tvb.com

 
 
tvb.com
 

TVB網絡電視(日劇台)

回應:UIE1017

眾所就知有村架純,福士蒼汰,土屋太鳳都係由配角做起,到宜家先有主角做,而黑島結菜係個無名新人就可以空降做主角,仲衰過《情歌》女主角藤原櫻,起碼藤原櫻話晒唱歌配合到套劇背景,同黑島結菜只係經理人公司為捧新人而空降,無說服力,仲有好難吸觀眾,看怕收視仲衰過《情歌》。

其實《半澤直樹》係日本收視爆紅,而演員接job接到唔夠期,邊有可能咁快全部應承拍第二輯,仲有劇本得返咁少時間寫唔寫得切,尤其係這類劇要緊湊,未必寫得翻第一輯水準,而TBS係今時今日仲未公佈夏季日九,證明真係好似你所講想所有精力放晒係秋季,同去年TBS一樣放棄夏季,況且今年撞正奧運年,收視會仲差。《情歌》節奏太慢,未必適合今時今日日本觀眾口味,加上父女戀更難引起觀眾興趣,暫時係Viu TV看了兩集,其實故事唔差,個種細膩感情描寫似90年代月九純愛劇,仲好過《思戀哭泣》苦情戲易接受,起碼套劇至少仲有歌聽。

事實上月九連續四季拍純愛劇,收視注定差,但富士拍其他題材劇收視都唔見得特別好,反而富士拍純愛劇想食年輕市場,好似去年《戀仲》同《朝5晚9》得到年輕人共鳴,奈何他們唔看傳統電視,對收視幫助唔大,而下套月九係輕鬆愛情劇,卡士唔錯,應該會比上兩套收視好。

另外Viu TV係星期日播五集日劇SP,好明顯係針對翡翠台係星期六日晚9:30連播兩集大陸劇《琅琊榜》趕客而設,Viu TV可以趁機搶客,而Viu TV作出這個調動係聰明,一來可以藉SP谷下套劇《Specialist》,二來播埋可以一氣苛成連埋戲,事實上Viu TV播咁多日劇,仲要播埋SP,真係日劇迷之福。TVB同TBS購劇協議都唔知完了咩,如果完了,看怕《別讓我走》同《重版出來!》都係Viu TV或奇妙電視買多,始終新電視台極需要外購劇,出價一定比TVB高。

發表於 Posted on: 2016-06-03 21:34

吉成千奈美
帖數 Posts: 1508
回頂端 / Top
回應:吉成千奈美

《情歌》我無追睇過,只睇咗小少就無睇,如有時間都會上Viu TV網重睇....而星期日播《民王》大結局真係幾好睇,而跟住呢個星期日播《民王》特別篇加長版兩個鐘一定睇!

而TVB網絡電視日劇台好多劇集都配翻音,但明珠台就無配音,而好多外國播外語劇集都有配回自己本土話啦....不如自己上網睇好過啦!而TVB狂買日劇事實寅係要播好多日劇,香港宽頻搵我傾新合約,比一個好細解碼器呢播myTV SUPER免費試睇一個月後就要交月費,TVB同香港寛頻收費台仲有樂士合作仲有4K畫面睇....我唔要費時煩!

而奇妙電視就快開台,但聽講話試播兩個月只有綜藝節目,可能睇吓反應!我大廈有有線網路,但要比錢就唔係免費台啦....點睇呀!

發表於 Posted on: 2016-06-08 1:08

kolley
帖數 Posts: 7646
回頂端 / Top
回應:kolley

其實《情歌》第一集拍得好悶,導演為了將佐野櫻口吃被世人歧視,融入唔到世界,節奏慢,所以好多人看完一集都放棄這套,唔知你係唔係咁,而我睇第二集都係抱觀望態度,主要想聽佐野櫻唱歌,但睇完第二集,就真係要讚下這套劇,無錯套劇節奏唔可以同宜家日劇比,但劇中描寫細膩感情係現今愛情劇做唔到個種感覺,照計這套好睇過思戀哭泣,而福山雅治係首次係電視劇演音樂人,仲自彈自唱。

