tvb.com

 
 
tvb.com
 

TVB日劇討論

回應:UIE1017
與其睇TVB新聞節目,還不如睇Now新聞同有線新聞好過,起碼公信力俾TVB高,宜家《6點半新聞報導》已經跌到7.9點,再大陸化落去,睇怕仲有機會跌

發表於 Posted on: 2017-07-01 21:44

煲劇
帖數 Posts: 75
回頂端 / Top
煲劇
now新聞都有睇,不過有線嘅就真係睇唔到,都收唔到奇妙電視,上網睇倒不如睇蘋果,東方仲好啦!

發表於 Posted on: 2017-07-01 21:50

UIE1017
帖數 Posts: 1539
回頂端 / Top
回應:UIE1017

《其實我不太愛你》結局預料之內就一定,不倫劇唔通寫出軌成功,到時又俾家長投訴教壞細路。最近有傳會開拍第二輯,事實上以TBS近年火十劇收視計,平均收視有11.16已經排第二最佳收視,開拍第二輯都係正路,更何況近年日劇收視有雙位數已經唔錯。不過最唔明TBS唔開拍《僱傭妻子》第二輯先,始終《僱傭妻子》大結局留空,都仲有嘢寫,而觀眾都好期待睇實栗同平匡曖昧,講真我都有興趣睇佢地之後發生的事。《加奈小姐!》預了係炮灰劇,卡士弱,劇情唔吸引,至於角色熱血又唔係問題,真係唔明TBS夏季火十出個弱陣趕客。其實宜家富士木十收視弱,就算搵石原聰美救都未必救到,況且《校閱女孩 河野悅子》係NTV水十檔播,用佢來做參考數據唔恰當,更何況富士木十繼續拍女性題材日劇又唔多睇好。夏季木十收視平均上到8未免太樂觀,真木陽子人氣仲差過桐谷美玲,好難吸引觀眾,套劇係第一集播出無迴響應該好難上。其實今季富士整d海報都幾有心機,希望吸引觀眾睇返富士。

講真現時日本旗下藝人都係由各自經理人公司管理,所以同一事務所藝人演出劇集會由某位歌手主唱,好明顯唔係偶然,正確來講係連帶關係,《人100%靠外表》首主題曲未聽過,不過《有喜歡的人》首主題曲聽過都唔錯,知英唔係改了名叫做JY,事實上她宜家好似專注唱歌,唔通拍劇收視差無人請要轉型,不過她唱歌事業又發展唔錯。NTV自從今季用原創劇本,收視就無起色,唔知NTV係唔係同富士一樣無錢買版權改篇,至於水十收視跌入低谷係今季《成為母親》已經發生了,睇怕NTV要救收視都係靠《賣房女子》開拍第二輯先救到。好老實講《陸王》同《小巨人》又係同一班底製作,就算類型唔同,但係仍然貫徹個種爽快劇情,令觀眾睇得欲緊。秋季月九未必唔收得,宜家日本舉行選舉,如果編劇可以用今次選舉做參考藍本,引起觀眾共鳴,應該救到月九。其實篠原涼子角色設定似東京都知事小田百合子,《Fragile》收視都唔算特別好,更何況橋部敦子寫醫療劇真係唔多睇好,《A LIFE:深愛的人》劇本真係唔得,所以我對《Fragile 2》收視都唔多樂觀。木村拓哉上次主演朝日木九收視已經唔好,都係拍翻TBS同富士劇算,好明顯木村拓哉同朝日唔多夾。

發表於 Posted on: 2017-07-02 13:48

吉成千奈美
帖數 Posts: 1605
回頂端 / Top
回應:UIE1017

Now觀星台係7月8日首播富士月九《不好意思,我們明天要結婚》,所以增加了Viu TV買《Code blue3》的機會,因為台灣Wakuwaku Japan已經定了7月播放《Code blue3》,而Wakuwaku Japan買入唔少舊富士月九劇播放,反而有線連一套月九劇都無播,照計機會唔大。另外Now觀星台首播兩套日劇《掠奪的愛、冬》同《不好意思,我們明天要結婚》都有配音,照計之後好快係Viu TV重播,因為Now觀星台播放有配音的韓劇都一定會係Viu TV重播,真係唔知放咩時間播放。

維基百科公佈了播完《逆轉真相》之後重播日劇台播過的日劇《小學餐女廚神》,係J2久違兩年後的首套富士劇,講真完全唔明TVB安排夏天播套冬季劇,完全唔應節,宜家只有一個可能性係TVB打算買夏季富士木十劇《瑟西爾的企圖》俾myTV Super播放,唔係就真係解釋唔到會有咁安排。《有喜歡的人》無論收視定人氣都高過《小學餐女廚神》,唔播有d奇怪。不過J2巡禮堆韓劇好多都未播,話唔定播完《小學餐女廚神》之後先上《有喜歡的人》。

講真TVB唔一定會買晒所有TBS劇集,好似去年開始都無買《別讓我走》同《毫不保留的愛》,《對不起,我愛你》翻拍韓劇,仲有韓國演員演出,韓劇味咁重,唔妨係日本會收得,TVB有可能唔買,況且長瀨智也又唔係TVB常買卡士。《偵探物語》係TBS金曜劇,無得緊貼,就算要播都要等到日本播完之後先可以上。

