tvb.com

 
 
tvb.com
 

希望J2增加日劇時段

宜家TVB免費台得返J2有日劇播,加上J2星期六晚間唔中播馬令日劇停播,仲有J2又要播埋高清翡翠台堆日劇,《女醫神Doctor X》又開新一輯,《遺留搜查4》7月又開播,係2011年高清翡翠台首播,免費台無理由唔播第四輯,J5已經轉了做財經頻道,無劇集播咁濟。

而2014年高清翡翠台巡禮日劇《非常審查官》,《羅斯福遊戲》又未播,仲有《最強名醫3》又未播,TVB好應該係J2新增日劇時段去播這堆日劇,以往高清翡翠台日劇時段定位觀眾係男性,因此希望TVB貫徹始終,為這類觀眾服務,其實TVB可以取消J2星期六晚8:30-9:00旅遊時段,《Running man》提早播《安樂蝸》改為播半集,緊接《Running man》後10:15-10:35後播放,而原有六日晚日劇時段可以統一,方便觀眾收看,星期六晚11:35-12:35日劇時段係以前高清翡翠台日劇時段,而原有動畫時段改為星期五晚12:00-12:30,只取消一集《Big boys club》就可以。

發表於 Posted on: 2017-06-03 2:12

吉成千奈美
帖數 Posts: 1659
回頂端 / Top
響J2加日劇時段就應該無可能,唯有希望tvb覺得奇妙無殺傷力,響j5播番劇,總好過重播節目

發表於 Posted on: 2017-06-03 22:19

UIE1017
帖數 Posts: 1544
回頂端 / Top
響J2加日劇時段並非無可能,J2 星期一至五(10:00-12:00PM)有必要一連播兩套韓劇嗎?

最好笑是J2 播D韓劇總新總好睇過MYTVSUPER 既韓劇。 咁被錢睇MYTVSUPER 既韓劇咪好ON 居 !!!

CUT 走J2 一個鍾韓劇時間播日劇好過。

發表於 Posted on: 2017-06-04 20:35

dona
帖數 Posts: 207
回頂端 / Top
TVB 收費電視大把有質數日劇都從未在 81 同82 台播 , 都係時候播出來。

近日來睇左: [時空黃的士] 好正。

好期待J2播,《羅斯福遊戲》《下町火箭》

發表於 Posted on: 2017-06-04 20:42

dona
帖數 Posts: 207
回頂端 / Top
回應:UIE1017

其實J5就算有劇播,都係播大陸劇為主,既然係咁,取消J5財經節目根本對免費台播多套日劇無咩幫助,老實講J5變財經資訊台,無大陸劇節目播對香港觀眾係件好事。而J2星期六日周不時播外國馬影響成個節目表,J5係星期六日無財經節目播,可唔可以將外國馬改去J5播,換取J2星期六日節目表穩定。

事實上Running man係今個星期開始加鐘,影響埋星期六日劇時段播出時間,其實TVB應該檢討星期六節目編排,取消星期六晚8:30旅遊時段,藉以統一六日晚日劇時段播出時間,而緊接一節動漫時段可以取消,播多套日劇,已經有可能。原有動漫時段改去星期一至五晚6:30-7:00時段播出,反正原來時段都係重播旅遊節目。

發表於 Posted on: 2017-06-06 18:23

吉成千奈美
帖數 Posts: 1659
回頂端 / Top
回應:dona

講真J2係星期一至五晚10:00-11:00播放韓劇都係陳年舊劇,之前係J2播完又播,仲有重播韓劇時段係星期一至五下午2:00-3:00已經有一節,整多節出來播舊節目無非都係TVB慳水慳力之作。仲有J2除了係一至五晚11:05-12:00播韓劇外,仲有星期日朝早10:30播新韓劇,相反星期六朝早日劇時段由今年開始全部重播以前播過的日劇,好明顯TVB厚此簿比,係J2狂播韓劇。

事實上我贊成J2 cut走一個鐘韓劇時間播日劇好過,Viu TV,奇妙電視係星期一至五晚有大把新韓劇播,J2播堆舊韓劇會唔會吸到客都成問題,仲有TVB日劇台堆日劇再唔係免費台重播,版權就過晒期,更何況J2係去年5月至8月期間停播日劇,作為大台好應該對觀眾作出適當補償。

