tvb.com

 
 
tvb.com
 

TVB網絡電視(日劇台)

回應:吉成千奈美

噚日終於TVB網絡維修員上門電視機盒搞掂咗,我每次打電話 TVB網絡電視去都冇人接聽又將我(好似波)踢來踢去,搞到都要TVB網絡電視(維修部)上門收機盒,但要付100蚊(係好無奈比),搞咗成個幾月TVB網絡電視真令人好煩,而 TVB為咗硬推銷myTV Super真係令人煩厭,我唔會買囉!

講番Viu TV星期六播睇咗《直美與加奈子》已四集,節奏係慢D,不過一樣幾好睇又幾新鮮話題,網上重溫有限時間,第三集只有兩日時間播完,以前有好長時間比你哋睇,而家就冇咁優待囉....

至於J2星期六日晚重播番睇TVB網絡電視<雙面醫生>,我而家先睇番又幾好睇,一個星期播兩集會好快播完,應該係個D日劇可能就快到期要還。而播完<雙面醫生>會播松本潤主演的<0.1無罪真相>唔知係未一星期播兩集....

而Viu TV星期日日劇擺係深夜播真係有時唔得閒睇,而星期六日早上播日劇有時睇到有時係網上重溫但又限時間囉....都唔緊要早D係網上重溫,真係要鍾意先追睇!

發表於 Posted on: 2016-10-20 21:38

kolley
帖數 Posts: 7646
回頂端 / Top
回應:kolley

講真你同任何一間收費電視台斷約都係好麻煩,尤其係收費台Sales要交數俾公司,所以個班Sales想盡辦法要你續約,包括減價送禮物,到真係無用時未索性唔聽你電話,拖到你覺得麻煩同佢續約,事實上你只要交翻部機去佢公司,根本唔細俾100元上門收機費,其實myTV Super上客情況唔理想,宜家你唔同佢續約,走多個客,個Sales唔推銷你實俾公司炒都似。

其實《直美與加奈子》開始入戲好睇,上星期個集好緊張,今集劇情應該都幾精彩,套劇有個中國人大媽角色幾搶戲,至於Viu TV網上重溫設時間限制,罷明迫你係電視睇增加收視,加上藉此谷要收錢的Viu apps。講真花錢買部錄影機,就唔怕時間限制,鍾意幾時睇都得,昨晚打風無電視睇,就搵翻晒以前錄影未睇的節目睇,不知幾爽。

而J2以前播日劇係一星期播一集,不過播兩套唔同日劇,同宜家J2播日劇播同一套一星期兩集,時間未一樣,係因為J2成日播外國馬停播先咁安排,所以播完<雙面醫生>後播松本潤主演的<0.1無罪真相>都係一星期兩集,<雙面醫生>幾好睇同感動。

Viu TV星期日凌晨播日劇有重播,係星期六下午會播多次,所以你睇唔到星期日晚個次都仲可以再睇,至於星期六日朝早播個堆日劇都係重播Now101台,Viu TV根本唔預你睇,旨在清版權。

另外Viu TV係11月2日開始係星期三四晚10:00-10:30播日劇<櫻坂近邊物語>,相信這段時間應該會就到你睇,有興趣可以睇下,得四集短短地好快睇完。

發表於 Posted on: 2016-10-22 18:09

吉成千奈美
帖數 Posts: 1508
回頂端 / Top
回應:吉成千奈美

呢排好多時唔得閒睇,而家仲未番睇《直美與加奈子》第六集,會遲D睇番!

而家Viu TV又搞Viu apps又要收費學晒TVB,Viu TV真係要睇住時間睇啦!最近太多政治新聞睇,有時真係好睇過劇集,真的....

講回劇集而J2台而家播緊<0.1無罪真相>播咗兩集都比較長時間D,你睇咗又覺得點啦....我就覺得劇情唔够特別,希望第三集有驚喜案件睇啦!至於Viu TV今晚播<櫻坂近邊物語>(貓侍)由 北村一輝演出,真係只在清版權,係三年前日劇,真係睇吓先講!

發表於 Posted on: 2016-11-05 17:10

kolley
帖數 Posts: 7646
回頂端 / Top
回應:吉成千奈美

我已睇咗Viu TV《直美與加奈子》第七集劇情開始節奏緊湊,睇預告片段見到小林再返嚟日本搵加奈子,第八集已去到高潮要繼續追睇!

反而J2台<0.1無罪真相>就覺得一般,劇情唔係咁吸引!

至於Viu TV<櫻坂近邊物語>(貓侍)由 北村一輝演出,我仲未睇,遲D上去重溫劇集,係Viu TV網上睇仲係無配音,係手機睇就有配音,係手機睇畫面好清又穩定音響又幾好!

