tvb.com

 
 
tvb.com
 

希望J2增加日劇時段

回應:UIE1017
宜家TVB播《射雕》同《三生三世十里桃花》,好多人寧願睇《三生三世十里桃花》,唔想睇《射雕》,因為《射雕》劇情已經很熟悉,還有出除左苗僑偉同呂良偉,其他演員就沒人識,就連主演李一桐要苗僑偉帶住先俾香港人識,唔知你想睇邊套?
頭先對吉成漏講左一句,因為落暴雨《射雕》同《三生三世十里桃花》先收得(《三生》第1集有20點),唔好俾暴雨因素影響你判斷

發表於 Posted on: 2017-06-25 20:16

煲劇
帖數 Posts: 75
回頂端 / Top
回應:煲劇

奇妙電視唔係無申請大氣廣播,係廣管局唔批,因為廣管局要求奇妙電視加大免費電視投資額,而奇妙電視沒心搞免費電視又唔會買咁多首播韓劇播,仲有一堆自製綜藝,其實奇妙電視網上直播無提供和新聞時段直播係基於保障收費客戶立場,如果連有線新聞都有得免費播,有線電視執都似,至於係Hkpec有某部分會員係TVB做,打擊對手言論就一定,凡係對TVB無利的事都唔提,包括翡翠台係黃金時段播放大陸劇收視差,間接令收睇翡翠台觀眾人數下降。

事實上J5取消大陸劇時段,翡翠台7點大陸劇時段得半粒鐘,以大陸劇集數長,一年播得幾多套大陸劇,宜家830套大陸劇收得,只會令TVB高層有信心放更多大陸劇落翡翠黃金時段,紀念香港回歸20週年同播放大陸劇唔見得有咩關係,而奇妙電視都有係830播大陸劇,係得Viu TV無大陸劇播,三間免費電視台得Viu TV最唔積極。

仲有J2取消台劇時段改播韓劇,而原有精選日韓劇時段改播日劇,咁未可以清走晒收費台堆未播過的日韓劇,台劇係翡翠台星期日晚深夜有播,平日下午又播,無人睇細咩播咁多,難為日劇星期六朝早仲要重播長劇謝謝款待。

發表於 Posted on: 2017-06-27 17:20

吉成千奈美
帖數 Posts: 1620
回頂端 / Top
回應:吉成
ViuTV係有陸劇播,只不過放入非黃金時段播,而且數量又唔多,其實電盈係只有收費台時期都沒見佢買陸劇,一係有海潤台,二係香港人睇劇順序係日韓劇優先,之後係歐美劇,然後先到中台劇,還有一個現象就系ViuTV比較傾向播現代劇,而陸劇係得古裝劇先有市場,但系大陸古裝劇動六七十集,如果係黃金時段上播大陸古裝劇,一來配音員肯定會重複出聲,二來會影響到日韓劇排期。
其實TVB830之前落暴雨先收得,但系天氣好左馬上打回原型,至於奇妙有首播韓劇係因為果堆劇價錢唔高,《鬼怪》係Now將免費電視播映權分拆買俾奇妙,而自家節目聽講係有線將娛樂台成本cut走放奇妙度,如果唔係邊有咁多自家綜藝

發表於 Posted on: 2017-06-27 18:58

煲劇
帖數 Posts: 75
回頂端 / Top
回應:煲劇

Viu TV根本無一個固定劇集時段播放大陸劇,一年間中播一兩套攝非黃金時段期又唔太過分,其實海潤台係Now有份,照計係免費台重播大陸劇都唔細錢,不過Viu TV唔播都係基於商業考慮,大陸劇集數節奏唔適合香港人口味,而香港人睇劇順序係日韓劇優先,至於中台劇,歐美劇次序就應該係前者,始終歐美劇題材同演員唔多適合香港人口味。Viu TV播堆劇都係時裝劇,仲要係集數短迷你韓劇,好明顯睇得出Viu TV野心唔係一般師奶觀眾,係年輕觀眾。仲有Viu apps主攻亞洲市場,播放日韓劇都係apps有,所以係免費電視台播放順便宣傳apps。

而TVB係翡翠台黃金時段播放大陸劇,得罪香港人,為討好大陸股東,進行政治宣傳,至於830套大陸劇收視暫時係三線劇之中最高,睇怕TVB以後會繼續係黃金時段播放大陸劇,因為830套大陸劇俾到TVB高層錯覺,令班慣性觀眾接受大陸演員,至於奇妙首播韓劇版權費平極都唔夠830套大陸劇平,宜家TVB刀仔鋸大樹,真係以後唔拍劇都似,Now唔將《鬼怪》免費版權俾Viu TV播有d奇怪,反而賣俾競爭對手,咁Viu apps仲有一堆日劇未播,會唔會賣埋俾奇妙電視播,而自家節目係有線電視cut收費台資源製作,未同Viu TV一樣。好老實講一間電視台點會分收費免費。