而J2播d韓劇仲貼過myTVSuper,好明顯係要打Viu TV同奇妙電視收視,況且J2播刪剪版,想睇足本版就俾錢睇myTVSuper,好明顯TVB心態係咁想,仲有韓劇分拆版權賣,TVB只買收費網絡版權唔可以追擊對手,因為Viu TV同奇妙電視可買免費版權,所以焗住係J2播。

發表於 Posted on: 2017-06-06 18:48

吉成千奈美
帖數 Posts: 1659
回頂端 / Top
回應:dona

宜家J2日劇時段一年都唔知播得幾多套日劇,《女醫神Doctor X》系列年年出新一輯,簡接令J2播少套日劇,而TVB手上大把有質數日劇,但播咁少,所以開多一段日劇時段同現有日劇時段區分係有必要,好似現有J2日劇時段主力播偶像劇,新時段播成年向日劇。

《羅斯福遊戲》《下町火箭》係《半澤直樹》幕後班底製作,係日本收視咁好,J2唔播好可惜,[時空黃的士]成幾年前,照計TVB無晒版權,宜家望就望TVB無晒版權,等其他電視台引入仲實際過J2播。

發表於 Posted on: 2017-06-06 19:32

吉成千奈美
帖數 Posts: 1659
回頂端 / Top
唉 ! 咁TVB D 策略係咪好失敗!!!!

J2星期一至五播完又播D塵年韓劇 , myTVSuper播d悶死既韓劇, 咁既策略用來打Viu TV同奇妙電視收視???!!!!


相反有TVB日劇台D日劇再唔係免費台重播,根本就是浪費資源。情願播完又播塵年韓劇都要 CUT 日劇時段。

睇日劇,期望Viu TV & 奇妙電視好過

發表於 Posted on: 2017-06-06 23:05

dona
帖數 Posts: 207
回頂端 / Top
吉成千奈美:

最近又唔見咗我哋主題網頁,真唔知要幾多年又清我哋一次....收費台已經係今個月6月1日全部完結,要睇最新日劇就要租my tv Super!

係J2播《僱傭妻子》睇咗7集,實栗好似被拒絕,而平匡成日都咁猶疑真係好細膽又傻傻哋,都幾好睇會追睇!

而Viu TV星期六播<Crisis>睇咗兩集又幾好睇,係講日本公安專做特襲事件,星期日只播恐怖醫學就無日劇睇,好似比較少播日劇!

發表於 Posted on: 2017-06-07 1:23

kolley
帖數 Posts: 7644
回頂端 / Top
回應:dona

咁TVB策略又真係失敗,一方面想借新劇集時段狙擊Viu TV同奇妙電視,但另一方面又怕J2威脅到翡翠台收視,好似宜家翡翠台播緊套蘭花刼收視差,如果J2係該時段播新劇,翡翠台收視一定比宜家仲差。

J2係星期一至五播翻抄韓劇,既威脅唔到翡翠台收視,又可以填滿J2時段,個d翻抄韓劇成本好平,好明顯係TVB縮皮,其實宜家TVB真係有點似亞視,重播完又重播,myTVSuper作用未係買晒堆熱門劇,等Viu TV同奇妙電視買唔到,未搶唔到翡翠台收視。

其實宜家TVB日劇台轉了做網絡電視,可以只買網絡版權,所以TVB無預係免費台播堆日劇可以慳翻唔買電視版權,當然咁做法有一定風險,就係其他電視台可以買電視版權播放,而cut日劇時段係迫人申請myTVSuper的方法,韓劇播刪剪版,想睇足本版就myTVSuper,相反日劇唔cut得,唯一辦法係播少d。

事實上TVB日劇台2015年堆日劇好多都未播,而今年農曆新年前係精選日韓劇時段播過交響情人夢,即管睇下今年暑假會唔會清埋去,始終這堆日劇版權就快到期,再唔播就回唔到本。

老實講Viu TV都唔係好多日劇播,暫時得星期六晚<Crisis>,奇妙電視無日劇公佈咁濟,望就望Viu TV間中放幾套日劇落一至五晚時段播,其實唔明TVB點解要取消翡翠台星期日朝早日劇時段,星期日深夜凌晨時段,講真現時這d時段都係重播節目,證明TVB有心播少d日劇。

發表於 Posted on: 2017-06-07 15:06

吉成千奈美
帖數 Posts: 1659
回頂端 / Top
回應:kolley

TVB討論區主題一過一年就刪除,好明顯TVB連網頁都要縮皮,這間公司管理層為慳少少錢,忽略觀眾交流,其實多d人討論未多d人睇你個電視台,廣告收入未增加,不過TVB算死草就算數。

