tvb.com

 
 
tvb.com
 

TVB日劇討論

回應:UIE1017

Viu TV播完《刑事弓神》後重播Now劇集台2017年播過的富士木曜劇《人100%靠外表》,J2剛剛係4月24日播完桐谷美玲2016年主演的富士月九《有喜歡的人》,TVB間接幫Viu TV宣傳做勢,而有傳桐谷美玲同三蒲翔平係今年12月結婚,所以電視台要係桐谷美玲結婚前播晒d劇唔係無道理。

另外維基百科公佈J2將會播放2016年TBS火十《毫不保留的愛》,買返兩年前套日劇斷估都係緊貼《花樣男子NEXT SEASON》焗住買,蒼井空主演的《逃亡花》會放翡翠台凌晨播都夠奇怪,不過維基百科d嘢都唔好信晒。

發表於 Posted on: 2018-05-03 23:29

吉成千奈美
帖數 Posts: 1771
回頂端 / Top
2018冬季日劇學院賞公布左,TBS包辦所有獎項,好似2013年春季富士包辦所有獎項咁,不過更誇張嘅係《不自然死因研究所》有6個獎,連最佳主題曲都係嵐手中搶埋。《不自然死因研究所》未睇,有人話係神劇,有人話過分吹捧,我都係等6月j2播個時再作定論,至於上季我睇左《海月姬》、《鄰居家的月亮比較圓》、《0.1無罪真相2》同埋《致命的接吻》(抱歉比較少),以下係我心水:

最佳男主角:山崎賢人
其實都係因為得松本潤同山崎賢人揀,所以揀個比較有突破嘅。

最佳女主角:芳根京子
亦都係因為得芳根京子同深田恭子揀,所以揀芳根京子。當然,芳根京子係套劇嘅演出唔錯,如果真係攞到都值得嘅!

最佳男配角:松山研一
雖然松山研一演得有少少誇張,但演呢個角色非常適合,需要熱情時有熱情,需要感性有感性,配搭編劇寫嘅對白,能夠牽動到我嘅情緒。

最佳女配角:門脇麥
純粹係無咩好揀,所以揀門脇麥。

最佳主題曲:Mr. Children「here comes my love」(鄰居家的月亮比較圓)
我聽曬咁多套劇嘅主題曲,覺得始終都係呢首最好最貼題,每次聽呢首歌,都會醒起套劇唔同嘅情節。人人一致好評嘅米津玄師嘅Lemon,我聽過就覺得唔算特別好聽,能唔能夠配搭套劇嘅情節都未知道,畢竟《不自然死因研究所》除左講法醫,仲講其他野。

最佳劇本:中谷麻由美(鄰居家的月亮比較圓)
能夠寫到套劇又驚喜,又感動,又溫馨而唔老土,絕對唔係一件容易做到嘅事,而中谷麻由美就做到。大結局更加係十分精彩,睇預告以為會好狗血,但實際上係平淡而細膩感人,又有反思空間,將套劇推上頂點,希望viutv抽起《人100%靠外表》(我最近睇完,係垃圾劇),播呢套啦!

最佳導演:菅原伸太郎、明石廣人(致命的接吻)
本來我都係想揀《鄰居家的月亮比較圓》,但我又覺得《致命的接吻》係燈光控制、攝影等方面做得比較好,更明顯地帶出套劇要講嘅嘢,容易令觀眾投入。

最佳作品:鄰居家的月亮比較圓
整體係選角,劇本,音樂等方面做得比較出色嘅,我覺得係呢套。

特別賞:致命的平行
開頭唔係話有特別期望,但睇落又幾得意,有創意,我幾鍾意。

4套劇入面,我會覺得除左《0.1無罪真相2》之外,其他都好值得推薦,當中《鄰居家的月亮比較圓》更加係必睇。

發表於 Posted on: 2018-05-05 1:46

UIE1017
帖數 Posts: 1570
回頂端 / Top
吉成千奈美
《毫不保留的愛》竟然會見天,真係神奇,我估應該係《無敵律師》之後播。《逃亡花》被人改做翡翠台播,又係日劇台播,一路改黎改去,都唔知到底幾係點,可能tvb想嘅蒼井老師呢個話題吸引人睇?《信用欺詐師JP》越睇越好睇,好在我無棄劇,希望套劇突破雙位數啦!《花樣男子NEXT SEASON》二連升,如果第4集都係升,可以期待下《逃避雖可恥但有用》嘅走勢!《思戀哭泣》好值得睇,你睇到邊,覺得故事點?

