tvb.com

 
 
tvb.com
 

《VS嵐》討論區

歡迎各位討論J2播放《VS嵐》進度討論。

上星期六J2播放《VS嵐》對戰嘉賓係《國際藝人隊》,有演過日劇《霓裳風暴》的LiLiCo,同松本潤合演日劇《花樣男子》的阿部力,今集嘉賓都係混血兒,而《國際藝人隊》玩遊戲爆出唔少第一次,korokoro viking唔經船將彈入得分區,bank bowing兩個波相撞後反彈打中紅色樽,秋原才加成為第一位女將爬上cliff climb取得Perfect,今集鬥到難分難解後由嘉賓隊勝出。

發表於 Posted on: 2017-06-27 17:33

吉成千奈美
帖數 Posts: 1649
回頂端 / Top
上星期J2播放《VS嵐》對戰嘉賓係《奧運金牌得獎隊》,主要都係倫敦奧運奪金的日本運動員,清水鐵三角成日係埋一齊玩遊戲,而成隊得里谷無show錢收,因為她係富士電視台員工,所以她玩遊戲都唔盡力。岩清水梓玩Kicking Sniper幾個perfect,仲有Cliff Climb都好快手玩完,嵐隊係Korokoro Viking因第五彈入50同-30格落敗。

發表於 Posted on: 2017-07-11 20:02

吉成千奈美
帖數 Posts: 1649
回頂端 / Top
上星期《VS嵐》播放嘉賓係二世隊,好明顯TVB繼續順住播到2014年尾集數,仲有Go Go Sweeper自從神奈川隊後已經再無玩,根據維基百科資料所得J2播放《VS嵐》係第十輯,即係TVB買一輯集數係13集,播完2014年尾集數會唔會直接播2017年集數都成問題。

發表於 Posted on: 2017-08-05 10:53

吉成千奈美
帖數 Posts: 1649
回頂端 / Top
上星期六J2播放集數係「媽媽隊」,飛走吉本1999年同期隊個集,唔知係版權問題定TVB無買,今集有Mitz.Mangrove、IKKO做Plus one,周不時寸下「媽媽隊」嘉賓幾搞笑。

發表於 Posted on: 2017-08-07 21:02

吉成千奈美
帖數 Posts: 1649
回頂端 / Top
昨晚J2播放個集係接續「媽媽隊」之後個集電影「戀愛魔法隊」,「戀愛魔法隊」一直處於領先,今集遊戲Cliff climb多了台場的手指,相葉用腳踢台場的手指好型,而最後只需要嬴7分的「戀愛魔法隊」放水,用一個罐分勝負,根本唔公平,本本榮倉奈奈踼中唔跌,最後嵐隊嬴了,講真個兩個Plus one嘉賓玩得好差,Korokoro viking玩到負分,今集「戀愛魔法隊」嘉賓少出聲,反而俾兩個Plus one搶晒鏡,仲有嵐隊點解唔問多d「戀愛魔法隊」嘉賓片場趣事,少了嘉賓隊互動。不過相葉今集幾搶境。

發表於 Posted on: 2017-08-13 13:54

吉成千奈美
帖數 Posts: 1649
回頂端 / Top
上星期六個集嘉賓「馬年生肖隊」,有Daigo同成日上VS嵐的菊地亞美助陣,而大野智係拍VS嵐前一日生日,俾其他嵐成員寸年年都係個幾句,無新意。而「馬年生肖隊」由頭嬴到落尾,搞到連最後一個遊戲唔細玩都嬴,嘉賓隊仲唔細嵐隊係korokoro viking讓分,夠晒風度。

而今集遊戲Go Go Sweeper係咁多集之後出現翻,而遊戲規則又改了,以前每隊輪流玩一轉,掃晒d波入去Fewer再出下一輪波繼續玩,宜家分兩回合,兩隊一齊參賽,每次落場兩個人,自己隊掃入人地隊波計入人地隊度,仲有金波4個,應該想增加比賽刺激性先調整,所以之前d集數就係咁翻抄以前d遊戲,目的就係俾時間去修改Go Go Sweeper。

