tvb.com

 
 
tvb.com
 

TVB係2018巡禮提大陸劇係唔係唔知個醜字點寫

隨著三間電視台公佈下年待播劇,都係播最新日韓劇,但系如果有留言HKEPC公佈嘅2018TVB外購劇的嘅話,三間電視台係得TVB一間電視台會公佈陸劇,而且D仲要以華語劇的名義來公佈,睇死TVB係怕用大陸/內地/中國劇會被生果報入位借題發揮。
果幾套所謂嘅華語劇根本就係度趕廣告商走,好似套《求婚大作戰》,唔單止老翻同名日劇,劇情仲要注水到32集,節奏慢到連大陸日劇迷都睇唔落,更何況要香港日劇迷去睇?TVB唔通on9到以為用日劇嘅名氣令更多香港人接受陸劇?
仲有果套《漂亮的李慧珍》係老翻韓劇《她很漂亮》,聽講主演沒韓版咁搞笑,唔知ViuTV會唔會又重播原版等香港人去比較呢套劇,見TVB接檔《小丈夫》播,唔知係唔係因為ViuTV上《繁星四月》先咁安排?
另外三套《無心法師2》、《浪花一朵朵》、《鬼吹燈之精絕古城》,最奇怪係《無心法師》係翡翠台播,到了第二季要放J2;《浪花一朵朵》男主屬於某個台灣偶像團體,難道TVB當佢係含台星參演先買?至於《鬼吹燈之精絕古城》又係老餅劇,不過時長得30分鐘,最怕佢霸住重播《謝謝款待》呢個日劇檔來播,唔知播左會唔會俾香港人嘲笑大陸同北韓沒分別,因為呢套劇因為審查唔通過沒辦法係大陸電視台播。
TVB係J2放左一堆香港年輕人唔感興趣嘅大陸劇上去,係唔係表示要全心全意去做愛國電視台,如果係咁以後除了日韓劇真係可以放棄J2,最後再問TVB一句:你真系唔知個醜字點寫?

發表於 Posted on: 2017-11-03 22:21

煲劇
帖數 Posts: 78
回頂端 / Top
回應:煲劇

J5今年係8月廢台改財經台,結果就要J2硬食堆大陸劇,最慘係星期一至五晚7:00台劇檔變了大陸劇時段,2018巡禮一套台劇都無,台劇好快絕跡係香港電視台,有線無論免費定收費都係買韓日劇,Now免費定收費都係買韓劇,日劇同少量泰劇同大陸劇,作為大台的TVB係免費台廢止台劇時段,收費台都係得一兩套台劇,遲下華語劇台全大陸劇指日可待。

講真宜家7點檔各電視台都係播大陸劇,連一向唔播大陸劇的Viu TV都要放套大陸劇落黃金時段,會唔會係大陸俾壓力本地傳媒要統戰,事實上Viu TV,奇妙電視巡禮都無提大陸劇,就證明播大陸劇根本吸引唔到廣告商,而TVB自從有大陸股東入主更加樹立愛國電視台形象,況且TVB仲要入大陸市場。

韓版《求婚大作戰》都無買,唔明TVB買套大陸版作死,《漂亮的李慧珍》個劇名老土到爆,唔講都唔知係改篇韓劇,《無心法師2》放J2播未又係怕翡翠台播太多大陸劇俾香港傳媒鬧爆,結果要J2硬食,《浪花一朵朵》、《鬼吹燈之精絕古城》聽劇名都唔想睇,其實大陸時裝劇真係唔掂,TVB播唔通係想迫香港人接受大陸個套。《鬼吹燈之精絕古城》得30分鐘好大機會放J2暑假Amazing Summer凌晨12:30播。好老實講J2星期六朝早日劇檔唔會改播大陸劇,因為平時一至五重播韓劇,之前播個堆日劇都要搵地方重播。

另外J2除了日韓劇外,都仲有日韓綜藝節目,動漫吸引觀眾,好似《銀魂》配音好搞笑,而《VS嵐》,《Music station》,《Running man》都有固定追睇。講真J2日本綜藝節目唔多,如果星期日晚7:00播返《志村動物園》新一輯,真係可以留多d客,當然日劇檔太少,星期六晚凌晨加多檔仲好。

發表於 Posted on: 2017-11-03 23:30

吉成千奈美
帖數 Posts: 1649
回頂端 / Top
回應吉成
TVB最衰就系D陸劇要係大陸播完跟住就係香港播,驚死香港人會因為播得太遲俾人揾藉口唔睇
如果話香港電視台播陸劇係統戰,咁台灣主流電視台八點檔沒陸劇都係一樣,怕大陸會用文化統戰,事實上蔡英文上台之後對電視台播大陸劇進行罰款,導致陸劇要由台灣有線電視台同網上平台播。
TVB宜家真係樹立愛國電視台形象,之前中共十九大,TVB又用翡翠台直播開幕同常委記者會,開幕單日仲有港台32直播,另外果兩個電視台寧願按節目表播節目都唔肯做直播,至於常委記者會係得TVB一間電視台直播,連港台32寧願播直播立法會會議都唔肯直播十九大,好明顯香港人對十九大興趣唔大,睇都係睇王岐山會唔會連任常委
J2 2018動畫真係唔吸引動漫迷去睇,見動漫討論區話TVB係2018年播嘅動畫真係好差,係得《銀魂》先吸引動漫迷睇

