tvb.com

 
 
tvb.com
 

TVB網絡電視(日劇台)

回應:吉成千奈美

《火之粉》大至上OK!結局你都話好平淡,武內背景大至上講咗佢自己故事....只不過無咁細緻描述,一個有精神病邊有邏輯可言啦!

講返《A LIFE:深愛的人》我都有追睇緊係幾好睇,我又幾鍾意睇《女醫神Doctor X》系列,就係鍾意睇只係純粹係醫學上病症同點樣可以醫治,如果世上真係有咁專業醫生同咁超越就好....講返Viu TV 《AKB戀工場》我一集都無睇過唔知,而<守護毛小孩>真係幾好睇,如果鍾意動物就會睇,至於<挑機魔法師>係請坊間既魔術師上表演,然後叫主持有無睇穿佢地既把戲,主持係用一種魔術用語講比挑戰者聽有無睇穿佢地既魔術,如果你鍾意睇魔術就會睇。

行政長官選舉辯論大會係14/3星期二晚上8:30播記得睇,講口才曾俊華係唔得佢自己都咁講,而葉劉點樣嘈佢未一樣投比林鄭,會唔會爆冷就唔知,未到時大把戲睇!

發表於 Posted on: 2017-03-11 0:49

kolley
帖數 Posts: 7646
回頂端 / Top
即將配音之新番片集如下 :
陸劇 : 《三生三世十里桃花》(之前還配左花千骨,唔明TVB點解會買)
美劇 : 《夜班經理》(The Night Manager)
陸劇 : 《哪吒與楊戩》
日劇 : 《求職家族》(就活家族~きっと、うまくいく~)
資料來源:TVB Dubbing Secrets(由配音員專門管理)

發表於 Posted on: 2017-03-12 22:26

煲劇
帖數 Posts: 54
回頂端 / Top
回應:kolley

睇完《火之粉》結局後,就會覺得成套劇好似搵戲來做,結論係武內先生為了做家人就走去殺人,而法官一家人肯同武內有講有笑食最後一餐飯都唔合理,不過這套係深夜劇製作,就無謂以黃金劇檔去評價套劇的邏輯性,可能前五集氣氛好緊張,所以睇到最後有少少失望。

《A LIFE:深愛的人》愈來愈好睇,頭兩集一大堆醫療名詞令觀眾摸不著頭,反而宜家睇到第三集又好返d,劇情終於講返院長同副院長不和,推薦沖田做院長,而沖田同深冬做手術慢慢培養感情,狀大開始嫉妒,仲有護士係唔係鍾意沖田,這套劇劇情幾多元化。《女醫神Doctor X》系列以劇情計真係每況愈下,第四輯中段換編劇已經變單元套路,當然你以知識層面計,套劇手術同病症講解好充足,證明劇組資料搜集做得好,不過咁就唔係劇集,只係一個醫療資訊節目,咁不如睇Viu TV播放的《恐怖醫學》講解仲詳盡。

《AKB戀工場》都係單元戀愛故事,未睇過上Viu TV apps都有得返,事實上我無咩睇Viu TV堆自製節目,d節目好似唔係好吸引,至於<挑機魔法師>一定唔會睇,之前明珠台播拆解大衛高柏非魔術,技巧已經好高超,同<挑機魔法師>個d魔術比已經差一大段距離,所以都唔無妨會好睇。

另外Viu TV係4月變陣,話星期一至五晚會播日劇都唔知係唔係真,講真個句Viu TV愈來愈少日劇播,星期六日朝早已經停播咁濟,星期日凌晨時段播埋今晚又停埋,換言之日劇檔得返星期六晚8:30,咁搞法仲衰過之前未改,新開個英文台播勁多垃圾美劇,都唔妨會有人睇,播來又係俾空氣睇,俾我係Viu高層,寧願係英文台開多幾檔日劇日綜檔。

仲有你昨晚有無睇<營業部長 吉良奈津子>,套劇以廣告界做主題,松嶋菜菜子做返女強人角色,要係事業,家庭打拼,第一集主要介紹離開職場的女性重返職場受到歧視,睇了第一集感覺似職場+家庭劇,都ok,可以追。

行政長官選舉辯論大會就無咩興趣,睇死三個候選人都係互數對方,反而近排南韓部署薩德,大陸罷買韓貨,停飛南韓,而金正恩周圍放飛彈,局勢日日變,仲好睇過特首選舉。

發表於 Posted on: 2017-03-13 3:01

吉成千奈美
帖數 Posts: 1508
回頂端 / Top
回應:吉成千奈美

最近少睇Viu TV節目同日劇,由松嶋菜菜子演<營業部長 吉良奈津子>只係睇咗一集!遲D再返睇,係講歧視女性...而松嶋菜菜子個把女配音好似唔啱佢真係唔慣!

