tvb.com

 
 
tvb.com
 

TVB日劇討論

回應:UIE1017

Viutv播《貓侍》起碼牽起一陣貓熱,如果唔係J2唔會係12月變陣改播日劇《逆齡初戀》,原定應該播放《精靈守護者》,《精靈守護者2》未上myTV Super,係唔係改去J2首播,因為J2係復活節假期已經播晒《精靈守護者》,我都睇完成套《精靈守護者》,首集節奏幾慢,都幾悶下,係第二集開始好睇,套劇人名太難記,仲有好多術語一般觀眾都幾難消化,套劇劇情都大致上可以,武打場面拍得唔錯,好有電影感覺,畫面真係拍得清同靚。《思戀哭泣》係日本收視都唔好,單靠有川架純號召力吸引觀眾未免太難,故事好但劇情唔係一般觀眾喜好已經失敗,講真我寧願J2播《思戀哭泣》都唔播《無敵律師》,但問題係TVB睇重卡士多d,宜家睇下《思戀哭泣》有無機會放一至五晚精選日韓劇時段播。《拜託請愛我》都無咩機會播,卡士弱仲要重新配音,除非TVB真係好鍾意藤岡靛,況且TBS劇好多都無係免費台重播。TVB宜家已經無咩點買單集SP劇,即管睇下Viu TV暑假會唔會播《大使閣下的料理人》同《獻給你的勳章》。J2今年已經播晒巡禮堆日劇咁濟,斷估《有喜歡的人》唔會拖到暑假先播,講真TVB今年買日劇愈來愈少,睇怕好快要重播2015年日劇台堆日劇。至於2015冬季日劇無電視台買就唔一定,TVB係去年都可以買套兩年前日劇《熱血水球少年》,今年播套《美女與男子》都係兩年前的日劇,所以無嘢係無可能。《不好意思,我們明天要結婚》有原作改篇,質素應該唔差,問題係兩位年輕演員叫座力低,加上富士係弱台,收視差好大程度同富士宣傳不力,唔知Viu TV幾時播這套,真係有興趣睇睇。《直美與加奈子》都係一套收視與質素不成正比嘅劇,可能題材灰暗,引起唔到日本觀眾興趣,大結局破新低會唔會係朝日木九結局延長影響收視。原來《浮世繪》係《海容~小學生殺人事件》嘅主題曲,咁我聽過,好耐之前已經睇過晒套劇。其實日本藝人工作時間長,受唔住壓力引退都好正常,加上女明星搵到老公多數唔做係日本傳統,至於清水富美加係邊個就真係唔知。以前東海電視台製作午間劇場係一星期五集,宜家土24先一星期一集,所以未有足夠錢請人氣演員拍劇,更何況今季係同收費Wowow台製作,就唔同講法。傑尼斯近期好似放寬了限制,好似《貴族偵探》今季都俾台灣緊貼播放,至於網上播映權仲係唔批,所以KKTV無就代表myTV Super都係一樣。

發表於 Posted on: 2017-04-26 15:51

吉成千奈美
帖數 Posts: 1508
回頂端 / Top
TVB宜家得返TBS日劇係獨家,唔緊貼TBS日劇仲可以播咩,BS JAPAN係收費台,好少製作日劇,所以TVB買BS JAPAN嘅劇都係無劇買頂檔多,仲有《深夜烘培坊》唔係NHK製作,有線唔止只係重播《Mr. Brain》一套TBS日劇咁簡單,仲重播埋《父女七日變》,而重播舊劇通常都係電視台要買新劇指定動作,順手交還舊劇版權,今季富士月九第二集已跌至單位數水平,情況唔樂觀,有傳聞話下季月九廢檔,《Code Blue 3》拍唔拍得成都係問題,而木村拓哉10月主演月九好大機會係《律政英雄3》,火九自從今年開始收視都好穩,況且火九係關西電視台製作,質量都較高,NTV水十題材都係職場女性劇收視穩定一班慣性觀眾,而今季《成為母親》改變路線已經唔掂,證明強檔播題材唔貼近觀眾日劇都唔會有好成績。土九近年收視積弱先調去土十播,始終NTV都係主打綜藝為主,而《我,是命運之人》第二集急跌,桐谷美玲今季主演首集有9.5,比前兩季木曜劇時段高,所以她都有一定人氣。亞視係2008年買入大河劇《篤姬》,自此之後有線都會間斷地買入有人氣演員主演的大河劇,福山雅治套《龍馬傳》都係有線劇集台播,因此堺雅人套《真田太》好大機會有線買。《A LIFE:深愛的人》劇情好飄忽,套劇好多位都唔夠深入,只為睇卡士的一套劇,《無敵律師》得頭兩集好睇,其餘集數都唔係好得,係上星期六個集好返d,所以睇唔睇這套都無所謂。係近排少日劇播先會睇下,純粹當學下法律知識。講真《女醫神Doctor X 4》SP先有伊野尾慧係傑尼斯藝人,其實myTV Super只要唔放SP,只放《女醫神Doctor X 4》就已經可以,好明顯係朝日俾唔到全套《女醫神Doctor X 4》緊貼播,先放J2播。TVB今年都無再買緊貼TBS金曜劇,《反轉》好大機會唔買。J2播緊貼日劇都係TBS日九劇,證明TVB已經放棄了金曜劇。

發表於 Posted on: 2017-04-26 16:35

吉成千奈美
帖數 Posts: 1508
回頂端 / Top
回應:吉成
生果報報導左TVB關於《射雕》同《三生三世十里桃花》節目安排,話將網民激嬲左,見留言個個都系想睇TVB嘅笑話,可能真係如你所說ViuTV播《雲畫的月光》會受益,第三線劇集係同TVB劇集對打,但系同J2精選日韓劇時段只有半小時重疊,以目前TVB係精選日韓劇時段嘅節目安排,播新劇機會唔大,動畫時段據說係由於奇妙只用固網,所以規定時長只有1小時,就連特定兒童節目都係外購,至於奇妙唔播《Cable早晨》已經被媒體報導出來,就連HKEPC班人將呢件事矛頭指向邱達昌,不過也有人睇奇妙官網嘅節目表鏟曬,奇妙俾出理由要更新,唔知係唔係因為日頭太多財經節目要重新執過?
睇維基Now又購入一套大陸劇,叫做《繁星四月》,係老翻韓劇,唔知ViuTV係唔係貪吳奇隆同鄧萃雯先買?事實上ViuTV宜家買大陸劇,係唔係想洗刷討好黃絲嘅形象,唔俾班打手同陸劇迷入位話佢討好黃絲?但系買太多又會得罪香港人,所以只系維持一年買果一兩套,然後揾時間一次清走曬?至於J5劇場,TVB好似將近排所以劇集都趕在5月7日之前播完,唔知係唔係想改播其他地區劇集,畢竟翡翠台黃金時段有一檔已經固定做大陸劇,播翻日韓台劇都唔過分

