tvb.com

 
 
tvb.com
 

TVB日劇討論

回應:UIE1017

《滅息的冬天》最新一集仲有11%,睇來劇情超垃圾的查案劇真係吸到客,NTV之前係土九時段製作的《咪阻住Madam》都係咁上下水準,真係唔明土十專出這類垃圾查案劇。《視覺偵探 日暮旅人》都唔妨有機會登陸香港電視台,況且查案劇成日都播,真係無咩興趣,要上網搵來睇更加唔會。《花過天晴》好似係《花樣男子》續篇,男主角係平野紫耀,又係尊尼事務所力捧新人的一套劇。照計日劇台4月唔播得這套,改去J2首播。廣瀨鈴推了唔演《花過天晴》,走去演《anone》,其實明知阪元裕二寫d劇少眾,好難吸客,宜家《anone》走勢會破水十最低收視記錄,廣瀨鈴好大機會翻唔到身。反而石原聰美今次精,唔接拍富士劇,拍野木亞紀子原創嘅劇《Unnatural》,事實上野木亞紀子近年改編劇叫好唔見座,《僱傭妻子》係她寫的最成功日劇,令新垣結衣事業再上高峰,捧紅星野源,今次原創劇都咁成功,富士可以搵她寫劇本救收視。下季日劇都係查案推理懸疑劇為主,證明各電視台為保收視都係行穩陣路線,其實現時日劇觀眾都係中老年觀眾為主,所以春秋季收視最好這段時間都係這類劇,反而淡季夏季就多唔同題材日劇,始終收視一向差,電視台無咁睇重廣告收益。《信用詐欺師》應該好似《黑色筆記本》個類劇,照計應該好睇,《花過天晴》應該唔錯,之前追《花樣男子》追足兩季,劇情係愛情劇經典,好多愛情劇都係抄《花樣男子》情節。《海月姬》一早預收視差,題材少眾同卡士唔吸引難以留住觀眾,況且鍾意睇套劇的唔會睇電視,無助收視。下季火九已經定了係翻拍韓劇《解碼追兇》,由坂口健太郎主演,套劇劇情ok,不過本身韓劇係參考真實韓國案件改篇,好本地化,好好奇日本買版權係買穿越時空去改變案件之後變化概念定照抄重拍就算,老實講套劇故事概念唔錯,但案件推理情節部分超弱,仲要無解釋犯罪動機,好多都自然其說,預期話係韓劇,實際上走向似美劇。套劇無搞曖昧三角戀,愛情線都輕描淡寫,主要查案為主,而結局同《黑色福音》一樣咁灰無證據捉唔到兇手,仲有日劇集數真係唔夠拍到成套韓劇版,就算濃縮極都要2-3集先完一件案。如果電視台單靠賣碟收入彌補電視廣告嘅損失,咁電視台就唔細理收視季季拍醫療查案劇,證明電視廣告收入龐大。