發表於 Posted on: 2016-11-08 17:14

kolley
帖數 Posts: 7646
回頂端 / Top
回應:kolley

其實就唔到播放時間,未買部錄影機錄影,想幾時睇都睇得返,好似我宜家星期六都趕唔切返屋企睇《直美與加奈子》,都係定時錄影再睇,唔通真係靠Viu apps得一星期播放時間,加上手機睇點都唔及電視。事實上宜家免費電視無得做,始終上網太多嘢睇,Viu推收費apps都係配合時代步伐,同樂視模式又係差唔多。

至於最近政治新聞好睇過TVB堆膠劇係真,日日有新搞作,宜家大陸釋法搞亂香港三權分立制度,可以話一國兩制名存實退,就算青政兩名議員推廣港獨,名眼人都睇得出港獨唔成氣候,他們只係發表港獨言論,又無真係武裝勢力,但大陸釋法俾人以少欺大感覺,所以睇得出大陸想控制香港言論,咁搞法香港所有免費電視台全部變晒大陸台都似。

我有睇晒<0.1無罪真相>,其實套劇幾好睇,有輕鬆部分,有認真查案部分,都有溫情部分,套劇走線算多元化,而你覺得案件普通,始終這套唔係推理劇,好難作到案件破案過程好複雜,講真這套係律政劇,應該搵翻同類劇比,我覺得這套好睇過<律政狂人>,起碼上庭同檢察官鬥都有條有理,而這套劇演員陣容幾勁,松本潤係當紅偶像組合嵐成員,香川照之係半澤直樹演奸角大和田已經出晒名,仲有榮倉奈奈,連係女醫神Doctor X的晶叔都有份出現,所以只睇演員都好吸引。

至於之後集數案件質素就唔知點,不過這套劇暫時係今年收視冠軍,證明套劇質素唔差。《直美與加奈子》去到中段先好睇,所以<0.1無罪真相>暫時播了4集好難評論,其實《直美與加奈子》情節愈來愈緊湊,尤其睇直美與加奈子同達郎家姐對質,想定對策應對,結果達郎家姐調查方向愈來愈亂,《貓侍》暫時睇了兩集,劇情一般,鍾意貓先會鍾意睇,反而Viu TV星期日朝日播緊北川一輝演出套《晝顏》好睇,《無痛診療之眼》愈來愈悶。

另外你用咩手機睇咁正,講到正過電視多多聲。

發表於 Posted on: 2016-11-10 2:11

吉成千奈美
帖數 Posts: 1508
回頂端 / Top
回應:吉成千奈美

今日黃昏播2017 東亞足球錦標賽男子第二圈 - 香港 對 朝鮮,所以暫停播《直美與加奈子》一集,好似Viu TV無講到喎...我就快買部錄影機,就算錄咗真係未必得閒又要順序他數睇都係準時睇或過一兩日睇!

至於《無痛診療之眼》有時睇到,而《晝顏》唔係集集睇,因為時間唔係咁好又太早播好多時都係網上重温劇集,《貓侍》一集都未睇過又係要網上番睇!我用HTC手機

講吓最近政治新聞真係好多,大陸人大釋法真係破壞香港法治同香港三權分立制度,青政兩名議員做事已累到其他非建制個兩個真係無政治智慧,大陸只打壓言論自由,而家大台講新聞真係好似大陸電視台....

發表於 Posted on: 2016-11-12 22:02

kolley
帖數 Posts: 7646
回頂端 / Top
回應:kolley

講真Viu TV係黃昏先直播東亞足球錦標賽男子第二圈,同《直美與加奈子》播放時間無衝突可言,不過昨晚《直美與加奈子》播放時間竟然走去播原本星期六晚7:00-8:00個堆節目,其實Viu TV安排節目時間完全唔知搞咩,希望下年開返英文台節目安排會好d,事實上以TVB安排節目時間去計,只會將原定播放節目停播,所以昨晚Viu TV收視應該好差。

而上星期六晚《直美與加奈子》預告未講了11月19日晚8:30播放,可能你無睇或睇了唔知發生咩事,仲有市面上可以錄到數碼台錄影機已經停產,Panasonic幾年前已經無得買,得返機頂盒,而係豐澤都係賣Magic TV機頂盒,如果有內置硬盤都要$2000咁上下,都係上格網睇下樓上鋪買價錢會平d。而錄了可以係播完之後睇,飛廣告慳時間不知幾快睇完一集。

《無痛診療之眼》係星期六下午都會重播,所以星期日晚睇唔到都仲可以等多一星期睇,不過《無痛診療之眼》集集水準好飄忽下,有時好睇,有時好悶,而我到宜家都未追到Viu TV播放《晝顏》準度,不過第三集之後愈來愈好睇,講真Viu TV星期六日朝早播堆日劇都係重播Now101台,根本唔預你睇到,《貓侍》係星期三四晚10:00播時間唔太差,照計你應該都睇到。

