tvb.com

 
 
tvb.com
 

TVB日劇討論

今日出左冬季日劇日劇學院賞,一如預期,《阿淺來了》幾乎包辦所有獎,包括女主角獎,男配角獎,主題曲,編劇,導演同埋特別獎,《直美與加奈子》高畑淳子亦攞到女配角獎,呢個亦無容置疑,不過男主角獎由高良健吾攞,我就覺得唔值,雖然《思戀哭泣》劇情唔錯,但高良健吾演技唔算突出,我覺得長瀨智也響咁多個入面先值得攞呢個獎,怪就怪無咩fans。

發表於 Posted on: 2016-05-11 16:27

UIE1017
帖數 Posts: 1496
回頂端 / Top
J2係5月24-27日凌晨12:35播日劇<聖女>,真係估到估唔到播這套,照計TVB用這套劇頂期多,根本唔係常規日劇檔,預期係咁不如將叢林的法則(第五輯)改去星期六日下午播,Running man改去星期日晚8:30-10:30播,之後播兩小時日劇,而星期六晚8:30改播J2靚聲王,韓劇未生提前至9:30,而11:30-12:30播兩套動漫,咁改法可能仲好。

發表於 Posted on: 2016-05-15 13:39

吉成千奈美
帖數 Posts: 1508
回頂端 / Top
吉成千奈美
我覺得最估唔到反而係出得咁急,而《聖女》唔係打《情歌》,反而打《惡作劇之吻2》重播,而頂期都預左,原因係下個禮拜無馬跑,係咁唔知暑假個段時間會唔會狂播日劇呢?

發表於 Posted on: 2016-05-18 19:31

UIE1017
帖數 Posts: 1496
回頂端 / Top
回應:UIE1017

其實宜家J2日日狂賣《聖女》預告,證明TVB真係怕Viu TV套《情歌》搶到客,講真TVB近年係免費台cut日劇檔,已經令不少觀眾留向Viu TV,出《聖女》都係想塞住日劇迷把口,係人都知這套劇無咩殺傷力可言,仲有TVB宜家幫緊Viu TV下套劇<直美與加奈子>宣傳,因為有廣末良子演出,不過TVB播這套好大機會係買NHK晨間劇<阿淺>,兩套劇同係大森美香編劇,仲有《惡作劇之吻2》都就快播完,打來仲咩,事實上J2用無馬跑時段狂播日劇去補償J2星期六日劇時段根本無可能,咁TVB未要播好多日劇,同近期取消J2星期六日劇時段原意不符,始終TVB想藉cut時段焗人上客myTV Super。

發表於 Posted on: 2016-05-18 23:30

吉成千奈美
帖數 Posts: 1508
回頂端 / Top
吉成千奈美
當跑馬停兩個月,而一星期有五晚可以播,每次播兩集,即係可以播8套日劇,依家tvb有成二十幾套日劇未響免費台播過,所以唔驚無劇播。viutv播完《偵探的偵探》會播《大人女子》,播完《年齡騷擾》播《信長協奏曲》,兩套劇卡士都好勁,不過我睇過《信長協奏曲》就會聽配音版,《大人女子》未睇過會聽原聲,不過唔知viutv會唔會播《旅館花嫁》呢?

發表於 Posted on: 2016-06-02 21:51

UIE1017
帖數 Posts: 1496
回頂端 / Top
回應:UIE1017

TVB邊會咁好死趁跑馬停播期間,係J2馬會節目時段每晚連播兩集日劇,見上兩星期播套兩年前NHK舊劇《聖女》,都估到TVB旨在播低收視日劇攝期,就算有日劇播,都唔妨係有卡士高收視日劇,仲有J2係6月尾上咩新日劇都未公佈,就知TVB有幾重視日劇,何況TVB宜家力谷myTV Super,點會係免費台播咁多日劇頂爛市,看個勢TBS堆日劇多數唔係免費台重播。

另外Viu TV播完《偵探的偵探》會播《大人女子》,應該吸到師奶客,尤其係江口陽介係師奶以前的夢中情人,加上都市愛情劇,點都比偵探劇吸引,仲撞正翡翠台播大陸劇可以乘機吸客,收視應該會上升。而播完《年齡騷擾》播《信長協奏曲》,即係代表以後Viu TV係星期六日朝早日劇時段只會重播Now101台播過堆日劇,話唔定《晝顏》遲下會係星期日朝早重播,而Viu TV重播舊富士月九《信長協奏曲》,係唔係為買新月九鋪路,而Viu TV播《旅館花嫁》會唔會係放係星期一至五下午播,主要用來頂朝早時段期。

