tvb.com

 
 
tvb.com
 

希望J2增加日劇時段

吉成
J2係12月1日ViuTV播MAMA期間播台灣電影《我的少女時代》,但係上年仲識得重播《盜賊門》,唔知今年播台灣電影係唔係有翡翠台收視嘅考量

發表於 Posted on: 2017-12-14 12:14

煲劇
帖數 Posts: 83
回頂端 / Top
回應:煲劇

講真J2係12月1日ViuTV播MAMA期間,都停播原有節目,改為播放電影頂期,一早預無收視,而播台灣電影《我的少女時代》同近排有一套同班底製作台灣電影係香港上,所以會唔會係片商免費送俾TVB播,志在宣傳,事實上免費電視台播放電影無市場,咁多間免費電視台都無放電影落黃金時段。

另外J2係星期一至五晚10:05-11:05放大陸劇先係有翡翠台收視嘅考量,點解去年精選日韓劇時段係朝早首播,夜晚重播,但轉大陸劇就唔係同一安排,照計TVB一早預d大陸劇收視威脅唔到同時段翡翠自製劇先咁放,收費電視大把日韓劇未係免費台重播,又唔好見佢將堆舊劇放係星期一至五晚10:05-11:05時段播,證明播舊日韓劇收視仲有威脅過堆大陸劇。

發表於 Posted on: 2017-12-14 22:50

吉成千奈美
帖數 Posts: 1771
回頂端 / Top
吉成千奈美:

最近有追睇<女醫神Doctor X 5>一樣咁精彩好睇!而<陸王>一定有追睇,係香港日劇觀眾都好好推薦<陸王>呢套日劇證明係好劇。連健吾都推薦日劇迷睇<陸王>,事實係好睇,已睇到第七集,劇情去到事事都唔愉意好令人沮喪,繼續追睇就知道佢哋點樣前進搞好<陸王>鞋業,,,,

至於暫時無追睇Viu TV日劇<黑色筆記本>,只係睇咗兩集咁多,會係網上翻睇,反而有睇77台<刑偵相棒>又幾好睇!而家奇妙電視台好似可以係網上同手機用程式翻睇,係就隨時都可以翻睇啦!叼未有競爭啦!

而<女醫神Doctor X 5>播到第八集而<陸王>播到第七集,唔知二月會播乜野日劇!

發表於 Posted on: 2018-01-18 20:52

kolley
帖數 Posts: 7602
回頂端 / Top
回應:kolley

好老實講<女醫神Doctor X 5>係咁多輯最差的一輯,尤其係對有追開頭四輯觀眾就一定係,已經睇了8集,內神田條副線完全無作用可言,醫療鬥爭係今輯都無咩,套劇基本上採取每集單元式,故事之間無連貫,十足十套單元劇,睇少一集都知劇情。手術難度同方法都係得幾集特別,其餘個d都好一般。

反而<陸王>真係好睇,套劇講中小企點轉型,仲有點面對難關,拍得好熱血,令人感動。其實唔細健吾推薦,<陸王>係日本人認為2017年最佳日劇,上星期講到社長無錢買機器整<陸王>,銀行又唔肯批融資,下集好似有人想收購間公司,真係好期待之後發展。其實這套劇係J2開播前,都唔多睇好,以為係普通商戰劇,點知愈睇愈好睇。

Viu TV係星期六晚播放的日劇<黑色筆記本>其實幾好睇,好睇過當晚J2播放日劇<女醫神Doctor X 5>都係差唔多劇情,睇到第六集,劇情已經峰迴路轉,原口原子想住搵間諜收集情報,俾人用反間計欺騙,仲要蝕一大筆錢,Viu TV連續兩星期停播,睇到差唔多結局先無得追埋去。

77台播放<刑偵相棒>時間撞正J2日劇時段,睇得半個鐘咁大把,而下星期日77台好似停播日劇,係維基百科話。事實上奇妙電視播這堆日劇完全唔吸引,罷明想保障有線收費台客戶利益為上。