另外你之前唔係用三星手機,幾時轉HTC手機,無記錯HTC手機無2K Mon,4K更加無,何來會靚得過電視,宜家HTC手機蝕錢,打算賣盤俾大陸,所以Andriod手機市場得返三星,LG同Sony。

其實青政兩名議員好可能係梁振英俾錢請返來的打手,藉此封殺非建制議員係議會的影響力,而大陸人大釋法只會加速香港新一代愈來愈唔滿意政府,好可能加速港獨勢力發展,大陸打壓言論自由同北韓未差唔多,根本兩個都係極權國家,TVB新聞只係識播有利大陸言論,宜家鳳凰衛視香港,永升申請香港免費電視牌照,全部有大陸背景,大陸無非想控制香港言論,唔係細咩花錢去做免費台。

發表於 Posted on: 2016-11-13 11:58

吉成千奈美
帖數 Posts: 1508
回頂端 / Top
回應:吉成千奈美

上星期六晚又會係7:00-8:00播《直美與加奈子》,Viu TV應該係臨時調動好多觀眾都未必知道,好彩你話比我知,如果唔係到星期六睇時就好笑......

講開Viu TV節目第二輯<跟住矛盾去旅行>停播又有唔好迴響,睇怕Viu TV收視應該會差D!
我可能會睇《貓侍》多數係網上睇,而晚上多數睇明珠台係10:30劇集!

我之前係用三星手機,但已經換咗手機好耐,我覺得HTC都用得去暫時未考慮換手機,而家手機太多卓頭都係吸引人買姐,好似三星最近最hit個部未爆炸,而HTC都OK未算啦!

講青政兩名議員好多人都係咁講話佢哋係臥底,而青政個兩名害死非建制個班爭取民主議員囉....而TVB新聞變成CCTVB薪聞台,極權主義擺明打壓言論自由,有梁振英管治香港真係無一日安寧。

發表於 Posted on: 2016-11-18 1:39

kolley
帖數 Posts: 7646
回頂端 / Top
回應:kolley

Viu TV節目安排一向混亂,時間表日日改,觀眾無所適從,好似我追開Viu TV播放的日本綜藝武井試煉場,平時都係星期六晚播開,不過唔知點解星期二晚11:45又會播新一集,宜家又要上Viu重溫,而上星期六晚《直美與加奈子》的而且確係停播。

而<跟住矛盾去旅行>第二輯停播係被風頭火勢,宜家香港咁的政治環境走去播支持港獨節目,Viu TV唔怕俾大陸打壓先抽起,講真Viu TV堆真人騷已經無晒迴響,收視差到唔公佈就知發生咩事。

《貓侍》係星期三四晚10:00播放,都係播半個鐘,睇完轉台睇明珠台時間剛剛好。Viu TV愈來愈少日劇播,今季日劇都買得唔多,反而有線仲多日劇播,而新開奇妙電視5月開台,到時又可以多個台睇。

2017年J2日劇巡禮有《女醫神Doctor X 4》,《無敵律師》,《有喜歡的人》,《精靈守護者》等,綜藝節目有翻《VS嵐》,所以下年J2都仲吸引到我追睇。

其實你用開三星手機,會唔會用唔慣HTC手機,始終介面唔同,而HTC手機影相唔得,介面唔好用,宜家係香港已經無咩人用,其實點解你唔試下轉Sony手機,設計都型d,價錢又唔係貴好多,LG手機性價比高d,近排出部V20都唔錯,不過LG手機用完無耐會有問題,要再去維修部維修,我宜家用緊兩年前買部G3仲好地地,所以唔怕麻煩買LG真係抵用。

另外青政兩名議員係唔係臥底真係無人知,不過佢地最近去信英國政府要求介入,暫時睇唔似,不過今次連累埋本土派,如果政府再打壓,年輕新一代只會愈來愈反感大陸同特區政府,而由大陸股東入主TVB後,新聞報導偏向大陸係理所當然,如果唔係仲咩要收購TVB,好彩宜家仲有Viu TV同奇妙電視頂住,TVB新聞影響力無以前咁大。

發表於 Posted on: 2016-11-18 19:20

吉成千奈美
帖數 Posts: 1508
回頂端 / Top
Good comments, reasonable.

發表於 Posted on: 2016-11-25 14:20

喜看劇人
帖數 Posts: 37
回頂端 / Top
回應:吉成千奈美

Viu TV上星期六睇《直美與加奈子》第九集已經好精彩,今晚播《直美與加奈子》大結局一定會追睇!

