未睇咩 ?唔係講到呾差,你又會估<下町火箭2>會擺係J2台播,講真呢套<下町火箭2>真係麻麻....而<繼母與女兒的藍調>又睇到第五集,呢兩三集睇去到亞希子感受到良一同美幸一齊生活唔同,而家一良有癌症照顧佢更加緊密又會發展成點樣,跟住幾集應該幾好睇!

而Viu TV播《大叔的愛》睇咗四集真係好精彩,係近期韓日港台劇集係Viu TV播《大叔的愛》下一集就知春田會係點樣決擇,其實用搞笑形拍同性戀劇仲要係幾個關係都好特別!

奇妙電視已有網頁可以重溫節目同劇集,我仲未上奇妙電視網頁重睇,唔知上佢個網睇就咁入去就有得睇,唔似得TVB要登記入先睇到,真係好麻煩!

發表於 Posted on: 2018-09-13 1:35

kolley
帖數 Posts: 7609
回頂端 / Top