tvb.com

 
 
tvb.com
 

《VS嵐》討論區

上星期J2播到電影「April Fools」隊,有戶田惠梨香、松坂桃李、菜菜緒一班演員助陣,櫻井翔一開場叫戶田介紹電影,點知戶田好簡短話係一套有關愚人節的電影,要松坂介紹,仲有櫻井好驚訝話連千葉真一都有上節目。第一個遊戲Korokoro viking,「April Fools」隊每球都玩到好驚險,但又夠運嬴到270分。反而嵐隊玩得一般。第二個遊戲Dual curling,開始前菜菜緒問友近之前係節目仲咩要她本寫真集,友近話菜菜緒愈來愈紅,遲下本嘢會升值,千葉真一等到唔耐煩,係度做運動,櫻井費時千葉變大隻,馬上開始遊戲,今次Dual curling Bouns Pocket轉方向唔同,增加難度,結果嵐隊大勝。而第二回合兩隊都入唔到Bouns Pocket,友近笑說這段最精彩係千葉真一對談。

第三回合Bank Bowling,兩隊都打唔中紅色樽,相葉同二宮話表現必殺技,戶田話無興趣睇個段好搞笑,仲有友近成日扮中森明菜同藤原紀香講嘢,嵐隊係Go Go Sweeper開始拋離「April Fools」隊,這段最好笑係松本去酒吧撞倒千葉真一,櫻井話最勁試過撞到相葉,有一次櫻井約了一班朋友飯酒,相葉去了同一間,俾店員誤會以為一齊,相葉即刻走頭,原來松本都試過撞倒大野,大野不知幾開心,因為松本去親都係高級餐廳。

最後一個遊戲Kicking sniper,「April Fools」隊玩得一般,最後一球射得好靚,不過都無力收復失地,嵐隊唔細玩到最後已經嬴了。每次嵐問起「April Fools」隊關於電影內容,都唔肯答,話怕劇透,只係話古澤良太編劇好有水準。

發表於 Posted on: 2017-11-30 22:37

吉成千奈美
帖數 Posts: 1719
回頂端 / Top
上兩星期J2播個集係「暗殺教室」隊,一班「暗殺教室」演員山田涼介、橋本環奈、菅田將暉、知英、高嶋政伸、椎名桔平上來宣傳電影。開始節目時相葉話一直有追開「暗殺教室」漫畫,好鍾意殺老師,櫻井寸相葉佢想做殺老師。提外話Viu TV播緊「暗殺教室」動畫版,我都有追開,幾好睇,正如山田涼介一開始介紹所講殺老師係隻黃色怪物,會毀滅地球,作為交換條件要教E班學生,從中學識好多道理,J2播這集明顯幫隔離台宣傳賣廣告。

第一個遊戲Koroko viking,「暗殺教室」隊同嵐隊分數不相上下,第二個遊戲Shotgun disk嵐隊將分數拋離,嵐隊由好耐無玩的相葉上陣,相葉拋得好好,令飛碟好易傳送,期間有由橋本環奈用殺老師個波打中飛碟,好精彩。第三個遊戲Cliff climb,「暗殺教室」隊派出椎名桔平同山田涼介去玩,Perfect仲有額外時間剩,不過嵐隊都玩得Perfect,所以唔可以將分差收窄。

第四個遊戲Go Go Sweeper,由今集開始嘉賓隊有女性嘉賓參賽,設有黑色波-30分,無論係「暗殺教室」隊定嵐隊推入都扣嵐隊分數,橋本環奈掃入3球黑色波,作為報復之前日村醜化橋本扮北海獅表演,第二回合知英掃入好多球,幫「暗殺教室」追回唔少分數。去到最後一個遊戲Kicking sniper,「暗殺教室」隊表現好差,玩得200分都無,只係羸未玩的嵐隊70分。松本提議將Kicking sniper改成每個回合得一個目標物,嵐隊由日村射中,勝出遊戲。