另外Daigo係新設的Go Go Sweeper玩得唔錯,係之前誇大口的他話玩完後會將遊戲改做Daigo Go Sweeper,點知他講得出做得到,不負所望,仲有Daigo係bank bowing用絕招打中紅色樽,認真勵害,加上他成日用英文字簡稱,成日製造笑料。

照目前J2播放《VS嵐》集數進度,播多3集就播完2014年版本集數,睇個勢TVB好大機會繼續播2015年舊集數,咁的時段播新集數機會唔大,除非好似星期日晚7:00韓綜版權賣得咁平,事實上TVB今年先買返《VS嵐》仲要2014年集數,無非都係價錢平先肯入貨。睇下堆星期六日韓綜無間斷播放,但《VS嵐》要停播,好明顯錢問題。

發表於 Posted on: 2017-08-23 11:13

吉成千奈美
帖數 Posts: 1649
回頂端 / Top
吉成千奈美
電視機壞左,買左新嘅電視機,打算用機頂盒當錄影機,點知唔知點解唔得,唯有上網睇,《閃爍的青春》隊個集勁搞笑,本田翼同新川優愛嘅反應超搞笑,之後cliff climb又有笑料,記得睇。《閃爍的青春》未睇過,不過似乎好好睇,要上網睇下有無字幕版先。至於《閃爍的愛情》睇過,覺得麻麻,無咩特別!

發表於 Posted on: 2017-09-01 13:55

UIE1017
帖數 Posts: 1541
回頂端 / Top
回應:UIE1017

講真你部電視機用了十幾年壞了都好正常,宜家新出d電視機無以前咁耐用,得5年貨仔就玩完,仲有你買邊隻牌子電視機,大部分電視機都內置預錄功能,仲有將機頂盒當錄影機用都係普遍家庭正常做法,至於你唔得係駁錯線,要將插天線插頭一分二俾電視機同機頂盒,又或者直接插係機頂盒度,反正機頂盒有可錄影同轉台功能,因此建議你採納後者做法。

另外你錄唔到《VS嵐》都唔一定要上網睇,J2一星期都有重播《VS嵐》,星期日朝早6:00睇唔到未等下星期五下午5:05,再唔係星期六凌晨4:35都有得翻睇。《閃爍的青春》隊個集嘉賓卡士好豪華,有本田翼、東出昌大、小柳友都係日劇常見演員,而本田翼一開波話好緊張,點知嵐隊玩得差就寸嵐隊玩得渣。新川優愛成日叫人買票入場睇做宣傳都幾搞笑,反而嵐隊Plus one之一的TKO玩Cliff Climb玩到半天吊,周圍插把手,東出昌大笑到收唔到聲。仲有東出昌大同TKO合作拍過日劇《謝謝款待》,又真係唔記得TKO做過咩角色。

而我係上星期六已經睇了《閃爍的青春》隊個集,不過無係度定期更新進度咁解,事實上《閃爍的青春》隊由頭嬴到尾,嵐隊一場遊戲都嬴唔到,嵐隊已經兩連敗。《閃爍的青春》係電影,唔知之前香港有無上過,我都無睇過,所以唔知好唔好睇。而東出昌大係《VS嵐》提到男主角角色好複雜,感情線牽涉好多人。至於《閃爍的愛情》係咩劇,邊個主演,有時俾d譯名搞到好混亂,唔知邊套打邊套。