而J2重播收費電視《逆齡初戀》古唔到咁快擺係免費台播,我唔再租收費台係明智,講番《逆齡初戀》我就幾鍾意睇,無記錯只有八集,而J2星期六日播連續播兩集未中好連戲,之前係收費台一星期播一集,唔知你有無興趣睇啦!

而Viu TV星期日播《櫻阪近邊物語》由原田泰造、柏木由紀、勝地涼等等..主演唔知好唔好睇,好似講唔同故事共四集....而《貓侍》到而家我仲未睇唔知好唔好睇,你話有可能播《女醫神Doctor X 4》我真係好想睇,係日本仲係收視冠,講番《精靈守護者》係收費台係無配音如果係J2台播未要配番音或日語....而《VS嵐》應該會係農歷年播!

講而家政治又話告多四個議員,而家政府好想DQ晒非建制議員,其實梁特首想控制議會,希望換咗個特首去,選個其他人都好過而家梁特首........

發表於 Posted on: 2016-12-03 12:05

kolley
帖數 Posts: 7646
回頂端 / Top
回應:吉成千奈美

睇完《直美與加奈子》大結局,你覺得直美同加奈子會唔會捉到,但係睇到服部達郎家姐陽子表情古唔古到結果...應該係比觀眾去猜猜!

而J2重播收費電視《逆齡初戀》唔知你有無睇啦?係Viu TV星期日深夜播《櫻阪近邊物語》我有睇都幾好笑,只有30分鐘一集係講人生百態,應該會追睇!

而家有追明珠劇集而且有番配音一定睇,只係周未同星期日電影就無配音,仲係廸士尼戲本身有粵語都唔播改為播英語真係好離普,真係好想電影都配埋音。

發表於 Posted on: 2016-12-06 0:19

kolley
帖數 Posts: 7646
回頂端 / Top
回應:kolley

上星期六晚我有睇《直美與加奈子》大結局,成集都好緊張,直美俾警察拉去問話迫供,好彩得李社長出錢請律師保釋,而達郎家姐同偵探死咬住唔放,仲提供線索俾警方拉人,仲想利誘林龍輝爆內幕,而林龍輝係最後幫直美與加奈子順利去機場過埋登機口,套劇反而講到中國人好有人情味,結局好明顯係開放式,成班警察衝入機場捉人,但直美與加奈子好開心走人,照計時間上直美與加奈子都上了機起飛埋,又好似走到,但警察又可以要求飛機降落,所以套劇結局好難單憑幾個畫面去判斷。

而J2咁快重播日劇台播過的《逆齡初戀》,係Viu TV播日劇《貓侍》牽起貓熱而播,至於J2重播日劇台播過的日劇愈來愈快,睇個勢TVB買緊貼日劇版權費貴,要盡快係J2重播賣廣告回本,至於J2唔重播晒所有日劇台播過的日劇,所以你唔再租收費台係唔係明智就好難講。不過宜家仲有Viu TV播日劇,下年5月奇妙電視又開台,所以你都未必夠時間睇晒咁多套日劇。

之前我係myTV Super免費試睇期間睇了一半《逆齡初戀》,當時都讚套劇輕鬆搞笑幾好睇,桐谷美玲行為講嘢方式十足阿婆,宜家係大電視翻睇畫面仲靚,仲有你有無睇晒《0.1無罪真相》,覺得套劇點。《櫻阪近邊物語》太夜播,加上一集得30分鐘,等聖誕假期先一次過睇,我已經錄影了,所以遲下睇都無問題,不過聽你講套劇唔錯,都會睇下。

發表於 Posted on: 2016-12-08 20:14

吉成千奈美
帖數 Posts: 1508
回頂端 / Top
《貓侍》劇情無咩特別,純粹睇貓,所以對貓無興趣可以唔睇,《女醫神Doctor X 4》係日本收視高都係全靠前作收視,反而今季收視迴響唔及《逃避雖可恥但有用》,收視集集升,反而我有興趣睇《逃避雖可恥但有用》多d,而免費台播開《女醫神Doctor X》系列,第四輯點會唔播,係J2播只係時間問題。《精靈守護者》係J2播未重新配音,至於《VS嵐》係農曆年播係加長版Special,唔係常規版,J2由9月星期日晚7:00-8:00期間已經連續重播節目成半年,睇個勢下年先播常規版,因為《VS嵐》係J2節目巡禮之一,如果TVB無買就唔會係巡禮出預告。

明珠台收視一向都唔好,TVB根本唔想做,星期六日電影無配音都係慳成本,況且平時翡翠台星期六日收視比平時低,證明明珠台收視仲差,而Viu TV同奇妙電視都唔大搞英文台,所以明珠台電影配音有翻機會都好難。

