tvb.com

 
 
tvb.com
 

TVB日劇討論

至於韓劇,聽HKEPC班韓劇迷講,宜家J2連《傳說的魔女》都要搶免費電視播映權,證明TVB韓劇沒咩存貨,都唔知講TVB咩好

發表於 Posted on: 2017-09-17 11:25

煲劇
帖數 Posts: 83
回頂端 / Top
講真TVB收費韓劇台仲有堆韓劇存貨係度,照計J2重播2015-2016年韓劇台都有排播,足夠播一年有多,細咩搶有線播過的《傳說的魔女》,不如話TVB藉此打擊奇妙電視,等奇妙播唔到減少威脅。另外去年J2巡禮兩套韓劇《灰姑娘與四騎士》同《戲子》到今時今日都仲唔播,寧願播《法妻當自強》都唔播,真係唔明TVB搞咩。

發表於 Posted on: 2017-09-19 19:30

吉成千奈美
帖數 Posts: 1771
回頂端 / Top
又唔覺Viu TV hea搞日劇,起碼今年日劇檔已經連續兩套係首播日劇,《Crisis》仲要緊貼日本播放,卡士係香港人都識的小栗旬同西島秀俊,不過播放時間唔好,就算幾好睇都難吸客,證明Viu TV節目編排問題,仲有當初開台時明知唔夠日劇存貨,走去星期六日朝早播首播日劇已經夠傻,搞搞下連星期日日劇檔都cut埋。

奇妙係下個月開始有日劇播,一星期播一集,播放時間係星期日晚10:30-11:30,同以前TVB安排日劇時段相近,先不論《刑警相棒》系列吸唔吸引到觀眾,起碼有合適穩定播放時間俾觀眾,其實奇妙播放日劇時段罷明同J2日劇時段打對台,難怪J2要播放《緊急救命3》留客,咁搞法以後J2星期日日劇時段要出卡士勁高收視日劇,而有線劇集台播非刑事劇都係放平日檔,反而Viu TV唔敢放日劇落平日播,證明Viu TV太保守。其實今次奇妙放日劇落係星期日晚播,反而俾到壓力Viu TV,Viu TV堆自製節目+動漫好明顯唔夠TVB同奇妙打。

事實上Viu TV定位搶J2收視又唔覺,至少Viu TV同J2節目表編排好唔同,好似Viu TV播日韓劇時段太早,根本吸引唔到年輕觀眾,堆自製節目太遲播又吸引唔到主流觀眾,收視差係Viu TV自己做成,明知收視無起色仲唔改節目表,繼續主打真人騷,唔死都無用。奇妙收視高過Viu TV正常,主打劇集,綜藝製作飲食旅遊節目明顯係TVB模式,食正師奶市場。其實奇妙本身自製節目唔多,仲要無大氣電波,但收視高過Viu TV,證明Viu TV搞電視幾失敗。事實上奇妙申請大氣電波,又要投資製作節目同增加兒童節目,會唔會為多少少收視加大投資,始終香港免費電視廣告市場逐年下跌。

發表於 Posted on: 2017-09-19 21:13

吉成千奈美
帖數 Posts: 1771
回頂端 / Top
回應:UIE1017

myTV Super緊貼日本播放日劇有《黑色復仇》,《明日的約定》,《雙面醫生2》同《女醫神Doctor X 5》,而《監獄公主》亦會完成粵語配音後安排於11月尾播放,《民眾之敵》同《太太 請小心輕放》因版權問題無法播放,其實TVB有提到後者兩套日劇,照計應該有買入版權,如果唔係就唔會提。

《雙面醫生2》,《女醫神Doctor X 5》同《監獄公主》未公佈前都估到TVB買硬,反而TBS日九劇《陸王》唔買,就真係奇怪,換言之J2唔細上上季低收視日九《對不起,我愛你》,仲有J2係9月播放兩套緊貼日劇《HELLO!刺蝟偵探》同《緊急救命3》都係為買今季日劇《雙面醫生2》同《民眾之敵》有關。

另外TVB今季買兩套富士日劇《民眾之敵》同《明日的約定》,唔通係《緊急救命3》收視好,令TVB對富士日劇有更大信心,定純粹係卡士吸引,而《太太 請小心輕放》係NTV水十劇,照計應該係Gem TV首播至係,TVB咁都買到,難怪日劇台最近重播兩年前播過的NTV日劇《花咲舞不會沉默》,究竟TVB出幾多錢去說服NTV賣版權,唔知香港Gem TV搵邊套劇頂《太太 請小心輕放》。即管睇下TVB下季仲有無NTV日劇,反而有合作關係的Now連一套NTV日劇都無。