發表於 Posted on: 2017-09-03 3:25

吉成千奈美
帖數 Posts: 1649
回頂端 / Top
吉成千奈美
我買左創維,畫面都算靚。天線要分兩條咁麻煩,咁寧願上網睇好過。重播時間咁差,根本好難坐定定睇。木本武宏都真係幾搞笑,不過都真係認唔到佢《謝謝款待》嘅角色,好似兩個人咁樣。《閃爍的青春》香港有上,《閃爍的愛情》都有上畫,呢套係福士蒼汰同有村架純主演,我上網睇左,不過唔推薦你睇。反正我都係睇唔到,我依家上網睇到2016年1月14號原籃球部隊,不過當中有啲因為搵唔到字幕而無睇住。GoGo Sweeper遊戲有新玩法,記得留意,Stone Buster其實係桌球放大版,有啲悶,Pinball Runner多左4球粉球,成日搞到好高分,Rolling Coin Tower響《Fragile》呢集有特別新玩法,都幾得意,原籃球部隊呢集Kicking Sniper會變做Basket Sniper,你大約1年後睇記得留意,Kicking Sniper唔記得邊集嵐隊仲要得0分。不過Falling Pipe,Giant Crash同Popcorn Hitter好耐無出現,唔知幾時出現呢?

發表於 Posted on: 2017-09-11 23:05

UIE1017
帖數 Posts: 1541
回頂端 / Top
回應:UIE1017

講真你好買唔買創維電視,d大陸廠電視質素麻麻,好易壞,過多兩三年出問題,其實大廠出d電視機價錢唔會貴大陸廠好多,起碼多人用,有信心保證。事實上你直接將天線插頭插入機頂盒,已經可以錄影,始終經電視錄影要開住,預期係咁未放棄電視。木本武宏係《謝謝款待》戲份唔重,加上《謝謝款待》角色又多,唔記得都唔出奇,想想下木本武宏會唔會係同東出昌大做建築師的同事。至於《閃爍的青春》同《閃爍的愛情》都係純愛電影,劇情都係個幾種套路,所以你都係唔好對《閃爍的青春》有太大期望。

另外你都識講字幕版《VS嵐》唔係集集搵到,雖然J2版集數未必播足,不過勝在夠方便,仲有配音版本提供,而首播時間係星期六晚7:00-8:00,都唔算太差,要睇都唔係睇唔到。上星期六J2播放《VS嵐》集數係2014年最後一集,嘉賓係電影「球場上的朝陽」隊,有妻夫木聰、龜梨和也、勝地涼、池松壯亮、高畑充希,超豪華陣容,妻夫木聰玩遊戲都幾勁,決勝局都係由妻夫木聰致勝,即管睇下下星期六個集播邊年版本,會唔會繼續順住播。

其實你咁快睇到2016年1月14號原籃球部隊個集,當中有無加入新遊戲,GoGo Sweeper播完兩集就改團體賽同加入唔同顏色波增加難度,好明顯同吸引觀眾而更改規則,新玩法係唔係加入黑波,無論嵐隊定嘉賓隊射入都扣嵐隊分,講真桌球本身悶,Stone Buster都係製作團隊想到無嘢想先整,其實Bank Bowling都麻麻,Pinball Runner成日太低分,搞到嵐隊同嘉賓隊分唔到勝負,加4球粉紅球無非想分到勝負,Rolling Coin Tower仲有得變,真係有d期待。 Kicking Sniper變做Basket Sniper,即係以後無 Kicking Sniper,唔通係嵐隊玩Kicking Sniper玩到0分先改。Giant Crash一定唔會再出現,每集要重新整巨人,對製作團體開支大,Popcorn Hitter玩完一集就停了,可能係觀眾唔鍾意睇要停,Falling Pipe都係相同情況。

發表於 Posted on: 2017-09-12 19:11

吉成千奈美
帖數 Posts: 1649
回頂端 / Top
吉成千奈美
其實都預左2-3年壞,之後再買部新嘅都無問題。依家搞搞下又可以錄影,所以可以睇番以前嘅節目同埋錄要睇嘅節目。睇番維基都真係唔記得木本武宏響《謝謝款待》嘅角色係邊個,相信應該唔重要。我依家睇到4月28號排球隊個集,當然有新遊戲,有teamwork對決,幾搞笑,尤其是寶塚OG隊個集,不過其他集數比較悶。baloon shooting係暗殺教室隊帶黎,我覺得比較悶,不過記得新年個集好似好好玩,應該之後有新玩法,jumping shooter就新增左雙倍粉球,korokoro viking會減少最後嘅金球,但同時會有10個小球,好難控制,但玩得好可以狂入分數格。GoGo Sweeper有黑球,嵐隊會-30分。Rolling Coin Tower變玩法純粹因為FRAGILE隊落後太多而有嘅新玩法。Kicking Sniper變做Basket Sniper純粹因為個集係籃球部隊而有,其他集數都係Kicking Sniper,而嵐隊玩到0分係因為有集係足球部隊參與,變左真足球,難踢左,嵐隊就得0分。