發表於 Posted on: 2018-02-05 20:36

吉成千奈美
帖數 Posts: 1771
回頂端 / Top
《anone》收視破新低,令NTV水十變弱檔就證明到富士兩檔劇變弱都係某編劇造成,一切等時間證明。《Holiday Love》播出後無《掠奪的愛、冬》有咁大迴響,《思戀哭泣》打後套《情歌》都係走沉鬱路線,連續兩套都唔係月九傳統風格,走晒批慣性觀眾,況且月九有一定捧場客,所以比起其餘兩套收視高係正常。老實講巡禮有提就一定會播,《天氣小姐》無播真係異類,況且J2仲有朝早日劇時段可以清,《Limit》係J2 2016年都係該時段首播。《戀上春樹》真係放J2農曆新年假期播放,又俾你講中。另外J2係2月24日同25日晚會播放日劇《雙面醫生2》同《0.1無罪真相2》,真係唔明仲咩要用《孤獨的美食家》頂期,《孤獨的美食家》係J2有無播過,兩集頂期播《三億劫案》仲好,而台灣緯來日本台係1月已經播了,因此唔係版權問題,好大機會係TVB唔想J2播完一集就停播先咁安排,不過星期六晚成日突然停播,都唔明今次安排有咩意義。《Final Cut》應該唔買,一來富士日劇,仲要myTV Super唔播得,二來TVB都買過龜莉和也主演的日劇,好大機會這套有線買多。《BG》今季收視唔係特別高,以木村拓哉主演計係卡士最弱一套日劇,仲有係朝日劇唔係好似TBS劇一定有,其實TVB有興趣買這套一早放J2首播,細咩仲播上季日劇《雙面醫生2》,Wakuwaku Japan已經係1月28日緊貼日本播出,應該有緊貼版權賣。事實上TVB仲有大把日劇等住俾J2播,好大機會TVB唔要。《鄰居家的月亮比較圓》收視集集跌,係唔係題材太嚴肅趕客。你話《海月姬》片頭同片頭曲好似睇緊卡通片咁,係唔係好有《交響情人夢》感覺,內容寫到比合家歡即係有歡樂氣氛個種,不過角色設定難引起一般觀眾共鳴。Viu TV播完《刑事弓神》之後都唔知會唔會好似去年即上緊貼日劇,好似《Crisis》咁播得咁貼,最大機會上《信用詐欺師》,話晒有卡士,長澤直美主演同古澤良太編劇。《海月姬》可能好似《寵物情人》放暑假播算。J2播電影放黃金時段得農曆新年,《我想吃掉你的胰臟》一定唔會放農曆新年播,所以望就望J2肯係萬聖節特定日子播放,唔係都係放凌晨頂馬會節目期。

發表於 Posted on: 2018-02-05 22:59

吉成千奈美
帖數 Posts: 1771
回頂端 / Top
回應:UIE1017

下季TBS日九竟然係二宮和也主演的醫療劇《黑色止血鉗》,咁今年日九未連續兩套都係嵐成員主演,《黑色止血鉗》據聞係改篇《白色榮光》作者作品,照計劇本應該好過《女醫神Doctor X》,收視一定高,嵐成員+醫療劇係收視保證,其實二宮和也個樣真係唔點睇都唔似專業人士,真係唔明尊尼會幫他接醫療劇,套劇仲有其他年輕演員竹內涼真同葵若菜,咁單睇卡士應該吸引過《女醫神Doctor X》,至於目標係年輕人觀眾就唔一定,TBS日九目標觀眾都係成年男性,反而似想吸引女性觀眾提升收視。藤岡靛自從拍完《IQ246華麗事件簿》,就人氣下滑,失去時機好難上位,而富士木十收視一向差,今次藤岡靛主演復仇劇都唔妨會救到收視,點睇都似係頂檔劇。東京電視台見《anone》收視差先開水十同NTV對打,認真高明,其實之前富士水十同NTV打都係輸,東京電視台開水十唔妨嬴,不過可以藉此俾到壓力NTV,改善水十劇質素。富士係2015年都試過係未開拍《街坊消防隊》前宣佈拍電影,之後收視差未腰斬計劃,《信用欺詐師》拍唔拍得成電影都係未知之數,而富士一向衰慣,點會無面。

發表於 Posted on: 2018-02-06 20:46

吉成千奈美
帖數 Posts: 1771
回頂端 / Top
回應:UIE1017

TVB播《寵愛情人夢》都無宣傳,唔知係唔係放J2凌晨播頂期,唔重視,而TVB近排買好多日本電影放J2凌晨播頂馬會真空期,唔知TVB係唔係打算開收費電影台。《寵愛情人夢》其實放J2情人節播迎節仲好,放埋d咁的時段唔宣傳都唔知有幾多人會睇到。

J2兩套接檔日劇係《雙面醫生2》同《0.1無罪真相2》,一早都預了,唔算好特別的安排,同台灣緯來日本台1月安排一模一樣。

剛剛睇完今期J2 Magazine,TVB宣傳《0.1無罪真相2》就寫到最受日本期待日劇冠軍同收視都比由木村拓哉主演的《BG》高,TVB咁踩《BG》法已經暗示唔買啦,況且J2下季仲要緊貼播《黑色止血鉗》同《花過天晴》,邊有咁多時間播多套《BG》,宜家《Unnatural》仲未放上日劇台播,都唔知係唔係好似《雙面醫生2》咁放埋J2首播算。

