tvb.com

 
 
tvb.com
 

J2星期六日晚節目大變動

由2018年1月開始實行
J2星期六日晚韓綜時間對調:
原定星期日晚9:00播出的《叢林的法則》改於星期六晚9:00-10:35播放

星期六晚日劇《女醫神Doctor X5》提前至10:35播放

原定星期六晚9:00播出的《RUNNING MAN》改於星期日晚9:00-11:05播放

星期日晚日劇《陸王》順延至11:05播放

發表於 Posted on: 2017-12-30 16:44

吉成千奈美
帖數 Posts: 1845
回頂端 / Top
其實真係唔明J2今次會作出是次變動,唔通係想減低《RUNNING MAN》停播次數而作出此安排,仲有J2星期六晚日劇時段提前至10:35播放,會唔會為星期六晚日劇兩小時鋪路,以前TVB係高清翡翠台星期六晚11:30設有刑事醫療日劇時段,同J2本身定位播放年輕人題材日劇唔同,好似《女醫神Doctor X》已經長期佔用J2日劇時段,好應該新時段播。

事實上星期六晚間唔中因直播外國賽馬令J2停播當晚節目,TVB好應該同馬會商量,取消由J2直播外國賽馬,星期六日晚外國賽馬改由明珠台或財經台接手,而星期六日晚凌晨播放馬會節目應該要停播,以免浪費寶貴時間,其實J2星期六日晚動畫時段理應改去凌晨時段播放。

發表於 Posted on: 2017-12-30 16:59

吉成千奈美
帖數 Posts: 1845
回頂端 / Top
星期六日動畫再調夜啲的話啲要返學嘅年輕人點睇?唔理呢班年輕人咁J2仲叫咩為年輕人而設嘅頻道?

發表於 Posted on: 2017-12-31 23:34

晞柔
帖數 Posts: 3
回頂端 / Top
另外想講有好多年輕人都鍾意睇醫療劇嘅,唔好以為年輕人淨係鍾意啲情情塔塔或者輕鬆題材,Legal High、半澤呢類型有深度嘅劇都好多年輕人鍾意,更莫講Doctor X系列喺日本播親都係年度收視冠軍,喺現今電視行業低迷嘅情況仲可以做出亮眼成績,如果無年輕人支持真係會有可能做到咩?

發表於 Posted on: 2017-12-31 23:42

晞柔
帖數 Posts: 3
回頂端 / Top
至於叢林同RM對調,我認為最主要原因係叢林回數本來已經無RM咁多,如果仲喺經常播放嘅時段出街,好快會播完,後期配音都好難跟到進度,但如果放去經常停播嘅時段,就可以拖長啲做,後期都多啲時間做嘢唔使咁趕。RM本身集數多,J2以前又經常打亂播令配音唔使追得太貼,反而多咗空間去追返韓國進度,如果而家唔再經常停播,亦可以令配音唔再落後韓國太過多,我覺得係合理嘅營運決定。

發表於 Posted on: 2017-12-31 23:51

晞柔
帖數 Posts: 3
回頂端 / Top
回應:晞柔

其實日本播放動畫時間都係深夜或下午,而J2播放動畫安排係深夜都無問題,始終動畫受眾少,難吸引廣告,放黃金時段播對電視台效益唔大,無廣告難以維持收入,況且睇動畫個班人會準時睇電視咩,妨死唔係網上睇,既然係咁,J2播放動畫就算幾時播都無問題,況且宜家仲有myTV Super同錄影可以隨時翻睇。

老實講J2自從2015年直播賽馬,變成賽馬賭馬頻道,一早已經唔係當初開台時為年輕人而設,去年11月開始變成大陸劇台,一至五晚兩線大陸劇,TVB好似有心玩殘J2咁款,愈搞愈差。