發表於 Posted on: 2017-04-28 12:34

煲劇
帖數 Posts: 54
回頂端 / Top
吉成千奈美
呢幾日睇左唔少劇,睇左《不好意思,我們明天要結婚》,《視覺偵探 日暮旅人》,《女醫神Doctor X 4》同《四重奏》第一集。《不好意思,我們明天要結婚》雖然收視低,但其實唔差,山村隆太第一次演戲算係唔錯,西內瑪麗亞同以往差唔多,開頭真係好睇嘅,但之後唔知係唔係因為收視太差而令劇組無曬動力,開始變得拖拉,格硬黎,甚至hea到連op唔知由第幾集開始消失左,而結局都係tvb式大團圓結局,個個成雙成對,係經典虎頭蛇尾之作。《視覺偵探 日暮旅人》唔錯,睇過上年sp,本身唔算特別差,又唔係特別好,但響上季黎講算係期待度最高,而連續劇比sp好睇,初時以為係一集一案件,但去到中段就變成復仇劇,查出殺死主角父母兇手嘅人係邊個,亦都有感人位,故事推進算係合理,整體黎講算係水平以上,反正tvb,now同有線都買唔到,你可以上網睇。《女醫神Doctor X 4》響4輯黎講算係最好嘅一輯,最印象深刻係講聾左嘅鋼琴家個集,可能本身我鍾意音樂,雖然唔知現今世代有無,但對於一個聾左嘅人彈出美妙樂章實在令人佩服,不過估唔到竟然唔係佢做手術,而係個助手做手術。

發表於 Posted on: 2017-04-28 17:04

UIE1017
帖數 Posts: 1496
回頂端 / Top
《四重奏》睇左一集,暫時覺得算可以,比較多道理同隱喻,需要聚精會神睇,仲要不斷思考,呢個亦係呢套劇嘅不足之處,如果能夠做到道理隱喻,俾多一段時間觀眾思考嘅話,相信會係一件更加好嘅事,以下有少少劇透:
(最印象深刻嘅係人生有三個坡,有上坡(上り坂Noborizaka),下坡(下り坂Kudarizaka)同沒想到(まさかMasaka),每個人都有順境逆境,即係上坡下坡,人面對順境逆境都有唔同心態,有人處之泰然,有人氣急敗壞,有人欣然接受,但人生除左有呢啲事,往往都會發生意想不到嘅事。人生天地之間,若白駒過隙,忽然而已。既然如此,我地又點解要因外界唔同事物,而影響我地嘅心情呢,反正我地人生短暫,響宇宙入面連一粒微塵都不如,與其響度爭名奪利,倒不如活在當下,以積極樂觀嘅心情看待唔同事物,以{上善若水,水善利萬物而不爭。}之類嘅態度黎去待人處事,唔係會活得更加開心咩?拘泥於生活上嘅瑣碎事,只會令我地變得唔開心,人生或會變得平淡,唔能夠活出一個精彩人生,表現唔到自我;順應自然,自然會有好多意想不到嘅事情發生,呢種生活,唔係活得更有意義咩?如果人人都可以咁,香港人開心指數或者唔會咁低。另外唔好意思,考試後遺症,背左嘅中國傳統思想估唔到會用得著,不過呢啲都真係發自內心嘅感受。)
我依家追緊《成為母親》,《反轉》同《其實並不在乎你》,《成為母親》唔係話好好睇,但又唔係話好難睇,無咩特別,都係意料之內嘅劇情,唔係特別感人,所以係非常普通嘅一套劇。《反轉》有少少失望,可能我期望太高,感覺劇情節奏好慢,有少少悶,唔係想像中咁好睇,亦無《為了N》同《夜行觀覽車》個種緊張感。《其實並不在乎你》有意外驚喜,有人話係《不愉快的果實》同《奪愛之冬》嘅合成品,甚至有人改名做《奪愛之春》,本身兩套都唔睇,唔係太清楚,不過我覺得劇情算係發展得唔錯,劇情節奏尚可,帶有少少懸疑嘅味道,同時觀眾亦會覺得緊張,不過有度我覺得有少少誇張,講話主角希望藉好朋友瞞騙老公發生不倫戀,但好朋友竟然就咁絕交,好似有啲誇張,不過大致上其實唔錯,無睇過《不愉快的果實》同《奪愛之冬》嘅話就值得推薦。

發表於 Posted on: 2017-04-28 17:05

UIE1017
帖數 Posts: 1496
回頂端 / Top
回應:煲劇

講真TVB無論放《射雕》同《三生三世十里桃花》落翡翠台黃金時段,都會激嬲左網民,始終現時翡翠台播大陸劇數量多,加上中港矛盾火上加油,連娛樂都干涉埋,今次TVB仲唔引火自墳,而Viu TV播放《雲畫的月光》會受益,班傳統觀眾抗拒大陸劇,係無得選擇情況下會轉台睇Viu TV,況且《雲畫的月光》係韓國收視不俗,古裝愛情應該比較適合師奶口味。仲有奇妙電視第三線劇集播韓劇,係同TVB劇集打正,J2精選日韓劇時段播重播劇無吸引力可言,考慮到宜家多台競爭,TVB會放棄現有為保翡翠台收視放棄其他台策略會改變,因為翡翠台收視差結果只會係必然,因為TVB劇集無可能迎合所有觀眾口味,若果每個台爭取些微收視,綜合計廣告套餐都好過益對台,仲有奇妙電視仲未開台,TVB根本唔細咁早播,況且TVB點都唔會買舊日劇重播,九成九重播2015年日劇台堆日劇,所以好肯定精選日韓劇時段會有新劇。

動畫時段都可以吸引玩具商落廣告,見Viu TV平時下午時段播動畫都有廣告,真係唔明奇妙仲咩唔做,順手搞埋收費兒童台擴充都唔錯,而特定兒童節目自製根本係蝕本,宜家d小朋友仲會同你睇d咁悶的教學節目,講真奇妙唔播《Cable早晨》都係保障收費電視客戶利益,如果免費台全日播放有線新聞台,咁就一定唔會再有人俾錢裝有線,事實上奇妙係上下午都播財經節目,真係慳皮到極,至少好似J2咁重播前一晚節目,好過咁單一。

