tvb.com

 
 
tvb.com
 

TVB日劇討論

回應:煲劇

精靈守護者放復活節假期下午播已經奇怪,講真套劇咁新,卡士又唔錯,仲要4K拍攝,放精選日韓劇時段播都吸引到觀眾,真係唔明TVB寧願係精選日韓劇時段播舊劇都唔播新劇。

睇個勢J2播完A LIFE:深愛的人好大機會播僱傭妻子,連J2韓劇線都可以播套咁新的藍海傳說,播完無敵律師後多數播有喜歡的人,咁J2係5月就可以全線愛情劇,我估TVB係想咁安排。

另外奇妙電視都未出時間表,開台時會再公佈,而之前公佈堆韓劇已經被刪除,仲有大陸劇都係晒TVB度,有線播日劇少極都多過大陸劇數量。

發表於 Posted on: 2017-04-02 13:30

吉成千奈美
帖數 Posts: 1516
回頂端 / Top
回應:吉成
原先公佈堆韓劇已經恢復,因為本身就係官方公佈
最重要的是精靈守護者係4K拍攝,好多人擔心放J2播會起格仔,不過同樣係4K製作嘅國產紀錄片《第三極》,TVB反而放落翡翠台播,但係《精靈守護者》要放J2,宜家翡翠台碼率咁高,點都唔會起咁多格仔啦
PS:宜家ViuTV連泰劇都夠膽放黃金時段播,難道ViuTV節目組已經知道錦繡未央收視上唔去,所以趁呢個機會來清低收視劇集版權?

發表於 Posted on: 2017-04-07 11:31

煲劇
帖數 Posts: 57
回頂端 / Top
回應:煲劇

去年Viu TV開台前都無公佈日劇,係日本電視台簽約時要求電視台開台前一個月先可以向外公佈,直至去年Viu TV出了節目表先肯公佈日劇,因此詳細情況要等奇妙電視出節目表先知有邊幾套日劇播。

講真J2,明珠台同J5都係共用一條單頻網,畫質一定唔夠以前高清翡翠台咁高,就算精靈守護者係4K拍攝,J2播都唔妨會呈現到4K質素,有無高清質素都成疑,事實上《第三極》係大陸電視台製作紀錄片,以TVB大陸化程度,當然有特別待遇放係翡翠台。

另外Viu TV一至五晚7:00至8:00劇集時段都係重播Now播過的舊劇,根本從來當這個時段係攝時間,宜家唔播台劇轉播泰劇咁重口味,證明Viu TV想縮皮,不過泰劇係香港無市場,Viu TV唔係以為這套係日本漫畫改篇,香港觀眾就會接受到,講真宜家韓劇,日劇多電視台搶,台劇又愈拍愈少,Viu TV又唔會買大陸劇,唔夠存貨先買泰劇。

發表於 Posted on: 2017-04-11 18:03

吉成千奈美
帖數 Posts: 1516
回頂端 / Top
吉成千奈美
依家仲剩兩科考,見仲有一個禮拜時間先再考,我就回應左少少先。我不得不承認嘅係我響考試期間破左戒,睇左《熱血水球青年》,《女醫神Doctor X最強反擊》同《初森壘球團》,甚至睇埋tvb劇《親親我好媽》,因為食飯無電視睇實在太悶,好唔習慣,所以每日通常睇1-2集。《未聞花名》動畫版暫時唔睇住,先睇左電視錄個啲先,雖然我有睇電視,但都就黎滿曬。《初森壘球團》其實除左第1-3集之外,故事內容幾好睇喎,又感動,我最鍾意個奧斯卡,好搞笑。VS嵐我都睇左,開頭決鬥幾悶下,但玩潛烏龜幾搞笑,每組都有一個超搞笑,長澤雅美,松下奈緒,市原隼人同綾瀨遙好搞笑,不過二宮和也再次同前女友長澤雅美同場。Music station都有唔少歌都幾好聽,例如TOKIO《愛!wanna be with you...》,AAA《MAGIC》,Perfume《TOKYO GIRL》同NEWS《EMMA》,幾套咁橋都係電視劇主題曲,不過我之前通常都唔聽AAA同Perfume嘅歌,今次聽左刮目相看,開始聽多啲AAA同Perfume嘅歌,NEWS《EMMA》雖然旋律係好聽,但我覺得服裝同舞蹈好老套好肉酸,都唔明點解手越祐也設計得咁肉酸。另外水野美紀響《奪愛、冬》嘅演出好搞笑。宮崎駿復出原因暫時唔係太清楚,可能要等傳媒訪問先知。你講得無錯,SP最好拍番啲推理查案劇會比較好,相對可以交代得比較清晰。《未聞花名》首歌係ZONE嘅《secret base ~你給我的東西~》,我覺得都幾好聽,你可以上youtube聽或者去QQ音樂下載。我就覺得《以我為名的變奏曲》成個故事以SP黎講算唔錯,幾好睇,天海祐希演技好唔駛講,配角都演得出色,故事尚算順暢合理,絕對值得推薦。