發表於 Posted on: 2018-01-02 18:08

吉成千奈美
帖數 Posts: 1845
回頂端 / Top
回應:晞柔

J2今年播日劇大部分都係醫療劇,基本上係失衡狀態,始終唔係人人鍾意睇醫療劇,況且睇太多醫療劇都悶,醫療劇模式無得點變,仲無變化過查案劇。

其實J2本身播醫療劇都無問題,播年輕演員演出的醫療劇好似緊急救命3真係無人話你,,但播Doctor X系列長期阻住J2播放其他日劇上,加上Doctor X卡士欠奉,基本上都係老戲骨為主,如何吸引年輕觀眾。

Doctor X一開始放高清翡翠台播,之後高清翡翠台取消日劇時段,改係J2播,仲有J2無增加日劇時段,每年出一季,即係J2每年播少一套日劇。好明顯TVB當初覺得Doctor X唔係J2目標觀眾,宜家無高清翡翠台,焗J2觀眾食套Doctor X。

其實Doctor X系列年年都係成年度收視冠軍,主要靠中老年觀眾捧場,唔係靠年輕人支持,睇下製作以年輕人為題材日劇的富士收視係點,證明現今年輕人唔睇電視,講真Doctor X系列收視高未又係好似朝日相棒系列劇咁。

事實上J2一向播放青春愛情,輕鬆日劇為主,Legal High、半澤呢類型有深度嘅劇係日本高收視有話題,先引起年輕人注意,不過唔係套套日劇都可以係咁,好似偏愛情的逃避雖可恥但有用係香港受歡迎程度都比前兩者為高,套劇係日本收視由低至高,係2016年話題日劇,仲hit過Doctor X,咁先係成功。

發表於 Posted on: 2018-01-02 18:51

吉成千奈美
帖數 Posts: 1845
回頂端 / Top
根據維基百科資料顯示,J2星期六晚節目應該有所變動。

1900播放的《VS嵐》播埋下星期就停播,而接替《VS嵐》旅遊節目《孖妹遊克羅地亞》只播放一集,2030播放的3日2夜(第三輯)播到1月13日播完。換言之1月20日會重整J2星期六晚節目。

老實講希望《VS嵐》繼續有得播,最好同2100悶蛋節目《叢林的法則》調時間,或者改去星期五晚2100接替韓綜《滋味行》時段播仲好。其實J2由去年4月8日開始播放《VS嵐》到宜家,真係無咩點飛集數,照計TVB買了唔少集數,如果唔係都唔會咁順住播。

發表於 Posted on: 2018-01-05 19:11

吉成千奈美
帖數 Posts: 1845
回頂端 / Top
120大改日子就到

反正:

VS嵐 / 志村動物園,有口皆碑,老少咸宜,長做長有
應該J2星期六日19:00 - 20:00做

咁可以
J2日韓飲食旅遊,放無線財經台星期六日20:30及之後的時段。反正本來只係重播時政!

發表於 Posted on: 2018-01-09 9:43

3420TGN930
帖數 Posts: 303
回頂端 / Top
回應:3420TGN930

VS嵐係今個星期六晚已經停播,改播韓國旅遊節目孖妹遊克羅地亞,TVB好似已經採取放棄J2星期六晚,兩個皇牌節目一個Running man調走,一個停播。

而志村動物園係Gem TV獨家播放,TVB點會買到,況且TVB慳錢唔肯買日綜,只係買韓綜,相對另外兩間免費台播放日綜少得可憐。而J2係2015年播放日本人妻在遠方,如果TVB係有心播,為何唔購買播映權放係星期日晚7:00-8:00播放。

總而言之,J2今個星期六晚7:00-10:35都唔細睇,同時段可以安心轉睇Viu TV同奇妙電視。而唯一利好消息係孖妹遊克羅地亞得4集,其餘常規節目播到2月頭播完,即係話J2最快係2月先有變動。

另外娛樂新聞報導可以改去財經台播放,咁就可以騰出半個鐘播放自製或外購旅遊節目,又可以追擊同時段奇妙旅遊節目時段。

發表於 Posted on: 2018-01-09 19:14

吉成千奈美
帖數 Posts: 1845
回頂端 / Top
而唯一利好消息係孖妹遊克羅地亞得4集,其餘常規節目播到2月頭播完,即係話J2最快係2月先有變動。

就係2月3日,最後一集《孖妹遊克羅地亞》

唔通預計2月9日(五) - 2月25日(日),平昌冬奧?