TVB收費電視係6月1日完結,連個收費牌都交埋俾政府,就知TVB想專注做網絡電視,至於租myTV Super都未必一定睇到最新日劇,因為尊尼規管版權好嚴,所有尊尼藝人演出的日劇無得經由網路播放,所以TVB買了尊尼藝人演出的日劇就一定要放J2播,J2係2月緊貼日本播放木村拓哉主演的日劇<A LIFE:深愛的人>就係其中一個例子,提外問你仲有無裝收費電視。

上星期六《僱傭妻子》停播一集,J2個日得《VS嵐》播放,個集嘉賓係日劇「無法放任不管的魔女們」隊,唔知你有無睇。

《僱傭妻子》愈睇愈好睇,平匡係單身寡佬,無同女仔拍過拖,實栗太主動太急進,嚇親平匡,始終平匡未試過,要慢慢來,但另一方面實栗太鍾意平匡,其實套劇幾好睇又搞笑,星野源將平匡角色演繹感覺唔錯,平匡係細膽但又可愛,份人夠認真老實,所以實栗鍾意平匡好合理。

暫時睇了兩集<Crisis>,動作場面幾多,好緊張,而第二集留了好多伏線,小栗旬的過去,西島秀俊同石田百合子的關係,仲有高層陰諜等等,套劇幾好睇。而石田百合子人氣真係好高,係J2同Viu TV日劇都有出場。

Viu TV播韓劇仲多過日劇,好可能係貪韓劇版權費平,日劇集數少,放星期一至五播好快播完一套,不過今年Viu買好多日劇,唔知遲下會唔會加日劇時段。恐怖醫學係資訊性節目,Viu TV播係要符合牌照特定節目。而Viu TV星期日晚仲未安排節目,會唔會加日劇即管睇7月安排。

發表於 Posted on: 2017-06-07 17:40

吉成千奈美
帖數 Posts: 1659
回頂端 / Top
dona
十點時段係精選日韓劇,照計《不能結婚的男人》就快響myTV Super推出,播完《閣樓王世子》之後應該係播呢套,到時就唔會連播兩套韓劇。不過我覺得其實都係首播劇集會比較好,一套日劇,一套韓劇,隔著隔著播咁樣會比較公平。

發表於 Posted on: 2017-06-07 19:45

UIE1017
帖數 Posts: 1544
回頂端 / Top
吉成千奈美
之前j5播過韓劇《華政》,照計高層應該唔會咁固執,響適當時候都會播番日劇嘅,不過實在太多重播節目,奇妙電視雖然主打財經,但都有劇集播,j5係純財經台,變相客源比較少,或者呢個係阻止翡翠台收視降低嘅政策?既然係咁,不如索性唔搞j5啦!既然j5係純財經台,要幫人不勞而獲,咁賽馬都好應該轉去j5播。Running man好似只係1集加鐘,之後唔影響。星期六晚8:30旅遊時段以前好好睇,自從3日2夜之後好似無心機搞,不如索性唔好搞,播多套動漫好過啦!

發表於 Posted on: 2017-06-07 19:50

UIE1017
帖數 Posts: 1544
回頂端 / Top
《不能結婚的男人》到時係播日劇版定韓劇版?

我覺得其實都係,一套日劇,一套韓劇,隔著隔著播咁樣會比較好。
而加十點唔係日韓劇精選時段 , 只係韓劇 !

發表於 Posted on: 2017-06-08 0:44

dona
帖數 Posts: 207
回頂端 / Top
回應:UIE1017

J5本身定位就係華語劇台,而今年播韓劇《華政》係因為TVB太多韓劇存貨,仲有《華政》係古裝長劇,放係J2播有排播,而J5劇場係一至日播,較易清長劇,仲有J5播完《華政》後一樣播返大陸劇,證明就算J5有返劇集時段,都係播大陸劇為主,《華政》只係特殊例子。另外日劇集數短,放J5劇場播要播幾多套日劇先夠,所以機會唔大。除非J5劇場改返一至五晚播一套,六日晚各播一套,咁先有機會。

