tvb.com

 
 
tvb.com
 

TVB網絡電視(日劇台)

UIE 1017
嗰幾個字唔係咖,我能我頭先開盒嘢飲,包嘢掂到 Key board 啲鍵盤制.

發表於 Posted on: 2016-07-07 19:27

domon再回歸
帖數 Posts: 20
回頂端 / Top
domon
akb48最近好似狂出新歌,莫非想打敗嵐?

發表於 Posted on: 2016-07-07 20:09

UIE1017
帖數 Posts: 1499
回頂端 / Top
回應:吉成千奈美

我而家睇Viu TV 日劇同其他節目都係上Viu TV apps重睇,而係有時就唔到時間,未係Viu TV apps睇真係幾好,就算只有標清版睇都無所謂啦!Viu TV apps有無限時間同日期?如果出年Viu TV開個英文台又幾好,可以多個台選擇,英文台唔知美劇有無配音....

而家J2台一星期播兩日播賽馬,又成日播韓劇同綜合節目做足一個星期,邊有可能播日本節目同日劇,有都擺係無人知時間,而家 TVB最著緊推出myTV Supe希望多人睇未多廣告商贊助!

而就快約滿TVB網絡電視無得睇,唔緊要啦有Viu TV星期六日都有得睇啦!好似有線仲未宣傳嘅....

發表於 Posted on: 2016-07-08 18:27

kolley
帖數 Posts: 7649
回頂端 / Top
Kolley

你唔申請 Gem TV apps ? 上星期六 NTV 咪做10 個鐘頭的音樂節目"The Music Day"嘅,HKPEC 討論區內有位師兄 show 比我睇 Gem TV 一樣有直播,佢仲攞出街一路食飯一路睇.

發表於 Posted on: 2016-07-08 19:39

domon再回歸
帖數 Posts: 20
回頂端 / Top
回應:kolley

其實Viu TV apps唔係所有日本節目都有得重溫,好似恐怖醫學,Specialist特別篇就無係Viu TV apps出現,證明Viu TV唔係買晒所有日本節目網上播放版權,所以長遠都係買翻部錄影機或內置錄影的電視機錄影最穩陣,就算我有錄影機頂盒錄影有時都有d錄唔到,要上網重溫保翻,因此Viu TV apps只可以作後補方案。況且Viu TV apps播放日劇有限期,情歌係Viu TV播完一星期後,得翻兩星期時間睇,萬一係這兩星期唔得閒有嘢做,又睇唔到。

仲有Viu TV下年開英文台,都未必有美劇播,根本由此至終Viu TV都唔想去開英文台,唔係受制於廣播條例根本唔會開,況且宜家中文台收視都唔掂,開多個英文台未仲拖低埋宜家中文台收視,睇個勢都係買外國真人騷,歐洲劇播就算,況且明珠台播美劇收視又唔高,不如慳翻筆錢買日劇仲好。

另外今年J2係暑假推出Amazing Summer,劇集得韓劇,證明TVB高層宜家當J2係韓國台,其他劇集同節目可以唔理,同以前J2多元化吸引唔同觀眾取態唔同,講到尾大陸股東收購TVB,目的旨在係免費台播放大陸劇同綜藝,搞到J5成個大陸台,而原先係J5播堆韓劇韓綜就塞去J2播,咁J2又要播馬,本身已經唔夠時段,咁日劇同日綜自然成為開刀對象。至於TVB推出myTV Super就注定失敗,要收錢仲要好似免費台睇廣告。

事實上Viu TV係星期六日先多嘢睇,平時就無咩睇,而星期一晚11:45播完福山雅治套情歌都唔知有無日劇播,至於有線間免費電視台下年5月先開,有排等,宣傳都係4月,仲有新聞話有線染紅,都唔知會唔會變大陸台,講真你宜家同TVB網絡電視解約,不如買部可錄影的4K電視享受下睇高畫質日劇。

發表於 Posted on: 2016-07-09 14:28

吉成千奈美
帖數 Posts: 1514
回頂端 / Top
Kolley

錄影機根本就係最重要的工具,就好似今朝 9點播出的節目就撞到七彩,有 NHK 衛星 primier 的 "咸蛋超人 50周年",NTV 的 "追趕時間的少女"首播,和 ARASHI 有黑島結菜做嘉賓的節目.
好在我部有11個 TUNER 的錄影機,能把 NHK,朝日,NTV,TBS, TV東京,富士,Tokyo MX, wowow 等同時 無分正副全部錄曬.

