tvb.com

 
 
tvb.com
 

究竟J2幾時先肯播VS嵐

自從去年J2係暑假播完VS嵐3集後,就再無播過VS嵐,而TVB周刊係9月一期節目表寫星期日晚7:00-8:00播放VS嵐,不過突破被抽起,之後星期日晚7:00-8:00長期重播節目,直至1月先播放韓國綜藝美麗魔法。

另外《2017 TVB節目巡禮星光晚宴》預告J2節目有VS嵐,而今年農曆新年都有播放VS嵐新年SP,TVB拖了咁耐都唔播VS嵐,究竟TVB有無買到VS嵐,無就唔好係巡禮話有,咁好明顯係欺騙觀眾。

發表於 Posted on: 2017-02-27 16:30

吉成千奈美
帖數 Posts: 1580
回頂端 / Top
通常都係馬季後先播,…………鬼叫要播馬咩,鬼叫人地係都要係J2播馬,我都想可以返回之前咁播返

發表於 Posted on: 2017-02-27 21:44

冇回過家睡覺的少年
帖數 Posts: 179
回頂端 / Top
回應:冇回過家睡覺的少年

講真J2又唔係全日播馬,所以咁耐無播VS嵐同J2要播馬無直接關係。嚴格來講J2自從2014年10月開始無設常規檔播放VS嵐,當年J2都無播,J2係2016年先開始播馬。

事實上TVB縮皮唔買VS嵐就真,日綜版權費咁貴,見J2當年將星期日晚兩檔日綜都摺埋,轉晒做韓綜,而TVB收費台連日綜都無買,就知TVB唔想再花錢落J2度。

至於要安排VS嵐時間方面唔係無,星期六晚7:00-8:00重播五星期東京攻略,仲有韓綜Running man係韓國做埋今個月收檔,唔知TVB係唔係想等埋Running man完,搵VS嵐接上。

發表於 Posted on: 2017-03-02 3:03

吉成千奈美
帖數 Posts: 1580
回頂端 / Top
樓上update下啦,RM會繼續做落去

發表於 Posted on: 2017-03-05 1:12

J2
帖數 Posts: 6
回頂端 / Top
另外垃圾賽馬係前年15年開始調過黎
垃圾賽馬成日搞到J2無野睇!
好似今晚咁發瘟咗成晚!

發表於 Posted on: 2017-03-05 1:15

J2
帖數 Posts: 6
回頂端 / Top
回應:J2

Running man係韓國本土收視都唔好,唔係有海外市場收益晨早都收檔都唔做,宜家大陸同韓國交惡,受禁韓令影響下Running man唔可以賣版權去大陸,無了大陸市場擴大收益,Running man可以做得幾耐都成疑問。

另外Viu TV係星期日晚8:30-9:30播放日本綜藝恐怖醫學,睇怕J2係4月又會大改節目表迎戰,再繼續播韓國綜藝叢林的法則趕客,長遠會影響J2收視,J2倒不如係星期日晚8:30-9:30播放VS嵐,9:30-10:30播放日劇,10:30-12:30先播放叢林的法則,起碼有得同Viu TV鬥下先。

發表於 Posted on: 2017-03-09 18:01

吉成千奈美
帖數 Posts: 1580
回頂端 / Top
吉成
根據TVB Dubbing Secrets嘅FB,VS嵐已經配緊音,應該好快會播

發表於 Posted on: 2017-03-12 22:29

煲劇
帖數 Posts: 68
回頂端 / Top
回應:煲劇

睇個勢VS嵐放係星期六晚7:00-8:00播放機會大,因為J2係宜家這個時段都係重播節目頂期,不過VS嵐已經無播好耐,都唔知TVB會由邊集播起,承接去年暑假3集播定直接飛去2017年集數。

發表於 Posted on: 2017-03-13 3:07

吉成千奈美
帖數 Posts: 1580
回頂端 / Top
RM係大不如前,但都仲有人氣既
大陸有老翻既賓跑,就算反唔反韓都無影響啦

最好就RM同叢林對調星期六日播放
VS arashi如果擺係星期六既1900-2000都ok,應該都有重播
黃昏呢d時間好難係屋企,除非宅係到,所以要睇呢段時間既節目要靠重播

