tvb.com

 
 
tvb.com
 

TVB日劇討論

回應:UIE1017

最近富士已經公佈下年春季月九《信用詐欺師》,由長澤雅美主演,其餘陣容有東出昌大,小日向文世,劇本由古澤良太擔任,證明下季月九《海月姬》唔係富士重點劇,無理由咁快公佈春季月九,影響宣傳下季月九,《海月姬》收視好大機會同去年由西奈麻里亞主演的《不好意思,我們明天要結婚》破月九新低。講真今季以超豪華卡士搭配的《民眾之敵》最新個集跌到得5點,更何況這套卡士弱到爆的月九會收得,芳根京子主演晨間劇會高收,唔代表民營台會收得,始終兩者觀眾唔同。

火九今年頭兩套收視都有雙位數,係夏季開始整衰了,本身《Final Cut》主演係草剪剛,係草剪剛離開尊尼先換角,其實龜梨和也主演日劇收視麻麻,不過這套劇勝在卡士夠,栗山千明,藤木直人,橋本環奈,復仇劇加上有一定卡士照計吸引到觀眾。木十《鄰居家的月亮特別圓》題材又唔似係沈重個類家庭劇,編劇編嘅劇本都近係韓式狗血劇,日本觀眾受唔受就唔知。另外富士係網頁請近新人,證明富士開始改革,唔知這次改革會唔會好似90年代咁成功做得起。

TBS火十有一班慣性觀眾,只要故事唔好似《四重奏》同《監獄公主》咁異類,
收視應該有9-11點,更何況《你已藏在我心底》係《其實並不在乎你》幕後班底製作,應該有一定收視保證。其實點睇向井理人氣都高過吉岡里帆,點睇都應該罷向井理主演,吉岡里帆難擔收視。

金十《Unnatural》係法醫類型劇集,這類劇集多數都係採取單元式一集一單case編法,不過今次係野木亞紀子原創劇本,以往佢寫d劇都有愛情線,唔知石原聰美,窪田正孝同井浦新會唔會有三角戀,尤其係這類法醫類型劇集係日本拍得多,再用以往手法會唔會太無新意。《0.1無罪真相2》實有高收視,睇過第一輯,其實這套劇似《律政英雄2》風格律政劇,再加推理原素,日本觀眾一定會受落,尤其係第一輯有好多日式笑話,不過擔心今輯換女主角影響劇情發展同本身風格。

發表於 Posted on: 2017-12-15 19:07

吉成千奈美
帖數 Posts: 1771
回頂端 / Top
其實阪元裕二近年編嘅劇收視差,真係唔明仲有電視台肯請佢寫劇本,廣瀨鈴肯接拍,唔怕收視差拉低人氣,NTV今季水十劇《太太 請小心輕放》收視唔錯,有傅開續集或電影版,下季收視插水,變相整弱水十檔,NTV今次好似捉蟲。反而土十《滅息之冬》放係水十播,收視應該仲好,查案劇+卡士唔錯應該會吸引到唔少觀眾,放土十播收視會有影響。日十《決定性的接吻》係山崎賢人主演,山崎賢人剛剛拍完《陸王》咁快接新劇,不過佢主演收視麻麻,至於拍唔拍到美劇風好睇日本觀眾反應,講真日本唔係拍唔到,係日本觀眾唔受。

朝日木九《BG~身邊保護人》都係抱觀望態度,木村拓哉主演日劇成日因卡士太強大而影響每個人戲份,仲有今時今日都未公佈女主角人選,至於動作場面好睇就唔好期待,睇完第一集《女醫神Doctor X5》大門攀爬的CG幾渣,唔覺朝日會細好多錢係動作場面,所以這套故事唔得,收視實插水。金十一有《Holiday Love》卡士咁弱,又唔係日本人鍾意題材,唔多睇好。提外話仲里依紗好似老了好多,近排睇《黑色筆記本》見到佢個樣成30歲,土十一《更喜歡明天的你》收視唔妨,見今季《成人高校》收視係點就知,唯有寄望森川葵同志田未來演同性戀者可以引起話題。

好老實講TVB實會買晒TBS劇,《你已藏在我心底》同《0.1無罪真相2》係必買,《Unnatural》就好難講,因為TVB已經兩年無買冬季金曜劇,不過《Unnatural》有野木亞紀子+石原聰美,照計應該好大機會買,始終myTV Super都要有緊貼日劇。

《海月姬》九成都係Now買,Now今季差唔多買晒富士月九咁濟,除非《海月姬》有尊尼演員演出,唔係都係Now播多。而火九《Final Cut》有尊尼演員演出唔買得,所以好大機會要這套《鄰居家的月亮特別圓》,《Holiday Love》卡士太弱唔要,《更喜歡明天的你》有同性戀合符Now買手口味。

另外有線劇集台係2018年新增兩線劇專播日劇,1月會播木村拓哉主演的舊日劇《律政英雄2》同《櫻子小姐的腳下埋著屍體》,如果朝日無放《BG~身邊保護人》緊貼權,TVB見收視唔對路放棄唔買,有線可能會買。仲有《刑事弓神》好大機會係下年有線劇集台播放,因為去年富士日劇得翻幾套未有台買。