發表於 Posted on: 2016-07-09 15:20

domon再回歸
帖數 Posts: 20
回頂端 / Top
回應:吉成千奈美

今個星期六就TVB網絡電視已約滿啦,以後就無得睇!
而家只睇Viu TV 星期六日日劇,咁樣仲好唔洗追劇追到傻。我都係有時無睇到日劇,要重睇返Viu TV apps都好方便...

如果Viu TV下年開英文台真係有美劇有又配音更加好!加上有線又就快開新免費台,又有日劇睇又再多個英文台....

TVB網絡電視有myTV SUPER免費睇半年都係唔要費時煩!

發表於 Posted on: 2016-07-15 2:08

kolley
帖數 Posts: 7649
回頂端 / Top
回應:kolley

宜家連港台都有買日劇播,下星期四晚9:00係港台31頻道就首播NHK日劇64,反而TVB都今時今日都仲未公佈下星期日J2播咩日劇,唔係想住連免費台唯一日劇時段都想cut埋,如果TVB真係唔打算係免費台播日劇,最好以後唔好再買高收視人氣日劇,買晒d低收視日劇播最好,咁就可以等其他有心播日劇的電視台播。

另外你宜家係Viu TV追緊邊幾套日劇,事實上Viu TV播個埋日劇都未得晒,仲要睇埋佢播兩套日綜,我用了一星期追晒之前播過的恐怖醫學,其實恐怖醫學唔係集集適合睇,視乎你對個病有無興趣,上星期個集講腰痛就幾好睇。武井試煉場上集講韓國整形技術高超都ok,至於我暫時追緊Viu TV四套日劇<大人女子,信長協奏曲,Specialist,百合戀人>,<零的真實>就無睇,就連之前播的<ST紅與白的搜查檔案>都睇了一集,所以J2播個堆日劇都好耐無睇。

事實上你唔好期望Viu TV英文台有咩作為,美劇都唔妨會多,見明珠台開咁耐就蝕咁耐,因此Viu TV多數會hea做英文台。奇妙電視今年開唔開到台都成問題,仲有日劇又唔知多唔多,宜家TVB為谷myTV Super係免費台cut日劇,變相剝奪免費觀眾睇日劇的權利,希望myTV Super無客蝕本離場。

發表於 Posted on: 2016-07-15 13:49

吉成千奈美
帖數 Posts: 1514
回頂端 / Top
回應:吉成千奈美

咁好呀...港台31有日劇睇,劇名<64>邊個演出,而家TVB只播韓台中劇集為多,不嬲都唔理睇日劇觀眾!TVB購買TBS劇集最多,但又唔係免費台播,係未無贊助商....


恐怖醫學個集韓國整形我無睇過,要上Viu TV重睇翻,而<ST紅與白的搜查檔案>我有睇,其他幾套仲未睇要上Viu TV重睇翻!而Viu TV開英文台就唔知有無劇集仲未知,到時先算....

而TVB推出myTV Super未必多人鍾意睇,睇劇集都要有用時間,,,,諗住D觀眾免費岩都無日劇睇,未可能買myTV Super!我都睇唔好myTV Super刈無咁多人睇!

發表於 Posted on: 2016-07-16 1:31

kolley
帖數 Posts: 7649
回頂端 / Top
回應:kolley

港台31係下星期四晚9:00播放日劇<64>,係去年NHK土曜劇,演員有木村佳乃,入山杏奈等,由橫山秀夫改篇的推理劇,我想睇都未必睇到,到今時今日港台信號勁弱,而TVB宜家都係播韓國同大陸劇為主,見免費台連唯一一段日劇時段都想cut,完全係漠視日劇觀眾的需求,不過宜家TVB咁搞法,實會流失一批觀眾去Viu TV。

事實上TVB免費台一向都少係黃金時段播TBS日劇,以前TBS日劇多數放係朝早或深夜播,好明顯係TBS日劇限制多,無得係myTV同步播同重溫,間接令TVB無了部分廣告收入,所以一年係黃金時段最多播一套TBS日劇,但TBS日劇又係最好睇。不過TVB以前試過係翡翠台黃金時段播TBS日劇,收視都係差,連高收視人氣劇<半澤直樹>,<華麗一族>都收視扑直,反而播富士,NTV劇收視又唔錯,會唔會係咁令TVB唔敢放TBS日劇落免費台。