發表於 Posted on: 2017-09-22 0:02

UIE1017
帖數 Posts: 1541
回頂端 / Top
回應:UIE1017

其實你自己都預大陸電視台機用2-3年就打柴,點解唔買部好d用耐d,除非你真係2-3年後搬屋,部電視台索性當垃圾唔要,咁就唔同講法。而宜家錄到影係magic機頂盒整翻定用電視錄影,不過聽你話可以睇番以前嘅節目似係用magic機頂盒多。話咁快就睇到去年4月28號日本女子排球隊個集,日本女子排球隊成日都上《VS嵐》做嘉賓,人氣真係及得上藝人。J2上星期六個集仲播緊2015年東方快車謀殺案個集,我有睇造集都幾好笑,二宮扮晒嘉賓唔出聲,二宮無去片場拍戲搵三宮頂上,杏同主持夾定宣傳日劇約會。其實你睇了幾多集《VS嵐》,無理由2015年至2016年中咁多集都咁悶,會唔會係你一次過睇太多,遊戲又差唔多,睇到厭。至於《VS嵐》都係睇teamwork對決,中間穿插對談笑料,係這個節目特色,不過有時請d嘉賓唔出聲,靠Plus one嘉賓搞氣氛,相對平淡。無記錯新年個集baloon shooting目標物係轉了,暗殺教室隊個集係唔係固定射,不過初初出新遊戲都係試驗性質,唔好要求咁多,Jumping shooter次次玩都分唔到勝負,加雙倍粉紅球將兩隊分數拋離,嵐隊成日玩Korokoro viking都輸,同時有10個小球幾難控制,會唔會取消嵐隊讓分先。Rolling Coin Tower新玩法係往後集數都咁玩定係好似Basket Sniper一次性,事實上之前日本女子排球隊個集都用排球方法開波,但個集又無改名。Kicking Sniper用真足球踢好難射中目標物,除非係專業球員,個集罷明想睇嘉賓隊腳法先臨時改。

另外J2下星期五晚9:00播放《注意!「嵐」色警報!》,今年7月中播的《VS嵐》咁快又得播,唔知TVB係唔係想借這集SP宣傳埋日劇《緊急救命3》,真係唔明星期六播的《VS嵐》要播舊片,但SP版就可以買新嘢,係TVB縮皮定日本唔肯賣版權,而下年農曆新年J2播少集SP,照計得2018年新春版,《貴族偵探》加長版SP唔知J2播唔播。

發表於 Posted on: 2017-09-22 15:36

吉成千奈美
帖數 Posts: 1649
回頂端 / Top
上星期六J2播到2015年第一集,嘉賓係日劇東方快車謀殺案隊,有二宮和也,杏。而二宮和也自買完樓後首次對戰嵐隊,對上一次已經係事隔四年,二宮和也好多時趕唔切拍攝日劇東方快車謀殺案,搵三宮頂檔,而係拍攝現場大家都會玩猜迷遊戲輕鬆下,杏用音調猜地名,Plus one嘉賓好快估中,東方快車謀殺案隊係落後情況下反敗為勝,bank bowling差2球就全中,korokoro viking有315分,遠超二宮和也之前目標300分,杏為宣傳日劇約會同主持夾定,二宮俾人罷上台話二宮同杏似情侶,都幾搞笑。仲有Plus one嘉賓成日寸拍檔似OL。