另外J2係年三十播放《「嵐」財兩旺》,唔知係唔係2018年新春版,而播放時間時間勁差,係當晚11:30播到凌晨2:35,照計都係舊嘢多,去年9月29日播放的《注意!「嵐」色警報!》都放黃金時段,仲有宣傳片出同成日賣廣告,真係唔知今年J2農曆年節目安排咁差,而連續四日長假都停播常規節目,究竟J2今年搞咩。

發表於 Posted on: 2018-02-08 20:14

吉成千奈美
帖數 Posts: 1771
回頂端 / Top
《海月姬》睇到第五集,雖然收視因為平昌冬奧而下跌,劇情亦有少少瑕疵,但係呢集係5集入面最好睇,睇到各人之間關係嘅改變,而且友情線亦寫得唔錯,個fashion show都不過不失。前幾日睇左《海月姬》電影版,可能因為時間關係,覺得電影版劇情唔係太合理,好多條線都仲未完,曾經都擔心過電視劇版之後會唔會咁樣,不過睇過今集應該都可以暫時放心,劇集版基本上係跳出左電影版個框框,大部分情節都唔係太跟電影版,有另一種獨特風格。然而劇集版嘅第5集其實就係電影版嘅結局,仲有5集,見到預告話係第2章,唔知之後故事點樣呢?過完平昌冬奧之後收視會唔會升呢?

發表於 Posted on: 2018-02-16 22:49

UIE1017
帖數 Posts: 1570
回頂端 / Top
回應:UIE1017

《海月姬》受平昌冬奧影響都唔跌好多,證明套劇係日本受到好評,相反廣瀨玲主演的《anone》收視插水,一集比一集低,希望《anone》收視可以破到《海月姬》最低收視記錄,始終唔想一套口碑咁好的日劇做收視包尾,希望Viu TV播完《刑事弓神》後播這套。雖然我無睇過《海月姬》電影同電視劇版,不過都可以肯定電影版問題,電影版因為時間關係忽略細節令劇情唔合理,最近J2播兩套電影《銀之匙》定《戀上春樹》都做唔到前後對比,感情唔夠深,難說服觀眾。電視劇版時間上無咁趕,可以有鋪排營造氣氛互動,所以我鐘意睇電視劇多過電影。《海月姬》之後收視升唔升得翻要靠話題先得,唔係都係5-8%水平。

另外J2係今個星期六朝早10:00首播《有喜歡的人》,播埋巡禮未播日劇,唔知這個時段會唔會播免費台未播過的日劇,定只係期間限定,而《有喜歡的人》對上一套日劇係《逆齡初戀》,都係桐谷美玲主演。其實TVB係唔係一早打算係去年咁安排,《有喜歡的人》去年被抽起會唔會同《A LIFE:深愛的人》有關。

發表於 Posted on: 2018-02-25 14:57

吉成千奈美
帖數 Posts: 1771
回頂端 / Top
冬季日劇即將踏入尾聲,睇左《海月姬》,《鄰居家的月亮特別圓》同《致命的接吻》,《滅息之冬》本來想睇但無時間。
《海月姬》雖然收視低,但由第1集到依家都好好睇,睇到主角同其他「尼姑」以及藏之介嘅感情,至於愛情線都不過不失,描寫得ok嘅。
《鄰居家的月亮特別圓》同樣都係叫好不叫座,初時睇覺得都可以接受嘅,唔算話好特別,但越睇就覺得越好睇,寫得非常感人,尤其是最新個集,算係寫得最細膩嘅一集,不過見到預告似乎有少少伏嘅感覺,希望唔好爛尾啦!
《致命的接吻》睇左第1集唔算話好吸引,而且因為無時間,所以暫時放埋一二邊,依家追到第9集,我覺得開頭唔算吸引,但中段開始好睇,鬥智鬥力非常精彩,不過之後無以為繼,劇情大暴走,而且極唔合理,第9集結尾仲要有少少狗血,已經感覺到大結局將會爛尾,只係希望唔好爛得咁緊要。
3套入面我會推薦《海月姬》同《鄰居家的月亮特別圓》,兩套都係viutv買,希望viutv可以播啦!