另外Viu買《繁星四月》一套大陸劇唔代表d咩,只係幫Apps做樣有齊中日韓台劇咁解,唔存在咩討好打手同陸劇迷,其實Viu主力都係播日韓劇,大陸劇可能只係買網上版權,唔一定會係免費台播。至於J5取消一至五晚J5劇場,得六日播劇,以大陸劇集數長度好難播,況且J5自4月後減少大陸綜藝,想洗走大陸台形象,而J2自去年9月開始恢復以往節目安排,因此回復高清六日晚劇場機會好大。

發表於 Posted on: 2017-04-28 20:03

吉成千奈美
帖數 Posts: 1508
回頂端 / Top
回應:UIE1017

有線寬頻剛剛賣完盤,班買手要慳住d錢洗,《CRISIS》卡士唔錯,加上係日本史上製作費最多的動作片,係國際電視節開播一集,評價不俗,就算有線同富士有買火九劇優先購買權,都唔夠錢買,所以未俾Viu TV搶到。反而草彅剛套《謊言戰爭》卡士唔錯,又係香港人鍾意睇的復仇劇,Viu唔買仲令人意外。仲有《僱傭妻子》將係J2 5月13日晚播放,證明果日劇台重播第二次套劇代表免費台好快播理論正確,更何況J2係4月18日已經首播大熱韓劇《藍海傳說》,J2播放去年人氣日劇《僱傭妻子》谷收視都合情合理,始終面對奇妙5月開台有競爭。

另外Viu TV播完《營業部長 吉良奈津子》之後播日本綜藝《瀛知有密》,連唯一一段日劇時段都取消,之前班高層仲口口聲話振興香港日劇市場,點知一年後就無晒影,宜家連收費觀星台星期日晚都播台劇,真係唔敢想像Viu TV會有日劇時段。星期一至五晚實播韓劇多,日劇集數短,咁播法一個月播三套先頂到一套韓劇,TVB可以買新一輯《千奇百趣大挑戰》俾J2播,但問題係TVB覺得日本綜藝版權費貴,唔夠韓國綜藝平,見J2播勁多韓國綜藝就知TVB縮皮。

發表於 Posted on: 2017-04-28 21:05

吉成千奈美
帖數 Posts: 1508
回頂端 / Top
回應:吉成
近排ViuTV播動畫有好大迴響,深夜動畫《一拳超人》D港味配音同《齊木楠雄的災難》有前TVB配音員參與,已經吸引唔少動畫迷去睇,後者還有配音員仲接受媒體採訪,連ViuTV深夜動畫都有迴響,下午檔有廣告也是情理之中,至於奇妙,你見好多討論區都話佢沒心搞免費電視就知係咩回事,佢連自己固網覆蓋率都咁低,都唔指望佢會捨得花錢搞免費電視。
其實《Now早晨》都係Now新聞部製作,以前未有ViuTV係buzplay就有覆蓋,但系沒用戶對此表示不滿,尤其係ViuTV開台後,裝Now收費台人數都沒變少,畢竟唔係所有Now新聞節目係ViuTV有得播,再睇翻奇妙,播《Cable早晨》得兩個鐘,中午再播半個鐘新聞,其實一樣係唔會出現沒人俾錢裝有線,反而有線不良推銷手法已經令香港人不滿,咁先係唔會再有人俾錢裝有線嘅理由。
至於ViuTV唔播大陸劇,已經有俾打手同陸劇迷將呢種情況理解成ViuTV係度討好黃絲,所以先做有齊中日韓台劇來應付佢地,至於買咩劇咪好似TVB咁買有台港星參與,還有大陸劇版權係沒用韓劇版權果套,Viu買左就當有媒體買了香港播映權,因此唔存在只買網上版權的情況,但系陸綜就有用韓劇版權果套,J5劇場沒話過取消,只不過未出節目編排,唔好俾HKEPC果班人入位話你亂up,而週末劇集時段都係下午播,若回覆播日韓劇都應該繼續下午播。
另外《四重奏》係大陸好hit,宜家又傳出大陸要老翻,不過TBS日劇海外版權比較嚴,尤其係網絡播映權,大陸電視台同富士都傾左好耐先老翻左《問題餐廳》、《約會》同《求婚大作戰》,唔知大陸電視台點同TBS傾先可以俾佢老翻

發表於 Posted on: 2017-04-29 11:51

煲劇
帖數 Posts: 54
回頂端 / Top
回應:吉成、UIE1017
TVB已經公佈左收視,劇集應該係年度最高收視:
J2:「雙面醫生」、「女醫神Doctor X 3」、「塑身女神」及「愛上Pinocchio」等日、韓劇繼續備受觀眾追捧。韓國綜藝節目「叢林的法則」和「RUNNING MAN」以及台灣綜藝節目「愛玩客:詹詹自喜遊」亦吸引了固定的觀眾群。
J5:J5台的深夜節目陣容經過策略性調整,每晚加入劇集時段,讓日間忙碌的觀眾輕鬆一下。我們安排在晚上十點半至十一點半時段重播「學警狙擊」、「天與地」等無綫電視經典劇集,並緊接播出「羋月傳」和「神鵰俠侶」等熱門外購內地劇。
此外,J5台亦播出多個星光璀璨的內地綜藝節目,如「最強大腦」、「12道鋒味II I」、「中國之星」、「我是歌手IV」及「極速前進II」,加強節目陣容。

發表於 Posted on: 2017-04-29 17:26

煲劇
帖數 Posts: 54
回頂端 / Top
回應:煲劇

我都有睇Viu TV《一拳超人》,配音對白好全神,但廣告量係零,以一間商業電視台來講播動畫無經濟效益,只係憑迴響可以捱得幾耐,長遠去睇Viu TV最好將動畫統一去凌晨後播,宜家《一拳超人》放係星期日晚11:00播其實係浪費緊黃金時段,而下午檔播兒童動畫,有玩具廣告商落廣告宣傳促銷係正常商業行為,若果香港好似日本有周邊售賣動漫精品,咁先可以令本地電視台重視動漫時段。有線只係想當奇妙重播收費台節目,邊會花錢去搞免費台。

