tvb.com

 
 
tvb.com
 

我的自由創作空間

踩親你條尾之杏林傳說(踩親你條尾二號故事)

種類:古裝、奇幻神魔、醫療

話說三國時期東吳赤烏太元年間,在皇帝孫權統治下,嶺南以及江東一帶天下太平,百姓安居樂業。然而在這昇平景象之下,原來暗藏殺機。

話說建業皇城處由重兵把守嘅寶物“燭龍之淚”突然失蹤。原來卻落入妖龍帝君敖軍之手。此時,小狐妖胡媚則遊戲人間,偶遇妖龍帝君座下三妖之中的地妖。雙方鬥法之下,胡媚不敵,正要被對方剿滅之時,地妖被帝君急召回營,性命暫時無憂。但亦因此受了重傷,幸得路過之醫道合一之道士董奉救起。

董奉將之救回自己家中療養。胡媚向其道出受傷經過,董奉感到有問題,於是就找到同一屋簷下之女天師張琪琪卜算,結果算出吳帝孫權即將駕崩。而妖龍帝君即將令到吳國百姓民不聊生。

話說妖龍帝君召回地妖之原因乃因要其部下天地人三妖齊全方可展開三元氣運大法,方可吸收天下氣運推算天機。而帝君推算出其將會敗於一個名叫董奉的人手上。為了對付董奉,四妖全軍出動,雙方展開大戰。

雙方大戰後董奉一方暫敗,張琪琪算出若要對付妖龍,必須集齊十萬功德。於是董奉就開始集功德之計,一邊幫人治癒重病且不收分文,並讓痊癒之人於山中種下杏樹五棵。

多年後,杏樹成林,董奉以杏樹所結之杏仁換取穀物糧食賑濟貧民,終盡集十萬功德,十萬功德轉為無邊法力,終於讓董奉殺滅敖軍。然而臨終前之敖軍亦落下詛咒,董奉身死之年,亦為東吳覆滅之時。

後記:董奉終於公元/西元280年逝世,而同年東吳果然滅亡……(全故事完)

發表於 Posted on: 2018-03-03 1:01

湖海洗我胸襟
帖數 Posts: 5461
回頂端 / Top
方中信──董奉──建安三神醫之一,與藥王張仲景、醫神華佗齊名,杏林始祖。與胡媚有感情線。

李佳芯──胡媚──狐狸精,與董奉有感情線。

陳敏之──張琪琪──三國時期張魯之女,五斗米道女天師。龍虎山張道陵張天師之曾孫女。其法術為偷學而來,自稱五斗米道唯一女天師。張魯死後,逃往東吳。暗戀董奉。

歐瑞偉──敖軍──故事大反派。

發表於 Posted on: 2018-03-03 1:12

湖海洗我胸襟
帖數 Posts: 5461
回頂端 / Top
純粹因為董奉生平記載不多,但為後世稱頌醫家之人。故以之為傳。

發表於 Posted on: 2018-03-03 1:14

湖海洗我胸襟
帖數 Posts: 5461
回頂端 / Top
鬼狐仙話 / 神機妙算

弘治十八年,嚴嵩考中乙未科進士。獲授入翰林院編修,然而嚴嵩通於卜算之術,知道帝將崩,而太子繼位後將會有比較黑暗嘅十年。於是詐病辭官返回江西。

未幾天子弘治皇帝駕崩,太子朱厚照即位,劉瑾因曾為太子伴讀,從而開始其權傾天下的十年。而嚴嵩則亦因其神機妙算而開始進入其十年之間嘅奇幻世界……

發表於 Posted on: 2018-03-26 0:47

湖海洗我胸襟
帖數 Posts: 5461
回頂端 / Top
張致恆 ── 嚴嵩 (男主角)
姚子羚 ── 歐陽素素(女主角),嚴嵩未來妻子

發表於 Posted on: 2018-03-26 1:01

湖海洗我胸襟
帖數 Posts: 5461
回頂端 / Top
新西遊記上(30集)

張致恆 ── 孫悟空 / 大禹。話說帝舜時期,洪水泛濫。大禹負責治水。並與共工展開大戰。將一塊定海神針鐵(日後之如意金箍棒)放入東海以促使洪水不再泛濫。水患平定後,獲帝舜有虞重華禪讓繼位為大禹,大禹在位15年後逝世。之後轉世為孫悟空。