叢林擺2230-0030既話即係霸埋僅有既動漫時段,相信動漫迷會嘈你

發表於 Posted on: 2017-03-13 3:30

J2
帖數 Posts: 6
回頂端 / Top
回應:吉成
TVB Dubbing Secrets只講左會配咩作品,沒講到有關節目的安排,因為呢個討論區係由配音員負責,佢地唔清楚TVB的節目安排,具體情況要寫信問外事部,不過比起HKEPC果班人傾向中韓劇好多了,多得佢地公佈配音作品,先知道原來TVB買左楊冪果套《三生三世十里桃花》,個消息一出來,有人話宜家TVB買大陸劇淪落到係大陸有小小熱潮都會買,而且最奇怪嘅係TVB以前播過《仙劍奇俠傳》之後都沒再買過仙俠劇,宜家又走去買《仙劍雲之凡》、《花千骨》同《三生三世十里桃花》呢類仙俠劇,都唔知宜家TVB買劇嘅眼光會咁差!

宜家TVB又走去配長氣大陸劇,睇怕果套90集嘅如懿傳年底TVB肯定會優先配音,到時D日韓劇都唔知可唔可以保證到套套都有配音出街

發表於 Posted on: 2017-03-14 23:50

煲劇
帖數 Posts: 68
回頂端 / Top
回應:煲劇

講真近年TVB節目安排真係唔知想點,新節目出街前一星期先出預告,想睇的人根本唔知幾時做,同以前一個月前公佈下個月節目,係宣傳上都耐d,多d人知,所以話TVB係2015年開始整衰J2,趕客去翡翠台增加收視理論無錯,好明顯TVB唔想多人睇J2,見J2近年節目安排日日變,變到唔知做咩,因此寫信問外事部班人都無咩用,可能唔夠第二日又轉時間表。

事實上hkpec班人只係重視韓劇,宜家大陸搞封韓令已經影響到韓劇製作經費,真係唔知韓劇質素會好定差了,不過宜家班人都無咩點討論,至於TVB Dubbing Secrets公佈配音作品,唔會有違公司保密協議,好似韓劇最近師任堂,日劇A LIFE:深愛的人係當地都未播完,但TVB已經有晒成套係度,因此配音員唔可以將內容外泄,唔係就違反TVB協議。

好明顯TVB買咁多大陸劇都係討好大陸老細,唔係香港有市場先播,TVB經過去年黃金時段播大陸劇低收仲未識死,睇怕大陸老細幕後都係大陸政府,目的係要統戰,將香港大陸化為目的,況且翡翠台一至五晚長播大陸劇,加埋J5劇場,仲要間唔中係J2播大陸劇,唔買咁多點頂得順。

另外TVB連NHK晨間劇都唔買,韓國長篇家庭劇配音都外判,正正因為有大量大陸劇要配音,大陸劇集數長,需要大量人手,宜家TVB又唔請新配音員應付,最近J2套台劇配音都外判,證明TVB要重新審視政策,唔好再將所有資源放落大陸劇度,仲有日韓劇都係重播去年收費台個堆劇,點會配唔切音,而VS嵐係有限資源都有配音,照計都係放黃金時段播,講真叢林的法則應該撤出黃金時段,仲有可以唔配音,根本這個節目唔會有人睇。

發表於 Posted on: 2017-03-15 14:45

吉成千奈美
帖數 Posts: 1580
回頂端 / Top
回應:J2

Running man新個d集數無晒嘉賓
就算似住以前有些少人氣
仲吸唔吸引到觀眾睇都成問題

而綜藝節目一向都係以嘉賓作招徠
Running man連嘉賓都無錢請
證明連製作公司都唔係放錢落節目度
睇個勢繼續播都係等新節目出之後斬

事實上J2應該重新執過節目表就真
娛樂新聞報導就應該放一至日晚7:00
好似美麗魔法,叢林的法則就放係7:30時段
而Running man,VS嵐就放返六日黃金時段
咁編排一定好過宜家

至於上前個建議叢林的法則擺2230-0030
動漫時段推前至7:00-8:00播未得
反正以前翡翠台都係星期日晚播過大長今卡通
話唔埋可以開拓客源
好似排球少年2就可以放這d時段播