發表於 Posted on: 2017-12-06 20:53

吉成千奈美
帖數 Posts: 1719
回頂端 / Top
上兩星期播到日劇「歡迎來我家」隊個集,一開場就唔見嵐成員相葉雅紀,櫻井翔講笑話召募新成員,相葉雅紀同嵐隊對戰都係輸多嬴少,今次同嵐隊打賭如果「歡迎來我家」隊嬴,嵐成員要送慰勞品去拍攝現場,相葉雅紀上次個次係電影「戀愛魔法隊」個次係輸了,嵐成員爽快答應,而相葉宣傳以有川,南果步係家人宣傳「歡迎來我家」,俾二宮寸無拍過套劇,今集Plus one係Tokio的城島茂同小出惠介。

第一個遊戲Korokoro viking,嵐隊分數稍微領先「歡迎來我家」隊,期間有寺尾聰送結他俾「歡迎來我家」隊成員,仲有城島Leader問問嵐,問大野鍾意邊種魚,藤井流星自爆劇中角色做跟蹤狂,被相葉制止。第二個遊戲Cliff climb,「歡迎來我家」隊由相葉同流星合作,取得Perfect同有時間剩,相反由城島Leader拍檔松本未能取得Perfect,城島爬Cliff climb動作好怪,爬上台場的手指無力跌落力,仲寸翻二宮Claimer無權指責Climber。第三個遊戲Bank Bowling,「歡迎來我家」隊第一投雖然唔中目標,但第二投由相葉同有川中好多樽,反而嵐隊兩投唔中,「歡迎來我家」隊大幅度領先,期間城島Leader問問嵐環節,覺得二宮好假,摸唔清佢內心想法最正,又食埋字。

第四個遊戲Go Go Sweeper,相葉係開始遊戲前話唔細嵐讓分,二宮寸唔細,之後問係唔係你讓分,相葉答你傻,嵐隊係兩個回合都唔係嬴「歡迎來我家」隊好多,小出惠介玩Go Go Sweeper勁hea,入到最少波,佢成話自己有盡力玩。最後一個遊戲Kicking sniper,嵐隊得170分,「歡迎來我家」隊唔細玩最後一個遊戲已經嬴了,大野係度話快d入後台計埋大家夾幾多錢,櫻井話好想睇「歡迎來我家」隊玩,相葉提出玩到某分數,嵐隊要送多次慰勞品去拍攝現場,松本話玩到400分就送多次,城島Leader話今次自己出錢送,「歡迎來我家」隊用五個回合嬴到400分,仲有兩次Perfect。嵐隊今場玩得好差,輸得好醜。

發表於 Posted on: 2017-12-16 18:08

吉成千奈美
帖數 Posts: 1719
回頂端 / Top
上星期播到日劇「戰鬥吧!書店女孩」隊個集,其實J2未播這集前,已經上網睇過原聲版,今次睇TVB配音版,覺得這集幾好睇同好笑。一出場渡邊麻友即刻介紹套劇,主要講鍾意睇書的店員去打工奮鬥,而稻森係鍾意睇書的店長,兩個成日吵架,期間仲有播放麻友主唱的主題曲,Plus one嘉賓就有搞笑藝人兒嶋同柴田,佢地關係friend到去對方屋企洗澡都唔細問。

第一個遊戲Korokoro viking開始前,麻友話最擔心自己同千葉玩得唔好,千葉話交晒俾渡邊,麻友話一齊玩,要加油。頭個兩球都送唔到去得分區,麻友係度話唔識玩,之後開始順翻,係失了細黃色波,有110分,成績不過不失,而櫻井問邊個俾指示送落去得分區,千葉一開始話係渡邊,之後覺得唔對路改口話一齊俾指示,麻友仲幫手話係一齊玩,眼神交流俾指示,千葉幾搞笑,有個句講個句,仲俾搞笑藝人寸玩輸了仲想賴人。嵐隊由相葉同兒嶋負責送去得分區,未開始玩遊戲前兒嶋仲寸嵐玩完遊戲返入後台,唔理佢,嵐隊係有些幸運情況下有140分。

第二個遊戲Pinball runner,戰鬥吧!書店女孩派出千奈美玩,原來千奈美以前玩競技體育,仲即場示範,井上幫千奈美打氣,仲叫錯名,結果千奈美係失了兩個粉紅波得100分,追成平手。反而嵐隊由柴田玩,唔知係俾指示唔清昕定柴田玩得差,嵐成日寸柴田唔好上電視,唔知柴田之前有過d咩醜聞。

