tvb.com

 
 
tvb.com
 

TVB日劇討論

突然又無左個討論區,依家整番個先。@吉成千奈美@煲劇,有無存檔?
睇左第6集《其實我不太愛你》,真係好好睇,估唔到波瑠可以演到咁嘅角色,東出昌大已經黑化,最後開始發癲,而仲里依紗都感覺到有異樣,第7集似乎會黎個大爆發,希望字幕組快啲出第7集啦!雖然《四重奏》唔可以話收視好高,但火十連續3套劇都有口碑,下套劇雖然係渡邊直美主演《加奈小姐!》,或者可能會有話題性,至於秋季火十據聞係小泉今日子主演,宮藤官九郎編劇,唔知故事係咩呢?秋季木十有傳石原聰美主演,但故事暫時未知係咩,不過應該都係女性題材,都有一定說服力,可能救到富士木十,秋季金十有傳係《產科醫鴻鳥2》,如果係就必睇。秋季土十有櫻井翔主演《只是先出生的我》,故事感覺幾得意,應該好睇。日九有役所廣司主演《陸王》,有傳賀來賢人會參演,不過故事似乎唔係太好睇,未必會睇。秋季木九本來係《最強名醫4》,不過好似變左做《女醫神Doctor X 5》,似乎又再創造收視傳奇。秋季月九本來係天海祐希同篠原涼子主演,不過天海祐希推左,有傳古田新太同高橋一生會參演,而最新消息係清水富美加主演秋季月九,咁做似乎整死富士多過救富士。《精靈守護者》睇完,覺得無咩特別,只係覺得op整得幾好,特技都算整得唔錯,真4k睇應該仲靚。《我的生命》都睇左,覺得無咩特別,無《媽媽生存的證明》咁好睇。《僱傭妻子》果然越睇越好睇,好搞笑,仲要突然最後有個接吻,估唔到會有個急發展。

發表於 Posted on: 2017-06-01 16:23

UIE1017
帖數 Posts: 1532
回頂端 / Top
富士下季月九有《Code blue 3》,山下智久主演,新垣結衣、戶田惠梨香等等合演,本身無睇過頭2輯,依家亦睇緊頭2輯,本來感覺會好睇,但編劇變左0醫療劇經驗嘅安達奈緒子,希望故事會有好發展啦,照計收視應該得8-13%左右,另外已經連續幾季見到成田凌,似乎變左另一個武井咲或者剛力彩芽。火九有窪田正孝主演《我們做了》,永野芽郁、新田真劍佑等等合演,似乎會係套熱血校園劇,不過剛剛離開校園嘅我對呢套劇唔係太大興趣,照計收視都係得5-9%左右。木十有真木陽子主演《瑟西爾的企圖》,吉瀨美智子、伊藤步等等合演,呢套根本係《薔薇色聖戰》同《霓裳風暴》嘅混合體,不過我對故事都好有興趣,絕對會睇,收視應該都係得6-10%。最後一套日九有渡部篤郎主演《警視廳生物系》,橋本環奈、三浦翔平合演,估唔到富士最後竟然會出呢套,話弱唔弱,話強唔強,似乎係一套微妙嘅劇集,但應該好睇,收視或者都有6-8%嘅!
NTV水十竟然到依家都未公佈都真係少有,莫非見到收視低而改變計劃?土十有錦戶亮主演《我家丈夫工作無能》,松岡茉優、佐藤隆太主演,本來感覺係一套平凡嘅劇集,但編劇竟然係渡邊千穗,或者會有大變化,拍出一套唔錯嘅劇集,應該會係黑馬,收視應該都係得6-9%。日十有福士蒼汰主演《曾愛過,有秘密的》,川口春奈、鈴木保奈美合演,呢套似乎係《反轉》嘅翻版,不過我都比較鍾意睇呢類劇,所以會睇,收視應該都係得5-9%左右。
TBS火十有渡邊直美《加奈小姐!》,又係講主婦同時裝設計,不過原來係改編作品,睇番原作感覺渡邊直美都幾適合,火十好多時都有驚喜,應該都會觀望下先,收視應該有6-11%左右。金十有瑛太主演《偵探物語》,深田恭子、森田剛合演,個人黎講唔係太大興趣,收視應該都係5-8%,日九有長瀨智也主演《對不起,我愛你》,吉岡里帆、坂口健太郎合演,感覺係一套灰暗劇集,果然好有韓劇味,但應該好難吸引觀眾,畢竟係翻拍接近13年前嘅劇,個人黎講唔係特別大興趣,不過收視應該都有9-12%
朝日木八有《遺留搜查4》,上川隆也主演,栗山千明等等合演,估唔到《遺留搜查》響3個黃金檔都有播過,唔知會吾會響金十一或者午間劇播呢?收視應該有10-13%嘅!木九竟然又係武井咲主演《黑色筆記本》,米倉涼子曾經拍過,個人黎講都係觀望下先,收視應該都有8-11%
會追嘅應該係《Code blue 3》《瑟西爾的企圖》《曾愛過,有秘密的》