發表於 Posted on: 2017-06-27 20:13

吉成千奈美
帖數 Posts: 1620
回頂端 / Top
吉成千奈美
港台電視32都唔係無野睇,我記得好似都會直播立法會開會,以前好悶嘅,但依家立法會多搞笑野就好好睇,可惜收唔到,唯有上youtube睇。我估依家tvb六日播劇呢個安排係永久,畢竟以往日日播劇無起色,依家《踩過界》雖然收視徘徊響20點,但都好過以前嘅!《踩過界》係愛奇藝播緊,應該係倒翻轉,因為有口碑,所以打算救收視,就播呢套。《賭城群英會》首週平均得22點,講真,睇賭片都唔會睇tvb啦,係都睇以前嘅電影啦!20集以內嘅劇響週末播同日劇播10集差唔多,所以其實唔係無人睇,如果tvb肯為呢個時段拍短劇,而節奏明快,唔拖戲,其實反而仲吸引到人睇。翻拍日韓劇當然要錢,睇下拍咩囉,拍《深夜食堂》當然係低成本,拍《code blue》就高成本,不過成本同收視都差唔多成正比嘅,睇下tvb肯唔肯投資囉!照計tvb應該係無橋,拍唔到咁多,就播低質大陸劇,我眼見依家拍完同未拍完嘅劇集數量同以前都差一段距離,仲要劇名好膠,明顯係求其拍啲嘢出黎。森川葵仲後生,日後大把機會,西島隆弘好似都係專注唱歌,未必會拍劇,都有啲可惜。講天災應該係好後期,咁你大概7-8月嗰時睇都差唔多。奈良係有鹿餵,咁都ok好玩嘅,啲鹿見到鹿餅就望住行過黎都幾得意,不過見到有某部分嘅鹿隻角被人斬,唔知係唔係大陸人所為,其實我行街都ok接受,但我唔想睇啲我無興趣嘅嘢,仲要睇成日都真係幾悶。香港快運同捷星好似都係要8月尾出發先平,但到時我又可能要去o camp,reg科等等,想去都唔得,呢啲機票真係俾退休人士先去。我去大阪包7kg上機行李,寄艙要加錢,不過其實都唔係好多野買,所以都唔需要加錢,時間就係晚機去黃昏機返,嗰時係凌晨2點到機場,結果要訓機場,因為無車返酒店。印度航空有時都好平,但要成日睇住。

發表於 Posted on: 2017-06-27 23:38

UIE1017
帖數 Posts: 1541
回頂端 / Top
煲劇
《三生三世十里桃花》個名用廣東話讀已經好翹口,用普通話其實仲翹口,劇情睇過都係好普通,《射鵰英雄傳》都係睇返小說算啦!如果暴雨個星期收視唔計,收視都係徘徊響23-24點,呢個收視響以前黎講算差,但以依家呢講算好,起碼套劇都暫時係本年度收視季軍,或者香港人都對呢個故事有興趣啦!

發表於 Posted on: 2017-06-27 23:46

UIE1017
帖數 Posts: 1541
回頂端 / Top
回應:吉成
《逆轉真相》之後播《小學餐女廚神》,順便係度鬧下TVB,將劇名改到咁low,連緯來日本台譯名好過TVB

發表於 Posted on: 2017-07-01 21:50

煲劇
帖數 Posts: 75
回頂端 / Top
回應:煲劇

今年Amazing summer兩套日韓劇都係老餅劇,《小學餐女廚神》同《法妻當自強》無論題材定演員號召力都吸引唔到年輕觀眾,同以往J2 Amazing summer播放劇集定節目都主打年輕人唔同,J2都變埋老餅台,要取悅成年觀眾。至於TVB譯名一向奇突,已經見怪不怪。