《機動警察》唔係日本衛星台製作,睇維基百科係寫12集,不過無論如何都想知會放咩時段播,TVB對這類刑事劇興趣唔大,如果話因為有橋本環奈演出而買,就唔會有咁的機會,可能係最後一套日九劇,收視回升先可能令TVB買。咁這套劇又唔會無電視台買,有線一向對這類刑事劇有興趣,價錢平會購入。精選日韓劇時段根本唔會播新劇,播新劇一定會搶翡翠台劇集收視,宜家翡翠台收視低迷,就更加唔會。《繼承者們》又唔係好睇,都明TVB為咩要重播這套,星期日朝早係播重播劇,《可愛的妳》係J2 2015年播過,之前個堆首播韓劇都係其他電視台播過的免費版權,台劇無話唔播,改係星期一至五晚深夜凌晨時段劇場播放已經可以清堆三立嘅劇集,其實台劇已經無咩香港電視台買,Viu TV播個堆都好舊,清埋堆存貨都唔會再播,況且台劇係台灣都無人睇,係J2播無收視廣告贊助,實際上改播綜藝節目仲吸到客。

發表於 Posted on: 2017-07-02 14:34

吉成千奈美
帖數 Posts: 1605
回頂端 / Top
吉成千奈美
《其實我不太愛你》第二輯都唔知點寫好,唔通寫主角遇到命運中嘅戀愛定復合?《僱傭妻子》第二輯正如你之前話齋,都已經一齊左,可以點寫?雖然係有個命運輪盤響度玩,不過似乎都暗示左佢地將來會生好多仔女等等,都算交代左,如果再講恐怕只會虎頭蛇尾。《加奈小姐!》收視點都會差,不過差極平均應該有8%左右,畢竟又有不倫劇情。正因為《校閱女孩 河野悅子》響水十播,所以預測收視咪要調低啲囉!真木陽子人氣何來差過桐谷美玲,你頂盡只可以話兩個人人氣差唔多,再者,都要睇下故事係點,先可以吸引觀眾。雖然我無睇《人100%靠外表》,但我覺得主題曲都配合到劇集個種感覺,係今季入面比較好嘅主題曲,所以日劇學院賞投左呢首歌一票。日劇學院賞基本上我都係投曬《其實我不太愛你》,男主角投左藤原龍也,女主角投左波瑠,男配角同女配角分別投東出昌大同仲里依紗,最佳劇集投《其實我不太愛你》。知英好似參演嘅劇集無套出色,收視都係平平穩穩,口碑除左《民王》之外其他無咩,難怪唔再拍劇。ntv有好多廣告商贊助,點會無錢買版權?不過今季全部劇集都係原創,除左《過保護的加穗子》可能會跑出之外,其他兩套似乎都唔係好睇到有地方可以同其他劇集較量。你都識講,「如果」編劇可以用今次選舉做參考藍本,引起觀眾共鳴,應該救到月九,咁都要編劇識去用呢個選舉做藍本先得,始終編劇好似真係無咩經驗,咁多套勉強比較出名嘅係《東京女子圖鑑》,連續劇都只係2套wowow同2套ott,集數短,或者係佢長處,但要編10集劇集未必可以,變相其實係有少少要靠卡士黎吸引觀眾。《Fragile》收視係唔算特別好,但已經係2016年富士收視最高劇集,點會唔開第二輯?不過劇情又真係麻麻地嘅!《回家的鎖匙》只能話最後聲勢凌厲,但劇情都算唔錯,而且木村拓哉肯接拍證明同朝日合作愉快,何來唔夾?另外8月9號《法妻當自強》第一集延遲到11:15播,精選日韓劇時段應該會有第二套重播日劇。

發表於 Posted on: 2017-07-03 18:30

UIE1017
帖數 Posts: 1539
回頂端 / Top
最近now觀星台都減少首播劇集,唔知係唔係已經無錢買新劇。《不好意思,我們明天要結婚》我建議睇前面已經好ok,後面劇情其實都無咩特別,都估到,無謂曬時間。播《小學餐女廚神》又真係估唔到,不過響7月播又無問題嘅,畢竟劇情都係講煮食,同季節無關,咁《有喜歡的人》最遲真係要響9月播,如果唔係簡直無曬氣氛。好多唔收得嘅劇tvb都買啦,所以都唔關事,《對不起,我愛你》買唔買就要睇下tvb會唔會選擇《偵探物語》,如果買《偵探物語》就一定響j2播。《偵探物語》點會無得緊貼,以往金十都可以緊貼啦!就算tvb緊貼《四重奏》,《A Life 深愛的人》都依然可以響j2緊貼播放,播《偵探物語》一定無問題。《機動警察》係電影,不過電影長度非常短,而維基今日寫左響星期日12:30播,即係代替番賽馬個段時間。咁《繼承者們》都算有迴響,都算係值得播黎吸客嘅!星期日朝早竟然重播都無首播,tvb真係孤寒。咁你覺得星期一至五晚深夜凌晨時段劇場播放會有人睇咩?再者,個時段係播開台劇,根本無可能要有轉變黎趕走觀眾。台劇響台灣點會無人睇?無人睇收視變0啦!再者,播台劇嘅時段都有好多廣告,依然有好多穩定贊助,只係唔會打出黎,好似日劇時段咁,其實飛廣告都見到有好多穩定廣告出現,應該係會有贊助,而唔選擇打出黎。

