tvb.com

 
 
tvb.com
 

【再創世紀】大陸收視差卻獲香港網民讚 咩原因令到兩地有差異?

雖然由郭晉安、林文龍、楊怡等主演的商戰劇《再創世紀》在大陸收視一般,但香港觀眾的反應就截然不同,除了大讚劇集節奏明快,畫面質感好同有追看性之外,更有網民留言:「估唔到好睇過《創世紀》,內地觀眾唔識貨」。究竟係咪真係大陸觀眾唔識貨呢?

其實《再創世紀》故事一開始就以2008年美國次貸危機、雷曼銀行破產為背景,講述股市動蕩很快就要蔓延到香港,為避免香港金融體系崩盤,幾大巨頭面臨嚴峻的挑戰。內容會講到脫歐,收購,對冲,科研創新,董事局,投票權等金融話題,比起《廷禧攻略》這類人人都接受到的灰姑娘故事,這類比較有深度的劇集唔止大陸觀眾未必有興趣睇,香港的「師奶」亦未必鍾意睇。但無綫落足本實景拍富豪生活,碓實值得一讚。

另外,劇中大部分演員仍未完全打入大陸市場,即叫座力不高。雖然郭晉安與楊怡貴為視帝視後,但二人多年來都以拍無綫劇為主,參與大陸劇集的演出少之有少。相反,佘詩曼多年來獲封為「TVB一姐」及擁有「港劇女王」的稱號,先後拍攝7部中國大陸劇集並參與多個大陸真人秀,更有不少網民直認因為阿佘,才收看《延禧攻略》,可見其相當有叫座力。

最後,口味不同。按劇集播放量的首三名,分別是《如懿傳》、《香蜜沉沉燼如霜》和《延禧攻略》,明顯以古裝題材劇集的確在大陸市場比較吃香,不少大陸的一線演員亦是拍古裝劇出身而走紅。

https://www.hk01.com/%E5%8D%B3%E6%99%82%E5%A8%9B%E6%A8%82/234156/%E5%86%8D%E5%89%B5%E4%B8%96%E7%B4%80-%E5%A4%A7%E9%99%B8%E6%94%B6%E8%A6%96%E5%B7%AE%E5%8D%BB%E7%8D%B2%E9%A6%99%E6%B8%AF%E7%B6%B2%E6%B0%91%E8%AE%9A-%E5%92%A9%E5%8E%9F%E5%9B%A0%E4%BB%A4%E5%88%B0%E5%85%A9%E5%9C%B0%E6%9C%89%E5%B7%AE%E7%95%B0

發表於 Posted on: 2018-09-11 20:12

湖海洗我胸襟
帖數 Posts: 5559
回頂端 / Top
香港收視從論壇回應是無法看出真實收看人數反應?! A01報導也不能蓋括?!

但海外下載網站的下載人數﹐我今日留心過﹐(好多年無去留意這個數據喇)﹐ 原來《再創世紀》是新低噢! 經過二十四小時候也祇有三千幾!!! 愛回家之開心速遞一樣咁低﹐反而《特技人》下載人數高一倍﹐記得六年前我時常有留意﹐大蓋八小時後起碼有一萬多下載人數每一部都係噢 !!! OK。

發表於 Posted on: 2018-09-12 11:22

JessicaTvb
帖數 Posts: 550
回頂端 / Top
有評價話愛回家最近有倒退,而且愛回家始終處境劇,有今時今日咁嘅成績已經好好。其實話說回來,當年TVB其實處境劇好多時候甚至威水過正劇。

1995年時候嘅《真情》,2000年時候嘅《男親女愛》,2007年嘅《同事三分親》。《再創世紀》畢竟完整版才剛開始。

《再創世紀》愛奇藝、央視播嘅都係刪減版。TVB係播完整版。完整版36集,刪減版34集。完整版才剛剛開始。《特技人》都已經做完了。所以下載量說明唔到咩問題。

TVB首週收視要在下下週先出。所以重點睇呢個。

發表於 Posted on: 2018-09-12 21:51

湖海洗我胸襟
帖數 Posts: 5559
回頂端 / Top
不過就目前睇嘅兩集觀感來看。幾好睇啊,不過亦都可能因為我本身都叫做金融專業,所以先會比其他觀眾更睇得入,睇得明。

內地好多係因為開頭幾集好多金融、商戰術語,啲人睇唔明,加上刪減版,央視又係配音版,有多少尷尬。所以咪好多人睇唔明,所以內地收視率先低嘅啫。

宜家豆瓣都有多少香港觀眾嘅。

發表於 Posted on: 2018-09-12 22:23

湖海洗我胸襟
帖數 Posts: 5559
回頂端 / Top
香港嘅情況反而會好好多,畢竟香港700萬人之中,約有90萬人從事金融業,即占總人口嘅13%左右係金融從業者,加上香港自己又係金融中心,所以金融方面嘅知識係常識級,所以對香港觀眾來講相對容易明白好多。

再加上TVB播映嘅係完整版,有好多係愛奇藝嘅刪減版冇嘅,所以情況先會有所區別啫。

第三個最小因素係,愛奇藝版粵語係VIP版,免費嘅係國語版,會影響觀感。所以兩地會有此差異好正常。

發表於 Posted on: 2018-09-15 23:18

湖海洗我胸襟
帖數 Posts: 5559
回頂端 / Top