事實上Now收費電視皇牌唔係新聞節目,體育,娛樂組合都可以滿足唔同客戶,因此Now新聞節目係Viu TV有得播唔影響現有客戶需要,反而有線吸引力得返新聞,連新聞都免費睇,有線客戶愈來愈少,所以有線可以藉搞免費台去增加收費台吸引力,包括購買人氣外購劇集同節目,直播奧運,世界盃挽留現有客戶,其實有線無人裝係節目吸引力唔及對手所致。

另外Viu TV唔播放大陸劇基於市場考慮多過討好黃絲,的而且確大陸劇係香港無市場,Viu TV買受香港人歡迎的日韓劇爭取市場無可厚非,連myTV Super都主力推銷日韓劇,其實大陸劇版權費好平,所以就算有埋電視版權去買價錢都唔差太遠,只要放Now觀星台清版權已經可以,J5劇場取消已成定局,因為到今時今日都無公佈新劇,該時段會一至五會播放財經節目,星期六日原空,好大機會將高清翡翠台周末日韓劇場復活。

而大陸因禁韓令停播韓劇影響,令日劇係大陸有復甦跡像。大陸翻拍《四重奏》係直接同TBS買版權翻拍,相反《問題餐廳》、《約會》同《求婚大作戰》係富士同大陸電視台合資,兩者性質已有區別,最近富士都將《一千顆星星》版權賣俾韓國tvN翻拍,證明富士好缺錢細。

發表於 Posted on: 2017-04-29 18:44

吉成千奈美
帖數 Posts: 1508
回頂端 / Top
回應:煲劇

其實去年TVB無公佈2015年年報最高收視J2收視,反而今年又公佈翻就真係奇怪,唔通係見今年奇妙開台前狀聲勢,事實上J2係2015年9月接手賽馬後,收視已經大跌,就算2016年年報提幾套劇都無寫收視係幾多,唔知係數字係唔見得人定TVB怕J2進一步搶走翡翠台收視,更何況去年Viu TV開台對J2收視應該有影響。

不過從資料所見,J2最高收視時段都係日韓劇,其他時段都唔見得好,至於「叢林的法則」和「RUNNING MAN」以及台灣綜藝節目「愛玩客:詹詹自喜遊」亦吸引了固定的觀眾群這句好明顯係曲線反映係J2收視差的情況要求其搵節目舉例,而「愛玩客:詹詹自喜遊」未播晒集數已經cut埋,宜家J2係同時段改播VS嵐都係想拉翻起星期六晚收視。講真最奇怪係J2居然無提任何自製節目。

事實上J2係去年5月7日起已經cut了星期六晚日劇時段轉播韓劇「未生」,而「女醫神Doctor X 3」播了4集後改係星期日晚播,居然都上到年度最高收視,咁就真係想唔明TVB去年係J2星期六晚改播兩小時韓劇出於咩理由,以為播兩小時韓劇就拉到客,但結果9月又轉翻日劇,只不過改為一星期播同一套日劇兩集。「雙面醫生」上到榜會唔會係因為有一段時間停播日劇,播返日劇令觀眾回升而受惠,反而「回家的鎖匙」同「0.1無罪真相」卡士唔錯又無入榜,韓劇方面「塑身女神」收視高過「愛上Pinocchio」,好明顯檔期問題,前者完全無劇情,去到後段死拖難拖,一味靠搞笑充斥時間,咁都反映香港觀眾偏向輕鬆搞笑劇,唔係要好似「雙面醫生」有溫情感覺,相對上J2播放日劇定韓劇大多數都係播放查案,醫療題材劇,唔知係唔係為保收費台而咁播,應該播放多d唔同題材的劇吸引觀眾。

發表於 Posted on: 2017-05-01 3:45

吉成千奈美
帖數 Posts: 1508
回頂端 / Top
吉成千奈美
《僱傭妻子》必定睇,我會追著黎睇。播完《僱傭妻子》之後有1個星期六日先到7月,呢1個星期六日應該似係播sp先,好大機會係《特務女管家2》拆開2集播,但都可能係《三億劫案》,之後應該係響應amazing summer,播一兩套電影,之後播《有喜歡的人》,《有喜歡的人》之後播咩存在變數,可能會係無電視台買嘅《毫不保留的愛》同《HOPE》,但都可能係重播《初次見面我愛你》。viutv播《貓侍》何來有貓熱,有無報章雜誌證明你嘅講法?至於j2上年12月都無變陣過,一直都係要播《逆齡初戀》,再者套劇重點根本唔係響貓度。《精靈守護者》暫時未睇,可能因為4K關係,搞到機頂盒輕機,第3集開頭15分鐘錄唔到,嗰時仲要係播緊單車錦標賽,好在李慧詩仲未出場。《思戀哭泣》真係好睇,j2唔播簡直係tvb損失,我強烈推薦你上網睇。依家星期一至五10點已經變成重播韓劇時段,計我話不如播免費台未播過嘅日韓台劇仲好啦,浪費版權浪費大氣電波。viutv照計應該只會響星期一至五先播劇,《大使閣下的料理人》應該會播,《獻給你的勳章》或者會響假期播,但實在有無買都唔知。播完《僱傭妻子》都差唔多暑假啦,睇個樣《有喜歡的人》都係sell夏日海邊戀愛劇,配合番amazing summer,點會擺響春秋冬季播架?今年tvb買劇唔算少,同往年差唔多,反而上年買得比較多。其實我都唔知點解會搵山村隆太演,唔通貪佢把聲夠磁性?不過第一次演戲算係咁,睇下有無機會再拍劇,唔會好似北川悠仁咁無再拍劇。睇番上年《SPECIALIST》最後一集係無加長,證明《直美與加奈子》大結局收視破新低應該唔關朝日事。清水富美加算係新演員,如果一路做落去,其實好大機會拍晨間劇上位。《貴族偵探》據聞質素好差,本身無睇,反而覺得《其實並不在乎你》好睇,值得推薦你去睇。其實都仲有富士、朝日、wowow同nhk劇嘅,只係要同now同有線爭。BS JAPAN本身有固定劇檔,有火11(依家嘅木11)、金8同日10檔。《深夜烘培坊》本身係BS JAPAN製作,但有好評,所以響火10重播。