發表於 Posted on: 2017-07-03 18:48

UIE1017
帖數 Posts: 1539
回頂端 / Top
回應:UIE1017

《其實我不太愛你》第二輯無睇,唔知可以點寫,但TBS電視台已經籌備製作第二輯已成事實。《僱傭妻子》第二輯都仲可以寫風見同百合個對姊弟戀遇到的問題,加上實粟同平匡婚後生活,而大結局命運輪盤個段係想像,暗示之後有好多變數,唔算交代結局。而《僱傭妻子》去年係日本收得,TBS點會唔拍續篇,況且之前《螢之光》結局係埋一齊都開拍到第二輯同電影,有咩理由《僱傭妻子》唔拍得第二輯,宜家都係要等演員肯唔肯開拍同就期。《加奈小姐!》女主角趕客,以火十主打女性觀眾為主,未必賣帳,況且上一套係不倫劇,觀眾難免會比較。桐谷美玲近年接拍多套少女漫畫改篇電影女主角,有一定人氣係度,但真木陽子近年拍劇成績唔見突出,好明顯差過桐谷美玲。講真日劇學院賞都係睇劇集收視同人氣俾,《人100%靠外表》主題曲夾到劇集主題都係無獎,男主角應該係長谷川博己,雖然藤原龍也係《逆轉真相》做得唔錯,但《正義巨人》今季收得,女主角波瑠,男配角同女配角分別係東出昌大同仲里依紗就多數係,最佳劇集係《其實我不太愛你》同《正義巨人》之爭。其實日劇學院賞唔係日本人先投得,你用香港IP無問題咩。知英係韓國人,演技再好都係唔會得到日本觀眾認同,況且她本身係組合出身,專注歌唱事業仲易發圍。咁NTV唔係無錢買版權,仲咩全部劇集係原創劇本,明知原創劇本難吸引觀眾同收視唔好,仲要無咁大風險唔似NTV作風。《過保護的加穗子》故意都唔算特別吸引,未必會跑出,其他兩套都係靠演員號召力擔起收視。小田百合子成功嬴取最多眾議會議席,今次真係天助我也,就算富士月九編劇無咩經驗,照跟今次選舉寫劇本,必然引起觀眾熱烈討論再靠炒作炒出話題。事實上當年月九《無法戀愛的理由》都起用唔知名編劇,一樣成功,所以用之前作品去評論編劇質素太武斷,無錯短篇劇同長篇劇節奏有些少分別,即管期待最後結果係點。

發表於 Posted on: 2017-07-04 16:22

吉成千奈美
帖數 Posts: 1605
回頂端 / Top
《Fragile》平均收視都係得個位數,就算係2016年富士收視最高劇集都好,開拍第二輯唔妨會吸引到觀眾,仲有你都識講劇情麻麻地,第二輯唔見會有改善,好心富士搵翻以前高收視作品翻拍,排都未輪到《Fragile》。《回家的鎖匙》睇第一集同大結局已知道劇情,中段情節唔吸引又無驚喜,況且集集都係差唔多模式,係木村拓哉最差作品,第一集未有爆炸,朝日用特技效果輕輕帶過,就知朝日無錢,木村拓哉演出劇集要有最強陣容,好明顯朝日滿足唔到佢。而精選日韓劇時段《繼承者們》係8月3日播完,8月4日會上套新劇,所以係播日劇正常情況都係8月4日,況且《法妻當自強》第一集延遲到11:15播都唔知係唔係J2直播女排延遲。

