tvb.com

 
 
tvb.com
 

TVB日劇討論

朝日電視台木九有《LEGAL V》,米倉涼子主演,林遣都、向井理等合演。卡士超強勁,原本以為都係《Doctor X》班底打造,點知編劇換左,有啲隱憂,不過應該唔會太差掛?相信收視有17-20%。金十一有《我和西波與神樂坂》,相葉雅紀主演,廣末涼子、小瀧望等合演。見到個卡士已經覺得好溫馨,加上題材都算大路,應該唔會太差,但難有突破,希望好睇啦!收視應該有6-8%。土十一有《絕不交給你》,木村佳乃主演,水野美紀、萩原聖人等合演。見到呢類劇已經唔係幾想睇,不過套路似《奪愛、冬》,可能會引起話題嘅!收視應該有3-5%。

暫時一定要睇嘅係《我們都是奇蹟產生的》、《中學聖日記》、《LEGAL V》同《我和西波與神樂坂》,可能會睇嘅係《無法成為野獸的我們》、《黃昏流星群》、《大戀愛》、《小偷刑警》、《下町火箭2》同《我是大哥大》。

覺得以下電視台會買嘅:
TVB:《中學聖日記》、《我們都是奇蹟產生的》、《大戀愛》、《下町火箭2》(J2)
Now:《LEGAL V》(已買)、《黃昏流星群》、《絕不交給你》
有線:《SUITS無照律師》、《我和西波與神樂坂》

發表於 Posted on: 2018-09-11 17:13

UIE1017
帖數 Posts: 1582
回頂端 / Top
回應:UIE1017

J2係10月緊貼《下町火箭2》唔意外啦,自從TVB取消日劇台配音,J2要接晒日劇台堆續篇劇播,係星期六晚首播日劇《遺留搜查5》已經係最佳例子,去年J2都無播《遺留搜查4》,今年直接上第五輯已經奇怪。

而J2肯係星期六日朝早重播翻《下町火箭》已經算係咁,到10月緊貼《下町火箭2》都連到戲,唔會好似睇《遺留搜查5》成堆人都唔同晒。

另外《中學聖日記》無傑尼斯藝人演出,J2播放機會唔大,唯一有利好消息係米倉良子套《LEGAL V》係Now度,TVB唔細播,仲有一套緊貼日劇唔係《大戀愛》就《中學聖日記》,如果《大戀愛》無得緊貼播,《中學聖日記》先有機會放係J2。

發表於 Posted on: 2018-09-11 19:34

吉成千奈美
帖數 Posts: 1856
回頂端 / Top
回應:UIE1017

《當家姐姐》睇到J2進度,係幾好睇,而TVB將套劇cut到支離破碎,好多時對應唔到劇情,好似常子做打字員同同期友好都被刪晒,劇情好突兀,所以最好睇myTV Super無刪剪版比較全面,唔知你睇J2版定myTV Super版本。J2遲下會唔會播《阿淺來了》就唔知,TVB好多時都唔跟次序播放,況且TVB日劇台取消配音,之後買唔買晨間劇都成問題。《幸福洋菓子》應該改名叫輪島塗特集,成套劇集中蛋糕劇情唔到一半,係婆媽師奶劇情,多角戀草草了事,感情變化一下子解決,主角角色到後期唔討好。收視差係打著青春劇旗號去走老土路線,吸引唔到年輕人,又無原有觀眾支持,兩面不討好的結果,最可惜係浪費一班年輕演員。

Viu TV依家播新海誠嘅電影,都唔知係唔係用來頂期,10月星期日晚節目又所改動的臨時安排,《你的名字》去年係Now收費電影台已經首播,今次係Viu TV首播都係同Now買片,不過未睇過,Viu TV播會錄起去。

今季日劇高收視都係出自弱檔,唔再係傳統強檔專利。《繼母與女兒的藍調》有望成為今季收視冠軍,打破2016年人氣日劇《僱傭妻子》平均收視記錄可期。《好醫生》都成為近年富士木曜劇高收視作品,有人氣同口碑。《好醫生》翻拍韓劇,日劇版無睇,唔知日劇版係唔係刪走晒韓劇感情戲份同醫療鬥爭,仲有係唔係採用日劇單元式。《繼母與女兒的藍調》睇到第五集,真係好好睇同感人。演美雪童星真係好搶戲,套劇重拾以前溫馨日劇味道,值得一讚。《有健康而有文化的最低限度的生活》收視愈來愈差,唔知係劇本定演員問題,雖然無睇過套劇,但見套編劇係《雙面醫生》,未開播前都估唔掂,《雙面醫生》劇情平淡無味,深刻的印象唔多,唔知這套劇係唔係走《雙面醫生》路線,係就無興趣睇,第二輯睇到中段好悶。