另外J2星期日晚日劇時段太夜,再係咁唔提早播,就算播緊貼日劇都吸引唔到觀眾,<女醫神Doctor X 5>播埋下星期就大結局,<陸王>播到2月4日先大結局,雖然TVB暫時未公佈上檔劇,不過好肯定J2其中一套日劇一定係<0.1無罪真相2>,myTV Super已經公佈已購入兩套TBS日劇。

發表於 Posted on: 2018-01-19 18:38

吉成千奈美
帖數 Posts: 1771
回頂端 / Top
<女醫神Doctor X 5>同<陸王>兩套咁精彩日劇總算 2018 在J2 打響頭砲 !!!!!

咁先至係有水準既日劇。

女醫神Doctor X就算做到第5季都係咁好睇,希望總有第6季

發表於 Posted on: 2018-02-09 2:20

dona
帖數 Posts: 211
回頂端 / Top
吉成千奈美:

<女醫神Doctor X 5>同<陸王>已播完兩套都好好睇,<女醫神Doctor X 5>講大門有病在身都堅持做好手術真大愛,而且又感受患病病人情緒更有同理心,整套<女醫神Doctor X 5>更覺得米倉涼子演出好掂,真係再有<女醫神Doctor X 6>好直得睇!

而<陸王>入面劇情描述做事好多時頭頭碰著黑,更令人感動跑手茂木而家更多人支持佢,Viu TV日劇<黑色筆記本>天係大結局,但我仲未翻睇,好似Viu TV星期日無播日劇,,,

而77台有係網上重播點都好過myTV Supe要收費!

發表於 Posted on: 2018-02-09 21:16

kolley
帖數 Posts: 7602
回頂端 / Top
回應:kolley

過完農曆新年先有新日劇接上,J2係星期六日晚同時間會上<雙面醫生2>同<0.1無罪真相2>接同檔劇,兩套都係第二輯,唔知你有無睇過第一輯。

<女醫神Doctor X 5>今輯劇情較弱,結構仲好鬆散,套劇除了得大門未知子有睇頭外,新加入的角色無作用,連堆奸角都變埋好人,變成一般醫療劇,似睇緊隔離台的恐怖醫學,大門未知子係結局死埋,仲點拍第六輯,況且今輯質素麻麻,拍第六輯都唔好再用這個編劇。

<陸王>高質素過<女醫神Doctor X 5>好多,起碼劇情唔會千遍一律,重複又重複,仲有劇情好熱血。

Viu TV播的<黑色筆記本>都好睇,劇情緊湊,而且武井咲今次演技唔錯,今個星期六晚8:30會播放日劇<刑事弓神>,由淺野忠信同神木隆之介主演的查案劇,唔知你有無興趣睇。Viu TV星期日晚8:30播放<恐怖醫學>,未無得播日劇,睇下<恐怖醫學>播完會唔會有返日劇播。

原來奇妙電視仲有得播日劇<刑偵相棒>,改了星期六晚凌晨12:30-1:30時段播放,myTV Super都有免費重溫,不過得一星期咁大把,仲要得免費台播先有。

發表於 Posted on: 2018-02-12 22:39

吉成千奈美
帖數 Posts: 1771
回頂端 / Top
吉成千奈美:

上星期六睇咗<雙面醫生2>已睇咗第一集,今集講有三個大肚女人都有問題對婦產科醫都係一個挑戰,但更顯出呢班醫專業有責任...而男男主角更會對病人細心聆聽,日本醫生相信會做到,而香港醫生會唔會做到係一個問題!

而星期日播<0.1無罪真相2>,而第一輯就無正式咁睇就唔知好唔好睇,反而有睇<0.1無罪真相2>睇咗第一集又幾好睇,講係一位社長被冤枉殺人罪而佢嘅女就好相信佢父親絛殺人,而另一位女律師勸佢認罪,但深山就用佢智慧同細緻邏輯性去查證過程演繹劇情好精彩,最終都水落石出,今集幾好睇,呢兩套日劇應該會追睇!