發表於 Posted on: 2017-03-15 15:37

吉成千奈美
帖數 Posts: 1580
回頂端 / Top
回應:吉成
J2果套《他看她的第2眼》上年係收費台播過,所以係外判配音
HKEPC果邊好中意踩大台以外的電視台,話ViuTV係度討好黃絲,咁動畫迷過檔睇ViuTV動畫,佢地就一定系黃絲?而且動畫迷同黃絲嘅關係係非常差,係反對精靈寶可夢譯名上動畫迷同黃絲有分歧,最後結果係點大家都知道啦,難道HKEPC會員的認知入邊,ViuTV唔買大陸劇就係討好黃絲?仲有奇妙電視,從人地申請免費電視到宜家一直話人地沒錢搞,雖然有線沒心搞免費電視已經係人盡皆知,但系佢地用毒辣的語言攻擊有線,最後仲話前面兩間電視台各頻道加港台各頻道的收視不如TVB,佢地都唔怕得罪人
以前TVB買大陸劇都係買四大名著、《鐵齒銅牙紀曉嵐》系列、金庸小說,以前《鐵齒銅牙紀曉嵐》系列由於鐵三角配音引起熱潮,反而宜家TVB連仙俠劇都買,好多人話TVB買大陸劇眼光變差了,對宜家買的大陸劇沒興趣
待播大陸劇還有《無心法師Ⅱ》、《如懿傳》、《海上牧雲記》、《鬼吹燈之精絕古城》、《封神》、《仙劍雲之凡》,集數加加埋埋已經很多,尤其宜家大陸劇沒有外判過,所以要TVB唔好再將所有資源放落大陸劇度有D難度,除非日韓歐美劇迷同動畫迷肯齊心,但系佢地又怕被人入位,會要求TVB配多D陸劇陸綜,
雖然日韓劇都係重播去年收費台個堆劇,但系你唔好忽略還有台劇美劇和動畫都要配音,而且有可能同一日要播出,真係會配唔切

發表於 Posted on: 2017-03-15 21:19

煲劇
帖數 Posts: 68
回頂端 / Top
回應:煲劇

講到尾hkpec班人係大台打手,有咩理由知道TVB咁多內幕消息,而Viu TV買手偏向日本,未俾佢地定位黃絲,因為播韓劇,韓綜唔及佢地預期多,加上個討論區有一班大陸劇迷,Viu TV播大陸劇唔多,就算有都係放落非黃金時段,已經得罪個班人,奇妙電視無錢搞,巡禮就唔會公佈一大堆韓劇,個班人無證無據亂講,話唔埋係怕TVB有對手,提早為TVB護航。

以前TVB買大陸劇播好多收視都唔得,有幾套大陸劇收視差到調去非黃金時段,《鐵齒銅牙紀曉嵐》系列、金庸小說都係少眾成功例子,事實上大陸劇古裝咁多年劇情無咩點變,時裝劇簡直係垃圾,唔係近年靠翻拍韓劇,日劇,TVB狂買大陸劇背後一定有政治目的,現時TVB收費台主打日韓劇,點會唔配音倒自己米,反而台劇美劇外判已經可以,至於動漫集數短,就算配都好快配完一套,其實大陸劇已經影響TVB配音組運作,因此只有TVB配音組先可以反映問題俾TVB高層知,好似我們d局外人好難表達意見。

發表於 Posted on: 2017-03-16 18:33

吉成千奈美
帖數 Posts: 1580
回頂端 / Top
一日三餐 - 農村篇 II改了去星期三下午播
而星期日下午時段空了
好大機會係叢林的法則(第五輯)改去星期日下午播
VS嵐係叢林的法則(第五輯)時段播
星期日晚日劇時段改兩個鐘
如果唔係進擊!巨人中學改一星期播一集

發表於 Posted on: 2017-03-16 18:38

吉成千奈美
帖數 Posts: 1580
回頂端 / Top
回應:吉成
但系好多人話奇妙根本沒信搞免費電視台,尤其倫敦奧運後仲明顯,雖然開台有好多新韓劇,不過唔代表日後開台都係咁,況且奇妙只有一個鐘動畫時段已經令動畫迷不滿,動畫迷已經唔會對奇妙有高期望
至於配音,聽講TVB要逐步取消配音外判配音,如果唔係有咩特殊情況,TVB基本上都會自己配,近排TVB Dubbing Secrets公佈了幾套作品,韓劇和動畫多,還有一兩套係台劇和日劇,與此同時華語劇台上了兩套原音大陸現代劇,沒政治目的都係假,不過TVB寧願配動畫都唔配果兩套大陸劇,連外判都費事,唔知係唔係怕配左大陸劇之後動畫唔夠人手配,連動畫迷都來鬧事,日後係J2或者J5播先來配?畢竟近年TVB寧願原音播都唔俾大陸劇外判