發表於 Posted on: 2017-07-05 16:29

吉成千奈美
帖數 Posts: 1620
回頂端 / Top
回應:UIE1017

講真港台電視32用途係直播立法會開會,已經浪費頻譜,仲有個專播CCTV台都係廢,究竟有幾多香港觀眾會對大陸節目有興趣,不如將頻道交俾馬會做,轉播賽馬六合彩足球博彩台。其實六日播劇都係救唔到收視,始終香港人係六日出街唔睇電視,《踩過界》係愛奇藝播緊,好多香港人已經上網睇了,所以TVB預計《踩過界》係平日黃金時段播都唔會有好收視,未放炮灰檔播。而TVB之前已經抽起《賭城群英會》,好明顯已經唔睇好,況且同時段仲要對打奇妙《鬼怪》,放邊套落去都低收視。事實上六日播劇播20集劇集都太長,香港觀眾耐性有限,會唔會定時定候睇都成問題,而TVB製作劇集工廠性,拍10集短劇成本效益唔大,預期係咁播日韓劇仲實際,以前翡翠台六日播劇都係播外購日韓劇,加上收費台現有資源唔細再花錢,更何況日韓劇係香港有一定市場同觀眾。走去翻拍日韓劇拍到不倫不類仲趕客,未播出街負評如潮,仲有翻拍要俾版權費,就算好似《深夜食堂》低成本製作都要俾授權費,縮皮TVB會肯俾。仲有大陸近年翻拍日劇口碑收視都麻麻,照計大陸市場比香港大,連大陸都唔掂,TVB會成功可能性唔大。其實TVB唔將《踩過界》放係六日晚播,大陸劇就放黃金時段播已經奇怪,有咩理由會唔重視自製劇,事實上TVB所謂自製劇都係合拍劇,由大陸投資,所以播放大陸劇係取悅大陸市場,所以自製劇愈來愈重大陸口味,講真由大陸入股TVB開始就覺得係中央借手消滅本土劇,之後TVB好快變成大陸台。奈良嘅鹿隻角被人斬係d鹿成日撞人,危險未斬鹿隻角,其實去大阪都係行下睇古跡,唔知你有無睇《信長協奏曲》有關的古跡,而日本愈來愈多藥妝店,唔知係唔係大陸人愈來愈多所致,反而賣傳統手工藝鋪頭少見,唔知你有無同感。講真淡季出發先有平機票,香港快運同捷星面價平,加埋行李仲貴過傳統航空公司,照計日本都幾多嘢買,零食同其他精品都吸引唔到你買,你晚機去黃昏機返,第一日訓機場心情都唔係好,印度航空平都唔敢坐,始終中轉機時間未必準。

發表於 Posted on: 2017-07-05 17:51

吉成千奈美
帖數 Posts: 1620
回頂端 / Top
吉成千奈美:

J2播放《逆轉真相》已四集,我覺得幾好睇!劇情講人性另一面!仲有每個人背景因由,拍得幾有懸疑氣氛...而Viu TV星期六播<Crisis>已睇咗好多集,集集都有連繫性故事,星期六播個集係講個班年青人,好不滿日本環境都好似而家香港情況一樣,又講得幾啱,只係拍得比較極端行為,香港會唔會拍類似劇集,應該有好多年青有共鳴!

至於奇妙電視77台我有睇,但唔係睇好多時間,真係要讚吓有線新聞播得真,而有線播新聞畫面靚過Viu TV播新聞時間,不過多數播韓劇為主多,唔知新或重播,暫時未見有日劇睇,有好多都係有線以前拍攝旅遊特輯重播多!希望奇妙電視77台有日劇睇,可以有多個台睇日劇!

發表於 Posted on: 2017-07-11 17:59

kolley
帖數 Posts: 7666
回頂端 / Top
回應:kolley

《逆轉真相》係日本6月16日播完,J2係6月25日播已經跟得好貼。《逆轉真相》係湊佳苗小說作品改篇,所以故事唔錯,套劇集合推理懸疑愛情唔同原素,真係幾好睇,每集最尾都會爆出少少線索,等你好想睇下一集,好彩J2一星期播兩集,至於套劇劇情討論唔多講,有興趣去《逆轉真相》討論區討論。

Viu TV星期六播<Crisis>都唔錯,係非一般刑事劇,劇情牽涉黑幫,恐怖分子同政治題材,至於故事係有連繫性故事,不過斷斷續續,好似上一集維新軍如果連埋之前一二集一齊講會更加吸引,反而宜家咁播令觀眾睇得好亂。其實上集講日本社會階級問題,令年輕人無機會向上爬,身於上層個班年輕人唔細努力就可以出人頭地,正正就係資本主義體制下的弊端,唔止日本係咁,香港都唔例外,所以世界未愈來愈多恐怖分子。套劇拍得極端又唔覺,只係反映現實,香港無電視台敢拍政治劇,係因為大陸正正打壓香港言論自由。

奇妙電視77台除了韓劇,都有日本旅遊節目播,而奇妙電視77台畫面質素高過Viu TV,前者用有線網絡入屋,無頻譜限制,後者用大氣電波,根本無得比,況且Now新聞都係標清。Viu TV播完<Crisis>後無日劇播,今晚凌晨走去播大陸歌唱節目,Viu TV開一年後開始大陸化,奇妙電視77台有日劇播都係堆刑事查案醫療劇,適唔適合你口味未見人見智,仲有J2係7月23日星期日下午播放日劇<機動警察>,播完《逆轉真相》後播天海佑希套《小學餐女廚神》,唔知你會唔會追睇。