另外上星期六恐怖醫學個集係講腰痛,去韓國整形係星期六晚11:15播的武井試煉場,這套有得係Viu TV apps免費重溫。<ST紅與白的搜查檔案>係上兩個星期日已經播完,上星期已經開始播緊<零的真實>,這套唔知你有無睇,Viu TV英文台多數都會翻中文台節目就算。

其實myTV Super要用戶自己裝個盒仔,上網睇點播仲要收錢,既然係咁,不如直接上網睇仲快,除非係有人為了聽TVB配音先會俾錢裝,好明顯TVB向免費台日劇時段開刀係想迫人參加myTV Super,見日劇唔俾刪剪,就令日劇係TVB免費台絕跡,好彩仲有Viu TV提供免費日劇睇,事實上TVB用咁貴價錢買日劇唔播,最後myTV Super收客唔夠,TVB有排蝕。

發表於 Posted on: 2016-07-16 3:06

吉成千奈美
帖數 Posts: 1514
回頂端 / Top
回應:吉成千奈美

TVB唔係免費台播日劇真係好傻,日劇迷一定有人睇,只係TVB唔落本宣傳姐!而家TVB淨係宣傳中/韓/台劇集為多,韓國同大陸綜合節目。

而係myTV Super又要人買 盒仔,好似你話齋不如上網睇好過啦!而家明珠台開始有兩套新劇集又配翻音,之前個排收費台無配音日劇,但一個月後又有翻音,TVB係未攞嚟搞....李寶安係好麻煩嘅人,我覺得TVB安排節目同劇集都好亂!

而家Viu TV 日劇都幾啱觀眾睇,配音都配得唔錯!而港台31台播日劇<64>由橫山秀夫改篇推理劇,我幾鍾意睇橫山秀夫作品,真係要留意吓港台31台節目表!

發表於 Posted on: 2016-07-16 18:48

kolley
帖數 Posts: 7649
回頂端 / Top
回應:吉成千奈美

今星期日無得睇TVB網絡電視!

而家Viu TV 將所有日劇擺係雅虎宣傳網頁,但有D仲未係Viu TV 電視播,,最近擺上網上播《直美與加奈子》但仲未係電視播同未配音,有D日劇係無配音有D係有配音,有D仲係星期六日個幾套日劇都擺埋出嚟,會唔會有D未配音,再會配音同係電重視播....你知唔知呀?

Viu TV 係未以後都係咁做宣傳或做一段時間,唔知係未以後可以係Viu TV 網頁有D日劇會先賭為快,日劇迷未好開心啦....

發表於 Posted on: 2016-07-17 18:33

kolley
帖數 Posts: 7649
回頂端 / Top
回應:kolley

TVB唔係免費台播日劇無非係想迫人裝myTV Super,仲有日劇係香港真係有好多人睇,連J2星期日晚11:00日劇時段都可以cut,走去播韓國電影,加埋一星期狂播韓劇韓綜,J2不如乾脆改名做K2做韓國台,仲有就係有班日劇迷唔團結,出去其他討論區勾結韓劇迷(Domon),所以日劇迷真係要爭氣d,去對抗TVB唔係免費台播日劇的惡行。

講真myTV Super送俾你都唔要,要係屋企裝個盒仔,收完錢仲要睇佢d廣告,完全唔切合睇開電視觀眾需要,TVB班高層唔係想住有配音就會有人裝,明珠台劇集有翻配音好明顯係Viu TV搶客,TVB要係各台拉翻起整體收視去救亡。李寶安出名姑寒,未去cut配音組Budget,但無配音令觀眾流失先至回復翻。事實上以前陳志雲年代無宜家TVB安排混亂,日日改節目。

Viu TV播堆日劇都唔錯,<大人女子>愈來愈好睇,今晚播<Specialist>記住要睇,而配音多數用翻以前TVB個班,所以質素唔差。至於<64>係星期四晚9:00播,凌晨12:00重播,連港台都有日劇時段,J2就係咁縮,宜家TVB真係無眼睇,都係等奇妙電視開台算數。

