tvb.com

 
 
tvb.com
 

TVB日劇討論

見到前一個帖子已經到期,決定開一個新帖子。
吉成千奈美:
《Survival Wedding》有《交響情人夢》嘅衛藤凛編劇,故事應該唔太差,不過呢類題材好難有突破,真係好考功夫。《絕對零度3》呢套劇似乎只係想攞《絕對零度》個名,其實即係新故事。你有睇《信用欺詐師》咩?我暫時覺得都ok,越黎越好睇。《鄰居家的月亮比較圓》係連續劇式,不過最近《大叔的愛》咁紅,播《大叔的愛》啦!我睇曬覺得幾好睇,《鄰居家的月亮比較圓》同《大叔的愛》可以輪著播。

發表於 Posted on: 2018-06-04 19:01

UIE1017
帖數 Posts: 1579
回頂端 / Top
回應:UIE1017

《Survival Wedding》故事唔算吸引,呢類題材近年係日本都幾多,而收視成績都係麻麻,仲要卡士弱,更難睇好,況且NTV土十收視愈來愈差,就算有《交響情人夢》嘅衛藤凛編劇都幫唔到幾多,而《交響情人夢》都係十幾年前日劇,觀眾口味都唔同。

《絕對零度3》注定炮灰劇,收視破月九新低在望,而富士只係借《絕對零度》個名吸引觀眾,想製造翻《緊急救命3》收視效應。而木十係山崎賢人主演的翻拍韓劇《好醫生》,有上野樹里,藤木直人演出,這套卡士仲好過《絕對零度3》,真係唔明富士唔放這套上月九,唔知你睇唔睇好這套,睇過韓劇版,未必有興趣睇這套。

《信用欺詐師》係電視無播,點睇。宜家係J2睇了幾集《花樣男子NEXT SEASON》,輕鬆搞笑,幾好睇,首主題曲拍得住嵐當年Love so sweet咁經典,套劇唔知係唔係每集加長10分鐘的關係,拍得幾溫馨浪漫,有愛情劇感覺,好睇過《寵物情人》多多聲,值得推薦。《人100%靠外表》睇了兩集都唔錯,輕鬆搞笑,第二集比第一集笑位更加精彩。

最近係討論區仲有人討論TVB拍港版《大叔的愛》,套劇係香港近年少見日劇有咁紅,Viu TV播都無可厚非,《信用欺詐師》同富士簽了約要係電視台播,加上卡司唔錯,Viu TV播硬,《鄰居家的月亮比較圓》同《海月姬》收視迴響一般,Viu TV可能唔播,改係收費劇集台首播就算,除非Viu TV開新日劇時段。

發表於 Posted on: 2018-06-04 21:09

吉成千奈美
帖數 Posts: 1837
回頂端 / Top
下季日劇罕有地有華麗卡士,唔知故事質素又如何呢?
富士月九有《絕對零度3》,澤村一樹主演,橫山裕同本田翼合演,前兩季主演上戶彩變做客串。本身故事已經唔係太吸引,前兩季收視唔算突出,就算上戶彩主演,都未必有雙位數,收視應該得5-7%。火九有《有健康而有文化的最低限度的生活》,吉岡里帆主演,田中圭同井浦新合演。火九繼《明日的約定》之後再拍社會劇,《明日的約定》幾好睇,唔知呢套又點呢?收視應該得5-8%。富士木十有《好醫生》,山崎賢人主演,上野樹里同藤木直人合演。雖然無睇韓劇,不過我覺得選角好適合,加上我好鍾意呢類故事,我一定會睇,收視應該有6-9%。
TBS火十有《繼母與女兒的藍調》,綾瀨遙主演,竹野內豐同佐藤健合演,故事應該都係溫情類別,森下佳子應該寫得有水準,相信收視有8-11%。金十有《去吧!啦啦兵團》,土屋太鳳主演,石井杏奈同小田切讓合演。我睇過預告入面土屋太鳳跳舞嘅部分,都算唔錯,相信應該唔怕唔適合個角色,呢類熱血劇收視相信有8-11%。日九有《謝謝你,在世界的角落找到我》,松本穗香主演,松坂桃李同伊藤莎莉合演。套劇一反日九作風,完全展現唔到主角強能,到底會唔會留到日九觀眾呢?收視應該有8-11%。
日本電視台水十有《高嶺之花》,石原聰美主演,峯田和伸同芳根京子合演。本來故事應該唔錯,不過野島伸司編劇就真係驚驚地,不過點都吸到水十觀眾嘅,收視應該有10-13%。土十有《Survival wedding》,波瑠主演,伊勢谷友介合演。故事大路,按道理好難有驚喜,不過係由衛藤凛編劇,應該會搞笑掛!收視應該有9-12%。日十有《零 一獲千金遊戲》,加藤成亮主演。貫徹日十作風,唔知會唔會好似《狂賭之淵》咁呢?收視應該有6-9%。

