tvb.com

 
 
tvb.com
 

究竟J2幾時先肯播VS嵐

回應:吉成
上年TVB陰乾日韓劇配音果陣,班日韓劇迷嘅態度真係比美劇迷仲要積極,走去打電話投訴TVB,而當時撞正ViuTV開台,迴響比美劇仲大
事實上TVB俾傳媒針對已經唔係一日兩日嘅事,宜家有大陸股東罩住,高層可能已經唔怕生果報同本土派話TVB係大陸台,好似1900時段大陸劇,《女醫明妃傳》被本土派針對,《錦繡未央》被生果報針對,唔單止沒令TVB取消播陸劇,仲要係8:30-9:30播埋大陸劇《三生三世十里桃花》,J5劇場係高清劇場時期就已經日日播大陸劇,以TVB嘅視覺來睇,J5劇場播大陸劇咁耐已成定局,觀眾已經沒心機去理會,就連HKEPC班打手話香港人開頭肯定會吵,但係過左一段時間就會靜落來
至於當年J2播《奔跑吧兄弟》,高登仔仲言論仲難頂,連王祖藍同Angelababy都鬧埋,話呢兩個人都係趕客,可能當年反對聲太大所以今時今日都沒係免費台播,另外你對於《高能少年團》的言論,同大陸媒體D點評一樣

發表於 Posted on: 2017-04-08 11:45

煲劇
帖數 Posts: 75
回頂端 / Top
看了剛剛播出的 VS ARASHI ,舊貨,真心失望.......

發表於 Posted on: 2017-04-08 20:28

ナタ
帖數 Posts: 2
回頂端 / Top
今日播果集,舊的,2014的,有冇搞錯

發表於 Posted on: 2017-04-08 21:56

JanStar
帖數 Posts: 6
回頂端 / Top
回應:ナタ

其實放得這個時間都預了播舊貨,況且自2014年10月停播後,已經知道TVB無錢買緊貼集數,因為當年J2係9月播放VS嵐已經係當年2月份個期,播完五集突然停播,大家都知係TVB俾唔夠錢,人地富士未唔賣俾你。

發表於 Posted on: 2017-04-09 13:56

吉成千奈美
帖數 Posts: 1617
回頂端 / Top
回應:JanStar

講真J2係2012年首播VS嵐都係由舊集開始播,所以之後J2會選擇有卡士嘉賓集數播,而下星期六個集「熱血水球少年」隊會加入新遊戲GoGo Sweeper,會唔會係這個原因要播舊集,先可以等觀眾知道遊戲玩法,之後會飛來播。其實真係完全唔明J2係去年暑假係下午播個3集VS嵐做咩,又係2014年集數,唯一解釋去年個3集VS嵐係2015年無播個3集,今年播係新一輯。

發表於 Posted on: 2017-04-09 14:06

吉成千奈美
帖數 Posts: 1617
回頂端 / Top
回應:煲劇

其實TVB早係2015年已經陰乾日韓劇時段,翡翠台,高清翡翠台已經無晒日韓劇播,所以去年TVB唔再為日韓劇配音,好容易激起一班日韓劇迷的反應,美劇都仲有明珠台播,但日韓劇就未必係免費電視台有得播,TVB再係咁落去好可能唔再買日韓劇,以後只係買大陸劇播,到時就玩完。況且去年Viu TV開台有配音,同TVB已經有比較,已經俾到傳媒有話題。

講真TVB有大陸股東入主,加上ATV去年摺埋,因此大陸政府派人收購TVB,目的控制香港言論,係翡翠台黃金時段播放大陸劇係2014年的事,之後2015,2016年都有係黃金時段播放大陸劇,直至2017年初翡翠台仲為大陸劇增設固定時段,TVB慢慢變大陸台,真係共產黨利用翡翠台同化香港人的政治任務。J5劇場今年都有播韓劇《華政》,播完《秀麗江山之長歌行》剛剛好5 月,照計TVB為免免費台太多大陸劇,而俾人鬧,所以係翡翠台播《三生三世十里桃花》期間停一輪大陸劇,如果TVB明知俾人有位入都仲要播,就真係白痴到不得了。Hkpec班就梗係話播大陸劇無事,不過播大陸劇收視差到無人理,日日播無廣告燒錢,TVB蝕錢仲會繼續做。

至於當年J2播《奔跑吧兄弟》係原聲版,王祖藍同Angelababy講普通話已經得罪唔少香港人,加上J2係播《奔跑吧兄弟》前已經播了好耐Running man,睇了原版實對個節目有批評,睇死《高能少年團》都係放J5播,仲有大陸藝人玩遊戲都係求其,何來製造話題創造笑點。