而J2台星期日晚上播《A LIFE:深愛的人》我集集都有睇,其實個個都做得幾好,但另一位淺野忠信演員真係第一次見佢演出,講到呢個角色好似好陰沈感覺又木口木面好似唔好人!

而Viu TV最近好似無心機播日劇,反而港台31仲好睇,係多元化質素又好!

至於行政長官選舉已經塵埃落定,香港市民好無奈都要接受,又睇下一屆林鄭做成點囉!

發表於 Posted on: 2017-04-13 18:00

kolley
帖數 Posts: 7646
回頂端 / Top
回應:kolley

我都有同感,Viu TV自從4月改革後,愈來愈少節目睇,我宜家只係有睇Viu TV星期六晚日劇<營業部長 吉良奈津子>,套劇係日本收視好差,其實睇了五集,套劇又唔係好差,不過套劇講職場女性係婚後遇到問題其實著默唔多,似係一套普通職場劇,再加婚愛情,性質上同去年Viu TV播放日劇<年齡騷擾>,不過這套唔及後者,總之這套係好普通的日劇,不過不失,劇情無驚喜的一套劇。至於配音方面就唔好要求咁多,始終Viu TV都係外判配音。

反而最近J2愈來愈好睇,由上星期六晚7:00開始有VS嵐播,加埋六日晚有固定日劇,仲未計星期六朝早播放Music station,點都多嘢睇過Viu TV,Viu TV上星期日晚8:30先多了個恐怖醫學,其餘時間根本就無嘢睇。

J2星期六晚日劇《無敵律師》劇情好一般,套劇得頭兩集精彩,第三集之後已經唔掂,集集都係靠咲阪用溫情勸服當事人和解,似溫馨劇多過律師劇,反而去年播放的律政劇《0.1無罪真相》仲好睇,起碼套劇有證據支持,好過這套劇情空洞,靠搞笑去支撐劇情。

《A LIFE:深愛的人》劇情其實好飄忽,可能套劇太多支線要講,所以每集單元劇情好弱,唔夠深入,只係好表面去探討問題。不過套劇勝在多線發展,醫療劇計都幾新鮮同吸引,至於演員方面,個個演技都唔錯,話晒大部分都係實力派演員,淺野忠信這位演員拍電影多,近排來了香港舉辦的亞洲電影大獎嬴出影帝,而係套劇演出副院長係個為求目的,不擇手段的人,但他心愛住老婆深冬,所以先留住沖田醫生。

至於Viu TV係星期一至五晚8:30改做日韓劇線,要留意之後有無日劇播,暫時唔細理佢住。港台31就無咩點睇,但J5近排係星期一晚新增日本綜藝愈睇愈健康,每集用科學化講解病症,就唔錯。

另外行政長官選舉林鄭以777票當選,罷明大陸內定選舉,睇怕香港四年無運行。

而J2係復活節假期4月15同16日下午1:00播放日劇<精靈守護者>,至於Viu TV係假期朝早都有重播日劇,無睇過可以翻睇。

發表於 Posted on: 2017-04-13 19:53

吉成千奈美
帖數 Posts: 1508
回頂端 / Top
回應:吉成千奈美

最近試睇Viu TV英文台全部都無中文字幕好離譜唔係個個都識聽,好似NOW播過節目再擺係Viu TV英文台播,講反<營業部長 吉良奈津子>我仲未睇晒,係無咁張力好想睇,劇情內容唔係咁吸引囉..反而<年齡騷擾>好睇好多!

而J2台追緊《A LIFE:深愛的人》就快大結局,終於院長趕走壯大要佢離開醫院,令沖田同深冬都覺得好意外唔知發生乜事....到星期日睇就知道事情係點樣,會繼續追睇,仲有上幾個星期六播<VS嵐>好多時都錯過咗,因為安排時間得唔好,今日又無得睇啦,下星期六先有得睇!<精靈守護者>播晒,而myTV Super已播出<精靈守護者2>應該會好快播<精靈守護者2>,我就覺得幾好睇,唔知你有無睇啦!而家J2台多咗日劇睇又播<VS嵐>節目就少睇咗Viu TV,至於J5真係好少睇!

而家明珠台好多季外語劇集睇又幾啱我睇,而且又有配翻音,只係狙魔人已兩年仲未有得睇,但已睇到第七季,唔知係未唔再購買呢套劇,咁樣真可惜!

侯任行政長官林鄭真係要聽從粱振英旨意,希望唔係,粱振英係好失敗行政長官!