發表於 Posted on: 2017-12-15 20:52

吉成千奈美
帖數 Posts: 1771
回頂端 / Top
回應UIE1017

myTV Super日劇台係下年1月開始得返三套首播日劇,TVB愈來愈慳錢,星期一同五走去重播舊劇《求婚大作戰》同《同一屋簷下1,2》,仲要一星期播一集,三套首播日劇有一套仲要係深夜劇,咁搞法仲衰過以前劇集台播日劇,一星期播兩套首播日劇,每次播放兩集模式,平時一至五先會重播日劇。

照計TVB下年唔買得多日劇,睇個勢都係得堆TBS日劇。J2 2月接檔劇有一套係《0.1無罪真相2》,接《陸王》後播機會大,因為《0.1無罪真相2》無得係網上直播同重溫,台灣緯來日本台已經宣佈會緊貼播,即係證明可以賣緊貼播放權。另外《雙面醫生2》一直唔放上日劇台,J2 2月播已經變舊劇,真係唔明TVB想咩。

仲有接照J2去年播日劇準則,多數都係播一新一舊日劇模式,星期六晚應該係死檔,時段唔好收視差,加上J2周不時要直播外國馬會停播原有日劇,所以播d舊日劇或收視差日劇頂期,睇下J2會唔會趁淡季清埋去年無播的《有喜歡的人》,而另一套好大機會係《其實我不太愛你》。而J2星期六朝早日劇時段下星期重播電影,要等下星期先知上咩新劇,好老實講J2都無咩播過日劇可以重播,所以下套應該係免費台未播過。

發表於 Posted on: 2017-12-23 18:53

吉成千奈美
帖數 Posts: 1771
回頂端 / Top
回應:UIE1017

J2係下星期六朝早日劇時段重播去年播過的《逆齡初戀》,睇怕朝早日劇時段都係重播劇檔,唔會有首播日劇,其實《0.1無罪真相2》係2月首播,照計應該要係J2重播《0.1無罪真相》做勢先正常,因此J2係2月緊貼日本播放《0.1無罪真相2》機會唔大,會唔會係J2打算係2月播舊日劇《有喜歡的人》,無理由會係朝早重播桐谷美玲舊劇,加上《陸王》有山崎賢人。

另外J2星期六日晚節目大變動,星期六晚日劇時段提前至10:35播放,唔知有無機會將星期六晚日劇時段改為兩小時,10:35時段播放原有J2日劇,11:35時段播放《女醫神Doctor X》系列,咁就唔細成日因要播放《女醫神Doctor X》間接令J2播少其他日劇,仲有星期六間唔中跑馬要停播當晚節目。

而J2星期日晚7:00-8:00節目點睇都似係臨時節目安排,如果將星期六日晚8:30-9:00自製節目改為星期日晚7:00-8:00時段播放,咁就可以執靚J2星期六日晚節目表,所以J2係2月先至出到個新節目表。

發表於 Posted on: 2017-12-30 18:18

吉成千奈美
帖數 Posts: 1771
回頂端 / Top
2017年完結,又係時候有一個我自己睇嘅日劇排名。

2017年日劇:
1. 四重奏
2. 其實並不在乎你
3. 視覺偵探 日暮旅人
4. 過保護的加穗子
5. 反轉
6. 伊藤君A to E
7. 成為母親
8. 東京傷感故事2017特別篇
9. 只是先出生的你
10. 瑟西爾的企圖
11. 戀愛香港
12. 不好意思,我們明天要結婚
13. 偵探少女有紗的事件簿

其他年嘅日劇:
1. 緊急救命2
2. 逃避雖可恥但有用
3. 交響情人夢特別篇
4. 交響情人夢
5. 緊急救命特別篇
6. 緊急救命
7. 女醫神Doctor X 4
8. 深夜食堂3
9. 熱血水球青年
10. 女醫神Doctor X最強反擊
11. 櫻坂近邊物語
12. 我的生命
13. 精靈守護者
14. 貓侍
15. 貓侍2
16. 戀仲
17. 請讓我稱呼岳父大人
18. 我想自己無法遇上命運般的戀愛
19. 青之炎
20. 有喜歡的人
21. MARS~只是單單愛著你
22. 貓侍前傳
23. 叡古教授之事件簿
24. AKB戀工場
25. 黑色福音

仍然未睇曬嘅劇集:
緊急救命3(第6集)
產科醫鴻鳥2(第5集)
當家姊姊(第41集)
家族的形式(第3集)
無間雙龍(第2集)
遺憾的丈夫(第7集)
錢的戰爭(第1集)
幽靈女友(第2集)