發表於 Posted on: 2018-03-02 17:24

kolley
帖數 Posts: 7602
回頂端 / Top
回應:kolley

<雙面醫生2>仍然保持第一輯一貫水準,第一集講缺乏醫療設施的離島處理緊急手術,仲有失聰兩對夫婦同一個事業為重的女強人面對嬰兒有身體缺憾,事實上後兩者形成一大比較,之後應該仲有佢地發展,而新一輯加入新角色,對婦產科唔重視的新醫生,會對套劇有咩發展。

香港醫生只當醫生係份工,讀醫科為出人頭地,根本唔係有興趣做醫生,反而係日本做醫生真係為理想,立志醫好病人,未用心去做。最重要係香港人無熱誠,其實這套劇都有講醫生能力有限,只有盡力去做。

<0.1無罪真相2>第一輯其實幾好睇,輕鬆幽默帶點推理的法律劇,松本潤同香川照之搞爛gag好搞笑,而女主角榮倉奈奈鍾意玩摔角,今輯女主角換了木村文乃,角色設定係法官出身,反而角色無榮倉奈奈咁討好,深山鍥而不捨找出證據證明破案,下集揭開深山爸爸俾檢察官害到入獄真相。其實<0.1無罪真相2>真係睇過咁多套法律劇最好睇的一套。

Viu TV播的日劇<刑事弓神>都幾好睇,唔知你有無睇。係明朝10:00會係J2首播日劇<有喜歡的人>,桐谷美玲主演的愛情劇,到時要記得追睇,不過時間麻麻,唔知myTV Super有無免費重溫。

發表於 Posted on: 2018-03-02 21:01

吉成千奈美
帖數 Posts: 1771
回頂端 / Top
吉成千奈美:

睇咗第二集<雙面醫生2>,係第一集有一位事業型女士好難面對嬰兒,係睇到第三集片頭好似佢想自殺,佢可能有抑鬱症,睇第三集就會知道,而香港醫生又會唔會咁樣跟進....而星期日播<0.1無罪真相2>劇中深山已查到邊個當年佢爸爸被人冤枉殺人犯,節奏都好快!

而Viu TV播的日劇<刑事弓神>我仲未睇過,反而奇妙電視係星期六深夜12:30播<刑偵相棒>我有睇,而J2播<有喜歡的人>太早播,唔知有無得重睇啦....<有喜歡的人>完全忘記咗又點睇!而家兩個免費台都有係手機重睇喎,偏偏TVB就無重睇真好笑!

發表於 Posted on: 2018-03-09 23:48

kolley
帖數 Posts: 7602
回頂端 / Top
回應:kolley

<雙面醫生2>其實幾好睇,上集講一個患乳癌對夫婦面對生產同放棄的決擇,劇中四宮醫生話今次事例同政府無強制少女打針預防的後果,下集講返第一集位事業型女士有產後抑鬱症,其實這套劇鋪排好過<女醫神Doctor X5>,集與集之間有接續。

<0.1無罪真相2>上集劇情幾緊湊,緊湊之間又有輕鬆搞笑部分緩和,仲有套劇又講出司法界的黑暗,法官,檢察官同律師之間各位其主,完全無正視當時人之後所面對處景。

Viu TV播放的日劇<刑事弓神>其實ok,播放時間又唔算差,起碼叫睇到,至於奇妙電視係星期六深夜12:30播<刑偵相棒>就無睇。

另外J2係朝早首播<有喜歡的人>,係myTV Super免費區有重溫,上星期首播個兩集播埋今晚就無得,暫時睇了兩集,幾好睇,靚人靚景,賞心悅目,今晚<雙面醫生2>停播,用手機一次過睇三集已經追到。

發表於 Posted on: 2018-03-10 17:42

吉成千奈美
帖數 Posts: 1771
回頂端 / Top
吉成千奈美:

<雙面醫生2>上星期六播少咗一集,剛剛睇完<雙面醫生2>第三集,事業型個位病人好彩被發現有問題,好在全醫院人員都好關心,只要每人行多一步就會好....而第三四集我都有睇<0.1無罪真相2>都一棣好睇!