發表於 Posted on: 2018-06-04 21:19

UIE1017
帖數 Posts: 1579
回頂端 / Top
朝日電視台木九有《禿鷹》,綾野剛主演,澤尻英龍華合演。見到個故事都覺得悶,不過正合日本觀眾心意,相信收視有11-14%。金十一有《dele》,菅田將暉同山田孝之主演。個故事其實唔錯,不過通常太多編劇都會出事,就算單元劇都危危乎,都要觀望下先,收視應該有5-8%。土十一有《小白臉》,窪田正孝主演,川口春奈合演。故事睇落幾得意,而且深夜劇向來創意力無限,希望可以有一個有趣嘅故事啦!收視應該有2-4%。
暫時必睇嘅有《有健康而有文化的最低限度的生活》、《高嶺之花》、《好醫生》、《去吧!啦啦兵團》、《小白臉》、《零 一獲千金遊戲》,觀望下嘅有《繼母與女兒的藍調》、《謝謝你,在這個世界的角落》、《Survival wedding》、《dele》

估下香港電視台買嘅劇:
TVB:《有健康而有文化的最低限度的生活》、《繼母與女兒的藍調》(J2)、《禿鷹》、《去吧!啦啦兵團》、《謝謝你,在世界的角落找到我》、《遺留搜查5》
Now:《dele》、《小白臉》

發表於 Posted on: 2018-06-04 21:20

UIE1017
帖數 Posts: 1579
回頂端 / Top
富士劇妖有優先權,除非佢唔要先到大台要到

發表於 Posted on: 2018-06-06 18:26

kill009
帖數 Posts: 583
回頂端 / Top
回應:kill009

TVB買富士日劇都唔係無機,Viu TV唔會要有傑尼斯藝人演出的富士日劇,大台買富士日劇都唔係無著數,放完J2首播再放日劇台重播可以抵消成本,反而TBS日劇唔係套套放得係日劇台重播。

發表於 Posted on: 2018-06-13 23:38

吉成千奈美
帖數 Posts: 1837
回頂端 / Top
Now劇集台日劇預告:

《鄰居家的月亮比較圓》 深田恭子、松山研一 富士木曜劇 2018

6月16日起星期六晚10:45-11:45播出

《大人高校》 三浦春馬 朝日土十一劇 2017

7月1日起星期日晚7:30-8:30

《海月姬》 芳根京子 富士月九劇 2018

7月1日起星期日晚10:45-11:45

發表於 Posted on: 2018-06-13 23:48

吉成千奈美
帖數 Posts: 1837
回頂端 / Top
Viu 日劇預告

《Good Doctor》 山崎賢人,上野樹里,藤木直人 富士木曜劇

《Dele》 山田孝之、菅田將暉 朝日金曜劇

《邊緣團地》 佐野史郎 東海土曜劇

發表於 Posted on: 2018-06-23 18:27

吉成千奈美
帖數 Posts: 1837
回頂端 / Top
回應:UIE1017

Viu已購入《Good Doctor》,《Dele》同《邊緣團地》,今年富士火九劇一套都無要,我估Now購劇合約只係包月九同木曜劇,月九《絕對零度3》唔要得係因為有傑尼斯藝人加入,原本預期《有健康而有文化的最低限度的生活》係Viu度,點知唔要咁怪,係唔係卡士差唔要,上季火九《Siganl》就因為刑事劇唔要,睇怕這兩套火九劇都係有線要。而Viu買《邊緣團地》好明顯係為買下套由渡邊麻友主演的東海劇鋪路,個套劇九成九要硬。