發表於 Posted on: 2017-07-04 16:23

吉成千奈美
帖數 Posts: 1605
回頂端 / Top
回應:UIE1017

其實免費台Viu TV今年都少了首播劇集,劇集時段主要都係重播劇集,而Now觀星台減少首播劇集唔知同免費台減少首播劇集有無關係,最明顯例子係連六日晚日劇時段都cut埋。至於Now無錢買新劇又唔覺,起碼Viu Apps更新唔少新日韓劇。《不好意思,我們明天要結婚》這類輕鬆愛情劇,主要都係賣人,劇情估到都係意料之事,況且睇到一半唔睇都幾無癮,仲要睇Viu TV播唔播。《小學餐女廚神》係日本收視口碑麻麻,加上TVB又無買富士木十劇,唔通TVB要幫天海佑希做勢宣傳《非常審查官2》而播,而我差唔多睇晒近年富士木十劇咁濟,至於7月播煮食劇都無問題。照咁睇《有喜歡的人》緊接《小學餐女廚神》後播機會好大,始終套劇過了一年再唔播變過氣。TVB買好多唔收得嘅劇都係俾收費日劇台播,宜家收費台轉了OTT,播無得係收費日劇台播的日劇係完全無價值,《對不起,我愛你》唔妨收得,又無得係日劇台播,免費台播都唔妨有廣告收入,《偵探物語》如果無傑尼斯藝人主演,TVB可能會買唔定,況且這類刑偵劇唔係TVB買開的劇種。仲有要緊貼金十都選擇下季《雙面醫生2》,起碼有收視同日劇台播到。而J2緊貼播放堆日劇都係有卡士同高收視,點睇《偵探物語》都唔似係兩者其中之一。《機動警察》點睇都係頂賽馬真空期,一星期播兩集播兩粒鐘,夾埋12集係電影都唔會咁長。《繼承者們》有迴響係靠兩位人氣演員,劇情老土,劣評如潮,J2重播都唔妨吸到客。星期日朝早首播變重播唔奇,清晒其他收費台堆韓劇免費版權仲會播新嘢俾你睇,免費台減少日韓劇時段未迫多d人申請myTV Super。J2係7月19日起係星期一至五晚深夜凌晨時段劇場首播大陸劇,咁TVB明知個時段無人睇仲有首播節目。至於一至五晚7:00-8:00劇集時段唔係播開台劇,以前該時段播過日劇,韓劇同大陸劇,如果收視好就唔細成日轉時段,台劇係台灣得鄉土劇有市場,其他偶像劇收視差過播其他外購劇。事實上台劇已經愈來愈少電視台拍,有人睇就唔會無人製作。仲有台劇時段有廣告出現,都係TVB廣告套餐,唔係收視好而落,而冠名贊助廣告費點都貴過普通廣告套餐,其實宜家一至五晚7:00-8:00各免費台都播緊外購劇集,J2播台劇搶唔到客,不如提早一個鐘播仲易搶客,反正其他免費台都係播新聞,而J2係一至五晚7:00-8:00改播綜藝仲吸到客。

發表於 Posted on: 2017-07-05 20:06

吉成千奈美
帖數 Posts: 1605
回頂端 / Top
回應:UIE1017

myTV Super今季緊貼日劇無TBS日劇,得《遺留搜查4》,《彬與瑛》同《電話男》,卡士相對上較弱,而今季無TBS日劇會唔會係合約已完,仲有TVB網絡電視日劇台最近重播NTV堆舊劇,唔知J2會唔會重播《花咲舞不會沈默》,Viu今季緊貼富士日劇《警視廳生物系》,Viu TV係凌晨劇集時段重播幾套木十劇,都唔知之後會唔會有多套木十緊貼。

另外J2係下星期一晚凌晨12:55-1:55重播《女醫神Doctor X3》,真係唔明TVB節目安排係點,《謝謝款待》咁長就放係星期六朝早重播,《女醫神Doctor X3》得11集放一至五晚凌晨重播,不過我去年未睇晒《女醫神Doctor X3》,又可以翻睇。

今季富士日九《警視廳生物系》開播收視創去年開檔新高,首集8.9,《對不起,我愛你》一如所料破TBS日九新低,得9.8,播出後觀眾負評如潮,韓劇味太重,唔似日劇情節,太壓抑,睇死《對不起,我愛你》之後收視愈來愈差,跌到5-6點,TVB唔買無錯。

發表於 Posted on: 2017-07-11 20:44

吉成千奈美
帖數 Posts: 1605
回頂端 / Top
吉成千奈美
《其實我不太愛你》第二輯就真係好考編劇功力,如果寫得唔好,咁就簡直破壞曬成個故事。《僱傭妻子》出外傳其實都ok嘅,製做話題,又唔會太格硬黎。我完全唔覺《加奈小姐!》女主角趕客,加上套劇響日本期待度排第三,收視應該唔差,我估計應該可以再高少少,大概8-11%。咁桐谷美玲拍劇成績都唔突出啦,劇集收視都唔得,拍咁多少女漫畫改編電影女主角係得套《女主角失格》比較有話題,真木陽子比較出色嘅電影都係得《腦內中毒大作戰》,劇集方面,攞最近三套主演連續劇黎比,桐谷美玲無一套有話題同收視,但真木陽子《他、丈夫、男友們》同《問題餐廳》有話題同收視,《瑟西爾的企圖》就唔需要講啦,收視話題咁差,即係2比0,咁比法,真木陽子人氣係點都好過桐谷美玲,頂多係打和。主題曲點都應該係嵐個首,男主角應該好似你所講,係長谷川博己,記者同審查員票都已經贏曬,其他你所講嘅我都認同,即係春季係tbs大勝,只要連主題曲都贏埋,就會好似2013春季咁樣,由同一間電視台包辦所有獎,不過機會比較低,主題曲真係好難贏。日劇學院賞咩人都投得,唔理你咩ip,不過好似之後有獎抽,呢個就應該唔可以參與。知英正因為係韓國人,所以應該要好努力,無番10年經驗都唔駛旨意紅。咁全部劇集原創劇本同無錢買版權兩回事黎,兩者並無必然關係,唔係話全部原創劇本就等於電視台無錢,邏輯上有好大錯誤。《過保護的加穗子》收視都係麻麻,都估唔到,好大機會落單位數。咁秋季月九就真係好睇編劇功力,同埋主角可唔可以演繹到參選市長個種氣場。估唔到我居然會有大病,dse放榜我都係要屋企人去學校代領,成績我唔滿意,但我屋企人好滿意,已經申請appeal,入大學就入硬,但入唔到我最想要嘅poly三寶,都要搏一搏,如果ok,咁當然係香港讀,如果唔ok,就應該會去英國讀,到時未必可以緊貼到j2播嘅野。