發表於 Posted on: 2018-09-11 21:05

吉成千奈美
帖數 Posts: 1856
回頂端 / Top
有線未必買《有健康而有文化的最低限度的生活》,上季有套《基道山恩仇記》,下季《絕對零度3》都未有香港電視台播放,宜家有線劇集台連《信號》都放星期六晚非刑事日劇時段播,星期日播埋段朝日刑事劇,機會唔大。奇妙電視播日劇得個段朝日刑事劇如《相棒》,就算少人睇,都唔肯播高質素日劇,罷明保障收費台客戶利益。《LEGAL V》俾Now買仲好,TVB買又要J2食段朝日系列劇,J2播少好多日劇,TVB買唔到係Now搶,唔係TVB上季買套《禿鷹》仲咩,未想買《LEGAL V》,而米倉良子係近年屬日劇收視冠軍保證級別,Now買都係睇通這一點同TVB搶。

發表於 Posted on: 2018-09-11 21:06

吉成千奈美
帖數 Posts: 1856
回頂端 / Top
回應吉成
唔知係唔係HKEPC班人係背後話ViuTV沒電影檔,但ViuTV又話要振興電影,話ViuTV沒電影檔係笑話,俾ViuTV員工見到,ViuTV咁安排係唔係想塞住HKEPC班人把口。另外《東張西望》話《延禧攻略》跨平台收視已經有31點,而且坊間唔少人係度討論《延禧攻略》。

發表於 Posted on: 2018-09-12 22:32

煲劇
帖數 Posts: 99
回頂端 / Top
感覺奇妙77台同ViuTV近排D編排好hea,唔知個節目總監係唔係因為見《延禧攻略》收視太好,想避開同TVB硬碰硬,不過高登度似乎唔多buy《延禧攻略》,話收看嘅都係D女性年輕觀眾。

發表於 Posted on: 2018-09-22 17:16

煲劇
帖數 Posts: 99
回頂端 / Top
吉成千奈美
其實j2應該播埋《遺留搜查4》囉,不過tvb又點會播啊,完全唔理民意,連《愛回家》都要收檔!《中學聖日記》睇左一集,覺得唔錯,畫面好靚,其實故事唔差,都唔明收視點解咁低。最估唔到係《LEGAL V》主題曲竟然係由SEKAI NO OWARI負責,仲要係SEKAI NO OWARI第一次負責電視劇主題曲!《大戀愛》醒唔起有松岡昌宏,我完全無視左佢,咁肯定會係j2播。其實我比較想j2播《一半、藍色》,好似好好睇,不過口碑麻麻。《繼母與女兒的藍調》暫時屈居TBS火10亞軍,算係唔錯。原本以為《好醫生》收視好,今季《黃昏流星群》都唔會太差,點知打回原形,睇黎只有家庭樂劇集,先可以高收。《好醫生》日劇版無愛情線,醫療鬥爭有少少,12月viutv播你就知。《有健康而有文化的最低限度的生活》只能話係有少少虎頭蛇尾,不過都值得一睇嘅!上一季套《謝謝你,在世界的角落找到我》唔錯,幾值得睇,久石讓配樂更加令成套劇有獨特韻味。今季套《無法成為野獸的我們》睇左1集,覺得幾悶下,雖然話係新垣結衣松田龍平雙主演,但全部幾乎係新垣結衣戲份。內容更加係非常沉重,唔係好知套劇方向,睇怕下集有機會跌入單位數。

發表於 Posted on: 2018-10-12 19:44

UIE1017
帖數 Posts: 1582
回頂端 / Top
中學聖日記拍得好好,後期製作所用的心機亦有目共睹.

發表於 Posted on: 2018-10-12 19:56

domonsan
帖數 Posts: 70
回頂端 / Top
尋晚睇完 "Legal V" 講電車上犯痴漢罪覺得劇牽強,向井理自從上次"進據你心裏"後轉咗做奸人.

