tvb.com

 
 
tvb.com
 

TVB日劇討論

奇妙電視下星期開台,J2播《僱傭妻子》係留客,始終TVB主要受益係免費台,所以就算擔心myTV Super吸唔到客都焗住播。《給力!漫畫社》係《僱傭妻子》製作班底,所以J2有可能食住《僱傭妻子》個勢緊接播,山下智久係夏季有《Code Blue3》,如果Viu TV買,放係星期六晚播,TVB話唔定會放《戀愛時間 5→9》撼Viu TV,始終《戀愛時間 5→9》係香港都好hit,免費台無理由唔播,今年日劇台堆日劇唔多掂,得套《四重奏》有話題,所以我覺得《拜託請愛我》要重新配音都好,放係免費台播都有市場。J2播《高海拔診療所》、《古書堂事件手帖》都係2014年前的事,當年高清翡翠台有日劇時段,而J2定位年輕人播低收視有年輕演員的日劇有咩問題。J2播《逆齡初戀》前已經播了巡禮,根據前年J2係年尾播兩套日劇都係播巡禮公佈兩套劇,突然播《逆齡初戀》唔係變陣係咩,況且播《雙面醫生》、《IMAT》、《僱傭妻子》、《最後的灰姑娘》前都已經播晒巡禮公佈堆日劇。

我只係有睇《精靈守護者》,4K劇畫質同普通高清唔係差得太遠,反而顏色比較灰同暗淡,無錯畫質係比較細緻,唔知係唔係器材問題,而magic TV機頂盒接收弱,有時都收唔到J2,反而Sony部電視機仲接收穩定,好明顯係接收問題。《思戀哭泣》可以放係J2星期六朝早播,始終富士月九劇貴,我無話會放係黃金時段播。講真我唔係好鍾意用手機煲劇,手機流動數據用得多會限速,係屋企用Wifi又得3m,始終鍾意係電視睇方便唔細煩。精選日韓劇時段變成首播韓劇時段係邊度公佈,J2連預告都無出,仲有宜家緊接播套韓劇又係重播,不過J2係將該時段轉做首播韓劇,J2星期日朝早韓劇時段轉做日劇時段又唔錯。奇妙邊有咁多新日韓劇播,唔播舊日韓劇仲可以播咩。

發表於 Posted on: 2017-05-10 20:08

吉成千奈美
帖數 Posts: 1508
回頂端 / Top
吉成
精選亞洲劇台播《黑社長》同《全部成為F》沒配音,有人預測果堆原音日劇係免費台重播機會唔大,不過《戀愛時間 5→9》、《拜託請愛我》還係有機會
另外HKEPC有人轉載生果報,報導提及黎瑞剛先係TVB話事人,仲話TVB搞雙重股權架構,而證監會默許TVB咁搞,至於精選日韓劇無端百事變左韓劇時段,不過如果有人買TVB股票,可以用當時的宣傳片同業績報告作為證據去投訴TVB違犯商品說明條例
PS:MyTV SUPER係官網有《射雕》同《三生三世十里桃花》嘅宣傳,唔通係黎瑞剛指示?還系TVB自我感覺良好,覺得陸劇可以吸到客?