發表於 Posted on: 2018-03-09 23:42

UIE1017
帖數 Posts: 1570
回頂端 / Top
春季日劇整體唔算太吸引,唔知點解又係比較期待月九,木十同日十。
富士月九有《信用欺詐師》,長澤雅美主演,東出昌大同小日向文世合演,其實單睇編劇都已經覺得吸引,3個主要角色我都係比較期待長澤雅美嘅演出,似乎會有唔同造型,睇過預告亦感覺係搞笑劇,應該唔會太差,相信收視應該有10-15%。火九有《Signal~長期未解決事件搜查班》,坂口健太郎主演,吉瀨美智子同北村一輝等合演,火九再次改編韓劇,我無睇韓劇版,不過啲人話選角超合適,尾崎將也本身編劇唔算太差,相信質素應該唔錯嘅,收視應該有7-10%嘅,題外話,我以為坂口健太郎主演《被JOKER愛上的男人》添 (有睇今年vs嵐新春特別篇會知咩事)!木十有《基督山伯爵~華麗的復仇》,藤岡靛主演,大倉忠義同山本美月等合演,本身對復仇劇唔係太大興趣,見到小道消息話係復仇劇興趣唔算大,不過見到正式故事,覺得應該會唔錯,而且黑岩勉編呢類劇好似唔錯,上套《我的危險妻子》雖然無睇,但口碑唔錯,呢套應該唔錯,收視都係木十基本盤,大概5-9%左右。
TBS火十有《花過天晴》,杉咲花主演,中川大志同平野紫耀等合演,本身無睇《花樣男子》,所以對續篇興趣唔大,睇黎又係一套捧新人嘅劇,收視應該有9-12%。金十有《有家可歸的戀人們》,中谷美紀主演,玉木宏同木村多江等合演,又係金十走嘅路線,見到劇情已經唔算太吸引,我就應該唔會睇喇,收視應該7-10%左右嘅。日九有《黑色止血鉗》,二宮和也主演,葵若菜同竹內涼真等合演,呢套擺明係《Doctor X》男人版,我都有啲興趣嘅,但二宮和也氣場唔似醫生,說服力似乎有啲低,要觀望下先,收視應該有13-16%。

發表於 Posted on: 2018-03-10 0:00

UIE1017
帖數 Posts: 1570
回頂端 / Top
NTV水十有《正義檢事》,吉高由里子主演,安田顯同三浦翔平等合演,故事方面我就唔係特別有興趣,不過呢類劇點都會有觀眾支持,收視應該有10-13%。土十有《Miss Devil》,菜菜緒主演,佐藤勝利同木村佳乃等合演,菜菜緒演呢個角色應該唔錯,有個種惡魔氣場,而呢類劇又係有固定收視群,收視應該有9-13%。日十有《懸崖邊的大飯店》,岩田剛典主演,戶田惠梨香同濱邊美波等合演,本來唔係特別有興趣,不過見到預告似乎每個角色都會有唔同得意事件發生,應該幾搞笑,感覺亦有少少似《料理狂人》,唔知質素係點呢?收視應該有6-9%。
朝日木九有《未解決之女》,波瑠主演,鈴木京香合演,見到個名都知係朝日拿手好戲,我就無咩興趣,日本觀眾可能有興趣多啲,收視應該有11-14%。金十一有《家政夫三田園2》,松岡昌宏主演,近年金十一收視同口碑比較好嘅就係《家政夫三田園》,難怪會出續篇,本身無睇開第一輯,下季未必會睇,不過套劇口碑咁好,應該可以救番金十一依家疲弱嘅收視,收視應該有6-8%。土十一有《大叔之愛》,田中圭主演,吉田鋼太郎同林遣都等合演,又係續篇,睇黎朝日下季都係穩中求勝,三套劇都係靠煮冷飯贏收視。《大叔之愛》啲人話好好睇,我就未睇過唔知點,不過應該係笑劇,點都唔會太差嘅,收視應該有3-6%。
東視月十有《獵頭》,江口洋介主演,小池榮子同杉本哲太合演,月十打算主打商業劇,我就唔係太大興趣,感覺會好悶,我未必會睇,但有林宏司編劇,質素應該唔會太差嘅,收視應該有2-5%。金八有《執事~西園寺的名推理》,上川隆也主演,八千草薰合演,東視黃金檔劇我未睇過,套劇聽個名好睇,但只怕變到好似朝日拍嘅個啲咁悶,我應該唔會睇,不過收視應該有6-8%。
暫時覺得必睇嘅有《信用欺詐師》,《基督山伯爵》同《懸崖邊的大飯店》,觀望下嘅有《Signal》,《家政夫三田園2》,《大叔之愛》,《Miss Devil》同《黑色止血鉗》
估計電視台會買嘅日劇:
TVB:信用欺詐師,花過天晴(J2),有家可歸的戀人們,孤獨的美食家7,黑色止血鉗(J2)
Now:Signal,未解決之女,大叔之愛

