tvb.com

 
 
tvb.com
 

TVB網絡電視(日劇台)

回應:吉成千奈美

我哋之前談論日劇,係網頁被TVB職員刪除咗連記錄都無晒....唔知Viu TV有無討論區網頁!

講翻正題,我諗住翻睇Viu TV<偵探的偵探>同 <ST 紅與白的搜查檔案>第一集再睇<年齡騷擾>連續三集,但係Viu TV網頁無顯示麗音制只係有原音,暫時唔睇囉等睇有返配音,好在有三個月時限,不過Viu TV唔知到時搞好未啦....至於<年齡騷擾>係星期六仲係咁早睇都係上Viu TV重睇!

而家TVB收費台都改晒節目時間啦....反而將星期六日劇集擺係星期一同星期四播各新一集,而係星期六日重播咁樣就唔洗追睇得咁辛苦,可以隨時睇!

而家TVB真係好大陸化睇唔睇都算罷啦!

發表於 Posted on: 2016-05-05 0:21

kolley
帖數 Posts: 7642
回頂端 / Top
回應:吉成千奈美

我係Viu TV網頁重睇第一集<年齡騷擾>又幾好睇,到星期六早上11:00一定準時睇<年齡騷擾>或上網頁睇翻囉!

而TVB收費台日劇台追緊<逆齡初戀 >真係幾好睇,而<精靈守護者>係日本拍攝4K劇集拍得好認真,畫質好鮮明係一套神話劇集值得睇...但無配音但睇得比較辛苦D囉!

至於<偵探的偵探>同<民王>一定追睇!仲有 <ST 紅與白的搜查檔案>都會睇!

Viu TV台星期六日都有好多日劇,有成四套日劇睇,仲有星期六日本節目<恐怖醫學>我都有睇,你有無睇呀?我覺得幾好睇!

發表於 Posted on: 2016-05-05 21:43

kolley
帖數 Posts: 7642
回頂端 / Top
回應:kolley

TVB討論區係去年開始已經講了將超過一年的帖取消,所以每個新帖只會保留一年,一年後所有討論內容全部無晒,係TVB縮皮唔想再放資源係網頁度,加上TVB討論區又少人討論,留係度旨在宣傳自製節目,而Viu TV又唔見有討論區,其實出面大把討論區,電視台搞討論區實際作用唔大。

而Viu TV網頁播放所有日劇都有配音同原音選擇,只要你click左上角耳機符號按配音就睇到,其實Viu TV流暢度好過myTV,畫質比myTV靚,證明Viu TV有心想做網上班客,事實上Viu TV係星期六日朝早播日劇,係幾難睇到,所以一早叫你買部錄影機錄影,就唔細怕睇唔到。

另外TVB收費台將首播日劇放係平時,明顯針對Viu TV而設,而星期六日重播未可以集中睇Viu TV,TVB大陸化到連J2都搞埋,播少了日劇,連日綜都無埋,如果Viu TV播多d日綜,而J2現時cut剩一檔日劇,一至六都播韓劇,以後星期六唔細再看垃圾J2,可以令我安心轉台睇Viu TV。

發表於 Posted on: 2016-05-05 22:29

吉成千奈美
帖數 Posts: 1441
回頂端 / Top
回應:kolley

其實我都有睇<年齡騷擾>,這套劇有d<霓裳風暴>的影子,劇情幾精彩,每星期實追這套,係時間放得唔好,照計Viu TV放係星期一至五晚,好過播韓劇,因此這套多數錄影翻睇,武井咲做這套好過去年J2暑假播個套。

講真Viu TV遲下播d日劇一定會勁過TVB,<逆齡初戀 >同<精靈守護者>係日本收視都一般,反而今季由嵐成員演出兩套劇<99.9刑事律師,世界上最難戀愛>收視口碑唔錯,即管睇下TVB搶到幾多。

<偵探的偵探>動作場面同緊張度都做得唔錯,<民王>就集集搞笑,<ST 紅與白的搜查檔案>未睇,你睇過又覺得點。事實上Viu TV買手偏日本,所以係節目時間編排上會播較多日本節目,其實除了星期六日播日劇外,係5月23日星期一晚11:45會播福山雅治套<情歌>,宜家係凌晨都有播<惡作劇之吻2>,照形勢睇Viu TV會搶日劇。

另外我有睇<恐怖醫學>,講唔同病症,都算好睇,仲有Viu TV係星期日朝早9:00播<你去日本搞咩鬼>都唔錯,始終Viu TV太少日綜,希望遲下Viu TV加多d就好。

發表於 Posted on: 2016-05-05 23:04

吉成千奈美
帖數 Posts: 1441
回頂端 / Top
《年齡騷擾》睇到後段就知發生瀨野...下季有北川景子主演水十,ntv真係識揀,不過就唔知會唔會好似堀北真希,收視差左。據聞武井咲會主演木九,好似已經連續幾年主演夏季木九。而藤原龍也會主演日十,莫非想為下年《死亡筆記》電影宣傳?