發表於 Posted on: 2017-05-11 10:17

煲劇
帖數 Posts: 54
回頂端 / Top
回應:UIE1017

本來對《CRISIS》都無咩期待,但Viu TV出了預告套劇有好多動作場面,加上套劇有小栗旬同西島秀俊兩位好戲之人,應該好睇,所以我會追住睇。宜家Viu TV抽起原有日本綜藝節目《瀛知有密》改播《CRISIS》,好明顯怕奇妙開台後搶客先咁安排,事實上Viu TV一至五晚8:30已經連續三套韓劇,之後播日劇機會唔大,而Viu今年買入好多日劇,唔開多日播日劇根本播唔曬,去年Now觀星台得返《大使閣下的料理人》同《早子老師,要結婚是真的嗎?》未係免費台重播,唔播這兩套仲有咩播,講真完全唔明去年Viu TV播完《直美與加奈子》後播《火之粉》仲咩。其實Viu TV星期日晚黃金時段編排好怪,成晚播綜藝好難吸客,況且Viu TV今年真人秀無一套有話題,再唔播劇搶客等死,尤其係5月奇妙開台,個個觀眾將注意力集中晒係奇妙度,Viu TV要翻身都好難。Viu TV星期日下午播《我的生命》係響應母親節,而有無SP要等7-8月安排。《有喜歡的人》係青春愛情劇,睇日劇台預告sell套劇靚人靚景,當輕鬆愛情劇睇唔會差得去邊,而套劇去年係日本播係香港都有人討論,而口碑差就唔知,始終無睇過唔敢講,不過去年J2巡禮有提到,即係代表TVB覺得香港觀眾受先係免費台播。深夜劇無卡士吸引唔到觀眾已經係問題,你估間間電視台好似東海落重本請人氣演員拍深夜劇,況且深夜劇集數短,唔適合免費台播,好似有線寧願買舊日劇都唔肯買深夜劇係有原因。山村隆太拍月九又唔係主演,對他影響唔大,況且他係樂團有演出,都未必再分心拍劇,其實日本大把深夜劇,只要他肯演出就一定有電視台肯請。清水富美加唔係精神壓力出家唔做,已經影響《東京食種》真人版上映期,仲有無人請她都成問題,大島優子自從離開AKB48後,已經無主演的機會,就算近年有劇接拍都係做配角,發展麻麻,真係唔明剛力彩芽拍劇收視差,但季季有劇接不得止,仲要係主演,前田敦子之前被爆同北川景子拍《賣房女子》扮一姐態度差,而她主演收視麻麻,睇來演員條路都難行。《貴族偵探》唔係原創,係小說改篇,如果話劇情唔合理,證明富士選錯作品,而收視差都估到,好明顯受月九前檔積弱影響,《IQ246》係原創本身故事弱就一定,仲要織田裕二做主角吸唔到客,事實上《貴族偵探》編劇係黒岩勉,之前《推理要在晚餐後》都係他執筆,所以似原著作品唔得多d。

發表於 Posted on: 2017-05-11 15:40

吉成千奈美
帖數 Posts: 1508
回頂端 / Top
《其實我不太愛你》最新個集升翻9.9,證明有一定觀眾支持,TBS火十劇收視愈來愈穩定,有線搶大河劇都係貪卡士,而NHK短劇無咩迴響,以致香港電視台唔敢購入,仲有集數短,係香港少人討論,仲有J2去年播過的《聖女》係唔係NHK BS Premium劇集,TVB自從大陸股東入後,都唔細旨意播題材敏感的日劇,《別讓我走》過了成年日劇台都唔播,TVB好大機會唔要,《毫不保留的愛》有傑尼斯唔可以係日劇台播得,不過如果TVB有這套劇,照計去年J2係9月播了,證明TVB無買到。其實TVB同TBS有一年買劇協議,TBS等一年後先可以將TVB唔要的劇賣俾其他電視台,所以未解釋到有線播唔到。龜山千廣俾《貴族偵探》收視差迫到落台,新上任台長未必敢廢除月九這個富士招牌,據聞新上任台長同傑尼斯關係唔錯,所以月九會起用傑尼斯藝人救收視,而富士無論劇集定綜藝都無起色,會唔會集中拍劇,放棄綜藝,宜家一集日劇版權賣去大陸視頻網收好貴,好過拍綜藝無錢收又無人睇。

發表於 Posted on: 2017-05-11 15:41

吉成千奈美
帖數 Posts: 1508
回頂端 / Top
回應:吉成
奇妙77台覆蓋率好低,而且沒日劇播,節目編排你都話好慳皮,未必會有咁多人去關注,另外宜家生果報爆出黎瑞剛先係TVB話事人,唔知會唔會對翡翠台收視有影響,因為翡翠台好多陸劇播