而星期六晚你有無睇《偵探的偵探》,宜家劇情開始明朗化,知道當年殺死咲良的無良偵探係邊個,仲有套劇拍得好緊湊,上星期六個集收視仲升到2點,《民王》其實開頭幾集好搞笑,不過尾兩集搞笑情節愈來愈少,不過套劇整體來計算唔錯,希望《民王》特別篇會多d笑料,而播完《民王》特別篇後播草彅剛主演的《Specialist》特別篇,到時都唔知睇唔睇。

事實上Viu TV專攻配音日韓劇,TVB網絡電視要收錢,播日劇無配音仲點吸引人申請,TVB都係見有對手先焗住幫日劇配翻音,如果唔係,未幫堆大陸劇配音,討好上面。至於明珠台播美劇唔配音係免費台無其他對手,Viu TV同奇妙電視英文台未開,就算開了都唔會買美劇,最多買美國真人騷同紀錄片播就算,劇最多買歐洲。至於係其他地區多數係收費台播外語劇集,免費台就算播都放係深夜,配音就一定有,始終唔係人人識聽外語。

TVB宜家就一定要狂買日劇,到遲下奇妙電視加入戰團,就買唔到咁多,更何況Viu TV大手買日劇,仲要係日本當地未播前已經簽晒約,TVB點夠人爭,俾住以前TVB無對手,買日劇唔等當地播完一年後都未必有得睇,所以Viu TV加入,可以話Viu TV係免費觀眾之福,唔細再好似以前等TVB買完後放收費台,一年後先係免費台重播睇舊劇。

另外香港寬頻同和記都有myTV Super計劃,平過直接同TVB申請,始終佢地包埋寬頻+電視,不過問題係日劇台配音仲可以維持幾耐,如果無配音,就真係浪費金錢。奇妙電視都未公佈開台同用咩方式入屋,報紙話經有線網絡入屋,住戶再俾$500機頂盒就睇到,至於有咩節目播到宜家都無人知。

發表於 Posted on: 2016-06-08 12:19

吉成千奈美
帖數 Posts: 1508
回頂端 / Top
回應:吉成千奈美

已睇完《思戀哭泣》大結局,終於(收成正果)!我個人覺得《思戀哭泣》都幾好睇,但要有耐心睇下去先會追睇...《金錢天使》仲有兩集就睇完,至於《金錢天使》係講金錢糾紛法律劇集睇都算OK!而家播緊日劇我都唔會追睇咁貼就快約滿七月到期。

而Viu TV播《民王》特別篇係分兩集,另一集係講貝原茂平背景,都算幾好睇!《年齡騷擾》就快到最終回(明天睇),年齡歧視真係好廣泛,好多地方城市都會有年齡歧視情況....係幾好睇!Viu TV星期日播Specialist 特別篇第一集由草剪剛 主演唔知好唔好睇啦....

仲有Viu TV免費台係星期六日播美洲盃直播好幾場,好過TVB同TVB網絡電視(體育岩)都無得睇啦!

發表於 Posted on: 2016-06-17 21:08

kolley
帖數 Posts: 7646
回頂端 / Top
回應:kolley

《思戀哭泣》節奏慢,仲有俾人感覺好壓抑,如果你無時間慢慢睇,都有可能放棄這套,同Viu TV播緊套《情歌》差唔多,難怪今年兩套富士月九一套又一套破新低,根本係這類劇迎合唔到現今觀眾口味,不過《情歌》最新兩集開始加翻d輕鬆情節,套劇無第一集咁沉重,宜家睇睇下又好睇,唔知《思戀哭泣》係唔係咁。

而《金錢天使》係深夜劇,拍攝成本低,仲要每集時間短,根本好難深入講,所以都係不過不失,其實你之前唔係有追開《熟女求結婚》,咁收費台合約係7月到期,你未睇唔到大結局,其實你宜家可以繼續睇日劇台堆日劇,到合約完了就係手機裝myTV Super apps睇埋之後集數,因為myTV Super有一個月免費試睇。

另外Viu TV上星期日一次過播晒《民王》特別篇,係趕住要上Specialist 特別篇,而《民王》特別篇上集係好笑d,成班議員變細路,下集就嚴肅d,講政治家秘書可以左右大局,算幾好睇。

年齡歧視昨晚個集大結局係唔合理,有咩理由女主角可以當住一班董事面前教訓老細,到最後竟然無調職,事實上套劇話佢同保科一齊未算數,話做女強人可以改變女性唔受歧視局面,其實頭四集係唔錯,不過之後集數玩三角戀,但到最後結局好似無事發生,本來都可以用這部分去吸引觀眾,其實成套劇最勁係櫂藤常務,好似所有嘢都係他掌握之內。