發表於 Posted on: 2016-05-05 23:27

UIE1017
帖數 Posts: 1476
回頂端 / Top
回應:吉成千奈美

哦!原來TVB講咗一年清一次討論區網頁....

Viu TV網頁睇係聽唔到有麗音,我睇手機係睇有用耳機聽到配音,點解睇電腦又要用耳機先聽到配音真唔明...

你話<逆齡初戀 >同<精靈守護者>係日本收視一般,我諗日本拍D劇可能迎合其他國家城市地方睇,起碼香港有兩間電視台爭奪緊日劇啦,連韓劇都炒高咗價錢啦!

我有睇<Go! Japan TV 日本大放送>你有無睇呀?好似係香港人製作,但係唔識個兩位主持人喎....你講9:00播<你去日本搞咩鬼>唔見有嘅!

而係5月23日星期一晚11:45播福山雅治主演<情歌>唔知好唔好睇啦!
<惡作劇之吻2>係邊個主演我都未睇過日劇或韓劇嚟.....

發表於 Posted on: 2016-05-06 22:15

kolley
帖數 Posts: 7642
回頂端 / Top
回應:UIE1017

《年齡騷擾》後段真係咁差,就算差極都唔會好似《霓裳風暴2》咁離譜,下季北川景子主演水十,收視都唔會太差,始終北川景子唔似其他女星有咁多女Fans,武井咲差唔多季季有劇上,但收視又唔好,事務所想捧她又有心無力,藤原龍也主演日十係咩題材,仲有《死亡筆記》電影有新一輯。

另外Viu TV係星期六日晚播日劇收視成績麻麻,《偵探的偵探》竟然零點,而《民王》有兩點,照日本收視計,理應係《偵探的偵探》佔上風,我都看晒兩套劇,都幾好看,《偵探的偵探》其實幾多動作場面,推理成分又唔算高,應該吸引到觀眾至係,或者Viu TV放得太早播,而主流觀眾點會係合家歡時間看這類劇,《民王》其實幾搞笑,吸引到觀眾唔意外。

結論係Viu TV星期六日晚8:30日劇檔只可以選擇輕鬆搞笑的日劇,其實Viu TV最好將《情歌》放翻星期六日晚播,起碼有福山雅治吸到師奶客,《直美與加奈子》同《SPECIALIST》放星期一晚11:45播會好d,始終這類劇根本唔適合放合家歡時段播,題材灰暗點會看,都係播《大人女子》穩陣d,事實上Viu TV同富士合作係無錯,始終富士多愛情同日常小品,播這類劇收視唔會太差。

發表於 Posted on: 2016-05-10 12:29

吉成千奈美
帖數 Posts: 1441
回頂端 / Top
回應:kolley

Viu TV網頁睇只要係左上角click一下聲道按中文已經可以聽配音,至於我未試過係手機睇,所以唔知,其實Viu TV俾觀眾自己選擇語言,可能係怕一d觀眾頂唔順配音,所以對唔識電腦係麻煩d。

其實宜家日劇高收視題材多數係刑警,醫療同推理劇,<逆齡初戀 >同<精靈守護者>唔係日本觀眾鍾意題材,收視未一般,而日本電視台拍劇主要迎合日本市場,而賣劇去海外搵唔到好多錢,尤其係韓劇賣埠價好平,日劇要用韓劇競爭,唔賣得貴,除了香港台灣市場多電視台爭,其餘地位都係收費台播多。

<Go! Japan TV 日本大放送>無睇,以前係亞視播,宜家改由Viu TV接手,係日本語旅遊節目,而<你去日本搞咩鬼>係星期日朝早9:00播,係日本節目,娛樂性比文化節目價值高。

另外福山雅治主演<情歌>係日本收視超低,好唔好睇就唔知,不過套劇有福山雅治自彈自唱,鍾意福山雅治就實會睇,<惡作劇之吻2>係日劇,由古川雄輝同未來穗香主演,係日本收費台日劇,宜家話會翻拍<寵物情人>,唔知Viu TV會唔會買。

發表於 Posted on: 2016-05-10 21:08

吉成千奈美
帖數 Posts: 1441
回頂端 / Top
回應:吉成千奈美

Viu TV網頁左上角而家係無咗顯示麗音標誌,所以未聽唔到配音囉....而家好多人投訴Viu TV話佢哋網頁做得唔好囉!