發表於 Posted on: 2017-04-13 11:24

UIE1017
帖數 Posts: 1499
回頂端 / Top
《彼岸花》要上網睇,因為係ntv劇,tvb,now同有線都買唔到,不過我就唔會推薦囉,除非你想睇引退前嘅堀北真希,《再也不綁架了》係富士2012新春SP劇,大野智主演,新垣結衣合演,我都唔會推薦呢套,因為實在太無聊,《東方快車謀殺案》有兩集,除非你好鍾意刑事劇,如果唔係唔推薦,都幾悶下,成個故事太長,我唔係好明點解收視會咁高,《大使閣下的料理人》係富士2015新春SP劇,又係個個字:悶,開頭係好睇嘅,但睇左一陣已經開始悶,我記得我睇睇下訓左陣添,要回帶睇番。所以我講嘅SP劇,你唔係太得閒都唔好睇。今季渡邊麻友有新劇,不過係朝日深夜劇,似乎無咩迴響。我記得渡邊麻友好似有演《買地方報紙的女人》,不過係大茄,初時以為睇錯,睇番演員表先知係真。你又講得無錯,以時段計《Career》係差過《出租救世主》,但都要睇番咩電視台播先得,《Career》響呢個弱檔有呢個成績算係唔錯。Tvb好似cut左1集《IQ246》,應該係成宮寬貴個集,呢套劇真係多災多難。《Chef》最搞笑係有4集收視都係8%,唔知係巧合定特登。《逃避雖可恥但有用》據聞有第2季,無sp,但似乎日本觀眾唔係太想有第2季,怕會搞衰曬,不過新垣結衣真係紅,下季會同山下智久拍《Code Blue 3》,呢套劇當時好似好多人睇,引起好大迴響,加上7年後可以叫曬所有人番黎係好難得,希望呢套可以救到富士啦!而富士亦密鑼緊鼓搵堺雅人拍《律政狂人3》,又有新垣結衣,不過事務所好似話要俾夏目三久出演先得,價錢仲好貴,120萬,如果唔係,堺雅人就會拍《半澤直樹2》。以深夜劇黎計,《勇者義彥和被引導的七人》有呢個收視已經算係唔錯,又多人講同報導,你攞套收視最勁嘅比咁當然唔成立啦,唔同深夜劇要上10%先叫有迴響咩?不過上季《你還是不懂群馬》有5.3%係一個好好嘅成績,仲高過月九。電視台買劇喜好並唔代表觀眾喜好喎!邏輯都唔成立嘅,所以台灣電視台買《東京白日夢之女》同《A LIFE》未必證明台灣觀眾中意卡士多過劇情。《四重奏》收視麻麻,但有好評,據聞話觀眾寧願錄低慢慢睇,好過睇直播。《交響情人夢》我錄左,遲下會睇,不過據聞tvb好似cut左小小。

發表於 Posted on: 2017-04-13 11:24

UIE1017
帖數 Posts: 1499
回頂端 / Top
Viutv播《貓侍》何來引起熱潮,完全無報紙講《貓侍》。《精靈守護者2》未上myTV Super,唔知發生咩事。《思戀哭泣》係卡士弱,但勝在故事好,加上又係你話J2要播年輕演員主演嘅劇嘅,播《思戀哭泣》咪無錯囉!《拜託請愛我》係要重新配音,咁播嘅機會率又係細左小小嘅。《大使閣下的料理人》同《獻給你的勳章》都係富士新春SP劇,香港電視台可以買。《有喜歡的人》睇個勢都係暑假播,海邊夏日愛情故事點會唔係暑假播。睇怕2015冬季日劇應該都係無電視台買,要買應該今年年頭播左。《不好意思,我們明天要結婚》劇情據聞唔錯,但可惜無話題,又一套收視與質素不成正比嘅劇。《直美與加奈子》結局真係幾好睇,但點解大結局會破新低嘅?《浮世繪》其實係《海容~小學生殺人事件》嘅主題曲。最近唔知點解咁多人引退,清水富美加因為被邪教幸福的科學呢啲咁唔科學嘅邪教引誘都可以嘅!或者可能清水富美加壓力太大。土24卡士越黎越勁,東海電視台真係好肯駛錢。KKTV完全無傑尼斯嘅劇,好似係你話因為傑尼斯唔批,相信myTV Super都係同樣情況。Tvb緊貼1套劇唔代表啲咩,你唔比tvb唔播tbs劇住架?不過tvb買BS JAPAN都真係奇怪,但都係好事,始終有好多好劇都係響BS JAPAN播,其實《深夜烘培坊》都係BS JAPAN嘅劇啦!有線重播《Mr. Brain》都唔代表啲咩,你唔需要因為電視台一啲嘅舉動而憑空想像一啲野出黎。依家連《Code Blue 3》都拍到,咁木村拓哉10月主演月九呢個消息好大機會係真。火九只要唔好突然亂黎,好似ntv水十咁成為強檔應該無問題,不過《成為母親》第一集都係得10.6%,似乎又變弱。土九只係調去土十,而第一套有龜梨和也同山下智久嘅《我,是命運之人》。桐谷美玲參演嘅劇大多數收視麻麻,呢套應該唔例外。大河劇向來都無電視台買架啦!係有線唔知點解會買上野樹里同綾瀨遙個套姐,不過我覺得都係有線買多。《A LIFE:深愛的人》我有錄到,不過《無敵律師》無錄,畢竟錄影機就快滿,已經無空間錄,索性上網睇好過。傑尼斯嘅劇唔俾OTT平台播,咁就應該可以解釋到點解《女醫神Doctor X 4》同SP響j2首播,因為SP有伊野尾慧。咁《反轉》有玉森裕太,都唔使旨意響日劇台播,就要睇下tvb覺唔覺得藤原龍也有無吸引力而響j2播。

