tvb.com

 
 
tvb.com
 

究竟J2幾時播埋2017巡禮堆日韓劇

過多個月TVB都就快做2018巡禮,但J2 2017巡禮堆日韓劇仲未播,日劇《有喜歡的人》,韓劇《灰姑娘與四騎士》,《戲子》都未有任何消息係免費台播,如果一早無打算播,就唔好預告定,等了成年播放無期,有欺騙觀眾成份,作為大台應有社會責任。

好老實講對今年TVB節目安排有問題,好似J2 8月暑假上套唔關事的《小學餐女廚神》都唔上套應景的《有喜歡的人》,韓劇方面走去上套舊劇婆媽《傳說的魔女》,唔上迷你劇《灰姑娘與四騎士》,《戲子》,d咁的安排究竟係邊個TVB內部高層決定,仲有J2播日韓劇好似慢慢遠離年輕路線。

發表於 Posted on: 2017-10-13 2:38

吉成千奈美
帖數 Posts: 1649
回頂端 / Top
播日韓劇有咩問題...?
最大問題佢宜家唔係播埋d長篇大論老土劇就係播d垃圾
呢期重播果d好睇過"首播"果d唔知幾多.....
11點檔果套婆媽老土劇計返仲有差唔多成個月先播完..................... #ng#
今年同時段得果兩套先吸引,其他都係麻麻

發表於 Posted on: 2017-10-22 2:38

J2
帖數 Posts: 10
回頂端 / Top
回應:J2

標題從來無話播日韓劇有問題,反而係想知J2幾時肯播2017巡禮堆日韓劇。講真J2今年播堆韓劇得兩套係見得下人,《藍海傳說》,《嫉妒的化身》,其餘個d就真係老土師奶劇或者係tvN垃圾,宜家J2播緊個套《傳說的魔女》都唔知做到幾時先完,TVB係咁買這堆有線播過老土師奶劇,11月5日朝早仲要播套《陪伴我好媽》,真係唔明買咁多這d劇播仲咩。

好老實講重播個堆仲好睇過首播,不過之前睇過就唔會翻睇,其實J2 11點韓劇檔點解愈做愈差,播d韓劇愈播愈舊,係唔係隔離台搶晒堆韓劇,事實上預期播堆有線播過老土師奶劇,不如重播韓劇台兩年前未播過堆韓劇好過,照計《師任堂》都好快係J2重播。

發表於 Posted on: 2017-10-22 19:46

吉成千奈美
帖數 Posts: 1649
回頂端 / Top
"仲有J2播日韓劇好似慢慢遠離年輕路線"
我回緊你最尾呢句,只係J2佢揀黎播既劇種...唔掂

今年J2 11點檔正正係就係講緊得《藍海傳說》《嫉妒的化身》呢兩套係吸引既
tvN d劇都ok既,一套套啦,不過今年11點檔播過既兩套(K2同法妻)又真係悶咗d

至於週日朝早唔關我事,反正都唔會有時間睇
另外週六重播完《謝謝款待》唔知會上乜呢

《主君的太陽》正呀,呢套計埋首播已經第三次播...我就第4次睇
朝早《看見味道的少女》《有愛一家人》亦都唔錯
其實佢唔係無新劇播,你睇下日劇台/賣tv豬扒都有d野睇,
尤其日劇,係佢唔肯擺J2播,又得J2變做垃圾/重播台
唔講劇集,係近呢一個星期一二四五8點半旅遊飲食時段既節目先有誘因全部睇哂
之前播咩busking呢d好心係擺落週日6點頂走垃圾金曲啦

《師任堂》係得卡士吸引,有李英愛助陣
但收視/口碑都唔太得,之前睇到一半都棄咗劇
同埋唔該片頭片尾變返原裝OST
咪鬼老土到塞首不知所謂廣東歌入黎

發表於 Posted on: 2017-10-23 2:18

J2
帖數 Posts: 10
回頂端 / Top
回應:J2

好老實講自從杜之克余詠珊入主TVB後,J2已經變晒質,明明J2目標觀眾係年輕人,照計播日韓劇都係主打偶像劇個類,高清翡翠台播日韓劇偏向劇情類,不過TVB好衰唔衰搞個J5大陸台,令原有日韓劇時段取消,結局未搞到原有應係高清翡翠台播個類日韓劇要係J2播,但J2從來無新增日韓劇時段,就算精選日韓劇時段都係重播劇場。

