tvb.com

 
 
tvb.com
 

J2近排播放日劇唔錯,抵贊

先講新時段日日劇播放NHK晨間劇《幸福洋菓子》,溫馨勵志劇,清新小品,拍出陽光氣息,真係唔錯。

而緊貼日劇《花樣男子NEXT SEASON》,睇了兩集,輕鬆校園愛情輕劇,雖然有多少《花樣男子》影子,但有翻以前日劇味道,主題曲插曲都有水準,新人演出都唔錯,拍到偶像劇味道。

至於星期六日朝早首播日劇《毫不保留的愛》,劇情之後發展都幾難估,而題材取材自珠寶品牌Tiffany & Co.,都算幾特別。TVB放朝早播有d可惜。

期待6月9日晚播放的《不自然死因研究所》,唔知係唔係都係咁好睇。

發表於 Posted on: 2018-05-31 19:34

吉成千奈美
帖數 Posts: 1824
回頂端 / Top
《花樣男子NEXT SEASON》mytvsuper無得睇......

發表於 Posted on: 2018-06-01 7:41

J2
帖數 Posts: 23
回頂端 / Top
回應:J2

mytvsuper無得睇《花樣男子NEXT SEASON》係指直播定點播,點播一定無得睇,傑尼斯藝人對版權咁嚴,無網上版權。

發表於 Posted on: 2018-06-01 19:36

吉成千奈美
帖數 Posts: 1824
回頂端 / Top
講緊直播無,點播重播應該都無

發表於 Posted on: 2018-06-03 1:49

J2
帖數 Posts: 23
回頂端 / Top
回應:J2

昨晚凌晨試過用mytvsuper直播睇《花樣男子NEXT SEASON》,畫面寫住因版權所限無直播,照計係TBS版權問題,唔可以放網上直播,去年J2播放同樣有傑尼斯藝人演出的《緊急救命3》係mytvsuper都有直播,但不設點播。咁星期六日朝早播放《毫不保留的愛》都唔會有網上直播。

《花樣男子NEXT SEASON》只可以係電視睇,時間唔就未買部錄影機睇返,我係電視睇就無問題,睇了三集,幾好睇,追唔到有d可惜咁。

發表於 Posted on: 2018-06-04 19:07

吉成千奈美
帖數 Posts: 1824
回頂端 / Top
如果J2會播日劇: 危妻 & 淑女求結婚 就更好。

發表於 Posted on: 2018-06-09 9:20

dona
帖數 Posts: 214
回頂端 / Top
回應:dona

myTV Super點播區已經有危妻 & 淑女求結婚,套劇版權到就快過期,J2重播機會唔大,宜家J2得緊貼日劇播放同係日劇台唔播得的傑尼斯藝人演出日劇會播。

發表於 Posted on: 2018-06-13 23:30

吉成千奈美
帖數 Posts: 1824
回頂端 / Top
已經睇了一集《不自然死因研究所》,節奏明快,劇情反轉再反轉再反轉,做到主題相扣仲有人性,係套唔錯破案法醫劇,比起上一套日劇《雙面醫生2》劇情不溫不火,平淡無味的治癒劇有趣味得多,值得推薦。

發表於 Posted on: 2018-06-13 23:34

吉成千奈美
帖數 Posts: 1824
回頂端 / Top
睇咗第一集《花樣男子NEXT SEASON》,個女主角唔靚,套劇嘅劇情演員動作又有點浮誇,唔鐘意睇
反而《不自然死因研究所》就好睇好多,可能我鐘意有查案內容劇集啦

發表於 Posted on: 2018-06-21 16:06

珍妮fafa
帖數 Posts: 42
回頂端 / Top
回應:珍妮fafa

以近年日本偶像劇計,《花樣男子NEXT SEASON》真係唔錯,重現十年前日本偶像劇味道,所以絕對好睇,校園愛情輕鬆喜劇係日本真係少,至於演員演技浮誇,就真係好難要求,始終成套劇都係年輕演員,女主角杉咲花唔靚,不過演技最好,況且睇劇都係睇劇情。

事實上日本近年真係查案劇多到氾濫,不過這套《不自然死因研究所》意外地好睇,以法醫追查真相但無踩界(做埋警察個份),套劇節奏明快,集與集之間有關連,好睇過一般單元式查案劇,J2星期一至四凌晨播套《三億劫案》都係查案劇,劇情緊湊,有興趣可以一睇。

發表於 Posted on: 2018-06-23 15:45

吉成千奈美
帖數 Posts: 1824
回頂端 / Top
睇完成套《幸福洋菓子》,整體劇情普通,話好睇又唔係,唔好睇又唔係個隻,編劇開初寫得唔錯,角色鮮明,故事有深度,不過之後處理三四角戀,草草收場,而阿希離開橫濱後變家庭劇,大失所望,又係重複之前劇情,不斷反反覆覆,到之後新加入一個有志向糕點師進發的少女對劇情幫助有限,根本無作用,成套劇應該改名做輪島塗。

事實上這套劇最敗北係年輕人追夢主題太簿弱,成套劇除了圭太同阿希有詳盡描述,一子,高治著墨唔深,好似一子這個掛住去東京追夢的女孩子點樣係沈淪的生活走出谷底,編劇只係輕描淡寫略提,而阿希係能登開法式糕餅店經營描述唔深,成套根本係套以家庭保裝的年輕群像劇。

發表於 Posted on: 2018-08-13 17:17

吉成千奈美
帖數 Posts: 1824
回頂端 / Top