無錯日本係好鍾意拍刑警醫療同推理劇為主,但係無所謂啦最緊要劇集啱睇!

而家Viu TV同TVB鬥快搶購日劇,而其餘國家地區都無香港購買咁多,比較多人購買韓劇,而且有咁多人追捧睇韓劇...

而福山雅治<情歌>係5月23日星期一晚仲係11:45播都幾啱我時間睇,又可以係網上重溫真方便!
而<惡作劇之吻2>好似唔見Viu TV網頁有喎....你話<你去日本搞咩鬼>有時間都睇又上去網頁睇吓!而<寵物情人>真係未睇過,可能會翻拍咁就要睇吓,而家真係多咗日劇睇!

我而家有追睇緊<思戀哭泣>又幾好睇,唔知會唔會係J2台播!

發表於 Posted on: 2016-05-11 1:53

kolley
帖數 Posts: 7642
回頂端 / Top
吉成千奈美
《年齡騷擾》前半段好好,以描述年齡騷擾為主,其他歧視為副,但去到中段唔知係唔係已經無野好寫,竟然以其他歧視為主,年齡騷擾為副,甚至出現tvb三角戀劇情,到最後個結局一啲都唔似結局。北川景子主演水十應該都係ntv打算食住新婚個勢而搵佢主演,而藤原龍也個套新劇暫時未知係咩題材,等遲下先可能會正式公布,《死亡筆記》2017電影版就搵左東出昌大主演,池松壯亮同菅田將暉合演,藤原龍也同松山研一好似話會客串。同時,ntv土九亦有黑島結菜主演《穿越時空的少女》,仲搵左sexy zone菊池風磨合演,照計故事唔差得去邊,不過有無收視就好難講。另外仲有一個消息唔知真唔真,話tbs已經搵左堺雅人秋季主演《半澤直樹2》,如果富士個時仲有日九,唔知會唔會得番2%呢?不過《半澤直樹2》無論如何都一定無上輯咁勁,照計第一集可能有20%以上,之後可唔可以保持到就好難講。《偵探的偵探》破當時木十平均收視最低紀錄,得8%,但《民王》有7%,如果響黃金檔播,照計應該高多3%,即係會有10%左右,按道理其實《民王》佔上風。而《偵探的偵探》係就係有好多動作場面,但超弱,一路都話北川景子個角色係擅長格鬥,但竟然要用武器先贏到,不過撇除動作場面,其實劇情都尚算可以。《情歌》好似話都有少少壓抑,程度仲勁過《偵探的偵探》,最好其實係播《大人女子》,《我存在的時間》都可以,不過唔知版權過左未?《border》有收視有口碑,播呢套都應該可以吸客。

發表於 Posted on: 2016-05-11 16:08

UIE1017
帖數 Posts: 1476
回頂端 / Top
回應:吉成千奈美

真係有時覺得TVB網絡電視又愛又恨,而家追睇緊《思戀哭泣》同《逆齡初戀》而且又有配音更係好睇啦!但係TVB網絡電視有好多日劇係無配音真係好嬲!而家唔諗反正已經再唔續約,未等吓J2台播有配音日劇未睇囉!

我都係星期六日一定追睇Viu TV果四套日劇又有配音真好,其實日本當地播翻自製作日劇就算低收視都同我無關,最緊要幾啱我睇未OK未得!始終日本人同香港文化都唔同,咁睇劇集都會有差別....

發表於 Posted on: 2016-05-12 18:41

kolley
帖數 Posts: 7642
回頂端 / Top
回應:kolley

其實你係唔係用Internet Explorer睇Viu TV,因為上網d人話用Chrome睇Viu TV係無得選擇語言,即係有可能係Viu TV網頁設計者只係支援Internet Explorer,無預你用其他瀏覽器,先知產生問題。

事實上近年日本拍刑警醫療同推理劇收視都唔見得好,證明日本觀眾已經看厭這類型題材日劇,反而復仇銀行劇係現今日劇主流,海外觀眾未必對這類劇感興趣,始終係反映日本社會社實劇,相對於韓劇賣弄浪漫愛情,易吸引其他觀眾,仲有韓流係亞洲當道,加上賣埠價平,集數長,對其他電視台來講買韓劇較化算。