發表於 Posted on: 2017-06-01 16:24

UIE1017
帖數 Posts: 1532
回頂端 / Top
J2竟然會播《反轉》,叫《逆轉真相》,真係估唔到,仲以為下場會好似《別讓我走》添,咁都證明藤原龍也主演都有吸引力嘅,希望求其搵幾日重播埋《為了N》,叫湊佳苗三部曲啦!

發表於 Posted on: 2017-06-03 22:18

UIE1017
帖數 Posts: 1532
回頂端 / Top
回應:UIE1017

原來J2播完《僱傭妻子》後播《逆轉真相》,咁即係證明我之前講話TVB唔會再好似以前要等Amazing summer開始先播節目,睇怕堆日劇SP都唔會係免費台重播,照計今年Amazing summer係8月先開始,韓劇《嫉妒的化身》同日劇《逆轉真相》都係播到8月頭播完,而我估播完《逆轉真相》後播《有喜歡的人》,宜家J2播日劇都係一新一舊,所以下套日劇好大機會係重播劇。仲有奇妙電視台開了台,各台收視被分簿晒,因此今年J2好大機會唔會係暑假播放動畫電影,最多安排係星期六日下午時段播放,以免影響收視同廣告收入。

其實J2今年播日劇愈來愈貼,《逆轉真相》係日本播完無耐,免費台就有得播,唔知係唔係要撼Viu TV播緊貼日劇《Crisis》,J2首播《逆轉真相》好大機會係有尊尼組合Kis-My-Ft2成員玉森裕太演出,日劇台無收費電視版權,唔播得先係J2重播,TVB買《逆轉真相》唔奇,之前一直有買開湊佳苗作品改篇的電視劇,況且套劇卡士唔錯,除了藤原龍也主演外,仲有戶田惠梨香,小池徹平,玉森裕太都係TVB常買卡士,所以唔係好似你所講藤原龍也主演有吸引力。

另外都唔知TVB有無買《別讓我走》同《亳不保留的愛》,《別讓我走》係台灣都無播,會唔會係版權問題,定係套劇氣氛陰沈,未必適合觀眾收看,所以電視台先唔買,至於《亳不保留的愛》係不倫劇,卡士又唔錯,台灣都有電視台播,唔通TVB可以選擇TBS日劇買,唔細全部買晒。《為了N》版權係今年7月完了,免費台要播只有放係一至五晚精選日韓劇時段播,而《逆轉真相》會出現《為了N》同《夜行觀覽車》劇中人物,J2唔播就連唔到戲,一於睇下J2會唔會播。

發表於 Posted on: 2017-06-05 15:17

吉成千奈美
帖數 Posts: 1568
回頂端 / Top
吉成千奈美
咁今次係你啱嘅,估唔到唔會播SP,不過之後肯定係播《有喜歡的人》啦,再拖都無可能會響冬天播夏天愛情劇嘅!tvb下季應該只可以緊貼播《加奈小姐!》,得呢套無傑尼斯演員,而j2之後睇怕都係播《對不起,我愛你》,《偵探物語》都要睇下tvb覺唔覺得故事同卡士吸引。《逆轉真相》同《crisis》兩套唔同類型嘅劇點鬥,更何況播嘅時間都唔同。而j2播《逆轉真相》根本唔係好大機會關玉森裕太事,而係一定係,成套劇都有佢響度,點都無可能響myTV Super播。戶田惠梨香同小池徹平的確係tvb常買卡士,但玉森裕太好明顯唔係,如果係,就應該買左《信長的主廚》,《歌舞伎華之戀》同《青春偵探晴也》。既然tvb播《逆轉真相》,咁我都唔會再追著,依家睇到第5集,所以頭5集聽番配音啦!原來有線買過tbs劇《刑警的目光》,嗰時隔左5個月響有線播,如果按照呢個例子,俾夠1年時間,《別讓我走》似乎真係唔會響香港嘅電視台出現,不過《別讓我走》無傑尼斯演員,分分鐘突然響日劇台播。《為了N》其實都可以響星期日朝早播完《阿媽上學去》之後播,如果好似《未生》咁一次播兩集都還好,一次播一集實在非常慢,播番日劇會比較好,而且係十點半到十二點半,時間剛剛好播兩集1小時日劇,如果真係要搵個時段播韓劇,我覺得星期六日朝早6點至7點半播會比較好,反正都係重播節目。