發表於 Posted on: 2016-06-19 14:51

吉成千奈美
帖數 Posts: 1508
回頂端 / Top
回應:kolley

昨晚睇完《偵探的偵探》,結局係好精彩同緊張,上集講到市村凜綁架琴葉同她的姊姊,而要放人條件係紗崎用自己條命交換,紗崎真係聽足市村凜的說話缺做,以為紗崎真係死了,跟住琴葉同市村凜追逐,琴葉死到臨頭之際,紗崎出現,原來紗崎一做做足準備,至於市村凜原來有精神病,不過她身世仲係迷,唔
知有無續集。

其實這套劇真係唔錯,有動作戲之餘,仲要一層一層揭開死神真面目,北川景子今次改變戲路演機智同好打得的紗崎其實幾好,川口春奈演琴葉其實做得真係幾好,同她之前戲路唔同,有突破,當然最令人意外驚喜係奸角市村凜,之前扮家暴受害者演可憐女角,到昨晚大爆發演奸角完全唔同,唔知你有無追睇。

下星期六晚播篠原涼子同江口洋介主演的愛情劇《大人女子》,有中島美嘉唱主題曲,唔知你會唔會追睇,我就睇一集先,Specialist 特別篇照計應該唔差,如果套特別篇唔好睇,就唔會之後拍連續劇,其實我真係無興趣睇草剪剛,不過見J2無日劇播,就睇住先。而草剪剛配音竟然係以前TVB配音員,所以配音水準都唔會差。

另外Viu TV係因為Now寬頻電視買了美洲盃同歐國盃,而版權費貴未要係免費台播去攤分成本,而TVB根本就唔夠有線,Now,樂視收費台爭體育節目播放權,所以TVB無得播俄羅斯世界盃,如果奇妙電視開埋,咁有線實會不計成本投世界盃同奧運,即係話以後無數碼台唔細旨意可以睇到世界盃同奧運。

發表於 Posted on: 2016-06-19 15:24

吉成千奈美
帖數 Posts: 1508
回頂端 / Top
吉成千奈美
不過睇番黑島結菜以前演出過嘅劇,佢以前都演出過唔少劇,但黃金檔連續劇就無咩,最重戲份應該係之前東出昌大主演嘅sp,都係由ntv製作,所以難怪ntv搵番黑島結菜。依家《半澤直樹》又話出年4月先播,可能真係班演員無期。今年夏季tbs好似半放棄狀態,反而富士好似好認真,明知夏季收視一定差,仲咁認真,睇怕秋季可能都無錢請人氣演員。我今日考完試,星期五先番學,打算先睇《聖女》其餘集數,再睇《民王》sp,《未生》,《女醫神Doctor X 3》,《ST紅與白的搜查檔案》,睇曬就睇《惡作劇之吻2》,如果可以,我都會嘗試清今年冬季日劇。至於《情歌》我可能等播完先一次過睇。下季月九我都有少少興趣,但由《戀仲》班底打造,《戀仲》無錯係受歡迎,但劇情據聞唔得,有少少擔心劇情能唔能夠可以合理地發展。遲下恐怖醫學好似會cut左每集半個鐘,另外半個鐘播自製節目巨門陣,可能收視唔好,不過最好其實係播vs嵐,甚至動物節目,最好就志村動物園,先會收視好。viutv會播《百合戀人》,但我都好想知其他深夜劇打算點清?now收費台cut左半個鐘劇集時段,改播《請回答199X》再唔播就會過期。

發表於 Posted on: 2016-06-20 13:04

UIE1017
帖數 Posts: 1496
回頂端 / Top
回應:吉成千奈美

我睇完Viu TV星期六《年齡騷擾》最終回套劇集幾好睇!而前晚上播《偵探的偵探》大結局一樣咁幾好睇!

而Viu TV星期日播新劇《SPECIALIST特別篇》由草彅剛主演,每集加長版由8:30- 10:45都好長,未真正睇要係Viu TV網頁睇翻。係星期六晚會播篠原涼子同江口洋介《大人女子》一定追睇或者係Viu TV網頁睇翻....《情歌》有無重溫啦!