發表於 Posted on: 2017-05-12 21:30

煲劇
帖數 Posts: 54
回頂端 / Top
回應:UIE1017

《Code Blue3》係夏季檔期,收視唔會好,更何況編劇換了新人,新台長上任有可能cut製作費,質素成疑,咁好過《貴族偵探》少少,始終有前作觀眾支持。木村拓哉自從SMAP解散風波後,人氣下滑,會唔會肯破慣例接拍秋月九而影響自己前途,除非富士肯出好多錢,而佢係2015年接朝日劇都係貪木九劇高收視而拍,宜家月九收視差成咁,仲會肯拍。近年催淚劇係日本唔收得,《14歲媽媽》、《愛母罪》都好耐,《成為母親》昨日升翻8.3,證明黃金週影響唔算大,《woman》,《mother》當年高收唔代表今時今日觀眾鍾意睇這類劇。《偵探物語》故事設定有d似《lucky seven》,唔知推理會唔會好弱,瑛太個髮型肉酸係唔係角色設定係咁,《對不起,我愛你》係韓國慘情劇,唔會係日本觀眾鍾意類型,而長瀨智也近年拍劇收視又唔標清,這套唔睇好,仲要同時段對打富士。《有喜歡的人》係夏季播收視比平時檔期得2點,況且去年月九上兩檔劇收視都好差,《有喜歡的人》對比上兩套劇比唔算好差,《逆齡初戀》係愛情劇,收視比同檔差有咩咁出奇,況且該時段一向主打刑事查案劇先高收,成為倒數第三係唔合符觀眾喜好所致。講真朝日要拍《女醫神Doctor X 5》都要去上海拍先延續到落去,加上《女醫神Doctor X》年年拍,觀眾睇到厭,仲有劇情好難再突破,反而《最強名醫4》都仲有新鮮感,始終好耐無拍過。mytv super係去年奧運期間已經有免費試睇三個月,唔夠一年就搞多次免費,照咁睇mytv super唔夠客,係度谷客做數。《友人戀愛》係去年日劇台6月尾重播,而J2星期日晚日劇時段播完《IMAT 非常救援隊2》後要上多套日劇,係夏天上愛情日劇應節合情合理,不過TVB班高層將星期日晚日劇時段改播電影,先令計劃有變。至於《0.1無罪真相》係日劇台播唔到先放J2播,因為日劇台4月預告已經有《0.1無罪真相》,《0.1無罪真相》首播無贊助係J2去年4月取消日劇時段所致,況且改一星期兩集係新時段,廣告商唔敢係無慣性觀眾贊助又難怪。《日本人妻在遠方》係收費綜藝台有播第二輯,不過之後mytv super轉了點播,TVB就放棄唔買日綜,講真宜家J2成半個韓國台,播韓綜仲多過日綜,就知TVB節目取向偏韓國。就算奇妙得一半係外購日本節目,都好過J2連一個日本旅遊節目都無,只係播台灣旅遊節目咁縮皮。

發表於 Posted on: 2017-05-13 19:42

吉成千奈美
帖數 Posts: 1508
回頂端 / Top
回應:煲劇

奇妙77台前程要等月尾股東大會決定,若果通過永升注資,到時會申請翻大氣電波增加覆蓋率,暫時想睇的都未必睇到,點去關注新台。而奇妙77台係7月二線劇播完六扇門後播韓劇我的金雨,仲有三線劇會播韓劇鬼怪 - 孤單又燦爛的神,照計奇妙77台主打韓劇,大陸劇唔播得幾多套,始終韓劇可分拆版權買,成本平d,日劇要等有線搞唔搞得成先買。

另外TVB係2014年起免費台播咁多大陸劇節目,肯定係大陸股東入來搞鬼,黎瑞剛係TVB話事人已經違反廣播條例,若然俾TVB推翻到,到時鳳凰香港又藉此搞到免費台,翡翠台播大陸劇有特定時段,仲係黃金時段播好多大陸劇,就算奇妙無錢,都唔會狂播大陸劇,好明顯黎瑞剛入TVB目的係政治任務,背後一定有大陸政府資金。