發表於 Posted on: 2017-09-23 17:37

吉成千奈美
帖數 Posts: 1649
回頂端 / Top
吉成千奈美
咁我真係預計3年後搬屋,依家我響英國讀書,3年後睇下響香港搵到份咩工再決定搬去邊。依家錄影係響機頂盒度。東方快車謀殺案個集無睇,番香港要睇番。我指其他集數無咩睇頭,唔係話特別搞笑。「teamwork對決」係新遊戲名,都可以算係考團隊默契,節奏比較慢,所以比較悶。暗殺教室隊個集係固定射,之後去到《殿下,這是利息》隊變左。korokoro viking無取消嵐隊讓分,不過10個小球跌左都唔會扣分。Rolling Coin Tower新玩法係一次性。2016年個集日本女子排球隊改左名,叫voleyball runner。

發表於 Posted on: 2017-09-25 3:28

UIE1017
帖數 Posts: 1541
回頂端 / Top
回應:UIE1017

既然你宜家係英國個邊讀書,咁你點用錄影機錄影香港電視節目,講真就算你買部電視放係香港都係睇唔到,事實上3年後順利畢業,照計都係個邊搵嘢做同生活,始終係外國生活了無可能習慣返香港生活文化。原來上網睇《VS嵐》唔係集集有,而《VS嵐》係加長版SP集數好睇,其他集數都係睇嘉賓,有時有d搞笑藝人扮某知名藝人,如果知都幾好笑。仲有我睇TVB配音版,TVB配音對白好生鬼,原版可能係get唔到笑點所以覺得無咩特別。「Teamwork對決」係唔係請人做動作要人估嘢,估嘢過程太正經,無咩笑點,未覺得悶。其實《VS嵐》遊戲再創新真係難d,不過加入新遊戲唔細成日玩個堆遊戲咁悶,baloon shooting一開始設定固定射,證明新遊戲推出一段時間會根據觀眾反應改,korokoro viking加入10個小球,嵐隊有無試過全部有分,volleyball runner又係一次式遊戲。

發表於 Posted on: 2017-09-30 20:56

吉成千奈美
帖數 Posts: 1649
回頂端 / Top
上星期六J2播放嘉賓隊係太郎隊,五位隊員名字都係叫太郎,Plus one有田中美奈實同渡部。太郎隊開頭玩得唔錯,Kicking sniper差唔多全中,仲有太郎隊有個隊員即場表演花式足球好勁,難怪係2012年花式足球冠軍,嵐隊表演認真麻麻,反而靠田中美奈實一個取分,Pinball runner更加係太郎隊表演舞台,金太郎接晒3個粉紅波,又成日扮伊藤綠旁述,Bank Bowling其實不分相下。

太郎隊接連係Go Go Sweeper,Koroko viking失分,反勝為敗,計翻Go Go Sweeper俾嵐隊拋離分數,Koroko viking基本上入到分數區域得3球,而今場嵐隊致勝都係同田中美奈實落場有關,她係Go Go Sweeper同相葉拍檔勇取460分,之後同松本合作係Koroko viking表現都好穩定,之前她仲話自己球類運動唔多掂,最後由渡部宣傳同自己無關的新聞晚餐會作結束。

發表於 Posted on: 2017-09-30 21:15

吉成千奈美
帖數 Posts: 1649
回頂端 / Top
吉成千奈美
因為我臨飛前已經較好要錄咩囉,就算好似viutv突然有兩套sp,我都可以叫屋企人幫我錄,到我聖誕番香港可以睇。3年後嘅事好難講,我唔知會唔會響英國定居,但起碼唔會成年唔番香港。vs嵐大部分集數都有,但有啲無字幕。「Teamwork對決」係先搵一個人匿埋響一個「房」度先,之後旁白會問問題,例如翹腳翹邊隻腳等等,其他隊員要估嗰個人嘅動作或者選擇,答中有50分,答錯0分,呢個遊戲好似話係小栗旬2016新年sp個集有玩,但唔知點解好似無印象咁。10個小球好難全部有分,一般運到2-3個度,運到多過一半已經好厲害。