發表於 Posted on: 2016-06-04 18:51

吉成千奈美
帖數 Posts: 1508
回頂端 / Top
17/6 2305 前女友俱樂部
26/6、3/7 2300 IMAT 非常救援隊
10/7、17/7 2300 IMAT 非常救援隊2
26/6 2405 Working!!!無聊西餐廳3

發表於 Posted on: 2016-06-05 11:35

煲劇
帖數 Posts: 54
回頂端 / Top
實在太好,有得播《IMAT非常救援隊1,2》,之前想響myTV Super睇,但結果無時間,搞到試用期就快過,一套野都無睇,浪費左添。
下季日劇感覺好懸殊,一係幾有實力,一係就好弱。
首先先講富士,月九有桐谷美玲《有喜歡的人》,山崎賢人,三浦翔平,野村周平合演,睇過套劇故事大綱,我就覺得應該唔錯,但《戀仲》幕後班底,有無辦法突圍而出呢?火十有波瑠《ON》,套劇係刑事劇,感覺走傳統路線,照計以套劇實力收視應該唔會太差,不過我就無咩興趣。木十有松島菜菜子《營業部長 吉良奈津子》,套劇收視係點好難講,單靠松島菜菜子好難吸客,不過最近宣布松田龍平會演男配角,我未睇過松田龍平嘅劇,不過松田龍平演咁多舞台劇,演技應該唔會差,加上有井上由美子,質素係有,收視就唔知。日九有中島裕翔《HOPE》,有山本美月,瀨戶康史,遠藤憲一,桐山照史等等合演,呢套係翻拍韓劇《未生》,我睇緊《未生》,成個故事唔錯,不過仍然有需要改善之處,希望日劇版可以響有限篇幅描寫最多野,不過收視都係好難講,中島裕翔之前搞母子戀,係正面影響定負面影響都未知。
NTV水十有北川景子《賣房女子》,工藤阿須加,仲村亨等等合演,大石靜編劇,感覺又係職業加幫人,都係個類劇情,所以就算有北川景子,都無咩興趣,不過以水十強勢,收視應該唔錯。土九有黑島結菜《穿越時空的少女》,菊池風磨,竹內涼真,吉本實優同加藤成亮合演,故事應該唔錯,但卡士弱。故事可能會有深度,不過有無收視又係好難講。日十有藤原龍也《然後,誰也不在了》,黑木瞳,玉山鐵二,伊野尾慧合演,故事相當吸引,演員亦係實力派,故事應該會好有水準,不過收視應該都係麻麻,呢類劇向來唔係太多人鍾意,加上日十收視偏弱,好難有高收視。

發表於 Posted on: 2016-06-10 23:39

UIE1017
帖數 Posts: 1496
回頂端 / Top
TBS火十有武井咲《毫不保留的愛》,瀧澤秀明合演,又係不倫劇,故事感覺就好似唔錯,不過配角偏弱,我就唔係話特別有興趣,但日本觀眾可能會鍾意,照計應該都係徘徊響8-9%。金十有向井理《擁有神之舌的男人》,木村文乃,佐藤二郎合演,據聞話套劇籌備左一年幾,成個故事都好特別,走冷門路線,好怪,但我都幾鍾意,希望套劇響胡鬧中可以有番小小深度,不過睇怕都係好難有高收視。日九有寺島聰《仰望師恩》,多部未華子同一班唔知咩演員合演。卡士極弱,但據聞係《ROOKIES》吹奏樂版,《ROOKIES》收視唔錯,不過講緊係好多年前嘅事,依家能唔能夠吸引觀眾好難講,不過套劇似係走TBS日九傳統路線,收視應該唔差,但亦唔會好得去邊。
朝日木九有尾野真千子《初次見面,我愛你》,江口洋介合演,遊川和彥編劇,以養子做題材,可能會唔錯,會係黑馬都未定,但如果套劇走感人路線可能會有唔錯收視。金十一有剛力彩芽《首相閣下的料理人》/《Gu. Ra. Me 總理的料理人》,高橋一生等等合演,我對呢套劇都幾有興趣,不過據聞觀眾再次討厭剛力彩芽,加上依家套深夜劇《救護車》收視唔好,照計收視會差,徘徊響3-6%。
至於深夜劇暫時無咩太大興趣。
總括而言,我一定會睇嘅劇集有《HOPE》,《然後,誰也不在了》,《擁有神之舌的男人》,《首相閣下的料理人》同《初次見面,我愛你》,觀望下嘅有《有喜歡的人》,《營業部長 吉良奈津子》,《穿越時空的少女》同《毫不保留的愛》。