發表於 Posted on: 2017-05-15 12:50

吉成千奈美
帖數 Posts: 1508
回頂端 / Top
回應:吉成
奇妙呢次開台由於沒提供網上直播引起觀眾不滿,宜家好多人想睇奇妙5月31日收台,還有就係自從生果報報導黎瑞剛先係TVB話事人之後,HKEPC果邊已經引發鬧戰,有D人話責任係證監會度,有D人話責任係TVB度,不過原來班韓劇迷係得一個叫做cpk嘅人系度參與呢件事情的討論,其他人都收曬皮,難道佢地怕都知道呢次都幫唔到TVB?

發表於 Posted on: 2017-05-15 15:52

煲劇
帖數 Posts: 54
回頂端 / Top
回應:kolley

上星期六播放《VS嵐》嘉賓係電影hot road隊,有日劇《海女》的能年玲奈領軍,能年玲奈表演好緊張,成日俾唔切反應,好天然呆,都幾搞笑,有d似綾瀨遙,鈴木亮平話能年怕生,平時拍戲唔多出聲,問她有咩才藝表演,她竟然答ge ge ge,最近扮平泉成。二宮和也同綠友利惠好似有唔尋常關係,成日避而不談,今集hot road隊係korokoro viking奪取340分,大比數拋離嵐隊,最終勝出。

事實上《VS嵐》多一個新遊戲Go Go Sweeper,而近幾集嘉賓都唔錯,而浪客劍心係2014年已經上了,TVB近年少買日本電影,照計多數唔買,其實《VS嵐》好睇在同嘉賓互動從而製造笑料,遊戲逐年增加一個新,增加新鮮感,所以《VS嵐》係日本長做長有,有佢成功的地方。

J2播《僱傭妻子》已經睇了兩集,幾好睇。星野源今次演草食男演得唔錯,同上次《雙面醫生》好大分別,證明他演技唔錯,演到好萌。而新垣結衣演善解人意家務助理演得好可愛,套劇搞笑又可以點中主題,用契約結婚維持僱主同僱員關係係現代一種新觀念,結婚後男女雙方都受到束縛,透過同居雙方保持一定距離,話唔定令雙方有空間維持良好關係,期待男女主角往後發展。

Viu TV播日劇都係富士製作,近年富士日劇收視慘不忍睹,就知質素係點,不過富士日劇有人氣演員演出易吸客,而TBS日劇又係晒TVB度,所以Viu TV日劇唔及TVB吸引,奈何TVB又播得少。講真<營業部長 吉良奈津子>又唔係太差,當了解下廣告行業睇又無妨,事實上這套劇太多支線,每集主題唔夠集中,俾人感覺好亂。《Crisis》係今季日劇滿足度最高,因此質素唔錯,套劇有好多動作場面,應該值得追。而預告係Viu TV成日賣,想睇得閒轉睇Viu TV就睇到。Viu TV緊貼日本播放《Crisis》應該係要打奇妙搶客,原本Viu TV安排係日本綜藝《瀛知有密》。其實TVB有my TV super,不過要收錢咁解,至於用法同Viu TV一樣可以用手機,電腦睇。Viu優勢係免費,唔細俾錢有得睇日劇。