發表於 Posted on: 2017-04-29 18:44

kolley
帖數 Posts: 7646
回頂端 / Top
回應:kolley

Viu TV根本無心開英文台,為了滿足發牌要求,先焗住做,仲點會同你花錢請人配音同整中文字幕,講真Viu TV英文台都係重播HBO堆舊節目,罷明就係借免費台宣傳收費台手法。昨晚睇多一集<營業部長 吉良奈津子>,套劇開始進入高潮,揭穿營業開發部係公司用來做數部門,而這套劇劇情開局慢,所以要有心機睇,<年齡騷擾>每集正視問題都好貼題,劇情較集中,同這套劇支線太多,觀眾睇得亂。

剛剛睇完《A LIFE:深愛的人》大結局,劇情都好大路,狀大被趕出醫院,深冬手術由沖田醫生接手,不過沖田醫生唔係腦外科專項,切唔晒腫瘤,最後勸服狀大,一齊救返深冬,之後交代各人去向就完。整體來講結局有少少失望同唔合理,明明狀大出賣醫院,院長同狀大關係不和,有咩可能將自己個女手術交俾他做,結局係院長將醫院俾狀大經營,就係因為救返個女,至於套劇劇名話深愛的人,套劇完全無交代沖田,深冬同狀大三角戀,所以這套劇只係合格水平。

至於<VS嵐>放係星期六晚7:00播,同J2星期六日晚周不時播賽馬而停播黃金時段,其實時間係早了d,不過勝在唔細停播,況且J2播放<VS嵐>都係2014年舊集數,上兩集嘉賓都唔錯,又多了新遊戲Go Go Sweeper,仍然咁搞笑,就算舊都照追。事實上如果你錯過星期六晚直播時間,可以係星期五下午5:00或凌晨4:30翻睇,就唔到時間最好都係買翻部錄影機錄影。

<精靈守護者>我睇晒,成套劇都好精彩,幾好睇。<精靈守護者2>係日劇台都未有得播,加上<精靈守護者>係J2播放時間都唔好,因此我估<精靈守護者2>都係放星期六朝早播機會大。J2好在有固定日劇時段,唔好似Viu TV咁一年後又無埋,VS嵐長時期放係星期六晚播都唔錯,仲有Music station係星期六朝早/凌晨有播,相對上Viu TV真愈來愈無嘢睇,J5得星期一晚8:30有睇日本綜藝<愈睇愈健康>,其餘時間無睇。

發表於 Posted on: 2017-05-01 2:54

吉成千奈美
帖數 Posts: 1508
回頂端 / Top
明珠台有翻配音都係TVB見Viu TV開了英文台,有競爭先做嘢,不過遲下都好大機會無,因為Viu TV英文台都無配音,TVB見無威脅就會縮皮,而美劇太多季,仲有明珠台劇集時段有限,TVB未必播到咁多,所以有d見收視差就唔買來播,唔知狙魔人係唔係,不過我都唔睇美劇,詳細情況係點就要問TVB。

宜家林鄭上台,推倒TSA,好明顯係同梁振英對著幹,所以之前話她係梁振英2.0又唔多似,反而她一上台後就已經唔同,其實林鄭差極都唔會衰過梁振英,反而可以罷梁振英上台推高民望。

發表於 Posted on: 2017-05-01 2:54

吉成千奈美
帖數 Posts: 1508
回頂端 / Top
回應:kolley

上星期六晚7:00有無睇《VS嵐》,今集嘉賓浪客劍心隊有佐藤健,武井咲,土屋太鳳等,至於嵐Plus one係戰地記者,成日影相好搞笑,幫節目搞下氣氛,仲有同武井咲同齡的神木隆之介成日叫對方做媽媽,叫櫻井翔做老師,因為之前合作拍劇所扮演角色稱呼,原來土屋係運動健將,玩Pinball runner好勁,唔知你有無睇。

J2今個星期六晚開始播放日劇《僱傭妻子》,係去年秋季係日本引起熱潮的「逃避雖可恥但有用」原名,口碑比同季高收視的女醫神Doctor X4高,新垣結衣更憑此劇橫掃多個獎項,所以記住要睇,仲有J2播放《僱傭妻子》係六日晚播放,同《A LIFE:深愛的人》一星期一集係唔同,星期六日晚播出時間分別係10:45同10:35。

另外Viu TV係5月27日晚緊貼日本播放今季日劇《Crisis》,由兩大型男小栗旬同西島秀俊演出,上星期五睇預告好吸引,有好多動作場面,仲請埋小栗旬同西島秀俊幫手宣傳,Viu TV落重本宣傳,照計應該幾好睇,所以宜家J2同Viu TV輪住睇,如果Viu TV係星期日晚開返日劇時段,之後睇完轉睇J2,就真係幾好。

發表於 Posted on: 2017-05-09 18:05

吉成千奈美
帖數 Posts: 1508
回頂端 / Top
回應:吉成千奈美

我有睇星期六下午7:00《VS嵐》,有浪客劍心演員上嚟玩遊戲,唔知TVB會唔會買呢套戲啦...《VS嵐》多咗新遊戲!