TVB今季落力搶日劇,除了有買開的TBS,仲有同Now有合作的富士,NTV,反而Viu TV暫時未有緊貼一套秋季日劇,睇怕都係得套富士木十《刑事弓神》,最多都係多套朝日土十一《成人高校》,照計Viu TV已經用晒彈藥係夏季度,加上免費台Viu TV又無加日劇時段,Now觀星台堆日劇都夠下年免費台重播。

老實講TVB同TBS買劇協議係唔係已經完結,照目前情況睇,TVB近貼TBS日劇數目由往常3套降至2套,而日劇台以往周不時播放TBS深夜劇,不過今年開始已經停播TBS深夜劇,黃金檔日劇得火十買斷,金十同日九檔日劇唔係套套買,唔知Viu TV同奇妙電視可以乘虛而入爭買TBS日劇,有線電視都有買兩套富士日劇《謊言戰爭》同《貴族偵探》,今季如果買唔到日劇,睇怕要買翻上兩季的《被討厭的勇氣》同《櫻子小姐的腳下埋著屍體》。

發表於 Posted on: 2017-10-11 17:15

吉成千奈美
帖數 Posts: 1771
回頂端 / Top
今季Viu apps公佈日劇得三蒲春馬套朝日金十一《大人高校》,《新宿Seven》都係東視24劇,一向都係Viu買斷,所以唔意外,仲有套《BORDER 衝動》SP,同之前估計一樣,Viu TV今季買幾套日劇就算,因為係夏季已經買了好多日劇,照計富士木十《刑事弓神》都唔要,同去年情況一樣一套富士秋季日劇都無,都唔知係唔係秋季日劇貴,Viu TV唔肯出錢買。

而有線劇集台係9月尾上完《謊言戰爭》,11月即上富士月九《貴族偵探》,照計應該有唔少日劇係度,唔係唔會咁快播晒堆日劇,不出我所料有線劇集台公佈即將播放日劇有《櫻子小姐的腳下埋著屍體》,有線專入這堆有尊尼藝人演出的富士日劇,可能係貪卡士唔錯同網上無得播,TVB就算買都只可放J2,J2根本無咁多日劇時段播得晒,仲要有時重播日劇台堆日劇。Viu TV更加唔會買這堆無得網上播放的日劇。講真有線無可能買得一套日劇咁少,《刑事弓神》應該如無意外係有線度。

發表於 Posted on: 2017-10-20 23:52

吉成千奈美
帖數 Posts: 1771
回頂端 / Top
事實上香港三間電視台買日劇都係出自富士電視台,所以富士日劇仍然係香港三間電視台必爭之地,2017年富士黃金檔日劇暫時得返《刑事弓神》,《大貧乏》同《被討厭的勇氣》未有香港電視台購入,《大貧乏》卡士弱,收視差,睇怕都未必會有電視台會買,至於《被討厭的勇氣》係收視毒藥香里奈主演,加上係推理刑事劇,照計香港播都會有市場,始終香港都播唔少香里奈演出的日劇,仲有富士由今季開始由以往四檔縮減三檔,富士日劇數量大減,有線又未必夠TVB同Viu TV爭,好大機會有線買唔到同年日劇,都要入翻以前未有香港電視台購入的日劇頂檔,2016堆富士日劇《HOPE》,《該隱與阿伯》,仲有2015年富士日劇《約會》,《錢的戰爭》卡士同收視唔差,不妨可以考慮下引入,其實2015年富士日劇《影子射手》,《遺憾丈夫》口碑都唔錯,仲有即將係AKB48畢業的渡邊麻友係2015年主演的日劇《戰鬥吧!書店女孩》雖然當年收視差到腰斬,但計係香港人氣都可以吸引到觀眾,話時話2015年TVB仲咩放棄冬季日劇,反而走去買堆收視同口碑都強差人意的《街坊消防隊》,2016年TVB又無再翻,反而去年暑假日劇台走去首播2014年《熱血水球少年》,J2係同年12月朝早重播。睇翻富士官網,今年開始由尊尼藝人演出的富士日劇都有原本劇照,但《該隱與阿伯》未有介紹,究竟係唔係富士收起版權,無打算售賣海外播放版權,同尊尼有關,台灣到目前為止都未有電視台播放《該隱與阿伯》。

發表於 Posted on: 2017-10-20 23:53

吉成千奈美
帖數 Posts: 1771
回頂端 / Top
Viu Singapore shared Fuji Television's video.
October 19 at 12:00pm ·
Can two detectives with nothing in common arrest criminals that plague society? Catch the new #Jdrama, Detective Yugami on Viu - available just 24 hours after Japan's broadcast!
Catch it for FREE on Viu ► https://goo.gl/2RBYkX
Get Viu Premium to enjoy unlimited downloads for offline viewing & more!
https://www.facebook.com/viusingapore/

發表於 Posted on: 2017-10-24 18:11

man
帖數 Posts: 803
回頂端 / Top
viu新加坡有《刑事弓神》.

