tvb.com

 
 
tvb.com
 

【藍色大海的傳說】11月16日韓國首播 全智賢孖李敏鎬挑戰神劇寶座

時間真係過得好快,話咁快就到咗11月,今年剩返兩個月,煲開韓劇嘅自然繼續追劇,如果甚少追劇嘅觀眾,其實今個月都有一部未出街已受到各界關注嘅韓劇出籠,當中由兩大女神男神全智賢同李敏鎬主演嘅SBS新劇《藍色大海的傳說》(藍海)就被睇好係今年年尾嘅壓軸韓劇之一,由於全智賢繼前年嘅神劇《來自星星的你》後再接拍新劇,加上呢齣劇係佢產後復出之作,所以各界都睇高一線,仲睇好佢好似《太陽的後裔》一樣,熱爆全城。

由全智賢同李敏鎬主演嘅《藍海》將於今個月16號首播,全智賢挑戰美人魚一角,而李敏鎬就做天才騙子,呢齣劇同《太陽》一樣,飛到外地取景,當中包括飛到西班牙巴塞隆納同埋帛琉進行拍攝,估計劇集會有唔少靚人靚景。劇集由開播以來已受到各界關注,當中賣埠價亦創出新高,但因為大陸有「限韓令」關係,所以未知劇集最終是否可以獲審批喺大陸播出。

雖然各界都睇好《藍海》會成為水木劇(逢周三及周四晚播出)嘅收視冠軍,但原來同日其他兩個電視台同樣有新劇首播,所以造成三劇同日首播,估計觀眾喺卡士上會選擇《藍海》先,令其他兩部劇有機會陪跑。

發表於 Posted on: 2016-11-02 12:50

可靠會員
帖數 Posts: 97
回頂端 / Top
至於同樣喺16號首播就包括MBC嘅《舉重妖精金福珠》以及KBS嘅《Oh My金雨》,當中《舉重妖精金福珠》屬青春愛情劇,由兩位年輕演員南柱赫同李聖經擔正,故事以前國家舉重選手張美蘭做藍本,講金聖經飾演嘅舉重選手嘅初戀故事,今次亦都係南柱赫同李聖經繼《奶酪陷阱》後再度合作,估計會吸引唔少年輕觀眾捧場。而KBS嘅《Oh My金雨》則由《茶煲阿四》男星吳智昊同埋女星朴真熙主演,故事講好爸爸照顧患有小兒癡呆症、記憶喪失嘅8歲女兒故事,集親情溫情於一身。

另外,今個月推出的韓劇還包括由李光洙、徐康俊、趙震雄主演嘅韓版《Entourage》,劇集將於大後日首播,劇集係改編自美國劇集《我家也有大明星》,李光洙仲會做過氣明星,加上有好戲之人趙震雄坐鎮,自然有捧場客。

之後下周一就有《浪漫醫生金實福》,由徐玄振、韓石圭、劉延錫主演,圍繞醫生之間嘅故事,對於鍾意睇醫生劇嘅觀眾自然係必煲之選。

發表於 Posted on: 2016-11-02 12:51

可靠會員
帖數 Posts: 97
回頂端 / Top
最後壓軸登場就係21號首播嘅MBC新劇《不夜城》,今次男主角係《太陽的後裔》男二晉久,佢首次擔正做男主角,夥拍韓劇《善德女王》女星李瑤媛及《結婚契約》女星UIE,更會到日本取景,劇集主角為名利及權力展開爭奪戰。
(以上內容來自http://hk.apple.nextmedia.com/entertainment/art/20161102/19819684。)

發表於 Posted on: 2016-11-02 12:52

可靠會員
帖數 Posts: 97
回頂端 / Top
全智賢演人魚呻苦濕身玩火咪搞!

萬眾期待!韓國女神全智賢產後復出頭炮新劇《藍海傳說》將於明天首播,昨日她與李敏鎬於首爾出席發布會,但他直認全智賢氣場太勁,一開始跟女神不太熟;而全智賢則大呻演人魚要落水太辛苦,聲言日後不想再演與水火有關的角色。

昨日全智賢挽着李敏鎬現身發布會,今次是她繼《來自星星的你》後,相隔兩年再拍劇,亦是她產後首部作品,備受注目。全智賢被問今次角色與「千頌伊」有何不同?她稱是完全不同的角色,新劇角色非常新鮮及神秘,但因今次與《星星》的編劇朴智恩再合作,大家可能覺得有相似之處,亦會對新角色有「千頌伊」以上的期望,這亦是她要克服的難關。

發表於 Posted on: 2016-11-16 12:10

可靠會員
帖數 Posts: 97
回頂端 / Top
已達體力極限

談到兩人拍攝時的默契,李敏鎬表示全智賢氣場勁,坦承一開始要與她變熟落,花很多時間。而全智賢亦表示因大家分別忙於準備角色,初時沒太多時間溝通,但現在大家都掌握了角色,各方面都比之前更加親近。

對於今次的人魚角色有很多落水場面,全智賢直言日後不想再演人魚,因在水中演戲真的非常辛苦,她指自己本身喜歡游水,運動神經亦不錯,惟挺有自信的她也坦言今次已達體力極限,決定不再演與水及火有關的角色。不過她很滿意拍攝效果,未有後悔演出。

發表於 Posted on: 2016-11-16 12:11

可靠會員
帖數 Posts: 97
回頂端 / Top
(以上全部內容來自
http://orientaldaily.on.cc/cnt/entertainment/20161115/00288_004.html。)

發表於 Posted on: 2016-11-16 12:12

可靠會員
帖數 Posts: 97
回頂端 / Top
TVB終於在4月18日J2開始播。

發表於 Posted on: 2017-04-21 13:44

可靠會員
帖數 Posts: 97
回頂端 / Top