TVB除了續集劇同單集SP會買其他非TBS製作,其他劇基本上唔要,只要TBS日劇就算,下季日九《下町火箭2》會放日劇台首播,即係話J2緊貼日劇得火十同金十,J2播完《不自然死因研究所》會播《黑色止血鉗》機會大,星期日晚播緊貼日劇《繼母與女兒的藍調》,《去吧!啦啦兵團》加入新木優子,卡士比起《謝謝你,在世界的角落找到我》強,J2係11月先首播,咁11月TVB就唔細擔心秋季火十同金十其中一套無得緊貼播放問題。

發表於 Posted on: 2018-06-23 18:48

吉成千奈美
帖數 Posts: 1837
回頂端 / Top
Viu TV日劇預告:

《信用欺詐師》長澤雅美、東出昌大、小日向文世 富士月九劇 全10集

8月25日起星期六晚8:30-9:30播出,緊接《人100%靠外表》

發表於 Posted on: 2018-07-04 16:18

吉成千奈美
帖數 Posts: 1837
回頂端 / Top
翡翠台黃金又播陸劇:《獨孤天下》8月6日起2030檔,希望奇妙將港視劇集同韓劇調換下檔期來對打呢套陸劇

發表於 Posted on: 2018-07-11 21:38

煲劇
帖數 Posts: 99
回頂端 / Top
更正,係《延禧攻略》係翡翠台播,hk01成日爆假料,難怪生果報唔急住借題發揮,應該係怕TVB反咬一口,另外套戲編劇于正之前因為吵瓊瑤劇俾瓊瑤告,TVB係黃金檔播佢D劇真係沒個意見

發表於 Posted on: 2018-07-28 23:02

煲劇
帖數 Posts: 99
回頂端 / Top
回應:煲劇

Viu TV 8月節目預告有日劇《大叔之愛》,唔知係唔係見《延禧攻略》係翡翠台播要變陣,《大叔之愛》係日本播放時係香港好多人追睇,今次播放配音版會吸引觀眾追看,如果放黃金時段打《延禧攻略》,絕對可以搶到翡翠台收視。

發表於 Posted on: 2018-07-30 16:24

吉成千奈美
帖數 Posts: 1837
回頂端 / Top
Viu TV日劇預告:

《大叔的愛》田中圭 朝日土十一 全7集

8月18日起星期六晚9:30-10:30播出,緊接《人100%靠外表》

發表於 Posted on: 2018-08-02 18:35

吉成千奈美
帖數 Posts: 1837
回頂端 / Top
J2日劇預告:

《當家姐姐》 高畑充希 NHK晨間劇 全156集

8月9日起每日黃昏6:00-6:30播出,每次播放兩集,緊接《幸福洋菓子》後播出

發表於 Posted on: 2018-08-02 18:39

吉成千奈美
帖數 Posts: 1837
回頂端 / Top
回應:UIE1017

J2下星期播完《幸福洋菓子》後播放《當家姐姐》,飛起《阿淺來了》唔播真係奇怪,《阿淺來了》當年係日本播放高收視有人氣同話題,真係唔明TVB要抽起唔播。

《幸福洋菓子》差唔多睇晒咁濟,劇情麻麻,成套劇將焦點放錯晒,模稜兩可的三角戀,糕點師著墨唔多,輪島塗同家庭之間為主,仲有套劇的問題在於有高潮位後就草草收場,所以你仲未睇或者無時間可以唔睇這套,除非你係山崎賢人,土屋太鳳fans,就話要睇姐。

Viu TV將星期六晚日劇時段改9:30播放,《大叔的愛》係新日劇時段首播日劇,而星期日晚9:30播放動漫電影,唔知之後這個時段會唔會播埋日劇,因為Viu TV一至五晚劇集時段都播晒韓劇咁濟。

發表於 Posted on: 2018-08-02 18:51

吉成千奈美
帖數 Posts: 1837
回頂端 / Top
J2日劇預告:

《繼母與女兒的藍調》 綾瀨遙,竹野內豐 TBS火十

8月12日起星期日晚11:05-12:20,緊接電影《神探伽俐略2:真夏方程式》後播出

發表於 Posted on: 2018-08-06 20:53

吉成千奈美
帖數 Posts: 1837
回頂端 / Top
回應吉成
《延禧攻略》據說係因為TVB堆自家劇被大陸廣電總局審查卡住先上陸劇來攝時間,否則都唔會播緊《烈火如歌》又播《延禧攻略》,還有如果ViuTV有心打,應該將《大叔的愛》放到星期日,並且係8點半播打正《延禧攻略》,而不是用《柯南劇場版》來對打延禧攻略,奇妙77台果邊聽HKEPC班人講,由於黃金節目照住翡翠台來編排,成功搶走翡翠台一兩點收視;另外見TVB今次大肆宣傳《延禧攻略》,並且重新剪輯,將佘詩曼戲份變多,唔通TVB對套戲嘅女主沒信心,要靠佘詩曼來吸客