發表於 Posted on: 2017-10-24 18:13

man
帖數 Posts: 803
回頂端 / Top
回應:man

新加坡Viu有《刑事弓神》,但香港Viu咁耐都未上架,況且香港同新加坡Viu播d日劇都唔同,應該無直接關係。而香港Viu係星期二上架富士月九《民眾之敵~在這世上,不是很奇怪嗎!?~》,照計播了兩集的《刑事弓神》都唔會播。

提外話Viu TV係1月播完日劇《黑色筆記簿》後,好大機會上這套緊接,始終這套劇卡士唔錯,免費台首播會吸引到廣告贊助。

發表於 Posted on: 2017-10-25 22:46

吉成千奈美
帖數 Posts: 1771
回頂端 / Top
回應:UIE1017

Viu TV買了富士月九《民眾之敵》,照計之前所講《太太 請小心輕放》TVB都唔妨買到,好大機會Gem TV首播,好明顯hkpec消息唔準確,一切都係等電視台公佈為準。其實TVB今季買日劇都唔係好多,都唔知夠唔夠劇俾日劇台播。

講真J2 9月緊貼日本播放《緊急救命3》,8月係免費台解禁富士日劇,重播日劇台播過的富士日劇《小學餐女廚神》,其實好明顯係想同富士打關係,肯接手頭兩輯都無播過的《緊急救命3》,無非都係睇中下套月九《民眾之敵》,不過結果都係買唔到,好明顯TVB遲出手,而日劇台係星期四重播2015年富士月九《友人戀愛》,好明顯TVB係有計劃購買《民眾之敵》,只係俾Viu TV快出手搶到,近年TVB買富士月九劇都係等日本播完先肯買,罷明緊貼價錢貴,宜家俾Viu TV買了又少套劇播。

唔知J2播完《緊急救命3》,會唔會繼續上富士月九劇,尤其係宜家《民眾之敵》買唔到,TVB繼續上富士日劇都唔會有幫助,但今季無一套TBS日劇係日劇台唔播得,而播朝日劇都係無咩作用,定係清埋巡禮未播的《有喜歡的人》,一切都要等兩星期後先知。

另外《友人戀愛》好大機會係J2重播,《VS嵐》差唔多播到《友人戀愛》個集,所以J2一定要係播個集之前上了套劇先,同去年12月J2係朝早重播《熱血水球少年》情況一樣。

發表於 Posted on: 2017-10-25 23:25

吉成千奈美
帖數 Posts: 1771
回頂端 / Top
估唔到《民眾之敵》係由now買,感覺故事都真係似tvb買嘅類型。開頭我以為tvb應該會宣傳《陸王》但之後有風間俊介參演,就知道mytv super播唔到,即管睇下tvb夠唔夠膽放j2。照計下年j2會播《BG~身邊警護人》、《女醫神Doctor X 5》同《雙面醫生2》,呢3套巡禮應該會講。今季暫時睇左《愛在香港》、《雙面醫生2》同《只是先出生的我》,《愛在香港》其實都ok,不過節奏比較慢,睇番原來編劇係倉光泰子,怪唔得好似《情歌》個種感覺,另外2集都唔係好突出香港有咩特色,希望最後2集會好啲。《雙面醫生2》繼續好睇,2集都唔錯,做到第一輯咁感人,反而個新人暫時無咩發揮。《只是先出生的我》只係睇左1集,比較悶,睇唔到有咩特色。雖然富士3套劇都收視差,但口碑算係唔錯,不過睇怕都係叫好不叫座。tbs火十下季竟然係吉岡里帆主演《君が心に住み憑いた》,《其實並不在乎你》班底,吉岡里帆上位未免太快掛!