發表於 Posted on: 2018-05-05 1:53

UIE1017
帖數 Posts: 1570
回頂端 / Top
大叔的愛好看,田中圭、林遣都、吉田鋼太郎產生的化學作用非同凡響。

發表於 Posted on: 2018-05-05 13:04

pakyimchai12
帖數 Posts: 1
回頂端 / Top
J2日劇預告:

《幸福洋菓子》 土屋太鳳 NHK晨間劇 全156集
5月21日起每日晚上6:00-6:30,每次播放兩集

發表於 Posted on: 2018-05-05 15:43

吉成千奈美
帖數 Posts: 1771
回頂端 / Top
回應:UIE1017

其實《不自然死因研究所》係2018冬季日劇學院賞橫掃六獎,真係幾勁,本身套劇係當季收視平平,但仍然得到評審同觀眾支持,應有一定實力係度。而套劇係J2 6月播,到時睇完全套可以再作評論,你所推薦四套劇入面,只係有睇晒《0.1無罪真相2》,第二輯其實比第一輯好睇,多了法庭戲同三角關係對立,比第一輯更有深度,法庭劇有推理娛樂原素應該適合一家大細睇,不過套劇係後段質素變差係事實,重複之前集數橋段睇到有d悶,以法庭劇來講算超水平,起碼合理度高過《律政狂人》,而第二輯收視大結局破20點,兩年後會出第三輯機會好大。

另外Viu TV係星期六晚多數都首播日劇,今次改為重播日劇都好怪,而星期日晚播完《恐怖醫學》後都未定,《恐怖醫學》播到5月13日播完,會唔會係星期日開播日劇檔播新日劇,照計《信用欺詐師JP》點都要緊貼上,《海月姬》同《鄰居家的月亮比較圓》會唔會係卡士弱同收視差唔肯上,如果要上其中一套,我希望上《海月姬》多d,好似口碑較好,仲有漫畫原著改篇,應該較吸引年輕觀眾,而《鄰居家的月亮比較圓》題材較沈重,討論社會問題,可能較嚴肅。

《人100%靠外表》未睇過,但你睇完話垃圾劇,究竟問題出係邊度,我想垃圾極都唔致於去到《營業部長 吉良奈津子》程度。Viu TV剛剛公佈,抽起機會唔大,反而《掠奪的愛、冬》抽起完播都無播,其實Viu TV播《人100%靠外表》都有d興趣,剛剛係J2睇完晒桐谷美玲主演的《有喜歡的人》都幾好睇,而Now劇集台都有日劇上,《鄰居家的月亮比較圓》會放Viu TV首播定Now劇集台。

發表於 Posted on: 2018-05-05 16:37

吉成千奈美
帖數 Posts: 1771
回頂端 / Top
回應:UIE1017

《毫不保留的愛》應該唔會放J2星期六朝早播咁浪費,個段日劇時段多數都係重播J2播過日劇,首播日劇每年得一套,所謂首播仲要係指免費台,實際上又係重播日劇台播過堆日劇,《毫不保留的愛》終於見天,睇個勢TVB之前買落堆日劇放係倉底,宜家到期清倉要罷出來播,J2係5月21日起每晚6:00-6:30播放NHK晨間劇《幸福洋菓子》都罷到明係清倉咁款,都唔知仲有幾多倉底貨未播。

另外《毫不保留的愛》會唔會放一至五晚10:05-11:05大陸劇時段播,播完個套大陸劇談判官都7月尾放暑假,當Amazing Summer特別節目,而J2節目總監係新改革又cut一檔7點檔大陸劇,所以一至五晚10:05-11:05播日劇都唔係無機會。

老實講《逃亡花》邊有可能係翡翠台播,仲有一至日晚凌晨時段,就算真係放翡翠台都會係六日晚凌晨,邊有可能日日播,日劇集數短,咁播法好快播完,對TVB宣傳同廣告回報都無成效。至於維基百科成日改黎改去,好大機會係班高層角力,蒼井空對香港觀眾有一定吸引力,可能TVB想放翡翠台播吸客,但另一班高層覺得今次下了先例會影響翡翠台播放大陸劇數量。