發表於 Posted on: 2017-07-15 18:47

吉成千奈美
帖數 Posts: 1620
回頂端 / Top
吉成千奈美
播立法會開會又唔係話浪費,起碼會有搞笑野發生,不過33基本上都係費嘅。《踩過界》收視依家去番星期六日正常水平,熱潮好快就過左。六日播20集劇集咪即係播10集日劇差唔多,你咁講即係話香港觀眾無耐性睇日劇啦!如果將收費台播曬嘅劇放免費台播,點會有人去買呢?所以翻拍咪要揀有話題劇集囉,只要係咁,俾左版權費同製作費,收益同自製劇差唔多,但搶曬風頭,建立一個良好品牌形象都係一個好重要嘅營商策略。奈良嘅鹿最慘係斬一邊唔斬另一邊,好明顯唔係政府做,係遊客所為囉!《信長協奏曲》我無留意古蹟,不過去都係要等冬天,落雪會好少少。日本真係好多藥妝店,去邊都有架!淡季出發先有平機票係人都知,咁都要唔需要返學或者返工先得嘅,退休咪得囉!訓機場心情都唔算差嘅,雖然正常免費俾人嘅已經無曬,但其他地方訓其實都ok。

發表於 Posted on: 2017-07-15 21:56

UIE1017
帖數 Posts: 1541
回頂端 / Top
吉成千奈美:

係J2台播放《逆轉真相》已睇到第八集,真好幾好睇又够晒懸疑又越來越緊湊,要等下星期六日再追睇!而美穂子唔知係未鍾意深瀨,而最重要係村井講回十年前事情真係好震驚,明日香知道呀哥見死不救好嬲話佢係人渣!而小笠原想同深瀬講事情有進展,突然被人襲擊傷咗小笠原,相信事件仲未完,真係好緊張,記得睇,無得係my tv睇!

至於Viu TV一樣有追睇<Crisis>今集更清楚講佢兩個男角小栗旬、西島秀俊背景角色,下星期六係大結局,記得睇....你話Viu TV星期六唔再播日劇,播中國綜藝節目,咁未星期六日晚都無日劇睇!似乎而家Viu TV唔啱我睇啦!

而奇妙電視77台暫時仲未有日劇睇,但有日本旅遊節目睇,最近有睇一個旅遊節目係介紹瑞士地方都好ok!但搵唔到奇妙電視77台節目表....

發表於 Posted on: 2017-07-24 0:52

kolley
帖數 Posts: 7666
回頂端 / Top
回應:kolley

昨晚係J2睇到《逆轉真相》第九集,原來之前用刀恐嚇小笠原係村井秘書,目的係唔俾件事揚開,阻礙他政治前途,仲有村井同另一方面美穂子寄恐嚇信俾深瀨,村井同谷原,推谷原落地鐵路軌,她向警方自首,但深瀨,村井,淺見同谷原話係自己過失,唔想美穂子入獄。而美穂子打算搬去大阪離開深瀨,淺見無意間見到美穂子避開深瀨後痛哭,都估到美穂子鍾意深瀨,係美穂子搬走之際接深瀨見美穂子最後一面,深瀨向美穂子表達愛意,漸漸透露廣澤對蕎蕎麦敏感,發現原來自己係兇手,今晚大結局就知真相係點,套劇每集都有意想不到情節,有多元化,揭開每個人不為人知的一面,好好睇。如果唔係這套劇唔可以係myTV Super上架,J2都唔會咁快播,日本係6月25日播完,J2用一個月時間就播晒。

<Crisis>上集為鋪今集伏線,成集好悶,反而昨晚大結局個集相當精彩,動作場面埋身肉搏拍得唔錯,睇得好欲緊同緊張。原來創立特搜班的鍛治只係利用特搜班做利,引目標出來將佢殺了,而同稲見以前拍檔的結城知道當年內幕真相,其實特搜班只係為政治家,唔係為人民同國家,而昨晚大結局特搜班策劃攻擊政治家計劃,唔知會唔會拍第二季繼續劇情,整體上都唔錯,不過有d集數麻麻,始終單元劇難維持質素。