發表於 Posted on: 2017-04-13 11:25

UIE1017
帖數 Posts: 1499
回頂端 / Top
《CRISIS》估唔到會係viutv買,我開頭以為係有線買添!咁如果日劇台重播《僱傭妻子》代表好快播,《砂之塔》都好快啦,不過相信《僱傭妻子》咁多人討論,tvb無可能唔播。我估viutv播完《營業部長 吉良奈津子》之後應該播其他綜藝,似乎viutv想主打星期一至五劇集,星期六日綜藝。《千奇百趣大挑戰》根據維基資料顯示已經過左版權,即係唔會播啦。

發表於 Posted on: 2017-04-13 11:25

UIE1017
帖數 Posts: 1499
回頂端 / Top
富士月九有《貴族偵探》,相葉雅紀主演,武井咲合演,富士好似用左好多錢請呢班演員拍,今次真係背水一戰,但我估收視都好難好,畢竟故事發展似乎會胡鬧,我估收視都係得10-13%。火九有《CRISIS》,小栗旬主演,西島秀俊合演,呢套劇有好多動作場面,加上《BORDER》編劇另一作品,無論日本定海外觀眾都好期待,第一集收視有13.9%,我估之後應該都有13-16%。木十有《人的外表是100%》,桐谷美玲主演,水川麻美合演,呢套劇走傳統木十路線,但桐谷美玲過往劇集收視唔太好,加上劇情似乎有少少行,我估都係得5-8%。日九有《櫻子小姐的腳下埋著屍體》,觀月亞里莎主演,藤谷太輔合演,呢套劇開頭有好多人都鬧話搵觀月亞里莎主演唔好,破壞神作,但我有覺得未睇過又點知龍與鳳呢?不過呢套劇日本觀眾期待度幾乎最低,我估收視都係得4-7%。
NTV水十有《成為母親》,澤尻英龍華主演,小池榮子合演,呢套劇走傳統水十路線,但我覺得水橋文美江嘅劇近年都無咩收視,預計會跌剩單位數,點止第一集都係得10.6%,真係可惜,我估收視都係徘徊響9-11%左右。土十有《我,是命運之人》,龜梨和也主演,木村文乃合演,睇個故事都係普通愛情劇,只係野豬組合再現,先引起話題,我就無咩興趣,不過相信唔少人都有好高期待度,我估收視都有13-15%。日十有《科學怪人之戀》,綾野剛主演,二階堂富美合演,其實呢套劇套路有少少似《來自星星的你》,唯有希望劇情唔好太狗血啦!我估收視應該得6-10%。
TBS火十有《其實並不在乎你》,波瑠主演,東出昌大合演,呢套劇無咩人討論,感覺故事都幾大路,好難有突破,加上波瑠似乎太多演出,唔知會唔會令人覺得佢討厭呢?我估收視應該得7-9%。金十有《反轉》,藤原龍也主演,戶田惠梨香合演,死亡筆記組合再現,湊佳苗小說改編,故事應該唔會太差,對呢套劇期待度都係最高,意外地呢套劇都係日本觀眾期待度最高,我相信收視應該都有9-14%。日九有《小巨人》,長谷川博己主演,岡田降生合演,呢套劇感覺唔太吸引,又係《半澤直樹》套路,好難吸引人去睇,我估收視都係得7-10%。

發表於 Posted on: 2017-04-13 11:56

UIE1017
帖數 Posts: 1499
回頂端 / Top
朝日木九有《非常搜查官2》,天海祐希主演,速水直道合演,又係查案劇,仲要係非常傳統個隻,睇怕又會系列化,對我黎講唔太吸引,我覺得收視應該得10-12%。金十一有《女囚seven》,剛力彩芽主演,剛力彩芽似乎係金十一常客,感覺呢套劇會好膠,睇怕會變炮灰,相信收視都係得4-6%。
整體而言,今季劇集都係走傳統路線,無咩突破,應該係擔心收視問題,而我認為今季必睇《貴族偵探》《其實並不在乎你》《成為母親》《三個爸爸》(深夜劇,堀井新太主演),《戀愛向前衝》(深夜劇,高梨臨主演)同《反轉》,響睇番過去一年嘅劇集同時,我會追《成為母親》同《反轉》。《CRISIS》《人的外表是100%》《女囚seven》《我,是命運之人》《櫻子小姐的腳下埋著屍體》《科學怪人之戀》就考慮中。