發表於 Posted on: 2018-01-02 1:59

UIE1017
帖數 Posts: 1570
回頂端 / Top
儘量避免劇透嘅感想
視覺偵探 日暮旅人:純粹因為特別篇好睇而想睇,開頭覺得無咩特別,但發展落去先知係主角復仇,相比起查案,復仇同主角過去好似先係主線,而且開頭大部分案件都為復仇舖定劇情,唔使做到單元劇咁都已經可以叫做好好。
過保護的加穗子:套劇比較搞笑,雖然支線細節未能做好,但主線我覺得好好睇,而且我係一日內睇曬8集,可想而知套劇係真係好睇先可以不斷睇。高畑充希好戲唔使講,其他演員例如黑木瞳等等都好好,選角方面我覺得幾好。
反轉:我覺得開頭幾好睇,後段ok,唯獨是中段節奏減慢,有啲悶,而且好多野響後段突然爆出黎,突兀左少少,我覺得可以拍11集,或者加快中段節奏,解釋番後面嘅劇情會比較好。
伊藤君A to E:其實故事唔完整,純粹係電影嘅前傳,好難有感想,不過我覺得拍攝手法都ok特別,比較耳目一新囉
東京傷感故事2017特別篇:原來viutv播嘅係今年年頭嘅特別篇,我以為係最早嘅特別篇,唔知viutv遲下會唔會播呢?我覺得套劇雖然平淡,但意外地我被個劇情吸引,就算viutv唔播我都會上網睇。
只是先出生的你:感覺無咩特別,中段有兩三集係好睇,但其他都好悶,而且多部未華子係套劇可有可無,實在太令人失望。
不好意思,我們明天要結婚:我覺得開頭中規中矩,但都仍然吸引到我睇,唔知係唔係因為收視差,中段開始拖戲,越黎越悶,後段劇情已經係意料之內,甚至唔知由第幾集開始連op都無,只能夠話浪費左個故事。
緊急救命:第一輯我覺得唔算太特別,勝在急救場面緊湊,sp我覺得都好睇,睇到實習生嘅成長,第二輯就更加好睇,每個急救偶爾會講下少少人性,唔會好突兀,而係非常自然,能夠俾人反思空間。正因如此,第三輯劇情係無野嘅,但相比起之前幾輯實在差好多,無code blue嘅感覺。
櫻坂近邊物語:單靠對話好難吸引人睇,但呢套劇單靠車上嘅對話都已經好搞笑,而且每個故事幾得意,或者呢個係笨蛋主義嘅風格掛?
戀仲:我覺得開頭劇情ok,啲人話中段拖戲,但我又唔覺,反而中段好睇過頭同尾,尾講結婚個段簡直係最悶,福士蒼汰角色嘅演講更加令人想訓,可能係編劇功力唔夠掛!
有喜歡的人:翻版《戀仲》,兩套其實睇一套已經夠,但我推薦《戀仲》多啲,呢套就真係拖戲拖得好緊要,開頭兩三集係好睇嘅,但之後我覺得其實3-4集已經可以講完,拖足咁多集都真係悶到不得了。

發表於 Posted on: 2018-01-02 1:59

UIE1017
帖數 Posts: 1570
回頂端 / Top
AKB戀工場:大部分故事都比較無厘頭,唯獨有3個故事令我印象深刻,就係相睇、摩天輪同鬼呢3個故事,尤其是相睇呢個故事超搞笑,真係估唔到。至於得獎嘅渡邊麻友嘅故事,我完全唔覺有咩地方比其他故事優秀。

發表於 Posted on: 2018-01-02 2:00

UIE1017
帖數 Posts: 1570
回頂端 / Top
回應:UIE1017

點解你的2017年日劇排名無《Crisis》,《HELLO!刺蝟偵探》,《寵物情人》,《緊急救命3》,仲有秋季日劇《陸王》同《女醫神Doctor X5》有無睇,《黑色筆記本》播了一半,劇情都ok,武井咲係這套劇演技唔錯,唔知你有無睇。

《四重奏》真係咁好睇可以排第一,聽d講套劇節奏好慢同悶,《逆轉真相》其實幾好睇,劇情吸引到你想繼續追下集,中段節奏慢係要講每人故事,既要抒情,又要慢慢透露條線索,編劇想營造套劇有懸疑同人性,事實上這套唔係單純推理懸疑劇,仲有討論人性。老實講套劇主線唔係結果,重要係解開四個人的心結。

《東京傷感故事特別篇》其實劇情都吸引,無睇連續劇版,唔知係唔係一貫方式主角永遠失敗收場,不過透過阿仔結婚識單身女人故事幾特意,每次單身女人都係討論兩個年輕的感情事,但主角成日幻想同對方發展,唔知Viu TV會唔會播埋連續劇版。

《緊急救命3》其實幾好睇,我無睇一兩輯,所以當新劇去評論,其實以醫療劇有大製作救援場景,仲有實習生,天才鋼琴家,換心臟等多線發展,比起一般醫療劇單元式吸引,仲有卡士都豪華,如果無本身《緊急救命》感覺,即係好似《律政英雄2》翻抄第一輯情節就叫好,新一輯換風格點都好過《女醫神Doctor X5》集集差唔多,了無新意先。

《戀仲》同《有喜歡的人》都無睇過,但你話兩套劇情差唔多,睇一套就夠。《有喜歡的人》真係咁差,聽d人講《有喜歡的人》劇情輕鬆d,仲有這類愛情劇都係睇人多,真係唔明J2咁耐都未播,走去播《無敵律師》,個套《無敵律師》得頭3集好睇,之後劇情重複又重複,《只是先出生的你》出自同一編劇,一早預了唔好睇。

發表於 Posted on: 2018-01-02 20:05

吉成千奈美
帖數 Posts: 1771
回頂端 / Top
AKB戀工場係去年睇,無記錯Viu TV仲有8集無播,其實好多故事都受於每集長度有頭無尾,有d真係幾無聊,最好睇係Back to…LOVE,返過去鼓勵過去自己表白求愛,從而改變歷史,男主角做醫生救返自己,故事完整又特別。相睇、摩天輪個兩集都大概估到發展,不過勝在估字,鬼個集其實ok。