而Viu TV星期六日劇<刑事弓神>一集都未睇過,反而奇妙電視星期六深夜播<刑偵相棒>就有睇,無記錯今個星期六係大結局,最後個集係連接上一集故事,應該幾好睇!

發表於 Posted on: 2018-03-22 19:19

kolley
帖數 Posts: 7602
回頂端 / Top
回應:kolley

<雙面醫生2>放星期六晚預了成日停播,斷斷續續咁睇都幾無癮,播埋今日個集,下星期又停播,J2成日播埋d外國馬影響星期六節目安排,講返上星期個集<雙面醫生2>,用一個成日都走去問醫生的病人去引申出事業型女病人面對唔到家庭事業問題,<0.1無罪真相2>其實幾好睇,上集主要係法庭對戰戲多,其實第二輯比第一輯更好睇。

Viu TV播套日劇<刑事弓神>其實ok,係套主要講人性刑事劇,描寫探討社會刻劃都唔錯,仲有你點解咁少睇Viu TV播放日劇,Viu TV播放日劇都係富士電視台製作,質素唔錯。

反而奇妙電視星期六深夜播<刑偵相棒>無咩興趣睇,這d朝日查案劇拍得好悶,加上拍完一季又一季,好似宜家播緊套<刑偵相棒>係14季,下一套播<刑警7人>,又係重播有線劇集台2015年堆日劇,奇妙好似無咩心機做日劇。

J2星期六朝早播放日劇<有喜歡的人>好睇,靚人靚景,年輕演員演技唔錯(桐谷美玲,山崎賢人,三蒲翔平),加上輕鬆劇情,真係好吸引你想去追,真係唔明TVB去年仲咩唔播<有喜歡的人>走去播套<無敵律師>,浪費了套劇。

其實宜家轉台申請香港寬頻就送myTV Super一年免費睇,下個月開始可以用手機睇日劇台,唔細再等J2幾時播日劇。

發表於 Posted on: 2018-03-24 18:20

吉成千奈美
帖數 Posts: 1771
回頂端 / Top
J2日劇預告:

《不眠的真珠》 藤原紀香 4月29日晚11:05首播

《花樣男子NEXT SEASON》 杉咲花、平野紫耀 5月20日晚11:05首播

《不自然死因研究所》 石原聰美、井浦新、窪田正孝 6月9日晚10:35首播

發表於 Posted on: 2018-03-28 23:27

吉成千奈美
帖數 Posts: 1771
回頂端 / Top
有線劇集台日劇預告:

《搏命保鑣》 木村拓哉 朝日木九劇

《FINAL CUT》 龜梨和也 富士火九劇

發表於 Posted on: 2018-03-28 23:32

吉成千奈美
帖數 Posts: 1771
回頂端 / Top
吉成千奈美:

J2播完<0.1無罪真相2>接著播《不眠的真珠》又接著播《花樣男子NEXT SEASON》係星期日,而《不自然死因研究所》 係星期六播,真係好戲連場....

而有線播《搏命保鑣》同《FINAL CUT》係未收費台播又點睇到呀!,係未奇妙電視播,如果係免費台播就好正一定會追睇!

至於Viu TV真係好耐都無睇佢哋日劇,真係抽時間網頁重溫D日劇,上星期六播大結局<刑偵相棒>,跟住星期六播<刑警7人>我一定睇,只因時間幾啱我睇!

講翻<0.1無罪真相2>第五集又幾好睇又搞笑又好事實案件真精彩!