(2月9日 / 25日,南韓時間20:00 - 22:00,即香港時間19:00 -21:00,開幕禮 / 閉幕禮)

搭正期間,農曆新年,仲有J5 222知識財富全分途兩周年,正!

發表於 Posted on: 2018-01-13 23:16

3420TGN930
帖數 Posts: 303
回頂端 / Top
回應:3420TGN930

J2點會直播平昌冬奧,有一早已經普天蓋地大肆宣傳。仲有85財經台係星期六日都係重播,所以85係星期六日另一功能係直播體育賽事,J2其實已經係半個賽馬台,做埋體育直播,咁本身要播的常規節目未唔細播。

老實講睇翻宜家J2星期六晚節目表,TVB係上星期六已經將三日兩夜搬埋去翡翠台播,繼1月6日《VS嵐》播完,《RUNNING MAN》改去星期日晚播放,證明TVB基本上已經放棄J2星期六晚,宜家J2星期六晚得返日劇同兩套動畫吸到客。

事實上頂替三日兩夜的節目播得2集,又係頂期性質,仲有星期六晚11:35-12:05播放套動畫將係1月27日播完,之後空了一個鐘出來,只要將《叢林的法則》提前星期六晚8:35播放,都唔知係唔係模仿翡翠台星期日晚整個煲劇連橫兩小時,好明顯J2咁改都係同翡翠台星期日原意差唔多。

照計J2星期日晚都會大執,其實TVB將三日兩夜搬去翡翠台播,唔差在將安樂蝸改埋去翡翠台播,起碼唔細令宜家星期日晚日劇時段太遲播。

發表於 Posted on: 2018-01-18 17:57

吉成千奈美
帖數 Posts: 1845
回頂端 / Top
J2點會直播平昌冬奧,有一早已經普天蓋地大肆宣傳。

唔好話

2014索契冬奧,2月7日開始,都係臨開前7日,即1月30日,先話播!

http://b.tvb.com/whatsnew/?p=14317

發表於 Posted on: 2018-01-18 18:23

3420TGN930
帖數 Posts: 303
回頂端 / Top
維基百科顯示J2星期六日晚7:00播放韓綜《PRODUCE 101 男團出動》。

而第一輯《PRODUCE 101》播放時間係星期一下午4:05-5:05

第二輯就放黃金時段

TVB慳錢到咁將原本下午播放節目放黃金時段播

星期六日下午本身已有大量韓綜

加埋本身黃金時段固定韓綜

J2差唔多係個韓國台

去年播放的《VS嵐》本身時間已經唔好

就算有得播都係播舊集數(由J2 2015年停播後集數開始播起)

宜家居然播播下要停播

走去播埋d韓綜

還我《VS嵐》復播

發表於 Posted on: 2018-01-26 19:25

吉成千奈美
帖數 Posts: 1845
回頂端 / Top
完全同意上面的說法,本身已經有很多韓國綜藝時間,而日本已所剩無幾,究竟J2有沒有顧及日飯的感受? 韓國綜藝流行就不停增加播放時間,但減少日本綜藝的時間,一點都不公平,希望可以增加日本綜藝時間,而且買新的集數.
J2如果一成不變,只會流失更多觀眾.

發表於 Posted on: 2018-02-01 21:17

shurei20
帖數 Posts: 9
回頂端 / Top
根據維基百科資料所得,《叢林的法則》播到6月9日就會播完,正式收檔,由2013年開始係J2播放的《叢林的法則》經歷五年終於面臨腰斬命運,接替節目係韓綜《尹食堂(第二季)》,而星期六日晚7:00-8:00播完《PRODUCE 101 男團出動》依然繼續播放韓綜,《VS嵐》播放無期,接替節目竟然係本來安排係星期日下午播放的韓綜《花樣青春 III – 非洲篇》同《花樣青春 III –澳洲篇》,TVB真係hea做到咁。

發表於 Posted on: 2018-03-29 0:18

吉成千奈美
帖數 Posts: 1845
回頂端 / Top