發表於 Posted on: 2017-09-30 22:46

UIE1017
帖數 Posts: 1541
回頂端 / Top
回應:UIE1017

講真預錄可以錄到三個月咁耐,仲有根翻J2節目表錄影成日錄少,好明顯TVB節目表唔準,之前錄《最強名醫3》第六集就錄唔晒,其實我已經錄多5分鐘,況且機頂盒儲存空間夠唔夠錄又係一個問題。Viu TV之前有套SP《東京傷感故事 – 特別篇》遲遲唔播,都唔知發生咩事,10月假期上兩套SP都係朝日單元查案劇,仲有接《寵物情人》的日劇又係朝日木九《黑色筆記本》,星期六晚日劇時段一直都係播放富士系日劇為主,突然轉播朝日,睇怕Viu TV同富士合作到此為止。

另外Magic TV機頂盒可以上網遙距錄影,前提係你部機頂盒插lan線同長期開住上網,到時你唔細叫屋企人幫你錄都得,其實Viu TV播日劇可以上網睇翻,唔知係英國可唔可以上網重溫,仲有聖誕假期唔係好長,就算翻香港都未必睇到咁多,《VS嵐》大部分集數有都係有人氣卡士,至於有無字幕都係睇fans club係唔係整,老實講J2播《VS嵐》都唔係集集播足,昨晚睇個集係「上原隊」,又飛了一集,個集唔係有龜梨和也做Plus one,睇死TVB都唔播。聽你咁講「Teamwork對決」其實係好似之前SP有嘉賓隊落注,去估出嵐成員嬴輸次序,而小栗旬2016新年sp個集類似這個遊戲印象係嵐成員玩遙控飛機,要嘉賓隊估,結果松本嬴,係唔係這個。10個小球一次過放,仲每個區有洞,就算一球球放有時都有失誤。

發表於 Posted on: 2017-10-01 14:12

吉成千奈美
帖數 Posts: 1649
回頂端 / Top
上星期六J2播個集飛到「上原隊」,「上原隊」嘉賓有兩個係職業棒球員,其中一個係打美職的上原,帶住高中生同學上來玩遊戲,Plus one嘉賓係龜梨和也,龜梨和也上次上《VS嵐》相隔唔夠幾星期,今次上來又係宣傳電影,松本潤講笑話上網search wiki,查到《VS嵐》係富士電視台宣傳節目,呈清《VS嵐》唔係為做宣傳節目。

「上原隊」係第一個遊戲係Korokoro viking,表現出色,期間只係跌一個波,玩到270分,反而嵐隊由櫻井翔同龜梨和也一係跌落10分,唔係跌落負分區,下一個遊戲Shotgun Disk嵐隊玩得好差,松本潤拋飛碟拋唔中得分區,火箭炮射手好似無嘢做,反而「上原隊」輕鬆獲得240分,將分數進一步拋離。俾主持問龜梨和也大野有無去到食飯,大野就話龜梨忙,其實係自己唔想去,幾搞笑。

嵐隊係Dual curling將分數反超前,之後由櫻井翔,松本潤同龜梨和也帶罪立功,係Kicking sniper發揮出色,勝出遊戲,反而「上原隊」有幾次射中但無跌,注定反勝為敗。

另外根據維基百科資訊顯示,J2今晚播放《VS嵐》係新一輯,而今年J2播放《VS嵐》一輯集數係12集,期間會飛起某一集唔播,好似吉本1999年同期隊同川崎前鋒隊都係無播,究竟係版權問題定TVB唔買,即管睇下今晚J2會唔會播原日本足球代表隊個集。

發表於 Posted on: 2017-10-07 17:36

吉成千奈美
帖數 Posts: 1649
回頂端 / Top
J2播放最新個集嘉賓隊係「高橋隊」,一班姓高橋的嘉賓上來玩遊戲,有父女,姊妹,仲有已經結婚改姓的,而二宮今次又著騎尼壽司衫,一開始玩Jungle Bingo,「高橋隊」選擇14做百搭已經夠傻,打橫個行其實好難開,結果無bingo,反而嵐隊又做一次好好示範,成功bingo 11-15格。其實「高橋隊」第一pair父女檔玩bank bowling唔錯,不過第二投把握唔到,失去一次保中機會。嵐隊之後派出一直希望全中的大野,結果一個樽都無跌,靠櫻井同相葉打中紅色樽保持領先。