第三個遊戲Go Go Sweeper,第一回合戰鬥吧!書店女孩派出稻森同千葉出戰,稻森同大野之前合作過日劇怪物小王子,令稻森最印象深刻係導演臨時叫大野打後空翻,大野居然打到,之後兒嶋表演瑜伽,上次示範瑜伽,大野輕易做到,今次表演難度更高,今次大野話咁易做到,兒嶋以後唔可以再寫瑜伽係特長,結果第一回合嵐隊勝出。

第二回合戰鬥吧!書店女孩隊派出渡邊同伊野尾,戰鬥吧!書店女孩隊落後,麻友話剛剛開完會會專注入黑色波同金色波搶分,伊野尾話松本之前有去hey say jump演唱會,俾了唔少意見,不過就叫錯仔佢的名做飯尾,飯尾係搞笑藝人,仲自嘲自己個樣似飯尾,松本之後問hey say jump點分工,伊野尾笑嵐有五個人一人做一樣,咁hey say jump未有四個人唔細做,自己就係最得閒的一個。一開始熱身,麻友就撞車,伊野尾入錯自己顏色波,二話不說麻友又入錯波,之後麻友入多個金色波,伊野尾入一球黑色波,嵐隊再一次將分數拋離。

發表於 Posted on: 2017-12-16 18:48

吉成千奈美
帖數 Posts: 1719
回頂端 / Top
第四個遊戲Bank Bowling,麻友同稻森一右一左打中兩邊保齡球,開局開得唔錯,第二投問千葉套劇有無感情線,佢答有,之後千奈美幫佢解圍,話套劇有三角戀,千葉鍾意稻森,麻友鍾意千葉,當然係指劇集角色,櫻井話如果真係緋聞邊會咁直接,千奈美打中紅色樽,得返5個保齡球係度,差少少Perfect。

第五個遊戲Kicking sniper,戰鬥吧!書店女孩隊落後100分,如果無100分,嵐隊就不戰而勝,結果戰鬥吧!書店女孩隊得稻森一球Perfect,其餘每個回合都係嬴20-40分,結果得290分,成績不過不失,嵐隊只要嬴190分就可以勝出,當然結果都係嵐隊玩到第四個已經夠分。其實戰鬥吧!書店女孩隊輸係Go Go Sweeper度,如果一開始狂掃黑色波,可以追翻唔少分,而麻友係遊戲都好落力,出盡全力去玩,係今集《VS嵐》睇到她全程笑容,招牌打氣手勢,都好可愛。

發表於 Posted on: 2017-12-16 18:48

吉成千奈美
帖數 Posts: 1719
回頂端 / Top
上星期六播個集係「石田東尾家族」隊,一班姓石田東尾的家庭成員上來玩遊戲,這集其實麻麻,「石田東尾家族」隊一直都落後,由第一個遊戲Kicking sniper已比嵐隊大比分拋離,嵐隊已經讓埋粉紅波俾「石田東尾家族」隊,Pinball runner都唔係贏好多,Bank bowing最搞笑係春菜愛要松本壁咚,跟住大野又想俾Mizz壁咚,但好可惜打唔中紅色樽,Korokoro viking已經將原本50分轉做100分,玩完都係領先嵐隊37分,「石田東尾家族」隊真係玩得差,至於對談部分唔係特別好笑。而東尾係財經台另一節目尋求主診醫生出現,春菜愛係Viu TV恐怖醫學出現,睇來兩個係日本都好紅。

發表於 Posted on: 2017-12-23 18:20

吉成千奈美
帖數 Posts: 1719
回頂端 / Top
照計TVB應該買了好多集《VS嵐》,J2由4月播到宜家,期間只有飛了2集無播,其餘集數都係播足,個兩集係搞笑藝人隊同川崎前鋒隊,唔知係唔係版權問題無得播,《VS嵐》好大機會係星期六晚7:00-8:00長播,因為到下年1月J2仲播緊2015年集數。