而明日星期六日晚上播《僱傭妻子》由新垣結衣主演,至於Viu TV播D日劇唔係套套追睇,就呢套<營業部長 吉良奈津子>無咁張力睇,而你話《Crisis》係5月27星期六播多數會睇,佢哋兩個型男做埋宣傳,我未睇過佢哋預告片,今次Viu TV好捨得應該幾好睇,其實Viu TV勝過TVB,因為TVB要買盒仔先可以全部翻睇,仲唔係Viu TV優勢 過TVB好多啦...

而<精靈守護者2>又會唔會擺係星期日2:00播時間最唔好,如果照你話係星期六朝早播真係好唔掂囉時間好差,而家都要等多幾個月先有得睇!

林鄭就怏上台又話組班,最唔鍾意劏房波做財爺...

發表於 Posted on: 2017-05-13 1:45

kolley
帖數 Posts: 7646
回頂端 / Top
回應:kolley

上星期六播放《VS嵐》嘉賓係電影hot road隊,有日劇《海女》的能年玲奈領軍,能年玲奈表演好緊張,成日俾唔切反應,好天然呆,都幾搞笑,有d似綾瀨遙,鈴木亮平話能年怕生,平時拍戲唔多出聲,問她有咩才藝表演,她竟然答ge ge ge,最近扮平泉成。二宮和也同綠友利惠好似有唔尋常關係,成日避而不談,今集hot road隊係korokoro viking奪取340分,大比數拋離嵐隊,最終勝出。

事實上《VS嵐》多一個新遊戲Go Go Sweeper,而近幾集嘉賓都唔錯,而浪客劍心係2014年已經上了,TVB近年少買日本電影,照計多數唔買,其實《VS嵐》好睇在同嘉賓互動從而製造笑料,遊戲逐年增加一個新,增加新鮮感,所以《VS嵐》係日本長做長有,有佢成功的地方。

J2播《僱傭妻子》已經睇了兩集,幾好睇。星野源今次演草食男演得唔錯,同上次《雙面醫生》好大分別,證明他演技唔錯,演到好萌。而新垣結衣演善解人意家務助理演得好可愛,套劇搞笑又可以點中主題,用契約結婚維持僱主同僱員關係係現代一種新觀念,結婚後男女雙方都受到束縛,透過同居雙方保持一定距離,話唔定令雙方有空間維持良好關係,期待男女主角往後發展。

Viu TV播日劇都係富士製作,近年富士日劇收視慘不忍睹,就知質素係點,不過富士日劇有人氣演員演出易吸客,而TBS日劇又係晒TVB度,所以Viu TV日劇唔及TVB吸引,奈何TVB又播得少。講真<營業部長 吉良奈津子>又唔係太差,當了解下廣告行業睇又無妨,事實上這套劇太多支線,每集主題唔夠集中,俾人感覺好亂。《Crisis》係今季日劇滿足度最高,因此質素唔錯,套劇有好多動作場面,應該值得追。而預告係Viu TV成日賣,想睇得閒轉睇Viu TV就睇到。Viu TV緊貼日本播放《Crisis》應該係要打奇妙搶客,原本Viu TV安排係日本綜藝《瀛知有密》。其實TVB有my TV super,不過要收錢咁解,至於用法同Viu TV一樣可以用手機,電腦睇。Viu優勢係免費,唔細俾錢有得睇日劇。

<精靈守護者2>係日劇台都未播,J2重播又要等下年,想係星期日下午播只有等公眾假期,星期六朝早播未錄影睇,林鄭上台組班都清走晒堆舊人,劏房波唔妨有得留低。

發表於 Posted on: 2017-05-17 12:46

吉成千奈美
帖數 Posts: 1508
回頂端 / Top
回應:吉成千奈美

《VS嵐》嘉賓《海女》其中一個女主角玲奈領軍,真係好奈無見佢演出,玩遊戲佢緊張都好理解佢,佢都好耐無出鏡....玲奈最近多唔多演出啦!