事實上宜家梁振英借宣誓趕走泛民,然後控制立法會,等以後政策容易通過,再用納稅人錢搞基建俾大陸搵水,到時香港財政無晒錢,講真宜家梁振英取消泛民議員,然後重選根本漠視選舉權,衝擊香港行政立法制度,只會加深更多人反政府加入港獨行列,如果中央仲俾梁振英連任,即係間接加劇港獨係香港發展。

發表於 Posted on: 2016-12-08 20:14

吉成千奈美
帖數 Posts: 1508
回頂端 / Top
回應:吉成千奈美

上星期六係Viu TV 睇咗《火之粉》一集,暫時睇咗第一集好似幾好睇講(心理懸疑劇)主角武内真伍/中山裕介演繹心理唔正常....而星期日深夜播個套《櫻阪近邊物語》劇內係大氣電波深夜係福山雅治主持(DJ)好鬼馬,劇情多數係講深夜馬路塞車時係車箱內發生事情都幾好笑,只有30分鐘單元劇!

而J2重播《逆齡初戀》我都有重睇都係幾好笑,聽講TVB要取消收費台,好在我一早取消咗,TVB可能將myTV Super推銷比收費台D客,myTV Super 好似唔係咁好銷路!

上星期五梁振英宣佈唔參選連任真係香港之福,好似有幾個人參選,但參選之中最唔鍾意葉劉,葉劉只係延續梁振英施政真係香港之禍,而家香港政治氣候真係成日變化....

發表於 Posted on: 2016-12-16 18:58

kolley
帖數 Posts: 7646
回頂端 / Top
Agree with you.

發表於 Posted on: 2016-12-20 9:29

喜看劇人
帖數 Posts: 37
回頂端 / Top
回應:kolley

這排忙無時間覆,不過《火之粉》係Viu TV不知不覺已經播了三集,昨晚個集就未睇,以我睇了兩集《火之粉》感覺似《美麗慌鄰》個類家庭懸疑劇,主角想搶走晒個家庭家人,進行報復,而套劇手法又唔似《女管家三田》咁激,劇情不過不失,套劇吸引力在於主角身世同目的,都仲有追看性,事實上這套劇卡士唔算好吸引。至於星期日深夜播個套《櫻阪近邊物語》,睇了兩集故事都係發生係的士,套劇故事同竹野內豐套《時空黃的士》類近,屬輕鬆性小品,而Viu TV買這套劇都係《情歌》搭單買埋,始終這套劇有福山雅治。

J2今晚連播兩集《逆齡初戀》,下星期日播《女醫神Doctor X最強反擊》,再隔多個星期六播《女醫神Doctor X 4》,完全唔明TVB係J2播日劇愈來愈新,反而日劇台個堆卡士無咁勁,唔通J2星期六日晚收視差(係去年開始播馬仔無人睇趕客),先焗住上新日劇吸客。《逆齡初戀》真係幾好睇,有劇情又搞笑,而男主角真白俾貓妖黎先生搶境,希望小瑾同黎先生係埋一齊。

事實上TVB收費台長期蝕錢,唔做收費電視慳翻牌照費,況且myTV Super靠網絡入屋,加上現時主流都係網絡點播,而TVB收費台無體育節目好難吸客,仲有J2下星期六朝早日劇時段竟然重播今年日劇台播過的《熱血水球少年》,換言之你唔申請收費台都無問題,反正遲下會係J2重播,好似我買部錄影機幾時睇都得。

另外梁振英宣佈唔參選連任特首,都唔代表香港政治環境會變好,始終中央見現時香港政治形勢,好似不斷削減非建制議員數目,根本係想完全控制香港,所以我估下任特首作風會更強硬追隨大陸政策,到2047年後香港會完全大陸化,真係好危險。

發表於 Posted on: 2016-12-25 20:28

吉成千奈美
帖數 Posts: 1508
回頂端 / Top
回應:吉成千奈美

係Viu TV 我睇咗《火之粉》三集,你話《火之粉》感覺似《美麗慌鄰》,我就覺得唔似,《火之粉》係害死人全家,兇手係超級好危險....而《美麗慌鄰》無害人到最後離開!

我最近兩個星期日晚係J2台睇《女醫神Doctor X最強反擊》同《女醫神Doctor X 4》一集,而J2台星期六唔播日劇,講番《女醫神Doctor X最強反擊》係美國拍攝都幾落本又延續《女醫神Doctor X 4》係第一集都好精彩,我本人幾鍾意睇又可以睇多D醫學病例,如果真係好醫生都係咁專業未幾好啦,而米滄涼子真係演出幾好....

講選特首,明日星期四林鄭宣佈遲職參選特首,講真真係唔想林鄭參選,佢又係跟689施政做又係令香港市民憤怒又係撕裂,我本人唔喜歡林鄭當選!中央黨內都自己派心水特首曾俊華和林鄭睇吓哪邊跑出!而家擺明中央收緊泛民空間!