發表於 Posted on: 2017-07-15 22:19

UIE1017
帖數 Posts: 1539
回頂端 / Top
吉成千奈美
弱檔水十嘅劇可以成為2016年富士最高收視劇集,搬去月九差極有限啦!而且醫療劇收視唔會差得去邊。如果講10年內高收視而應該有保證嘅月九,應該係得《CHANGE》、《月之戀人》、《無法戀愛的理由》、《上鎖的房間》同《Preiceless 人生無價》,《神探伽俐略》就因為福山雅治,收視好極有限,《CHANGE》同秋季月九都類似啊,都係政治劇,戀愛劇應該無可能靠故事,唯有靠卡士,連《朝5晚9》都係得11%,依家拍愛情劇有雙位數已經係奇蹟,拍《上鎖的房間》呢類推理劇只要選角ok,角色數量減少到最低,應該無問題,拍《Preiceless 人生無價》呢類比較冷門就唯有靠口碑取勝。如果朝日無錢,就唔會請到米倉涼子同天海祐希啦,仲要去美國拍外景。《回家的鎖匙》入面有上戶彩、水野美紀、蓮佛美沙子、及川光博等等都叫唔強陣容嘅話,無野可以滿足到佢,更何況真係嫌弱嘅話,一早唔拍啦!8月4號竟然係播《來自星星的你》,女排都係7月21-23日姐,點會去到8月?星期六都播《寵物情人》啦,算係有套首播嘅,不過瀛知有密又會一推再推嘅?今季富士劇除左月九,其餘3套都係now買曬,真係估唔到。《不好意思,我們明天要結婚》可能當係假期播曬掛,9集咁短,不過我都唔知啊!依家凌晨播《最強名醫3》都真係估唔到,不過算啦,sp上網睇番。《對不起,我愛你》意外地有話題,不過係被人批評,照計tvb好大機會買呢類狗血劇,而且吉岡里帆每集片酬都係20萬,都真係平。《機動警察》係電影,有13套,第0章得15分鐘,之後有48分鐘,你睇日文維基百科會睇到。tvb播《超少年密碼》可能係清版權掛!一至五晚7:00-8:00劇集時段固然有播其他國家劇集,但主力播台劇,咁講法即係星期六都可以播韓劇啦,因為有前科。依家點會無人製作台劇,台灣電視台一定會不斷製作台劇,滿足當地觀眾之餘,可以賣去其他國家,再者,台灣唔係得香港一個地方,仲會賣去新加坡等華人地方俾人睇。你咁講法即係大陸劇比台劇更受歡迎啦,但我唔認同囉,起碼tvb唔需要硬銷台劇都有人睇台劇啊!tvb都有緊貼《神奈小姐》,套劇估唔到真係打破新垣結衣紀錄,以為第二集會收視跌,點知竟然係升,而且好評不斷,睇黎可以不斷升。依家myTV Super竟然有《咪阻住MADAM》,都唔知到底其實係發生咩事,到底tvb係唔係只可以播tvb播過嘅ntv劇呢?

發表於 Posted on: 2017-07-29 23:37

UIE1017
帖數 Posts: 1539
回頂端 / Top
依家viutv播金24劇,希望之後可以繼續播啦。《對不起,我愛你》睇黎應該唔會跌,應該keep到8-9%,同《家族的形式》差唔多。

發表於 Posted on: 2017-07-29 23:37

UIE1017
帖數 Posts: 1539
回頂端 / Top
回應:UIE1017

講真以上季TBS幾套日劇收視同投資額計算,《其實我不太愛你》比《正義巨人》超值同回報得多,所以拍第二輯機會好大,起碼唔細好似《僱傭妻子》因演員問題拍唔到,至於拍第二輯唔好預故事會好,對電視台來講第二輯有翻第一輯收視就當嬴,破壞曬成個故事未最多唔出第三輯,好似《Code Blue3》都被觀眾批評毀了前作,但收視依然keep到雙位數。《僱傭妻子》出外傳得風見同百合子會唔會吸引到觀眾,始終觀眾都係睇實栗同平匡互動,所以新一輯加入新角心製造衝突同誤會應該可以寫落去。《加奈小姐!》女主角渡邊直美根本擔唔起收視,劇集播到一半已跌至單位數,而首播有雙位數都係靠前作收視好同火十慣性收視。桐谷美玲主演《有喜歡的人》同《人100%靠外表》首集收視分別有10.1同9.5,係收視毒藥的富士有咁的收視已經唔錯,仲有你都識講她主演咁多少女漫畫改編電影女主角就知她有人氣,真木陽子套《腦內中毒大作戰》聽都未聽過,點同《女主角失格》比。其實真木陽子主演套《問題餐廳》收視唔係好,當時富士木十收視仲未開始跌,點可以同今時今日富士木十收視比。《瑟西爾的企圖》收視已經去到深夜劇收視水平,腰斬只係遲早的事,咁你仲可以認同真木陽子人氣高過桐谷美玲,兩套劇相距一季時間,仲係同係木十劇,係公平比較。今季日劇學院獎爆晒冷,主題曲獎嵐竟然輸埋,最優秀作品賞係《逆轉真相》,主演男優獎係藤原龍也同小栗旬之爭,最後係藤原龍也勝出,《逆轉真相》成今季日劇學院獎大嬴家,嬴埋劇本賞,認真勁。今季記者同審查員票都唔睇長谷川博己,仲有TBS今季唔係嬴晒,富士套《Crisis》都係僅輸俾《逆轉真相》。如果日劇學院賞咩人都投得,咁某團fans人數眾多,差唔多嬴晒,仲有有d人連續投好幾次未唔公平。知英係韓國人想進軍日本市場,努力都無有,始終日韓關係複雜,老一輩觀眾唔會受,況且仲有右翼團體攻擊,都係專注歌唱事業實際。咁電視台製作單位認為搵唔到適合的改篇劇本,未仲用原創劇本,不過起用原創劇本風險高,今季NTV三套劇得《過保護的加穗子》係好d。《過保護的加穗子》收視低開高走,口碑愈來愈唔錯,另外《即使愛,也有秘密》口碑同收視都好似《過保護的加穗子》咁。秋季月九收視唔會太差,至少有雙位數,《Code blue3》收得唔錯,只要首集唔太趕客問題不大,加上篠原涼子演市長都叫有吸引力,故事係點真係要等套劇出街反應。