發表於 Posted on: 2018-10-12 20:03

domonsan
帖數 Posts: 70
回頂端 / Top
昨晚 TV 朝日在 "Legal V" 播出之前特登製作之一個兩小時的法律問題遊戲節目來造勢,嘉賓當然係米倉涼子本人啦.節目中有很多日常生活遇到的東西,問你是否觸犯法例的非常有趣,例如 :用咗隔離家人的 wi fi 訊號,拿掉屋企角落頭的雀仔築巢,擺咗好多超級市場裏面免費比你攞嘅冰,在街邊垃圾站執咗人哋掉出嚟唔要嘅疏化等等.

發表於 Posted on: 2018-10-12 20:14

domonsan
帖數 Posts: 70
回頂端 / Top
今朝上午10 點左右 NTV 的早上直播節目找來遠藤憲一和中島健人替週末播出的 "小偷刑事"宣傳.

且看明早 TBS 的 "王樣 bunch" 有無新劇演員上該節目做宣傳,聽日中午睇完話你知.

發表於 Posted on: 2018-10-12 20:20

domonsan
帖數 Posts: 70
回頂端 / Top
今晚星期五12點 關西 TV有 "跟 NMB48 學習"睇,我睇完至瞓.

發表於 Posted on: 2018-10-12 20:25

domonsan
帖數 Posts: 70
回頂端 / Top
昨晚兩部新劇首播. 其中戶田惠梨香的"大戀愛"跟前兩天有村架純的"中學聖日記"一樣是走純愛路線.兩套劇都開咗個好嘅頭.我個人就覺得"大戀愛"中戶田的估唔到的愛情線發展吸引追看力大一啲.


今朝 TBS 的"王樣 BUNCH" 大家都估得到上來錄影廠現場做宣傳的就是 "下町火箭 2"的阿部寬,安田顯和土屋太鳳 等人.

發表於 Posted on: 2018-10-13 13:12

domonsan
帖數 Posts: 70
回頂端 / Top
Viu TV日劇預告:

《Good Doctor》 山崎賢人,上野樹里,藤木直人 富士木曜劇

12月9日起星期日晚9:30-10:30播出

發表於 Posted on: 2018-10-13 16:09

吉成千奈美
帖數 Posts: 1856
回頂端 / Top
NHK BS 劇集 '主婦勝利" 昨晚合力演出的是另外兩部長劇的主角 : fuji tv "suits" 的鈴木保奈美和NTV '黑色丑聞"的山口沙彌加

發表於 Posted on: 2018-10-15 14:44

domonsan
帖數 Posts: 70
回頂端 / Top
回應:UIE1017

好明顯TVB排節目班人一開始無打算放《遺留搜查5》落J2首播,同時證明J2首播《遺留搜查5》係臨時決定,唔係就好似《下町火箭》咁係播放第二輯前係六日朝早播埋去,至於《遺留搜查4》可能下年放暑假賽馬停播期間凌晨連埋續播放兩輯一次過播埋去。《中學聖日記》收視差成咁就幾意外,收視差多數係師生戀題材同卡士弱有關,數翻之前拍過師生戀題材日劇要數到2011年月九《你教我重要的事》,《中學聖日記》未睇,不過連續睇了兩套火十劇,故事唔錯,拍攝有翻以前日劇味道。SEKAI NO OWARI之前都有負責電視劇主題曲,J2係2011年播放的《讀心神棍》無記錯係佢地主唱。《LEGAL V》第二集收視不跌反升,睇怕由米倉涼子主演加上樣版式劇情《女醫神Doctor X》模式深受日本觀眾歡迎,咁簡直係日劇悲哀,以後日劇大行其道行單元續篇劇。《大戀愛》首集有10.4收視唔錯,至於係唔係J2播就真係睇下TBS肯唔肯早賣版權,好似《黑色止血鉗》到今時今日都未有得播,況且TVB每年買金曜劇得三套,播唔到《大戀愛》多數緊貼播放《中學聖日記》。TVB買唔買新晨間劇播都成問題,最近日劇台播完有川架純套《雛鳥》後重播《僱傭妻子》,無播《笑天家》,而J2播完《當家姐姐》後會播芳根京子主演的《童心四姊妹》,都唔知道J2播完《雛鳥》後會唔會播《笑天家》定重播以前未播個兩套,之後索性取消埋個時段,TVB個d安排好難講。《繼母與女兒的藍調》係夏季收視偏低情況下勇奪火十亞軍,有咁的成績算唔錯,已經睇了8集,劇情仲好精彩。《黃昏流星群》收視點有得同《好醫生》比,醫療劇係日本一向收得,加上卡士唔錯,而《黃昏流星群》題材係婚戀劇,係日本每季都有一套情況下,劇種唔算吸引,仲有主演的佐佐木藏之介都係吸唔到收視,始終係配角級別。係日本只有醫療查案刑偵劇先會收得,《繼母與女兒的藍調》高收只係冰山一角。《好醫生》原版都有醫療鬥爭,日劇版cut愛情線真係預了,照計模式都改一集一單案,原版係每集同時出現幾件案。《有健康而有文化的最低限度的生活》係唔係好似《雙面醫生》平淡無味,《謝謝你,在世界的角落找到我》真係咁好睇,時代係戰前唔會睇落沈重。《無法成為野獸的我們》第二集真係如你所料跌至8.5,套劇係日本播出後首集有好評,女性觀眾睇完覺得題材寫實好有共鳴,做咩事會下跌,難道錯在NTV水十檔期問題。