發表於 Posted on: 2018-08-06 21:59

煲劇
帖數 Posts: 99
回頂端 / Top
ViuTV播韓劇,都好過ViuTV明知係香港沒人睇仲繼續買泰劇,而且仲要買係翻拍劇,近排還要拖長來做,好似泰版《命中注定我愛你》,原版先30幾集,ViuTV夾硬拖長到54集,浪費咗暑假咁好嘅檔期,近排又買咗翻拍韓劇《My girl》,以ViuTV對泰劇嘅重視,肯定優先放免費台播

發表於 Posted on: 2018-08-06 22:07

煲劇
帖數 Posts: 99
回頂端 / Top
回應:煲劇

就算Viu TV將《大叔的愛》放係星期日晚9:30播都係頂得星期日晚播的《延禧攻略》一個鐘,實際效用唔大,唔放一至五晚播根本對TVB無殺傷力,更何況Viu TV播埋堆tvN韓劇根本吸引唔到翡翠台班觀眾,完全唔明Viu TV班節目編審咁差。

我估Viu TV星期日晚播《柯南劇場版》係唔係想吸引兒童觀眾收睇,趁宜家暑假兒童得閒睇電視,吸納非主流觀眾又唔係壞事,老實講延禧攻略一至五同日晚播唔睇好,之前TVB試過日日劇模式都唔掂,何況係大陸劇會收得,TVB唔係想住套劇有佘詩曼會吸引到香港人買單。

奇妙77台自從播堆港視劇收視每況愈下,何來會搶到翡翠台一兩點收視,仲有奇妙無Viu TV覆蓋率咁高,聽HKEPC班人講唔係真實數據,唔可以當真,其實照住翡翠台來編排節目,都係吸納同一班觀眾,Viu TV可能想吸納新觀眾,事實上Viu TV都重新編排節目表,將新聞提前播,8:00改做綜藝,星期六晚9:30播放日劇,時間上比開台編排好好多。

發表於 Posted on: 2018-08-06 23:15

吉成千奈美
帖數 Posts: 1837
回頂端 / Top
回應:煲劇

講真Viu TV播泰劇又係放一至五晚7:30劇集時段,這d時段唔妨有人睇,所以播咩都無所謂,不過泰劇係香港真係無咩人睇,Viu TV仲肯買泰劇播都奇怪,貪平定泰國電視台送俾佢播。就算買翻拍韓劇泰劇都唔會有興趣睇,始終香港同泰國文化差異大,好難有共鳴。

Viu TV唔係想住買泰劇可以刀仔鋸大樹,當初韓劇成功入到香港市場,都係同日劇相似,香港觀眾先慢慢接受,但泰劇點睇都唔似韓劇日劇,不如買台劇播算。老實講Viu TV又唔係唔夠日韓劇存貨,未繼續係一至五晚7:30劇集時段播韓劇。

發表於 Posted on: 2018-08-06 23:26

吉成千奈美
帖數 Posts: 1837
回頂端 / Top
吉成千奈美
《當家姐姐》雖然我未睇曬,但幾好睇,《阿淺來了》唔播就真係唔知點解。《幸福洋菓子》我覺得好難睇,好悶,終於明白點解套劇收視低。ViuTV依家播新海誠嘅電影,估唔到竟然搶到《你的名字》,絕對要支持。今季日劇唔知發生咩事,好多都好好睇,《有健康而有文化的最低限度的生活》、《繼母與女兒的藍調》、《好醫生》都好好睇,《繼母與女兒的藍調》我已經唔等J2,乾脆直接追到第8集,真係超好睇又感人,《有健康而有文化的最低限度的生活》照計可能都係有線買,見到連續2季關西火9都係有線買,如無意外都會買呢套,雖然奇妙電視唔多人睇到,但都希望免費電視多啲高質素日劇播啦!而最估唔到係《LEGAL V》竟然係now買左,仲以為會係tvb繼續買。

發表於 Posted on: 2018-09-11 16:41

UIE1017
帖數 Posts: 1579
回頂端 / Top
J2星期六日播《下町火箭》,睇怕都係緊貼《下町火箭2》播,仲以為會播《中學聖日記》添!