發表於 Posted on: 2017-04-13 11:56

UIE1017
帖數 Posts: 1499
回頂端 / Top
回應:UIE1017

差唔多考晒試,其實你考完咁多科,對邊科信心較大,今年DSE試題易唔易。講真睇開電視突然唔睇,梗係唔慣,況且成日溫書都悶,睇下電視放鬆下心情,對第日考試效果仲好。而你有睇幾套日劇《熱血水球青年》,《女醫神Doctor X最強反擊》同《初森壘球團》,我全部都有睇,都可以同你討論下,《熱血水球青年》其實同《初森壘球團》個故事模式好相似,都係熱血連動類故事,一班雜牌軍由組隊,成軍至打敗強勁對手,其實這類故事拍幾多,之後發展都估到,不過勝在睇得輕鬆有趣。

《初森壘球團》去年睇,唔係好記得,而最感動個集係大結局七丸暈了係地下,全場d人打氣,衝去終點個度,其實套劇好似捧西野七瀨咁,成套劇戲份最多係佢,另外套劇首主題曲同插曲都唔錯。至於角色最鍾意係金時,不良少女又有霸氣。《熱血水球青年》卡士唔錯,比起《初森壘球團》多條感情線咁解,不過加埋搞下笑又唔錯,有集橋本環奈客串,唔知你有無睇。《女醫神Doctor X最強反擊》劇情其實幾拖下同悶下,反而第四輯仲好睇。

VS嵐開頭遊戲嘉賓唔熟,所以嵐都幾難搞笑緩和氣氛,相對上去年新春SP有小栗旬做嘉賓就好睇好多,始終今年富士無錢,所以嘉賓卡士較弱,這集SP多了新遊戲Balloon Shooting睇都唔算好差。相對上玩潛烏龜好睇好多,始終嘉賓都係日劇見慣見熟,好多時佢地講下拍戲經歷幾好笑,綾瀨遙成日九唔拾八,天然呆係最好笑一個。而J2播緊常規版VS嵐由2014年播起,真係唔知幾時先追到日本進度。

Music station個集主題係最喜歡日劇,動漫,電影主題曲排行榜,所以個日請d歌手全部都係同電視劇主題曲,AAA個首歌都唔錯,不過 Perfume嘅歌唔係我鍾意個種風格,而水野美紀響《奪愛、冬》嘅演出竟然可以播,簡直奇怪,始終這套劇版權係Viu TV度,事實上最好笑係星野源同指原莉乃,差唔多套套劇都有睇咁濟,可以話係電視迷。其實SP都唔細一定係推理查案劇,可以係連續劇續篇,始終時間太短要介紹劇情太趕,《secret base ~你給我的東西~》一早係去年睇完劇download了,首歌同劇情好夾,《以我為名的變奏曲》審問犯人個段對白太長悶d,如果加翻少少輕鬆情節帶過會好少少,之後慢慢查到線索先好睇,套劇以SP計算唔錯。

發表於 Posted on: 2017-04-14 17:59

吉成千奈美
帖數 Posts: 1516
回頂端 / Top
《彼岸花》有無得係電視播就要睇Gem TV肯唔肯賣免費版權出來,事實上好多日本動畫版權都係Sony旗下的收費台Animax首播,一年後又賣翻俾TVB同Viu TV播放,所以就即管睇下Gem TV肯唔肯放NTV日劇版權出來,講真Gem TV係香港收客又唔多,仲要買咁多緊貼NTV日劇,唔賣翻d舊劇版權出去好難套現,近排樂視係咁將d韓劇版權賣俾有線,唔知日劇有無份。不過老實講我對NTV刑事劇興趣唔大,電視台有得播先會睇,唔播就當無。

講真個句你所講幾套SP劇全部都無香港電視台肯買,似乎真係好似你咁講好悶,就算有卡士都唔吸引,所以都唔會睇多。其實SP劇只係日本電視台為了填日劇真空期檔而製作,所以有時SP劇高收視好大機會靠上檔劇收視高低而決定。今季渡邊麻友新劇劇名俾人投訴,之後又改名,係未開播前已經引起熱話,所以這套劇有無迴響都係睇第一集。而Viu TV買手咁鍾意買AKB 48成員主演的日劇,唔知買唔買埋這套,渡邊麻友係《買地方報紙的女人》未做藝伎,不過出場戲份唔多,所以你未無留意到。

不如你話《Career》要係同時段有《IQ246》播緊,反而《出租救世主》同時段無劇集對打,所以《Career》有咁的收視算唔錯。講真個句咩弱檔有呢個成績算唔錯其實未又係藉口,套劇吸引到觀眾就算咩時段播都會高,就好似去年《逃避雖可恥但有用》係弱檔火十播都高收,咁你又點解釋。