發表於 Posted on: 2017-11-04 17:45

煲劇
帖數 Posts: 78
回頂端 / Top
回應:煲劇

TVB緊貼大陸播放大陸劇,myTV Super仲點賣廣告宣傳新大陸劇,宜家TVB好似當d大陸劇係寶,實際係堆無人要的垃圾,其實翡翠台同J2同時段播放大陸劇,罷明想拖低大陸劇收視先咁安排。

香港電視台播大陸劇係統戰,藉此宣傳大陸明星同文化,台灣就係因為早年播太多大陸劇搞到台劇古裝劇沒落,大陸現代時裝劇太土先入唔到市場,其實台灣影星好多去大陸發展,慢慢令台灣電視業衰退,講開又講台灣主流電視台真係無咩播大陸劇,好多改播韓劇,其實購買大陸劇成本係唔係好平,唔係唔會有咁多電視台買。

TVB係愛國電視台一早知,整個J5大陸台出來,新聞記者都係請大陸畢業生,況且免費電視台已經無得做,大陸收購TVB完全出於政治考慮,中共十九大根本無嘢值得睇,反正都係一早內定,況且d大陸新聞係香港播唔會有新聞價值,所以其他電視台唔播係正常,TVB播就更加表明自己立場,自取其辱。

J2 2018動畫全部都係電影劇場版,好大機會下年暑假播,《銀魂》一星期得個兩集都少,日劇巡禮有兩套係11月已經播,真係唔知下年J2有咩日劇播,今年綜藝衰到連日綜都無,個套垃圾《叢林的法則》仲買,完全失望,睇下對面台Viu TV一早斬晒堆韓綜,證明播韓綜係香港根本無市場。

發表於 Posted on: 2017-11-04 18:43

吉成千奈美
帖數 Posts: 1649
回頂端 / Top
香港電視台播大陸劇係全亞洲大勢所趨,隨住日劇繼續沉淪同韓劇熱潮減退,大陸劇近一兩年已經在亞洲掘起,連99台都要屈服放陸劇在黃金時段播就知.提大陸劇先係最In最潮表現.

發表於 Posted on: 2017-11-08 16:39

pearlfans
帖數 Posts: 157
回頂端 / Top
回應:pearlfans

香港電視台播大陸劇係出於政治考慮,至於大陸劇係全亞洲大勢有咩證據,台灣免費電視台係咁cut大陸劇,用韓劇代替,係日本韓國更加無免費電視台播放大陸劇。日劇繼續沉淪咁點解大陸劇不斷翻拍,韓劇熱潮減退係大陸禁韓令政策所致,係其他地區又唔見有任何減退。

Viu TV放一套大陸劇落黃金時段播就話大陸劇最In,好明顯打手所為,講真Viu TV一至五晚7:00-7:50都係播埋d舊韓台劇,新劇得堆泰劇,罷到明係炮灰檔,係11月淡季播大陸劇都係貪平,集數長用來塞時間,奇妙電視係同時段都有咁的安排,相反咁多間免費電視台都將日韓劇放係更好的黃金時段,邊個有市場有廣告明眼人都知。

發表於 Posted on: 2017-11-08 18:09

吉成千奈美
帖數 Posts: 1649
回頂端 / Top
回應:煲劇

TVB為大陸劇開路,不惜一切代價cut J2原有兩線劇,一至五晚7:00:8:00台劇時段改為偶像華語劇(實際上係播時裝大陸劇),一至五晚10:05-11:05精選日韓劇時段改為玄幻華語劇 (實際都係播大陸劇),大陸劇本身已經係翡翠台有播,宜家連J2都要播埋,播咁多大陸劇只會令人對TVB反感。

實際上日劇時段已經夠少,一星期先播兩套,仲要播一集,有時唔好彩仲撞正播馬停播,TVB再唔將堆外國馬搬離J2都係無得救,仲有J2係星期六日晚播堆韓綜浪費成個黃金時段咁濟,事實上宜家星期日晚7:00-8:00時段真空,照計播埋飯食節目似係頂期,一係將3日2夜安樂蝸改去星期日晚7:00-8:00時段播,原有韓綜提前至六日晚8:30開播,星期六日各晚未可以播多套日劇,至於動漫時段改去一至四晚Big Boys Club時段播,Big Boys Club改去J2星期六日下午6:00-7:00時段播。

發表於 Posted on: 2017-11-21 3:21

吉成千奈美
帖數 Posts: 1649
回頂端 / Top