發表於 Posted on: 2017-10-26 4:02

UIE1017
帖數 Posts: 1570
回頂端 / Top
回應:UIE1017

根據Hkpec討論資料所得,TVB當時係有公佈《民眾之敵》,仲話myTV Super暫時因版權問題無法播放,照計無買到唔會公佈,照計TVB唔肯買緊貼播放權,而Viu TV係套劇開播前已經買了,咁未無了套劇,況且《民眾之敵》又無傑尼斯藝人演出,可以放係網路播放,往後好大機會無傑尼斯藝人演出的富士日劇都係Viu TV優先購買,當然《民眾之敵》卡士都係TVB買開,但係富士製作都唔會係TVB買到。不過講開又講開去年TVB買到兩套緊貼富士日劇《小學餐女廚神》同《一哥出更》,反而Viu TV一套都無咁奇怪,究竟去年發生咩事。

原來《陸王》有風間俊介演出,myTV Super唔播得,所以TVB無係日劇台播。照計上一套日九《對不起,我愛你》都無買到,TVB好大機會唔買,除非傑尼斯放行,唔係myTV Super都好難播到,J2上《陸王》都唔妨吸到廣告商,始終這類商戰劇唔係香港觀眾鍾意類型,卡士又唔係吸引。最衰TBS日劇又唔可以好似其他台賣俾有線,唔係都仲可以賣俾有線,睇個勢TVB唔買就無台播,十足十去年套火十《毫不保留的愛》無台播。

至於J2日劇巡禮12月出,到時就可以知J2播邊幾套劇,可以肯定會播就真係得《女醫神Doctor X 5》同《雙面醫生2》,不過唔知放J2定日劇台上先,如果放日劇台播先,J2重播都要等幾個月,仲有《0.1無罪真相2》一定J2會播,《BG~身邊警護人》係朝日木九劇,話唔定Viu TV買,況且傑尼斯藝人演出的朝日木九劇都可以網上播,去年《Specialist》都可以係Viu apps播到。

發表於 Posted on: 2017-11-01 23:34

吉成千奈美
帖數 Posts: 1771
回頂端 / Top
今季日劇無點睇,但上季日劇已經睇了兩套,超過一半,《HELLO!刺蝟偵探》劇情飄忽,時好睇時唔好睇,《緊急救命3》唔似外界講得咁差,套劇有感情線部分唔算多,反而這套劇醫療部分唔多,主要講人與人之間感情為主,唔似一般醫療劇咁公式,其實幾好睇,好睇過《A LIFE:深愛的人》。唔知你有無睇過這套。上星期六朝早播《Music station》回顧21世紀J-pop特輯幾正,對J-pop唔熟值得一睇,仲請到《大人高校》演員三蒲春馬,黑木美紗打氣,原來嵐同AKB48銷量已經成為最賣座男女組合。《VS嵐》最新個集係電影《帷幕升起》隊,桃色幸運草Z上來宣傳電影,這集幾好笑,難得Plus one FUJIWARA咁玩得帶起氣氛,當然桃色幸運草Z同嵐又玩得。

而今季日劇已經播了幾集,而收視比起往年偏弱,除了《女醫神Doctor X5》一支獨秀外,《太太 請小心輕放》,《陸王》同《雙面醫生2》都保持雙位數,其餘收視跌到個位數,《愛在香港》近排好多人討論,唔知係唔係香港拍緣固,而套劇無睇,但套劇係香港富有特色的公共屋村南山村同茶餐廳拍攝,已經比TVB製作港劇認真,劇情有無香港特色就唔知,如果係《情歌》個種感覺,咁套劇節奏幾慢,TVB娛樂新聞報導有訪問劇中演員,不過TVB無買咁奇怪。《雙面醫生2》有無加新線,好似星野源過去,套劇繼續行溫馨感人路線無錯,但婦產科難有發揮,個新人設定討唔討好。《只是先出生的我》第二集急跌,真係咁唔吸引,富士三套劇收視差都係題材少眾,單靠口碑無收視,好難再請大牌拍劇。今季TBS火十收視好低,好快變弱檔,所以吉岡里帆未必上到位。

發表於 Posted on: 2017-11-02 20:24

吉成千奈美
帖數 Posts: 1771
回頂端 / Top
J2预定播放剧集 : 陆王
https://zh.wikipedia.org/wiki/J2%E9%9B%BB%E8%A6%96%E5%8A%87%E9%9B%86%E5%88%97%E8%A1%A8_(2010%E5%B9%B4%E4%BB%A3)

發表於 Posted on: 2017-11-03 3:27

man
帖數 Posts: 803
回頂端 / Top
J2 11月日劇預告:

《女醫神Doctor X5》 11月25日起星期六晚11:00,接《HELLO!刺蝟偵探》

《陸王》 11月26日起星期日晚10:30,接《緊急救命3》

發表於 Posted on: 2017-11-04 16:41

吉成千奈美
帖數 Posts: 1771
回頂端 / Top
回應:UIE1017

J2係11月上《女醫神Doctor X5》同《陸王》,照計《雙面醫生2》應該放係日劇台首播,暑假先係J2重播,其實J2係去年9月重開日劇檔,作用主要用來清一堆買了但日劇台播唔到的日劇,好似《陸王》個類商戰劇根本唔係J2播開的劇種都照放J2,同以往J2主要播放年輕偶像主演的日劇唔同,J2明顯變質,唔再係年輕人頻道。