發表於 Posted on: 2017-05-05 19:23

UIE1017
帖數 Posts: 1496
回頂端 / Top
如果真係有tbs劇,就唔會過左半年都無消息啦,仲要得個兩套,一堆就話姐!月九下季一定唔會廢,第一,傳聞龜山千廣6月走,新上任台長要廢月九就會好麻煩,好似《不好意思,我們要結婚》咁製作超hea嘅綜藝,只會令收視更差,第二,《Code Blue3》已經開拍,第三,一般電視台要廢檔或者加劇檔都係4月或者10月先做,好少7月搞,反而應該係話唔知木村拓哉嘅月九可唔可以拍到。過往有關母親嘅水十劇都係低開高走,所以都要觀察一段時間,我本身有追《成為母親》,開始走催淚路線,越黎越好睇,收視之後應該上番雙位數,另外請你解釋咩叫強檔播題材唔貼近觀眾。下季有錦戶亮主演《我家丈夫工作無能》,睇怕都係炮灰作,尤其是渡邊千穗編劇,故事都好難走家庭路線,會變得古靈精怪。有傳聞7月火十由渡邊直美主演,感覺應該唔係真,但如果係真,只能話tbs打算令火十廢檔。金十有瑛太主演《偵探物語》,又有深田恭子,感覺唔會好睇,收視亦唔會樂觀。日九有長瀨智也主演《對不起,我愛你》,翻拍韓劇,吉岡里帆首次擔當女主角,應該唔會太差,感覺有少少走偏鋒,唔似傳統日九,能唔能夠吸引觀眾好難講。桐谷美玲人氣點都有少少,但似乎桐谷美玲主演嘅劇收視唔得,《逆齡初戀》同《有喜歡的人》收視唔太好,開頭我估走勢同《營業部長 吉良奈津子》差唔多,點知都係低1%左右。如果有線買《真田丸》,都希望響奇妙度播。《A LIFE:深愛的人》同《無敵律師》未睇,電視嘅暫時睇緊《交響情人夢》,睇左3集,幾好睇,10年前嘅佢地好似演得比依家好。本來有傳今年有《女醫神Doctor X 5》,但又好似話拍《最強名醫4》,不過福田靖去左編櫻井翔嘅土十《只是先出生的我》,似乎都係編番《女醫神Doctor X 5》,希望都係響j2首播啦。依家mytv super慶祝1歲,有免費1個月至尊版體驗,你可以去申請。雖然都係阿媽係女人嘅道理,但tvb緊唔緊貼金十都係要時間證明。如果你個日劇台重播第二次套劇代表免費台好快播理論正確,咁《友人戀愛》一早播左啦,咁《砂之塔》同《危機對策組》都好快播啦!《僱傭妻子》播就一定架啦,掀起熱潮,tvb點會唔播黎去吸廣告?《千奇百趣大挑戰》依家響gem tv播緊,tvb要播都要問過gem tv先

發表於 Posted on: 2017-05-05 19:24

UIE1017
帖數 Posts: 1496
回頂端 / Top
回應:UIE1017

《僱傭妻子》係去年日本播放時,香港都好Hit,照計套劇應該幾好睇,搞到我有少少期待。不過J2到今時今日都仲未出預告,反而《A LIFE:深愛的人》就晨咁早出預告,感覺TVB好似唔多重視套劇。講真香港電視台播堆日劇都係追住黎睇,除非係朝早或深夜播就未必有時間睇。播完《僱傭妻子》之後都仲可以播多套日劇,因為去年Amazing summer都係7月中先開始,更何況播電影都係用一日,仲有一日都可以如常播放日劇,宜家J2日劇時段都係一星期播同一套日劇兩集,所以唔會再好似以前咁要用SP頂期,《特務女管家2》同《三億劫案》都唔會播,要播一早放復活節長假播。《有喜歡的人》如無意外應該放係《僱傭妻子》後播放,因為J2要係暑假播放《貴族偵探》,事實上《有喜歡的人》之後播咩存在變數,只係一堆日劇台唔播得尊尼事務所藝人主演的日劇已經維數唔少,《毫不保留的愛》同《HOPE》過了成年J2先播又唔似TVB近年作風,《初次見面我愛你》卡士咁弱,唔細望J2會重播,況且J2今年已經播唔少朝日木九劇,應該唔會播晒全部,以免myTV Super吸唔到客,反而暑假期間係動漫節,會唔會播返d迎節電視劇,《給力!漫畫社》,《戀愛時間 5→9》,《拜託請愛我》仲大機會過《初次見面我愛你》,講真《逆齡初戀》收視又唔係好,J2會播都覺得奇怪,好明顯TVB受Viu TV播《貓侍》影響而播,唔係一早安排晒,安排晒又唔好見巡禮有《逆齡初戀》,《精靈守護者》係J2播都無4K,機頂盒輕機多數係信號接收不良,個日我錄都無咩問題,會唔會係你錄單車出問題。《思戀哭泣》係富士月九劇,日劇台播都好緊貼,價錢貴照理免費台都會重播,而上網速度慢,睇劇唔流暢,無咩心機上網睇。事實上星期一至五10點由精選日韓劇變質成重播韓劇時段,TVB好明顯講大話誤導觀眾,違反商品說明條例,其實下午已經有重播韓劇時段,10點又整多套重播韓劇時段來做咩,講真TVB係都唔肯係免費台播多d日韓劇無非係想迫人申請myTV Super,所以寧願浪費版權浪費大氣電波都唔重播俾你睇。不過一般版權都係兩年,TVB未必會續期,奇妙電視好鍾意買d二手日韓劇播,因此四年後有機會係奇妙電視上有得睇翻,而TVB咁做係得不償失。

發表於 Posted on: 2017-05-06 18:16

吉成千奈美
帖數 Posts: 1508
回頂端 / Top
另外昨晚睇Viu TV見到《CRISIS》預告,請到小栗旬同西島秀俊宣傳5月27日晚8:30播放,換言之星期六晚日劇時段繼續有,好大機會星期日晚日劇時段會恢復,星期一至五播日劇根本好快播完一套,所以根本無可能播到日劇,《大使閣下的料理人》會唔會等《歌度有…》同《手作Low Gear》播完,係7月重新執過星期日晚節目表後播返日劇,始終Viu TV宜家有大把日韓劇係度,星期一至五播韓劇都未必播得晒堆存貨,除非將星期一至五晚7點都播埋韓劇就另計。宜家Viu TV星期六晚凌晨要播動漫《海賊王》,唔同去年西甲停要播SP頂期,仲有Viu TV日劇檔愈來愈少,仲會唔會肯俾錢買SP都成問題。播完《僱傭妻子》都差唔多放暑假,所以6月播《有喜歡的人》未迎節,加上J2係amazing summer前清晒巡禮堆日劇係必要,《有喜歡的人》係Youtube睇日劇台預告,靚人靚景拍得好唯美,係暑假前播未順便宣傳下日本旅遊,應該搵到贊助。