何遠東 ── 豬八戒 / 共工。發動洪水之罪魁禍首。被大禹驅逐後,因上天有意化解其與大禹的恩怨,故讓其轉世為天篷元帥,再經歷千世情劫而成為豬八戒。

黃家樂 ── 沙悟淨 / 相柳。 原為共工手下,被大禹所殺,上天為化解恩怨,而將其轉世為捲簾大將,及後成為沙僧。

何廣沛 ── 金禪子 / 唐三藏。孫悟空、豬八戒、沙僧師傅。

潘志文 ── 須菩提 / 菩提祖師。如來佛祖座下十大弟子之一,金禪子師兄弟,亦道亦佛。孫悟空之授業恩師。

發表於 Posted on: 2018-03-26 1:57

湖海洗我胸襟
帖數 Posts: 5461
回頂端 / Top
陰陽眼 / 孽緣

30集

聰仔父親福伯係個怪老頭,平時唔多同人講嘢。生平有一個仔一個女。仔就係聰仔,女則係嬌女。

聰仔自細就已經寄養於其他人家處,而唔係同父親一個人住,概因佢老竇俾人話係黐線佬,成日對住啲空氣講嘢。

直到聰仔大個咗投考咗警察,佢第一次探佢阿爸,先知道原來背後嘅秘密。福伯其實係一個賣紙紮嘅,而且佢地家族原來一直遺傳有陰陽眼。

亦正因如此,每每福伯同啲老友記傾偈嗰時就被人當做黐線,而亦因為咁,為咗對仔女著想,先將佢地寄居喺人地處。聰仔嘅陰陽眼直到25歲先開啟。

明白事理後嘅聰仔想為父親分擔一啲工作,但福伯並唔想影響個仔。但係敵唔住個仔要盡孝嘅心。

此時作為Top Model嘅嬌女亦都返來。兩人都想分擔。於是二人開始學做紙紮。

由於兩兄妹分開多年,重遇後兩人幫父親學做紙紮,又因為二人分開多年,反而卻因此漸生情愫。

聰仔一面學做紙紮,另一面開始運用自己嘅陰陽眼幫啲已去世嘅人了結心願。

然而當聰仔幫完一個又一個先人完成心願時,卻在每一個事件中發現冥冥中似乎有所關聯。而事件則指向一個反黑組入面呎幾厚嘅過氣黑社會大佬坦克。

而坦克其實係福伯嘅親生大佬,聰仔、嬌女嘅伯爺。佢同福伯、嬌女、聰仔一樣具備陰陽眼,當年坦克一心想著發達而唔想守死一世紙紮舖而離開且入咗黑社會。並最終藉著由靈界得來嘅訊息等火速成為某社團辦事人,回歸後由於警方打擊,黑道盈利空間變細。於是金盤洗手,但卻並非完全不幹。

此時坦克由於光環消退,又打起紙紮舖嘅主意,然而福伯並唔想將間舖頭交俾佢,最後雙方展開打鬥,為咗保護舖頭,嬌女最終為咗保護父親而被自己嘅伯父所殺。而聰仔與佢嘅孽緣亦為父所知。

被捕嘅坦克被判終身監禁,然而佢卻另有主意,佢喺監獄入面穿晒紅衣等自殺企圖化為厲鬼對福伯展開報復。

已成為鬼魂嘅嬌女勸聰仔另尋新歡,但聰仔不願。當聰仔某次行動中抓獲嫌犯,認識咗坦克個女,佢嘅堂姐穎儀,穎儀對呢個堂細佬有所傾慕。同樣兼備陰陽眼嘅佢亦都知道父親不滿自己與堂細佬行埋一齊。

而最終聰仔與已化厲鬼嘅坦克再次一戰。最終坦克被打至煙消雲散……一切回歸太平,然而對於一人一鬼,兩段孽緣,聰仔亦不知如何抉擇,最後佢決定離開警隊,與已為鬼魂嘅妹妹同堂姐一同繼承紙紮舖,亦學父親不去理會世人嘅目光……

發表於 Posted on: 2018-05-21 2:49

湖海洗我胸襟
帖數 Posts: 5461
回頂端 / Top
陰陽眼 / 孽緣改為:陰陽眼之孽緣。

發表於 Posted on: 2018-05-21 2:50

湖海洗我胸襟
帖數 Posts: 5461
回頂端 / Top
演員心水:黃光亮、黃柏文、羅仲謙、黃智雯、李佳芯。

發表於 Posted on: 2018-05-21 10:31

湖海洗我胸襟
帖數 Posts: 5461
回頂端 / Top
該故事靈感衍生自幾年前嘅翡翠自由創作空間之中嘅“太平間”,但類似題材VIU TV已開拍成《身後事務所》。

為免抄襲,改為專注於紙紮舖嘅家族恩怨情仇故事,並且加入奇幻要素,以陰陽眼為其要素重點。整合成多元素劇集。

為個人最為推介於TVB的故事 / 劇本大綱。

發表於 Posted on: 2018-05-21 10:40

湖海洗我胸襟
帖數 Posts: 5461
回頂端 / Top