發表於 Posted on: 2016-06-10 23:40

UIE1017
帖數 Posts: 1496
回頂端 / Top
吉成千奈美
6月尾會播《IMAT非常救援隊1,2》,不過都已經係2013年劇集,唔知有無電影呢?《晝顏》點都會播,我有睇過,我反而想viutv播《BORDER》,套劇有收視有口碑,不過應該短期內唔會播,無理由有兩個時段都有小栗旬,《ST紅與白的搜查檔案》之後似係播《晝顏》或者《再倒數第二次戀愛》。之前viutv播《媽媽生存的證明》,你有無睇?now依家播《旅館花嫁》,不過已經好舊,都唔知會唔會過左版權期限。

發表於 Posted on: 2016-06-10 23:47

UIE1017
帖數 Posts: 1496
回頂端 / Top
回應:UIE1017

J2係6月尾播兩集SP《IMAT非常救援隊1,2》,仲要分開4集播,認真縮皮,同Viu TV係星期日晚播《民王》,《Specialist》SP都係一氣苛成播晒,Viu TV真係好過垃圾J2多多聲,夜播仲要分開兩集播舊劇,真係睇唔睇都罷,反正Viu TV堆日劇都睇唔晒,而我估J2播《IMAT非常救援隊1,2》旨在攝期,之後就用來播動畫電影,即係話J2係暑假好大機會停播日劇,而《IMAT非常救援隊1,2》多數無電影,又唔係連續劇有一定觀眾群可以支持票房,係成功都要將《IMAT非常救援隊1,2》系列化係連續劇上先。

另外Viu TV播完《ST紅與白的搜查檔案》後,唔知好似星期六朝早重播Now101台日劇定播首播日劇,照計免費台牌照規定免費台唔可以重播一定時數的收費節目,所以Viu TV可能買Gem TV播過堆NTV日劇當首播。仲有Viu TV係星期一至五朝早重播韓劇《九家之書》都成三年前,唔知Viu TV可唔可以重播《最完美的離婚》,《Going My Home》,《海上診療所》堆日劇。

事實上《BORDER》應該會係Viu TV重播,只係唔知幾時播,而Viu TV重播邊套劇代表Viu TV將會買某時段劇的暗示,照計Viu TV重播富士月九《信長協奏曲》,即係代表Viu TV會買下季月九,而《晝顏》同《再倒數第二次戀愛》都係富士木十劇,就好大機會重播,《BORDER》重播要等Viu TV買朝日劇要有可能,而我仲未睇《媽媽生存的證明》,你有無睇,不過就有錄影,Now係收費台播《旅館花嫁》,應該係準備定遲下放係Viu TV一至五下午鎖定婦女時段,想食主婦市場。

發表於 Posted on: 2016-06-11 18:11

吉成千奈美
帖數 Posts: 1508
回頂端 / Top
吉成千奈美
播唔播電影都未知,,有可能唔播電影,不過特等整到7月中完,應該有電影播,《血色草莓夜》電影版應該會播,再加一套電影,唔知會播咩呢?如果viutv真係有得播ntv日劇就好啊,但有得買先算啦,依家都唔肯定ntv日劇仲會唔會響免費台出現。《最完美的離婚》,《Going my home》應該唔會播,但《海上診療所》就一定唔會播,之前仲響viu app出現,到今年年頭突然消失,可能因為版權過左,所以應該唔會播,不過唔知點解《我存在的時間》一直未落架,到底now日劇版權係點呢?如果播《再倒數第二次戀愛》,我一定要睇番《倒數第二次戀愛》先得。《媽媽生存的證明》上年睇左,我就覺得唔係話特別好睇,又唔係特別悶,唔係特別感人,所以唔洗咁快睇。now觀星台居然會響6月播原音版《情歌》,搞咩呢?唔怕客戶投訴咩?