發表於 Posted on: 2016-07-17 19:06

吉成千奈美
帖數 Posts: 1514
回頂端 / Top
回應:kolley

原來你今日開始就無TVB網絡電視睇,咁由宜家開始一齊加入Viu TV行列,反正TVB免費台都無日劇播,真係直接睇Viu TV算數,仲有你都應該改標題做Viu TV日劇討論區算。

事實上Viu TV有兩個apps,黃色係要收費睇最新日劇,而雅虎宣傳網頁應該係前者,藍色就係免費台播完,所以會有配音,《直美與加奈子》都未係Viu TV播,點會有配音版,總之想睇配音版日劇就去藍色Viu TV Apps。而宜家藍色Viu TV Apps未有《信長協奏曲》,《零的真實》,《大人女子》同《百合戀人》免費任睇,唔知今晚播的《Specialist》有無。

另外Viu TV黃色apps係下星期四晚會有《營業部部長 吉良奈津子》睇,有松嶋菜菜子同松田龍平主演,所以想先賭為快未上黃色apps,事實上Viu TV係日劇迷首選,個d垃圾J2就唔好理。

發表於 Posted on: 2016-07-17 19:37

吉成千奈美
帖數 Posts: 1514
回頂端 / Top
回應:吉成千奈美

TVB網絡電視而追緊果兩套日劇就要上網睇埋去!

而家都係專睇Viu TV播個D日劇,多數D時間唔啱就係Viu TV網頁重睇翻,反正 TVB免費台都唔會多播日劇睇,應該係唔播日劇。我有睇第一集《Specialist》幾好睇,話宅間又坐回牢,前十個月前講起故事,,,,,,而《零的真實》同《百合戀人》仲未睇過!Viu TV而家都幾多日劇睇!

講話明珠有兩套美劇係有配音,但係追開美劇大部分都係唔配音,睇嚟都係唔够配音員,而家明珠搞到亂晒,以前睇閞都有配音,而家就無配音,搞到觀眾都唔知 TVB想點!唔通等埋Viu TV開英文台先點樣對策!

發表於 Posted on: 2016-07-19 0:32

kolley
帖數 Posts: 7649
回頂端 / Top
回應:kolley

myTV Super係手機電腦智能電視裝apps可以免費試睇三個月,你就即管計下條數,用埋堆quota睇埋未睇完兩套日劇去。不過就算免費都費時裝,Viu TV堆日劇都未睇晒,況且我鍾意用電視睇日劇。

其實Viu TV播放日劇真係唔太好,係得星期六日晚8:30-9:30兩段時間最好,其餘唔係朝早就係深夜,仲要無重播,好多時都係靠錄影睇。不過好彩仲有免費apps翻睇翻。TVB免費台係今個星期開始全無日劇播,係下星期日得翻套日本電影播下,而Viu TV係8月開始星期六晚凌晨播日劇SP,有興趣可以留意下。

《Specialist》加入年輕女警,保持原有風格,其實都唔錯,第一集惡搞推理劇常用的密室推理案,都幾好笑。而宅間為了可以達成女主角捐心臟先坐10個月監。《零的真實》未睇,但《百合戀人》睇了少少,都係女同志愛情故事,唔知適唔適合你睇。

至於明珠台恢復返兩套美劇有配音,已經好過日劇連播都無得播,事實上宜家TVB係咁cut無人睇收視差的節目,所以要全部美劇有配音就無咩可能,而Viu TV英文台係標清畫質,宜家中文台收視都唔掂,邊有可能放資源落英文台,睇怕英文台都係轉播BBC就算數。

發表於 Posted on: 2016-07-20 17:35

吉成千奈美
帖數 Posts: 1514
回頂端 / Top
回應:吉成千奈美

我仲未睇翻TVB網絡電視日劇個兩套劇集大結局!得閒先睇....

至於有三個月免費試睇我都費時啦,怕麻煩!而Viu TV個幾套日劇仲未追睇過,要抽時睇!

《Specialist》反而有定時追睇,時間好啱我,最唔好時間係星期六日上午播日劇事實太早播,都未訓醒啦!