如果以為嵐隊會一路嬴落去,咁就大錯突錯,「高橋隊」係Pinball runner派出Maryjun,勇奪190分,期間仲要跌了兩個粉紅波,相葉讚但讀錯佢個名叫Marijun,反而嵐隊派出嘉賓玩,表現不過不失。「高橋隊」係Go Go Sweeper上演一場逆轉戰,首場由全女班對全男班,未睇之前都估由嵐隊的全男班輕易勝出,事關嘉賓隊的高橋愛話會撞對手車,係過程中「高橋隊」女將周圍撞來撞去,阻到對手但又好高分,原來高橋愛以前係morning娘,唔提都唔知,「高橋隊」仲有個高橋優,但唔係歌手個高橋優,仲有個女姓高橋讚松本有風度,上次她上《VS嵐》玩rolling coin tower唱歌,怕影響節目,反而俾松本安慰,而松本好似無印象,相葉玩Go Go Sweeper俾人話大叔,「高橋隊」最後係Kicking sniper奪取420分,幾位女將表現唔錯,反而全男班的嵐隊表現不濟,最後一個目標物都射唔中,大野智今場零表現。

發表於 Posted on: 2017-10-16 23:21

吉成千奈美
帖數 Posts: 1649
回頂端 / Top
最新一集《VS嵐》嘉賓隊係Johnny's WEST隊,Johnny's WEST今次上來宣傳新專輯,其實嵐都唔熟Johnny's WEST,好似叫大野智介紹Johnny's WEST成員,只係識桐山,最後都係佢地自己介紹返,松本潤話新專輯同舊專輯旋律無分別,根本洗腦歌,又真係無錯。而主持問Johnny's WEST最鍾意Johnny成員,十居其九答關8,可能Johnny's WEST係關西人答鍾意嵐的成員櫻井同松本的係年紀最大的成員,被嵐取笑係大叔。

第一個遊戲Bound Hockey,Johnny's WEST一係傳唔到,唔係射出界,阿叔係射手認老幾搞笑,嵐隊玩得一般,但因Johnny's WEST太低分,領先好多。第二個遊戲Jumping Shooter,Johnny's WEST玩得唔錯,先攻的Johnny's WEST,就取得310分,就算守嵐都擋出唔少波,二宮同大野組合策略集中攻上面龍門失敗。桐山同大野係日劇《上鎖的房間》合作過,講大野成日係片場迷路,搞到大野黑面。Go Go Sweeper其實兩隊平分抽色,Johnny's WEST第二回合送大禮,將金色波送俾相葉,話唔想俾觀眾討厭,留好印象所以講分。嵐隊係Cliff Climb有Perfect同bouns時間,大比數拋離Johnny's WEST,相反Johnny's WEST成日掛住傅把手浪費時間,其間有Johnny's WEST成員之前拍戲見到松本講早晨扮大牌,藉此道歉,松本話無論咩人都會有禮貌,Johnny's WEST係最後一個Kicking sniper拿到好高分,有520分,嵐隊只要嬴260分就得,大野賽前話就算夠分都照玩,事實上嵐隊嬴得險,唔係二宮最後perfect一早輸。今集其實俾觀眾了解Johnny's WEST各成員。

發表於 Posted on: 2017-10-28 3:28

吉成千奈美
帖數 Posts: 1649
回頂端 / Top
今集《VS嵐》嘉賓隊係係電影《帷幕升起》隊,由一班桃色幸運草Z成員上來玩遊戲,而嵐隊Plus one就有FUJIWARA,FUJIWARA已經有成兩年半無上《VS嵐》,今集其實幾好笑,FUJIWARA好識搞氣氛,而桃色幸運草Z成員又幾玩得,兩者配合得幾好,係好好睇的一集。