發表於 Posted on: 2017-12-23 18:28

吉成千奈美
帖數 Posts: 1719
回頂端 / Top
上星期六J2播放個集係「寶塚畢業生隊」隊,TVB飛了年度選出最差嵐成員個集,其實個集係唔係將以前集數精華剪輯所以唔擋,今集一開場就有嵐唱出相葉主演日劇主題曲,今集其實幾好睇,「寶塚畢業生隊」隊雖然係比分上一直落後嵐隊,但「寶塚畢業生隊」同嵐互動幾好笑,當嵐問寶塚畢業生關係,寶塚畢業生反問嵐會唔會轉成員,松本講笑話假設有日大野加入Heysayjump,大野都堅持答係昭和出生,寶塚畢業生唔小心係對話透露人工,而兩位Plus one東貴博同土田對答都好搞笑,「寶塚畢業生隊」係Kicking sniper表現一開始好差,但之後唔錯,嵐隊最後贏得好險。

發表於 Posted on: 2017-12-30 17:37

吉成千奈美
帖數 Posts: 1719
回頂端 / Top
上星期六晚J2播到前欖球部隊個集,Plus one有菊地亞美同小島瑠璃子,前欖球部隊一出場表演欖球,成日講欖球術語,之後菊地亞美一出場俾前欖球部隊寸肥了,這集其實幾好笑同好睇。菊地亞美同禮二成日幫節目搞氣氛,禮二講廣東話同扮中國外交官講官腔好似,菊地亞美係Bound hockey叫松本潤做阿松,係Band bowing扮衰人,話小島瑠璃子一直以歌手為目標,每次去K房唱K一定要唱到滿分先收聲覺得佢好煩,之後小島瑠璃子係Go Go Sweeper橫以顏色,唔想輸了俾菊地亞美搶風頭咁話,其實菊地亞美係玩Bound hockey寸大野無精神,後來俾大野話節目一出街俾人公審先收聲。而前欖球部隊係玩Korokoro viking之前做小劇場又係好笑,最後對決Kicking sniper改用欖球玩,真係第一次咁玩法,前欖球部隊用欖球方法玩得麻麻,反而嵐隊玩得唔錯。

就遊戲方面比較,前欖球部隊係Bound hockey同嵐隊平分秋色,嵐隊有球由菊地亞美錯手交失直線入寵射得好靚,Band bowing都係兩隊差唔多,Go Go Sweeper好明顯係前欖球部隊壓倒性領先,終於反超前,嵐隊玩Korokoro viking得75分成輸的致命傷,相反前欖球部隊每次都有驚無險下又拿到分,真係抵佢地羸,就算前欖球部隊係Kicking sniper玩得一般,但嵐要追400分根本好難。菊地亞美一腳perfect好靚,仲有相葉拋中+大野用腳射中Perfect好靚,最後有310分已經有交代,菊地亞美係最後話同阿松增進了感情,好好笑。

發表於 Posted on: 2018-01-05 20:41

吉成千奈美
帖數 Posts: 1719
回頂端 / Top
原來上星期六J2播個集《VS嵐》已係最後一集,今個星期六開始已經停播,不過今個星期日朝早同下星期五下午仲有《VS嵐》播,唔通好似之前重播舊集數。講返上星期個集嘉賓係電影《Red islands》隊,Plus one有岡田圭右同Suzine,這集都幾搞笑,岡田圭右成日搞爛Get唔好笑,仲有Red Rice個名由來同運動鞋故事,松本潤花名叫J原來係Suzine提議,第一個遊戲Dual curing,Red Rice玩得超好,入好多Bouns Pocket,幫《Red islands》隊領先,之後Kicking sniper,兩隊成績不相伯仲,期間有山本表演空手道,踢到品川好痛,搞到佢玩Kicking sniper失準,松本叫山本踢埋另一邊,點知真係踢,勁搞笑。Red Rice係Band bowing打中一邊,之後山本差少少打中,差少少perfect。反而嵐隊兩次都相撞,中唔到好多樽,兩隊玩Cliff climb都Perfect同仲有時間剩同分,去到最後一個遊戲Korokoro viking,嵐隊只要玩唔夠126分,《Red islands》隊就會不戰而勝,結果嵐隊得40分,《Red islands》隊唔細玩最後一個遊戲就嬴了。

發表於 Posted on: 2018-01-11 19:27

吉成千奈美
帖數 Posts: 1719
回頂端 / Top