J2日劇自從《無敵律師》後,之後播堆日劇都唔錯,好多都係日本播完無耐,韓劇今年數得出好睇真係得《藍海傳說》同《嫉妒的化身》,tvN個兩套真係好悶,尤其係改篇美劇個套,衰d講句連宜家J2播緊套老土劇仲好睇過佢,何想而知有幾差。tvN劇好睇的戲真係唔多,最頂唔順佢個種拍攝手法十足美劇,色水淡。

至於J2佢揀黎播既劇種唔掂好明顯TVB買手問題,就算收費台有播,J2都唔會重播,究竟係TVB想焗人俾錢裝收費台,定係想藉此慢慢陰乾日韓劇,連myTV Super都大肆宣傳大陸劇,證明TVB別有用心。

週日朝早韓劇我都無睇,不過講開韓劇就提下,TVB係咁買堆有線二手劇,真係唔知為咩,週六重播完《謝謝款待》好大機會重播以前J2播過堆舊日劇,睇下這個時段今年播d咩劇,就唔會對佢有期望。

《主君的太陽》係好睇,但J2係幾年前播過,睇過都仲記得,反而想佢重播堆超過五年的舊劇,《看見味道的少女》ok,台劇就無睇。況且個d時段真係唔會睇到。

J2日劇時段成日播馬停播,根本唔少好多日劇,況且J2播日劇都係播myTV Super播唔到的日劇,重播日劇台播過堆日劇少之有少,今年只係重播得兩套咁大把,其實應該加時段,好似《女醫神Doctor X》就放新時段播,其實一星期睇J2得星期六,由晚上7:00睇到12:00,平時得劇集會固定睇。其實J2星期六日堆音樂節目放返平日下午播,六日晚6:00-7:00回復播返晨間劇仲好。

見TVB之前係咁宣傳《師任堂》,以為好勁,另外套劇插入廣東歌,唔知TVB會唔會係翡翠台,話晒李英愛係香港有多少知名度,放翡翠台一至五晚7:00檔播拉下收視都有作用。

發表於 Posted on: 2017-10-29 20:56

吉成千奈美
帖數 Posts: 1649
回頂端 / Top
J2播劇情類日韓劇唔係問題,係佢揀咩劇係J2到播,節目安排問題
佢宜家好似專揀d廢劇/無吸引力既劇擺係J2趕客
本身搞J5都唔係差(係衰播殘體字煲東瓜新聞ja),
好過宜家搞咩發錢寒財經台,搞到播放內容好局限哂果方面無得播大陸劇
無綫應該將85台拎黎專播大陸劇/節目,資訊類(外購),跑馬同財經(兩者大多數唔會撞時間)
J2就做返哂日韓台劇/綜藝/旅遊節目同動漫,向賽馬賭博say88
至於堆過期/過氣/婆媽類日韓劇擺落平時無乜人睇既平日日間/六日朝早就得

J2夜晚精選日韓劇時段,我都認同佢應該揀d比較舊既日韓劇播
宜家隔得太近又播,好似之前套《花樣男子》,前年年尾J2重播完,今年又重播,無耐又去韓劇台再重播......學亞視咩
其實呢個時段個功能同朝六下二個時段差唔多一樣,合返埋佢好過
再將夜十呢個時段同週六日既日劇時段合併,每週播三套日劇(每套兩集),當清下倉,或者一二就專播舊劇,三四/五六(/日)就播兩套新劇(每套兩集)

《女醫神Doctor X》將會接星期六宜家果套(未知會否恢復六日播)