發表於 Posted on: 2018-03-30 1:16

kolley
帖數 Posts: 7602
回頂端 / Top
回應:kolley

宜家J2廣告少了好多,去年巡禮完無耐咁快又公佈J2 10周年節目巡禮,俾住以前J2未到一星期前都唔知播咩日劇,好明顯咁的宣傳手法令觀眾流失,宜家TVB先肯做嘢,一次過公佈即將會播放的三套日劇。

係星期日晚播完<0.1無罪真相2>唔可以即刻上《花樣男子NEXT SEASON》,未要播套《不眠的真珠》頂期,《不自然死因研究所》要6月先有得播,始終J2星期六晚日劇成日停播,其實TVB應該將J2星期六晚日劇改為一星期連播兩集,解決停播問題。

有線劇集台首播日劇都未見過係奇妙有重播,有重播都係朝日刑事劇(相棒,刑警7人),罷明保障收費台客戶,《搏命保鑣》有木村拓哉主演,照計奇妙播都吸到客,即管睇下會唔會放一至五晚重播。

Viu TV播放日劇最唔好係無重播,照理應該係星期六晚凌晨1:30-2:30重播,始終星期六晚播放時間太早,不過Viu TV預了上網有apps可免費重溫。<刑事弓神>都唔錯,有興趣可以一睇,<刑警7人>這類朝日傳統刑事劇查案手法都好一般,始終都係反映日本社會現況為主,無戲劇性情節,唔係日本人好難有共鳴。

<0.1無罪真相2>係幾好睇,係套富娛樂性劇集,深山同佐藤鬥嘴幾搞笑,上一集法庭戲對戰真係唔錯,反而今集講舞子弟弟連續兩次入冤獄,相同手法就一般,不過都解開多年姊弟情心結。

另外復活節假期朝早係J2播套<幸福的記憶>幾好睇,myTV Super免費區仲有得重溫。

發表於 Posted on: 2018-04-04 20:54

吉成千奈美
帖數 Posts: 1771
回頂端 / Top
Viu TV日劇日綜預告:

《瀛知有密》 4月30日起星期一二晚10:00-10:30

《你去日本搞乜鬼(第二輯)》 5月2日起星期三晚10:00-10:30

《健康日記(第二輯)》 5月3日起星期四晚10:00-10:30

《再見,江成君》 渡邊麻友 朝日深夜劇 全10集
5月4日起星期五晚10:00-10:30

發表於 Posted on: 2018-04-06 17:58

吉成千奈美
帖數 Posts: 1771
回頂端 / Top
吉成千奈美:

己睇到<雙面醫生2>第五集,而佢哋演繹婦產科部門係好神聖好有希望係有將來,演醫療戲嚟講應該有好多話題!一定會追睇落去,仲有星期日播<0.1無罪真相2>一樣咁精彩,深山好有推理同好專注細小破綻深入查究,如果世上有咁好律師就好唔會冤枉案件.....

而Viu TV日劇真係好少睇到,只係睇<恐怖醫學>,而今次<恐怖醫學X>特別版覺得係搞笑多D,《瀛知有密》《你去日本搞乜鬼(第二輯)》《再見,江成君》多數會係網上睇,因為時間唔夾,但《你去日本搞乜鬼(第二輯)》可能會準時間睇到!咁樣乎星期一星期五都有得睇,而星期六日就無得睇,唔洗三台係星期六日睇日劇又可以慢慢睇!

發表於 Posted on: 2018-04-12 0:53

kolley
帖數 Posts: 7602
回頂端 / Top
回應:kolley

已經睇到<雙面醫生2>第六集,一樣咁好睇,講到下屋醫生太投入病人感情自責,最後轉去急救科改進技術,另一方面有新婦產科醫生加入,故事開始有變化。講真今次有病人死,真係唔太關下屋醫生事,因為她已經一早發現病人有問題,但受到其他醫生質疑先出事。如果當時有鴻鳥或四宮醫生,話唔定有得救。

上集<0.1無罪真相2>加長版一樣咁精彩,深山律師係法庭上俾證人玩翻轉頭,套劇反轉再反轉,原來真正落下毒係牙籤,唔係羊羹,仲有係議員同老婆合謀,今個星期日晚大結局兩小時加長版,記住準時收睇。