發表於 Posted on: 2016-06-13 16:52

UIE1017
帖數 Posts: 1496
回頂端 / Top
回應:UIE1017

J2年年係暑假都會播電影去迎接動漫節,仲要無啦啦係星期日晚日劇時段播兩集SP頂四星期,即係TVB已經預留了星期日晚日劇時段去播電影,所以如果該時段唔播電影,就真係唔明TVB點解要播套兩年前的日劇SP《IMAT非常救援隊1,2》,唔通真係純粹為日劇台7月上《阿淺來了》做勢咁簡單,而《血色草莓夜》當年都唔係J2播,而電影版放J2播好似唔夾,仲有電影多數上由動漫改篇的電影。

另外Now同Gem合作,而Gem要買咁多套NTV日劇,單靠Gem收費客戶都未必夠買劇費用,所以Gem賣免費版權NTV日劇俾Viu TV,反正Viu TV一年後先播得NTV日劇,而Gem又有錢買新NTV日劇,況且NTV都想免費台播NTV日劇去宣傳自己個台,所以NTV節目唔會無得係免費台播。

照計日劇版權得兩年限期,係兩年限期內唔播就要再俾錢續期,《最完美的離婚》,《Going my home》同《海上診療所》已經過了期,唔會播,至於《我存在的時間》仲未係Viu app落架,即係代表Viu TV仲有機會播,究竟會唔會接《ST紅與白的搜查檔案》後播,清埋免費版權,照計唔睇《倒數第二次戀愛》,都睇得明《再倒數第二次戀愛》,《媽媽生存的證明》係唔係唔係特別好睇,無時間可以唔睇住,Now觀星台播放日劇模式都係播完無耐,就放係Viu TV重播,而《情歌》咁貴買返來,唔盡快係免費台同收費台播根本好難回本,尤其《情歌》係全球海外獨家首播,版權費應該係天價。事實上Now觀星台同Viu Apps播日劇一樣有衝突,但又唔見有客戶投訴。

發表於 Posted on: 2016-06-13 20:28

吉成千奈美
帖數 Posts: 1508
回頂端 / Top
一如所料,tvb有買《遺產爭族》,叫《爭產家族》,我相信呢套一定會響免費台播,幫《溏心風暴3》做勢,日劇台亦會播《重版出來!》,叫《給力!漫畫社》,睇怕免費台唔會播,都係上網睇啦!tvb買左中島裕翔《熱血水球少年》,好大機會會買《HOPE》。另外韓劇台搞咩?新劇全部都好冷門,莫非viutv真係太勁,搶曬韓劇?

發表於 Posted on: 2016-06-17 14:26

UIE1017
帖數 Posts: 1496
回頂端 / Top
回應:UIE1017

Viu TV一早同韓國五大電視台簽晒合作協議,所以所有韓劇基本係晒Viu TV度,而韓國五大電視台之所以肯同Viu TV合作,同TVB過往只將韓劇放係J2,仲要愈來愈夜播,對他們想係香港宣傳作用有限,因此就算TVB出幾高價都無用,而J2係星期六新增韓劇時段目的就係討好韓國電視台,希望佢地繼續賣劇俾TVB,而韓劇台播新劇全部都好冷門會陸續有來,而Viu TV唔買韓國歷史同長篇劇,因此TVB只可以買這段韓劇播。

另外TVB仲買到高收視日劇,都係全靠之前一早同TBS簽買劇協議,如果唔係一樣同韓劇情況差唔多,而TBS買劇協議到期後,到時TVB都未必買到高收視日劇,而TVB應該一早買了《爭產家族》,但點解咁遲先播,而朝日木九劇真係輪住買,看怕夏季木九係Viu TV買多,仲有TVB拍《溏心風暴3》都係下年的事,仲有J2得翻一段日劇時段,走去播這段劇會唔會浪費一個檔期,仲有如果要幫《溏心風暴3》做勢,不如重播一二輯未仲好,而免費台好少重播TBS日劇,所以《給力!漫畫社》都係自己上網睇,無謂等J2重播,至於TVB播《熱血水球少年》真係為買中島裕翔套《HOPE》,見J2重播韓劇《未生》都知TVB買硬。

其實TVB韓劇存貨愈來愈少,但日劇就無時間清,不如J2係星期六晚播一集足本版韓劇再加一套日劇,反正星期六賽馬節目順延都無所謂,反正無人睇。

發表於 Posted on: 2016-06-17 21:05

吉成千奈美
帖數 Posts: 1508
回頂端 / Top
吉成千奈美
你都知tvb依家點樣,睇怕都係求其播一兩套電影算,有套現成唔駛煩,又點會唔播呢?《媽媽生存的證明》唔係話唔好睇,但亦唔係特別好睇,唔算特別感人,無咩感覺。
韓國有邊五大電視台?SBS,KBS,MBC,tvN同咩?雖然viutv唔買韓國歷史長篇劇,但仲有有線買,tvb可能連長篇劇都無。下季有向井理《擁有神之舌的男人》,話唔定播完《爭產家族》就播呢套,不過呢個名咁長,我估tvb可能會改做《神舌男人》。tvb好似唔係話特別鐘意尾野真千子,可能真係viutv會買,如果係咁,即係話viutv可能只係緊貼《營業部長 吉良奈津子》,如果唔緊貼《初次見面,我愛你》,就可能會緊貼《有喜歡的人》,不過有時又好怪,話唔定《HOPE》有機會由viutv買,之前台劇《命中注定我愛你》由tvb買,韓劇由now買,日劇《深夜食堂》由tvb買,韓劇同台劇由now買。我相信tvb遲下一定會加一個日劇檔期,依家每個星期重播日劇兩個鐘,首播得一個鐘,唔加劇檔就無辦法俾重播劇檔播劇,只能無限重播。

