tvb.com

 
 
tvb.com
 

所謂的精選日韓劇時段根本係借日劇之名,實際上播韓劇為主

同意
4
反對
2

總票數 Total Votes: 6

所謂的精選日韓劇時段根本係借日劇之名,實際上播韓劇為主

J2自從去年10月新增所謂的精選日韓劇時段,秘密花園,花樣男子,原來是美男全部都係韓劇,日劇得套一套交響情人夢,仲要得15集,只係計播放時數,韓劇佔據該時段大部分時間,加埋平時一至五晚韓劇檔,星期日朝早播放首播韓劇,仲有下午劇集時段重播韓劇,J2變成韓國台。

播完原來是美男後竟然走去重播高清翡翠台2010年播過的熟女辛市長,原本想住精選日韓劇時段主力播偶像劇為主,宜家走去播一套完全唔適合年輕觀眾口味的韓劇,TVB到底想點,照計這套劇應該放J5播至係,好心精選日韓劇時段重播J2以前播過堆日韓劇,又或者購買其他電視台播過堆日韓劇。

發表於 Posted on: 2017-03-19 16:19

吉成千奈美
帖數 Posts: 1545
回頂端 / Top
回應:吉成
因為日劇集數太短,所以TVB唔敢係呢個時段太多日劇,正如ViuTV改革黃金時段後叫做扮嘢日韓劇,好多人都懷疑ViuTV去邊度揾日劇放平日播,還有TVB除左待播嘅《媽媽》和《美女孔心》之外,應該唔會買有線劇集台播過的韓劇了
事實上正正因為J2太多韓劇,唔單止日劇迷不滿,連動漫迷對韓劇恨之入骨,班動漫迷基本上都好憎韓劇

發表於 Posted on: 2017-04-02 10:14

煲劇
帖數 Posts: 63
回頂端 / Top
<市政廳>我未看過,所以我不太介意播此劇

發表於 Posted on: 2017-04-03 12:02

leung604
帖數 Posts: 229
回頂端 / Top
回應:煲劇

2015年TVB日劇台堆日劇有好多都未係免費台播咁濟,就算日劇集數少,未一次過播兩套日劇之後再播一套韓劇,咁都唔細成半年先播一套日劇,其餘全部播韓劇,用精選日韓劇時段個名去欺騙觀眾,況且TVB有NHK晨間劇係度,集數已經同韓劇相約,所以話日劇集數短唔播係講唔通,好明顯日劇版權貴,TVB唔肯重買以前播過堆舊日劇,但又唔肯播新日劇,好似星期六朝早日劇時段咁耐以來都係播過一套首播日劇,好明顯TVB唔想免費台播太多日劇,以免無人俾錢申請myTV Super。

Viu TV黃金時段扮嘢日韓劇應該有一少部分日劇,始終Viu TV今年買少了韓劇,況且Viu TV今年買了日劇都合符平日播,好似《寵物情人》,《不好意思,我們明天要結婚》,《掠奪的愛、冬》,其實Viu TV係黃金時段播下日劇,可以俾觀眾轉下口味,仲有TVB待播嘅《媽媽》和《美女孔心》都係放J5下午播,有線劇集台播過堆韓劇都俾奇妙電視買來播。

事實上TVB唔止係免費台播韓劇多,韓國綜藝都多,J2基本上係個韓國台,可能係余大媽鍾意煲韓劇,搞到連免費台都播勁多韓國節目,可能韓國節目版權費平,慳錢同節目時數長易填時間表。就算日劇迷定動漫迷對韓劇恨之入骨,都改變唔到TVB政策,除非有日資入股,先可以改善現有情況。

發表於 Posted on: 2017-04-03 21:29

吉成千奈美
帖數 Posts: 1545
回頂端 / Top
吉成
TVB係業績公告中講:J2台由十月起新增每晚十點的一小時韓劇時段,讓劇迷追看最新韓劇,換言之佢之前嘅精選日韓劇時段有可能作廢

發表於 Posted on: 2017-04-29 17:24

煲劇
帖數 Posts: 63
回頂端 / Top
回應:煲劇

精選日韓劇時段係J2去年10月宣傳廣告出,況且今年2月該時段都有播放日劇交響情人夢,因此唔可以將新增每晚十點的一小時固定係韓劇時段,至於該時段從來都無播過最新韓劇,唔係將翻抄重播劇當最新韓劇播。

發表於 Posted on: 2017-04-29 17:49

吉成千奈美
帖數 Posts: 1545
回頂端 / Top