發表於 Posted on: 2017-06-07 19:43

UIE1017
帖數 Posts: 1532
回頂端 / Top
回應:UIE1017

TVB討論區過一年主題就會被刪除,所以下年差唔多時侯就開定新討論區,慢慢搬移舊有資料落新主題度,係唯一解決相關主題被刪除又保留舊有主題最佳做法。我都唔記得有這件事,所以無存檔。《其實我不太愛你》昨晚個集升至13.5,唔知有無機會再創《僱傭妻子》記錄,波瑠係《異常犯罪搜查官》唔係被評演技差,間接令套劇收視差,今次她成功反彈,東出昌大今次演技被日本觀眾大讚,照計往後演藝發展都唔錯。《四重奏》同上一套劇《僱傭妻子》比,收視差係正常,始終大家觀眾定位唔同,而火十收視愈來愈高,已經慢慢累積慣性觀眾,好快變強檔。至於渡邊直美主演《加奈小姐!》就唔睇好,始終主演級數號召力有限,反而期待秋季火十,小泉今日子同宮藤官九郎合作有少少期待,而宮藤官九郎寫d劇本鍾意搞笑,合符火十戲路。富士木十收視已經積弱好耐,就算有石原聰美主演都未必救到,仲有女性題材這類劇係該時段播得多,除非有出色劇本先吸引到觀眾注意。《產科醫鴻鳥》出第二輯唔奇怪,係近年金十有雙位數字的劇集,但第一輯已經講晒所有劇情,拍第二輯仲有咩好寫。秋季土十收視唔樂觀,現時土十收視得單位數,況且櫻井翔主演日劇收視又麻麻。今季日九《小巨人》收視唔錯,照計《陸王》同《小巨人》戲路相似,有一定觀眾支持。秋季木九已經再無新劇,繼今季《非常審查官2》後,今年已經有多套劇續篇,證明朝日原創劇質素真係唔掂,靠續篇吊命。《女醫神Doctor X 5》收視高極又係20點,要超越30點就無咩可能,秋季月九係篠原涼子主演,石田百合子同高橋一生參演,設定係篠原涼子同石田百合子爭高橋一生的女市長愛情故事,清水富美加主演秋季月九個消息係留料,都唔知你係邊度聽返來。《精靈守護者》只睇動作特技還可以,故事一般,可能係童話故事劇情唔會太複雜,所以第二輯已經修改劇情。真4k睇唔會差太遠,始終J2播出質素會有幾何。《我的生命》真人真事改篇,劇情算係咁,平心而論同《媽媽生存的證明》差唔多,《僱傭妻子》愈來愈好睇,劇情輕鬆搞笑,最新個集實栗做主動,平匡縮沙,好期待下集發展,其實實栗妄想同平匡舉動好令人回心微笑。

發表於 Posted on: 2017-06-07 20:26

吉成千奈美
帖數 Posts: 1568
回頂端 / Top
回應:UIE1017

《Code blue 3》可以話係富士拯救月九最後希望,套劇集齊晒原兩輯的人物外,仲加入新角色,仲有醫療題材有穩定收視,咁都救唔返就真係無辦法。而TBS係6月重播多套由新垣結衣主演的TBS日劇,好明顯間接幫富士做勢,而安達奈緒子少編醫療劇唔係問題,反正醫療劇模式都無咩變化,加上頭兩輯已經用晒所有橋段,第三輯只能夠加愛情線或者人物變化做主軸,唔係同頭兩輯無咩分別。睇在頭兩輯收視,加上新垣結衣人氣正旺,首集收視有15-16點唔奇,之後就睇第一集劇情吸唔吸引。而火九《我們做了》係改篇人氣漫畫,照計故事唔係一般熱血校園劇咁簡單,況且近年日劇少校園劇,話唔定這套爆冷都未定。木十《瑟西爾的企圖》設定有d似2014年日劇《霓裳風暴》,都係以時裝界鬥爭為主題,不過這套係成年版,唔知效果會係點,最怕變到《營業部長 吉良奈津子》咁兩頭唔到岸就弊,始終又要講女性問題同鬥爭未免太難。不過有原著支持,點都有些少信心,以上兩套木十收視都係5-6點,這套卡士弱,除非有口碑,唔係好難有雙位數。而最後一套日九《警視廳生物系》,十足十朝日刑事劇模式,似乎富士想學朝日系列化,專攻老人市場,刑事劇係日本拍得太多,劇情幾難突破,好老實講這套收視唔太睇好。