《信用欺詐師JP》收視算唔錯,係富士收視咁差都仲keep到9%,上雙位數要有話題先得。《花樣男子NEXT SEASON》第一集已經有話題炒熱,收視集集升,TBS做營銷工作好過富士,J2係星期四已經出了《花樣男子NEXT SEASON》預告,好似幾吸引,《思戀哭泣》集集係尾段先爆高潮,暫時都無咩心機睇,這套劇其實高畑充希仲搶戲過有川架純,宜家都係停留兩集,Viu TV堆綜藝又要睇,加上myTV Super又唔俾download成集睇,要用數據現場睇,等下星期日晚J2停播一次過睇埋去。

發表於 Posted on: 2018-05-05 17:13

吉成千奈美
帖數 Posts: 1771
回頂端 / Top
吉成千奈美
《律政狂人》係主打搞笑,而且仲要係搞笑合理有深度,點同《0.1無罪真相》比?《鄰居家的月亮比較圓》一啲都唔沈重,反而係有笑有淚,每集睇完都會好期待下一集,去到大結局更加有種失落感。最近木10質素都唔錯,上年嘅《人100%靠外表》同《瑟西爾的企圖》唔係太理想,由《刑警弓神》到依家《基督山伯爵》都好好睇,唔知下季山崎賢人主演嘅木10劇又係咩故事呢?《人100%靠外表》毫無焦點,完全唔係好知套劇嘅方向,前半段都還可以,搞笑位都ok,後半段完全唔得,節奏突然加快好多,完全唔合理,搞笑位都係重複前半段嘅野,毫無新意,基本上睇完你都唔係好知到底套劇想講咩!唯一可取嘅係扮靚技巧囉!《毫不保留的愛》唔係星期六朝早播都無時間播啦,之前韓劇都係星期日朝早首播啦!星期一至五竟然會播《幸福洋菓子》,真係估唔到,以為晨間劇從此絕跡j2,可惜《阿政》已經過期睇唔到,唯有上網睇。《毫不保留的愛》最近開始配音,即係即將播放,最遲都6月播,無可能擺到7月。今季《花樣男子NEXT SEASON》同《基督山伯爵》嘅收視走勢完全都唔正常嘅,係低位不斷升,本來兩套劇都係首集收視包尾,結果3集以來無跌過,係咁升,到依家已經去到一個唔錯嘅水平,希望呢兩套之後有得繼續升啦!意外地今季ntv三套劇收視都唔係太理想,《正義檢事》以為可以保到雙位數,結果依家得番單位,《Miss Devil》又係以為會唔錯,結果得番6%,《懸崖邊的大飯店》都叫做預料之內,但都唔係太好。根據Yahoo嘅觀眾評價,朝日兩套深夜劇評價係最高,之後就係《信用欺詐師》同《獵頭》,之後就係兩套富士劇,《未解決之女》同埋3套tbs劇,結果ntv3套劇嘅評價排包尾,而且分數幾低下,真係估唔到。

發表於 Posted on: 2018-05-07 17:32

UIE1017
帖數 Posts: 1570
回頂端 / Top
回應:UIE1017

TBS已經公佈夏季三套日劇,火十《繼母與女兒的藍調》由綾瀨遙,竹野內豐共演,編劇係森下佳子,金十《Cheer☆Dance》由土屋太鳳主演的青春勵志劇,日九《謝謝你,在世界的角落找到我》由松本穗香主演,原著動畫改篇,今季TBS採取半放棄態度,除了火十有卡士外,其餘兩套劇都唔似會高收視。

照計TVB會買火十《繼母與女兒的藍調》放J2緊貼,金十《Cheer☆Dance》放myTV Super播放原聲版,之後放J2星期六晚播放配音版,TVB應該唔會買《謝謝你,在世界的角落找到我》,卡士弱,加上女主角係無名新人,收視差在所難免,加上TVB去年都無買夏日九。睇下TVB會唔會買多套富士日劇代替這套日九。