發表於 Posted on: 2017-08-23 18:47

吉成千奈美
帖數 Posts: 1605
回頂端 / Top
你等DSE放榜緊張到有病,真係幾擔心結果影響入大學,而成績唔滿意係唔係競爭太大,影響結果,其實你屋企人好滿意係唔想俾太大壓力你,事實上大學入硬已經係唔錯結果,講真入唔到想讀的科去外國讀係唔錯出路,不過唔知你屋企負唔負擔到,而係英國有上網都可以翻牆睇到J2,又或者叫你家人錄完影再寄碟俾你睇。

發表於 Posted on: 2017-08-23 18:48

吉成千奈美
帖數 Posts: 1605
回頂端 / Top
秋季日劇陣容超強,故事吸引!
富士月九有《民眾之敵》,篠原涼子主演,石田百合子、高橋一生合演,睇宣傳似乎男角會搶鏡啲,收視應該都係10-13%左右。火九有《明天的約束》,井上真央主演,題材超黑暗,睇怕井上真央都係要準備引退,收視可能都係得5-8%。木十有《刑事弓神》,淺野忠信主演,神木隆之介合演,富士似乎想改變木十觀眾群,雖然過往木十刑事推理劇好多都失敗,但呢套似乎會以輕鬆為主,收視應該係6-10%左右。
TBS火十有《監獄公主》,小泉今日子主演,菅野美穗、滿島光合演,故事應該唔會差,不過有少少似《女囚seven》,希望有新突破啦,收視應該大約響7-10%左右。金十有《產科醫鴻鳥2》,綾野剛主演,松岡茉優、星野源合演,2年後嘅續篇應該好睇,不過希望唔好舊酒新瓶啦,收視應該有9-13%左右。日九有《陸王》,役所廣司主演,山崎賢人合演,又係池井戶潤改編作品,故事都唔係太適合我!收視應該都有18-21%。
NTV水十有《太太,小心輕放》,綾瀨遙主演,廣末涼子、本田翼合演,故事睇黎好精彩,不過有少少似《正義靚太》,呢套可能只係動作版,不過通常呢類劇都好睇,過往綾瀨遙水十劇集收視都唔錯,收視應該有13-17%。土十有《只是先出生的我》,櫻井翔主演,多部未華子、蒼井優合演,故事感覺好睇,不過都要睇觀眾受唔受,而櫻井翔同多部未華子係自《貧窮貴公子》之後再合作,今次仲要演戀人,唔知係唔係想打觀眾感情牌呢?收視應該都有9-12%。日十有《現在開始要脅你》,藤岡靛、武井咲主演,島崎遙香、三宅弘城合演,故事睇落幾得意,但編劇過往無咩出色作品,唔肯定質素如何,收視應該都係7-11%左右。
朝日木九有《女醫神Doctor X 5》,米倉涼子主演,第5輯睇怕tvb都買,不過變左長壽系列,唔知觀眾會唔會覺得厭倦呢?收視應該都係19-23%。金十一有《重要證人偵探》,玉森裕太主演,小山慶一郎、古川雄輝合演,呢套睇怕都係賣卡士為主,不過都要睇下觀眾鐘唔鐘意呢3個人。收視應該都係5-7%。新時段土十一有傳係三浦春馬主演,黑木美沙合演,唔知故事係咩呢?