早幾日奇妙電視話等緊政府批牌,照計都會買日劇播,即係話遲下唔止TVB同Viu TV搶日劇咁簡單,到時可能每間電視台分好少日劇播,因為宜家有間收費台專播NTV日劇,而其他台拍劇時段愈來愈縮,都唔知夠唔夠香港電視台播,其實台灣都大把電視台播日劇,而亞洲(除了大陸)都有大把收費台播日劇,所以日劇點會無海外市場。

另外福山雅治套<情歌>放星期一晚11:45播,唔係太夜咩,不過我估Viu TV想食J5大陸劇時段堆客,始終福山雅治有大班Fans支持,收視唔會太差,如果這套劇有2-3點收視,咁Viu TV可以考慮下係星期一至五晚11:45長期播劇,將星期六日朝早日劇時段搬去其中兩日播,都好過係星期六朝早播,<惡作劇之吻2>係平時朝早/凌晨播,套劇都係愛情劇,未必啱你睇,無時間就可以無視這套,<你去日本搞咩鬼>係Viu TV無重溫,照計已經過晒版權,上星期日個集訪問意大利少女為咩事去日本,原來她們鍾意嵐,去日本為睇演唱會。<寵物情人>類似<惡作劇之吻2>少女漫畫日劇,<思戀哭泣>係日本收視咁差,J2得翻一段日劇,有時間都播高收視有人氣的日劇。

發表於 Posted on: 2016-05-12 23:09

吉成千奈美
帖數 Posts: 1441
回頂端 / Top
回應:kolley

其實TVB網絡電視轉型myTV Super注定係死症,話就話要緊貼日本當地映期播放,配音組有咩可能配晒咁多套日劇,最慘就係播原音劇唔夠綱上快仲要收人月費,宜家Viu TV apps免費播緊貼日劇,如果TVB連TBS日劇都無埋,看怕日劇台可以提早收檔,基本上去電器鋪看myTV Super,都係得大陸劇台有片,可見TVB未來未必可以有咁多日劇播。

至於你望J2重播日劇台堆日劇,就真係有排等,就算有都未必看到,J2將日劇放埋係星期六日朝早或星期一凌晨,得翻星期日晚11:05常規日劇檔,播得幾多套日劇俾你看,TVB根本係有心係免費台播少d日劇迫你參加myTV Super,遲下奇妙電視都有日劇播,Viu TV又係咁搶緊,TVB買完堆日劇放係收費台播同無播有咩分別,不如日本電視台以後唔好再賣劇俾TVB,咁以後未可以免費看。

另外Viu TV播四套日劇,又唔見你寫劇評,覺得邊套最好看,而Viu TV配音有部分係以前TVB配音員,質素唔差,不過問題係好多時一個配音員要配幾個角色,令看緊套劇有d亂,日本拍劇收視低只會cut劇檔,到時只會愈來愈少日劇看,而日劇拍俾日本人看,所以迎合日本人口味,當然以純看劇角度,只要套劇好看,理得當地收視好與差。

發表於 Posted on: 2016-05-14 17:57

吉成千奈美
帖數 Posts: 1441
回頂端 / Top
回應:UIE1017

其實《年齡騷擾》係小說改篇,唔係原創,而日劇好少會大改小說情節,所以套劇後段發展走三角戀劇情會唔會係本身小說問題,事實上年齡騷擾又真係無野好寫,套劇有少少離題都唔算太離譜,都係等我看完先再講。北川景子去年主演富士日劇《偵探的偵探》收視都好差,而今次接拍NTV水十檔似係救她人氣,始終NTV薪酬唔高,勝在收視好可以提升知名度,《死亡筆記》2017電影版搵東出昌大主演同之前杏肯接拍《花咲舞不會沈默2》傳聞一樣,而NTV土九搵無名女新人黑島結菜主演《穿越時空的少女》,題材同演員人氣不足以吸引主流觀眾,不過夏季收視一向差,電視台藉此試新題材同捧新人做法又未嘗不可,其實如果這套故事拍得好,應該幾好看。

照計堺雅人肯係秋季接拍《半澤直樹2》機會唔大,因為堺雅人拍緊NHK大河劇《真田丸》,未必夠時間趕拍《半澤直樹2》,不過如果TBS拍,收視一定過20點,而之後收視維唔維持到要靠口碑,其實《半澤直樹2》都係改篇小說,應該有一定的質素。