發表於 Posted on: 2016-06-20 13:24

UIE1017
帖數 Posts: 1496
回頂端 / Top
回應:UIE1017

其實J2係7-8月唔細馬,即係馬會節目時段真空了成個星期,而J2動漫節電影好大機會用星期六日深夜凌晨播攝期,一來可以響應J2動漫熱,二來唔細影響J2原有黃金時段節目安排,仲有播動漫電影零收視同廣告,今時今日唔係得TVB一個台,TVB班高層見黃金時段播大陸劇死得咁慘,仲會肯俾J2係7-8月蝕廣告費,所以我估J2係星期六凌晨播日本真人版電影,星期日凌晨就播動漫電影,而播完IMAT 非常救援隊1,2,就會播富士月九《友人戀愛》,見日劇台近排重播《友人戀愛》,時間上又剛剛好,況且TVB可能想搶下季富士月九《有喜歡的人》而要播。

韓國五大電視台係三個免費台(MBC,SBS,KBS)加兩個收費台(tvN,JTBC),而Viu TV其實主力買韓劇都係三大免費台時裝劇為主,始終免費台卡士勁,容易爭取收視更易引起香港觀眾興趣,反而Viu TV好少要tvN同JTBC個堆劇,而TVB可以搶這堆劇,其實有線近年都無咩錢買劇,證明韓國歷史長篇劇價錢平,係TVB唔要,唔係買唔到。

發表於 Posted on: 2016-06-21 15:38

吉成千奈美
帖數 Posts: 1508
回頂端 / Top
另外日劇台播完《爭產家族》都未必可以咁快播到《擁有神之舌的男人》,TBS個堆劇要等日本播完先有得播,好似今季收視冠軍《0.1無罪真相》到今時今日日劇台都未播,而台灣緯來日本台都要係7月先播。Viu TV買《初次見面,我愛你》機會好大,見Viu TV今個星期六都重播Now觀星台播過的《大人女子》,兩套都有江口陽介演出,而江口陽介可以話係以前香港的師奶殺手,因此Viu TV買手可能會覺得播江口陽介演出的日劇吸引到觀眾。《營業部長 吉良奈津子》係富士木曜劇,而Viu TV之前都連續買入四套同時段劇,加上松嶋菜菜子主演,就更加係收視保證,正路應該入這套。

反而《有喜歡的人》似係TVB買多,Viu TV已經衰了套月九《情歌》,仲有無錢繼續同TVB爭富士月九都成疑問,況且《有喜歡的人》主打年輕演員,收視好唔好都成疑問,除非TVB真係同Viu TV爭《營業部長 吉良奈津子》,Viu TV先會考慮買這套,《HOPE》卡士弱,加上係日九弱檔播,收視唔妨好,以新台買手去想買這套唔吸引,而TVB又係J2重播韓劇未生同買中島裕翔的舊劇熱血水球少年就知TVB對這套有興趣,其實TVB都有試過買日劇同韓劇《仁醫》,《女管家三田》,《原來是美男》同《交響情人夢》,而TVB唔買《命中注定我愛你》同《深夜食堂》韓台版只係個別例子,又唔可以作準,TVB遲下會唔會加日劇檔期,就要看下星期六晚播完韓劇《未生》後點安排,事實上J2係星期六播韓劇無助收視不得止,仲差過之前,證明J2星期六晚收視差同成日播馬停播令觀眾流失,所以好大可能回復正常,而星期日深夜取消動漫檔去加半小時深夜劇去清深夜食堂3同孤獨的美食家4係有可能,始終Viu TV同時段播深夜劇已經搶了J2唔少客。