>>>其實J2星期六日堆音樂節目放返平日下午播,六日晚6:00-7:00回復播返晨間劇
無意見,最緊要將勁X金曲踢離J2,做其他類型音樂節目好過(例如busking)
六日傍晚播晨間劇就固定返深夜重播時間,果時擺到打哂風咁,日日新鮮

講開翡翠台晚7,其實係咪應該係時候執下整晚時間表
劇播得半粒鐘鬼咁孤寒(雖然佢播大陸劇關我_事),當佢攝時間咁
如果係播韓劇更加係每日播得三分之一集(大部份韓劇原版係足60分鐘一集)
7點改做播足一粒鐘(連廣告),8-10半照舊,原7半調去10半
原10半果d一係改去六日7-8果d時段,一係就去J2/85台(視乎咩節目而分配)

發表於 Posted on: 2017-11-04 5:00

J2
帖數 Posts: 10
回頂端 / Top
J2 11月日韓劇預告:

《女醫神Doctor X5》 11月25日起星期六晚11:00,接《HELLO!刺蝟偵探》

《陸王》 11月26日起星期日晚10:30,接《緊急救命3》

《師任堂》 11月24日起星期一至五晚11:05,接《傳說的魔女》

發表於 Posted on: 2017-11-04 16:49

吉成千奈美
帖數 Posts: 1649
回頂端 / Top
回應吉成
真係俾你估中左喎,師任堂會上J2播,還有HKEPC宜家時不時會討論日劇,唔通係因為你係呢度話佢地名不副實成日討論韓劇所以想正名?

發表於 Posted on: 2017-11-04 17:47

煲劇
帖數 Posts: 78
回頂端 / Top
回應:J2

J2播劇情類日韓劇已經唔係目標觀眾年輕人會睇,佢揀個d劇其實係翡翠台個類觀眾,單係佢揀d劇劇種就唔係一般香港觀眾會鍾意睇,題材最多係個d醫療,刑偵,律師查案劇,其他題材劇少播,罷到明當J2係垃圾台,尤其係今年J2播堆韓劇好多都係悶劇,日劇就播埋d係日劇台唔播得,《陸王》個類商戰劇都夠膽死放J2播。

其實宜家TVB係咁谷myTV Super,免費台播日韓劇都少了,所以J2專播d廢劇/無吸引力既劇係唔係想迫人裝收費台。講真TVB用咁多錢買了堆劇唔播,最後過期,都遲下俾其他電視台買翻首播,對TVB無咩利。

J5收視其實真係幾差,無廣告商支持,唔係唔細轉做財經台。其實好似之前高清翡翠台節目安排咁仲好,定位成年觀眾,播放劇集,節目唔焗限係大陸,以往高清翡翠台星期六日晚日韓劇場,都有固定客源,J5正正只做大陸劇/綜藝,客源太單一,況且睇大陸劇/綜藝個班觀眾會等TVB播。

J2去年開始愈玩愈縮,大量重播節目,以前星期一至五晚6:00-7:00動漫檔,宜家走去重播旅遊節目,星期一至五晚7:00-8:00檔由台劇轉大陸劇拖長播,就知TVB無心做,綜藝節目都係韓國為主,旅遊節目係台灣為主,節目地區單一,點吸引觀眾,仲有J2直播賽馬係2018年完約,到時未必係TVB播,可能Viu TV或奇妙播,佢地有英文台,用來播賽馬吸廣告唔係壞事。

至於堆過期/過氣/婆媽類日韓劇其實罷係J2夜晚精選日韓劇時段度都ok,反正免費台又未播過,總好過重播以前J2播過堆劇,重播應該放係平日朝早/下午,仲有同下午時段重疊。

事實上精選日韓劇時段再係咁重播舊劇,不如取消改做動漫檔,將原有星期日晚動漫檔改播日劇,應該可以清咁日劇台堆存貨。夜十呢個時段同週六日既日劇時段合併根本無可能,星期六夜十日十仲播緊韓綜,而一至五夜十可以仿傚J2係2010年劇集安排,一至四(韓劇),五(日劇),主要清收費台堆舊劇。