另外《偵探的偵探》拍攝手法太似美劇,畫面陰沈,人物互動唔夠,真係唔適合日本觀眾看,難怪破當時木十平均收視最低紀錄,我暫時看了5集,都幾緊張同精彩,不過看這套要有耐性,頭幾集好悶下,而動作場面係日劇計算多,仲有咩好要求,況且日劇唔係拍開動作場面,而故事係幾吸引,算追得落,《民王》劇情輕鬆搞笑,係網上評價都大讚,衰在卡士弱難吸引觀眾,《情歌》就算有少少壓抑都仲有福山雅治同愛情劇,點都易吸引觀眾過偵探題材劇,《大人女子》係日本收視差係劇情老土,不過對於傳統主流觀眾有吸引力,《我存在的時間》係絕症劇,但套劇好耐,既然係咁播《晝顏》仲收視好,至於《Border》又係查案劇,係星期六日晚8:30播都幾難吸引合家歡觀眾。

有時會想如果Viu TV買宜家日本收視最低的《Our house》播,收視話唔定有3點,又或者播去年日本收視最差的《戰鬥書店女孩》衰極都有2點,好過《偵探的偵探》,好明顯Viu TV選擇係星期六日晚8:30播日劇,只有選擇題材輕鬆家庭向劇先易吸客,遲下仲要播《直美與加奈子》同《Specialist》,看怕又零點收視,不過好彩日本觀眾偏向輕鬆劇,起碼都多d劇俾Viu TV選擇。

發表於 Posted on: 2016-05-14 18:55

吉成千奈美
帖數 Posts: 1441
回頂端 / Top
吉成千奈美
《年齡騷擾》原作作者同編劇都係內館牧子,呢樣野真係要問番佢想點。講真,黑島結菜呢個名我好少聽到,加上我覺得呢類題材唔會吸引主流觀眾,反而細路先會睇,好難有好成績,除非好好彩,好似廣瀨玲咁樣,先有好收視,暫時都有潛質成為黑馬。堺雅人就係拍完《真田丸》之後即刻拍《半澤直樹2》,8月尾會正式宣布不過到時八點至十點都有堺雅人,唔知觀眾會唔會厭呢?《情歌》依家打破月九收視紀錄,得番6.8%,話就話係地震,但我覺得之後好難再上番9%,應該會響7-8%徘徊,估唔到福山雅治都有今日,不過觀眾對藤原櫻一致好評,都算係有少少安慰。你之前話睇緊《我存在的時間》,覺得點?《晝顏》對香港觀眾可能有新鮮感,viutv播或者可能有唔錯收視。《specialist》照計應該唔會咁沈重掛?不過有樣野好好奇就係點解tvb唔講買左《別讓我走》同《重版出來!》?想擺到幾時先播?

發表於 Posted on: 2016-05-18 19:48

UIE1017
帖數 Posts: 1476
回頂端 / Top
回應:吉成千奈美

我話追睇 TVB網絡電視(日劇台)《思戀哭泣》同《逆齡初戀》,仲有《金錢天使》都幾好睇又幾好笑....《精靈守護者》雖然無配音有睇,幾有可觀賞所以追睇,而《不婚家族主義》無配音真係唔追睇,有配音的話就會睇起碼會睇,至於<黑服物語>係無睇到,又無配音更加唔睇而且劇情唔多吸引!你講Viu TV我已全部都試旖晒都係無配音,應該Viu TV係個網頁有問題,只有手機帶耳機聽到麗音....

而TVB網絡電視(日劇台)最緊宣傳日劇都有配音,真係要觀眾投訴先會係配音未免遲鈍咗啦.....今次都有幾多日劇播,而劇集主演男女藝人都好熟識!

今星期五播<熟女求結婚>由中谷美紀/藤木直人主演有配音,另一套日劇集有松本潤<0.1無罪真相>又有配音,仲有幾套日劇都有配音都會睇,又唔一早全部配晒音,而家見Viu TV星期六日都播晒日劇又獲觀眾好評,TVB又慢半拍....TVB係未攞嚟搞!

而奇妙電視都唔知幾時開台真係好想睇吓係點樣...唔知買D乜日劇播啦....聽講有線舊年蝕錢喎!