發表於 Posted on: 2016-06-21 15:39

吉成千奈美
帖數 Posts: 1508
回頂端 / Top
吉成千奈美
我搵左幾套漫畫改編嘅電影,可能性都大,包括有長澤雅美同岡田將生《純淨柔軟的心》,生田斗真《鼴鼠之歌》,剛力彩芽同山崎賢人《鄰居.同居》,川口春奈同福士蒼汰《只要你說你愛我》同埋能年玲奈《HOTROAD》,好有可能今年會播以上呢幾套。我反而估tvb之後會播《非常審查官》,《我討厭的偵探》,《最強名醫3》多,始終j2由《回家的鎖匙》之後狂播朝日劇,好大機會繼續播朝日劇。JTBC係咩呢架,從來未聽過,係唔係類似東視個種電視台,不過係收費嘅?TBS個堆劇未必一定要日本播完先得,《熟女求結婚》日本未播完就播,加上播完《爭產家族》,《擁有神之舌的男人》已經響日本差唔多播完,應該播到。秋季《女醫神Doctor X 4》一定歸tvb,而依家viutv猛烈攻勢,雖然以前tvb曾經連續7季買木九,但依家連續買三季木九劇機會應該好微,所以《初次見面,我愛你》真係好大機會歸viutv。我又唔覺《營業部長 吉良奈津子》收視可以好好,松島菜菜子依家人氣低,觀眾已經唔鍾意睇松島菜菜子,加上連tbs大製作sp都係得8%同10%,呢套劇睇怕都係叫好唔叫座。tvb都算係成日買桐谷美玲參演嘅劇,《有喜歡的人》應該真係由tvb買。如果《HOPE》卡士弱,《仰望師恩》卡士仲弱,《仰望師恩》得寺尾聰同多部未華子比較出名,其餘我真係聽都未聽過個名,但如果論收視同故事,兩個都不相伯仲,就算《HOPE》收視差,點都好過《OUR HOUSE》,不過tvb會唔會買《OUR HOUSE》呢?照計tvb cut 星期六日劇應該係因為想cut動漫,因為cut左動漫個半個鐘都唔知點算,播日劇兩個鐘班高層又會嫌多,所以應該係咁而播韓劇,所以除非tvb恢復星期六動漫,否則星期六日劇都應該無可能恢復,另外一個日劇檔應該會係其他時段多。動漫已經夠少,仲要cut星期日動漫?呢個行為只會引起動漫迷反對,見tvb響翡翠台重播動漫都知係為應酬班動漫迷,再cut嘅機會應該好低。

發表於 Posted on: 2016-06-25 11:13

UIE1017
帖數 Posts: 1496
回頂端 / Top
回應:UIE1017

其實J2為迎合動漫節先係一個月播動漫電影應節,而根據咁多年J2播動漫電影慣例,播真人版電影頂多兩至三套咁上下,你所講個段真人版電影都唔知TVB會唔會買,仲要香港戲院上過,TVB會唔會為動漫節去買都成問題,有可能求奇係電影台翻播兩套再加動漫電影,仲有就算有買,又係放係星期六日深夜播頂馬會節目期,咁都未必睇到,無記錯去年J2都有係星期日朝早播真人版電影,證明宜家TVB根本唔重視動漫節,所以唔好對TVB有期待。

而TVB係暑假期間要搞Amazing summer,《非常審查官》,《我討厭的偵探》,《最強名醫3》完全唔貼題,況且這類劇都已經舊,版權都過晒,要清日劇版權都清富士貴價個堆先,更何況TVB要買《有喜歡的人》就一定要播《友人戀愛》,所以《友人戀愛》係J2 7-8月播梗,如果要播貼合動漫節日劇,都係播《S-最後的警官》,《無間雙龍》個堆先,事實上J2播朝日劇都係《女醫神Doctor X2,3》,而《回家的鎖匙》係有木村拓哉先播,唔係TVB特別鍾意播朝日劇。JTBC規模類似Tokyo MX,不過係收費台,有少量自製劇咁解,其實又係tvN個類電視台,無咩特別。

