tvb.com

 
 
tvb.com
 

J2今日播放兩節目《Music station》《VS嵐》慶祝渡邊麻友從AKB48畢業

首先今朝播放《Music station》,就係渡邊麻友最後一次以AKB48成員演出,宜家播緊《VS嵐》就係兩年前渡邊麻友宣傳日劇戰鬥!書店女孩,J2今日連播兩個節目去迎接渡邊麻友從AKB48畢業,安排算幾有心。

發表於 Posted on: 2017-12-09 19:18

吉成千奈美
帖數 Posts: 1748
回頂端 / Top
上星期六朝早播的《Music station》,對談部分問到麻友從AKB48畢業後,打算會做咩,她話之後打算以演戲為主,遲下會出新Single,仲有可以飲酒,談到最先知道麻友畢業消息成員係柏木由紀,麻友講到同期得翻她一個,有一次係3月中一齊做完節目一齊食飯,麻友鼓起好大勇氣先講到出來,點知由紀無咩反應,之後由紀解釋想俾個驚喜麻友,想著幾時送生日蛋糕出去,俾唔切反應,宜家想翻起有d唔好意思。原來麻友以個人身份上《Music station》有4次,不過我睇咁耐都唔覺有4次,無記錯最近隻新歌(日劇戰鬥!書店女孩)無上過《Music station》唱,有錯請指出。

其實麻友為AKB48唱最後一首畢業歌幾有麻友風格,好好聽。仲有她之後打算以演戲為主,希望唔好俾兩年前套戰鬥!書店女孩打沉信心,去年係Viu TV睇她有份演出兩套SP,尤其係《大奧嬪妃傳》演得唔錯,演被插死個段好迫真,近年都係演深夜劇多,唔知事務所可唔可幫她演黃金檔劇,其實唔一定係主角,配角都係可以,況且富士劇收視低,只要有好劇本,唔細太擔心收視差問題。

發表於 Posted on: 2017-12-13 20:46

吉成千奈美
帖數 Posts: 1748
回頂端 / Top
上星期六晚7:00緊接播放《VS嵐》,由渡邊麻友帶領一班日劇戰鬥吧!書店女孩演員上去玩遊戲,一出場麻友即刻介紹套劇,主要講鍾意睇書的店員去打工奮鬥,而稻森係鍾意睇書的店長,兩個成日吵架。第一個遊戲Korokoro viking開始前,麻友話最擔心自己同千葉玩得唔好,千葉話交晒俾渡邊,麻友話一齊玩,要加油。頭個兩球都送唔到去得分區,麻友係度話唔識玩,之後開始順翻,係失了細黃色波,有110分,成績不過不失,而櫻井問邊個俾指示送落去得分區,千葉一開始話係渡邊,之後一又話一齊,麻友仲幫手話係一齊玩,眼神交流俾指示,千葉幾搞笑,仲俾搞笑藝人寸玩輸了仲想賴人。

第二個遊戲Pinball runner,戰鬥吧!書店女孩派出千奈美玩,原來千奈美以前玩競技體育,仲即場示範,井上幫千奈美打氣,仲叫錯名,結果千奈美係失了兩個粉紅波得100分,追成平手。

第三個遊戲Go Go Sweeper,第一回合戰鬥吧!書店女孩派出稻森同千葉出戰,稻森同大野之前合作過日劇怪物小王子,令稻森最印象深刻係導演臨時叫大野打後空翻,大野居然打到,之後兒嶋表演瑜伽,上次示範瑜伽,大野輕易做到,今次表演難度更高,今次大野話咁易做到,兒嶋以後唔可以再寫瑜伽係特長,結果第一回合嵐隊勝出。

第二回合戰鬥吧!書店女孩隊派出渡邊同伊野尾,戰鬥吧!書店女孩隊落後,麻友話剛剛開完會會專注入黑色波同金色波搶分,伊野尾話松本之前有去hey say jump演唱會,俾了唔少意見,不過就叫錯仔佢的名做飯尾,飯尾係搞笑藝人,仲自嘲自己個樣似飯尾,松本之後問hey say jump點分工,伊野尾笑嵐有五個人一人做一樣,咁hey say jump未有四個人唔細做,自己就係最得閒的一個。一開始熱身,麻友就撞車,伊野尾入錯自己顏色波,二話不說麻友又入錯波,之後麻友入多個金色波,伊野尾入一球黑色波,嵐隊再一次將分數拋離。

第四個遊戲Bank Bowling,麻友同稻森一右一左打中兩邊保齡球,開局開得唔錯,第二投問千葉套劇有無感情線,佢答有,之後千奈美幫佢解圍,話套劇有三角戀,千葉鍾意稻森,麻友鍾意千葉,當然係指劇集角色,櫻井話如果真係緋聞邊會咁直接,千奈美打中紅色樽,得返5個保齡球係度,差少少Perfect。

發表於 Posted on: 2017-12-13 23:52

吉成千奈美
帖數 Posts: 1748
回頂端 / Top
第五個遊戲Kicking sniper,戰鬥吧!書店女孩隊落後100分,如果無100分,嵐隊就不戰而勝,結果戰鬥吧!書店女孩隊得稻森一球Perfect,其餘每個回合都係嬴20-40分,結果得290分,成績不過不失,嵐隊只要嬴190分就可以勝出,當然結果都係嵐隊玩到第四個已經夠分。其實戰鬥吧!書店女孩隊輸係Go Go Sweeper度,如果一開始狂掃黑色波,可以追翻唔少分,而麻友係遊戲都好落力,出盡全力去玩,係今集《VS嵐》睇到她全程笑容,招牌打氣手勢,都好可愛。

發表於 Posted on: 2017-12-13 23:52

吉成千奈美
帖數 Posts: 1748
回頂端 / Top
Viu TV將於5月4日晚10:00首播渡邊麻友主演的日劇《再見,江成君》,這套日劇係渡邊麻友最後以AKB48成員演出的日劇。

發表於 Posted on: 2018-04-20 20:12

吉成千奈美
帖數 Posts: 1748
回頂端 / Top