發表於 Posted on: 2017-04-19 18:09

吉成千奈美
帖數 Posts: 1516
回頂端 / Top
另外TVB無播《IQ246》個集係第八集稻垣吾郎客串,原因係尊尼事務所藝人唔可以係網絡電視播放,所以自從TVB無了收費電視牌照,就唔細旨意播放尊尼事務所藝人主演的日劇同節目,其實由去年開始已經轉去J2首播就知發生咩事,《逃避雖可恥但有用》第2季可以點拍,男女主角都係埋一齊,仲可以寫d咩,不過電視台就一定想食住個勢拍,始終宜家日劇收視低,拍續篇收視差極都仲有雙位。講真新垣結衣近年日劇定電影收視票房都唔算好,所以話她紅又唔係,未紅又唔至於,不過她拍完《逃避雖可恥但有用》真係好紅,好多廣告商都搵她代言。下季《Code Blue 3》收視唔樂觀,因為今季富士月九《貴族偵探》得11.8,以首集計其實唔合格,尤其卡士陣容豪華,加上傳統推理劇題材,都吸引唔到觀眾,證明日本觀眾已經離棄富士。事實上醫療劇係日本太多,《Code Blue 3》唯有靠觀眾情懷爭取收視,如果唔係都幾難吸引觀眾。《律政狂人3》女主角換走新垣結衣,堺雅人間事務所話要俾夏目三久做女主角去谷她的人氣,況且新垣結衣唔會連續演出兩套劇,加上堺雅人對拍法律劇興趣唔大,因此《律政狂人3》機會唔算太大,仲有《半澤直樹》係堺雅人成名作,加上富士係弱台,完全想像唔到堺雅人會為演出《律政狂人3》而拒演《半澤直樹2》。

就算以深夜劇去計,《勇者義彥和被引導的七人》收視都唔算高,咁今季東海電視台套深夜劇《犯罪症候群》首集5.8,係唔係收視好同有迴響,《你還是不懂群馬》都係得第一集收視高,就算上季月九收視差極都無一集低過佢,電視台買劇喜好未又係觀眾口味行先,好似台灣緯來日本台偏愛愛情劇,今季日劇緊貼《我命中注定的人》,而卡士都係吸引觀眾手法,如果無卡士點宣傳,見台灣電視台買《A LIFE》都唔買《四重奏》緊貼,證明卡士大過劇情。《四重奏》有口碑,但口味唔適合主流觀眾,收視差點會吸引廣告商,《交響情人夢》係翡翠台首播,唔cut就新聞點播晒成套劇,而J2重播將《交響情人夢》重新剪輯,我睇晒成套劇連特別篇,鍾意音樂一定會鍾意這套劇,相對上對音樂無興趣就唔會鍾意睇。

發表於 Posted on: 2017-04-19 18:09

吉成千奈美
帖數 Posts: 1516
回頂端 / Top
吉成
TVB係8點半又轉檔改播《射雕》,理由係香港人更武俠劇多D,仲話TVB沒抽起《三生三世十里桃花》添,TVB宜家連講大話都唔識講,分明就系怕ViuTV《雲畫的月光》同奇妙套《鬼怪》先改陣,不過這套劇苗僑偉同呂良偉係度都唔知吸引到幾多客
BTW,其實有奇妙真係沒心搞免費台,佢連大氣廣播果筆錢都唔捨得出,何以見得會用果筆錢來搞免費電視台,唔止動漫迷,就連日韓劇迷都唔睇好有線會搞好免費電視台,另外永升接手有線,好多人開始擔心有線會好似TVB咁狂買大陸劇

發表於 Posted on: 2017-04-21 11:00

煲劇
帖數 Posts: 57
回頂端 / Top
回應:煲劇

講真TVB知5-6月淡季收視差先放大陸劇攝期,如果真係怕ViuTV《雲畫的月光》同奇妙套《鬼怪》先改陣,咁就應該放韓劇《藍海傳說》落翡翠台8點半檔拉客,套劇話晒有香港人熟悉的全智賢同李敏鎬,而唔係J2播咁浪費,更何況播個套《射雕》無一個明星係香港人識,收視更難睇好,而《三生三世十里桃花》收視一定朴梗,同去年播大陸劇《琅琊榜》一樣唔適合香港觀眾口味。

事實上TVB係翡翠台黃金時段播咁多大陸劇,班高層明知大陸劇收視差,一樣年年播,都係講緊大話,話就話播外購劇可以增加觀眾視野,實際上係借此方便播大陸劇的藉口,TVB班高層係大話精就預了,又唔好見翡翠台黃金時段播日劇,韓劇或台劇,我唔信大陸劇質素好得過日劇,韓劇,其實TVB已經逐步將翡翠台變成大陸台,所以J5大陸台角色先可以慢慢擦走,原因係翡翠台影響力比起J5有用得多。

另外有線已經將大部分股權賣俾永升,所以奇妙唔申請大氣電波係整靚盤數賣好價錢,而永升接手後一定會申請大氣電波,從而增加收視同廣告,更何況永升想利用大氣電波進入大陸市場,至於永升會唔會好似TVB咁狂買大陸劇,睇個勢佢想借有線個名淡化大陸台形象,所以開台初期應該唔伯,而日韓劇方面有線由去年開始買入好多,反而大陸劇得一套,咁如果想係TVB手上搶觀眾,斷估唔會倒自己米。