發表於 Posted on: 2018-03-10 4:10

UIE1017
帖數 Posts: 1570
回頂端 / Top
回應:UIE1017

《不自然死因研究所》仲未上架myTV Super日劇台,睇個勢配音版又係放J2首播,緊接《雙面醫生2》後播放機會大。myTV Super日劇台首播日劇得返三套,三套日劇得一套係黃金檔日劇,TVB愈來愈慳錢,日劇愈買愈少,將J2播完無耐日劇放係日劇台當首播,《緊急救命3》係J2播完幾個月就重播,話時話《緊急救命3》可以放係日劇台播放,唔係尊尼藝人演出的日劇唔放得網上播放,究竟係唔係TBS日劇先有此規定。

另外下季日劇三套TBS日劇如無意外都係TVB度,《花過天晴》,《黑色止血鉗》放J2首播,《有家可歸的戀人們》放日劇台緊貼播放,而《黑色止血鉗》唔知可唔可以緊貼日本播放,好似去年夏季套日九《對不起,我愛你》咁,反而《花過天晴》應該可以。

Viu應該買《信用欺詐師》同《Signal》,《基督山伯爵》因為有尊尼藝人演出唔緊貼,照計TVB應該買唔到《信用欺詐師》,富士日劇基本上係Viu度,除非Viu放棄唔買《信用欺詐師》,TVB先買到。不過J2同日劇台近排成日播放富士月九劇,唔知係唔係想試下買。《未解決之女》同《大叔之愛》點睇都唔似係Viu TV會買嘅卡士,尤其係Viu TV經歷《Specialist》一役後,仲敢買朝日刑事劇播咩,衰d講句買東視月十套《獵頭》卡士仲吸引,價錢平又穩陣。《未解決之女》似TVB買多。

發表於 Posted on: 2018-03-14 20:53

吉成千奈美
帖數 Posts: 1771
回頂端 / Top
終於煲曬《海月姬》,《鄰居家的月亮比較圓》同埋《致命的接吻》,3套入面,質素最平穩而好嘅係《鄰居家的月亮比較圓》,《海月姬》去到第9集係唔錯嘅,可惜爛尾,結局突然爆好多野出黎,劇情轉折非常突兀唔合理,擺明趕收工,實在好可惜。《致命的接吻》結局比我想像中好,我幾鍾意個結局,但又係趕收工,主角心理變化好突然,毫無鋪排下個主角突然轉性,說服力極低。《鄰居家的月亮比較圓》睇結局預告以為好伏,但其實非常感人,編劇寫嘅對白真係好有深度同反思空間,每個家庭嘅結局雖然預料之內,但描寫得非常細膩,至於人物性格嘅改變寫得唔算太好,但我覺得可以接受,叫做有鋪排過小小。