而得獎嘅渡邊麻友嘅故事老實講其實真係幾差,不過這d咁的選舉又係鬥人氣成員人氣,唔係真係比故事, 始終得獎成員可以擔正拍新劇。

發表於 Posted on: 2018-01-09 20:00

吉成千奈美
帖數 Posts: 1771
回頂端 / Top
回應:UIE1017

Viu TV係2月24日播放《刑事弓神》接《黑色筆記本》,《刑事弓神》係Viu apps無播放,反而放係Viu TV播放,唔知係唔係Now無買緊貼播放權,等日本播完先買,點解唔播卡士唔錯的月九劇《民眾之敵》, Now劇集台係今年開始播勁多日劇,唔知Viu TV幾時開新時段重播這堆日劇。

另外myTV Super日劇台緊貼播放石原聰美主演的《Unnatural》同《重啟人生》,《你已藏在我心底》無得緊貼播放,會唔會同《0.1無罪真相2》改去J2首播,《雙面醫生2》一直無放日劇台播,真係唔知這套劇有咩問題。照計TVB真係得堆TBS日劇,其他台日劇好似無咩,如果唔係細咩重播舊劇。

發表於 Posted on: 2018-01-09 20:51

吉成千奈美
帖數 Posts: 1771
回頂端 / Top
吉成千奈美
《滅息的冬天》感覺唔係一般查案劇,似係走《視覺偵探 日暮旅人》有連續劇情嘅路線,加上好似幾得意,就算故事內容差,但勝在娛樂性夠高。《花樣男子》有傳係由杉咲花主演,不過暫時都未經證實。《去吧!啦啦兵團》票房一般,但都有迴響,不過最近公布由土屋太鳳主演套劇,相信係為捧土屋太鳳而拍。《anone》個名其實係日文,但都睇唔透到底同故事有咩關連,有人話套劇好有坂元裕二感覺,所以如果本身唔睇開坂元裕二嘅作品嘅人未必有興趣,不過套劇開播收視比我想像中高。《Unnatural》播第一集啲人話麻麻地,唔係太多法醫場景。《信用詐欺師》感覺幾好睇,我覺得係下季必睇劇,《海月姬》我睇過預告覺得唔錯,似係輕鬆搞笑路線,不過收視唔係太明朗就真嘅,畢竟今季劇集期待度呢套劇係排包尾。芳根京子套晨間劇已經唔係好高收視,只係叫合格,不過佢響套劇演宅女都幾襯。《Final Cut》我以為會高啲,但得7.2%又真係估唔到。石原聰美,窪田正孝同井浦新肯定唔會有三角戀,因為本身石原聰美本身套劇已經設定左有男朋友,再者,套劇如果真係搞三角戀就已經唔係法醫劇,可以唔需要睇咁濟。我覺得木村文乃演技有一定水平,相信佢應該可以應付到《0.1無罪真相2》嘅角色。坂元裕二雖然收視差,但有迴響,點都好過收視差而無迴響嘅。《太太,小心輕放》已經唔係有傳開電影版,係肯定開電影版。《滅息之冬》走合家歡路線,點睇都係擺土十好啲啦!《決定性的接吻》睇過第一集,我覺得唔錯,吸引到我繼續追睇落去,不過第一集已經有咁多次時間跳躍,剩低9集會唔會減少時間跳躍次數,導致劇本質素下降呢?《BG~身邊保護人》唔知點解有種厭倦感覺,我覺得收視唔會好得去邊。《Holiday Love》講正室向外遇反擊,我覺得點都吸引到觀眾嘅,呢類正義必勝劇應該吸引到觀眾睇。我發覺now買嘅月九全部都收視差,如果真係now買,咁《海月姬》收視一定好差。《有喜歡的人》睇怕唔會播,有咩理由響冬天播夏天愛情劇。

發表於 Posted on: 2018-01-14 19:13

UIE1017
帖數 Posts: 1570
回頂端 / Top
我2017年日劇排名無《Crisis》,《HELLO!刺蝟偵探》同《寵物情人》係因為我未睇囉!《緊急救命3》最近睇完,我建議都係睇番頭兩輯會比較好。《四重奏》好唔好睇真係因人而異,對金句有共鳴會覺得好睇,無共鳴會覺得唔好睇,而我本身唔係有太多共鳴,但我欣賞套劇嘅主要劇情,走向係估唔到,而且我亦好鍾意套劇嘅小提琴音樂,能夠帶出套劇當時嘅氣氛,所以撇除金句部分,我覺得套劇值得排第一。就算《緊急救命3》當新劇睇都唔合格,套劇叫得做緊急救命,就應該主要講緊急救命嘅情節,角色故事唔係唔可以講,但要係副線,而家套劇本末倒置,除左第一集同大結局,其他集數緊急救命場景不足,以致離題,加上角色故事描寫不足,就算當新劇,整體黎講係唔合格。天才鋼琴家嘅部分我覺得hea左啲,個鋼琴家因為新海醫生嘅說話而突然選擇要繼續努力彈琴,實在係太低說服力,換心臟拖得好緊要,而且唔合理,個細路覺得爸爸因為經常留意小朋友死亡而選擇了結自己生命,希望令爸爸變番以前咁樣,但其實如果佢接受左個心臟,爸爸都已經唔會留意小朋友死亡,已經可以令爸爸變番以前咁樣,可能會話手術失敗,但依家係21世紀,醫學昌明,換心臟咁大件事點都會檢查清楚有無排斥,手術失敗可能性極低。再者,我認為就算個細路死左都無補於事,爸爸一路等適合心臟,如果唔換,爸爸會因為個細路嘅死而傷心,畢竟係自己親生骨肉,仲點會變番以前嘅樣,麻煩個編劇思考下個合理度先寫啊!翻炒第一輯唔係話一定好,但如果搞到不倫不類,寧願翻炒第一輯,點都好過另闢蹊徑。《有喜歡的人》開頭係輕鬆嘅,之後就唔係囉!Back to…LOVE我反而覺得故事麻麻,太過平鋪直敘,無咩起伏點,娛樂性亦都不足。其實日劇台唔夠日劇最主要原因我覺得係因為大部分劇都擺響j2首播,加上要同now同有線搶,ntv劇集又唔播得,咁日劇台仲可以播咩姐。