發表於 Posted on: 2017-01-11 18:06

kolley
帖數 Posts: 7646
回頂端 / Top
回應:kolley

講真《火之粉》劇種似《美麗慌鄰》個類家庭懸疑劇,當然故事走向係完全唔同,其實暫時睇了4集,唔覺武內先生係兇手,反而似三田用強硬手段去解決家人問題,至於武內先生係唔係殺晒全家人,定係佐藤隆太屈佢,就要睇到最後先知,不過Viu TV播埋今晚要停播兩星期,即係有排追。

而Viu TV星期三四晚10:00播放日劇《貓侍2》,仲有星期日晚凌晨播的日劇《青之炎》你有無追睇,我這排無咩時間無追,暫時只錄唔睇,仲有下個月開始係星期一二晚11:00-11:30播多套日劇《AKB戀工場》,到時記得追睇。

至於《女醫神Doctor X最強反擊》暫時睇一半,劇情都唔錯,而《女醫神Doctor X 4》第一集未睇,其實兩套劇有無關連,好似我睇了《女醫神Doctor X最強反擊》少少,講大門未知子上太空完全唔知發生咩事,可能第三輯最後幾集未睇接續唔到,咁《女醫神Doctor X》系列成功其實係大門未知子完全唔失敗,不怕強權,觀眾睇得有快感,當然係睇的當中學到醫學病例又唔錯,而米倉涼子答應朝日接拍第五輯,片酬係日本演員最高,照計《女醫神Doctor X》會變成《刑警相棒》系列化。

另外J2連續兩星期停播日劇係要播特備節目,今晚會有翻《女醫神Doctor X 4》第二集播,近排J2勁多節目睇,星期六朝早/凌晨播的《Music station super live》幾好睇,星期六朝早11:00有首播日劇《熱血水球少年》,1月23日晚10:00-11:00係J2重播玉木宏同上野樹里套《交響情人夢》,唔知農曆新年會唔會有VS嵐同日本電影播。

講真選特首真係唔到香港市民話事,講到尾最後只會選個對中央有利的人選,林鄭宜家起故宮博物館討好上面爭取票源,曾俊華同泛民有合作空間,睇個勢以習近平強硬作風,如果林鄭維持689施政,不斷輸送利益俾大陸,機會大過曾俊華,好明顯中央想香港政治愈來愈亂,藉此收緊一國兩制,睇怕香港完全大陸化只係時間問題,其實近排有睇新聞都知中資不斷收購香港的企業,藉此控制香港經濟。

發表於 Posted on: 2017-01-14 10:06

吉成千奈美
帖數 Posts: 1508
回頂端 / Top
回應:kolley

最近無咩見你係度留言,這排有無追日劇。上星期日晚睇完《女醫神Doctor X 4》最後一集,這輯劇情開頭唔錯,副院長同院長鬥爭幾好睇,不過中段開始劇情少醫療鬥爭,只係一套普通醫療劇,到最尾兩集王超搶醫生,本來可以幫套劇製造些少高潮,最後以平淡結束,整體上套劇劇情無咩驚喜,但又睇得過,尤其今輯介紹唔少醫療器材,仲有遠赴美國拍攝。而《女醫神Doctor X 》今年會拍第五輯,劇情上都幾難突破,斷估都係靠科技原素搭救。

農曆年期間睇晒全套《熱血水球少年》,套劇聚集一班新晉年輕演員,劇情尚可,都係熱血,友情同愛情個類劇,不過這套劇勝在輕鬆,睇得舒服,好快睇完一集,尤其這套劇主角個個都擔正,係日本藝能界已有一定人氣。

Viu TV播套日劇《火之粉》,睇到第8集劇情已經唔掂,本來開頭幾集佈局唔錯,本來懸疑有叫有吸引力去追,不過宜家講到武內有精神病作結,咁的結局就令人失望,不過睇埋今個星期先可以作詳細討論,下星期六播松嶋菜菜子主演的日劇《營業部長 吉良奈津子》。

而Viu TV係星期一二晚11:00播放日劇《AKB戀工場》,每集一個單元愛情故事,都幾好睇,首主題曲又正,J2今個星期六晚10:45播放竹野內豐主演的日劇《無敵律師》,星期日晚播放今季話題日劇《A LIFE:深愛的人》,有木村拓哉,竹內結子,松山研一,菜菜緒,卡士都幾勁下,J2日日賣廣告宣傳,證明TVB幾重視套劇。

發表於 Posted on: 2017-02-21 21:05

吉成千奈美
帖數 Posts: 1508
回頂端 / Top
TVB日劇台3月播放日劇如下,《和歌子酒2》接《和歌子酒》,《超能力事務所》接《10個嫉妒的女人》,《四重奏》接《飯罪真相》,有線劇集台播完《達文西女醫團》後播《最後的灰姑娘》。