就算TVB今年買劇同往年差唔多,但買入日劇多數係深夜劇,黃金檔日劇數量愈來愈少,仲差過未開日劇台之前,而上年買日劇咁多同Viu TV未開台,先可以買到咁多日劇,奇妙電視等永升注埋資,應該有錢買劇,所以TVB日劇只會愈來愈少。搵山村隆太演月九都係貪佢係樂團組合出身,製造話題令觀眾留意,北川悠仁拍完一套日劇後都無再拍,同當年拍劇受到負面評價影響,唔知山村隆太受唔受得住。《直美與加奈子》大結局收視破新低好可能觀眾估到晒無興趣睇,講真清水富美加就算繼續做落去,都未必上到位,始終日本女藝人太多,要等到觀眾留意好難,連AKB前一姐都接唔到黃金檔日劇就知情況。《貴族偵探》卡士豪華,又由原著小說改篇,照計差極都有個譜,不過個故事設定似足2011年日劇《推理要在晚餐後》,TVB應該會買俾J2播。日劇台有《其實並不在乎你》,照計J2今年會播,套劇第二集收視因咩事急跌。其實now同有線只係會爭富士同朝日劇,wowow同NHK劇佢地都唔會要,如果NTV堆劇有得賣免費版權,Viu TV同奇妙實會買來播。BS JAPAN有固定劇檔都無用,集數短,卡士弱,難吸引電視台引入,NHK播《深夜烘培坊》原來係二輪,即係BS JAPAN賣俾NHK播。

發表於 Posted on: 2017-05-06 18:46

吉成千奈美
帖數 Posts: 1508
回頂端 / Top
回應:吉成
高登討論大陸劇大多數都係鬧大陸,點睇都唔似一個打手嘅行為,早年高清劇場播《步步驚心》,高登仔借呢套劇來鬧清朝,而上年播《琅琊榜》,佢地大多數都係為左學梅長蘇D權術,想用在現實中來對抗中央,而今年熱門反腐劇《人民的名義》會討論都係為左借呢套劇來討論中共敏感內政話題,更可況高登比香討還要難註冊,打手想佔領高登還有一定難度。
其實《Cable早晨》得兩個鐘,所以你話全天播新聞係唔成立,更何況只播《Cable早晨》係唔會影響到有線用戶,不過HKEPC果班人嘅觀點同你話要保障收費電視客戶利益係一致,只不過佢地原話有D陰陽怪氣:係有線眼中想睇新聞係要俾錢,俾兩節新聞你睇已經係皇恩浩蕩。
講真有線無人裝真係佢不良推銷手法所導致,唔係節目唔吸引,因為有線易裝難cut,就算投訴沒法規可以管到有線不良推銷手法,尤其係配音度好慳皮,一個人要配成好幾個角色。
至於話ViuTV討好黃絲,呢個係政治範疇,因為ViuTV沒大陸劇播先俾人咁話佢,你之前都講過ViuTV節目編排得罪左陸劇迷同HKEPC果班人,至於大陸劇係香港沒市場,其實係其他華人地區都講得通,好似宜家歐美華人電視台寧願買韓劇都唔買陸劇播,而馬新地區都係收費台買,免費台都買得比較少,至於台灣,好似係蔡英文上台後,由於華視每日兩集連播《羋月傳》,俾台灣通訊部門罰款,導致宜家台灣主流頻道唔敢播熱門大陸劇,可能怕引起追劇熱潮而得罪蔡英文政府,不過台灣通訊部門因為電視台播陸劇去罰款,估計都係受蔡英文指示先咁做,因為係馬英九執政期間,親共嘅中視日日都播大陸劇都沒搞到罰款去管制電視台節目編排。

發表於 Posted on: 2017-05-08 10:23

煲劇
帖數 Posts: 54
回頂端 / Top
回應:吉成
上年沒公佈最高收視J2收視係有D奇怪,不過HKEPC當時俾出嘅推測就係右下角有劇集海報就係最高收視,其實寫收視係幾多係得14年年報有提過,之後就沒提,至於J2沒提自家節目可能差到沒人有先唔敢提
還有J5果段真係不知所謂,好彩因為奇妙77台先逼佢做翻財經台,不過財經節目只會吸引股民去睇,一般人都唔會睇財經節目,因為睇財經節目真係好悶

發表於 Posted on: 2017-05-08 10:35

煲劇
帖數 Posts: 54
回頂端 / Top
不要錯過另一套SP日劇【我的生命】5月14日12:30播。

發表於 Posted on: 2017-05-09 15:51

網中乖乖女
帖數 Posts: 75
回頂端 / Top
回應:網中乖乖女

Viu TV星期日下午劇集時段播開韓劇,仲有突然安排播放【我的生命】好奇怪,唔通係應母親節,係都放係星期日晚播放,仲有Viu TV係6月開始係深夜重播日劇【晝顏】同【大人女子】,唔通係7月星期日晚首播富士木木【人100%靠外表】。