而《有喜歡的人》都唔知下年會唔會係J2播,J2播完《女醫神Doctor X5》同《陸王》最快都1月尾,即係要等到2月先上新劇,睇下J2會唔會配合2月情人愛的季節上套愛情劇,順便清埋巡禮未播過的《有喜歡的人》,不過到時又要播冬季日劇,《0.1無罪真相2》係2月播硬,應該係其中一套緊接劇,望就望Viu TV買到朝日木九《BG~身邊警護人》,咁J2就可以播少一套。

另外富士公佈2018年冬季月九,《海月姫》將由芳根京子主演,改編自東村明子的同名漫畫作品,相隔一年後又回歸純愛劇,唔知這套漫畫改篇的純愛劇收視如何,講真今季超強卡士的《民眾之敵》又低收,富士好應該改善劇本質量,而之前有傅會拍的《Fragile 2》係唔係因為新台長上任而中斷了企劃。由吉岡里帆主演的TBS火十《你已藏在我心底》又追加了新卡士,男主角有向井理同桐谷健太,卡士唔弱,證明吉岡里帆間事務所好吸力,《你已藏在我心底》真係有可能會好似《其實並不在乎你》爆紅。

發表於 Posted on: 2017-11-07 20:51

吉成千奈美
帖數 Posts: 1771
回頂端 / Top
吉成千奈美
咁唔通同樣case都可以應用到《太太,小心輕放》咩?《陸王》係池井戶潤作品改編,咁出名,點都會有廣告商支持。《BG~身邊警護人》暫時睇都係tvb買,除非tvb放棄唔買,now先可以執二攤。《愛在香港》節奏超慢,我睇到第3集,我覺得成套劇一兩日其實都拍完。tvb除左《深夜食堂》同《幸福的記憶》,都好少買mbs劇集,即管睇下tvb夠唔夠薑買。《雙面醫生2》新線都係個新人,星野源無新線。《只是先出生的我》第3集質素好好多,睇到校長心境嘅改變,希望質素繼續保持落去。宮藤官九郎劇集向來少眾,收視差都正常,更何況差極都好過富士3套劇。《有喜歡的人》我覺得應該唔會播,要播都係朝早播。《Fragile 2》應該係因為武井咲懷孕而改變計劃,《海月姬》有傳係臨時嘅計劃,同《不好意思,我們明天要結婚》情況一樣,不過下季咁多劇,我覺得好睇嘅應該係《海月姬》同《滅息的冬天》,其他感覺唔太吸引。水十有傳係廣瀨鈴主演,唔知係咩題材,不過廣瀨鈴依家聚焦於電影,會回歸拍劇都幾神奇。

發表於 Posted on: 2017-11-08 0:43

UIE1017
帖數 Posts: 1570
回頂端 / Top
回應:UIE1017

《太太,小心輕放》點同《陸王》比,只係計主演級都無得比。綾瀨遙點都有人氣過役所廣司,役所廣司就算係平時睇開日劇都未必識。講真池井戶潤作品改編日劇最弱主演級真係屬這部,而12月淡季少人睇電視,所以緊貼日本播放都未必有廣告商贊助。《BG~身邊警護人》係朝日劇,TVB唔係好似TBS劇咁一定買到,況且木村拓哉主演都唔可以係myTV Super播放,就算TVB買都未必早播,反正又係J2播,最多未好似《緊急救命3》係日本差唔多播完先上。而Viu買唔買到取決於有無得係Viu apps上播放。

《愛在香港》節奏超慢係唔係同深夜劇本身長度短所致,其實係香港拍的部分真係一兩日拍完,始終深夜劇製作成本有限。TVB都唔係好少買MBS劇集,《愛在香港》時段上幾套劇《三個奶爸》,《出租愛情》同《飯罪真相》都有係日劇台播放,不過《愛在香港》應該唔會係TVB播到,俾Netflix買了播映權。

《雙面醫生2》新線集中晒係個新人,真係唔明星野源會肯接拍。《只是先出生的我》第4集收視又回落至7.7,唔知最新個集係唔係質素差了,套劇質素都好飄忽下。宮藤官九郎劇集少眾但《海女》收得,仲有TBS明知佢d劇唔收得都敢請佢寫劇本,火十收視有少少起色都想整衰,唔通TBS想放棄火十檔,其實宮藤官九郎劇集放金十檔唔會有收視壓力。好老實講今季富士三套劇口碑唔錯,衰在富士收視2016年起積弱。