發表於 Posted on: 2018-05-09 23:37

吉成千奈美
帖數 Posts: 1771
回頂端 / Top
吉成千奈美
《謝謝你,在世界的角落找到我》動畫電影口碑唔錯,但唔係日九觀眾鍾意個味,即管睇下到底日九可唔可以吸引到非日九固定觀眾群睇呢套劇。TBS夏季3套劇竟然全部都係由女性主演,不過我都唔係話好期待,唯一比較期待嘅係《謝謝你,在世界的角落找到我》,《繼母與女兒的藍調》雖然有森下佳子同綾瀨遙,但故事聽落勁悶,《Cheer☆Dance》故事亦唔係特別吸引。3套劇暫時都未有傑尼斯演員參演,係j2播嘅機率比較低,除非有套好似《不自然死因研究所》咁有迴響,tvb先會考慮擺j2。富士夏季月九有傳係《絕對零度3》,又係刑事劇,不過富士刑事劇向來收視唔算特別差,即管睇下可唔可以救番月九,不過我覺得機會比較低囉,《絕對零度》兩輯收視都唔係特別標青。火九有傳係吉岡里帆同高橋一生嘅少女漫畫改編作品,吉岡里帆繼《你已藏在我心底》之後再主演。我最近睇左《你已藏在我心底》,我覺得可能因為個角色問題,搞到吉岡里帆個角色好唔討好,令人好煩。木十有傳係山崎賢人主演,唔知係咩種類,不過《致命的接吻》叫好不叫座,睇怕都係木十5-6%基本盤。ntv日十比較吸引,有加藤成亮主演《零 一獲千金遊戲》,睇個故事就已經覺得好吸引,已經係我下季必睇劇。《基督山伯爵》故事唔算太差,不過我估下集好大機會大跌,因為最新個集似乎想挑戰道德底線,有啲嘔心,跌落4%都唔奇。我相信呢套劇如果由wowow製作,或者係深夜劇嘅話,會有唔錯口碑,但擺係黃金檔似乎就唔係太恰當。至於藤岡靛個首主題曲同套劇都算合襯,不過我覺得旋律有啲怪囉!

發表於 Posted on: 2018-05-13 3:46

UIE1017
帖數 Posts: 1570
回頂端 / Top
回應:UIE1017

《謝謝你,在世界的角落找到我》翻拍成日劇,一定會大改動畫電影劇情,觀眾實會將動畫同日劇比較,唔多睇好,況且卡士弱,題材又唔係日九觀眾鍾意題材,收視差就預了。事實上近年夏季日九都似棄檔格局,近幾年夏季日九收視都唔係好,所以這套都唔妨有期望。反而NTV土十檔《CITY HUNTER》仲吸引過這套,人氣名著改篇,實吸引到觀眾捧場。TBS近年都係放棄夏季日劇,收視差仲會吸引到人氣演員主演,《繼母與女兒的藍調》係溫情劇,故事又唔係特別吸引,不過編劇有森下佳子同綾瀨遙,先有賣點,《Cheer☆Dance》都係勵志劇,只係以啦啦隊題材重新包裝,土屋太鳳主演都叫有d人氣,斷估都係個《謝謝你,在世界的角落找到我》用無名女新人演出,情況同2016年月九《情歌》差唔多。而傑尼斯演員今年已經係冬春季演出晒,係夏季演出機會唔大,仲有TVB今年只係買TBS日劇,J2唔播放去邊度播,除非夏季有套富士劇有傑尼斯演員演出,TVB先會買,因為富士劇可以放myTV Super播放。

富士夏季月九《絕對零度3》主角改澤村一樹主演,上戶彩飾演的櫻木泉則是在某次捜査任務裡失踪,上戶彩似係客串演出,富士罷明無錢請上戶彩,先要係新一輯換主角,睇怕這套劇低收視,新一輯借洋頭賣狗肉,欺騙觀眾仲點會有人上檔。火九係吉岡里帆主演的《有健康而有文化的最低限度的生活》,套劇講社會福利所,吸唔吸引到日本觀眾取決社會話題,吉岡里帆今年連上兩季劇,事務所罷明想谷她人氣,仲有《你已藏在我心底》好唔好睇,好睇等我上myTV Super睇埋去。山崎賢人主演日劇近年收視麻麻,睇怕他之前係少女漫畫男主角形象仲未抹走,仲要主演木十更加唔睇好,富士木十收視已經差到無人有。NTV日十聽劇名似遊戲,如果拍到《Liar game》咁的質素真係好睇,不過收視就唔會好。《基督山伯爵》下集挑戰道德底線未必跌,反而會升,因為有話題反而吸到人睇。事實上宜家木十收視咁差仲唔博,況且本身木十時段都唔係合家歡時段。