發表於 Posted on: 2017-09-01 14:17

UIE1017
帖數 Posts: 1539
回頂端 / Top
暫時必追嘅有《明天的約束》、《產科醫鴻鳥2》、《女醫神Doctor X 5》、《只是先出生的我》,觀望下嘅有《民眾之敵》、《刑事弓神》、《監獄公主》、《太太,小心輕放》、《現在開始要脅你》。
我估:
TVB:《民眾之敵》、《監獄公主》、《女醫神Doctor X 5》、《產科醫鴻鳥2》、《陸王》
Now:《明天的約束》、《刑事弓神》

發表於 Posted on: 2017-09-01 14:17

UIE1017
帖數 Posts: 1539
回頂端 / Top
朝日木九有《女醫神Doctor X 5》,米倉涼子主演,第5輯睇怕tvb都買,不過變左長壽系列,唔知觀眾會唔會覺得厭倦呢?
*****
唔會

發表於 Posted on: 2017-09-03 21:21

dona
帖數 Posts: 207
回頂端 / Top
回應:UIE1017

平心而論2016年富士最高收視劇集《Fragile》都唔係高過其他富士劇收視好多,就算係弱檔水十檔播有高收視都唔保證觀眾受落,仲有月九主要觀眾係女性,係月九檔播沈重醫療題材同月九風格格格不入,收視唔妨會好。而近年月九播的醫療劇《海上診療所》收視都好差,當時月九平均收視未低過雙位數,證明唔係套套醫療劇都有好收視。而富士都公佈了下年1月檔月九播《Fragile》第二輯,既然已成定局,即管睇下到時會有幾高收視。不過長瀨智也今季主演日九《對不起,我愛你》收視成績強差人意,加上女主角武井咲又同Exile成員Takahiro閃婚,武井咲會唔會受婚事影響形象,況且她大住肚都唔知趕唔趕到拍,換女主角對套劇影響有幾大。

其實你所講10年內高收視而應該有保證嘅月九, 照計《月之戀人》應該唔會係,套劇係日本播出已經負評如潮,仲要由原本10集縮短至8集,拍第二輯都唔會有人睇。而《CHANGE》、《上鎖的房間》同《Preiceless 人生無價》都係靠卡士多過故事,當然拍續篇可以靠前作人氣吸引觀眾,仲有《無法戀愛的理由》都係戀愛劇,卡士唔算強勝在故事吸引,一樣高收,事實上去年高收視《僱傭妻子》都係戀愛劇可以高收,證明戀愛劇有好劇本一樣可以收得。況且月九檔一向主打戀愛劇,唔拍戀愛劇拍其他題材同其他檔有咩分別。朝日有錢就唔會無自己劇組,主要都係外判俾製作公司拍,米倉涼子同天海祐希都係實力派演員,商業價值唔算多,請到她們拍劇唔代表朝日肯出高價。而去美國拍外景都係得一集,加上朝日每套劇請一個大牌,其他演員卡士好弱,用慳翻其他演員片酬足以夠錢出外拍外景。《回家的鎖匙》有卡士演員都係得上戶彩,至於水野美紀、蓮佛美沙子、及川光博都係二線演員,唔屬主演級,同2012年《Priceless無價人生》,2011年《南極大陸》卡士比已經唔係同一水平,仲有套劇製作費好明顯唔夠,第一集爆炸場景用電腦特技做都覺得假。事實上木村拓哉近年人氣下滑,已經唔輪到他選擇劇拍,根本有卡士份量演員都唔肯同他合作。

發表於 Posted on: 2017-09-14 20:53

吉成千奈美
帖數 Posts: 1605
回頂端 / Top
另外精選日韓劇時段基本上都係播韓劇,而8月4號播《來自星星的你》足本版, 所以每集延長15分鐘,令之後檔韓劇順延,如果係播日劇一定唔會集集延長。仲有最近有線劇集台買入幾套TVB播過的舊日劇,證明日劇版權一過期限就無得播,所以解釋到精選日韓劇時段無咩日劇播,根本TVB唔肯俾錢買。好似J2上星期日開始首播《緊急救命3》,TVB都唔係8月安排《緊急救命1,2》放精選日韓劇時段播放,等觀眾接續到。

Viu TV係星期一至五晚外購劇時段都係重播收費台,免費台牌照規定有一定時數首播節目,日劇一星期播一集,況且《寵物情人》係收費台製作劇集,購劇成本唔會貴。仲有Now係8月開了劇集台,照計之後堆首播日劇都放收費台播先,播完《寵物情人》多數重播《不好意思,我們明天要結婚》。瀛知有密一推再推會唔會係根本無了播映權,照計NTV堆節目都係Gem TV持有,又或者等《恐怖醫學》播完先上。富士係下季取消日九,而夏季日劇收視低,就算緊貼播價錢都唔會太貴,照計Viu TV今季買咁多日劇,根據往年經驗,多數唔買秋季日劇。今季富士月九《緊急救命3》竟然係TVB買,夠晒冷門,《緊急救命》系列居然由三間唔同本地電視台播放,創了香港電視台播放日劇先河。Viu TV一至五晚外購劇集時段係10月開始改翻個半鐘,即係代表一至五晚日劇機會唔大。而翡翠台係9月24日星期日晚8:30播放兩小時劇集,唔知Viu TV係10月播完《恐怖醫學》會唔會播翻日劇。J2凌晨播放《最強名醫3》無任何宣傳,照計TVB都係趁版權未過求其播埋去,始終頭兩輯係免費台有播,唔播第三輯怕俾觀眾投訴莫視免費觀眾權利。SP同《最強名醫3》都無咩關係,如果J2唔播,就唔睇。不過真係唔明點解TVB唔播埋去,又唔肯無買。《對不起,我愛你》有話題,但收視一直無咩起色,這d咁的狗血劇點會適合日九時段觀眾睇,而TVB都唔係套套TBS日劇都買,照計J2緊貼播放金曜劇《HELLO!刺蝟偵探》,《對不起,我愛你》唔買機會好大。況且TVB近年都無咩買長瀨智也演出的日劇。吉岡里帆係事務所力捧新人,人氣本身唔高,片酬少都接,最緊要係增加曝光率推高人氣。《機動警察》係電影有咁多套,但有d集數咁短會有人入場睇,仲有你有無睇《機動警察》,覺得好唔好睇。

