tvb.com

 
 
tvb.com
 

發現一個好劇本,推薦畀TVB(高層)~~~

今次打0野最重要的,唔係關於「勁歌金曲」,而係想推薦一本漫畫畀TVB,可以拍成一套電視劇,一定有迴響同共鳴過《親親我好媽》,不過前提係TVB要買版權拍成真人版,而唔係「抄考」內容,因為此套漫畫描寫很細膩,人物(性格/角色)立體,如果「抄考」的話,一定拍到不倫不類,欠缺上文下理,整套電視劇的感動感人的地方,會全部消失,所以希望TVB係買版權而唔係「抄考」……呢套就係《聲之形》……我希望TVB的編劇盡快去戲院睇,因為電影版已經上0左一段時間~~~~

我唔知TVB的人,有無留意呢套動畫,但我覺得真人電影越來越唔好睇,動畫電影卻越來越精彩,今次《聲之形》可以上映,多得發行公司新映,佢0地同台灣發行公司都出盡二百分的努力,講到牙血都出埋,先可以有海外發行上映的機會,我估計係因為呢套動畫,當然包括大今良時的原著漫畫,都引起日本社會爭議,其中一點係有人指責漫畫「消費聾啞人士」,日本的發行公司有顧慮,所以咁難放出海外發行權……但呢套《聲之形》真係好感動,人物描寫立體過TVB的戲,而且真實感好強,觀眾一定會有共鳴,好似故事裡面的女班長川井美樹(川井 みき),係一個虛偽(偽善)都爆0既人,我見到有一位男網友話,未試過咁想打女人,川井美樹呢個女班長角色,令佢勁想打她。

發表於 Posted on: 2017-05-01 15:35

Argenteuil
帖數 Posts: 424
回頂端 / Top
我個人覺得龔嘉欣最適合演女主角西宮硝子,女主角本身係一個外表柔弱,但內裡堅強的人,一見到佢(指動畫)我就第一時間想到龔嘉欣,其實龔嘉欣唔算老,但個樣拍到好殘,又演埋D媽媽角色,佢好似無試過演殘疾角色,呢套都可以試0下,畀返一個適合佢年齡的角色。而暗戀男主角的植野直花,應該由簡淑兒演,我唔知點解有人覺得佢好靚、好甜,或者叫佢做「女神」,但我同阿妹第一眼見到佢,就覺得佢的氣質好「MK」,無乜貴氣,佢亦好似無演過一D反派的角色,但佢個樣似係可以演反派,例如同人爭寵0個D奸妃,所以植野直花都幾適合佢演,亦正亦邪,呢個角色都需要一D演技,況且佢同龔嘉欣同年,佢仲大過龔嘉欣。

男主角呢,性格同女主角剛剛相反,外表剛強,但內裡脆弱,討厭無聊,所以經常「搞搞震」,(0個種心境已經好難演),在班上帶頭欺負女主角,男主角呢個人物好難演得好,拿捏要好準確,即俗語講的:「可憐之人,必有可恨之處」,佢要演到令人討厭復可憐,但唔可以令觀眾憎恨佢,否則後面劇情就好難令人感動,呢個角色需要演技,我諗唔到邊個0岩演,因為原著男主角都幾「樣衰」,又樣衰又乞人憎,但又要討觀眾的同情心,難度好高……

發表於 Posted on: 2017-05-01 15:36

Argenteuil
帖數 Posts: 424
回頂端 / Top
同埋編劇要有番咁上下功力,電影版係無講清楚,點解被欺凌者(即女主角)會喜歡上欺凌者(即男主角),0個種心理轉折要寫得好清楚,好細緻,否則無說服力,編劇一定要睇原著漫畫,因為原著寫得好仔細……

香港同台灣改編日本動漫做真人版,其實成績唔錯,有時好過日本自己改編,好似《頭文字D》、《流星花園》(《花樣男子》)咁,我見過TVB好多原著劇(畀人話「抄考」),或者改編自文學小說,但未見過由動漫改編的,希望有新0野睇啦~~~況且TVB好耐無拍過呢類關於傷殘人士的戲……

《聲之形》係關於自殺、校園欺凌、融合教育、親子關係等等,比起《親親我好媽》的內容更廣,涉及的東西更多、更深,係今日香港更有拍出來的必要及意義。《聲之形》係日本上映的時候,剛剛遇到《你的名字。》,風頭被《你的名字。》蓋過,所以被香港人忽略,但在日本話題性絕不比《你的名字。》少。

發表於 Posted on: 2017-05-01 15:37

Argenteuil
帖數 Posts: 424
回頂端 / Top
我抄0左Wiki內容:

標題由來

日文原名為《聲の形》。作者之所以使用「聲」,而非日語漢字常用的「声」,是因為「聲」這個字是由「声」,「手」(甲骨文及金文中的「又」字是用了右手的形態)和「耳」組合而成。作者想而此帶出「能為人傳達感情的並不只是聲音」這個訊息。

關於《聲之形》的影評,可以Google「聲之形 影評」,好多都寫得好好,好有意思和感動,其中一篇寫於2016年9月25日的「【電影「聲之形」】「君の名は」的勁敵?認真你就輸了」幾值得TVB編劇睇,因為有指出電影版《聲之形》的問題,值得參考。

還有係「星期日明報」副刊(2017年4月2日),一篇題為:「振聵達人邵日贊﹕習慣被孤立 無聲的人不吶喊」,TVB之前都拍過類似的劇,但唔知點解我睇完都無感覺,亦無共鳴,大概因為劇本唔夠生活化、細節唔夠,而且好多都係編劇自己設想,無0個種實實在在的感覺,我睇到篇文其中一句標題:「當聲音變成霸權」,感覺有D激動,睇完篇專題報導好感動,有好多我0地覺得平常0既0野,對弱聽0既人係一個問題,而有聽障問題0既人,對文字理解係有困難,即係有字幕畀佢0地,佢0地都未必睇得明,我到今日先知會係咁,好多人好似我咁,以為寫字就OK,但其實唔係咁……我覺得篇0野真係值得TVB編劇睇0下……

發表於 Posted on: 2017-05-01 15:39

Argenteuil
帖數 Posts: 424
回頂端 / Top
另外,TVB有無諗過借此做一D關於傷殘人士的節目,有無諗過同「龍耳」一類的機構合作,製作一D貼地的節目,之前關於呢類題材的節目,TVB都做得好例牌、好差,唔係幫健全人士理解傷殘人士的問題,生活的困難,多數以煽動同情心(好似慈善籌款節目0個種方式、思維)為主,好少平平實實咁發聲……又或者似做新聞部節目0個種方式,都唔係咁理想的方法……TVB係綜藝節目,真係要用0下腦,畀多D心思,同新思維……

發表於 Posted on: 2017-05-01 15:48

Argenteuil
帖數 Posts: 424
回頂端 / Top
最後係有用的網頁:

《聲之形》Wiki:
https://zh.wikipedia.org/wiki/%E8%81%B2%E4%B9%8B%E5%BD%A2

《聲之形》電影版官網:
http://koenokatachi-movie.com/

新映影片FB:
https://zh-hk.facebook.com/neofilmshk/

龍耳:
http://www.silence.org.hk/

龍耳FB:
https://zh-hk.facebook.com/silence.deaf/

《聲之形》電影主題曲aiko主唱「恋をしたのは」:
https://www.youtube.com/watch?v=OR8C0DkXOjs

發表於 Posted on: 2017-05-01 15:51

Argenteuil
帖數 Posts: 424
回頂端 / Top