NTV水十《過度保護的加穗子》由高畑充希主演,編劇係遊川和彥,講不懂世故的大學生加穗子在遇到成長環境相反的青年後成長的故事。故事唔算太吸引,不過引起社會話題就有好收視。土十《我家丈夫工作無能》編劇係渡邊千穗就唔睇好,本身題材麻麻,加上渡邊千穗劇本質素飄忽,都係睇第一集先好下定論,加上錦戶亮近年主演收視麻麻,這套成績都唔妨好。日十《曾愛過,有秘密的》題材吸引,但有收視毒藥川口春奈演出,我有預感這套係收視差口碑好的作品。TBS火十《加奈小姐!》收視差極都有雙位數,因為上一檔劇收視成績唔錯,而設定係主婦同時裝設計,應該吸引到女性觀眾。金十《偵探物語》劇情大路,這類以偵探題材係日本有一定市場,而深田恭子同龜梨和也係10月結婚,唔知可唔可以藉此話題吸引觀眾注意。日九《對不起,我愛你》收視唔會高,近年日劇翻拍韓劇作品邊套有好收視,況且套劇卡士弱,好明顯經理人公司為捧吉岡里帆的一套作品,仲有編劇會點改這套作品都值得留意。

發表於 Posted on: 2017-06-09 23:17

吉成千奈美
帖數 Posts: 1568
回頂端 / Top
講真《遺留搜查3》質素差,收視比起上兩輯跌了好多,真係唔明朝日係今時今日開拍第四輯,唔通係木八已經無原創劇集題材拍,即管睇下女主角由換了做栗山千明救唔救到收視,《遺留搜查》本身卡士弱,唔係咩重頭劇,所以朝日放唔同時段播可以理解,至於金十一少做刑事劇,午間劇得半個鐘無咩可能放。木九又係武井咲主演,悶唔悶d,而翻拍《黑色筆記本》對觀眾會唔會吸引力唔大。

提外話《Code blue 3》根本唔細追,前提係Viu TV買就一定放免費台首播,宜家Viu TV星期日晚黃金時段無公佈節目安排,都唔知《Code blue 3》會唔會放星期日晚播,台灣Wakuwaku Japan已經宣佈7月係台灣首播《Code blue 3》,而《Code blue 3》有尊尼藝人演出,照計唔可以放Viu apps播放,即管睇下Viu TV過兩星期的節目安排。

發表於 Posted on: 2017-06-09 23:19

吉成千奈美
帖數 Posts: 1568
回頂端 / Top
回應:UIE1017

今年TVB已經公佈了部分Amazing summer節目,J2今年節目安排同前幾年唔同,所有節目同平時一樣如常播出,而韓,台劇同日本動畫節目已經公佈了,不過播完《逆轉真相》後日劇無公佈,所以之後係唔係播《有喜歡的人》都好大變數,始終TVB今年無買富士劇,仲有機會播myTV Super播唔到堆緊貼TBS日劇,詳細情況都要等7月先知,另外仲有套日劇《機動警察》又唔知放咩時段播。myTV Super可以緊貼TBS日劇得《加奈小姐!》同《偵探物語》,《加奈小姐!》就一定買,因為TVB全包TBS火十,其實J2首播《逆轉真相》都好大機會會買《偵探物語》,況且《偵探物語》卡士唔太差,當然TVB可以買富士劇做緊貼,不過今年TVB好似無買過富士劇。Viu TV緊貼日本播放《Crisis》,唔多唔少俾了壓力TVB,如果J2再播舊日劇好難吸引觀眾同廣告商,其實宜家J2專播myTV Super播唔到的尊尼藝人演出的日劇,日劇台播日劇變相差過免費台J2,反而令myTV Super吸引力下降,TVB都唔係無買玉森裕太主演的日劇,2012年J2首播《原來是美男》未係玉森裕太演出,而當年TVB買劇都係富士為主,《信長的主廚》,《歌舞伎華之戀》同《青春偵探晴也》都係朝日,TBS日劇,所以無買到又難怪。其實你睇了5集《逆轉真相》,故事吸唔吸引,好唔好睇,而TVB配音唔差得過原聲,仲有聽配音可以睇到演員做戲,所以你睇多次都無壞。《刑警的目光》係有線2014年播放,當時政府剛剛發完新免費牌俾有線,所以咁快買新劇播唔奇。而去年有線買兩套TBS日劇《Mr. Brain》同《父女7日變》都超過十年,《別讓我走》超過一年都仲有機會會買,《別讓我走》係日劇台播都唔係無可能,日劇台有堆時段專播舊劇,宜家播緊《美女與男子》後多數上舊日劇。