整體上TVB今季買日劇無上季咁多,都係主打TBS同一套朝日劇,反而Viu TV今季買好多套日劇,主打富士+一套朝日+一套東視日劇,除了上次睇過套月九外,仲有《寵物情人》,《真晝的惡魔》,《掠奪的愛、冬》同《The Supporting Actors》,真係唔明有線仲咩買翻TVB播過的富士日劇《最後的灰姑娘》,不過好肯定J2朝早日劇時段一定唔會重播這套。

事實上3月開始有線劇集台係星期一至五晚10:00-11:00時段連續播放兩套日劇,究竟係唔係長時間安排,定係幫新開台奇妙電視台做準備,所以先要買堆其他電視台播過日劇播,去年都買了《Mr. Brain》,《Boss》,《父女7日變》播,抑或係有線要同日本電視台打關係,先要重買堆舊劇版權播放,以前Now係香港台買大堆舊富士日劇,先可以買到新劇播,睇個勢情況一樣。

照計有線買到《異常犯罪搜查官》同《達文西女醫團》,都係肯食堆富士舊劇有關,究竟有線仲有幾多日劇係手,TVB到今時今日都無播2015年富士日劇《約會~戀愛為何物~》,《代筆作家》,《錢的戰爭》,《殘念丈夫》,《戰鬥吧!書店女孩》,睇個勢TVB無買堆劇,Viu TV又唔似會買堆舊劇hold住咁耐唔播,而有線走去買堆舊劇都唔買這堆劇又奇怪,即管睇下5月中奇妙電視會唔會出現這堆劇。

發表於 Posted on: 2017-02-22 20:45

吉成千奈美
帖數 Posts: 1508
回頂端 / Top
回應:吉成千奈美

我呢排都係係手機Viu TV網上睇《火之粉》,已睇到第八集又幾好睇,估計唔到琴音都有問題又會幫武內殺人,真係估佢唔到,武內應該有人格分裂精神症,但琴音又點樣係未又有精神病...

講翻J2已播晒《女醫神Doctor X 4》我睇晒真係幾好睇,好似又拍《女醫神Doctor X 5》我一定追睇,天今個星期日有木村拓栽演醫生《A LIFE:深愛的人》我會追睇,而星期六<無敵律師>可能唔再睇,係收費台睇過,而《熱血水球少年》我就未睇過....講翻Viu TV播《AKB戀工場》我只係睇咗小小就無興趣睇落去。唔係收費台唔做咩,唔再同客戶續約又會係收費日劇台播日劇!

講吓而家選戰真係中聯辦同人大委員係度搞亂選舉,如果四個都入閘咁就好玩,如果要揀請願曾俊華同胡官。

發表於 Posted on: 2017-02-24 19:08

kolley
帖數 Posts: 7646
回頂端 / Top
回應:kolley

其實你部電視機有無android系統,如果有直接連wifi上Viu apps睇仲清楚,好過係手機睇又細又唔舒服,而我昨日遲了起身睇興趣大師,即刻用電腦上網睇返,所以下次換電視最好都係買android TV。

星期六晚已睇完《火之粉》最後一集,結局平淡,武內以同全家人一齊食飯去自首,之後大家食飯傾往事完結,套劇到最後都無解釋武內當初因咩事要殺的場一家,仲有武內又會咁順攤轉死性唔殺埋尾間法官一家人,真係俾我估中套劇爛尾。照咁睇武內無人格分裂精神症,只係家人背叛他先殺人,琴音愛武內先殺人,到最後武內話世界上得阿媽真心愛他,原來仲有一個係指琴音。

《女醫神Doctor X 4》前半部分劇情精彩,下半部分轉單元劇,整體計一般,所以拍第五輯收視未必可以咁好,始終套劇已經接近模式化,劇情每集一式一樣,而手術部分又唔算精彩,好難再俾新鮮感觀眾,而第五輯都係靠新醫療技術同有無罕有病症吸引到觀眾。

星期六晚睇了集<無敵律師>,套劇同去年J2播<0.1無罪真相>類型相同,都係律政劇,不過這套劇講法律多過<0.1無罪真相>,反而<0.1無罪真相>似推理查案劇,而第一集幾好睇,明明單案都無得打,用反控方式迫到被告和解,最後連一文都唔細賠,第一集都講唔少法律知識,套劇搞笑得來有嘢學,會繼續追睇。

昨晚已經睇了一集木村拓哉主演的《A LIFE:深愛的人》,第一集感覺節奏平淡,不過套劇吸引力大過《女醫神Doctor X 4》,套劇第一集交代唔少人物,好似沖田同深冬以前係情人關係,後因去西雅圖而分開,壯大同沖田係朋友關係,套劇有唔少伏線可追,唔知你有無追睇。