發表於 Posted on: 2017-04-22 3:18

吉成千奈美
帖數 Posts: 1516
回頂端 / Top
我一向都有睇開兩位既討論,本來都無諗過留言XD 但係見到兩位提起初森べマーズ呢套 我就想問啲野 其實我自己好鍾意主演呢套戲既乃木坂46(唔知你地有無聽過)我自己亦有係網上睇過但係我想知係咪依家係TVB或者viu TV 有播? 同埋我覺得呢套除左最尾 其實佢係一套逗比戲w 而你最鍾意個個奧斯卡角色個個演員叫生駒里奈 佢真係好得意 雖然個人較為鐘意09

發表於 Posted on: 2017-04-22 9:57

呀雷
帖數 Posts: 38
回頂端 / Top
吉成千奈美
今日終於考完所有筆試,只係爭英文口試。雖然有好多人話中文都仲好難,但我覺得中文比往年淺,起嗎今年閱讀理解問個爾字點解呢題係人都識,不過又唔可以話最淺,最淺係2014年個屆問第九味;作文揀左談憤怒,因為其餘兩題完全無idea,所以穩陣起見,寫談憤怒;聆聽算淺,但綜合都係要寫得快,而我都做得曬,應該唔大問題。英文我反而覺得好難,閱讀理解part a雖然超淺,但part b2(即係比較難個part)都幾難;作文寫elderly home已經離左題,因為我寫左老人院對老人家嘅好處,而唔係考評局要求寫個活動對老人院嘅好處,都唔知英文會唔會被作文拖低個grade;聆聽比往年難,需要一對摩打手,好在平時訓練有素,寫到曬,綜合我揀左b2,算係比較淺。數學本身唔差,但睇番marking發覺有好多好大意嘅錯,例如抄錯數字,搞到答案無分,連帶之後幾part都計錯,唯有希望有step分。m1比往年難,尤其是問關於微積分。我都覺得通識第2條關於中國滅貧會比較難,但第1同3條其實唔算特別難,都可以做到,至於paper 2我寫左快速時裝,當時好快已經決定唔左濕街市個題,完全睇唔明咩wet market,i-chicken個啲嘢,我當時仲以為係關於基因改造雞,後來先知關於濕街市,所以猶豫緊揀快速時裝定電子煙,但見到快速時裝有條問多大程度同意,呢類題型係我強項,所以揀左快速時裝個條。physics無咩信心,早知一早drop左就算。chem好淺,應該唔錯。今日考bio,分卷基本上係獎勵有溫習嘅人,唯獨有題問點解題目俾嘅資料可以證明scientists變得open-minded有啲怪,paper 2問閉氣時嘅身體反應,腎之類嘅嘢同biotech都算淺。整體黎講我對於中文,chem,bio比較有信心,對英文,phy同m1無咩信心。
好抱歉依家先入正題。我係睇左《初森壘球團》先嘅,之後睇《熱血水球青年》,貪時間夠短同唔需要用腦,《熱血水球青年》睇開頭以為好似《初森壘球團》咁係一集ko一成員,但好似用左2-3集講主角點樣ko就講佢地點團結,相對無《初森壘球團》咁好睇,結局又學tvb玩餅印,不過睇呢嘅時候以為睇緊《弱者也能取勝》,甚至後黎留意到卡士同《有喜歡的人》差唔多。

發表於 Posted on: 2017-04-24 23:28

UIE1017
帖數 Posts: 1499
回頂端 / Top
《初森壘球團》最後個幕又唔係特別感動,睇完就算,不過最後見到好似有番外篇。《熱血水球青年》其實都係走偶像路線,好似專登講橋本環奈咁,比較突兀。《女醫神Doctor X最強反擊》幾好睇,大門失敗係最深刻,不過開頭以為青木崇高係壞人,點知係好人,不過佢呢個角色似乎大材小用。balloon shooting好似幾好玩咁,上集講gogo sweeper好似幾好玩咁,我本身好鍾意渣車,見到都真係想玩。唔知點解依家開始唔想見到星野源,有啲煩,又唔係唱得好,不過有集山本彩獨唱《365日的紙飛機》,應該係真唱,唱得唔錯,起嗎無走音先。你唔講我都醒唔起,tvb播到《奪愛、冬》嘅影片真係奇怪,背後原因真係唔知點解,可能段片包入music station版權掛!gem tv起嗎透過now收費電視播,應該有唔少顧客,但睇唔睇又係另一回事。照計渡邊麻友呢套劇都會被viutv買,呢套劇係《AKB戀工場》嘅獎勵,viutv應該順手買埋,好似《警視廳 印尼炒飯課》咁。《IQ246》本身收視麻麻,如果係咁,當《IQ246》收視跌,《Career》應該會受惠而升,但又見唔到《Career》有大升,反而響地位徘徊,證明《IQ246》收視唔係影響《Career》收視嘅因素,導致《Career》有呢個收視嘅原因應該係弱檔問題。至於《逃避雖可恥但有用》響火十播有高收視係靠之後迴響,第一集收視都係得10%,而之後係靠套劇嘅口碑同tbs嘅猛烈宣傳而導致有高收視,見到《四重奏》都會落番普通水平,如果話係因為題材問題,咁上年《毫不保留的愛》都應該有高收視啦,至於今季點解《其實並不在乎你》能夠有11%暫時唔太肯定,要睇第2集收視,劇集質素同觀眾口碑先可以下定論。