發表於 Posted on: 2017-06-12 19:02

吉成千奈美
帖數 Posts: 1568
回頂端 / Top
《為了N》其實都可以響星期日朝早播完《阿媽上學去》之後播,如果好似《未生》咁一次播兩集都還好,一次播一集實在非常慢,播番日劇會比較好,而且係十點半到十二點半,時間剛剛好播兩集1小時日劇,如果真係要搵個時段播韓劇,我覺得星期六日朝早6點至7點半播會比較好,反正都係重播節目。《為了N》版權到了期都未知,如果TVB想播,放係J2精選日韓劇時段播已經可以,至於放係星期日朝早韓劇時段播就無咩可能,因為星期六已經播緊日劇《謝謝款待》,而J2播放《阿媽上學去》一星期一集,好明顯係想免費台播少d首播劇,而星期六日劇時段一星期播兩集,所以未全部都係重播劇集難。事實上TVB好應該重整劇集時段,日劇適合係星期六日播,照計星期六日朝早放返日劇,而韓劇放返係一至五晚7:00-8:00播放,反正台劇無人睇,台劇時段提早一個鐘播,基本上宜家免費台得返TVB有台劇播。老實講TVB有心播日劇,cut咁d韓綜時段已經有時間播,好似J2星期日下午播韓綜係原聲,會有幾多人睇都成問題。

發表於 Posted on: 2017-06-12 19:03

吉成千奈美
帖數 Posts: 1568
回頂端 / Top
日劇資料更新:
《0.1無罪真相》將於2017年1月冬季檔日九檔上映,演員陣容基本上無變,唯一係女主角榮倉奈奈換了做木村文乃。

NTV日曜劇《曾愛過、有秘密的》將改由賀來賢人頂替小出惠介出演記者立花曉人。

《黑色筆記本》追加卡司 江口洋介參演。

《BORDER 2》確定開拍。

發表於 Posted on: 2017-06-14 16:18

吉成千奈美
帖數 Posts: 1568
回頂端 / Top
吉成千奈美
《其實我不太愛你》13.5%個集麻麻地,無之前咁衝擊,只係話波瑠有左,感覺比較平淡。日本觀眾對渡邊直美好感度都幾高,《加奈小姐!》照計唔會太差,6-9%差唔多,不過劇名其實係《加奈小姐!》定《神奈小姐!》?照計石原聰美套木十第一集點都高,女性題材加石原聰美好適合,應該有雙位數,之後都要睇下會唔會好似《人100%靠外表》咁俾人鬧。《產科醫鴻鳥2》點都會睇嘅,第二輯應該會有新發展。依家土十有《野豬大改造》組合都得8-9%,《只是先出生的我》應該唔會太好,不過我會睇,故事幾吸引。《陸王》故事反而似《下町火箭》,收視應該保到15%以上。秋季月九似乎係篠原涼子參選市長,石田百合子支持,高橋一生係勁敵,故事睇落幾得意,清水富美加主演秋季月九係hk01講,不過依家睇好明顯係流料。《僱傭妻子》已經講實栗同平匡準備開花結果,不過似乎會有解僱危機。《Code blue 3》星期二12am(星期一深夜)好似有特別事,記得留意富士官方網站。《我們做了》感覺幾得意,不過劇情其實都預計到,暫時唔會睇著。《瑟西爾的企圖》反而比較似《薔薇色聖戰》,都係主婦加入時裝界,不過之後應該變得似《霓裳風暴》,所以應該係《薔薇色聖戰》同《霓裳風暴》混合版。《警視廳生物系》收視差就一定架啦,只係希望唔好破紀錄姐!《過保護的加穗子》故事感覺比較行,未必會睇。《偵探物語》睇宣傳片似乎係暗黑偵探題材,本來完全無興趣,依家要觀望下先決定追唔追。《對不起,我愛你》有韓國演員參演,不過長瀨智也造型滄桑,或者會有突破。如果viutv買《code blue3》先算啦,到時咪睇電視囉!《有喜歡的人》唔播就真係無機會播,似乎最後都係唔播。《機動警察》原來係電影,估唔到tvb會買。《偵探物語》有森田剛參演,所以無可能響日劇台播,亦即係得《加奈小姐!》可以播。富士劇除左《code blue3》其他都買得,viutv應該買左《我們做了》、《瑟西爾的企圖》,tvb應該買左《警視廳生物系》。玉森裕太咁多套日劇買得一套《原來是美男》,可以見到玉森裕太唔係tvb常買卡士啦!《歌舞伎華之戀》係tbs劇都唔播仲怪啦!《逆轉真相》故事其實ok,不過無我想像咁好睇,而且節奏好慢,要有耐性睇。精選日韓劇時段應該只係重播,唔會首播,不過會唔會首播唔太清楚。如果想免費台播少d首播劇,唔播或者重播咪得囉,何須多此一舉?免費台仲有viutv播緊台劇