發表於 Posted on: 2018-01-14 19:13

UIE1017
帖數 Posts: 1570
回頂端 / Top
另外最近有套《電影少女》口碑唔錯,tvb可以考慮下買喎!

發表於 Posted on: 2018-01-14 19:16

UIE1017
帖數 Posts: 1570
回頂端 / Top
《海月姬》雖然係日本觀眾同海外觀眾嘅期待度最低嘅劇,但其實呢套劇我覺得係今季我期待度算係最高嘅劇,睇左第一集,我覺得儘管係一套超似ntv土十嘅月九劇,但其實好好睇,節奏爽快,角色形象突出,容易入口,而且娛樂性豐富,笑點足夠,片頭曲同主題曲亦同套劇好夾,唯一挑剔嘅地方係最上moga1分鐘都唔夠嘅客串睇唔到對劇情有咩作用。我應該係第一次睇芳根京子做戲,我覺得佢做得幾好,瀨戶康史演男扮女裝都唔錯,工藤阿須加雖然戲份唔算特別多,但都突出到個人物嘅特點,其他宅女都算係唔錯,反而比較好奇個BL漫畫家會係邊個演,

發表於 Posted on: 2018-01-16 6:14

UIE1017
帖數 Posts: 1570
回頂端 / Top
回應:UIE1017

《滅息的冬天》首集收視有13.3,NTV自從改了土十檔以來開播收視最好,唔知係唔係查案劇有一定觀眾支持,其實查案劇都係偏向單元式,多數一集一單case,根本好難做連續劇,除非一次過出現幾單案,之後每集講每單案少少,咁就可以做到連續劇,唔細單元,不過咁拍法劇情會唔會好亂。《視覺偵探 日暮旅人》未睇過,點連續劇情法,真係唔知。《花樣男子》女角邊個做根本唔重要,主要都係男角選角至為重要,其實重拍版最大問題係同前作比較,一切都係等正式公佈為準。《去吧!啦啦兵團》已經公佈係7月金曜檔期播放,照計為捧土屋太鳳而拍,正常放春季同秋季檔期播放,始終夏季係炮灰檔期,況且土屋太鳳唔係拍完晨間劇已經好紅。《anone》第二集急跌至7.2,照咁睇第一集收視高都係靠卡士同水十本身慣性收視,而套劇好有坂元裕二感覺,就一定趕客,照咁落去好快破水十劇新低,真係唔明廣瀨鈴會接拍這套。《Unnatural》首集有12.7收視,以金曜劇收視算超高,而係日本播出後反應正面話套劇學到嘢,要睇下第二集收視先知真實情況,如果收視好,斷估又會Season化。《信用詐欺師》好似原創,題材好睇都要睇故事發展,仲有長澤直美主演,收視唔多樂觀。《海月姬》係少女漫畫改篇,走翻輕鬆搞笑路線都係正路,而今季劇集期待度排包尾同主演卡士弱,仲有之前已推出電影,觀眾會同電影比較,唔睇好都正常。首集收視8.6,以這個深夜卡士陣容已經算唔錯,芳根京子首次主演月九唔細破月九開播新低記錄,播出後都係持好評,希望下集繼續維持到就唔錯。龜梨和也主演日劇收視一直低開,加上上兩套火九劇收視差,《Final Cut》首集得7.3係預期之內,睇怕連有卡士的復仇劇都救唔到火九。其實石原聰美本身套劇已經設定左有男朋友,都唔代表唔可以無感情線,大可以學《Hero 2》玩曖昧。唔係木村文乃演技有水平就可以做到第一輯同劇演員營造的點契,仲有要重新配合都要睇觀眾接唔接受。坂元裕二作品收視差,有迴響無廣告支持,電視台點維皮,加上電視台播完佢d劇就整死個時段,富士木十,月九檔已經係人板。

發表於 Posted on: 2018-01-19 20:33

吉成千奈美
帖數 Posts: 1771
回頂端 / Top
《太太,小心輕放》其實開拍續篇仲好過電影,始終NTV電視劇係海外又無當地電視台播放,係海外上映都難吸客。土十檔收視差,《滅息之冬》放水十收視可能仲好,反而《anone》放水十定土十收視都差唔多。《決定性的接吻》首集收視得7.2,第二集已跌至6.5,係唔係同你所講多次時間跳躍令劇情好亂,觀眾睇唔明趕客。講真木村拓哉近年拍d劇本都爛,唔期待都正常,不過《BG~身邊保護人》首集收視15.7,成為今季日劇收視之冠,證明木村拓哉仲有號召力,下星期個集保唔保持到先證明套劇質素。《Holiday Love》劇情十足十《掠奪的愛、冬》,睇翻《掠奪的愛、冬》收視都麻麻,唔似吸引到觀眾。好老實講富士月九自2016年起《思戀哭泣》後,之後都無一套月九收視平均有雙位數,一套月九比一套月九收視差,直至去年夏季推出《緊急救命3》先有高收視,所以Now買月九全部都收視差係差,應該係月九劇套套都收視差,事實上富士三檔劇都收視差,月九係咁多檔算最高,好似《海月姬》咁的深夜劇卡士都有8.6,證明月九有一班觀眾支持。《有喜歡的人》係巡禮有提,係J2播就一定播,照計唔會放黃金時段播咁解,星期六朝早日劇時段播又得,再唔係放暑假夜馬真空時段播,而J2係2月開始播新劇,撞正情人節,照計點都要上一套愛情劇應節,TVB近年真係無咩買愛情劇,唔播這套仲可以播邊套應節。