發表於 Posted on: 2017-04-24 23:54

UIE1017
帖數 Posts: 1499
回頂端 / Top
原來TVB無播《IQ246》個集係第八集稻垣吾郎客串,咁可以肯定你嘅推測再次被確定。見到新垣結衣短髮髮型有啲唔順眼,都係鍾意佢長髮髮型。今季富士月九《貴族偵探》得11.8%,照計好大機會落到單位數,但呢個應該都係一個踏腳石,逐步將收視由谷底回升,《Code Blue 3》收視肯定差過上兩輯,但應該好過《貴族偵探》。有時啲人個心想點都唔知,所以都唔可以排除堺雅人演出《律政狂人3》而拒演《半澤直樹2》呢個可能性,畢竟有太多變數。《犯罪症候群》暫時未見有任何迴響係真,但呢個只係個別例子,始終要睇大部分嘅例子,而唔係單一例子,《勇者義彥和被引導的七人》雖然大結局跌入2%,但前11集都有3%以上,當中更有2集有4%以上,響深夜12點黎講算係高收。無錯,《你還是不懂群馬》第一集收視高,但之後3集收視都高,向來凌晨1點嘅收視都係徘徊響1-2%,前年《監獄學園》有3%已經算唔錯,更何況呢套有5%,之後3集有3%以上?月九有1集收視得5%,低過《你還是不懂群馬》第一集5.3%。照你咁講,即係電視台買劇以觀眾口味同卡士未先,係咁wakuwaku japan就唔會買成堆深夜劇同wowow劇啦!如果卡士大過劇情,咁《謊言戰爭》一早被人買左啦!聽你咁講,我都係睇左《交響情人夢》先,因為我真係好鍾意音樂!

發表於 Posted on: 2017-04-25 0:17

UIE1017
帖數 Posts: 1499
回頂端 / Top
回應:吉成
《射雕》有苗僑偉同呂良偉,見到討論區討論就為左佢地兩個,而且好多人話TVB將《三生三世十里桃花》同《射雕》調轉檔期播係明智嘅決定,其實大陸劇係有高質素,只不過係屈指可數,而且唔係為左討論劇情,好似《琅琊榜》咁,係唔適合香港人口味,但系高登仔去討論係為左學梅長蘇D權术來對抗中央,還有大陸近期熱門劇集《人民的名義》,高登仔有討論係為左借呢套劇來諷刺中共,不過大陸用美劇《紙牌屋》來做比較真係玷污左《紙牌屋》呢套劇,如果香港有電視台播,睇怕香港人只會大肆討論中共敏感政治議題,唔會同你認認真真跟大陸嘅言論來討論呢套劇
其實有線呢幾年業績大幅下滑,所以點整盤數都唔會好到去邊,有線唔玩大氣廣播果陣好多人都話係有線見電盈業績差左,想縮渣唔想玩大氣廣播,而永升接手有線之後又唔玩,HKEPC果班人又係度挑撥是非了

發表於 Posted on: 2017-04-25 14:40

煲劇
帖數 Posts: 57
回頂端 / Top
回應:煲劇

《射雕》係香港家傳戶曉的武俠小說改篇,點都有一班捧場客支持,加上新舊劇版本比較容易吸引觀眾,同《三生三世十里桃花》連劇名故事都唔知做緊咩,班慣性觀眾實會轉台唔睇,況且大陸收得唔代表香港收得,《琅琊榜》已經係一大敗北之作。事實上大陸劇高質素極有限,集數長,節奏慢已經係死症,更何況大陸劇高質素又係翻拍中國歷史劇,忠於原著唔細作,係人都識寫,應該要讚以前祖先留下寶貴遺產。

另外高登討論區近年混入唔少大陸打手,所謂討論大陸劇的都係佔少數,雖然我無個度account,但有時上去睇都發現些少,其實近年TVB將大陸劇放係翡翠台播,目的好明顯借大陸劇消滅本土劇,之後慢慢香港大陸化,再加埋單程證每日150個,好快本土香港人就會變成少數。

至於有線自從2012年奧運轉播權單嘢蝕大本,原本想住奇妙電視係2012年開到台,點知政府玩嘢唔發牌,加上亞視又阻撓發牌,結果未拖到去年先搞,講真有線唔申請大氣電波同要起發射站有密切關係,反而Viu TV唔細再投資起過,已經唔同講法,hkpec班人係TVB,唔挑撥是非打擊對手就唔正常。正如大陸劇係香港無市場,hkpec班人都盲目支持大陸劇收得,因為TVB政策係點,佢地都要跟隨。