發表於 Posted on: 2017-06-14 20:19

UIE1017
帖數 Posts: 1532
回頂端 / Top
回應:UIE1017

《其實我不太愛你》大結局收視14.8,比同季收視冠軍《非常審查官2》大結局收視14.4仲要高,證明這套真係有你所講衝擊力吸引到觀眾準時收看,而第十集唔住撞住同時段直播日本國家隊賽事而拖低收視,平均收視應該上到12。就算日本觀眾對渡邊直美好感度提高,但以渡邊直美人氣難以吸引觀眾,《加奈小姐!》收視同《四重奏》差唔多,至於《加奈小姐!》定《神奈小姐!》都係譯名問題,唔需要太考究。而木十劇收視基本盤去到5-6點左右,石原聰美無錯有人氣號召力,但以目前富士劇集水平,真係好難維持雙位數,除非今季套木十收視,就有些少機會。《人100%靠外表》咁俾人鬧係桐谷美玲太靚,演醜女無說服力,況且套劇有太多植入識廣告。《產科醫鴻鳥》拍第二輯都估到,係近年TBS金十最高收視的一部劇,而上輯有小栗旬客串演出吸引到觀眾,唔知第二輯會加入咩新角色,仲有第二輯起用上一輯班底,有星野源助陣,照計收視唔錯。始終土十係新劇集時段,況且《野豬大改造》組合人氣都大不如前,有咁的收視合格有餘。《只是先出生的我》又係一般校園劇模式,唔太吸引,收視唔好就一定。《陸王》收視未必有15點以上,今季同類劇《陸王》得大結局個集先有16.4。秋季月九題材似足J2播完無耐的韓劇《熟女辛市長》,不過題材相近故事唔同,而日劇真係無這類題材劇,希望可以靠新鮮吸引觀眾,不過編劇係新人,加上原創,有少少擔心劇本質素,石田百合子真係好紅,紅到套套劇都有她份。《僱傭妻子》大結局留白,實栗同平匡就算開花結果係埋一齊都仲有好多可能性,照計好大機會拍第二輯,大結局最估唔到係沼田同百合男下屬發展出一段基情。《對不起,我愛你》真係韓劇味勁濃,仲要加入韓國演員演出,收視差已成定局,下季TBS似放棄態度,好可能集中資源谷秋季。有傳長瀨智也下年1月會主演月九《Fragile 2》。

發表於 Posted on: 2017-06-23 17:55

吉成千奈美
帖數 Posts: 1568
回頂端 / Top
Viu TV播完《Crisis》後停播日劇,改播日本綜藝《瀛知有密》,而一至五晚劇集檔只播韓劇,睇怕Viu TV再無日劇播。《Code blue3》話唔定Viu TV唔買,改為有線購入,J2播完《逆轉真相》後都無公佈之後上咩日劇,所以《有喜歡的人》播唔播要之後先知,而最後都係唔播會唔會同套劇係富士製作有關,講真J2唔播《有喜歡的人》有d可惜,始終套劇有唔少年輕偶像演出,反而唔播《無敵律師》都無問題,《機動警察》係電視劇,有12集,照計係為響應動漫節而播放,播放時間會唔會安排係星期日下午,近排TVB網絡電視日劇台重播《警報》,都有可能會買《我們做了》,始終今季TBS日劇唔多,Viu TV係一至四晚凌晨時段重播木十劇,照計應該會買《瑟西爾的企圖》。《警視廳生物系》唔多似係TVB會買的劇種,況且兩位演員唔係TVB買開的卡士,好大機會係有線買多。《逆轉真相》係一件案講10集,唔似單元劇一集一單案咁快節奏,仲有湊佳苗小說都係慢慢鋪排,所以前面有d悶係正常,仲有《逆轉真相》有廣告商贊助,照計故事唔差,而今年J2播日劇得TBS日劇有廣告商贊助,唔知TVB會唔會以後日劇時段只播TBS日劇。宜家精選日韓劇時段只播重播韓劇,連暑假期間都唔肯放未係免費台播過的日韓劇就知TVB想縮數,而J2一星期五日有兩套韓劇係重播劇,星期日朝早播套重播劇會有人睇咩。至於Viu TV播緊台劇都係幾年前舊劇,新台劇無入咁濟,睇怕台劇係香港無市場,所以J2遲下取消台劇時段都有可能發生,播台劇無廣告贊助好難令電視台播放。