發表於 Posted on: 2016-05-19 11:39

kolley
帖數 Posts: 7642
回頂端 / Top
回應:UIE1017

如果《年齡騷擾》原作作者同編劇都係內館牧子,即係劇情唔會大改得好離譜,而套劇之後出現三角戀情節又可能係本身本小說根本無可能編夠9集,又或者套劇收視差先加入三角戀情節,因為見《年齡騷擾》第四集收視下趺,不過之後收視又回升到,以致離題爛尾。我同你一樣未聽過黑島結菜個名,照計又好似某事務所推新人的試驗劇,而電視台本身預這類劇收視,旨在幫手捧人,細路鍾意睇都唔會令收視提升,始終日本觀眾由師奶主導,而廣瀨玲套劇收視都唔算特別好,但提升到知名度咁解,原來宜家日本藝能界開始改朝換代的階段,即係遲下會出到幾個有實力新人。

講真堺雅人拍《真田丸》都成年,照計之後都會休息一陣先復出,況且《半澤直樹2》要搵翻第一輯班底就期都好難,所以《半澤直樹2》今年都未必拍得成。仲有你都識講《真田丸》同《半澤直樹2》同期播出,間接影響堺雅人太多曝光率,事務所都未必制,《情歌》又咩事收視急趺,而下星期一Viu TV開始播,到時看下套劇係點,其實這套劇根本係藤原櫻係主角,只係用福山雅治吸引觀眾,所以套劇收視差但捧到藤原櫻,算係成功,《我存在的時間》都仲未睇晒,只係要睇Viu TV+J2日劇日綜,加上這排好忙,都係等有時間先睇埋去。

另外《晝顏》話題性高,套劇照計吸引到女性觀眾收看,問題係套劇太舊,看怕都係星期六朝早重播多,《Specialist》係刑事劇,就算題材唔沉重,放係星期六日晚8:30唔似吸引到看開翡翠台觀眾轉台,《別讓我走》同《重版出來!》收視差,TVB未唔播住,又或者TVB同TBS合作協議完了,可以唔買這d低收視劇。

發表於 Posted on: 2016-05-21 21:18

吉成千奈美
帖數 Posts: 1441
回頂端 / Top
回應:kolley

真係估唔到你會追《思戀哭泣》,套劇其實悶仲有沉重,好多日本觀眾頂唔順,《逆齡初戀》講阿婆變少女戀愛故事,要有一定年紀先投入到故事,《金錢天使》係一般深夜劇水準,唔知個故事講咩,《精靈守護者》用4K拍攝,故事夠科幻,NHK打算拍三季,所以之後個故事仲會繼續,《不婚家族主義》同《逆齡初戀》一隸要有一定年紀先鍾意看,<黑服物語>唔係中島健人,佐佐木希同柏木由紀fans可以唔看,個故事麻麻。

原來Viu TV網頁要部電腦行Win10先可以選擇聲道同配音,而我部電腦新買未看到,而我裝了Viu TV apps係手機,可以看到配音。至於TVB網絡電視(日劇台)有配音同接獲不少客戶投訴先恢復,況且要同Viu TV打,無配音真係搵鬼裝myTV Super,唔通播有配音大陸劇會吸到客,係TVB班高層要擦大陸鞋搞到自己生意都無埋。

宜家我都無咩看J2,只看Viu TV堆日劇已經追唔晒,今晚仲要11:45播福山雅治情歌,J2係今晚凌晨12:35播日劇聖女還擊,仲日日宣傳,怕批客慢慢留失去Viu TV,TVB真係後知後覺,遲下奇妙電視開台,如果好似Viu TV咁多日劇播,而J2得翻星期日晚一節日劇播,再係咁真係唔看J2,不過有線收費台播日劇都係播大河劇同刑警相棒系列。

發表於 Posted on: 2016-05-23 19:42

吉成千奈美
帖數 Posts: 1441
回頂端 / Top
回應:吉成千奈美

我初時睇咗小少《思戀哭泣》就覺得好悶節奏又慢,個D演員好似演默劇有時真係兩三分鐘無對話好在有配音....但睇到第三四集又幾好睇,所以未繼續追睇劇情幾有意思,始終都係要自己鍾意先會追睇!

而我追睇《逆齡初戀》我覺得幾得意有(天馬行空)愛情故事,而且有D搞笑劇情,而個位男主角都幾型演技又唔錯,仲有一個男角係及川光博真佢演技幾好演過《半澤直樹》,而演婆婆松坂慶子好似第一次睇佢做戲佢好好戲喎,仲有桐谷美玲係我幾鍾意日本女藝人之一,原來係漫畫小說.....而《金錢天使》都算OK!

至於《精靈守護者》第一季有四集已睇完,仲有下文....唔知幾時播第二季....