發表於 Posted on: 2016-06-25 20:09

吉成千奈美
帖數 Posts: 1508
回頂端 / Top
另外《熟女求結婚》係日本播到一半,日劇台先可以播,而《0.1無罪真相》暫時播放無期,《給力!漫畫社》係日本播完先有得播,而myTV Super都唔可以係日本播完一日後即刻上架,證明TBS電視台對版權嚴,而《擁有神之舌的男人》係金曜劇,收視一向唔好,對TBS廣告收益唔算太大影響,所以照計日劇台等TBS播到一半就可以有得播。《女醫神Doctor X 4》係TVB買就一定,除非TVB自己放棄,Viu TV先有可能要到,而Viu TV近年都係買夏季朝日木九劇的常客,所以《初次見面,我愛你》好大機會係Viu TV,《營業部長 吉良奈津子》其實有以前富士《庶務二課》的影子,這類劇係日本有市場,就算觀眾唔鍾意松島菜菜子都好,如果可以複雜《庶務二課》成功方程式,又唔同講法。至於TBS製作套SP又唔可以代表松島菜菜子無人氣,好可能係題材問題。而《有喜歡的人》係唔係TVB買其實存在住好多變數,就算桐谷美玲的劇係TVB買開都好,始終富士劇係Viu TV買開,所以要睇Viu TV要唔要。講真宜家日本觀眾睇題材多過卡士,《HOPE》始終係職場劇易引起觀眾共鳴,相對上《仰望師恩》未必係現今觀眾鍾意的題材,兩者要比,《HOPE》收視會佔優。《HOPE》收視係幾多真係要到播了先知,但《OUR HOUSE》就一定係TVB買了唔播,就算《OUR HOUSE》收視差,TVB點都要買,始終宜家黃金檔日劇買少見少。

事實上TVB想cut日劇檔好耐,由去年開始cut高清翡翠台,之後到翡翠台,就算去年J2日劇檔首播時間都係朝早,重播係晚上,咁罷明係想陰乾日劇檔,藉收視差無廣告商贊助而cut檔,講真之高清翡翠台周六晚11:00有日劇檔,就算係想cut星期六動漫,改做兩個鐘日劇都未必夠時間清日劇台堆存貨,之前有傳余詠珊偏愛韓劇所以先係J2加檔,以致日劇檔被cut,而日劇檔可以係J5星期六晚11:00加檔去救J5收視,仲有J2星期五晚9:30一樣可以加翻日劇檔,但到目前為止都未見TVB有咩動靜,而動漫同日劇數量相比,罷明係前者較多,就算cut星期日動漫,都比Viu TV多,反而Viu TV播日劇比TVB免費台多,再係咁落去班日劇迷過晒Viu TV,再講動漫迷有幾何會睇電視,吸到客同廣告商。

發表於 Posted on: 2016-06-25 20:10

吉成千奈美
帖數 Posts: 1508
回頂端 / Top
>而動漫同日劇數量相比,罷明係前者較多,就算cut星期日動漫,都比Viu TV多,反而Viu TV播日劇比TVB免費台多,再係咁落去班日劇迷過晒Viu TV,再講動漫迷有幾何會睇電視,吸到客同廣告商。

完全反對呢種講法!單用日劇去同動漫比較梗係會動漫多啲啦,因為日劇畀人cut時段,變做韓劇嘛!但要比較就唔該apple to apple,即係用劇集同動漫去比,而唔係只係喺劇集度揀日劇來同動漫比。

事實上你應該用韓劇來同日劇去比,去睇吓一至六都播韓劇係咪過多,個個台都播大陸劇係咪過多,而唔係用另一類節目──動漫來做比較,成日謀住想cut動漫去補番被韓劇取代咗嘅日劇時段,咁樣係完全唔公平!仲有動漫迷有幾何會睇電視呢個又係得你自己講嘅,同一言論係咪可以都應用喺日劇度?如果唔係日劇時段點解會被韓劇取代?

仲有,冇人話ViuTV播幾多動漫J2就要播放幾多,人地ViuTV得一個主台,而TVB作為大台,有兩個台播動漫,數量係理應比人多先啱!

相反,ViuTV得一個台都播得多日劇過TVB嘅一個副台J2,某高層真係要反省吓啦,剩係識sell個MyTV Super!

發表於 Posted on: 2016-06-26 0:43

AnimeFans
帖數 Posts: 14
回頂端 / Top
回應:AnimeFans

其實動漫迷想補住J2時段,最好方法係定時定侯守係電視機前面,藉此增加收視,咁先可以話俾電視台同廣告商知有觀眾,但動漫迷就唔會現場看電視,咁就好難俾到電視台要長期播動漫的理由,宜家播動漫都係滿足牌照要求。

事實上TVB cut J2星期六日劇時段係源自之後的動漫時段,動漫時段成日零廣告,J2改播兩小時韓劇係想cover成個星期六廣告收入,至於cut日劇時段無非係想迫人申請myTV Super的所作所為,就算宜家J2有免費韓劇播,都係播埋堆垃圾tvN俾你看,有卡士個堆韓劇都唔肯播。

Viu TV放動漫多數係星期二至五深夜同星期六日朝早,其實Viu TV咁播法好明顯係跟日本,而J2係星期日cut一檔深夜動漫,用返星期日朝早補檔已經可以,反正星期日朝早播仲多人看,況且遲下開多間奇妙,免費電視台播放動漫數量愈來愈多,就算J2 cut檔,你都未必有時間看晒去。