發表於 Posted on: 2017-06-23 17:55

吉成千奈美
帖數 Posts: 1568
回頂端 / Top
回應:吉成
其實想ViuTV多日劇播,可以寫信俾ViuTV反映,畢竟呢度係TVB討論區,照睇ViuTV買手唔會咁得閑走來友台討論區睇言論,還有就係ViuTV唔係TVB,唔會話聽唔入觀眾意見,否則都唔會有咁多動畫同韓劇俾你睇

發表於 Posted on: 2017-06-25 20:22

煲劇
帖數 Posts: 68
回頂端 / Top
UIE1017、吉成
我只記得上次吉成同我講過嘅說話,先回覆左之前吉成回覆我的說話先:其實話ViuTV討好黃絲係班藍絲係度攻擊ViuTV少陸劇嘅藉口,加上之前電盈話要永久錄用被中共封殺的何韻詩,令果班藍絲更有理直氣壯話ViuTV討好黃絲,要佩服就系電盈唔怕得罪藍絲,可能藍絲有新移民係入邊,覺得佢地唔可以代表香港民意吧,已經唔係話播《跟住矛盾去旅行2》先係討好黃絲,其實你睇開Now新聞,佢立場都係偏泛民,點都唔會好似TVB偏向中共

發表於 Posted on: 2017-06-25 20:32

煲劇
帖數 Posts: 68
回頂端 / Top
還有陸劇仲有一個好奇怪的現象,就系古裝劇好中意後期用配音,有時連現代劇都用,而大陸更年輕觀眾好中意電視劇用用配音,因為除了收音設備差,班觀眾覺得有時用原音會出戲,仲有班大陸人好反感台灣腔,真係服左大陸人D口味,唔中意演員本音係電視劇出現,反而中意被配音演員配過音的電視劇,反而日韓劇唔會係後期用配音,就連宜家台劇都唔會再用配音,又唔見當地觀眾會存在咁樣嘅問題出現

發表於 Posted on: 2017-06-25 20:44

煲劇
帖數 Posts: 68
回頂端 / Top
回應:煲劇

其實Viu TV自今年4月起改革後,增加唔少自製節目,而黃金時段播放外購節目比例明顯減少,而我係其他討論區已經反映了意見俾Viu TV聽,不過Viu TV依然無改善,最唔明Viu TV安排星期日晚11:00-11:30播放動漫安排,照計播深夜劇收視都高過動漫,星期日深夜新聞根本取消,總之Viu TV安排完全唔合符常理,而星期一至五晚7:00播放泰劇收視無咩迴響,Viu TV到今時今日仲要播,聽觀眾話就停播。而Viu TV播放韓劇多了又唔覺,以前星期日下午有首播韓劇,宜家縮皮播台劇,好明顯見到Viu TV朝早至下午時段都係大量重播節目。至於之前講好一至五晚8:30-9:30日韓劇集時段,到今時今日都無兌現。宜家主力睇J2算數,而瀛知有密照計過了期,之前已經抽起一次,睇怕好大機會抽起第二次改播日劇。

發表於 Posted on: 2017-06-27 16:56

吉成千奈美
帖數 Posts: 1568
回頂端 / Top
吉成千奈美
《其實我不太愛你》大結局睇完,我覺得都算唔錯,雖然結局預料之內,主角離婚,期待命運中嘅相遇。其實《其實我不太愛你》收視無論如何都上唔到12%,依家11.16%,如果唔理結局嘅影響,第9集要多8.4%先上到平均12%。《加奈小姐!》睇左預告片,實在太熱血,頂唔順,應該唔會追睇。石原聰美如果以番《校閱女孩 河野悅子》嘅標準睇,秋季木十應該最低應該都有8%,平均應該有9%,但大前提係劇情要合理。我睇左木十預告,感覺唔錯,平均應該上到8%,不過個海報入面,真木陽子好似想扭甩自己個頭。《人100%靠外表》無睇唔太清楚,不過首主題曲幾好聽,而桐谷美玲已經連續兩套劇嘅主題曲都係由知英唱,唔知下套會唔會都係呢?澤尻英龍華都係有2套劇由安室奈美惠唱主題曲,福士蒼汰仲誇張,《曾愛過,有秘密的》都係由家入里歐唱主題曲,已經係第4套。《產科醫鴻鳥2》已經成為秋季必追劇集,秋季日劇暫時都好吸引,唯獨是水十傳刑警跟女兒嘅題材,似乎呢套劇會再次帶ntv入低谷。《陸王》同《小巨人》係兩類劇,《陸王》係《下町火箭》個類努力奮鬥,《小巨人》係不畏強權,即係《半澤直樹》個類,點可以比?秋季月九都幾難講,我就唔睇好,通常劇情都係個啲,揭黑幕、老公出軌、小朋友唔聽話等等,應該會出現響月九入面。如果長瀨智也拍《Fragile 2》我都會睇,畢竟係2016冬季以來富士最高收視劇集,有傳木村拓哉會主演朝日木九添!