發表於 Posted on: 2017-03-30 22:31

煲劇
帖數 Posts: 68
回頂端 / Top
8/4 1900播啦

發表於 Posted on: 2017-03-30 23:05

J2
帖數 Posts: 6
回頂端 / Top
回應:J2

J2係星期四晚已經出了VS嵐預告,同我之前所預計的時間一樣,講真VS嵐同美麗魔法時間對調仲好,起碼唔細搞到星期六晚連續兩個遊戲節目咁播,而新出預告宣傳片唔係水球不良少年,唔通新一輯係播今年集數,始終J2已經有兩年無播常規版VS嵐。

發表於 Posted on: 2017-04-01 21:21

吉成千奈美
帖數 Posts: 1580
回頂端 / Top
回應:煲劇

奇妙電視無錢搞免費電視台反而會主打外購節目,始終製作節目成本高,所以基於牌照規定要有自製節目,多數都係堆飲食,旅遊綜藝節目,做到合符滿足牌照要求就算。仲有奇妙係申請免費台有投資承諾,所以之後為達到承諾,點都要花個筆錢去買劇,況且有線有收費台,只要用收費台名義賣劇俾免費台播,基本上好易達到要求。

而免費台有一定時數要播放兒童,青少年節目,播放動畫滿足牌照要求係最省錢做法,所以奇妙無得唔播,仲有J2播動畫都愈來愈少,Viu TV都係播兒童向動畫多,所以動畫迷對本地免費台播動畫都唔好有太大期望,就算有,都係放埋d唔好的時段,所以播都未必睇到。

講真唔係TVB取消外判配音,係外判配音公司做唔切,只係Viu TV同奇妙電視都需要大量節目配音,香港配音根本唔夠人手,所以長遠都係要電視台發展配音組,先滿足到實際需求。其實TVB自己配返先保持到自己獨特性,如果用外判配音同睇Viu TV同奇妙電視無分別,事實上J5劇場都取消埋中午重播時段,大陸劇係J5播收視差,已經愈播愈少的地步,所以華語劇台上了兩套原音大陸現代劇,TVB配都費時配,好大機會免費台都未必播。TVB配動畫都係翡翠台播個堆兒童向為主,播這類動畫有玩具公司廣告商贊助,相對上都搵到錢。

發表於 Posted on: 2017-04-02 14:21

吉成千奈美
帖數 Posts: 1580
回頂端 / Top
回應:吉成
宜家香港動漫迷越來越唔齊心,動漫塔利班的行為已經令老動漫迷已經嚴重不滿,而且ViuTV新動畫時段安排,係得海賊王沒改時段,反而一拳超人放上11點
仲有TVB又來配多一套新大陸劇《射雕英雄傳》,睇怕日後會放J5放,加上今年上半年配了咁多大陸劇,J5劇場肯定還會繼續播大陸劇,暫時見唔到有洗刷大陸台嘅形象的行為,至於J5播日本節目,至怕播完打回原形繼續播陸綜,仲有你話美劇台劇外判就夠,不如話大陸劇外判好過,咁樣唔怕得罪美劇迷同台劇迷,宜家美劇迷系度對ViuTVsix沒配音不滿,我怕你講TVB美劇外判會俾佢地入位話你

發表於 Posted on: 2017-04-03 14:36

煲劇
帖數 Posts: 68
回頂端 / Top
回應:煲劇

Viu TV將一拳超人放星期日晚11:00播同自殺無分別,如果提早至晚上10:00播,仲可以食到少少J2觀眾,所以這個安排好快會因收視差做唔住會被廢,事實上J2動漫時段由2013年起已經改去深夜時段,證明這類少眾節目都係放晚上11:30時段後播,始終吸引唔到主流觀眾,其實Viu TV係星期一至日晚12:00播新聞係趕客同浪費個時段。

另外TVB配多套大陸劇《射雕英雄傳》,唔一定放J5播,可以放係翡翠台一至五晚7:00檔播,況且有傳TVB會cut埋東張西望,將7:00劇檔提升至一小時版,到時可以清大量大陸劇。J5收視咁差,再係咁,廣告商唔再落廣告,J5唔再播日韓劇提升唔到收視等執,事實上J5近排播返日本節目,唔係想改變大陸台形象就唔會咁好,之後會唔會打回原形就睇TVB做化,咁辛苦去幫個台建立形象,無理由幾個月後維持原狀,照計TVB高層唔會咁傻。

