tvb.com

 
 
tvb.com
 

感覺J2唔再好睇,TVB係咪冇心做?想學亞視?

騎呢電視劇播放時間就算了(讓觀眾唔方便追睇電視劇?)
而且你仲要播埋賽馬,在一個主打年輕人嘅頻道播,點解唔係翡翠台度播?

而且TVB買點咩野黎播啊?好像巨人中學咁,唔單只我覺得唔好睇,剛剛入黎呢個討論區,也見到有人發post話唔好睇。

火影都大結局左,點解唔播埋?

還有 銀魂日本都播左超多,連洛陽篇都播埋,點解TVB唔埋黎播???

仲有最拿命嘅 進擊的巨人 第二季都開始播啦,你仲同我播巨人中學?????


好唔明白TVB究竟點想?係冇錢買定系hea做?定係版權慢左一步比友台買左????

隔壁台從 信長協奏曲 到現在的 一拳超人 。。。非常進取


講真TVB有大氣電波,有非常好嘅配音組,可以為我地帶黎1080P畫質嘅粵語動漫,而且仲可以做到緊貼日本,但系如果唔好好把握呢點優勢,遲早比網絡電視K.O

我寫呢點真係愛之深責之切

希望TVB提起精神,做應該做嘅野。。。你話如果可以做到緊貼日本播 《進擊的巨人》第二季 我覺得應該會有不少人睇。。。

還有快點播銀魂啊、火影啊、。。。唔好播播下唔播。。。

積極進取一點做市場調查,買點真正好睇嘅動漫翻黎播,如果再繼續hea,真係會變第二個亞視。。。講真,買點好睇一點嘅動漫、日劇、韓劇比觀眾睇,真係咁難咩?

發表於 Posted on: 2017-04-06 1:44

銀fans
帖數 Posts: 28
回頂端 / Top
上年世界杯蝕左錢,巿道又唔好,廣告商又少左,之前啲配音組,如電影都無左配粵語喇,人地商業電視台要慳錢,唔播賽馬咪有收入,真係同當初J2唔同左,同左啲旅遊,食野都無點睇J2了,得閒出去跑下步好過,資訊發達,手機都睇到了,唔係哺住既

發表於 Posted on: 2017-04-06 14:16

j教主
帖數 Posts: 41
回頂端 / Top
82已經好久無轉過去了,現在連85、81也是,未來可能只需看99了!

發表於 Posted on: 2017-04-12 11:13

joekcw
帖數 Posts: 15
回頂端 / Top
回應:joekcw

老實講Viu TV都唔好得J2好多,J2至少一至日晚都有劇集,綜藝,動漫都有固定時段,係星期三同六日播馬衰,搞到個台無嘢睇,Viu TV時段日日轉,劇集線得返一至六晚8:30,其餘全部自製垃圾真人騷,搵鬼睇咩,再係咁落去好快無人睇。

發表於 Posted on: 2017-04-13 20:02

吉成千奈美
帖數 Posts: 1605
回頂端 / Top
老實講Viu TV都唔好得J2好多,J2至少一至日晚都有劇集,綜藝,動漫都有固定時段,係星期三同六日播馬衰,搞到個台無嘢睇,Viu TV時段日日轉,劇集線得返一至六晚8:30,其餘全部自製垃圾真人騷,搵鬼睇咩,再係咁落去好快無人睇。

妖TV?

仲衰過J2!

時段亂咁黎

仲要20:00播低清VCD新聞趕客!之前18:00就做過!搵鬼睇!

一旦明珠台改為20:00 - 20:00全線lifestyle節目,取消此時段播放新聞財經

(The Pearl Report / Straight Talk改為星期二20:30 - 21:00 / 21:00 - 21:30)
(英語觀眾仍可選擇J5英語節目,惟須加設可選英語字幕)

(Money Magazine改為星期日19:00 - 19:25,取代重播節目)

D人都會改睇明珠!妖TV八點新聞,仲邊有人睇!

期待HKEPC有傳,五月連J5都小改,更多首播優質紀實,更少重播節目。

到時妖TV更加死梗!

發表於 Posted on: 2017-04-16 11:48

3420TGN930
帖數 Posts: 280
回頂端 / Top
我感覺J2差左好多, D節目越來越垃圾 , 好心套RUNNING MAN 唔好播。

發表於 Posted on: 2017-05-11 8:06

dona
帖數 Posts: 207
回頂端 / Top
明明講緊j2做得差,有on9就拉埋viutv落水,咁講唔代表j2會好左架,打手唔該落多d力啦

發表於 Posted on: 2017-05-13 14:29

lps3a
帖數 Posts: 90
回頂端 / Top
J2 變左賽馬同韓國台。J2 梗係唔再好睇啦 !

星期一至五每日播五個鐘韓劇 ,一個星期七日播大量韓國綜藝節目。
樓主應該明白點解: [火影都大結局左,點解唔播埋?還有銀魂點解TVB唔埋黎播?]