<精靈守護者2>係日劇台都未播,J2重播又要等下年,想係星期日下午播只有等公眾假期,星期六朝早播未錄影睇,林鄭上台組班都清走晒堆舊人,劏房波唔妨有得留低。

發表於 Posted on: 2017-05-16 21:05

吉成千奈美
帖數 Posts: 1508
回頂端 / Top
吉成千奈美
我睇曬2集,第1集覺得麻麻地,第2集比較好睇,整體暫時只能話劇情合理,但唔係話特別出色,我無留意《僱傭妻子》廣告係點,不過呢個贊助商會唔會維持度呢?《惡作劇之吻2》我覺得ok喎,夠搞笑而合理,有感動位,深夜劇黎講唔差過黃金檔劇集。《聖女》睇過,前半部分好睇,後半部分唔得,但都可以睇下,《零的真實》唔係好得,我覺得你可以唔駛咁快睇,《Border》開頭麻麻,但越睇越好睇,尤其是大結局,你睇完再討論。今年TVB應該都有Amazing summer嘅,不過係宣傳myTV Super咁解。如果真係要播一套日劇頂到7月中,套劇頂多播8集,睇過都應該係播《作樂英才》或者《黑服物語》,《救救神樂村》要睇下會唔會播賽馬先估到。《精靈守護者》每集時間唔同,或者可能覺得好難安排時間所以先響下午時段播掛。j2播日劇越黎越新,都可以好似上年咁大倒退嘅,如果真係要播新劇,可能真係得《貴族偵探》,《櫻子小姐的腳下埋著屍體》,《椿文具店》同《反轉》,後者機會比較大,雖然無咩人討論,但響無電視台買嘅劇當中算係比較多討論同迴響嘅一套劇。《該隱與阿伯》買唔買都好難講,感覺比較怪異嘅一套劇,好難估。《初次見面我愛你》主演唔係江口洋介我當然知,但起碼都係參演者,上年都可以播《雙面醫生》,套劇類似嘅兒童題材應該可以吸引到香港觀眾,暑假期間tvb夠可以播《年輕人們》呢類非常復古嘅劇啦,點解慘情劇唔可以?唔知點解我收唔到奇妙電視,睇唔到。《Code Blue3》睇怕都係viutv買,畢竟買過第2輯,除非有線買過第1輯,覺得買得過。《戀愛時間 5→9》要播相信都係年尾播嘅。《非常審查官2》其實都有話題嘅,不過我唔係太大興趣,但《四重奏》有話題,同《拜託請愛我》要重新配音放係免費台播有咩關係?j2已經轉左啦,係一條偽年輕人頻道,可以變成真年輕人頻道嘅辦法就係踢走某tvb高層。前年都係得1年,1年又代表到咩呢?你有講得無錯,照計4k有問題嘅話,播《不懂撒嬌的女人》應該好多人投訴,咁應該係部機頂盒等等問題。依家重播《謝謝款待》,相信要播《思戀哭泣》都係10月嘅事。如果屋企wifi慢咪夜晚訓覺個時下載囉,一晚好快下載曬姐,無謂俾咁多藉口自己,不過響電視睇的確舒服啲。精選日韓劇時段變成首播韓劇時段係hkepc發出嘅,雖然唔肯定信息嘅真確性。依家東視又拍《警視廳0系2》,有線可以買。

發表於 Posted on: 2017-05-16 21:49

UIE1017
帖數 Posts: 1496
回頂端 / Top
《大使閣下的料理人》同《早子老師,要結婚是真的嗎?》未重播唔代表viutv會播嘅,好多劇都係觀星台播但viutv無播啦!viutv會播《東京傷感故事 – 特別篇》,照計《東京傷感故事》都係《大人女子》之後播,但《父子情深》會買都幾驚訝,呢套係nhk版《鳶》,2012年播,居然會買都好奇怪。桑村沙耶香竟然會編夏季ntv日十《曾愛過,有秘密的》,睇個故事好似《反轉》,但期待度僅次於《Code blue3》。深夜劇卡士可以好勁,深夜劇好多時可以有12集,就算半個鐘1集,計1個鐘都有6集,何況木23仲要係1個鐘1集。照計清水富美加演出《東京食種》應該可以再上一層樓,估唔到佢咁易放棄。大島優子離開akb有主演過《脫黑》,大獲好評,就算係配角都係第一配角,發展算唔錯,畢竟需要俾電視台信心,先可以再主演劇集。剛力彩芽拍劇唔停都係事務所發功。《貴族偵探》失敗原因上網可以睇下。《其實我不太愛你》好好睇,劇本質素好又係不倫劇,收視先唔錯。NHK最新短劇《椿文具店》收視同口碑幾好,本來唔打算睇,覺得會好悶,但口碑好令我好想睇,tvb絕對可以買。《聖女》唔係NHK BS Premium劇集。《毫不保留的愛》唔一定舊年播嘅,同tvb買唔買無關係,如果tvb同tbs有一年買劇協議,《別讓我走》一早響有線播啦,響有線日劇短缺嘅情況點會唔宣布。劇集需要好多錢,與其搞太多劇檔而令質素差,觀眾離棄,倒不如減少劇檔,提高劇集質素,吸引觀眾。《Code Blue3》編劇暫時未公佈,唔可以亂落定論。呢3季月九劇好似一早決定曬,應該唔會臨時變陣,除非新社長想有大改革。睇番數據,黃金週之後都要1-2集時間先去翻正常水平,要睇埋下兩集先可以下判斷,咁《woman》,《mother》當年高收又真係唔代表今時今日觀眾鍾意睇這類劇嘅!《偵探物語》應該唔會睇,除非有口碑啦!長瀨智也過往劇集收視唔錯,係得《她已不在人世》收視差。《有喜歡的人》係夏季播收視比平時檔期得2點呢句想表達咩意思呢?《逆齡初戀》係愛情劇而收視差,咁《second love》收視都會差啦!