發表於 Posted on: 2018-01-19 20:33

吉成千奈美
帖數 Posts: 1771
回頂端 / Top
講過對於2017日劇嘅睇法,差啲唔記得仲有睇過日本電影。
《舞吧!昴》我覺得比較悶,唔係有太多亮點,其實唔係好明點解tvb會買。
《我想吃掉你的胰臟》超好睇,細膩而感人,結局更加係令套電影昇華,得閒要睇番小說版。
《22年後的告白:我是殺人犯》都ok,原來套電影係翻拍韓國電影,不過我無睇過韓國版。從故事上黎睇我覺得唔錯,唔算多驚喜,但勝在劇情緊湊,會投入到個故事,角色嘅心理變化亦做得唔錯。
《寵愛情人夢》係2013電影,其實都唔知點解會揀黎睇,唔知點解突然諗到個電影就去睇。純愛故事一般黎講都係個類套路,呢套電影其實都算易估,因為故事當中不斷有唔同嘅提示,就咁睇似乎無咩特別,但係結局有樣嘢實在係估唔到,令成件事變得好浪漫,而且呼應番前段劇情。
睇番我嘅睇法,其實寫得好空泛。《寵愛情人夢》被有線買左,tvb買唔到,不過希望tvb可以買《我想吃掉你的胰臟》同《22年後的告白:我是殺人犯》啦,等大家可以係度討論電影劇情,唔駛擔心雷唔雷嘅問題。

發表於 Posted on: 2018-01-22 7:02

UIE1017
帖數 Posts: 1570
回頂端 / Top
回應:UIE1017

《海月姬》第二集急跌至6.9,睇來單靠第一集好評都唔可以留住收視,始終電視觀眾同網上好評係兩回事,睇怕《海月姬》往後收視都唔樂觀,其實這套劇係係日本觀眾期待度最低嘅劇都無錯,連富士自己本身唔睇好,上這套劇都係頂空檔期,芳根京子主演今季月九都係靠經理人公司安排,篠原涼子肯主演上季月九傳聞原來係真。

原來Viu今日已經更新至《海月姬》第二集,仲有另一套富士日劇《鄰居家的月亮比較圓》點播,真係俾我估中基本上大部分富士日劇都係Now度。你咁快已經睇了《海月姬》第一集,平時你唔係等套劇出到兩三集先追,證明你對這套劇好有趣。聽你咁講《海月姬》似NTV土十,係唔係拍到d角色卡通化,以動畫誇張化演繹,其實你講到套劇有讚無彈,照計應該幾好睇。好老實講今次這套劇都係以年輕演員為主,可能無前輩係度無壓力下會有較好發揮,套劇仲有一個宅女松井玲奈由偶像組合今次演出都受到好評。唔知Viu TV播完《刑事弓神》後會唔會播放。

發表於 Posted on: 2018-01-23 23:11

吉成千奈美
帖數 Posts: 1771
回頂端 / Top
回應:UIE1017

其實J2無固定電影時段播放,所以一年播得幾多套日本電影,最多未係農曆新年長假播下幾套,又或者好似今年除夕凌晨深夜,下午播放,不過免費電視台播放電影真係未必留到觀眾,始終上網又或者一早入戲院睇了,最多都係有配音先吸引到人睇,但電影播放時間長,所以最好放六日下午或凌晨播放。

《舞吧!昴》係英皇有份投資,所以TVB先買來播,睇套電影演出演員都好國際化,唔係純日本電影,《我想吃掉你的胰臟》照計屬M級類別,黃金時段唔可以出街,好似去年年尾凌晨播放寄生獸,寄生獸完結編一樣。《寵愛情人夢》這類愛情小品主要靠卡士取勝,其實這類小品拍得輕鬆浪漫有趣就可以。

事實上《寵愛情人夢》俾有線買左,都唔代表TVB唔可以買,寄生獸,寄生獸完結編都係有線之前買了,證明TVB可以重買版權,最好係農曆新年放J2播放,至於《我想吃掉你的胰臟》同《22年後的告白:我是殺人犯》係香港上完無幾耐,片商點會咁快賣版權俾電視台,仲有TVB無收費電影台,唔會夠其餘兩間收費電影台鬥。