奇妙電視係主台,要根據免費牌照要求播放唔同類型節目,所以晚間黃金時段唔會播放財經節目,而J5變成純財經台,主要係搶晚間黃金時段的財經客,而以前J5定位唔清無固定觀眾支持,以致收視長期偏低。其實TVB不如集中資源放係J2,將賽馬,六合彩節目改去J5,真係仲好過搞J5。事實上J5六日都係重播節目,絕對有條件接手J2轉播賽馬,六合彩,即管睇下TVB今年9月會唔會改係J5直播賽馬,六合彩。

Running man由今個星期六起加長,連J2 Magazine都提到日劇《逆轉真相》星期六播放時間係11:00,證明Running man加長係常規化,所以取消星期六晚8:30旅遊時段固定六日日劇時段係留住慣性觀眾最佳辦法。而cut多半個鐘旅遊時段同半個鐘動漫時段可以播多套日劇,增加觀眾同廣告收入,對TVB絕對有利,又或者將動漫時段改去一至五晚9:30時段,反正J2自製節目有幾多人睇。

發表於 Posted on: 2017-06-09 20:03

吉成千奈美
帖數 Posts: 1659
回頂端 / Top
吉成千奈美:

係J2台睇了《僱傭妻子》已九集好似仲有兩集就睇完,至於《VS嵐》上星期睇咗半個鐘,好多時好容易唔記得個D時間去睇,J2安排時間好差....講翻《僱傭妻子》而家佢哋實栗同平匡發展幾好,而實栗呀姨同可風好似有感覺!

講吓Viu TV<Crisis>睇到第三集都幾睇,而Viu TV星期日播<恐怖醫學>都有睇,而尋晚睇Viu TV英文96台8:00直播世界盃外圍賽香港VS北韓打和,唔知你有無睇!

我呢排好多都係時睇明珠台劇集為多,而家劇集又配翻回粵語,只係電影無配音真係好想配翻音就好!

發表於 Posted on: 2017-06-14 16:50

kolley
帖數 Posts: 7644
回頂端 / Top
dona
《不能結婚的男人》係日劇版

發表於 Posted on: 2017-06-14 19:39

UIE1017
帖數 Posts: 1544
回頂端 / Top
吉成千奈美
其實之前《奇皇后》都係咁啦,所以j5破戒播非華語劇都睇得出響適當時候會有例外嘅情況出現,不過依家一套劇都無播,講黎已經曬氣。其實j5夜晚都係重播,我都唔明點解唔將賽馬快快趣調去j5,依家簡直浪費大氣電波,係得《京都奈良夢華錄》有睇,畢竟上個月去完,想懷緬番上個月嘅旅程。星期六個旅遊時段都真係應該取消,反正tvb都好似無心搞嘅!

發表於 Posted on: 2017-06-14 19:45

UIE1017
帖數 Posts: 1544
回頂端 / Top
回應:kolley

《VS嵐》播放時間已經固定了係星期六晚7:00-8:00,如果放遲d播,就會成日停播,好似星期六晚日劇時段周不時停播,好在佢連播兩集,唔係真係有排都未做完,其實只可以話播放時間太早,有時趕唔切睇唔到,但《VS嵐》有多次重播,星期日朝早6:00,星期五下午5:05同星期六凌晨4:25,所以睇唔到未睇重播,我多數錄影睇可以睇晒。

上星期《VS嵐》嘉賓係日劇《羅漢拍三三七拍子》隊,有柳葉敏郎、剛力彩芽、風間俊介、高畑充希,佢地周不時係節目幫人打氣吶喊,好搞笑。櫻井翔終於成功爬上台場的下巴,播住《散工買樓夢》首主題曲《無盡的天空》,好應境,仲有今集《VS嵐》係黃金檔播出第200集,最後由嵐隊勝出劃上美滿結局。

昨日剛剛睇完J2《僱傭妻子》預告出了結局篇,照計今個星期日晚大結局,上星期睇了兩集,實栗為了避開平匡返去父母屋企生活,而平匡失去了實栗後,才明白自己從來無理會他人想法,另一方面實栗明白婚姻要兩人相討先可以解決,而平匡同實栗終於坦白心意,而實栗係街偶然遇見平匡,睇到平匡同一個女仔行街,有點嫉妒,令平匡意識到實栗鍾意自己,風見本來鍾意實栗,不過見平匡同實栗關係唔錯,就無爭,反而風見成日提點平匡,至於百合當風見係實栗個種關係,反而風見好緊張百合。