至於TVB網絡電視追睇緊《熟女求結婚》劇中有描述返中學時代少男少女情感,我覺得幾好睇!而TVB網絡電視合約係到七月中到期可能睇唔到大結局....有可能myTV Super係手機睇,3係電視睇要有部盒仔先睇到,TVB網絡電視係比一個免費試睇到時先算....

發表於 Posted on: 2016-06-20 20:58

kolley
帖數 Posts: 7646
回頂端 / Top
回應:UIE1017

黑島結菜以前係演過唔少劇,不過都係配角,無咩戲分,而今次主演唔知擔唔擔得起收視,至於NTV肯搵黑島結菜演《穿越時空的少女》同之前東出昌大主演嘅sp,都係由NTV製作無關,反而我覺得係事務所力推新人所為,事實上這套《穿越時空的少女》都拍過劇,有唔少版本,觀眾會唔會用以前版本同這套劇比較,仲有這套劇卡士追加了Sexy Zone的菊池風磨同NEWS的加藤成亮,唔知係因為J家為免影響藝人同同劇女演員而起用這個無名女新人,而這套劇據聞得5集,證明NTV唔看好這套劇,旨在用這套劇頂期,上一套《極樂天使》大結局收視得7.2破新低,證明NTV土九劇收視係弱檔。

至於《半澤直樹》第二輯根本無可能係今年內開拍,就算班演員有期都無用,劇本都未必咁快搞掂,順延至下年4月開拍屬直路,即係TBS秋日九好大機會係木村拓哉,事實上TBS由去年開始都放棄夏季檔,集中資源係秋季,始終夏季係弱檔,收視好極有限,相反富士本身收視好弱,唔係夏季檔博,之後好難有好收視,尤其係各台放遠手腳情況下,富士係下季有好成績機會大增。而秋季檔仲請唔請到人氣演員就睇夏季收視表現。

另外你考完試可以休息幾日先返學咁正,以前學校考完試第二日就對卷,而你趁唔細返學去清劇又幾好,其實你睇《民王》SP先好d,反正得兩個鐘,好快睇完,《聖女》就有排睇,《女醫神Doctor X 3》,《ST紅與白的搜查檔案》就慢慢睇都唔遲,反正這類查案醫療劇都係單元劇,唔會因為唔記得劇情就追唔到,《惡作劇之吻2》劇情其實幾台式,無時間可以唔睇,其實你唔係差唔多睇晒今年冬季日劇,係得《Specialist》無睇,而這套係Viu TV播先睇翻未得,《情歌》節奏慢,真係等Viu TV播完先一次過睇好d,不過第六集開始有高潮,之後集數會愈來愈好睇。

發表於 Posted on: 2016-06-22 16:44

吉成千奈美
帖數 Posts: 1508
回頂端 / Top
下季月九其實卡士幾吸引,以一女四男發展的愛情故事其實幾吸引,而由《戀仲》班底打造又唔係話唔好,始終新人事新作風,加上《戀仲》係第一次執筆寫劇本,唔多唔少無經驗,況且一女四男愛情劇其實幾多嘢寫,而《戀仲》未睇過,唔知故事係點,都係等J2重播睇完先評價。仲有恐怖醫學一樣係播返一個鐘,巨門陣係星期六日晚10:30播,而恐怖醫學收視平均3點,仲高過晒星期一至日晚8:30播堆韓日劇,邊有可能cut,照咁睇Viu TV可能長做,反而Viu TV星期五晚10:00播的美國綜藝婚後試愛得1點,就真係要cut,到今時今日Viu TV節目表都未公佈下一個節目,唔通係買了志村動物園接檔。事實上Viu TV有無買VS嵐都成問題,始終Viu TV主打實況娛樂,如果播VS嵐收視仲高過自製節目,到時真係倒自己米,反而志村動物園這類係Viu TV拍唔到,買來播都好合理。Viu TV堆深夜劇可能只係買了網上播放權,無買電視版權所以可以唔清,宜家Viu TV星期日深夜播完《初森壘球團》後,唔再播東視劇,唔知係唔係收視太差,令Viu TV要轉播富士劇《百合戀人》去救收視,尤其係Viu TV日劇時段多數係固定播某電視台日劇,今次咁改係一改常態,至於Now觀星台cut左半個鐘劇集時段係想盡快清劇,況且半個鐘劇集要播未一次過兩集放係其他劇集時段清都得。