而J2台係深夜播《聖女》又播得好急一個星期播晒七集好似趕住咁,唔知你有無興趣睇 ,《聖女》主題曲真係好好聽由 :JUJU主唱

你講嘅myTV Super如果有睇開TVB網絡電視,都未必會買myTV Supe個盒啦!我有睇Viu TV逢星期六日日劇,唔啱時間睇未上Viu TV網頁重溫好方便!

發表於 Posted on: 2016-05-24 12:01

kolley
帖數 Posts: 7642
回頂端 / Top
回應:kolley

《思戀哭泣》係《愛母罪》編劇坂元裕二寫劇本,頂得順《愛母罪》個種少對白,節奏慢就應該可以追,加上這套劇情節老土,對現今年輕人有抽離,難怪係日本收視差,其實個男主角係新人,做戲麻麻,仲要無對白看係好悶,所以這套劇係免費台重播機會唔大。

《逆齡初戀》係少女漫畫改篇,劇情輕鬆,故事差極有限,可以一看,《精靈守護者》第二季要等下年先有得看,昨晚J2凌晨播《聖女》係針對Viu TV播放的日劇情歌,《聖女》卡士弱,又撞正同時播情歌,未錄影《聖女》,等遲下看,仲有Ju Ju首歌幾好聽咩,咁就要看下先,宜家myTV Super推出一個月免費apps,好明顯俾Viu TV apps頂到撼,看怕myTV Super最壞打算轉免費就算。

另外我昨晚有看Viu TV播放福山雅治套《情歌》,套劇節奏慢,好明顯編劇想係第一集營造女主角口吃的痛苦,似《夏日傾情》個種感覺,不過套劇用音樂治療做背景,福山雅治演心理醫生去幫助女主角,而男二又鍾意女主角,題材新鮮,值得追,係日本收視差同日本觀眾頂唔順這種沉重氣氛,女主角藤原櫻唱歌唔錯,幾好聽,就算宜家日本收視差,都會繼續看,唔知你昨晚有無看。

發表於 Posted on: 2016-05-24 22:51

吉成千奈美
帖數 Posts: 1441
回頂端 / Top
回應:吉成千奈美

我追睇完《逆齡初戀》真係幾好睇又完美結局!

至於《思戀哭泣》你話劇情老套係觀眾點諗,事實真係節奏慢唔係人人都頂得順,但有好多年輕演出演技都幾好,劇情都好勵志同錯綜複雜感情線.....而《思戀哭泣》第88屆日劇學院賞,最佳男主角:高良健吾

而Viu TV播《情歌》我仲未睇遲D上網重溫,聽你講似《夏日傾情》有可能未必鍾意睇,都你睇咗先知,而《年齡騷擾》又幾好睇,至於《偵探的偵探》劇情已到中段....繼續追睇!《民王》真係幾搞笑又啱星期日睇夠晒輕鬆!

而家日劇台播緊<熟女求結婚>暫時睇咗一集,講成熟女人仲未結婚,有搞笑劇情!

發表於 Posted on: 2016-05-28 0:36

kolley
帖數 Posts: 7642
回頂端 / Top
回應:kolley

《逆齡初戀》劇情本身係大路,但用阿婆變身少女重新保裝的愛情故事,係劇中玩年齡差製造笑料,看落其實都吸引,問題係擔心桐谷美鈴演技,她做戲又少少誇,演阿婆平時動作會有難度,看完又覺得她演技點。

《思戀哭泣》這類苦情戲唔係宜家觀眾會接受到,始終現時生活壓力大,返去看電視想輕鬆下看輕鬆或緊張劇,而這套劇用年輕演員擔正+灰暗題材,難怪收視差,現時日劇唔再興這類節奏慢同錯綜複雜感情線,這套劇除了係有村架純fans,唔係都可以唔看,不過J2播就會看下,始終對這類劇興趣唔大。

《情歌》暫時看了一集,節奏題材同《思戀哭泣》差唔多,又係沉鬱劇感覺,看落去好悶,所以係日本收視慘死,事實上《情歌》仲衰過《夏日傾情》,為了營造女主角悽慘,劇中無任何歡樂氣氛,相對上《夏日傾情》有孝至搞氣氛同朝日暗戀香澄條伏線,比《情歌》吸引,《情歌》劇情行緊90年代純愛劇風格,故事起伏性發展緩慢,只係當音樂劇看,劇中女主角唱歌幾好聽,好明顯這套劇重點係捧女主角,等你遲d看完再評論,套劇肯加快節奏同輕鬆d係唔差。