發表於 Posted on: 2017-11-04 17:56

吉成千奈美
帖數 Posts: 1649
回頂端 / Top
《女醫神Doctor X5》係星期六晚11:00播放,而星期日晚播《陸王》,即係回復一星期播一集,好明顯六日晚連播兩集模式失敗,其實TVB咁安排法純粹出於節目改動影響無咁大,《陸王》首集兩小時,如果放星期六晚,J2馬會節目就會順延至1:00,相反安排係星期日只要取消之後動漫檔就可以,講真照牌面上應該放《女醫神Doctor X5》落星期日會好d,始終同時段要打奇妙日劇檔。

宜家《有喜歡的人》,《灰姑娘與四騎士》,《戲子》到今年完都無得,即管睇下TVB會唔會放係下年2月淡季一次過清晒堆舊劇。

六日傍晚播晨間劇時段主要作用係清日劇台堆晨間劇,以前J2首播晨間劇,收費台重播,另外朝早播完《謝謝款待》後重播《天皇的御廚》,證明星期六朝早日劇時段係重播檔期,其實以前晨間劇深夜重播時間日日唔同,係日劇集數順延問題,想有固定時數,就要搵節目填空檔。

仲有勁X金曲一向都係翡翠台做,唔知整個J2版出來做咩,其實這類本地音樂節目一向受眾少,放黃金時段播效益唔大,這類節目最好深夜凌晨播。其實翡翠台晚7好明顯攝時間,就算改做一個鐘都唔會播韓劇,講真這個時段旨在補償高J5大陸劇場,而7-10半連續播劇集會唔會違反廣播條例播放單一節目,一係取消8點檔處景劇,7-8專門播放外購劇,東張西望順延至8:00播,之後節目一切如常,反正處景劇收視大不如前,集中火力製作高質素劇集仲好。

發表於 Posted on: 2017-11-04 18:15

吉成千奈美
帖數 Posts: 1649
回頂端 / Top
未必唔岩,睇佢揀咩劇黎播ja,同埋內容太沉悶太老土既當然趕客
J2應該係時候要重新定位做日韓台劇集/節目同做本地潮流
唔應該再侷限話要播偶像劇,後生唔一定會全睇呢類

85台其實宜家都無野睇,可以係混合一齊做唔同既野
平日日間做財經,夜晚做相關資訊同播大陸劇
紅日做大陸綜藝大陸劇同其他野,仲可以跑埋馬
講開大陸野都唔知點解可以整個用煲東瓜介紹香港既節目仲要係擺J2播

下年終於跑完馬?係就好啦,之前唔係幾知係咪真係做3年
話之佢之後去邊,唔好繼續擺落黎J2就得,好行夾唔送

晚十擺過期/過氣既日韓劇就好啦,老土婆媽劇就咪搞
擺去六日下午連播兩日好過(播韓劇就播原版足60分鐘)
另外重播劇好心改返以前咁下午播首輪深夜再播
平日動漫檔你搵返傍晚同深夜啦(即係2-3年前個時間)

六日傍晚本身都唔係播晨間劇先,都只係播過《小海女》《謝謝款待》兩套
深夜重播時間日日唔同關集數順延咩事?
晨間劇大多數都係156集,日本NHK同J2都係一星期6集
朝早預咗佢係重播免費台播過既多

勁X金曲整個J2版不嬲都多嚿魚,整其他音樂節目好過
堆自家音樂節目最好學以前咁擺哂落六日下午播
同埋Music Stn.同K-POP都應該分別擺返六日下午播
宜家倒塔咁早播都無乜人咁神心開黎睇,而前者仲成日斷纜
同時後者重播時間唔該調返星期日晚深夜

ps...激死人啦,時間太長自動logout清空哂搞到又要寫過

發表於 Posted on: 2017-11-05 6:00

J2
帖數 Posts: 10
回頂端 / Top
日劇唔播冇損失,韓劇例如師任堂睇黎都係留返myTV SUPER獨家,完全唔回流到免費台播.