發表於 Posted on: 2017-05-16 21:49

UIE1017
帖數 Posts: 1496
回頂端 / Top
原來又係日劇台重播就會響免費台播呢個道理,咁《四角男女》,《問題餐廳》,《猛男刑警 Doubles》,《父子刑警》,《救救神樂村》,《非常審查官》諸如此類嘅劇都會播啦!要睇嘅點都會睇,《0.1無罪真相》要播嘅話無論有無慣性觀眾都有一班粉絲,廣告商點會唔贊助?最近個病毒wannacry你有無中招?仲有個藍鯨遊戲真係千奇唔好玩,呢個世界實在太恐怖。

發表於 Posted on: 2017-05-16 21:50

UIE1017
帖數 Posts: 1496
回頂端 / Top
回應:UIE1017

講真野木亞紀子作d劇都係鍾意慢慢鋪排,所以《僱傭妻子》集數係一集比一集好睇,之前你睇過《掟上今日子的備忘錄》都有咁的感覺,第一集主要交代人物背景,第二集劇情先開始發展,咁第二集好睇d又無錯,其實《僱傭妻子》拍攝手法算新穎,女主角成日有好多妄想小劇場,惡搞《情熱大陸》都幾好笑。至於贊助商維唔維持到要睇下之後播咩日劇,如果播有卡士人氣演員主演的日劇照計都搵到贊助。《惡作劇之吻2》劇情其實集集差唔多,好似同第一輯劇情一樣,好似換了人物去演,咁套劇都幾搞笑,感動又唔算深刻,整體算係一套不過不失的小品。《聖女》,《零的真實》同《Border》真係要等有時間先可以睇,之前睇套《青之炎》睇完一集已經頂唔順,無再睇。遲下Viu TV又有新日劇睇,真係追唔切,上星期日下午播套《我的生命》都仲未睇。

其實TVB今年就算有Amazing summer,斷估未同J2平日安排無咩分別,尤其係多了奇妙開台,TVB高層都唔敢亂改J2現有節目去迎合Amazing summer,頂多未播有關夏日的愛情劇應節。而播完《僱傭妻子》後播的日劇都唔一定要頂到7月中去迎合Amazing summer,Amazing summer預定節目未必一定搭正7月,前年8月播都無問題。更何況J2有時直播外國馬係好難預時間,所以唔一定會播8-9集日劇。仲有《作樂英才》,《黑服物語》或《救救神樂村》都唔似J2會重播,以卡士收視計好難吸引觀眾廣告商。《精靈守護者》得4集,仲要J2日劇時段一星期播兩集,播完兩星期轉劇好難吸引慣性觀眾,所以TVB唔放黃金時段播係出於商業考慮。J2播日劇越黎越新都係myTV Super播唔到堆日劇,所以要睇下TVB仲有無一堆係myTV Super播唔到存貨係度,無就一定重播日劇台堆舊日劇。其實2015年日劇台堆日劇會唔會趁暑假清了去,因為見今年日劇台都播少好多日劇。講真以TVB買劇都係睇卡士行先,《貴族偵探》,《櫻子小姐的腳下埋著屍體》,《椿文具店》同《反轉》就一定《貴族偵探》卡士勁d,J2係今年4月開始播放《VS嵐》,照計應該同尊尼打好關係,所以TVB一定有《貴族偵探》,況且J2首播都會有廣告贊助。TVB已經好耐無買TBS金曜劇,因此J2播《反轉》機會唔大。