另外Viu TV昨日播完<Crisis>未預告之後會播日劇<寵物情人>,<瀛知有密>被抽起兩次,照計唔播機會好大,講真Viu TV得星期六日晚8:30有睇,其餘時間就無睇,反而睇J2仲多過Viu TV,昨晚J2播放<VS嵐>有Daigo上節目好搞笑,經常擺出Wish手勢同搞爛gag,真係好好笑,而下星期二凌晨12:55-1:55係J2播放日劇<最強名醫3>,到時記得追睇,無記錯睇<最強名醫2>已經係2014年的事,劇情都唔係好記得,而播放時間差唯有靠錄影第二日翻睇。

奇妙電視77台一至五晚只播韓劇,六日又唔播日劇,最近連收費有線劇集台一星期得一集首播日劇播,收費台都搞成咁,免費台唔好期望咁多,除了奇妙電視肯申請頻譜拓展觀眾,唔係都唔會點投資。

發表於 Posted on: 2017-07-30 13:31

吉成千奈美
帖數 Posts: 1620
回頂端 / Top
吉成千奈美:

係星期六日已睇晒全部《逆轉真相》真係幾好睇!雖然劇情無乜特別,而拍攝手法好好,會令觀眾追睇落去,更會令劇情好緊湊,而故事描述人與人之間要坦白同有責任,幾個男演員演出幾好都值得睇,下星期六日播新劇

而Viu TV播晒<Crisis>最後一集有講晒兩型男主角背後故事,整體係動作劇集為主大至上OK!下星期六播<寵物情人>,個D演員唔係咁熟又唔知劇情好唔好睇,睇到宣傳片要到時睇吓先...

而J2播放<最強名醫3>,以前係收費台睇咗,最搞笑係森山醫生演出,劇集無佢爭好遠!不過時間太夜播,翻睇未必睇,好似是是旦旦播晒去!而奇妙電視77台係無日劇睇,好多事播日本旅遊特輯唔知係未有線台播過啦....唔緊要又未睇過未當新旅遊特輯睇!

發表於 Posted on: 2017-08-02 20:17

kolley
帖數 Posts: 7666
回頂端 / Top
回應:kolley

睇晒成套《逆轉真相》知道結局係無兇手,只係一件意外事故,睇完覺得失望所以話劇情無乜特別。其實套劇唔多唔少都暗示真正兇手係主角深瀬,廣澤臨走前飲了深瀬沖杯咖啡,而咖啡蜜糖有蕎麦成分,廣澤對蕎麦敏感,走去追車意外墜下,其實套劇重點根本唔係兇手,而係探討如何向受害者贖罪,究竟坦白講出真相定隱瞞,仲有套劇每集透露些少線索,令你好想睇下一集,套劇拍攝手法都幾特別,每次穿插之前發生意外片段做回顧,整體計套劇都幾好睇。套劇主要演員都係有實力演技,所以演出有咁上下水準。

J2今晚開始播日劇《小學餐女廚神》,照計美食劇唔會太差,不過未睇過要睇一兩集先知。Viu TV播<Crisis>主要都係當動作片睇,劇情好多都得一半就完,而唔知會唔會出第二輯交代劇情。今晚播<寵物情人>係收費台劇集,卡士弱,不過勝在係少女漫畫改篇,愛情劇又唔知適唔適合你睇。

另外J2係凌晨播放<最強名醫3>,原來係myTV Super有重溫,而J2近排翻播<最強名醫3>,係日本將出第四輯先播,其實TVB自從2015年取消高清翡翠台播放日劇,單靠J2日劇時段播得幾多套日劇,好彩今年暑假無係六日晚播放動漫電影,唔係又停播日劇。<最強名醫>系列都係森山醫生角色搶境,劇情都唔太記得,奇妙電視77台得韓劇播,堆日本旅遊節目都係重播有線,其實奇妙電視覆蓋率低,有幾多廣告吸到都成問題。

發表於 Posted on: 2017-08-05 10:46

吉成千奈美
帖數 Posts: 1620
回頂端 / Top
吉成千奈美:

都唔係叫失望《逆轉真相》算係幾好睇!而果班有實力派演員演出又拍攝手法又特別真係唔錯!

講回J2台星期六日播放新日劇《小學餐女廚神》由天海祐希主演,已睇咗兩集又幾搞笑,而今次天海祐希演繹一位頂尖廚師,而比自己老闆出賣,轉移去到煮小學生午餐又受到考驗,最後個個都話好好食,但對自己要求係好苛刻要做到最好,所以未要留低係學校再為學生午餐煮得更好,真係太堅持又執著!要追睇下一集

而Viu TV<Crisis>播完,你話唔知會唔會拍第二輯應該唔會春,而<寵物情人>都算睇咗一集,卡士真係好弱而且唔係咁識個班演員,而女主角真係唔吸引,好似有16集係未!