Viu TV播放<Crisis>都有追睇,上一集劇情幾緊湊,開始透露平成維新會組織,原來女主角以前係平成維新會成員,相對第二集好睇。其實<Crisis>相對其他日劇較灰,案中犯人多數自殺又或受人包庇脫罪。<恐怖醫學>上星期個集教用衣架改善姿勢問題,至於英文96台無搜到台,而香港VS北韓個場係亞洲盃外圍賽,我就無咩興趣睇。

其實明珠台播d美劇質素麻麻,好多時睇預告都係特攝片,好似<女超人>,而美劇有翻配音都係同英文96台競爭,老實講英文96台播HBO美劇明顯質素高d,電影唔會有配音,因為英文96台無電影播,TVB見對手無仲點會做嘢,反而TVB應該多多利用明珠台轉播體育賽事,好似英文96台直播足球又唔錯。

發表於 Posted on: 2017-06-15 19:46

吉成千奈美
帖數 Posts: 1659
回頂端 / Top
回應:UIE1017

其實《奇皇后》原本安排係高清翡翠台播放,不過2015年起高清翡翠台定位做華語劇台,至於今年J5播放韓劇《華政》破戒,好明顯係TVB想改變大眾對J5觀感的形象工程,J5係4月刪減大量大陸綜藝節目,於同時段增加日韓歐美綜藝節目,都係拯救J5收視的證明。

事實上J5唔播劇集定位做資訊財經台,都係唔想多個台同翡翠台,J2爭收視,而收視再無起色又係打回原形變翻以前高清翡翠台節目編排,所以今時今日J5無劇集唔代表日後無劇集播。最佳例子係翡翠台一至日晚9:30-10:30劇集時段係6月尾改為一至五播一套,六日晚播一套,其實翡翠台星期六日晚收視比平時差,不如TVB集中資源係一至五劇集時段,六日晚改播日劇,順便清下日劇台堆存貨,反正六日晚播日劇威脅唔到TVB劇集收視, 未當補翻高清翡翠台日劇時段。

另外J5係得六日夜晚係重播,所以將六日晚外國馬搬去J5播放合符觀眾利益,仲有平時J5凌晨時段都係重播當晚黃金時段,最好將J2現時賽馬堆節目搬埋去J5播,而今年馬季就快完,TVB要搬最快都要9月,即管睇下TVB繼續浪費大氣電波定係改變現有節目編排,J5節目得《愈睇愈健康》有追睇,而《京都奈良夢華錄》係咩類型節目,仲有上次你話你去關西話好悶,仲細咩懷緬。至於J2旅遊時段取消先可以穩定星期六晚日劇時段,唔係就六日晚唔同時段播好奇怪。其實J2星期六晚旅遊節目係外判節目,有心搞就自己製作啦。

發表於 Posted on: 2017-06-16 20:50

吉成千奈美
帖數 Posts: 1659
回頂端 / Top
吉成千奈美
j5依家不斷重播,我完全唔覺可以拯救到啲咩收視,你話j5播日韓歐美綜藝係拯救收視,又話tvb唔想j5同翡翠台j2搶收視,咁到底係救收視定怕搶收視?估唔到翡翠台930劇集時段會咁短命,不過套《蘭花劫》好好睇,成個故事都好好,而且三個女演員同其他配角我都好鍾意,演技又好,今晚嘅結局睇完都為江麗雅(田蕊妮)可憐,亦感到無奈,而畫質其實唔係太差,整體黎講我覺得係一個高水平嘅劇集,走日劇同美劇風格,只係有少少瑕疵,但不足以影響主線,呢套係繼《親親我好媽》之後一套好好睇嘅作品,亦係今年度第三部睇嘅tvb劇(全職沒女,親親我好媽,蘭花劫),套劇收視差都幾可惜,不過都無辦法,始終感覺係類似《別讓我走》咁樣,睇緊個時好抑鬱,心情鬱結。《京都奈良夢華錄》係項明生主持,viutv套《是日本人遊關西》好似都係項明生主持,不過我無睇,《京都奈良夢華錄》主要都係遊走啲廟宇度,以中國建築、歷史、文化等等嘅角度黎欣賞日本嘅建築,畢竟日本建築都被中國影響,對於對中國文化無興趣嘅人黎講係會悶度爆。關西的確係悶嘅,不過我之後執相,諗番其實都唔算太悶,搭過jr,見到田園風景,又浸溫泉,食綠茶雪糕,體驗過日本關西嘅文化,都算係可以啦!j2星期六個旅遊時段最好取消,依家完全唔好睇,某高層應該好好反思下,要製作好睇啲嘅旅遊節目,例如之前非常杜拜,情迷越南等等都好好睇,無橋嘅就辭職啦