發表於 Posted on: 2017-09-14 21:53

吉成千奈美
帖數 Posts: 1605
回頂端 / Top
TVB係凌晨首播《超少年密碼》好明顯係無廣告商落廣告先放垃圾時段播埋去,仲有當清版權細咩配音。J2係9月開始一至五晚7:00-8:00劇集時段改播大陸時裝劇,而華語劇台首播台劇都唔係多,照計J2都唔妨會有首播台劇,好明顯TVB開始用大陸時裝劇代替台劇,證明台劇係香港無咩人睇。預期播大陸時裝劇,不如播重播韓劇好過。宜家台灣電視台製作最多台劇係婆媽鄉土劇,至於偶像劇已經愈來愈少,證明連當地觀眾都唔想睇,何來賣去新加坡等華人地區,其他華人地區都睇台灣當地收視先肯決定買唔買,就算買價錢都唔妨賣得貴,同同質日劇韓劇比,台劇檔次好明顯唔同。大陸劇都係半買半數形式,TVB要打入大陸市場,要同大陸電視台做生意,播大陸劇都係商業考慮。

TVB唔緊貼《神奈小姐》可以緊貼邊套TBS日劇,其餘兩套TBS日劇都有尊尼藝人演出,唔播得。《神奈小姐》首集收視高過新垣結衣紀錄,都係靠前幾作慣性收視帶起,而《神奈小姐》仲有一集差唔多大結局,睇個勢都唔會升到《僱傭妻子》紀錄,不過平均收視有雙位數已經唔錯。myTV Super有《咪阻住MADAM》都係以前買落堆版權,至於TVB可唔可以再買新NTV日劇,即管睇下Gem TV會唔會賣播過堆NTV日劇俾TVB播。

發表於 Posted on: 2017-09-14 21:54

吉成千奈美
帖數 Posts: 1605
回頂端 / Top
宜家Viu TV係一至五凌晨不定時重播日劇,係星期五晚凌晨都係重播金24劇,除非Viu TV新增時段播放日劇,唔係都無可能會播新金24劇,其實真係唔明仲咩取消星期日凌晨12:00深夜劇時段,不過Viu TV愈來愈慳皮,首播節目愈來愈少,走近亞視重播feel,至於《對不起,我愛你》仍然力守9%,實際上同去年夏季日九劇收視差唔多,唔算太差。

發表於 Posted on: 2017-09-15 14:03

吉成千奈美
帖數 Posts: 1605
回頂端 / Top
回應吉成
《超少年密碼》係有配音,仲有我唔覺得J2會係1900時段重播韓劇,因為J2韓劇檔太多,再播真係變K2,加上宜家日韓電視台覺得TVB沒誠意唔願意買劇俾TVB,所以你見MyTVSUPER由7月開始每月至少上架一套大陸劇俾你睇就知咩事,連配音都係大陸境優先,講得難聽D寧願cut特攝、cut日韓劇動畫配音都要保證到大陸劇可以自己配。
BTW,宜家果套《小丈夫》連除台灣外的華人電視台都唔肯買版權,估計TVB係為左搶《如懿傳》先硬食這套劇,而《歡樂頌》真係唔知咩原因TVB要買,因為大陸時裝劇係以前有線買開嘅類型,唔通想搶睇大陸時裝劇果班客?

發表於 Posted on: 2017-09-17 11:00

煲劇
帖數 Posts: 75
回頂端 / Top
其實宜家果幾間買台劇嘅華人電視台已經改買大陸劇偶像劇,連免費台都加入買大陸劇嘅隊列中,不過台灣方面由於蔡英文上台後針對大陸劇,對台灣主流電視台播陸劇進行罰款,所以台灣宜家除了中視,基本上得愛奇藝台灣站同台灣有線電視台先買陸劇;至於香港,ViuTV寧願得罪陸劇迷都唔願意買陸劇,而奇妙宜家寧願買舊日劇播都唔肯買熱門大陸劇翻來播

發表於 Posted on: 2017-09-17 11:05

訪客
回頂端 / Top
ViuTV hea搞日劇同時,奇妙終於開始播日劇,希望兩間電視台搞好日劇檔俾TVB壓力,等TVB唔好日日係myTVSUPER播陸劇,講真ViuTV一開始定位搶J2收視本身有D問題,連之後開台奇妙收視都高過佢,反而奇妙77台節目照住翡翠台搞係萬全之策,如果有埋大氣,奇妙有可能做到翡翠台對手,希望邱達昌正式入股有線後快D申請大氣,增加收視,因為下年開始三間電視台收視由CSM統計,而且唔單止計傳統收視點。

發表於 Posted on: 2017-09-17 11:11

煲劇
帖數 Posts: 75
回頂端 / Top