發表於 Posted on: 2018-01-25 20:46

吉成千奈美
帖數 Posts: 1771
回頂端 / Top
回應:UIE1017

其實你可唔可以再重新執過日劇排行榜,好似將單集SP同連續劇放埋一齊做比較,有欠公平性,應該分開比較。你仲未睇《Crisis》唔緊要,Viu TV係農曆年年初一二凌晨連續播五集,可以一次過補翻。《HELLO!刺蝟偵探》其實一般,得四五集趕鬼好睇,都係動漫式輕鬆搞笑類,睇又得唔睇都無所謂的一套劇。《寵物情人》係中段勁拖戲,係開頭同尾先好睇。而2017年最佳日劇係《陸王》莫屬,未睇這套劇前,真係無興趣睇,唔係J2播放,就差過一套好劇。本身以為商戰劇,後來睇睇下被劇情吸引,係一套勵志熱血劇集,唔係商戰,反而《女醫神Doctor X5》真係可以唔睇都得,劇情走向同前四輯走向一式一樣,副線醫療鬥爭基本上無,只係走單元故事,集與集之間無關連,睇了9集,只係一般醫療劇,單看劇情,仲差過《緊急救命3》。

《緊急救命3》劇情質素就算真係差過頭兩輯都好,但係日本人心目中2017年日劇排名仍然排第五,證明《緊急救命3》仍有吸引地方,如果唔係係收視差的富士播,都成為當季收視冠軍。《四重奏》這類少眾劇難入口,始終唔係個個頂得順節奏慢的風格,有共鳴會好鍾意,但套劇本身收視排榜首有d講唔過。況且你都係欣賞套劇嘅小提琴音樂營造氣氛,同本身劇本故事無關,應該係幕後工作人員的功勞。

《緊急救命3》當新劇睇都ok,起碼故事每集之間有連貫性,唔會似一般醫療劇單元式,以醫療日劇來計這套劇鋪排相對其他單元醫療劇算創新,總好過睇每集差唔多劇情的《女醫神Doctor X5》,其實《緊急救命3》太多支線,以致角色故事描寫不足,都係這套劇本身問題,不過作為第一套以這種方式描寫醫療劇,總算叫有突破。老實講以富士財政狀況,要集集拍緊急救命場景,根本無可能,編劇唯有用文戲補救。套劇每集都有唔同主題,都有深度,天才鋼琴家個段收尾太趕,灰谷個段解開心結又經白石講一兩句話就克服度,換心臟個段真係幾拖,個細路覺得作為醫生的爸爸因為自己會留意小朋友死亡新聞,有違醫生救人本質,所以未拒絕換心臟,唔係怕手術失敗,之後好似個細路爸爸迫佢做手術,話由佢承擔解開心結,所以都唔係完全講唔通。翻炒第一輯俾人話了無新鮮,唔通好似《女醫神Doctor X》翻炒又翻炒就叫好劇,另闢蹊徑都起碼俾觀眾睇到有誠意同心思去作。

發表於 Posted on: 2018-01-29 23:52

吉成千奈美
帖數 Posts: 1771
回頂端 / Top
《有喜歡的人》之後劇情唔輕鬆,係唔係變得好沈重。Back to…LOVE起碼可以完整交代個故事,好過有d故事有頭無尾。其實有集故事講一個本身無男朋友的女仔得到個朋友幫助,教她著衫同扮靚,之後搶埋佢男朋友,點知原來個女仔鍾意朋友,咁仲有娛樂性同夠爆。其實日劇台可以買返d未有香港電視台購買的日劇播,係TVB唔係俾錢買,其實俾J2首播堆日劇都係日劇台唔播得,《女醫神Doctor X5》放J2首播真係奇怪,而《雙面醫生2》又唔放日劇台首播,播埋晒d短劇,Now都係得堆富士同朝日日劇,都可以一星期有3-4套首播日劇,Viu TV都一樣有首播日劇,點解TVB會唔得,好似今季朝日兩套劇都未有電視台買,TVB有心播就買埋播,好明顯TVB慳錢。

發表於 Posted on: 2018-01-29 23:52

吉成千奈美
帖數 Posts: 1771
回頂端 / Top
吉成千奈美
《滅息的冬天》我想睇,但無時間睇住,不過據聞話劇情超垃圾,搞到我突然唔係幾想睇。《視覺偵探 日暮旅人》主線總之算係復仇,劇情留番你上網睇先講啦!《花樣男子》唔會翻拍,但會拍《花過天晴》,難怪作者會否認翻拍《花樣男子》,因為係拍續篇。《anone》啲人話超難入口,睇唔明,廣瀨鈴戲份超少,照咁睇可能會跌落5%,同月九鬥低。《Unnatural》估唔到口碑幾好,啲人話野木亞紀子原創嘅劇意外地唔錯,睇黎野木亞紀子應該響改編劇中吸收經驗,繼而響原創劇中有所進步,呢類編劇我好欣賞。下季公布左《信用詐欺師》,《花過天晴》,《正義檢事》,《Miss Devil》同《懸崖邊的酒店》,除左《信用詐欺師》之外,其他都唔係太吸引。《海月姬》睇到第三集都仲係咁好睇,收視低左啲真係太可惜。下季火九有傳由坂口健太郎主演《解碼追兇》,唔知質素點呢?如果套劇本身唔係愛情劇而走去搞曖昧三角戀,咁呢套劇嘅可觀性會變得極低,已經可以歸類為垃圾劇,除非愛情線對主線影響好大,咁又唔同講法。套劇有迴響嘅話賣碟可以賣好多,已經可以足夠補番電視廣告嘅損失,富士兩檔劇變弱本身仲有其他因素影響,唔可以單靠編劇一套劇嘅收視而莽下判斷。《Holiday Love》劇情同《掠奪的愛、冬》根本係兩回事,《Holiday Love》反不倫,《掠奪的愛、冬》搞不倫,根本唔同故事。《思戀哭泣》打後每套劇唔係主角問題就係故事問題,睇平均的確係高過其餘兩檔嘅,但走勢比其他兩檔差好多。《天氣小姐》巡禮夠有講啦,又唔見tvb播,係都等暑假先啦,再者,tvb應該會播《戀上春樹》響應情人節,黃金檔見到用《孤獨的美食家》頂期,應該估到係播今季日劇,《0.1無罪真相2》就播硬,另一套一係《Final Cut》,一係《BG》,不過《BG》機會大啲。《鄰居家的月亮比較圓》我覺得都ok,不過除左同性戀條線之外,其他唔係話太多亮點。《海月姬》片頭同片頭曲好似睇緊卡通片咁,而且內容寫到好似比合家歡咁,令人覺得好似土十咁。viutv播完《刑事弓神》之後最好播《海月姬》啦,雖然收視差,但真係好睇搞笑,絕對推薦。《我想吃掉你的胰臟》片名好似好恐怖,但其實好感人,可能你唔係太留意故事內容,香港上都係IIA級,所以黃金檔播無問題。