發表於 Posted on: 2017-06-28 0:13

UIE1017
帖數 Posts: 1532
回頂端 / Top
吉成千奈美
如果有線買《Code blue3》咁就一定要上網追睇。《逆轉真相》之後應該都係得2個選擇,一係播《有喜歡的人》,一係播《對不起,我愛你》或者《偵探物語》。《機動警察》其實係電影,cut做12集。《警視廳生物系》都要睇下tvb鐘唔鐘意買橋本環奈,不過tvb都係買得一套日九,睇怕機會微,甚至可能無電視台買。依家精選日韓劇時段播《繼承者們》,重播左n次,我覺得都係播首播劇算啦!星期日朝早唔係重播喎,係首播喎!台劇基本上無可能唔播,依家tvb買曬三立嘅劇集,點都會響免費台播。

發表於 Posted on: 2017-06-28 0:21

UIE1017
帖數 Posts: 1532
回頂端 / Top
煲劇
我之前開電視睇過小小《錦繡未央》,怪唔之得怪怪地,原來有後期配音。

發表於 Posted on: 2017-06-28 0:23

UIE1017
帖數 Posts: 1532
回頂端 / Top
唉,依家tvb赤化越黎越嚴重,連港台節目頭條新聞都敢抽起,夜晚仲要播咩文藝晚會,好在仲有播《愛回家之開心速遞》,真係無辦法唔強烈要求tvb好好反省下今日呢個錯誤嘅安排,到底tvb當觀眾係咩?

發表於 Posted on: 2017-06-30 21:01

UIE1017
帖數 Posts: 1532
回頂端 / Top
回應:UIE1017、吉成
因為《頭條新聞》撞正習近平訪港,TVB為避免得罪習近平,將頭條新聞放J2姐,不過HKEPC班人又係度嚼舌根,真係要揾班人教訓下先得
PS:俾篇關於文藝晚會嘅報你地睇下
【大陸歌手空降】會展「慶回歸」晚會 傳中央台插手 無綫坐歪
香港特別行政區成立20周年,國家主席習近平明日便會抵港,逗留三日兩夜。警方已經講明每日會出動8,000警力,其下榻嘅君悅酒店及會展更嚴密佈防,包括準備習總周五(30號)晚八點,將會出席會展舉行「慶祝香港回歸祖國二十周年文藝晚會」。

據知,今次呢個大型慶祝活動,本來係由無綫一手包辦製作,但日前就收到密令通知,話中央台將會全權接手負責呢個騷,大台嗰晚負責幫手打點。咁突然咁兒戲?
《蘋果》收到消息,話大台為咗做得「好好睇睇」,早幾個月前已經傾好晒成個rundown,亦已經好低調咁聯絡咗一啲「乾乾淨淨」嘅歌手藝人參與演出,有份被「點燈」嘅,英皇佔咗三個,包括李克勤、容祖兒同古巨基,重量級啲嘅有林子祥、葉蒨文、甄子丹、黎明,另外仲有莫文蔚、王祖藍,同理大台幫嘅林師傑、劉佩玥、譚嘉儀同馮允謙一堆人。至於大陸方面代表就有郎朗、韓磊、譚維維、姚珏等約10人。
咁,成個騷有咩改動?就係因為中央台安排咗一啲大陸歌手大駕光臨演出,所以嗰晚上台嘅本地薑,只可以喺台逗留兩分鐘左右。
鄧梓峰接受傳媒查詢時就承認會做司儀,喺回歸15周年文藝晚會中同樣做司儀嘅佢,有冇覺得今年保安特別嚴密?佢就話未去過場地,所以唔知道。問佢知唔知當晚有乜嘢演出單位?鄧梓峰都話唔清楚。無綫企業傳訊部對外事務科則表示,無綫對《蘋果》所有查詢不作回應,而旗下有3位歌手參與嘅英皇亦未有回覆。

發表於 Posted on: 2017-07-01 13:40

煲劇
帖數 Posts: 68
回頂端 / Top
更正:係將《頭條新聞》放J5播

發表於 Posted on: 2017-07-01 13:41

煲劇
帖數 Posts: 68
回頂端 / Top
煲劇
今日7點套新聞透視講得非常保守,不過好在無河蟹

發表於 Posted on: 2017-07-01 21:26

UIE1017
帖數 Posts: 1532
回頂端 / Top