發表於 Posted on: 2016-06-28 15:46

吉成千奈美
帖數 Posts: 1508
回頂端 / Top
>事實上TVB cut J2星期六日劇時段係源自之後的動漫時段,動漫時段成日零廣告,J2改播兩小時韓劇係想cover成個星期六廣告收入,至於cut日劇時段無非係想迫人申請myTV Super的所作所為,就算宜家J2有免費韓劇播,都係播埋堆垃圾tvN俾你看,有卡士個堆韓劇都唔肯播。

吓?用吓腦諗吓都知邊可能係因為深夜12點後嗰半個鐘動畫而去cut前面黃金時段10點半嘅日劇啦!同埋你有冇睇過動漫時段嘅廣告㗎?啲商業廣告多到嘔,零廣告我就唔使坐喺電視前面等佢成幾分鐘嘅間場廣告啦!

事實上係當時星期日接檔晚嗰2套日劇太廢,又面對住ViuTV嘅攻勢,不得不抽起嗰2套日劇,改播韓劇;而最後結局係將《Doctor X 3》改去星期日,星期六播韓劇,原因我諗係見倒星期六播可以食埋11點半嗰套攝時間嘅《咖啡時光》,而咁啱又見嗰陣星期五有檔動畫完,咪順便食埋星期六深夜12點,播足兩個鐘韓劇囉!如果唔係點會喺星期五原本檔動畫臨播前三幾日先咁突然抽起,《Doctor X 3》播幾集就要調去星期日咁亂吖!

所以講到尾cut深夜動畫之源某程度都係因為黃金時段嘅日劇所累,牽一髮動全身,順便郁埋動畫時段來造就佢兩個鐘韓劇嘅氣勢囉!所以話cut日劇係源於動畫呢個講法完全係本末倒置!至於點解當時星期日晚要安排嗰兩套日劇而唔安排其他更有收視保證嘅日劇,就要問吓TVB喇。可能正如你話齋,想谷佢個myTV super掛,亦有可能係有收視保證嘅日劇版權費貴啲,諗縮數嘅TVB唔想再畀咁多錢去買免費台嘅版權(收費台同免費台嘅版權係分開計)!

至於星期日晚方面,你睇佢Amazing Summer嘅網頁都知今年暑假J2首播嘅劇集冇日劇,動畫電影喺星期六晚播,咁即係話分分鐘星期日晚11點後係播其他節目都未定,例如日韓電影,你見今個星期日晚12點半左右都係播韓國電影,唔排除等而家套日劇sp播完同埋馬季完咗之後,提早播電影都未定,下期要留意吓《TVB周刊》同《J2 MAGAZINE》有冇公佈喇。

發表於 Posted on: 2016-06-29 1:10

AnimeFans
帖數 Posts: 14
回頂端 / Top
回應:AnimeFans

講真如果好似你所講星期日接檔晚嗰2套日劇太廢,唔夠Viu TV打,照計係放兩小時韓劇《未生》落星期日度,而唔係將原本係星期六晚播緊的日劇《女醫神Doctor X 3》調去星期日播,同Viu TV對打,由此推斷《女醫神Doctor X 3》係J2收視保證,TVB先作出此調動。事實上TVB可以將原本星期日接檔晚嗰2套日劇改去星期六晚播,已經唔細再作任何調動,但TVB決定係星期六播放兩小時韓劇好明顯係為削減動漫時段而設。

而動漫時段一向係TVB眼中釘,播放動漫唔會有好大的廣告收入,而你睇動漫時段嘅廣告基本上係廣告套餐,況且咁差的時段,廣告費收得幾多,收埋都唔知夠唔夠錢買套動漫版權返來。如果動漫好似翡翠台播放的兒童向動畫,都仲有玩具商出錢贊助,但J2播動漫就未必可以有玩具商支持,始終今時今日香港仲未有開發動漫商品市場。

另外日劇版權一向無分收費台同免費台去計,如果係咁計,TVB一早走去買有線,Now播過日劇免費版權去播,所以安排當時星期日接檔兩套日劇太廢,好明顯係TVB唔想免費台播人氣日劇搶myTV Super客,其實到目前為止TVB都無公佈Amazing Summer播咩日劇,好大可能將韓劇《未生》放埋係星期日播,盡快係7月播完去,之後先再上新日劇。

發表於 Posted on: 2016-07-02 16:05

吉成千奈美
帖數 Posts: 1508
回頂端 / Top