雖然話明珠台無乜人睇,始終都有班忠實粉絲睇,應該唔好忽視個班觀眾。而你就講多DJ2台討論區,點解咁少播日劇,多人比意見,TVB高層會可能知道,到時就會播返多D日劇。

發表於 Posted on: 2016-07-28 18:06

kolley
帖數 Posts: 7649
回頂端 / Top
回應:kolley

其實你係手機或電腦裝myTV Super試用版,用完三個月唔俾錢就唔俾你再入去,一d都唔麻煩,唔同你同TVB網絡電視裝個盒仔唔續約要打電話取消咁麻煩,仲有宜家你睇緊兩套日劇都未必會係免費台重播,所以睇配音版靠三個月免費myTV Super試用。

Viu TV播緊個堆日劇有好幾套都未有時間睇,星期一先睇完<情歌>,套劇其實唔差,可能日本觀眾對福山治期望過大,仲有女主角新人又玩父女戀趕走觀眾,事實上這套唔算純愛劇,反而係套兩者互相依靠的治瘉劇,所以你不妨一睇。宜家只係有定時追<信長協奏曲,大人女子,Specialist,百合戀人>,星期日朝早個套<零的真實>就無睇。

講真Viu TV星期六日朝早日劇時段都係重播以前Now收費台播過的日劇為主,根本佢都唔預有好多人會睇到,反而星期日朝早改11:00播會好些少,所以我一早都叫你買錄影機錄影睇,未唔細限時限刻。

況且Viu TV日劇主要放星期六日晚8:30-9:30時段,個d日劇先係主打,不過你睇到星期日晚播的《Specialist》,但睇唔到星期六晚播的《大人女子》就有d奇怪,其實《大人女子》播放時間都唔錯,但你又睇唔到。

講真個句如果唔係廣管局規定免費台要開英文台,TVB真係cut埋明珠台都似,宜家有配音好明顯同之前俾Viu TV搶了唔少客有關,所以TVB唯有靠各頻道吸引返唔同觀眾返來,拉翻起TVB整體收視去吸廣告商。

而我成日係度投訴TVB播少d日劇,但俾某人討論區針對,搞到我宜家都費時寫,加上這個討論區唔會改變到TVB政策,好似宜家免費台都無日綜播,成日投訴又當發up瘋,不如索性轉台睇Viu TV算,仲有遲下奇妙開台,直接用行動證明J2唔播日劇收視差了,先迫到TVB改變。

發表於 Posted on: 2016-07-29 2:55

吉成千奈美
帖數 Posts: 1514
回頂端 / Top
回應:吉成千奈美

我最緊睇緊奧運會,唔得閒睇日劇,而且有追睇<城寨英雄>真係幾好睇,計吓都有好幾年無睇TVB劇集好耐,<城寨英雄>由第一集睇就好想追睇,節奏又快功夫有好認真都屬於近幾年最唔錯本地劇集。

遲D就會追翻睇日劇,Viu TV今個星期六深夜12:00西甲 巴塞隆拿 對 貝迪斯 直播又有得睇!

發表於 Posted on: 2016-08-19 19:17

kolley
帖數 Posts: 7649
回頂端 / Top
回應:kolley

其實奧運得羽毛球同乒乓球會追睇,其他無咩興趣,所以我唔似你咁無睇日劇。Viu TV係星期六凌晨播套以我為名的變奏曲同未聞花名幾好睇,唔知你有無追,而大人女子就停播兩星期,Specialist係今個星期日開始改凌晨12:00播,我只係有追信長協奏曲,Specialist差一集追到電視進度,J2係星期六下午播返VS嵐,又要追,根本唔得閒晒時間睇TVB劇。

發表於 Posted on: 2016-08-23 18:41

吉成千奈美
帖數 Posts: 1514
回頂端 / Top
回應:吉成千奈美

而家應該開始追睇翻日劇,Viu TV 日劇有新日劇睇,係星期六晚上8:00播《直美與加奈子》係推理懸疑劇集,係小說改編劇集,由廣末涼子/內田有紀主演,而且仲係我幾鍾意女星更會追睇。而星期日係12:00播日劇《無痛 診斷之眼》主演: 西島秀俊 / 伊藤淳史 / 石橋杏奈 / 中村蒼 / 濱辺美波,唔知係未類似《白色榮光 》講醫療醫生問題....