發表於 Posted on: 2017-04-11 19:46

吉成千奈美
帖數 Posts: 1617
回頂端 / Top
J2今晚播放個集嘉賓係2014年《全日本女子排球隊》,自從J2今年首播新一輯起,集數都係順住去年播放三集後播,而J2間唔中停播VS嵐,以J2目前進度,究竟要幾時先可以追到日本同步,建議TVB可以選擇集數跳播,可以飛走嘉賓較弱的集數。

發表於 Posted on: 2017-05-27 19:17

吉成千奈美
帖數 Posts: 1617
回頂端 / Top
因為如果緊貼進度,到時日本停播就無野播,播其他節目塞時間,寧願咁樣仲好。

發表於 Posted on: 2017-06-07 19:52

UIE1017
帖數 Posts: 1541
回頂端 / Top
回應:UIE1017

但宜家J2播緊《VS嵐》相距日本進度太遠,相差成3年咁耐,就算緊貼進度,都可以好似《Running man》相隔一個月播出,所以日本停播問題都唔大,反正J2周不時停播,好難追到日本進度。

其實作為觀眾都至少要求J2播放《VS嵐》相距半年至一年左右,宜家播3年前集數就真係太舊,太趕客。希望《VS嵐》播到咁上下好似《美麗魔法》咁播最新集數,再唔係就選擇性播放《VS嵐》集數,唔細集集連住播,始終有d集數嘉賓唔係太吸引,直至追近翻集數先連住播。

發表於 Posted on: 2017-06-09 21:27

吉成千奈美
帖數 Posts: 1617
回頂端 / Top
吉成千奈美
既然係咁,我寧願播有gogo sweeper嘅集數好過,睇見都想玩。

發表於 Posted on: 2017-06-30 21:02

UIE1017
帖數 Posts: 1541
回頂端 / Top
回應:UIE1017

究竟你有無睇J2播放的《VS嵐》,宜家J2播緊《VS嵐》差唔多集集都有gogo sweeper咁濟,只係間中一集無,上兩星期個集睇田中鬥莉王玩gogo sweeper操控自餘,唔細三四下掃幾個波入去,真係名副其實的車神。

所以好似你所講只播gogo sweeper嘅集數都有排播,況且每集出現gogo sweeper觀眾都睇厭晒,雖然宜家J2播緊《VS嵐》係舊集,不過我每集都有準時追睇,因為真係好好笑,仲有遊戲過程周不時有驚喜環節。

照目前J2播放《VS嵐》集數,睇怕會播晒2014年集數,之後有可能好似韓綜《美麗魔法》直接跳播2017年集。

發表於 Posted on: 2017-07-01 18:09

吉成千奈美
帖數 Posts: 1617
回頂端 / Top
吉成千奈美
我睇到《羅漢柏三三七拍子》個集,因為我依家睇緊《貓侍》,覺得幾得意幾好睇,打算差唔多時候先一次過睇曬vs嵐嘅集數。goog sweeper係新遊戲,照計應該之後會減少次數,咁咪可以飛走個啲集數囉!另外你睇完《羅漢柏三三七拍子》個集,就知道套劇有幾熱血,就明白點解我睇左少少就唔睇

發表於 Posted on: 2017-07-01 21:46

UIE1017
帖數 Posts: 1541
回頂端 / Top
回應:UIE1017

咁你宜家睇《VS嵐》集數相距J2三集進度,我去年已經睇晒《貓侍》,《貓侍2》睇睇下就無睇,無心機追,始終我對貓興趣唔大,講真成套劇都係睇貓。一次過咁多集《VS嵐》唔會悶咩,其實《VS嵐》常規版遊戲集集差唔多,反而一星期睇就會好睇同有新鮮感。

另外上星期個集都無再玩gogo sweeper,已經連續兩集無玩,仲有TVB買《VS嵐》集數係2014年版本,一定播齊,況且要飛走某啲集數都係選擇無人氣嘉賓個堆飛,始終睇綜藝節目都係嘉賓行先多過為遊戲睇,而J2播《VS嵐》無好似飛走某啲集數,係唔係怕好似2014年追到日本進度,之後追加版權費而被迫停播。

講真《羅漢柏三三七拍子》題材講學校應援團已經唔吸引,熱血又唔會講客,其實好多動漫角色主角熱血都大賣,題外話,Now到今時今日都未係收費電視播放《羅漢柏三三七拍子》,都唔知係唔係無買電視版權。

發表於 Posted on: 2017-07-04 15:16

吉成千奈美
帖數 Posts: 1617
回頂端 / Top