就算韓劇迷都唔一定鍾意睇韓國綜藝節目 , 例如 : RUNNING MAN

一有賽馬就CUT 埋D日劇。

而加望兩眼J2 D 節目就轉去83 台睇下新聞好過。

發表於 Posted on: 2017-06-11 12:29

dona
帖數 Posts: 207
回頂端 / Top
回應:dona

其實今年J2已經好過去年J2節目安排,去年J2連日劇,動畫時段都cut埋,轉埋播韓劇,搞到去年一段期間基本上無咩點睇J2,無錯今時今日的J2多數播賽馬同韓國節目,仲要係大部分重播節目,翻播又翻播,十足十亞視模式。

事實上一至五主力播韓國節目又唔反對,但六日都用埋播韓國節目就真係反感,仲要佔據黃金時段,尤其係韓國綜藝播放時間特別長,大部分連廣告90-120分鐘,間接令唔鍾意睇的觀眾無電視睇,Running man放係星期六有時播馬停播都算,但叢林的法則,美麗魔法個堆節目長期佔據星期日晚黃金時段,好心J2改埋一至五晚播,最多取消台灣旅遊節目時段去播。

賽馬好應該改去J5播,反正J5六日都係重播一至五堆節目,TVB免費電視台日劇時段得返J2,唔好因為播外國馬搞到停播,講真香港有幾多人睇堆外國馬,其實唔睇J2,都仲有Viu TV同奇妙電視睇,所以我都唔會睇死J2,不過J2再唔改革就令觀眾留失,一係將堆垃圾自製節目改係深夜播,好似娛樂新聞報導細鬼放係8:00播,凌晨12:30播未算。

發表於 Posted on: 2017-06-12 15:39

吉成千奈美
帖數 Posts: 1605
回頂端 / Top
回應:吉成千奈美

你講得無錯今時今日的J2多數播賽馬同韓國節目,仲要係大部分重播節目,翻播又翻播,十足十亞視模式, 十分反感 。

不過我就不同意取消台灣旅遊節目 , 因為J2唔係劇集台,唔係只是播韓劇 ,日劇, 台劇。 J 2係
多樣化節目適合年青觀眾既台。

以前既J2 有日劇,有動畫 , 有青春美劇, 有台灣旅遊節目 ,有美國 TEEN CHOICE , 有英美唱片頒獎。
而加? !!!!!! 變左韓國 & 賽馬台,正一垃圾

發表於 Posted on: 2017-06-12 22:30

dona
帖數 Posts: 207
回頂端 / Top
回應:dona

其實J2自2015年由杜之克入主TVB節目總監後,編排各台節目已經有所質疑,當年取消翡翠台星期日深夜日劇時段改為重播台劇,高清翡翠台取消六日晚日韓劇時段改播大陸劇,令高清翡翠台變成全天候大陸台,J2係2015年取消台劇時段改播韓劇,但2016年該時段變埋做大陸劇,2016年中取消日劇時段,但9月又恢檔,所有節目編排變動都係為播大陸劇同節目改動,連主台翡翠台情況都係差唔多,好明顯TVB背後受大陸股東操控,但收視同廣告下跌,搞到改返轉頭。

而J2係2015年直播賽馬流失大量觀眾,節目表成日因直播賽馬停播,星期六情況最為嚴重,收視廣告流失令TVB只有不斷以重播節目模式維持,另一方面係TVB借J2直播賽馬打壓J2收視,藉此拉高翡翠台收視,翡翠台收視係2013年開始急劇下跌,反而J2收視就年年上升。

事實上以前J2旅遊節目時段唔係只播台灣製作,以前J2會播放日本,韓國同其他地區製作旅遊節目,而TVB為慳錢大量引入平價台灣旅遊節目,令觀眾反感。既然係咁,不如改埋做劇集時段算數,反正個堆台灣旅遊節目播了咁多年都係個堆嘢,將部分時段轉做其他綜藝仲好。

其實J2主力做劇集,動漫同娛樂性綜藝,定位清晰,反而J2播旅遊節目節目定位同J5相似,預期係咁不如改去J5播,而翡翠台一至日晚9:30-10:30劇集時段改返一至五晚播,睇下六日晚9月播完自製劇收視如何,如果收視都係維持12-15點,TVB好大機會改播外購劇,日劇集數比較適合六日晚播,係就可以多段日劇時段。

老實講2014年J2節目編排最吸引,尤其六日晚有日劇,日綜,動漫連住落,都唔想轉台,而美劇,TEEN CHOICE,英美唱片頒獎個堆節目應該放明珠台播,始終有一條英語頻道唔放走去放中文台有點格格不入,Viu TV開了英文台後都無再係中文台播放英語節目,始終中文台觀眾對英語節目興趣唔大。

其實J2只要將賽馬搬走改去J5播,節目編排正常返,收視會穩定。

發表於 Posted on: 2017-06-14 16:10

吉成千奈美
帖數 Posts: 1605
回頂端 / Top