發表於 Posted on: 2018-10-19 20:27

吉成千奈美
帖數 Posts: 1856
回頂端 / Top
J2日劇預告:

《大戀愛~致忘了我的妳》 戶田惠莉香 TBS金曜劇 緊貼日本放送
11月17日起星期六晚10:35播放,緊接《遺留搜查5》後播放

《下町火箭》 阿部寬 TBS日九劇 緊貼日本放送
11月18日起星期日晚11:05播放,緊接《殺人一瞬間》後播放

發表於 Posted on: 2018-11-10 16:00

吉成千奈美
帖數 Posts: 1856
回頂端 / Top
每日下午6:00的童心四姊妹19/11開始停播?

發表於 Posted on: 2018-11-18 21:09

林KENNY傑
帖數 Posts: 4
回頂端 / Top
回應:林KENNY傑

TVB日劇台已停播NHK晨間劇時段,以J2日日播速度,下年3月播晒堆NHK晨間劇,TVB好大機會已經無買NHK晨間劇。

發表於 Posted on: 2018-11-23 20:08

吉成千奈美
帖數 Posts: 1856
回頂端 / Top
回應:林KENNY傑

TVB日劇台已停播NHK晨間劇時段,以J2日日播速度,下年3月播晒堆NHK晨間劇,TVB好大機會已經無買NHK晨間劇。

發表於 Posted on: 2018-11-23 20:13

吉成千奈美
帖數 Posts: 1856
回頂端 / Top
吉成千奈美
其實見到j2啲日劇安排咁hea,我寧願自己上網睇好過,除非貪佢配音姐。《中學聖日記》超好睇囉,開頭悶啲,但越黎越好睇,套《下町火箭》勁老土,我都唔明點解j2唔播《中學聖日記》,講吸引廣告商,有村架純點都有啲吸引力嘅。《LEGAL V》我未睇,啲人話好難睇,咁我寧願拍翻《Doctor X》算。下季法律劇氾濫,而月九雖然都係啲刑事劇,但我幾睇好套劇會跑出。其實我勁想睇《一半、藍色》,好似好好睇,依家唯有自己上網睇。《繼母與女兒的藍調》你應該睇完,我就覺得超好睇,又感人,係最後個「奇蹟」有啲怪,你覺得點?《黃昏流星群》口碑唔錯,依家收視都破新高,大結局應該有力再上。《有健康而有文化的最低限度的生活》唔算平淡,反而係感動溫暖,有時會慨嘆點解個社會會係咁,睇完係覺得好想幫一班弱勢社群,但因為種種因素,而無辦法伸出援手,有種好強烈嘅無力無助感。《謝謝你,在世界的角落找到我》真係好好睇,完全唔沉重,加上久石讓配樂超正,絕對值得一睇。《無法成為野獸的我們》真係好悶,廢話都要講句,有共鳴嘅會繼續睇,無共鳴嘅,唔會再追落去,不過依家劇情好似話ok,睇下大結局有無機會上10%先。