而<最強名醫>系列已拍緊<最強名醫4>一定會追睇,有森山醫生演出一定有野睇,仲有佢姑媽都好搞笑會追睇....而奇妙電視77台多數睇7:30新聞報導或旅遊特輯,而有線新聞比較中立好多!雖然奇妙電視覆蓋率比較低畫面靚,好多時有線都有贊助商節目同韓劇,而家Viu TV都多咗贊助商,講返Viu TV網頁都有好多日劇但係未有配音,可以睇先,你有無睇....

發表於 Posted on: 2017-08-07 18:46

kolley
帖數 Posts: 7666
回頂端 / Top
回應:kolley

《逆轉真相》係上季日劇嬴了CONFiDENCE日劇大獎最佳作品獎,由專業評審選出就有一定認受性,尤其係《逆轉真相》係上季日劇收視口碑都唔及幾套大熱劇,所以嬴到證明套劇水準好高。講開《逆轉真相》大結局尾段有驚喜,有《夜行觀覽車》角色彩花,彩花成長做咖啡師,而幫襯美穗麪包店的男客人成瀨慎司好似係《為了N》角色,我無睇過《為了N》,所以唔知套劇角色,唔知你有無睇過。

至於緊接J2播出日劇《小學餐女廚神》,未睇前對套劇都無咩期望,套劇係日本播出收視好差,誰不知睇完一集已經覺得好好睇,套劇搞笑得來內容又唔錯,女主角星野光子當小學生午餐係餐廳,要求食物有餐廳水準,但小學生午餐受政府營養成份所限制,第一集星野光子衰了,係因為莫視對象,第二集反省後將秋刀魚切骨,受到小朋友歡迎,其實老闆都幾奸,用串通客人製造食物中毒迫她走人,再升副主廚照之前記低的食譜,又慳成本。仲有星野光子對食物執著竟然推了法國知名餐廳邀請,電視台主播又同老闆串通,要繼續睇埋先知。

<Crisis>大結局有伏線,就算唔拍第二輯都會出SP或電影版,講真Viu TV買了大把日劇,真係唔明Viu TV點解會播這套,<寵物情人>係收費台劇集,卡士弱都預了,其實套劇都幾搞笑。女主角入山法子好似無咩拍過日劇,男主角志尊淳反而有睇過佢的<未聞花名>,套劇唔似一般日劇,有16集,好似出口了去亞洲各地。

昨晚睇了一集<最強名醫3>,森山做了代理院長,係度狐假虎威,點知出到外面睇人面色,相良借議員之手做了好風險手術,而相良固意俾森山知,最後要下
跪謝罪,究竟相良打咩主意,講真<最強名醫3>好睇過<女醫神Doctor X>,輕鬆搞笑一集又幾過癮。第三輯加了個新人,入埋森山組,到時相良多個敵人,又有戲睇。奇妙電視俾永升收購,有線新聞未必再咁中立,至於奇妙電視有贊助商,多數都係收費免費廣告套餐,Viu Apps堆日劇遲下都會係免費台播,宜家又唔係無日劇睇,你有時間可以一睇。

發表於 Posted on: 2017-08-07 20:57

吉成千奈美
帖數 Posts: 1620
回頂端 / Top
吉成千奈美:

成瀨慎司(窪田正孝)係《為了N》係角色之一!套劇係屬於推理懸疑小說,我有睇晒,初段一兩節奏比較慢,到中初段就有追看性,無記錯過咗差不多有一年時間,舊年6/7月係收費台睇...而你講《夜行觀覽車》演出彩花角色,未証明呢類角色有突出表演而有印象,而佢又演出唔錯,而導演拍攝又幾好啦!

你話<Crisis>有伏線咁真係有可能會拍SP或電影版,諗Viu TV多數會購買返嚟,我覺得Viu TV就未捉摸到觀眾喜愛睇乜野類型日劇,至於<寵物情人>係一套搞笑小品劇,但用呢位入山法子演出真係唔吸引,唔靚連氣質好似都無,如果係第一次演出都幾冒險,至於男角好似見過佢演出,佢演出<未聞花名>不過我未睇過,志尊淳做過劇集真係無乜角色有深刻印象。嘩.仲話.出口去亞洲播放,而且又無乜名氣,睇嚟好想奉好佢哋!

而(奇妙電視俾永升收購)係未有紅低背景,暫時新聞都仲係OK,遲D會變質就唔知道,講開贊助商而每個節目同劇集都有廣告套餐係正常!講回J2台而家都播翻多咗日劇睇,更係未必去睇Viu Apps日劇!