發表於 Posted on: 2018-09-11 16:43

UIE1017
帖數 Posts: 1579
回頂端 / Top
下季日劇好多都好吸引咁樣,唔知邊套可以突圍而出呢?
富士月九有《SUITS無照律師》,織田裕二主演,中島裕翔、鈴木保奈美等合演,翻拍美劇。按道理呢類劇都吸引到一定數量嘅觀眾嘅,不過我就唔係好鍾意睇呢類劇,收視都係8-11%左右啦!火九有《我們都是奇蹟產生的》,高橋一生主演,榮倉奈奈、要潤等合演。見到全部都係實力派演員,加上擅長寫呢類劇嘅橋部敦子,按道理故事唔會太差,我就應該會睇,不過日本觀眾應該唔太鍾意呢類說教劇囉!收視應該4-6%左右。木十有《黃昏流星群》,佐佐木藏之介主演,中山美穗、黑木瞳等合演。下季走翻傳統木十路線,加上全部都係實力派演員,而且今季木十收視唔錯,收視應該唔會太差,但呢套都係留返俾成熟觀眾睇會好啲。收視應該9-12%。

TBS火十有《中學聖日記》,有村架純主演,岡田健史、夏木麻里等合演。有村架純上次電影演學生同老師搞師生戀,今次就演老師同學生搞師生戀,相信對有村架純黎講都無難度,照計都應該都有啲衝擊性劇情掛?收視應該大概8-11%左右。金十有《大戀愛》,戶田惠梨香主演,室剛、松岡昌宏等合演。見到個組合都覺得新鮮,加上題材都幾吸引,應該會唔錯,不過見到大石靜編劇,感覺劇情節奏會好慢,需要好多耐性,但我都可能會睇嘅。收視應該有7-10%。日九有《下町火箭2》,阿部寬主演,土屋太鳳、竹內涼真等合演。未睇過前作,但見到口碑咁好,都會期待下嘅,相信收視應該有19-22%。

NTV水十有《無法成為野獸的我們》,新垣結衣同松田龍平主演。本來我都幾期待呢套劇,不過見到故事內容覺得會好公式化,唔知野木亞紀子可唔可以寫好呢套劇呢?收視應該有9-12%。土十有《小偷刑警》,中島健人主演,遠藤憲一合演。本來就唔會睇嘅,不過見到林宏司編劇,或者會有驚喜呢?相信收視應該有9-13%。日十有《我是大哥大》,賀來賢人主演,伊藤健太郎、太賀等合演。故事都幾得意,不過最怕會變得低B,而且福田雄一嘅作品我好多都覺得唔好睇或者棄左,睇怕都要觀望下先。收視應該有6-9%。

發表於 Posted on: 2018-09-11 17:12

UIE1017
帖數 Posts: 1579
回頂端 / Top
朝日電視台木九有《LEGAL V》,米倉涼子主演,林遣都、向井理等合演。卡士超強勁,原本以為都係《Doctor X》班底打造,點知編劇換左,有啲隱憂,不過應該唔會太差掛?相信收視有17-20%。金十一有《我和西波與神樂坂》,相葉雅紀主演,廣末涼子、小瀧望等合演。見到個卡士已經覺得好溫馨,加上題材都算大路,應該唔會太差,但難有突破,希望好睇啦!收視應該有6-8%。土十一有《絕不交給你》,木村佳乃主演,水野美紀、萩原聖人等合演。見到呢類劇已經唔係幾想睇,不過套路似《奪愛、冬》,可能會引起話題嘅!收視應該有3-5%。

暫時一定要睇嘅係《我們都是奇蹟產生的》、《中學聖日記》、《LEGAL V》同《我和西波與神樂坂》,可能會睇嘅係《無法成為野獸的我們》、《黃昏流星群》、《大戀愛》、《小偷刑警》、《下町火箭2》同《我是大哥大》。

覺得以下電視台會買嘅:
TVB:《中學聖日記》、《我們都是奇蹟產生的》、《大戀愛》、《下町火箭2》(J2)
Now:《LEGAL V》(已買)、《黃昏流星群》、《絕不交給你》
有線:《SUITS無照律師》、《我和西波與神樂坂》

發表於 Posted on: 2018-09-11 17:13

UIE1017
帖數 Posts: 1579
回頂端 / Top