《有喜歡的人》話晒巡禮日劇,點都要放係J2播。其實TVB一早無打算播,去年就唔會係巡禮出預告。宜家拖了成年有多變舊劇,唔知TVB會唔會後悔去年J2放了套《無敵律師》落去,最後搞到《有喜歡的人》播唔到。話晒富士月九點都貴過朝日木九。而J2播唔播《有喜歡的人》就真係無人知,始終巡禮日劇得翻套《雙面醫生2》。

《Fragile 2》根本就係龜山千廣未離職前的企劃,到今年新台長上任所有計劃都腰斬晒,好似秋季富士月九之前一直傳木村拓哉主演,結果變篠原涼子,仲有篠原涼子肯接今季月九,係事務所套餐,篠原涼子同芳根京子同一間事務所,罷明以一換一,順便幫手捧下新人,所以《海月姬》唔係臨時計劃。更何況要拍《Fragile 2》都可以換女主角,好似《0.1無罪真相2》女主角榮倉奈奈都因為懷孕無拍。

發表於 Posted on: 2017-11-08 23:10

吉成千奈美
帖數 Posts: 1771
回頂端 / Top
其實相比起今季日劇,下季日劇好似吸引d,下季日劇咩題材類型都有,《海月姬》係富士出品,劇本質素難有保證,勝在有原作支持,仲有《海月姬》選角都好重要,因為男主角係偽娘。《滅息的冬天》係咩日劇。廣瀨鈴唔係要拍新版《花樣男子》,點會接水十。講真廣瀨鈴拍電影成績如何,肯回歸日劇無非想谷人氣。其實下季仲有套《Unnatural》值得留意,雖然係法醫查案劇,但係由《逃恥》的編劇野木亞紀子寫劇本,質素有一定保證,唔知這套劇會唔會加條愛情線,仲有石原聰美肯接劇本唔會太差。

發表於 Posted on: 2017-11-08 23:12

吉成千奈美
帖數 Posts: 1771
回頂端 / Top
回應:UIE1017

富士近日公佈下季冬木曜劇《鄰居家的月亮比較圓》,描述住在合作社房屋的家族們的糾葛和成長,將由深田恭子主演,松山研一助演,木曜劇又回歸傳統女性劇,證明今季木曜劇主打男性市場《刑事弓神》策略失敗,而編劇中谷真弓近年寫過《校閱女孩河野悅子》,《親親兩姊妹》,《最後的灰姑娘》,收視都唔錯,希望今次救到一直積弱的木曜劇。

另外有傅TBS會係春季翻拍新版《花樣男子》,廣瀨玲演女主角,四位男主角由Johnny組合Sexy zone,Johnny West選出,唔知消息是否屬實,如果係真,照計TBS都係放金曜檔,J2好大機會首播。

發表於 Posted on: 2017-11-11 18:30

吉成千奈美
帖數 Posts: 1771
回頂端 / Top
吉成千奈美
咁係因為役所廣司專注電影囉,好似淺野忠信咁。池井戶潤最弱主演好明顯係相葉雅紀啦,連富士都吐槽話池井戶潤作品最弱主演。tvb買《BG~身邊保護人》可以響j2播,不過應該都要睇口碑先,畢竟呢套似乎會變爛片。《三個奶爸》,《出租愛情》同《飯罪真相》都係tbs製作,而且係今季被廢嘅水24檔,同《愛在香港》火25檔完全唔同。今季富士有口碑嘅似乎係得《刑事弓神》同《明日的約定》,觀眾評價分數高,尤其是《刑事弓神》,反而《民眾之敵》口碑麻麻,分數高《現在開始威脅你》少少。12月中要交嘅功課都完成,只係剩番聖誕後嘅presentation,終於有番小小時間睇劇。《海月姬》男主角有傳係吉澤亮或者千葉雄大,兩位做偽娘其實都唔錯嘅。《滅息的冬天》係ntv土十,山田涼介主演,係查案劇。《花樣男子》一早澄清左無新版,反而係廣瀨鈴主演嘅電影《去吧!啦啦兵團》tbs要翻拍成日劇,時間未知,我估應該係金十播。廣瀨鈴套《anone》劇名古怪,劇情感覺比較憂鬱,唔知阪元裕二會唔會搞到水十差呢?《Unnatural》係野木亞紀子原創劇本,過往佢都係改編作品,原創嘅《神七探偵團》被人鬧太差,好難對佢有期待,而且法醫唔係我鍾意睇嘅類型,唔會有太大期待。《刑事弓神》口碑唔錯,收視不斷上,故事亦唔會好似《明日的約定》咁憂鬱,各方面好過大卡士嘅《民眾之敵》,證明日本觀眾其實都好似香港觀眾咁,都係注重番劇本質素。《鄰居家的月亮比較圓》感覺唔會救到富士,深田恭子同松山研一都唔係收視良藥,甚至係毒藥,好難話套劇會收視高,而且感覺都比較憂鬱,但劇本質素應該ok,都會有興趣睇。