發表於 Posted on: 2017-05-09 18:15

吉成千奈美
帖數 Posts: 1508
回頂端 / Top
回應:UIE1017

宜家myTV Super專播緊貼日劇,兩套過了成年的TBS日劇如果真係係TVB度,咁點解J2遲遲唔播,日劇台又唔播,唔係有線買就解釋唔到,Viu一定唔會要舊劇。月九廢檔成日傳,係2011年冬季月九《你教會我一切重要的事》創低收視開始傳廢檔改綜藝,不過到今時今日都無實行,證明富士高層點都會保住月九檔,龜山千廣自上任以來,富士愈搞愈衰,換新台長重整方向無錯,而富士綜藝仲無起色過劇集,仲有大陸自禁韓令後大量購入日劇,令日劇價錢愈炒愈高,富士日劇收視差極都仲可以賣版權止蝕。《Code Blue3》係夏季播,收視唔好在所難免,所以秋季月九收視成月九廢唔廢檔關鍵,木村拓哉一年拍一劇,今年已拍《A LIFE:深愛的人》,所以機會唔大。《成為母親》最新個集跌至7.9,證明催淚劇係日本無市場,而近年收得日劇都係輕鬆喜劇路線,唔知《成為母親》會唔會破NTV水十收視最差紀錄。所謂強檔收視一向好穩,水十專攻女性職場劇,日九專攻男性觀眾,所以該時段題材好明顯針對某一層觀眾,而今季《成為母親》點都唔似係水十慣性觀眾鍾意題材。《我家丈夫工作無能》點睇都似係愛情小品,套劇走貼近社會話題輕喜劇話唔定會收得,但渡邊千穗編劇作品質素飄忽,這套唔多睇好。講真火十收視穩定了,TBS點會廢檔,不過渡邊直美主演就唔信,金十《偵探物語》點睇都似傳統推理劇,要睇一集先知好唔好睇,而瑛太好耐無拍過劇,唔知吸唔吸到觀眾。《對不起,我愛你》翻拍韓劇唔多睇好,仲有日九播這類劇唔多覺吸到慣性觀眾,睇怕都係事務所捧吉岡里帆的一套作品。桐谷美玲係日本人氣好高,尤其係年輕人,而她主演嘅劇收視唔得係年輕人少睇電視,《有喜歡的人》係月九收視都唔算太差,《逆齡初戀》係深夜劇點同黃金檔收視比,《A LIFE:深愛的人》同《無敵律師》有時間先睇都未遲,反正兩套劇唔算好吸引,而電視播個d唔細上網搵,照計都優先睇先,而玉木宏同上野樹里拍完《交響情人夢》先紅,近年佢地接劇本唔好,好難發揮演技。

發表於 Posted on: 2017-05-09 20:36

吉成千奈美
帖數 Posts: 1508
回頂端 / Top
《女醫神Doctor X 5》一定先過《最強名醫4》,前者有高收視,況且編劇成日換,反而後者自第三輯後收視無以為繼,編劇就一直係福田靖,就算今年真係出《女醫神Doctor X 5》,都放myTV Super首播,J2重播。mytv super得免費1個月仲要之前無申請過先有,其實去年J2有打算播放《友人戀愛》,自從日劇台有點播先唔播得《0.1無罪真相》,所以未到最後無播到。《僱傭妻子》重播都有廣告贊助,反而《0.1無罪真相》去年首播無贊助咁奇怪,《千奇百趣大挑戰》就算係Gem度唔播得,咁《日本人妻在遠方》新一輯都可以買返,證明TVB無心買日本綜藝播就真,連奇妙都有日本旅遊節目播啦。

發表於 Posted on: 2017-05-09 20:36

吉成千奈美
帖數 Posts: 1508
回頂端 / Top
吉成千奈美
《僱傭妻子》本身口碑唔錯,而當初公布呢套劇嘅時候我已經好期待,我點都會追黎睇,我睇過預告,都整得ok,但星野源嘅配音似乎麻麻,另外又有贊助。我暫時堆左好多劇未睇,依家睇緊《交響情人夢》,仲有《SPECIALIST》,《深夜食堂3》等等都未睇。前年amazing summer播《咪阻住MADAM》都係7月頭播,我相信應該都無問題,除非中間播電影,咁《有喜歡的人》就7月中先播。本身復活節已經播左《精靈守護者》,咁當然唔會播《特務女管家2》同《三億劫案》啦,播完《僱傭妻子》應該會播是但一套。咁《咪阻住MADAM》同《金田一》都係年半之後播啦,《毫不保留的愛》同《HOPE》要播應該唔大問題,播唔播都好睇tvb想唔想播,抑或播其他劇黎吸引觀眾。《初次見面我愛你》點會卡士弱,江口洋介都係一大賣點啦,論卡士唔會差得過收視最高嘅《賣房女子》,更何況tvb上年狂宣傳呢套劇,加上口碑唔錯,播嘅機會都好高。如果擔心myTV Super吸唔到客,咁就唔會播《僱傭妻子》啦,《給力!漫畫社》如果播嘅話我都想睇,《戀愛時間 5→9》好明顯唔會呢個時候播囉,響夏天播聖誕愛情劇似玩嘢多,又係你之前話《拜託請愛我》無配音要重新配音,所以應該唔會播,咁你到底係認為《拜託請愛我》會唔會播呢?如果收視低就唔播,咁j2都唔會播《高海拔診療所》、《古書堂事件手帖》個啲劇啦!再者,你搵一篇文章關於《貓侍》引起熱潮先講啦!如果巡禮無《逆齡初戀》而播就等於tvb變陣,咁播《雙面醫生》、《IMAT》、《僱傭妻子》、《最後的灰姑娘》等等都係變陣啦。我對比過《精靈守護者》同《不懂撒嬌的女人》嘅畫質,兩套4K劇畫質都同普通高清唔同,有種立體感,應該係傳輸上面出問題,而單車本身我無錄,係睇現場直播。你之前又話《思戀哭泣》太慘情,吸唔到客,所以唔會播,咁到底你係覺得會播定唔會播?你可以用手機上bilibili下載劇睇,搭車個時可以隨時睇,如果網速慢,一路下載都無問題,反正到最後都會全部下載曬。精選日韓劇時段好似已經公佈左變成首播韓劇時段喎,所以tvb無違反商品說明條例,呢樣嘢都真係無辦法。奇妙暫時未知會唔會播舊日韓劇,都要觀察一段時間,唔可以亂落定論。