《年齡騷擾》已經看了7集,去到第5集劇情去得太快,無鋪排就話女主角同保科課長上床,而第6同7集主要講女主角同女上司明爭暗鬥似TVB後宮爭寵劇情,而職場騷擾戲份已經無咩,無之前集數咁好看,尤其係對女主角性格轉變愈來愈唔鐘意。《偵探的偵探》劇情其實幾緊湊,有動作場面,真係值得追,《民王》無之前集數咁搞笑,但劇情都唔錯,會繼續追,星期日凌晨播的《初森壘球團》集數質素好飄忽,棒球部分愈來愈少,係唔係製作費唔夠。J2播《女醫神Doctor X3》就無咩心機看,一來J2信號太差收唔到,二來劇情模式同上兩季差唔多,況且Viu TV咁多節目要看,所以《女醫神Doctor X3》仲未追到J2進度。《聖女》又未有時間看,等下星期有時間就開始追。

發表於 Posted on: 2016-05-29 14:07

吉成千奈美
帖數 Posts: 1441
回頂端 / Top
回應:吉成千奈美

我睇日劇唔理邊個評論劇集點樣,我要親自睇到套劇情先會評論....

網絡電視(日劇台)而《熟女求結婚》係緊貼日本TBS電視台同步播放,已經睇咗兩集,有D部份劇情都幾搞笑....下星期六播《外父大人》有遠藤憲一演出多數都有搞笑場面,而星期日播《無敵的律師》由竹野內豐/ 松雪泰子又係緊貼日本,呢排TVB真係好捨得購買日劇!算了,到七月中約滿都唔續約!

最近好多時睇Viu TV比較多,而晚上星期一王星期五都係睇明珠台美劇!

發表於 Posted on: 2016-05-29 23:48

kolley
帖數 Posts: 7642
回頂端 / Top
回應:kolley

咁睇劇好主觀,網上劇評純粹係參考,始終每個人口味唔同,正如低收視日劇都可以係套好劇,只不過當地觀眾唔受,所以最後都係要自己睇完先知。《情歌》已經睇到第二集,比起第一集已經無咁悶,尤其係多了福山雅治同藤原櫻互動係好睇了,藤原櫻口吃時表情好得意,而藤原櫻對福山雅治有好感,不過套劇節奏相對其他日劇仍然慢,至第二集先開始講藤原櫻同福山雅治前女友相似,講真這套劇唔差,係男女主角年齡差太大令人反感。

宜家TVB網絡電視日劇台有翻晒配音,見你都追唔少日劇,《熟女求結婚》又唔可以話係完全緊貼TBS日劇,始終宜家日本都播了一半,而緊貼日劇係同日本相差一至兩星期播,《熟女求結婚》係唔係社實愛情劇,遠藤憲一近排成日係本地電視台出現,J2播緊的《女醫神Doctor X3》同Viu TV播緊的《民王》都有他份,而他係《民王》先演搞笑角色,《外父大人》都係輕喜劇,不過係日本收視好差。TVB宜家狂買劇,唔係點宣傳myTV Super,加上唔買等於向Viu TV認輸,至於續唔續約就自己決定,仲有明珠台宜家播美劇都無配音,不如自己上網睇仲快手。

另外昨日政府宣佈發牌俾奇妙電視,換言之香港多間免費台,但要收睇奇妙電視要有有線網絡,仲要大廈同住戶俾錢先睇到,咁就根本唔係免費電視,不如直接用大氣電波未仲簡單,起碼人人睇到。

發表於 Posted on: 2016-06-01 18:04

吉成千奈美
帖數 Posts: 1441
回頂端 / Top
吉成千奈美
依家日本都有唔少新人啦,好似山崎賢人,有村架純,福士蒼汰,土屋太鳳等等,都唔爭在整多個黑島結菜。而《半澤直樹》第一輯班底全部都應承拍第二輯,據聞tbs已經準備響8月尾宣布,但下季黃金檔日劇出曬,除左tbs日九,都唔知tbs搞咩!《情歌》第一次得番6.8%係因為地震,觀眾睇新聞,搞到nhk新聞有成24%,而第二次可以話係無原因,不過依家連東視收視都高過最新個集月九,月九收視排包尾,富士真係唔好再玩野先得。播完《民王》之後係播《民王特別篇》,之後播四集《specialist》sp,估唔到viutv會播,真係好有誠意。如果tvb唔買《別讓我走》同《重版出來!》,都唔知仲有咩好播,所以遲早都應該會播,但唔知幾時播。

發表於 Posted on: 2016-06-02 21:24

UIE1017
帖數 Posts: 1476
回頂端 / Top
  • Copyright 2017 TVB.COM Limited
    A Member of TVB Group