發表於 Posted on: 2017-05-17 13:48

吉成千奈美
帖數 Posts: 1508
回頂端 / Top
《該隱與阿伯》有山田涼介,係TVB常買卡士之一,買的機會其實好大,J2係暑假點會播慘情劇迎合唔到Amazing summer,當年J2播放《年輕人們》係緊貼日本,同《初次見面我愛你》係重播,已經唔同講法。《雙面醫生》有年輕演員主演,就算題材牽及兒童都勉強可以係J2播,同《初次見面我愛你》成班老餅吸引唔到年輕觀眾。奇妙電視要有線網絡先收到,我住市區唐樓都收唔到,事實上奇妙電視覆蓋率低,唔改用大氣電波都好難人人睇到。

《Code Blue3》照計唔可以放Viu apps點播,而Viu TV近年播日劇全部可以點播重溫,所以就算Now買過第2輯,都未必會肯買,反而奇妙無網上直播重溫,用來做開台劇爭取收視唔錯。《戀愛時間 5→9》其實真係好應該放J2重播,套劇未係日本播出已經好多人討論,仲有山下智久係香港有好高人氣,所以J2重播都易吸廣告贊助。《非常審查官2》又係朝日一般刑事劇模式,其實吸引力唔大,要自己上網睇就無咩興趣。事實上TBS火十劇愈來愈有口碑,TVB可能會買更多火十劇播,所以《拜託請愛我》有機會重新配音放係免費台播。

J2真係變了質,以前J2播日劇除了木村拓哉外,基本上所有日劇都有年輕演員主演,仲有J2播日劇都係偏向偶像向,同高清翡翠台播日劇唔同,主力播刑事醫療劇種吸引成年向觀眾。宜家J2播《女醫神Doctor X》系列都搞到播少好多日劇,真係希望J2另設新日劇時段還俾年輕人睇電視機會。想J2變成真年輕人頻道機會愈來愈細,宜家J5全日財經台都唔肯係六日晚播日劇,就知TVB幾孤寒。Magic TV機頂盒接收能力弱未影響錄影進度,宜家J2咁重播《謝謝款待》,都唔知星期六下一套劇會唔會係NHK長劇,屋企wifi用eye,電話線上網網速快極有限,況且有時間都睇電視錄影堆先,精選日韓劇時段變成首播韓劇時段又係重播J2播過N年前堆韓劇,仲有J2改就會有廣告流出,但TVB到今時今日都無動靜,留料居多。有線買唔買《警視廳0系2》都係睇月尾股東大會通唔通過先決定。

發表於 Posted on: 2017-05-17 14:21

吉成千奈美
帖數 Posts: 1508
回頂端 / Top
回應:吉成
呢次J2重播《謝謝款待》,將長版本OP回復立體聲,保留“本日的貪吃鬼”Ending Card,都算重播得有價值;
另外TVB唔買《寵物小精靈》已經上曬新聞,同任天堂強行統一譯名有關,畢竟要跟普通話譯名叫精靈寶可夢、皮卡丘,任天堂係做已經令唔少香港動畫迷反感,不過最意外嘅係TVB以唔買《精靈寶可夢 太陽和月亮》嘅方式來反對任天堂呢種做法,唔通TVB怕跟左新翻譯會令動畫迷流失去ViuTV,到時連玩具商都唔肯係翡翠台放廣告