發表於 Posted on: 2017-05-09 22:05

UIE1017
帖數 Posts: 1496
回頂端 / Top
《CRISIS》本身期待度唔大,所以我應該等播完之後一次過睇。依家viutv少日劇時段,我覺得要播都未輪到《大使閣下的料理人》,至於綜藝應該照播,畢竟viutv主打真人秀。viutv星期日下午播《我的生命》,完全估唔到,viutv應該無曬sp掛?6月都未到暑假,係都7月先啦!《有喜歡的人》有種《夏日傾情》感覺,唔知故事係點,但口碑似乎都好差,又無咩人討論。其實深夜劇我又覺得無咩問題,好多深夜劇仲高質過黃金檔劇集。山村隆太能唔能夠再拍劇好難講,畢竟套劇無咩人討論,被忽略,請山村隆太拍劇都要電視台大膽先得。清水富美加接拍《東京食種》真人版,最後點都會出少少名,更何況佢已經主演深夜劇同電影,主演晨間劇同黃金檔劇集都係遲早嘅事,大島優子本身接拍左好多劇喎,唔同要剛力彩芽咁先叫多?前田敦子本身都有優勢,但據聞態度差,就算人氣高都好難搵人同佢合作啦!《貴族偵探》劇情好多人都話唔合理,不過收視比我想像中低好多,個故事設定其實仲似《IQ246》,《IQ246》口碑同收視差,可想而知《貴族偵探》需要一個高水準編劇先可以拍得好。《其實我不太愛你》幾好睇,真係播嘅話絕對要睇,不過第二集其實都係去番平時tbs火十嘅水平,收視無破9算係唔錯。有線都搶大河劇啦,點會唔要nhk劇?我講錯左,《深夜烘培坊》應該係NHK BS Premium播,即係都係nhk製作。本身NHK BS Premium劇集卡士都唔錯,《應試的灰姑娘》、《隱菊》、《討厭的女人》、《落花有意》等等卡士都唔錯,當中有好多劇口碑都唔錯,絕對值得電視台買。《別讓我走》本身我話政治唔正確但好睇,又係你話tvb唔會播意識不良嘅劇所以唔播嘅,《毫不保留的愛》有傑尼斯,所以都唔駛旨意日劇台播到,有線本身都缺日劇,要播嘅話一早宣布左同播左啦。龜山千廣依家落台,新上任嘅好難估到有咩把戲,所以都唔可以排除廢除月九呢個可能性。

發表於 Posted on: 2017-05-09 22:05

UIE1017
帖數 Posts: 1496
回頂端 / Top
《Code Blue3》本身有固定觀眾,差極都應該會好過《貴族偵探》嘅,我估都係10-13%。木村拓哉一年拍一劇或者會被打破都唔出奇,佢都可以接朝日劇啦,有咩係無可能?催淚劇係日本無市場咁就唔會令《14歲媽媽》、《愛母罪》,甚至ntv每年24小時救地球嘅sp都咁有收視啦,《成為母親》最新個集跌至7.9%只能話係黃金週影響。《成為母親》牽涉母親題材,都係針對女性觀眾,如果係唔鍾意,咁《woman》,《mother》就唔會有高收視啦!我只係知道瑛太個髮型好肉酸,就算係我鍾意嘅推理劇都唔知點解唔想睇《偵探物語》。《對不起,我愛你》收視應該唔會太差,畢竟長瀨智也大部分劇集都唔錯,除非呢套係個小部分。《有喜歡的人》係當時月九收視倒數第二,對比依家當然唔差啦,《逆齡初戀》係深夜劇當然唔可以同黃金檔收視比,所以對比番同檔,收視係倒數第三,後來被《大使閣下的料理人》同《女囚seven》(暫時)影響,而升番上倒數第五,《逆齡初戀》點會唔差?《女醫神Doctor X 5》同《最強名醫4》,我都寧願會揀《女醫神Doctor X 5》嘅!mytv super免費1個月無論之前有無申請過都可以像享用嘅,到5月16號都可以申請免費1個月。你有咩證據證明tvb想播《友人戀愛》呢?播《0.1無罪真相》嗰時已經10月,如果你想講因為播《0.1無罪真相》而抽起《友人戀愛》,根本唔合邏輯,試問10月秋天景象點會播夏日愛情劇?除非響早上或者下午時段就無人理姐!《0.1無罪真相》舊年首播無贊助都真係奇怪,如果我係廣告商都會贊助。你唔講都醒唔起《日本人妻在遠方》,呢套其實都可以買喎!根據維基百科,得地膽帶路日本遊同玩盡日本3000Yen係外購節目,暫時未知係唔係日本節目,但都假設係先,日文通一通同佐賀「東遊記」之戀愛篇都係自製節目,所以都係得一半係外購日本節目,唔係話特別多。

發表於 Posted on: 2017-05-09 22:06

UIE1017
帖數 Posts: 1496
回頂端 / Top
回應:UIE1017

《僱傭妻子》係繼2013年《半澤直樹》後係香港最Hit的日劇,日本播出時已經有好多人追,而《僱傭妻子》剛剛破了日劇DVD銷售記錄,套劇好睇度d人再買DVD翻睇,認真勁,搞到我都有多少期待套劇。而J2播放《僱傭妻子》有兩個版本,一個契約結婚,另一個新垣結衣求職撞版,J2都算有心機整預告宣傳,尤其係星期六日差唔多一個鐘賣一次,星野源嘅配音係點要等播出街先知,始終預告唔可以作準,而這套劇係日劇台播了兩次都有贊助,證明廣告商睇好這套劇有人追。

講真我同你一樣都堆左好多劇未睇,只係有睇電視台播緊堆日劇,宜家睇緊《惡作劇之吻2》,套劇劇情唔係幾得,仲差2集就睇晒全套,之後睇下有無時間睇《聖女》,《零的真實》,《Border》個堆劇,《SPECIALIST》,《深夜食堂3》等暑假有時間睇都未遲,況且日劇去到6月尾至7月頭都會停一排,而今年TVB都唔知仲有無Amazing summer,見TVB愈來愈縮皮,今年都未必再花錢搞,有可能維持原狀,最多係動漫節期間放幾套電影係星期六日凌晨頂馬會節目真空期。前年日劇時段有兩套,一星期播一集,所以播完《律政狂人2》後播《特務女管家》頂到7月頭係有用,但宜家J2日劇時段改為一星期播兩集日劇,就算分開播《特務女管家2》或《三億劫案》都未必頂到7月中,倒不如播多套8-9集日劇頂到7月尾好過,如果《有喜歡的人》真係要係7月中先播,未重播《友人戀愛》幫手做勢,仲有復活節一次過播《精靈守護者》,應該係TVB知J2日劇時段無時間播先盡快播完去,《咪阻住MADAM》同《金田一》係NTV日劇,TVB一向播NTV日劇都係過一年後先買,當年J2連續播幾套NTV日劇同Gem就快開台要清晒版權去。《毫不保留的愛》同《HOPE》係日本收視都唔好,而J2係去年開始播d日劇愈來愈新,唔多似買一年前日劇播,就算買都買《該隱與阿伯》,始終TVB要買今季月九《貴族偵探》,《初次見面我愛你》主演唔係江口洋介,係尾野真千子,仲有套劇題材唔似吸引到香港觀眾,無廣告商贊助好難令TVB會播,更何況7-8月暑假點都唔會播慘情劇趕客,而TVB去年夠狂宣傳《精靈守護者》,最後未放係假期播,可以代表d咩。

發表於 Posted on: 2017-05-10 20:07

吉成千奈美
帖數 Posts: 1508
回頂端 / Top