發表於 Posted on: 2018-05-17 17:19

吉成千奈美
帖數 Posts: 1771
回頂端 / Top
回應:UIE1017

《律政狂人》本身係法律劇,如果為主打搞笑忽略劇情合理度,就已經係本末倒置,咁我寧願佢好似《0.1無罪真相》劇情有時嚴肅。《鄰居家的月亮比較圓》真係咁好睇,會唔會好似《思戀哭泣》有深度但好悶的劇集,定係好似《最後的灰姑娘》有娛樂性又有深度劇集先,Viu TV唔知會唔會播。最近木10質素都唔錯係龜山千廣走了之後的事,以往富士都係著重卡士為先,劇本大多以成功案件作改動,咁點會有高質素。《人100%靠外表》收視一般,同《瑟西爾的企圖》收視差到腰斬同破晒木十新低就真係差到貼地,《刑事弓神》好好睇真係唔覺,反而套劇節奏掌握唔太好,查案同人性方面兩頭唔到岸的感覺,得第一集同大結局緊湊,中後段加現時社會狀況又真係幾貼題,不過有d集數好悶,第五集完全為講主題連結果都唔提真係唔合理。聽你咁講《人100%靠外表》係套教人扮靚技巧的劇集,無咩主題,純粹係娛樂性,咁都可以睇下桐谷美玲,Viu TV今個星期六改播《BORDER 贖罪》,真係唔明Viu TV節目安排成日改。宜家星期日朝早首播韓劇都取消埋改播重播旅遊節目,你認為TVB會肯將《毫不保留的愛》放係星期六朝早播,話唔定放《花樣男子NEXT SEASON》後時段播。《幸福洋菓子》唔係一至五播,係日日播,播完《幸福洋菓子》應該播《阿淺來了》,其實咁播法幾時先追到日本進度,《阿政》係myTV Super仲有點播,應該未過期,不過係外判配音,TVB費時播咁解。《毫不保留的愛》話即將播放,未定時間日期,就算配晒音都可以推遲播。最近《花樣男子NEXT SEASON》同《基督山伯爵》嘅收視回落,而《花樣男子NEXT SEASON》升個兩集係有F4客串,今季收視大部分都個位數,已經唔係正常水平,得醫療查案有雙位數證明日本慣性觀眾普遍年紀較大。NTV今季三套劇有兩套題材都係好穩陣,《正義檢事》唔知係唔係受《anone》影響收視差,至於《Miss Devil》本身係查案劇,收視差係菜菜緒擔正無號召力。《懸崖邊的大飯店》原本女主角係桐谷美玲,而桐谷美玲辭演先換戶田惠莉香。事實上所謂觀眾評價都唔係真實反映觀眾口味,評價最高兩套深夜劇收視係咩水平,而富士火九《Signal》收視愈跌愈有,正正反映出套劇引用韓國案件完全符合唔到日本真實情況,老實講本身套劇都唔合理。

發表於 Posted on: 2018-05-17 18:33

吉成千奈美
帖數 Posts: 1771
回頂端 / Top
吉成千奈美
維基百科寫ntv土十有《城市獵人》係流料黎,擺明有人走去搞破壞。本來我以為《絕對零度3》應該至少高過《信用欺詐師》,不過見到澤村一樹主演,就覺得套劇唔打破《海月姬》最低平均收視,已經可喜可賀。《有健康而有文化的最低限度的生活》好明顯係炮灰劇,不過我都幾想睇。《你已藏在我心底》好唔好睇見仁見智,我就覺得大部分劇情都比較悶,不過如果你鍾意超極端嘅抖S抖M嘅話,咁你應該要睇《你已藏在我心底》。《律政狂人》就係搞笑而有深度,點都好過《0.1無罪真相》睇到滴汗。《鄰居家的月亮比較圓》有深度,娛樂性亦足夠,但又唔係《最後的灰姑娘》個種風格,絕對值得睇。如果tvb星期六真係想改做旅遊節目,就唔會仲去播《無敵律師》啦!《花樣男子NEXT SEASON》假設有10集,唔計賽馬停播,都要7月29日先會播,如果tvb真係擺到時播,咁唔會配呢套先,而係配更早播嘅韓劇《神級秘書》先囉!依家tvb咁播晨間劇,每個星期快左8集,一倍有多,好快就追到。《Miss Devil》唔係查案劇,係強能劇,即係《女醫神Doctor X》個類,據聞話套劇質素麻麻。我覺得戶田惠梨香比較適合做《懸崖邊的大飯店》嘅女主角,桐谷美玲個氣場完全唔似,亦配合唔到個角色。

發表於 Posted on: 2018-05-18 20:57

UIE1017
帖數 Posts: 1570
回頂端 / Top