發表於 Posted on: 2017-12-05 23:25

UIE1017
帖數 Posts: 1570
回頂端 / Top
富士月九下季有《海月姬》,芳根京子主演,故事內容吸引,但編劇嘅劇集質素唔穩定,好難講套劇到底會唔會留到觀眾睇,不過我估收視大約徘徊響7-11%左右。火九有《Final Cut》,龜梨和也主演,栗山千明同藤木直人合演,又係復仇劇,不過過往關西電視台拍嘅復仇劇收視口碑都唔錯,儘管龜梨和也演技大家未必接受,但故事質素應該可以補救到,我估收視大約響9-12%左右。木十有《鄰居家的月亮特別圓》,深田恭子主演,松山研一合演,編劇編嘅劇本身口碑質素都好,相信故事質素應該唔錯,但沈重內容吸唔吸引到觀眾又係另一回事。而《我想吃掉你的胰臟》嘅北村匠海演同性戀者,我覺得應該有發揮空間,不過礙於沈重劇情,收視應該會比較差,我估大約5-7%左右。
TBS火十有《你已藏在我心底》,吉岡里帆主演,向井理同桐谷健太合演,又係愛情劇,編劇響火十編嘅《拜託請愛我》同《其實並不在乎你》我都有睇,兩套我覺得都ok,尤其是《其實並不在乎你》,相信呢套劇故事質素應該唔錯,收視應該有9-12%左右。金十有《Unnatural》,石原聰美主演,窪田正孝同井浦新合演,法醫類型劇集我唔係特別有興趣,不過日本觀眾對於醫療查案劇都算受落,我估收視應該都有7-10%。日九有《0.1無罪真相2》,松本潤主演,香川照之同木村文乃合演,第一季我未睇,但見到日本觀眾幾受落,咁我相信第二季收視都唔會太差,應該都有16-19%。

發表於 Posted on: 2017-12-06 0:02

UIE1017
帖數 Posts: 1570
回頂端 / Top
NTV水十有《anone》,廣瀨鈴主演,田中裕子同瑛太合演,阪元裕二近年編嘅劇收視差但算有口碑,相信今套都唔例外,我對於個故事興趣唔係太大,反而對於廣瀨鈴能唔能夠應付到呢個角色有啲期待。收視我估應該得6-9%。土十有《滅息之冬》,山田涼介主演,波瑠同小澤征稅合演,故事睇落幾得意,不過我希望唔好講話山田涼介同波瑠、小澤征稅個角色無血緣關係,因為唔知係唔係被《愛麗絲的刺》影響,中村梅雀個角色感覺會爆出大秘密,不過無論如何,我都會追呢套,劇情應該幾輕鬆,相信應該都有9-13%左右。日十有《決定性的接吻》,山崎賢人主演,門脇麥同新田真劍佑合演,我覺得呢套劇嘅故事有種美劇風,日劇拍唔拍的好好難講,但我覺得應該可以吸引日十本身嘅觀眾群,相信收視應該都有8-11%。
朝日木九有《BG~身邊保護人》,木村拓哉主演,江口洋介同菜菜緒合演,我覺得呢套劇嘅故事比較普通,可能動作場面好睇,我興趣本身唔算特別大,所以未必會追,收視我估應該有11-13%左右。金十一有《Holiday Love》,仲里依紗主演,套劇好似《神奈小姐》,但感覺比《神奈小姐》吸引,仲里依紗個氣場好適合個角色,相信收視應該有5-8%。土十一有《更喜歡明天的你》,市原隼人主演,伊藤步同志田未來合演,劇情都係好普通,但應該會細膩,不過我覺得森川葵同志田未來演同性戀者會有大嘅發揮,我估收視應該有4-6%。
我會追嘅劇應該有《海月姬》、《鄰居家的月亮特別圓》、《滅息之冬》同《決定性的接吻》,觀望下嘅有《你已藏在我心底》、《Unnatural》、《anone》同《Holiday Love》。
我估tvb會買《海月姬》、《你已藏在我心底》、《Unnatural》、《0.1無罪真相2》(應該
j2播)同《BG~身邊保護人》
now應該買《鄰居家的月亮特別圓》、《Holiday Love》同《更喜歡明天的你》
有線應該買《Final Cut》