發表於 Posted on: 2016-06-22 16:45

吉成千奈美
帖數 Posts: 1508
回頂端 / Top
吉成千奈美
《穿越時空的少女》有無5集就唔知,不過官網話主題曲搵AKB48主唱,照計都應該唔係完全對套劇無期望,不過你講開又講,夏季日劇J家參演人數比平時多,《ON》有橫山裕,《HOPE》有中島裕翔同桐山照史,《毫不保留的愛》有瀧澤秀明,《穿越時空的少女》有菊池風磨同加藤成亮,《然後,誰也不在了》有伊野尾慧。另外,有有傳話《然後,誰也不在了》有二階堂富美出演藤原龍也個未婚妻呢個角色,或者呢季會有唔少演員忽然紅左。《極樂天使》其實係因為被AKB總選搶客,不過《極樂天使》就算大結局升,都會係ntv土九最低平均收視十強。依家《女醫神Doctor X 4》話響呢個秋季播,但其實之前唔係一早講左話係由島崎遙香主演咩,因為之前島崎遙香響之前《AKB恐怖夜》呢套劇個投票贏左,獎品係會主演2016秋季日劇,定抑或係主演金11呢?如果《半澤直樹2》響呢個秋季播,係咁呢個秋季真係超強。我已經睇左《民王》SP,套劇繼續搞笑,第一集最搞笑係知英被細路靈魂嘅大人扭抱,不過知英同本假屋唯香出場又會咁少嘅?《聖女》我都睇完,之前我睇前半部分唔錯但依家睇後半部分就麻麻地,廣末涼子又會忽然變癲,癲到幻想自己有細路,加上廣末涼子突然被人整盲左,跟住變番正常,仲要自殺,實在太不可思議,實在令我非常失望。《女醫神Doctor X 3》同《ST紅與白的搜查檔案》最新個集未睇,我亦睇左《思戀哭泣》,《拜託請愛我》,《彼岸花》,《fragile》同《別讓我走》,《思戀哭泣》前半部分之前睇好睇,但依家睇後半部分好似無左令人哭泣個種感覺,就算唔係用《思戀哭泣》呢個名都可以,變左無獨特性,變成一套非常普通嘅劇。《拜託請愛我》結局無咩特別,都係預料之內,我估如果唔係有藤岡靛,收視無可能會高。《彼岸花》同前半部分一樣,質素起起落落,去到最後仲要學tvb整崛北真希同daigo角色之間曖昧關係,好心編劇搞好案件先整呢個情節啦!《fragile》同樣都係無咩特別,套劇前半部分太複雜難明,第3集開始改善番,但到我依家中段睇番都係無咩特別,尤其是最後講野村周平個角色要唔要離開病理學科呢part好悶。

發表於 Posted on: 2016-06-22 19:20

UIE1017
帖數 Posts: 1496
回頂端 / Top
《別讓我走》雖然收視低,但反而係最好睇,尤其是有幕講有個複製人眼見自己同類被人類趕盡殺絕,走去街頭搶議員咪,話比路人知複製人權利被剝奪,雖然途人有停低聽個複製人講,但最後有警察黎到,個複製人即刻自殺,班途人竟然無反應,我響度諗,到底香港會唔會變成咁,連一個言論自由都要剝奪,甚至將來班年輕人會唔會被洗腦,覺得應該要支持政府,支持中國,而令六四事件慢慢被遺忘,有人講六四就當個人發癲呢?難怪tvb唔肯播呢套劇。冬季日劇仲爭《直美與加奈子》,《澄和菫》,《怪盜山貓》,《家族的形式》,《臨床犯罪學者 火村英生的推理》同《mars》未睇,我之前講過話《家族的形式》需要有番咁上下年紀先識睇,所以《家族的形式》會遲下先睇,《直美與加奈子》因為viutv會播而唔睇住,下套會睇《澄和菫》,所以我只係無睇《請讓我稱呼岳父大人》同《specialist》。
《有喜歡的人》得一女三男,有四男個關係就會好複雜,不過最搞笑係三個男角個名都有夏秋冬,無左春,唔知有咩特別意思。依家j2都唔知會唔會播《戀仲》,見j2成日播朝日劇,可能播其他朝日劇先。之前維基明明寫恐怖醫學會得半個鐘,巨門陣有半個鐘,但依家又唔係,另外原來viutv成日改節目,《太陽的後裔 特別篇》好大機會抽起播《ST警視廳科學特搜班》,播完婚後試愛播《瑪嘉烈與大衛》1小時版,似乎開始走亞視舊路,睇怕朝早劇集時段好快會重播劇集。你去日本搞乜鬼呢個星期日播完,唔知播咩呢?同埋遲下會播風行全世界,實在太好,你會唔會睇?其實有好多深夜劇係完全未播過,最舊個套係2013年,觀星台已經無位播,viutv都無位播,viu app又無,不過之前唔知點解被我睇到有《青之炎》,個時我唔小心響搜尋個欄打左個青字,結果彈左《青之炎》出黎,有得睇,不過依家唔知點解無左。