發表於 Posted on: 2017-11-08 16:42

pearlfans
帖數 Posts: 157
回頂端 / Top
回應:pearlfans

計我話大陸劇唔播冇損失,反正係香港無幾多人會睇,而TVB係翡翠台同J2狂播大陸劇,無非係想迫班觀眾接受大陸劇,事實上TVB係免費台播少d日劇都係想焗人申請myTV Super,好老實講J2播日劇仲好過myTV Super個堆。韓劇師任堂已經安排了係11月24日J2播,講真師任堂這類古裝劇好應該放係翡翠台7點播,不過TVB當翡翠台7點劇場係固定大陸劇時段。

發表於 Posted on: 2017-11-08 18:20

吉成千奈美
帖數 Posts: 1649
回頂端 / Top
回應:J2

其實宜家日韓劇有咩分唔分偶像劇,只不過係有年輕偶像組合演出個類劇會易吸引年輕觀眾,而題材都係偏向輕鬆時裝劇,但今時今日J2已經變質,好似以前比較沈重個類劇/古裝都係放高清翡翠台播,J2無加新時段但佔據原有年輕人睇電視權利,年輕人多數都係追星睇劇,而J2今年播堆日韓劇,演員年紀偏大,目標觀眾定位變成年觀眾。

85台財經台主力做財經+堆資訊健康節目,如果做埋大陸綜藝大陸劇,咁同以前J5台有咩分別,最重要係TVB想幫85洗清大陸台污名,其實85台應該取消星期六日晚重播節目安排,回復以往六日晚高清日韓劇時段安排。宜家J2係7檔播埋段大陸劇,真係唔明TVB仲咩要整衰J2,不過翡翠台都要硬食這段垃圾,證明TVB節目安排受大陸股東背後操作,係唔係都要搵個台攝堆大陸嘢落去,本地賽馬其實放J2都唔係佔好多時間,係個堆外國馬同馬會節目佔據J2大部分時間,改去明珠台做仲幫到TVB慳錢同加到廣告。

J2係2015年接手賽馬,同馬會簽了3年約,照計播到下年8月完,不過到今時今日馬會又無宣佈2018年賽馬播放安排,但Now收費台最近又新增賽馬頻道,Viu TV係星期日下午都轉晒重播節目,明顯為下年做準備,事實上Viu TV今年都播放大量體育賽事,真係唔爭在轉播賽馬,反正放英文台播都無蝕。

如果晚十繼續播重播韓劇,不如摺了去好過,回復2012年5月改革安排,一至四播動漫,五晚9:30-10:30播日劇,韓劇時段回復一至五晚10:30播足本版,咁就應該可以清得晒收費台堆日韓劇存貨,老土婆媽劇真係唔播就算,又或者改六日朝早播,六日下午播返朝早要播的日韓劇,宜家堆重播劇朝早首播,下午重播,又係受堆馬會節目安排影響,所以J2一日唔取消直播賽馬都無運行。

六日傍晚本身都係播重播劇,之後有首播劇就係晨間劇,TVB收費日劇台有一大堆晨間劇未播,所以J2播返好理所當然,深夜重播時間同六日晚節目安排本身有一定關係,星期六晚日劇首集/Music station加長令之後節目順延,朝早韓劇時段又唔見重播,唯獨日劇重播,TVB好明顯想播少d日劇。

發表於 Posted on: 2017-11-17 23:26

吉成千奈美
帖數 Posts: 1649
回頂端 / Top
堆自家音樂節目以前都係放J2深夜播,六日下午多數播潮流旅遊節目,K-POP以前放係星期日下午播,深夜有重播,宜家改去星期日朝早都多人就到時間,但Music station放星期六朝早,凌晨深夜播時間又唔好,myTV Super又不設重溫,講真J2節目安排認真差,以為多重播實會有人睇到。

發表於 Posted on: 2017-11-17 23:26

吉成千奈美
帖數 Posts: 1649
回頂端 / Top
馬會同TVB係簽約5季,唔係3季.

發表於 Posted on: 2017-11-18 9:57

pearlfans
帖數 Posts: 157
回頂端 / Top