發表於 Posted on: 2018-12-10 0:32

UIE1017
帖數 Posts: 1582
回頂端 / Top
冬季日劇法律劇氾濫,都無話邊套特別想睇。同時,下季係一眾女星惡鬥,有超多「子」(新木優子、竹內結子、深田恭子、常盤貴子、北川景子、櫻井日奈子),如果坂口健太郎無咩突出之處,最佳男主角獎應該係錦戶亮。
富士月九有《TRACE~科搜研之男》,錦戶亮主演,新木優子、船越英一郎合演。我估套劇都係一貫日劇查案套路,所以我應該都唔會睇,不過題材夠穩定,加上編劇編過《上鎖的房間》呢個ok嘅作品,差極都有個譜,相信收視有11-14%。火九有《後妻業》,木村佳乃主演,高橋克典、伊原剛志等合演。見到故事都覺得唔多吸引,不過選角唔錯,希望救到啲收視啦,相信應該得5-8%。木十有《醜聞專門律師QUEEN》,竹內結子主演,水川麻美、中川大志等合演。故事唔算特別,不過選角幾微妙,非常新鮮,好少見到呢個組合,編劇之前編嘅《刑事弓神》都唔錯,加上有笨蛋主義監修劇本,相信會幾好睇,收視應該有7-10%。
TBS火十有《初戀那一天所讀的故事》,深田恭子主演,永山絢斗、橫濱流星等合演。TBS應該係見火十近期收視低,所以拍個穩定嘅故事,不過之前套《拜託請愛我》幾好睇,相信呢套都唔錯,收視應該有8-11%。金十有《警察之家》,高畑充希主演,西島秀俊、小日向文世等合演。見到呢類題材已經唔多想睇,不過既然有高畑充希,加上唔錯嘅編劇,都會觀望下嘅,收視應該有8-11%。日九有《THE GOOD WIFE》,常盤貴子主演,小泉孝太郎、唐澤壽明等合演。好耐無睇常盤貴子拍劇,組合相當新鮮,不過故事唔多吸引,加上編劇有啲伏,觀望下好啲,收視應該有10-13%。

發表於 Posted on: 2018-12-10 2:06

UIE1017
帖數 Posts: 1582
回頂端 / Top
NTV水十有《賣房女子的逆襲》,北川景子主演,工藤阿須加、松田翔太等合演。上一輯無睇,不過啲人話好好睇,就睇下有無時間追番第1季同SP啦!收視應該有9-12%。土十有《Innocence~冤罪律師》,坂口健太郎主演,川口春奈、藤木直人等合演。又係律師劇,而且土十向來出產低質劇,追看慾大大降低,不過見到係話科學破案,好似有啲得意,觀望下啦!收視應該有7-10%。日十有《3年A班~從現在起,大家都是人質》,菅田將暉、永野芽郁主演。我開始有啲厭校園劇,不過見到卡士編劇都ok,就睇下可唔可以成為一套與別不同嘅校園劇啦!收視應該有7-10%。
朝日木九有《派遣占卜師.ATARU》,杉咲花主演。杉咲花演技唔錯,遊川和彥有時質素ok,只係覺得好似有啲普通,就睇下遊川和彥可唔可以寫到破格嘅作品,收視應該有8-11%。金11有《我的大叔》,岡田結實主演,遠藤憲一、城田優合演。見到劇名,似乎想抄《大叔的愛》熱潮,不過我覺得故事好悶,都係留返有心人睇,收視應該有3-5%。土11有《我的初戀情人》,野村周平主演,櫻井日奈子、馬場富美加等合演。雖然又係絕症愛情劇,不過我又受得落,可能受到《我想吃掉你的胰臟》影響,同時期待著兩位主要演員嘅突破,收視應該有3-4%。
暫時覺得必睇嘅有《醜聞專門律師QUEEN》、《初戀那一天所讀的故事》同埋《我的初戀情人》,觀望下嘅有《警察之家》、《THE GOOD WIFE》、《Innocence~冤罪律師》、《3年A班~從現在起,大家都是人質》同埋《派遣占卜師.ATARU》
估計電視台會買嘅劇:
TVB:《初戀那一天所讀的故事》、《警察之家》(J2)、《THE GOOD WIFE》(J2)、《派遣占卜師.ATARU》
NOW:《醜聞專門律師QUEEN》、《我的大叔》
有線:《TRACE~科搜研之男》

發表於 Posted on: 2018-12-10 2:06

UIE1017
帖數 Posts: 1582
回頂端 / Top