發表於 Posted on: 2017-05-20 13:29

煲劇
帖數 Posts: 54
回頂端 / Top
回應:UIE1017

《大使閣下的料理人》同《早子老師,要結婚是真的嗎?》去年係Viu apps緊貼播放,加上係黃金檔劇集,價錢實貴,觀星台重播代表Now有買電視版權,Viu TV唔重播點回本,連收費台播過的《惡作劇之吻2》都要係免費台播足兩次,有咩可能連深夜劇《火之粉》係免費台播,都唔重播兩套有卡士的日劇。Viu TV係5月30日下午播《東京傷感故事 – 特別篇》,照計遲下會播連續劇,至於係唔係《大人女子》之後播,就未必,始終《大人女子》時段係重播劇場,唔會有首播劇播,反而Viu TV仲未公佈星期日晚節目安排,而巧合地所有星期日晚9:30-11:30節目係6月25日播完,照計7月有節目調動安排,《東京傷感故事》最大機會放係星期日晚11:00-11:30播放,動漫時段順延至12:00播放,因為Viu TV播動漫無廣告,再唔改好難吸引觀眾。Viu TV買2012年《父子情深》應該係應父親節而播,又或者Viu買手有意引入NHK日劇先肯買舊劇,如果係後者,之後Viu TV話唔定會播NHK日劇。夏季日十《曾愛過,有秘密的》唔係秋原康係原案,桑村沙耶香改篇,不過桑村沙耶香近年寫愛情劇得到年輕人迴響,照計這套唔錯。深夜劇好似木23係1個鐘1集,為數唔多,而TVB已經長買木23,而半個鐘1集深夜劇連播2集,係免費台好快播完一套,對於吸廣告同觀眾成效唔大。況且東視深夜劇題材太天馬行空,未必適合主流觀眾口味。清水富美加被經理人壓榨8年精神崩潰,先被迫退出藝能界,大島優子離開AKB48後,人氣下滑唔少,就算她近年演技大獲好評,但受身高限制她的發展,加上她的經理人公司唔算大,好難好似剛力彩芽季季有劇拍。《貴族偵探》失敗原因係選角問題,相葉雅紀本身無貴族感覺,以致觀眾難投入。《其實我不太愛你》卡士其實唔強,況且近年不倫劇係日本都算多,而有咁好的收視都係劇本吸引,事實上TBS火十檔質素愈來愈高。NHK最新短劇《椿文具店》睇題材似治瘉係小品,不過用文具將個故事重新保裝咁解,而TVB近年少買NHK短劇,你咁想睇不如上網睇。《毫不保留的愛》如果真係TVB買,一早買了放係J2首播,而TVB同TBS有買劇協議,所有TBS日劇都係TVB所有,因此其他電視台想買TBS日劇要等TVB放棄唔買,仲有Viu TV從來都無播TBS日劇,好可能係買唔到。

發表於 Posted on: 2017-05-21 13:55

吉成千奈美
帖數 Posts: 1508
回頂端 / Top
劇集無錯需要好多錢,但製作綜藝唔見得比劇集成本低,近年日本收視率下滑嚴重,但咁多間電視台仍然保留劇檔,係要響應日本政府將電視節目內容出口目標,既然有政府背後支持,拍劇成本同製作綜藝唔相差太遠,何來會因太多劇檔而令質素差,況且富士劇檔已減無可減,由以往四檔減至三檔,再減就成為日本最弱電視台。事實上要提高劇集質素,倒不如請編劇寫好劇本,唔係靠請演員吸引觀眾。《Code Blue3》這類半單元劇其實已經好難寫,始終觀眾睇過兩輯,用相同吸唔吸引到觀眾,唯一可寫係加愛情線,新社長上任後有傅將秋季月九主演改為篠原涼子同天海佑希雙主演,代替木村拓哉主演,日九檔做埋夏季會廢檔。《有喜歡的人》係夏季播收視差係正常,因為夏季檔期一向收視差,《Second love》收視都唔見得比《逆齡初戀》好好多,仲要前者係不倫劇,邊有得比。

發表於 Posted on: 2017-05-21 14:10

吉成千奈美
帖數 Posts: 1508
回頂端 / Top