發表於 Posted on: 2018-03-24 7:45

UIE1017
帖數 Posts: 1570
回頂端 / Top
回應:UIE1017

《海月姬》臨時臨急頂期,拍到有口碑算係咁,況且套劇收視一直偏低,結局突然爆好多野出黎都係想谷收視,《鄰居家的月亮比較圓》編劇本身善寫這類寫實劇,好似《最後的灰姑娘》對白都係貼題,而結局收視有所回升。總結今季日劇收視成績,TBS大獲全勝,係J2播緊的《0.1無罪真相2》大結局收視21.2打破上套日劇《陸王》記錄,暫時睇了3集,發覺第二輯水準比第一輯高,除了有第一輯查案推理,上集有更難得的法庭戲,證明這套劇有改戲路,木村文乃角色更顯作用。

另外係J2朝早首播日劇《有喜歡的人》好睇,暫時睇了5集,有翻以前《零秒出手》個種感覺,輕鬆純愛劇風格,角色人設都討好,加上靚人靚景,背景音樂拍攝都好唯美,值得追,好睇過《情歌》同《夏日傾情》。

發表於 Posted on: 2018-03-24 19:33

吉成千奈美
帖數 Posts: 1771
回頂端 / Top
《信用欺詐師JP》係香港國際影視展公佈拍攝3國版本,除了日本外,仲有韓國同中國版,於東南亞地區線上播出將會由電訊盈科旗下的Viu,預定於世界82個國家地區進行電視播放。

換言之Viu TV最快係5月播完《刑事弓神》後,就可以緊貼日本上《信用欺詐師JP》,根據富士電視台官網發佈消息得知,Viu同富士長期合作,唔止香港市場,仲包括東南亞市場,TVB點會夠人爭,只要尊尼事務所解禁版權,TVB都無咩可能買到富士日劇。

發表於 Posted on: 2018-03-24 19:44

吉成千奈美
帖數 Posts: 1771
回頂端 / Top
J2日劇預告:

《不眠的真珠》 藤原紀香 4月29日晚11:05首播

《花樣男子NEXT SEASON》 杉咲花、平野紫耀 5月20日晚11:05首播

《不自然死因研究所》 石原聰美、井浦新、窪田正孝 6月9日晚10:35首播

發表於 Posted on: 2018-03-28 23:27

吉成千奈美
帖數 Posts: 1771
回頂端 / Top
有線劇集台日劇預告:

《搏命保鑣》 木村拓哉 朝日木九劇

《FINAL CUT》 龜梨和也 富士火九劇

發表於 Posted on: 2018-03-28 23:31

吉成千奈美
帖數 Posts: 1771
回頂端 / Top
回應:UIE1017

一如所料由石原聰美主演的《不自然死因研究所》會放J2星期六晚首播,而星期日晚緊貼日劇就放《花樣男子NEXT SEASON》,《不眠的真珠》用來頂兩星期真空期,唔知係TBS版權問題定係TVB配音配唔切要延期播出,而卡士較豪華的日九《黑色止血鉗》無安排播放,好明顯係TBS版權問題唔可以緊貼播放,都唔知之後TVB會唔會要這套劇。

另外有線劇集台將會播放今年兩套冬季日劇,分別係木村拓哉主演的《搏命保鑣》同龜梨和也主演的《FINAL CUT》,TVB連木村拓哉主演的日劇都唔要,真係罕見,繼2009年《MR.BRAIN》後(當年由美亞首播,J2係2010年重播),木村拓哉主演的日劇由非TVB的本地電視台播出,好明顯TVB宜家慳錢,只買TBS日劇播就算,而其他台日劇唔係續篇就係收費台製作,睇個勢TVB好大機會唔要無卡士的《未解決之女》。

照計Viu TV播完《刑事弓神》後,就可以緊貼日本上《信用欺詐師JP》,同J2鬥快上緊貼日劇,《海月姬》或《鄰居家的月亮特別圓》是旦一套會放暑假上,夏季日劇收視差,多數唔會緊貼,《Signal》唔知Viu TV要唔要,因為Viu TV已經買了富士收費台套翻拍韓劇《記憶》。如果唔要,多數有線買,不過肯定《基督山伯爵》係有線買,有線已經買了好多套復仇劇,唔爭在買埋這套。如果無台要《未解決之女》,有線應該會入埋這套,反正有線入唔少這類傳統朝日刑事劇。