發表於 Posted on: 2016-06-22 19:43

UIE1017
帖數 Posts: 1496
回頂端 / Top
回應:kolley

上星期日係Viu TV播放日劇《SPECIALIST特別篇》已經睇了,劇情其實類似遺留搜查個類刑事劇,逐步搵出線索搜尋犯人,而草彅剛演一個記憶力強同有動察能力,坐過十年監的刑警,憑他用犯人心態去估犯人下一步,而劇情不浴,都可以一睇,而下集預告都好精彩,會繼續追睇。

而明日朝早10:30會播日劇《信長協奏曲》,由小栗旬,柴咲幸同向井理等實力派演員主演,係緊接《年齡騷擾》後播出,而星期六晚8:30會播篠原涼子同江口洋介主演的《大人女子》,又記住要盡時收睇,其實你宜家用緊Panasonic電視機,只要插hardisk就可以定時錄影,係電視睇點都好過係Viu TV網頁或apps重溫,始終畫面大同靚d,其實基本上所有日劇都可以網上重溫,《情歌》都唔例外。

今個星期日晚J2播《IMAT 非常救援隊1,2》,你之前睇過,唔知好唔好睇,宜家J2成日播埋晒《女醫神Doctor X》系列,仲要得翻一段日劇時段,遲下又開拍第四輯,再係咁播法,睇怕J2以後都唔細上其他類型日劇。原來TVB網絡電視俾一個月你免費試睇,咁睇埋今個月播d日劇就剛剛完合約。

發表於 Posted on: 2016-06-24 20:43

吉成千奈美
帖數 Posts: 1508
回頂端 / Top
回應:吉成千奈美

Viu TV睇咗兩集《SPECIALIST特別篇》都OK會追睇!而《信長協奏曲》同《大人女子》仲未睇唔知好唔好睇.....而J2播《IMAT 非常救援隊》都睇過都算OK!

TVB網絡電視播緊《危妻》同《熟女求結婚》真係幾好睇應該睇唔晒已約滿,都要上網睇!到七月中就無得睇,TVB網絡電視送幾個月免費比我任睇都唔要啦,最怕要還機盒時佢哋會推銷叫你買機盒仔....費時煩!

發表於 Posted on: 2016-06-30 22:16

kolley
帖數 Posts: 7646
回頂端 / Top
回應:kolley

Viu TV apps好似無《SPECIALIST特別篇》重溫,你係唔係係星期日現場睇,其實這套劇都ok睇得過,遲下播完特別篇會直接上《SPECIALIST》,《信長協奏曲》同《大人女子》暫時睇了一集,《信長協奏曲》好睇過《大人女子》,小栗旬扮演高中生穿越扮信長,極搞笑,真係幾好睇。《大人女子》其實劇情幾易估到,套劇主要探討40歲未婚女性對戀愛的心態,至於第一集見解唔算好獨到,如果你無共嗚,就會覺得套劇悶,不過套劇拍攝同配音同《無法戀愛的理由》一樣咁靚,套劇最搶眼係高山文夫同亞紀對手戲,暫時都會繼續睇埋第二集,始終J2無咩日劇播。

《IMAT 非常救援隊》仲未睇,不過見玉木宏換配音把聲好怪,仲有近排剛剛睇完《女醫神Doctor X3》,就唔想再睇醫療劇住,而Viu TV係星期六播的日本綜藝《恐怖醫學》有無睇,近排趁空檔一次過連睇兩集,講學外語可以增加記憶力,而對話可以防止腦退化症,今個星期六晚11:15又播多個日本綜藝《武井試煉場》,唔知係咩類型節目,有興趣可以睇下,反正J2星期六晚無日劇播。