一開場嵐未介紹嘉賓就宣傳新專輯Sakura,櫻井問Sakura係第幾張專輯,相葉即係答出第45張,不過之後櫻井問相葉第44張專輯係咩,相葉就答唔出。直到
電影《帷幕升起》隊出場,櫻井話叫桃色幸運草Z隊仲貼切,而桃色幸運草Z隊今次上來宣傳電影,桃色幸運草Z拿張海報,松本叫到海報得一個人,其他人都客串,桃色幸運草Z隊成員分分否認。

第一個遊戲Go Go Sweeper,嵐隊就拋離電影《帷幕升起》隊300幾分,FUJIWARA話個太一面倒唔好睇,觀眾想睇反超前,叫桃色幸運草Z加把勁,到第二個遊戲Rolling coin tower,桃色幸運草Z成員響應FUJIWARA話為了個節目好睇D,希望嵐隊只可用5分,3分籌碼玩遊戲,而FUJIWARA話咁讓玩都輸了會好醜,結果FUJIWARA整跌籌碼,電影《帷幕升起》隊追近至147分。

第三個遊戲Bank Bowling好多搞笑嘢發生,電影《帷幕升起》第二投派出高城同百田,係前任同後任隊長組合,FUJIWARA問兩個人關係點,高城同百田話好好,但當問她們有咩證明兩個人關係好好,她們又答唔出,高城同百田都無一齊睇同一套戲,兩個分別約玉井睇唔同戲,而這套關係曖昧組合又打中紅色樽。嵐隊未玩遊戲之前,FUJIWARA又話個女睇麻安紗睇完上次上節目後好鍾意嵐,問佢個女鍾意邊個成員,就分為第一軍同第二軍,二宮,櫻井同大野係第一軍,松本同相葉係次貨,松本打唔中紅色樽,太樣衰跌到第三軍,相葉為爭取表現,主動出戰,成功打中紅色樽,升返上第一軍,Bank Bowling變了取悅原西麻安紗遊戲。松本潤為挽回聲譽,自告奮勇玩Pinball runner,接到兩個粉紅波先升上第一軍,結果松本成功接到兩個粉紅波後興奮到唔接其他波。

發表於 Posted on: 2017-11-01 23:32

吉成千奈美
帖數 Posts: 1649
回頂端 / Top
到最後一個遊戲Kicking sniper,百田話二宮衰,二宮同她講今日可以早收工,松本仲衰排住升上第一軍無視她們,結果電影《帷幕升起》隊得290分,嵐隊只要取得130分就嬴,玉井話松本無力,高城話嵐隊未必嬴,松本話我們係嵐,最後三個目標物就嬴,FUJIWARA扮有安射空氣。桃色幸運草Z上三次《VS嵐》全敗,玉井希望再次以此陣容對戰。其實嵐同桃色幸運草Z係唔係熟,比平時個d嘉賓更玩得。

發表於 Posted on: 2017-11-01 23:33

吉成千奈美
帖數 Posts: 1649
回頂端 / Top
回應:UIE1017

J2最新個集《VS嵐》播到淺井企畫隊,由這集開始Go Go Sweeper改變以往計分方法,掃入普通顏色波由原本30分減至10分,掃入金色波由50分減至30分,應該係同之前集數玩這個遊戲差距太大,為免拉開分數,減少分數務求增加遊戲競爭性。Korokoro viking由今集開始係將原本一球金色波30分改了一次過有10個細波跌落去,要限時40秒之內放到落船將內,增加Korokoro viking難度,仲有嵐隊取消跌落洞-30分規定,令遊戲好刺激,這次改動真係幾好。

另外我睇了J2版咁多集《VS嵐》,原來Go Go Sweeper自從原日本足球代表隊開始變成常規節目,照計2015年《VS嵐》大部分集數都有這個環節,照你之前咁講只播Go Go Sweeper集數等於播晒,其實J2差唔多播足晒《VS嵐》,得個集吉本藝人隊同川崎前鋒隊無播。

發表於 Posted on: 2017-11-15 20:53

吉成千奈美
帖數 Posts: 1649
回頂端 / Top