發表於 Posted on: 2017-06-18 23:16

UIE1017
帖數 Posts: 1544
回頂端 / Top
回應:UIE1017

其實J5係4月未改革前,收視都唔見得好,係靠播翻抄劇有少少收視,而J5大陸台形象深入民心,要回復以往高清翡翠台收視根本無咩可能,所以TVB索性放棄J5,至於播日韓歐美綜藝資訊節目,目標觀眾好明顯係中產觀眾,定位同翡翠台,J2唔同,既搶唔到翡翠台收視之餘,仲可以吸納新觀眾,照計TVB高層原意係咁。翡翠台930劇集時段改返一至五晚係因為日日劇拖低晒930劇集時段劇集收視,照計TVB為廣告收入而還原,宜家改兩線劇,六日晚930劇集時段劇集收視唔妨好,不如索性改播高收視人氣日劇仲合符經濟效益,而一至五晚兩線劇主打自製劇,唔好再係黃金時段播大陸劇趕客。《蘭花劫》收視差係畫質差趕客,加上套劇係十年前作品,節奏慢令觀眾卻步,而我係酒樓電視望兩眼,一節都係同一畫面兩個人講嘢,真係好悶。《別讓我走》唔係一般主流作品,有科幻原素趕客唔奇,如果要用日劇例子做比較,好似《思戀哭泣》貼切d,睇完一樣好抑鬱。

另外聽完你咁講《京都奈良夢華錄》,我無咩興趣睇這類歷史交化節目,而日本古代建築的而且確受唐朝影響,而明治維新後受西方文化影響(日劇《謝謝款待》有提及過),而中國仲有保存的唐代建築已經無,所以要了解唐代建築要去日本睇。其實你去關西去邊度,大阪有環球影城,仲有商店街行下,剛剛我屋企人去完關西玩得好開心,買了好多嘢,仲話想去多次,其實點解你唔去東京,選擇去關西旅行。J2星期六個旅遊時段取唔取消真係唔知,始終宜家Running man加長令星期六日晚日劇時段唔同,對觀眾造成不便就一定要改。現時J2旅遊節目係外判,同以前個堆自製無得比,始終經費有限。

發表於 Posted on: 2017-06-23 15:42

吉成千奈美
帖數 Posts: 1659
回頂端 / Top
吉成千奈美
我覺得tvb都係摺左j5算,無謂浪費大氣電波,將條頻道俾其他電視台好過。收視差固然係930劇集時段改番一至五播嘅其中一個原因,不過另外一個原因可能係因為要播《踩過界》,依家播《賭城群英會》要到7月尾8月頭先完,但愛奇藝已經一早播緊《踩過界》,tvb應該係要顧及香港呢方面嘅利益而選擇改響六日晚播,不過我覺得咁樣搞法要播好耐,某啲星期六日好多時要播籌款節目,即係依家《踩過界》要播起碼14個星期,非常長,既然係咁,倒不如播20集以內嘅劇,甚至翻拍日韓劇,會比較好。講真,睇翡翠台就係為左睇tvb製作嘅劇,想睇大陸劇一早上網睇曬,我唔明點解要播大陸劇囉。《蘭花劫》始終要慢慢細味,單睇一兩節固然悶啦,因為完全唔知發生咩事。《思戀哭泣》其實都幾勁,有村架純、高良健吾、高畑充希、坂口健太郎、高橋一生、永野芽郁、芳根京子全部之後都演出晨間劇,唔知下個會唔會係森川葵、西島隆弘呢?《謝謝款待》睇到芽以子去左通天塔大阪屋企,比大家姐蝦,要煮西門家嘅味道,知道點煮昆布湯,唔知之後發展點呢?我就係去關西嘅京都奈良個邊,大阪去左道頓掘心齋橋,其實都係去行街,環球影城嫌門票貴所以無去,不過其實我打算上到大學搵到錢嗰時,要冬天去關西,《京都奈良夢華錄》拍嗰時應該係冬天,有雪蓋住廟嘅屋頂,真係好靚,所以一定要冬天去,仲要自己去,費事又去藥妝店行咁悶。東京其實我想去,不過嫌貴,我其實係搭jetstar,$9xx來回連稅,算係抵。