上星期六日晚上J2播新劇《僱傭妻子》我有睇晒兩集,真係幾好睇又搞笑劇情,你講《雙面醫生》我係無睇過,而係J2翻播《雙面醫生》都係無睇晒全部,只睇咗兩三集,而星野源有份演出都唔知又唔覺得佢係度,而《僱傭妻子》演出角色一定分別好大啦!呢套《僱傭妻子》題材好出位同拍攝過去劇集都唔同,而家一定追睇!

最近Viu TV日劇真係無睇過,佢播個D日劇真係唔係幾好睇囉...至於Viu TV5月27日播放《Crisis》唔知好唔好睇,到時真係睇吓,而《瀛知有密》係未綜藝節目要停播,而最近J2播D日劇都幾好睇!至於奇妙電視台幾時開台...

<精靈守護者2>要係my TV super睇完先,又要等幾個月再係J2台先得睇,<精靈守護者>好睇,到時一定會追睇<精靈守護者2>。

講<林鄭上台組班都清走晒堆舊人,劏房波唔妨有得留低。>你講得好啱,梁振英個班人真好差,講開又講周浩鼎自己係律師都可以做事亂咁理連議員都唔應該做啦,至於梁振英真係唔配做特首咁垃圾,真係希望下一屆走返回正軌真係為香港人。

發表於 Posted on: 2017-05-20 0:46

kolley
帖數 Posts: 7646
回頂端 / Top
回應:kolley

《VS嵐》嘉賓《Hot road》隊個集都2014年,能年玲奈自從拍完《Hot road》後再無接過劇集同電影,據傳她同經理人公司不和,能年玲奈同經理人打算約滿後合組公司,之後公司一直唔俾她接拍劇集同電影直至解約,宜家她用新名出道,做廣告代言,而劇集同電影暫時就未有,睇下之後有無新進展。

至於能年玲奈一向都怕生,係片場拍戲都係自己一個坐埋一邊,所以她上《VS嵐》玩遊戲要答問題就完全俾唔到反應,不過她玩遊戲又幾認真,睇她性格都係有個句講個句,唔似TVB藝人咁假成日做戲。

上星期日又停播《VS嵐》,走去播埋d唔關年輕人事的兒童青少年粵劇折子戲大賽,宜家TVB將J2搞到節目安排好混亂。

昨晚同上星期六晚係J2連睇兩集《僱傭妻子》,套劇一樣咁好笑,風見發現實栗唔係平匡老婆,係僱傭關係,提出Share實栗,平匡一直唔敢同實栗講,但風見一早已同實栗講了,實栗一直俾機會平匡搵位入,但他都無膽講,結果搞到實栗主動提出,之後戀愛附加條例令實栗實際上拍唔到拖,實栗主動向平匡表白建立男女朋友關係,而風見請了實栗做家務助理,慢慢建立感情,劇情漸入佳境,實繼續追睇。

星野源係《雙面醫生》演冷漠四宮醫生,對病人好嚴勵,係第二男主角。J2去年9月未播了《雙面醫生》,咩你無睇,套劇算唔錯。今次他演《僱傭妻子》演得好好,演個木獨草食草的感覺唔令人討厭,而《僱傭妻子》拍攝手法唔錯,女主角成日妄想做《情熱大陸》主角。

係Viu TV睇晒《營業部長 吉良奈津子》,套劇結局好大路平淡,成套劇劇情無咩起伏,有無咩主旨,真係套好一般質素,唔睇都罷。如果唔係這排免費台少日劇播,真係未必會睇這套。《Crisis》預告好吸引,係日本播出口碑唔錯,值得一睇。《瀛知有密》係日本綜藝節目,本來安排接檔《營業部長 吉良奈津子》後播,J2播去年係日本收視口碑唔錯的《僱傭妻子》,就一定好睇。《僱傭妻子》橫掃日本電視節多個獎項。奇妙電視台係上兩星期日已經開了台,不過我收唔到無得睇,唔知你收唔收到。

發表於 Posted on: 2017-05-22 23:08

吉成千奈美
帖數 Posts: 1508
回頂端 / Top
<精靈守護者2>係6月日劇台先首播,J2重播最快都12月,更何況<精靈守護者>係J2首播時間都唔好,第二輯時間都唔妨好得去邊。宜家期望翡翠台開返星期日朝早日劇檔,等播放時間好d,唔細要係公眾假期下午播。

宜家香港政治俾班建制派搞死,好似梁振英周浩鼎靠擦大陸鞋上位,做事唔妨掂得去邊,梁振英收取UGL黑金都唔知會唔會步曾蔭權後塵。

發表於 Posted on: 2017-05-22 23:09

吉成千奈美
帖數 Posts: 1508
回頂端 / Top