發表於 Posted on: 2017-12-06 0:02

UIE1017
帖數 Posts: 1570
回頂端 / Top
回應:UIE1017

役所廣司有演出電影又唔覺,起碼係香港未見過有上映他演出的電影。連TVB都知役所廣司無人氣,宣傳日劇《陸王》都要用新生代偶像山崎賢人同竹內涼真吸引觀眾。淺野忠信未拍《刑事弓神》前,有演出日劇《A LIFE:深愛的人》,多多少少叫入到屋,始終電影同電視劇觀眾唔同。池井戶潤最擅長寫商戰劇,相葉雅紀主演《歡迎來我家》係家庭懸疑劇,所以話池井戶潤作品最弱主演又唔公平。《BG~身邊保護人》係朝日木九劇,唔似去年J2首播《A LIFE:深愛的人》係合約套餐一定要播,況且緊貼木村拓哉主演的日劇唔可以網上播,照計Viu TV唔要多,TVB好可能等日本播出後收視反應先決定買唔買,情況正如《緊急救命3》一樣。講真這套劇好大機會係爛片,都今時今日都無公佈女主角,加上木村拓哉主演的2015年朝日劇《回家的鎖匙》,劇本都唔見得好,這套仲要係原創劇本更唔睇好,買都係買卡士。TBS近排為咩事要廢咁多劇檔,TBS劇收視又唔係差,反而朝日係咁加劇檔,今年製作完午間連續劇,又加土11深夜劇。而火25檔係MBS製作,照計應該唔係合約套餐內,水24檔廢埋搞到日劇台連周五都改為重播劇,證明TVB唔夠日劇存貨。

發表於 Posted on: 2017-12-09 19:08

吉成千奈美
帖數 Posts: 1771
回頂端 / Top
今季富士三套劇收視都係得個位數,就算有口碑都補償唔到廣告流失,《緊急救命3》真係全年富士最高收視劇集,《刑事弓神》係查案劇,係日本觀眾最愛題材,所以觀眾評價分數高係正常,反而《民眾之敵》係政治劇,題材冷門,靠卡士搭救都救唔住,係最慘情的一套劇,再係咁跌落去,真係破月九新低記錄。《明日的約定》口碑真係唔錯,不過劇情沉重趕客,難得井上真央復出都搞死咁。

即係你宜家做晒d功課,有多少空閒時間可以睇劇,講真你唔細溫習應付考試。《海月姬》男主角公佈了,瀨戶康史做偽娘,好似唔多似。《滅息的冬天》係NTV製作的查案劇,劇本質素成疑,真係唔明你會期待這套,除非你係鍾意山田涼介先會追。《花樣男子》點會無新版,拍這套主要捧新人,尤其係尊尼極需要借這類有收視保證的偶像劇吸納觀眾。廣瀨鈴主演嘅電影《去吧!啦啦兵團》好收得咩,要翻拍成日劇咁勁。廣瀨鈴原本被木村拓哉邀請演出《BG~身邊保護人》,後來拒絕演出這套。其實《anone》劇名十足十阪元裕二之前寫的劇《Mother》,《Woman》用英文名,阪元裕二寫個d劇有邊套唔係憂鬱,收視差係預了,阪元裕二有邊次唔差個劇檔,只係需要幾耐時間令原本劇檔回復正常水平,一個唔好彩搞到木十咁就死呢。好老實講《神七探偵團》唔係野木亞紀子一個寫的原創劇本,況且《神七探偵團》劇本質素差又唔覺,仲有這套雖然係法醫劇,但野木亞紀子寫實有愛情線,所以唔鍾意睇法醫都仲有愛情部分可睇,加上石原聰美肯接,照計劇本唔會差得去邊。

《刑事弓神》收視升極都唔夠7%,仲有收視高大卡士嘅《民眾之敵》同咁憂鬱的《明日的約定》唔多,咁都證明唔到日本觀眾其實都好似香港觀眾咁,都係注重番劇本質素,反而用《女醫神Doctor X》系列同《陸王》做例子仲貼切。《鄰居家的月亮比較圓》話晒係家庭倫理劇,就算深田恭子同松山研一係收視毒藥都好,題材照計都吸引到師奶觀眾,不過富士收視積弱,真係要靠劇集口碑慢慢積聚觀眾。

發表於 Posted on: 2017-12-09 19:09

吉成千奈美
帖數 Posts: 1771
回頂端 / Top