發表於 Posted on: 2017-04-26 0:38

吉成千奈美
帖數 Posts: 1516
回頂端 / Top
回應:呀雷

《初森壘球團》去年係Viu TV開台時已經播了,都播完了好耐,講真套劇正如UIE1017所講頭兩集真係唔得,不過之後每集鋪排每個人故事背後感情都好細緻感人,而乃木坂46都係睇完這套先識晒所有成員,之前係Music station聽過這對組合唱歌,不過就好少留意,直至睇完這套劇先真正有興趣了解乃木坂46。講真單睇劇角色討好度就一定西野七瀨,又有魔球,團結隊友,最後仲靠她嬴致勝一球,真係無人能及。09係唔係即係橋本奈奈未,都畢了業,鍾意她係唔係性格夠cool,做事豪邁,我個人鍾意睇樣多d,所以選擇生田繪里花。

發表於 Posted on: 2017-04-26 0:57

吉成千奈美
帖數 Posts: 1516
回頂端 / Top
回應:吉成
奇妙已經公佈節目表,D節目安排及其混亂,80集的《同伊》日日播,仲要播半集,反而第二線劇集就用《六扇門》來對打TVB套《射雕》,而《六扇門》有林峯同方中信,而且係主角,點都會留住客,至於日劇睇官網節目表黃金時段同非黃金時段都沒安排,動畫都系重播有線兒童台,而早上時段寧願狂播財經資訊節目都唔肯放多D新聞去奇妙77台播,不過奇妙一開始已經好多人唔期望佢會大搞免費電視台,所以都唔會持失望態度了
至於當年政府玩嘢唔發牌,仲有一個傳聞係當年有線大肆報導梁振英女兒果單嘢,梁振英就用職權報復有線,先導致咁嘅局面,而2012年奧運轉播權單嘢蝕大本,完全係有線自己攞來衰,自從呢單嘢有線形象大幅插水
PS:有人仲推測TVB係830時段播大陸劇係為左慶祝香港回歸20週年向中央示好

發表於 Posted on: 2017-04-26 11:43

煲劇
帖數 Posts: 57
回頂端 / Top
回應:煲劇

剛剛上了維基睇奇妙節目表,節目安排完全針對翡翠台部署,80集的《同伊》日日播明顯係打翡翠台7點檔大陸劇,而日日播都係盡快清版權,更何況係舊劇吸引力有限,不過點都好過Viu TV係5-6月播泰劇趕客,暫時來睇7點檔各間電視台都係播劇,至於第二線劇集播大陸劇都係趕客,就算有香港演員林峯同方中信,但拍出來都係大陸味重,唔知Viu TV會唔會因此而受益。第三線劇集播韓劇《浪漫醫生金師傅》,又係同TVB劇集對打,唔知J2精選日韓劇會唔會播翻新劇迎戰。咁搞法Viu TV係930之後堆自製劇同真人騷會無人睇,至於日劇又係重播有線劇集台個堆,多數放係一至五晚播,更何況宜家有線劇集台都無再點區分日劇,韓劇時段。動畫方面都係滿足免費電視台牌照要求,反而青少年節目又唔見有,而平時朝早至下午明顯Hea做,仲有放新聞落朝早播,得於收費新聞台免費化,咁收費台吸引力何在,好老實講相對Viu TV去年節目表編排真係做得唔錯,係今年4月變陣後愈做愈衰。

另外有線自從2012年奧運轉播權蝕大本後,對免費台開台已經無咩興趣,所以就算梁振英就用職權報復有線,令奇妙開台延期,最多未失去免費數碼頻譜,況且Viu TV都係早奇妙開台一年,唔佔據幾多優勢,報復唔到有線,有線宜家都賣盤唔做,而有線當年高價投奧運轉播權,係預計政府會好快發到牌,點知最後無免費台,要賤價將版權賣俾TVB同ATV對自己完全無利。講真TVB去年獨播奧運都唔見得好,始終奧運多項目,一間電視台根本無可能播得晒,其實幾間一齊投,大家播d,最後觀眾得益。

其實TVB自從2014年起係翡翠黃金時段播大陸劇,已經同大陸示好了,只不過今年係香港回歸20週年咁解,先俾人搵到位入,完全無意思,宜家J5劇場廢埋,睇個勢翡翠台黃金時段有一檔固定做大陸劇可能性愈來愈大。

發表於 Posted on: 2017-04-26 13:21

吉成千奈美
帖數 Posts: 1516
回頂端 / Top
J25月13日晚逢星期六日晚播《僱傭妻子》,又會走番舊路嘅?

發表於 Posted on: 2017-04-26 15:09

UIE1017
帖數 Posts: 1499
回頂端 / Top
回應:UIE1017

照計TVB唔想《A LIFE:深愛的人》咁快播完,先暫時性改翻一星期播一集,話晒套劇算新,同廣告合約贊助,而J2係5月13日播《僱傭妻子》六日晚播維持原有模式,講真《僱傭妻子》係myTV Super播完好耐,仲一星期播一集好趕客,不過一次過播可以快d睇完唔細咁吊癮。

發表於 Posted on: 2017-04-26 15:49

吉成千奈美
帖數 Posts: 1516
回頂端 / Top