另外你宜家係TVB網絡電視除了追《危妻》同《熟女求結婚》,有無追其他日劇,因為宜家日劇台所有劇都有配音,仲有宜家所有日劇首播時間改了一至四晚,六日睇Viu TV堆日劇已經夠晒,其實你宜家同TVB網絡電視唔續約無錯,就算送幾個月免費比你任睇,又係博你申請新Plan,預期係咁係手機download myTV Super睇埋去就算,事實上TVB買日劇愈來愈難,之後仲有無咁多日劇睇都成疑問。

發表於 Posted on: 2016-07-01 18:32

吉成千奈美
帖數 Posts: 1508
回頂端 / Top
回應:吉成千奈美

我有睇《SPECIALIST特別篇》今次剪草剛演出得幾好又自然,播《SPECIALIST》都會追睇!而《信長協奏曲》我只睇咗尾段,而係過咗時間無睇前段,所以未要重睇,聽你講應該幾好笑....而《大人女子》都未睇過又要上Viu TV apps....《恐怖醫學》有睇OK!今個星期六晚有《武井試煉場》綜藝節目唔知講乜...好唔好睇啦!Viu TV有咁多節目應該開多一個台先播得晒...

TVB網絡電視而家係改咗時間,而《危妻》同《熟女求結婚》應該睇唔到大結局...都係網上睇!

TVB買日劇係比以前無咁易,而家三間免費台一齊購買日劇,總之會搶貴晒日劇,最好都係觀眾有眼福!

發表於 Posted on: 2016-07-02 1:32

kolley
帖數 Posts: 7646
回頂端 / Top
回應:kolley

《SPECIALIST特別篇》第二集其實幾好睇,Bingo殺人係根據刑法同所在區域設定,尤其係有草彅剛同上川隆也做對手戲最為驚喜,以前上川隆也未係《遺留搜查》做警察,而上川隆也係《SPECIALIST特別篇》背景又係警察,莫非他係《遺留搜查》的糸村,仲有他同樣係頭腦好聰明。

而《信長協奏曲》係Viu TV apps播無高清版,得標清版睇,其實《信長協奏曲》係星期六上午播,都好難可以現場睇到,我都係錄影去睇。《大人女子》播放時間唔錯,其實現場睇都得,而今晚11:15播放《武井試煉場》類似挑戰極限節目,應該幾好睇。事實上Viu TV未係下年開多個英文台,到時又可以將係中文台播過節目係英文台重播。事實上我宜家睇Viu TV仲多過J2,Viu TV真係好多節目睇。

其實TVB網絡電視改了時間,唔係仲方便你睇Viu TV星期六日節目,遲下你cut埋TVB網絡電視,未無咁多日劇睇,事實上TVB買咁多日劇都無用,只係俾收費台播,免費台唔播(仲要係咁cut日劇時段),到今時今日TVB免費台得翻J2星期日晚11:00一檔日劇播,反而Now就算有收費台同apps播日劇,都會係Viu TV重播,而奇妙電視就唔知有幾多日劇播,不過有線有買日劇,點都好過垃圾亞視連買都唔肯買。