而星期六日早上有時睇唔到,就係網上重睇,而星期日11:00播《Border》由小栗旬主演睇咗兩集,要追會睇翻第一集,我覺得幾好睇!而另一套星期日10:30播《晝顏》由上戶彩/吉瀬美智子/北村一輝/齋藤工主演!

反而無睇《大人女子》撞啱奧運無時間追睇,仲有之前星期六日早上都無追睇日劇...而家會有時間追日劇!

而家星期六日J2台播《雙面醫生》,我係收費台無睇過,而星期六播MUSIC STATION係未重播,時間安排唔好囉....而播《霓裳風暴》重播好幾次!

<城寨英雄>只係最近好難有咁好質素劇集去追睇,而打後都TVB劇都係好難有好劇睇。

發表於 Posted on: 2016-09-23 10:59

kolley
帖數 Posts: 7649
回頂端 / Top
回應:kolley

宜家Viu TV少了套日劇播,以往星期日晚凌晨會播深夜劇,宜家將原本星期日晚8:30播個套日劇改去深夜播,星期日晚10:00走去重播卡通Line Town趕客,都唔知係唔係TVB同Viu TV夾埋,有咩理由J2星期日晚播完兩套日劇再轉台睇Viu TV日劇時間剛剛好。

至於今日同明日都有兩套新日劇播,今晚8:30播《直美與加奈子》係懸疑家庭劇集,而廣末涼子做戲唔錯,內田有紀近年拍劇都係演配角,今次她戲份都幾多下,即管睇下劇情點,Viu TV都成日宣傳這套,反而《無痛 診斷之眼》就唔見Viu TV有宣傳,證明Viu TV都唔多睇好,照計這套都係醫療鬥爭日劇,加上係小說改篇,質素唔會太差。

而Viu TV星期六日朝早播兩套日劇《Border》同《晝顏》都係大熱作,《Border》仲係日劇學院獎得主,我剛剛先睇完刑事劇《Specialist》,所以就無睇這套。小栗旬近排成日係免費電視出現,播《Border》上一套日劇《信長協奏曲》都係小栗旬主演,J2播緊套《雙面醫生》第二集又有份客串,小栗旬真係好紅。《晝顏》講兩個已婚太太偷情,暫時未去到高潮,不過就唔適合我口味。

睇完《大人女子》,成套劇都ok,不過中後段先好睇,成套劇得江口陽介同篠原涼子個段先有完滿結局,而他們對手戲都幾搞笑。而星期六晚凌晨播日劇都幾好笑,《大奧妃嬪傳》兩集幾緊張,第一章有渡邊麻友演同性戀段情幾好睇,而《幸福退休日》唔好睇,無時間就唔好睇。有興趣上Viu TV apps重溫。

J2星期六日晚播《雙面醫生》,劇情都幾感人,會繼續追睇。《深夜食堂3》又好睇,宜家睇多返J2,Music station去年開始就星期六朝早9:30首播,凌晨2:10重播,唔錄影根本好難睇到,如果J2唔係播馬會節目,都唔細咁安排。《霓裳風暴》係J2重播一次咁大把,係唔係你見日劇台成日重播就當了係J2台。

TVB都幾難再拍到套<城寨英雄>咁的質素,始終收視愈來愈差,廣告價唔賣得貴,所以你都係唔細再睇TVB堆本地節目,不如留d時間睇日劇好過,遲下香港愈來愈多免費台,TVB都幾難做。

發表於 Posted on: 2016-09-24 19:02

吉成千奈美
帖數 Posts: 1514
回頂端 / Top
回應:吉成千奈美

我有睇Viu TV星期六晚上8:30播《直美與加奈子》懸疑家暴劇集,我本身幾鍾意廣末涼子/內田有紀呢兩位女演員,已睇咗一集都覺得幾好睇,我都會追睇落去,我係網上直播睇效果係無電視咁好,但都可以接OK!

而星期日晚12:00播《無痛 診斷之眼》都有睇,但唔知係未睇慣TVB《白色榮光 》都有佢哋兩個 西島秀俊 / 伊藤淳史 / 又聽慣以前TVB配音,係Viu TV配音真係有D唔慣,真係要重生要聽慣另一聲音先得囉....而星期六日就未有睇,到時要網上重溫睇,Viu TV 星期六播<恐怖醫學>最後一集,唔知到時又會播乜節目或少節目....