發表於 Posted on: 2017-08-08 18:45

kolley
帖數 Posts: 7666
回頂端 / Top
期望明年 WAKU WAKU TV 在香港時 , 大家有最新日劇選擇

發表於 Posted on: 2017-08-10 22:52

dona
帖數 Posts: 207
回頂端 / Top
回應:kolley

我無睇過《為了N》,所以唔知成瀨慎司角色係點,不過係《逆轉真相》最尾出現作用又唔係好大,無睇過《為了N》觀眾會一頭霧水,真係唔明TVB點解唔係J2重播《為了N》。《為了N》節奏慢都預了,話晒係同《夜行觀覽車》同一班底製作,劇情連貫性強,頭一兩集都係慢慢鋪排,到中段開始有戲劇性發展,仲有你話《為了N》係去年收費台播,版權應該唔完,TVB唔播真係有錯。下星期一凌晨劇集時段重播J2去年播過的《雙面醫生》,都唔肯播未播過的《為了N》,TVB真係縮皮到咁的地步。

彩花係《夜行觀覽車》演出反叛女初中生角色印象深刻,係學校受同學欺凌,返到屋企又同阿媽嘈,成日發脾氣,杉咲花演這個角色真係幾入型入格,不過她少演日劇,提外話《逆轉真相》又係日劇學院獎成大嬴家,勇奪最佳日劇,最佳劇本同最佳男主角,套劇係日本播出收視差都有獎,證明J2播這套唔錯。

<Crisis>係日本收視平平,又要拍動作戲,加上小栗旬同西島秀俊片酬貴,製作費成本幾貴,重要係拍完未必有一定觀眾支持。富士都未必會再細錢拍SP同電影,最後故事沒完沒了。Viu TV選擇播<寵物情人>好可能係日本富士電視台要求,因為<寵物情人>係亞洲各地電視台都有播放,Viu TV買咁多富士劇都要順水人情,講真<寵物情人>有16集,放一至五播播仲適合。事實上Viu TV高層好難捉摸觀眾喜愛睇乜野類型日劇,始終香港觀眾睇卡士為主,況且星期六晚少人睇電影,同<恐怖醫學>調轉,就多d人睇,其實Viu TV播這類輕鬆愛情劇食正師奶觀眾口味,方向無錯,可惜卡士唔吸引。

入山法子演日劇多數配角,靚有氣質就唔會拍咁多年日劇都未主演過,今次<寵物情人>起用她都係片酬平,況且這d少女漫畫改篇日劇都係睇男主角,<未聞花名>去年係Viu TV暑假深夜首播,志尊淳又係演路人角色又會有幾深刻印象。事實上這套劇節奏風格都唔係平時睇開日劇,出口去亞洲地區又可以收到幾多版權費,不過之前套<惡作劇之吻>捧紅了男女主角。

發表於 Posted on: 2017-08-13 13:42

吉成千奈美
帖數 Posts: 1620
回頂端 / Top
永升無紅底背景都無人信,免費電視台係蝕本生意,王維基間HKTV有流動電視牌都縮沙唔開,只有紅底基於政治考慮收購本地傳媒,借此打壓反對派,有線新聞變質都係一兩年後的事,事實上TVB都唔夠廣告,日日係電視賣廣告套餐價錢,明珠台賣得最平,照計收視最差,如果奇妙有大氣頻譜,明珠台日日0收視指日可待,好心TVB將賽馬六合彩搬離J2,唔細搞到J2星期六日要播夜馬停播日劇,J2其實幾多嘢睇,星期日下午播緊日劇,星期六有Music station同VS嵐,反而星期日弱。

發表於 Posted on: 2017-08-13 13:42

吉成千奈美
帖數 Posts: 1620
回頂端 / Top
吉成千奈美:

《為了N》已時隔一年多照例會播,咁快又再重播《雙面醫生》,有可能《為了N》套劇搵唔到贊助商亦有可能唔播...《為了N》這套劇集其實幾值得睇而且又拍得幾好,演員又演得唔錯!原來《夜行觀覽車》同《逆轉真相》係出自同一班製作人真係有佢哋拍攝風格!講《逆轉真相》係日本收視差,但拍得有水準而且演員又演得好始終都有觀眾欣賞,不過有好多師奶係唔鍾意睇呢類型劇集所以未收視唔好囉!而星期六日睇咗《小學餐女廚神》第三集同第四集,係星野光子前老闆真係度咄咄逼人好似同星野光子有仇,好想令星野光子係飲食界消失,但又唔會令星野光子氣餒,有D似<無價人生>咁屢敗屢戰好有鬥心,而且卡士好又有經驗好演員演出有保證,

<Crisis>都算係好落本拍,而且日本好少拍呢類動作劇集,成本真係一個問題唔拍唔出奇!而<寵物情人>就麻麻男女主角都係唔吸引反而有D男配角靚仔而且有D好熟面口,係星期六個集遇到個痴線佬幾搞笑,事實卡士超弱...唔知下一集又會唔會咁好笑啦!星期日播<恐怖醫學>無得係Viu TV網頁重溫以前記得<恐怖醫學>有重溫真唔明,反而本地綜藝節目同劇集一定有重溫...