發表於 Posted on: 2018-02-02 3:51

UIE1017
帖數 Posts: 1570
回頂端 / Top
最近睇左《四月是你的謊言》同《白雪公主殺人事件》,《四月是你的謊言》口碑麻麻,話動漫好睇啲,雖然我無睇動漫版,但我覺得電影版真係唔係幾好睇,反而比較舊嘅《白雪公主殺人事件》比較好,雖然電影有大bug,但我覺得唔影響電影想帶出嘅嘢,所以都ok,如果個大bug可以改善埋,咁呢套我覺得真係值得推薦。咁SP我都係照咁排姐,你想知嘅抽番SP咪抽番出黎囉!《Crisis》我睇唔到,我都唔係香港讀大學,上網睇仲好啦!《寵物情人》中段真係拖戲,我依家睇緊,我覺得松本潤版本可能比較好睇,10集會比較緊湊。《陸王》啲人都話好好睇,我睇完《寵物情人》之後會睇。《緊急救命3》畢竟有個情意結,點都會影響評分,再者有個情意結都只係排第五而唔係頭三都知發生咩事,另外其實《緊急救命3》已經係夏季收視冠軍。收視同劇本質素唔成正比,點會以收視率高低黎評分架?而《四重奏》主要劇情我都好欣賞,,算係簡單,而且合理、吸引,小提琴嘅作用係畫龍點睛。咁《緊急救命》頭兩輯比起第3輯嘅連貫性同合理性更高,鋪排已經唔係創新,更加唔係第一套。無咁大個頭唔好戴咁大頂帽,無錢就唔好拍啦,再者,如果用文戲補救唔係唔得,但好難,經驗夠嘅都未必做到,更何況依家見到係失敗左。之前漏左講,套劇另一個問題係所講嘅道理超突兀,無前兩輯咁流暢,質素極低,無辦法叫人難忘,咁就已經係失敗啦!換心臟個問題係幾分鐘搞掂嘅劇情可以拖成集,仲要係因為唔合理嘅劇情而拖成集,個細路的確係講過爸爸有違醫生救人本質,但之後佢話想死左去令爸爸變返以前嘅樣,咁咪唔合理囉!第二輯其實結構同第一輯差唔多,但比第一輯好睇好多,所以翻炒翻得好總好過變得唔對題。你講《AKB戀工場》個集其實idea唔錯,但礙於時間限制而無辦法整得好,而且印象亦唔算深刻,係你講先醒起。《女醫神Doctor X5》同《雙面醫生2》如果擺日劇台播其實就唔需要重播,now劇集台依家可以不斷首播因為之前得翻一段日劇時段,而且係重播,變相停播日劇,依家積存咁多咪有野播囉!

發表於 Posted on: 2018-02-02 3:51

UIE1017
帖數 Posts: 1570
回頂端 / Top
二宮和也竟然主演tbs日九《黑色止血鉗》,角色係手術成功率100%嘅天才外科醫,係痛快醫療劇,咁咪即係《女醫神Doctor X》痛快版?收視一定唔錯,但我覺得二宮和也無個種醫生感覺,唔知會唔會演得好。竹內涼真同葵若菜會演配角,睇黎目標係年輕人觀眾。木十有傳藤岡靛主演《基督山伯爵》,係復仇劇,木十同復仇似乎唔係太多關係,加上藤岡靛上套《現在開始威脅你》收視比較差,睇怕下季木十會比依家仲低。東京電視台竟然會開水十同ntv打,今季播《Byplayers》以為係臨時性質,估唔到竟然打算長做,仲要請到江口洋介,唔知下季鹿死誰手呢?《信用欺詐師》未播就話拍電影版,到時收視低咪好無面?

發表於 Posted on: 2018-02-02 4:06

UIE1017
帖數 Posts: 1570
回頂端 / Top
tvb竟然播《寵愛情人夢》!真係估唔到,不過都值得大家睇。日劇會播《雙面醫生2》同《0.1無罪真相2》,兩套都係續集,唔知之後會唔會係播《BG》、《黑色止血鉗》呢?

發表於 Posted on: 2018-02-03 19:36

UIE1017
帖數 Posts: 1570
回頂端 / Top