《熱血水球少年》係去年日劇台暑假首播,12月係J2星期六朝早重播,可能你無留意J2節目表所以唔知,《AKB戀工場》唔係集集都好睇,不過宜家播新集愈來愈好睇,你無時間未選擇最後播d集來睇。

TVB收費台已經還返收費牌俾政府,轉做網絡電視,而日劇版權嚴,無得上網播,所以宜家人氣日劇只可以係免費台J2播,收費台只會播堆二三線日劇,因此就算唔俾錢裝收費台都無咩大問題,反正Viu TV同奇妙都有日劇播,仲有你屋企係唔係有線網絡范圍,因為奇妙唔申請大氣電波頻譜,我住舊樓一定睇唔到。

至於行政長官選舉,四個參選人都係建制派,支持立23條,反而長毛無參選代表唔到泛民好可惜,事實上曾俊華同胡官選到,對政制發展唔會有幫助。

發表於 Posted on: 2017-02-27 19:59

吉成千奈美
帖數 Posts: 1508
回頂端 / Top
回應:吉成千奈美

已睇晒《火之粉》大結局真係估唔到結局,後期法官家人親切感動到武內,而武內終於而自殺贖罪令梶間家人惑意外而琴音揀自首,講武内童年唔開心,早年媽媽死咗而影響成長,類似<守財奴>都係人格有問題....

而J2播《A LIFE:深愛的人》睇咗一集都幾好睇,《A LIFE:深愛的人》有名叫深愛的人劇情更有男女感情同親情關係戲,而《女醫神Doctor X 4》就唔同,大門未知子係醫院簽約未填擅長同嗜好都係做手術,所以大家劇情都唔同囉!

而Viu TV播《AKB戀工場》我係無追睇,反而有睇Viu TV<守護毛小孩>同<挑機魔法師>兩個節目,特別係<守護毛小孩>真人真事已經播完共13集,而<挑機魔法師>又係好睇,而家Viu TV已經多元化多咗,但星期六日只有星期六上午11:00播<惡作劇之吻 2>但無追睇,係晚上8:30都無播日劇,好似係平時星期一至五播!

講到行政長官選舉比較多人鍾意係曾俊華同胡官,葉劉攞唔150張票,而家葉劉睇到自己都係建制派人都係牆頭草都係講利益,打後又有野睇!

發表於 Posted on: 2017-03-04 1:37

kolley
帖數 Posts: 7646
回頂端 / Top
回應:kolley

講真《火之粉》大結局其實好平淡,明明可以揭開武內身世,而武內因咩事要的場一家又唔講,其實套劇根本爛尾,至於法官家人一直想遠離殺人犯武內,又會肯誠心誠意食餐飯,態度突然話變就變,完全係無轉接情況下發生就奇怪,事實上武內又會肯自殺贖罪,照計一個有問題的人又點會咁順攤,《美麗慌鄰》同樣係家庭懸疑劇,就真係做得好過佢好多。

《A LIFE:深愛的人》走多線發展,一樣有醫療劇手術鏡頭,而劇情有追看性,好似有幾段關係好令人期待,唔似《女醫神Doctor X 4》後段玩單元式,無晒之前緊張醫療鬥爭部分,事實上《女醫神Doctor X》第一輯有新鮮感,不過之後幾輯劇情無咩分別,只係病症唔同。

《AKB戀工場》主要都係睇人多過劇情,至於故事就一時時,不過15分鐘一集可以寫到d咩,至於Viu TV<守護毛小孩>同<挑機魔法師>就無睇,<挑機魔法師>個d外國節目放中文台播就真係趕客,而<守護毛小孩>好似嬴了港台舉辦的欣賞節目之一。

另外Viu TV播完<惡作劇之吻 2>唔再播日劇,得星期六晚8:30播一套日劇<營業部長 吉良奈津子>同星期日晚凌晨播半小時深夜劇<青之炎>,講真星期日晚8:30好應該播返日劇,而4月3日起一至五晚8:30話會日韓劇輪流播,都唔知日劇集數短,一星期播五集未好快播完一套,睇個勢星期六晚會變成炮灰檔。

行政長官選舉曾俊華連民主思路論壇都無出席,證明曾俊華無咩料到,唔知胡官可唔可以爆冷勝出,至於葉劉會唔會爆建制派衰嘢,事實上建制派班人都係按照中央指示執行,所以葉劉俾中央出賣,要建制派全投林鄭,好明顯大陸干預選舉。

發表於 Posted on: 2017-03-06 2:15

吉成千奈美
帖數 Posts: 1508
回頂端 / Top