講真美劇台劇屬少眾口味,自己配唔配音對觀眾影響唔大,有外判配音班人都收貨,尤其係美劇就算明珠台唔配音都無問題,反正ViuTVsix都無,既然係間間電視台播美劇都無配音,證明美劇係香港無市場,班美劇迷嘈到無人理。

發表於 Posted on: 2017-04-05 21:22

吉成千奈美
帖數 Posts: 1580
回頂端 / Top
回應:吉成
宜家TVB對美劇《逃》比較上心,係各大免費頻道買廣告宣傳,聽美劇迷講呢套劇比較貴,TVB先會對呢套劇上心,佢地仲擔心播完《逃》唔知還有沒配音美劇,其實TVB cut美劇配音有好多非美劇迷都已經不滿TVB咁做,但係沒一個人好似你咁夠膽將矛頭指向大陸劇,
J5劇場之前播完《華政》都播翻大陸劇,好難判斷節目唔會打翻原型,至於J5唔播日韓劇,之前HKEPC猜測TVB想將集中某地區D節目係一個頻道播,即系J2播日韓節目,J5播華語節目,不過宜家咁嘅安排就已經證明佢地係度亂講

發表於 Posted on: 2017-04-07 11:23

煲劇
帖數 Posts: 68
回頂端 / Top
回應:吉成
BTW,近排大陸搞左一個老翻《VS嵐》,叫做《高能少年團》,唔知J2有得播《VS嵐》係唔係同大陸老翻左呢個節目有關,而且參照TVB購入《奔跑吧兄弟》版權,睇怕TVB都會買埋老翻版《VS嵐》俾香討高登果班人吵

發表於 Posted on: 2017-04-07 11:26

煲劇
帖數 Posts: 68
回頂端 / Top
回應:煲劇

可能TVB見Viu TVSix開了台播咁多美劇,先咁落力宣傳《逃》,等過多一排Viu TVSix無咩聲氣,TVB唔會再出力宣傳美劇,事實上美劇版權唔會貴,因為香港電視台唔會爭,美劇最弱係無咩明星係香港人識,所以好難宣傳,至於明珠台cut美劇配音迴響唔大,反而J5播大量大陸劇同節目仲多人提,仲可以上埋報紙,講真美劇係香港少眾,班美劇迷又唔會得明珠台播先睇,更何況睇得美劇都識聽英文,相對上有無配音對佢地問題,點會咁深入想到受大陸劇影響而投訴。

另外翡翠台係5月8日黃金時段8:30-9:30播放大陸劇《三生三世十里桃花》,加埋7:00檔大陸劇時段,已經有好多大陸劇,如果J5劇場係5月仲播大陸劇,就會俾傳媒抽水話TVB係大陸台,至於Hkpec討論區班人當年話TVB將J2同J5整合,係因為以韓劇角度出發,J2係一至五晚將台劇轉韓劇,不過日劇無係星期六晚新增時段,不過一年後打回原型變返大陸劇,好明顯係TVB一直想將TVB頻道變成大陸台。

發表於 Posted on: 2017-04-07 19:52

吉成千奈美
帖數 Posts: 1580
回頂端 / Top
回應:煲劇

講真《VS嵐》係去年J2暑假下午已經播了3集,之後安排係9月星期日晚7:00播放,不過之後唔知咩原因抽起唔播,而明晚7:00播放《VS嵐》日期同J2首播《VS嵐》日期一樣,唔知係唔係日本方面要求,事實上TVB咁鍾意擦大陸鞋,老翻《VS嵐》九成九入梗,而J2播完第一季《奔跑吧兄弟》,之後都無再播新一季,即係就算TVB買,J2都未必播。

另外老翻版《VS嵐》唔多睇好,嵐係偶像組合,五人由出道合作到宜家,默契已經好好,《高能少年團》搵五個人做主持,只係單靠遊戲好難做得耐,始終《VS嵐》笑點係嵐同嘉賓互動,唔係靠抄就抄到。

發表於 Posted on: 2017-04-07 20:22

吉成千奈美
帖數 Posts: 1580
回頂端 / Top