噚晚睇到TVB宣傳片段有《女醫神DoctorX 4》仲以為係免費台播,原來係 myTV SUPER播又係迫人買 SUPER盒仔,最多未遲D睇囉....TVB網絡電視寄咗信仲未同我搞停約回返機頂盒比返TVB網絡電視(公司)又要我打電話講好煩,到時又嚟狂sell (myTV SUPER)超級真煩!

發表於 Posted on: 2016-09-29 12:15

kolley
帖數 Posts: 7649
回頂端 / Top
回應:kolley

講真《直美與加奈子》題材吸引,講家暴殺人案,不過節奏就慢,要耐心睇,要到下一集先開始殺人計劃,昨日個集主要講直美步署殺人計劃,加奈子就希望自己可以說服老公收手,但唔成功,而廣末涼子都係做開女強人角色,所以演技難唔倒她,至於內田有紀多數演配角,今次應該有得發揮她的演技,這套劇值得追。

《無痛 診斷之眼》睇了一集,係走醫療同刑警的混合劇,第一集其實報了唔同伏線,所以都可以一睇,而Viu TV配西島秀俊個配音聲線太年輕,唔係好夾,至於其他配音就無咩問題,始終我無睇過《白色榮光》,講真Viu TV配音好多以前都係TVB做,質素都唔算太差就算,仲有宜家TVB配音都係成日換人,所以聽唔慣都要觀眾習慣。而Viu TV播完<恐怖醫學>後播自製音樂節目,所以下星期六唔細點睇Viu TV。

另外J2星期六日晚10:45/10:35播日劇<雙面醫生>同<深夜食堂3>,你有無追睇,昨晚<雙面醫生>個集講14歲未婚懷孕高中生少女幾感動,一開始高中生少女好無知同純真以為生完就無事,不過之後了解一個生命的誕生,為了個BB將來著想,決定將她交給寄養家庭照顧,而當她生完個女個刻見她一面唔想分開,仲有鴻鳥醫生過去都好感動。

講真你唔想上網睇Viu TV重播咁辛苦,未買部錄影機定時錄影,反正遲下多間免費電視台,有咩可能睇得晒。而《女醫神DoctorX 4》係日本都未播,TVB免費台點會播俾你睇,宜家係myTV Super播都係無配音,睇個勢下年又係J2重播。仲有J2播完<雙面醫生>後播松本潤主演的<0.1無罪真相>,有榮倉奈奈,香川照之演出,係今年春季日劇收視冠軍,全港首播,TVB連免費台都肯咁快播新劇,仲細咩申請TVB網絡電視,事實上myTV Super根本唔夠客,免費試用期完了就大把客流失,講真你可以同個sales壓價申請返,反正你就唔到免費台播放時間。

發表於 Posted on: 2016-10-02 14:05

吉成千奈美
帖數 Posts: 1514
回頂端 / Top
回應:吉成千奈美

噚日終於TVB網絡維修員上門電視機盒搞掂咗,我每次打電話 TVB網絡電視去都冇人接聽又將我(好似波)踢來踢去,搞到都要TVB網絡電視(維修部)上門收機盒,但要付100蚊(係好無奈比),搞咗成個幾月TVB網絡電視真令人好煩,而 TVB為咗硬推銷myTV Super真係令人煩厭,我唔會買囉!

講番Viu TV星期六播睇咗《直美與加奈子》已四集,節奏係慢D,不過一樣幾好睇又幾新鮮話題,網上重溫有限時間,第三集只有兩日時間播完,以前有好長時間比你哋睇,而家就冇咁優待囉....

至於J2星期六日晚重播番睇TVB網絡電視<雙面醫生>,我而家先睇番又幾好睇,一個星期播兩集會好快播完,應該係個D日劇可能就快到期要還。而播完<雙面醫生>會播松本潤主演的<0.1無罪真相>唔知係未一星期播兩集....

而Viu TV星期日日劇擺係深夜播真係有時唔得閒睇,而星期六日早上播日劇有時睇到有時係網上重溫但又限時間囉....都唔緊要早D係網上重溫,真係要鍾意先追睇!

發表於 Posted on: 2016-10-20 21:38

kolley
帖數 Posts: 7649
回頂端 / Top