發表於 Posted on: 2018-03-29 0:07

吉成千奈美
帖數 Posts: 1771
回頂端 / Top
Viu TV日劇日綜預告:

《瀛知有密》 4月30日起星期一二晚10:00-10:30

《你去日本搞乜鬼(第二輯)》 5月2日起星期三晚10:00-10:30

《健康日記(第二輯)》 5月3日起星期四晚10:00-10:30

《再見,江成君》 渡邊麻友 朝日深夜劇 全10集
5月4日起星期五晚10:00-10:30

發表於 Posted on: 2018-04-06 17:59

吉成千奈美
帖數 Posts: 1771
回頂端 / Top
最近一口氣睇左唔少日劇,大部分都係出乎意料之外地好睇或者唔好睇。
寵物情人 - 好傳統嘅一套愛情劇,印象唔算深刻,故事情節都係意料之內。
刑事弓神 - 我覺得開頭個幾集好睇,但之後開始悶,印象最深刻嘅應該係高梨臨個集,有關於推人落街個單案,雖然都估到成件事係點,但細節位有啲出乎意料。
陸王 - 其實我唔明白點解好多人都話好睇,我覺得太過熱血老土,故事發展意料之內,無驚喜,每集所講嘅差唔多都係同一個公式,睇到我差啲想棄劇。
A LIFE:心愛的人 - 開頭故事係幾吸引到我,但越睇越悶,之後發展成點我都唔係好記得,印象極唔深刻。
小學餐女廚神 - 初時以為係一套正經劇,點知原來係搞笑劇,笑位都足夠嘅,但內容有少少老土,尋親戲碼勉強可以接受,但其實加落去都整體故事影響唔大。而套劇比較吸引嘅係天海祐希同遠藤憲一之間嘅火花。
女醫神Doctor X 5 - 同以往質素差唔多,不過估唔到大地真央只係客串,仲以為佢係大boss。
0.1無罪真相 - 好多人都話第二輯好過第一輯,我就覺得差唔多,第二輯案件嘅吸引度同合理度都比第一輯高,不過第二輯寫爛gag同人物互動好老土,睇到我毛管戙。
黑色筆記本 - 武井咲演惡女演得幾好,奸到出汁,而我覺得最搶眼嘅係仲里依紗,角色心理變化同轉折好明顯,睇到個角色嘅黑暗面。
偵探物語 - 意外地好睇,當中最印象深刻嘅係降魔個兩集,成件案件發展真係估唔到,可惜蒼井優只係客串呢單案件同超人個集,講開超人個集,初時睇我覺得好無稽,但後黎回想番又覺得ok,畢竟套劇係講偵探所發生嘅大小事,而唔係主打查案,所以我都幾滿意個集。套劇整體都幾得意,絕對要推薦。
明日的約定 - 啲人話好好睇,我都認同嘅,初時我有啲擔心會唔會搞到好老土好悶,但意外地套劇有追看性,除左有一兩集說教味好濃頂唔順之外,其他集數都好好睇,而且令觀眾有所反思,唯一唔係太好嘅就係非常沈重,成套劇走向都幾悲,係大結局先突然有種「明天很美好」嘅感覺。演員方面都無咩特別,萬眾矚目嘅仲間由紀惠亦無咩突破,整體演員演技都係及格。我覺得套劇值得推薦,但要有心理準備會睇到唔係幾開心。

發表於 Posted on: 2018-04-10 4:58

UIE1017
帖數 Posts: 1570
回頂端 / Top
春季日劇開播了兩日,富士兩套日劇收視平平,由長澤正美擔正的月九《信用欺詐師JP》開播第一集得9.4,以月九劇收視+強勁陣容唔算合格,反而昨晚由坂口健太郎主演的翻拍韓劇《Signal》意外地比月九高,首集9.7,播出第一集後口碑唔錯。

照計《Signal》往後收視應該會高過《信用欺詐師JP》,一來查案劇係日本人鐘意題材,仲有《Signal》玩時空交錯,係以往日本刑事劇無的原素,日本觀眾會有新鮮感,相反《信用欺詐師JP》題材少眾,況且古澤良太劇本一向偏風,往後收視維持7-8%左右已算唔錯。