Viu TV得日劇時段有追,<恐怖醫學>已經好耐無睇,<恐怖醫學X>有睇,但女主持麻麻,聽她講廣東話好難頂,主持技巧又麻麻,好似最後訪問北野武,反而俾北野武帶翻轉頭,不斷搞氣氛,唔係仲悶。老實講Viu TV係深夜有重播這堆節目,睇唔到未重播睇。至於上網睇就無咩心機,最近轉台送myTV Super一年,有大把日劇免費點播,但到今時今日都未有睇過。原來myTV Super播放日劇多數之後放J2首播,得一套係獨家播放。

發表於 Posted on: 2018-04-20 20:09

吉成千奈美
帖數 Posts: 1771
回頂端 / Top
Viu TV日劇預告:

《人100%靠外表》 桐谷美玲 富士電視台木曜劇
5月19日晚8:30首播

發表於 Posted on: 2018-05-03 23:16

吉成千奈美
帖數 Posts: 1771
回頂端 / Top
TVB日劇預告:

《毫不保留的愛》 武井咲 TBS火十劇 2016 J2

《逃亡花》 蒼井空 BS JAPAN 翡翠台

發表於 Posted on: 2018-05-03 23:16

吉成千奈美
帖數 Posts: 1771
回頂端 / Top
J2日劇預告:

《幸福洋菓子》 土屋太鳳 NHK晨間劇 全156集
5月21日起每日晚上6:00-6:30,每次播放兩集

發表於 Posted on: 2018-05-05 15:43

吉成千奈美
帖數 Posts: 1771
回頂端 / Top
吉成千奈美:

跟住星期六會播<雙面醫生2>第九集好得十集,上星期六有外國賽馬未睇唔到....而星期日已播完<0.1無罪真相2>真係幾好睇,而上兩個星期日播<不眠的真珠>只得兩集係未電視電影劇情就一般....但今個星期日播<孤獨的美食家5特別篇>,咁下星期日播晚上10:35播乜日劇....

而上星期六播十結局<刑事弓神>後個幾集我有睇係幾好睇!今個星期六播《人100%靠外表》由桐谷美玲主演我一定會睇!而奇妙電視播日劇都有睇,但配音把聲聽唔慣係未亞視配音組....似乎TVB日劇比較多新日劇睇!

發表於 Posted on: 2018-05-10 22:10

kolley
帖數 Posts: 7602
回頂端 / Top
回應:UIE1017

<雙面醫生2>有11集,J2今個星期六晚先播第9集,而6月2日播外國賽馬停播,6月9日會上日劇<不自然死因研究所>,由石原聰美主演,最近仲係日劇學院獎成為大贏家,壓倒收視冠軍<0.1無罪真相2>。

<不眠的真珠>係讀賣深夜劇,旨在頂期,睇完真係麻麻,今個星期日本來停播,唔知咩鬼事上套<孤獨的美食家5特別篇>,而J2星期日晚11:05先有日劇播,下星期播<花樣男子Next Season>,杉咲花主演大熱<花樣男子>續篇,J2上星期已經賣廣告宣傳,都幾吸引。

<刑事弓神>上星期大結局個集係繼第一集最好睇的一集,其實第六集打後個d集都ok,第五集係最無聊的一集,睇完應該明我個咩,開頭個d集計,第一同第四集好睇,第三集一般,有興趣可以上Viu apps重溫。

另外桐谷美玲今年無劇拍,之前係J2睇完她主演的<有喜歡的人>好好睇,唔知這套拍成點,《人100%靠外表》要等下星期六先有得睇,今個星期做特備節目停播日劇。奇妙電視同Viu TV配音都係外判,不過Viu TV配音都唔差,事實上外判配音都係出自亞視配音組。TVB宜家又幫J2開新日劇線,5月21日開始一至日晚6:00-6:30日日播NHK晨間劇,第一套出場係土屋太鳳主演的《幸福洋菓子》。

發表於 Posted on: 2018-05-10 23:45

吉成千奈美
帖數 Posts: 1771
回頂端 / Top