發表於 Posted on: 2016-07-02 17:24

吉成千奈美
帖數 Posts: 1508
回頂端 / Top
依家我都睇埋《澄和菫》,《怪盜山貓》同《臨床犯罪學者 火村英生的推理》,《澄和菫》有人話老土,但我覺得老土得黎又幾好睇,大結局見到真白同70歲嘅澄表白,有少少重口味,呢個結局雖然有少少睇到眼都突埋,但都貫徹套劇一貫風格,本來我幾鍾意,不過70歲嘅澄可惜最後都係變番菫,大團圓結局,而套劇有一個好大缺點,就係有行行企企角色,小日向文世個角色去到第3集就完,本來以為個角色一路追擊貓妖,點知第3集就正面交鋒不得止,仲要好支持澄繼續做菫,編劇古家和尚響呢套劇表現麻麻,唔知會唔會影響《ON》呢?《怪盜山貓》第一集其實好好睇,但之後都無咩樂趣,到大結局仲要話幕後boss係人工智能,未免太求其。《臨床犯罪學者 火村英生的推理》除左大結局好睇小小之外,由頭到尾都幾悶下,大結局係長谷川京子個角色最後玩monty hall problem,呢part幾有心思,詳細參考維基百科:https://zh.wikipedia.org/wiki/蒙提霍爾問題。至於電視播嘅就睇左《惡作劇之吻2》,呢套劇雖然曾經係韓劇同台劇,但拍出黎又唔算話好有韓台劇風格,依然有仲日劇風格,我最鍾意係大結局,我一路睇大結局,一路擔心到底會唔會爛尾,因為我都估到最後一定講琴子有左,應該會講埋個開心情境,點知到最後係最後個刻講有左,跟著就播主題曲同演員資料,點知之後竟然係琴子同直樹同個女響條路拖住行,琴子叫直樹,直樹問咩事,琴子話無野,之後直樹叫琴子,琴子問咩事,直樹話無野,之後影住一家三口背影繼續拖著手行,呢個結局算係完得唔錯,算係有心思,雖然平淡,總好過影住琴子同直樹一家人樂也融融呢種超普通結局,唔知韓台劇結局係唔係咁呢?《ST紅與白的搜查檔案》都睇完,整套劇質素都係好飄忽,大結局亦無咩特別,不過最後影住赤城入獄,話懷疑殺左人,係唔係想逼人睇埋電影版?

發表於 Posted on: 2016-07-06 17:31

UIE1017
帖數 Posts: 1496
回頂端 / Top
回應 UIE 1017

今晚 開始首播夏季開鑼劇 NTV 的 "追時間的少女" ,出劇播出完後跟住的 ARASHI 節目特登揾埋黑島結菜做嘉賓,我會一氣睇曬佢.
其實夏季新劇第一套會唔會係倉持明日香的 "OL 搖身一變成夜總會小姐"呢? 因為我都睇咗三集啦,好鬼揸.

發表於 Posted on: 2016-07-07 15:46

domon再回歸
帖數 Posts: 20
回頂端 / Top
回應 UIE 1017

呀 ...我記錯咗. "追趕時間的少女"唔係今晚而在係星期六晚先做.
今晚係由三上博史替 NTV 主演的 "遺產承辦律師 柿崎真一",換言之這才是夏季開鑼第一部(如果你唔計富士電視星期六晚 10點9已播了三集繼"火之粉"後的 "早晨來了").

發表於 Posted on: 2016-07-07 16:36

domon再回歸
帖數 Posts: 20
回頂端 / Top
domon
《雖然是OL,但是剛開始是當女公關》同《早晨來到》勉強都算係夏季日劇嘅,好難去界定,因為兩套劇跨左兩季。聽日有《擁有神之舌的男人》,你會唔會睇?《遺產承辦律師 柿崎真一》tvb買左,但睇怕免費台都唔會播,不過呢套我無咩興趣,唔會專登去睇。

發表於 Posted on: 2016-07-07 18:58

UIE1017
帖數 Posts: 1496
回頂端 / Top
另外《穿越時空的少女》op主題曲有akb48《love trip》,照計nth都幾著重套劇

發表於 Posted on: 2016-07-07 19:00

UIE1017
帖數 Posts: 1496
回頂端 / Top
申已不斷星回覆 UIE 1017

"神之舌" 我百之百一定唔睇,階因這套劇早兩個 星期前已不斷揾向井理與木村文乃上電視做宣傳.當然小不了播出劇中片段,我見到井向理吓吓都申條利出嚟,仲每次都大特寫鬼去影咁核突,唔好搞我.
"遺産承辦辯護士"中我對三博史無乜好感,條女森川亦不吸引,呢個時間又撞著着我追開的隔離台的"與NMB 一起學習",我諗今晚首播會睇但第二集打後都多數唔會咖啦.

發表於 Posted on: 2016-07-07 19:17

domon再回歸
帖數 Posts: 20
回頂端 / Top
domon
咩叫申已不斷星?如果照咁睇,睇怕《擁有神之舌的男人》好難有好收視。你今季打算睇咩劇?又唔睇咩劇?

發表於 Posted on: 2016-07-07 19:23

UIE1017
帖數 Posts: 1496
回頂端 / Top
回 UIE 1017

哦..前晚在NTV 'AKBingo" 節目中,他們唱出了這首 "Love Trip" 我仲以為咁快已經做咗10月首新曲出嚟.

發表於 Posted on: 2016-07-07 19:23

domon再回歸
帖數 Posts: 20
回頂端 / Top