講開就王維基真係已批准開HKTV有流動電視,但王維基好似無乜反應,更係啦而家先批真係遲咗D,到而家環境更係要諗諗或者諗下其他模式做電視!而奇妙電視台好似無佢啂台網頁我搵唔到,你知唔知!講真TVB將賽馬擺係J2台播係啱,應該係廣告費可以收貴D如果擺係明珠台播會平好多,就快又到賽馬開鑼!

發表於 Posted on: 2017-08-14 21:49

kolley
帖數 Posts: 7666
回頂端 / Top
回應:kolley

講真係J2平日深夜時段播日劇都唔會有廣告贊助,仲有《為了N》卡士唔差得過《最強名醫3》,照計係TVB唔想免費台播太多日劇,影響myTV Super上客,J2咁快重播《雙面醫生》,都係同日本10月開拍第二輯有關,宜家重播都係同日本電視台傾買第二輯安排,如無意外J2最快11月有得播。

你講到《為了N》咁值得睇,TVB唔係J2重播令觀眾欣賞唔到高質素劇集,作為大台的TVB完全無視社會責任。事實上《夜行觀覽車》,《為了N》同《逆轉真相》都係改篇湊佳苗作品,而這三套劇都係由同一製作班底製作,而我只係有睇《夜行觀覽車》同《逆轉真相》,感覺上這兩套日劇唔係傳統推理日劇,傳統推理日劇都係一兩集完一個故事,而這兩套日劇除了有推理,仲牽涉好多唔同事,好完整又有人性化。而《逆轉真相》係日本收視差,同日本播放模式有關,一星期播一集,故事連貫性太強,觀眾無睇一集就唔知發生咩事轉台唔睇,所以近年高收視日劇都係單元式查案醫療劇。

《小學餐女廚神》真係愈來愈好睇同有驚喜,星期六個集講星野光子煮同一味道俾小朋友同家長,努力鑽研試唔同蕃茄,終於煮出適合兩種唔同口味都讚好食,從中可以睇得出星野光子對美食執著,第四集星野決定開車仔檔賣法式全餐,前老闆見到即係告她,仲封殺她的食材,講真開車仔檔好似係<無價人生>都有,咁套劇卡士都係演技派演員。

<寵物情人>卡士弱,宜家當搞笑劇輕鬆笑下都唔錯,而下集男配角出場見女主角,應該會爆出唔少笑料。<恐怖醫學>有得係Viu網站重溫,係唔係你搵唔到所以話無得睇,不過宜家Viu TV愈來愈多自製節目,已經好少睇。

講開王維基做流動電視唔可以入屋,一入屋接收即違法,就梗係唔做,我估王維基等免費牌先做,其實傳統電視廣告市場收窄,製作本地電視節目係回唔到本,好似Viu TV同奇妙經營情況都蝕本,我收唔到奇妙電視,所以唔知奇妙節目表,另外TVB將本地賽馬放J2播無問題,但外國馬無收視同觀眾,廣告商唔會俾錢落廣告,仲影響J2六日晚節目編排,反正明珠台收視低,放外國馬落六日晚播對TVB經濟效益最大。

發表於 Posted on: 2017-08-16 22:44

吉成千奈美
帖數 Posts: 1620
回頂端 / Top
吉成千奈美:

多數都係myTV Super播放完先比係J2台播,J2台多數都唔係第一手播日劇,除非有贊助商某套日劇先係首播!你話《雙面醫生》會再拍第二輯,咁樣J2台播《雙面醫生2》好近貼日本。講回《為了N》真係唔係J2台播真係有D可惜而觀眾欣賞唔到。

至於《小學餐女廚神》真係幾好睇,劇情本來好普通但改編同有演技派可演出有追看性劇集,而下一集又有精彩演出....Viu TV<寵物情人>真係當搞笑劇輕鬆笑時段睇囉...我而家都好少睇Viu TV!

而J2台播放外國賽馬係幫馬會播放問佢哋兩間機構協議先知,始終外國賽馬亦有投注咁一定有人睇賽馬,又唔洗入場更加要電視台轉播賽事!講王維基都要開董事會再講!

發表於 Posted on: 2017-08-17 21:00

kolley
帖數 Posts: 7666
回頂端 / Top