發表於 Posted on: 2017-06-23 16:50

UIE1017
帖數 Posts: 1544
回頂端 / Top
回應:UIE1017

講真TVB開J5係為了將高清翡翠台頻譜轉移去翡翠台度,先勉強答應廣管局要求減少高清翡翠台同翡翠台同步播放節目比例開新台,好明顯TVB開J5係要霸住頻譜但又唔肯播新節目,而浪費大氣電波最勁係港台,三條頻道得一條有嘢睇,不過好多重播,其實亞視仲一條頻譜係空,只係奇妙電視唔申請頻譜用,仲有宜家無晒人申請免費電視,頻道多又係無人用,衰d講J5有少少嘢睇都好過無。其實930劇集時段係為播《踩過界》先改番一至五播,即係臨時安排定永久改動,而《踩過界》係愛奇藝播緊,所以TVB覺得翡翠台播收視都唔妨好先安排六日晚播,原來係咁,仲有TVB覺得《賭城群英會》唔收得,放埋六日晚播仲拖低收視,因為《賭城群英會》已經被抽起過一次。講真TVB劇集集數長,咁播法其實幾趕客,仲有播20集以內嘅劇都成兩個月,仲要係六日晚播,唔妨有人睇。翻拍日韓劇唔細錢,仲要係六日晚收視咁差時段播有幾大經濟效益,所以預期係咁不如係該時段播日韓劇搶收視好過,集中資源落一至五兩線自製劇度,TVB係翡翠台7點已經有一段大陸劇時段,宜家間唔中播一兩套大陸劇落黃金時段,好明顯播大陸劇成本比自製劇平,宜家830套大陸劇收得,只會令TVB放更多大陸劇落黃金時段播。《蘭花劫》係十年前播可能會收得,只能怪TVB播錯時機。咁講法《思戀哭泣》套劇唔收得,但捧紅唔少新人都有少少貢獻,宜家富士好似幫日本藝能界培訓新人,無論台前幕後都係,森川葵、西島隆弘睇下之後有無機會接到好劇本再一爆而紅,即管睇下往後發展。原來《謝謝款待》宜家先做到芽以子嫁入去西門家俾大姑奶玩個集,如果做到芽以子係天災解救失去老公同個仔的女災民個集,記得通知我,因為個幾集無睇,想再睇翻。而芽以子跟師父學習大阪節儉態度個部分係幾好睇。唔怪得你去關西覺得悶,講真日本好多景點都要收門票,唔細錢都係行下食嘢,奈良係唔係有鹿餵,其實去道頓掘心齋橋都幾多嘢睇同買,而去日本玩最好都係儲存一筆錢去先好玩,東京多娛樂地方去,不過細費大,近排睇完《僱傭妻子》想去橫濱走一轉,宜家快運捷星做緊特價,睇下可唔可以搶到平機票,仲有你搭捷星日本去大阪$9xx來回連稅包唔包行李,如果行李要加錢搭印度航空仲抵,而時間係凌晨機去晚機返定點。

發表於 Posted on: 2017-06-23 20:11

吉成千奈美
帖數 Posts: 1659
回頂端 / Top
回應:吉成
中國係有唐朝建築,只不過要去西安睇先有
其實奇妙電視一早就講過,佢根本沒心搞免費電視,所以連大氣廣播都唔想申請,還有HKEPC有個叫做cpk的會員把口真係好毒,奇妙電視網上直播沒提供和新聞時段直播就話吳天海賤,仲詛咒奇妙快D收台,佢唔中意奇妙電視節目編排咪算咯,仲咩要扯到吳天海果度,咁TVB日日播陸劇陸綜,咁係唔係話埋TVB高層賤?
「宜家830套大陸劇收得,只會令TVB放更多大陸劇落黃金時段播」,估計只會放7點,因為今次係要紀念香港迴歸20週年先上兩套陸劇(可以參考播三生三世十里桃花之前的過場預告),不過相對於TVB,另外幾間免費電視就沒TVB及大陸電視台咁積極(傳聞廣電總局要各衛視係香港迴歸20年期間播政治任務劇),而ViuTV最多都係播國產動畫當攝期用,因為果幾套國產動畫聽動畫迷講基本沒玩具商支持
BTW,TVB應該唔會取消播台劇,因為取消左就要用陸劇來填檔

發表於 Posted on: 2017-06-25 20:12

煲劇
帖數 Posts: 78
回頂端 / Top