老實講富士月九收視差在於故事題材唔大路,好似2016年富士月九兩套純愛劇《思戀哭泣》同《情歌》都係走憂鬱苦情路線,同原有月九輕鬆路線唔同,《有喜歡的人》拍翻月九原有風格已經改善唔少收視,不過之後套《該隱與阿伯》又係走憂鬱苦情路線,正正因為2016年富士月九行錯路線,以致流失大量觀眾,其實往後月九劇都係拍翻純愛劇,捧新生代偶像去推高收視。

今季日劇收視黑馬應該係《花樣男子NEXT SEASON》,首季收視成為當季收視冠軍,更何況《花樣男子》係韓國,台灣製作都有好大人氣同收視冠軍,更何況新版有反町隆史,松本潤客串演出,之後應該會加入舊版角色客串,以《花樣男子》號召力,收視就算無當年20%,至少都有14-16%,加上今季日劇都係律政,刑事劇當道。

發表於 Posted on: 2018-04-11 20:45

吉成千奈美
帖數 Posts: 1771
回頂端 / Top
吉成千奈美
睇左1集《信用欺詐師》,我覺得痛快度同搞笑度都高,但唔及《律政狂人》嘅程度,反而我覺得係個故事合理度出事,為免劇透我唔多講,總之係個故事有個位好唔合理。整體黎講我覺得都仍然有個追看性,會繼續睇第2集。

發表於 Posted on: 2018-04-11 23:03

UIE1017
帖數 Posts: 1570
回頂端 / Top
回應:UIE1017

《信用欺詐師》已經拍完晒,富士宣佈開拍電影版,即使《信用欺詐師》之後收視係點,都唔太重要。不過成套劇拍晒就好難再改劇本,其實有睇過《律政狂人》都知每集質素好參差,有時集數為追求痛快同搞笑,忽略劇情合理度,可能古澤良太劇本以娛樂性去寫劇本,老實講暫時睇了一集,套劇係採用單元式一集過,定係有其他支線輔助,如果係前者,好睇每集吸引程度。

發表於 Posted on: 2018-04-13 20:18

吉成千奈美
帖數 Posts: 1771
回頂端 / Top
回應:UIE1017

已經睇晒成套《有喜歡的人》,真係好好睇,靚人靚景+輕鬆劇情睇得好舒服,套劇有愛情劇感覺,有愛情劇有男女主角互動,可以話有以前富士月九純愛劇風格,值得推薦。最近轉台有一年免費myTV Super送,就搵翻2016年未睇的富士月九《思戀哭泣》睇,暫時睇兩集,男女主角互動都係集尾,節奏慢,睇怕要睇第三集高畑充希出場先有衝突,頭兩集都係介紹主角身細好慘,努力係東京搵錢再追尋夢想,高良健吾做戲真係麻麻。

發表於 Posted on: 2018-04-28 16:44

吉成千奈美
帖數 Posts: 1771
回頂端 / Top
《花樣男子NEXT SEASON》自首集後連升兩集,最新9.6%,下周會唔會上到雙位數,至於《信用欺詐師JP》連續兩周都有9%,照計可以打破月九上兩季劣勢,反而《Signal》最新一集跌至7.9,暴死原因同原作韓劇以真實案例吸引觀眾,而日劇版翻拍明顯水土不服。

發表於 Posted on: 2018-05-02 23:53

吉成千奈美
帖數 Posts: 1771
回頂端 / Top
Viu TV日劇預告:

《人100%靠外表》 桐谷美玲 富士電視台木曜劇
5月19日晚8:30首播

發表於 Posted on: 2018-05-03 23:16

吉成千奈美
帖數 Posts: 1771
回頂端 / Top
TVB日劇預告:

《毫不保留的愛》 武井咲 TBS火十劇 2016 J2

《逃亡花》 蒼井空 BS JAPAN 翡翠台

發表於 Posted on: 2018-05-03 23:17

吉成千奈美
帖數 Posts: 1771
回頂端 / Top